Yangiliklar

O‘zbekiston prezidenti Shavkat Mirziyoyev Bakuda Qatar davlati amiri Shayx Tamim bin Hamad Ol Soniy bilan uchrashdi. Muloqotda ikki davlat o‘rtasidagi strategik sheriklikni rivojlantirish, investitsiyalarni kengaytirish va xalqaro masalalar muhokama qilindi. Bu haqda O‘zbekiston prezidenti matbuot xizmati xabar berdi.

Qatar bilan investitsiyaviy hamkorlik kengaymoqda

Uchrashuvda O‘zbekiston va Qatar o‘rtasidagi ko‘p qirrali hamkorlik izchil rivojlanayotgani mamnuniyat bilan qayd etildi. So‘nggi yillarda oliy darajadagi muloqotlar ikki tomonlama aloqalarni yangi bosqichga olib chiqqani ta’kidlandi.

Ayni paytda Qatar kompaniyalari bilan energetika, kimyo sanoati, oziq-ovqat xavfsizligi, transport va qurilish sohalarida hamkorlik olib borilmoqda. Joriy yil boshidan buyon O‘zbekistonda...

Toshkent shahrining Chilonzor va Yangihayot tumanlariga yangi hokimlar tayinlandi. Bundan avval poytaxt hokimligi matbuot xizmati Yashnobod tumaniga yangi hokim lavozimiga Abdulaziz Abdulxakov tasdiqlangani haqida xabar bergan edi.

Yangihayot tumaniga Lazizbek Temirov hokim bo‘ldi

Lazizbek Temirov Yangihayot tumani hokimi lavozimiga tasdiqlandi. U 1989-yilda Farg‘ona viloyatining Farg‘ona tumanida tug‘ilgan. 2012-yilda Toshkent davlat iqtisodiyot universitetini, 2021-yilda esa ushbu oliygoh magistraturasini tamomlagan.

Temirov mehnat faoliyati davomida iqtisodiyot va davlat boshqaruvi tizimida ishlagan. 2024-yildan buyon Yashnobod tumani hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari – tuman iqtisodiyot va moliya bo‘limi boshlig‘i lavozimida faoliyat yuritgan.

Yashnobod hokimi ham yangilandi

Inogamov Hayot...

Turkiyada O‘zbekiston va boshqa turkiy davlatlardan kelgan futbolchilarni legioner emas, mahalliy futbolchi maqomida o‘ynatish taklif qilindi. Tashabbus amalga oshsa, «Istanbul Bashakshehir» safida to‘p surayotgan Eldor Shomurodov va Abbosbek Fayzullayev uchun ham ahamiyatli bo‘lishi mumkin. Bu haqda TRT Haber xabar berdi.

Turkiyadagi Adolat va taraqqiyot partiyasi (AK Parti) raisi o‘rinbosari Kurshad Zorlu turkiy davlatlardan kelgan futbolchilarga yangi maqom berish bo‘yicha ish boshlanganini aytdi. Uning so‘zlariga ko‘ra, bu masala Turkiya futbol federatsiyasi rahbari bilan ham muhokama qilingan.

Hozircha taklif rasman tasdiqlanmagan. Yangi tartib qachon kuchga kirishi va qaysi davlatlar futbolchilariga tatbiq etilishi ham ma’lum emas.

«Turk kubogi» tashkil etilishi mumkin

Gvatemalada vafot etgan deb hisoblangan 15 yoshli qiz o‘z dafn marosimida tobut ichida harakatlana boshladi va kutilmaganda o‘rnidan turdi. Qizning onasi uni kuzatayotganida sezilgan harakatdan so‘ng tobut ochilgan. Voqea yig‘ilganlarni hayratga solgan. Bu haqda The New York Times xabar berdi.

Qizni shifokor ko‘rmasdan vafot etgan deb hisoblashgan

Yuleydi Ixchotoyak ismli qiz tongda otasi Abraham Ixchotoyak bilan tibbiyot markaziga ketayotganda hushidan ketgan. Otasi uning nafas olayotgani va tomir urishini sezmaganini aytib, qizini vafot etgan deb hisoblagan.

Biroq qizning o‘limi shifokor tomonidan tasdiqlanmagan va rasmiy o‘lim haqidagi guvohnoma ham berilmagan. Shunga qaramay, oilasi tobut sotib olib, dafn...

O‘zbekiston prezidenti Shavkat Mirziyoyev Bokuda Osiyoda hamkorlik va ishonch choralari bo‘yicha kengashning yettinchi sammitida ishtirok etdi. Yig‘ilishda xalqaro vaziyat, mintaqaviy xavfsizlik va hamkorlikni kengaytirish masalalari muhokama qilindi.

Davlat rahbari nutqida Osiyodagi qurolli nizolar mintaqa xavfsizligi, global iqtisodiyot va millionlab insonlar hayotiga salbiy ta’sir ko‘rsatayotganini ta’kidladi.

Nizolarni faqat tinch yo‘l bilan hal qilish kerak

Shavkat Mirziyoyev barcha kelishmovchiliklar siyosiy-diplomatik vositalar orqali, xalqaro huquq va tomonlar manfaatlarini hisobga olgan holda hal qilinishi zarurligini qayd etdi.

Uning fikricha, OHIChK davlatlar o‘rtasida barqaror va oldindan prognoz qilinadigan munosabatlarni shakllantirishda muhim o‘rin tutadi.

Osiyoda yaxlit ishonch infratuzilmasi taklif qilindi

Prezident...

O‘zbekistonda daxlsizlik va immunitet huquqiga ega shaxslarga nisbatan ish yuritishning o‘ziga xos tartibi belgilandi. Bu haqda Adliya vazirligi xabar berdi.

Hujjat bilan daxlsizlik va immunitetga ega shaxslar doirasi, ularni jinoiy yoki ma’muriy javobgarlikka tortish tartibi hamda ushbu huquqlar buzilgan taqdirda javobgarlik belgilandi.

Kimlar daxlsizlik huquqiga ega bo‘ladi

Qonunga ko‘ra, Oliy Majlis Qonunchilik palatasi deputatlari va Senat a’zolari, Ombudsman, Bolalar ombudsmani, sudyalar, prokurorlar, tergovchilar va surishtiruvchilar, advokatlar, Markaziy saylov komissiyasi a’zolari hamda prezidentlikka nomzodlar daxlsizlik huquqiga ega shaxslar qatoriga kiritildi.

Prezident Administratsiyasining boshqaruv xodimlari esa ishdan bo‘shatilganidan keyin besh yil davomida Administratsiyadagi xizmat vazifalarini bajarish bilan bog‘liq bo‘lmagan...

Rossiyalik reper Navai Bakirov Qozog‘istonda giyohvandlik moddalari bilan bog‘liq ish bo‘yicha ikki oyga hibsga olindi. Jambil viloyati Qorday tuman sudi reperni joriy yil 14-dekabrgacha, ya’ni ikki oyga hibsda saqlash haqida qaror chiqarganini ma’lum qildi.

NAVAI Qozog‘iston chegarasida ushlangan

Joriy yil 13-oktabr kuni NAVAI «Qorday» chegara punktida Qozog‘istonga kirayotganida politsiya va Milliy xavfsizlik qo‘mitasi Chegara xizmati xodimlari tomonidan ushlangan. Jambil viloyati Politsiya departamenti ma’lumotiga ko‘ra, reper kelgan avtomobil tekshirilganda giyohvandlik moddasi topilib, musodara qilingan. Holat yuzasidan giyohvand moddalar kontrabandasiga urinish bo‘yicha jinoyat ishi qo‘zg‘atilgan.

Keyinchalik Qozog‘iston OAV tergov giyohvandlik moddalarini noqonuniy saqlash holatini ham qamrab olayotganini xabar qildi...

Prezident Administratsiyasi rahbari Saida Mirziyoyeva Turkiyaning Baykar kompaniyasi majmuasiga tashrif buyurdi. Bu haqda u o‘z Telegram kanalida ma’lum qildi.

Tashrif davomida kompaniyaning yuqori texnologiyalar, jumladan, mudofaa sanoati sohasidagi ilg‘or loyihalari bilan tanishilgan.

Texnologik hamkorlik imkoniyatlari muhokama qilindi

Saida Mirziyoyevaning ta’kidlashicha, Baykar erishgan natijalar ortida ko‘p yillik ilmiy izlanishlar, muhandislar mehnati va milliy texnologiyalarni rivojlantirishga yo‘naltirilgan investitsiyalar turibdi.

U Turkiyaning bu boradagi tajribasi O‘zbekiston uchun ham muhim amaliy ahamiyatga ega ekanini qayd etdi.

«Mutaxassislarimiz o‘rtasida tajriba almashish hamda texnologik loyihalarni birgalikda amalga oshirish uchun imkoniyatlar borligini ko‘rmoqdaman», – deb yozdi u.

Avvalroq Istanbuldagi...

Majburiy ijro byurosi Toshkentda qarzdor korxonaga tegishli BMW X6 avtomobilini xatladi. Qiymati 1,55 mlrd so‘mga baholangan avtomobil bank foydasiga 342,7 mln so‘mlik kredit qarzini undirish doirasida xatlangan. Bu haqda MIB matbuot xizmati Kursiv Uzbekistan‘ga xabar berdi.

Avtomobil qarzdorlik sabab xatlandi

Majburiy ijro byurosining Toshkent shahar boshqarmasi xodimlari qarzdor korxonadan bank foydasiga 342 mln 713 ming so‘m kredit qarzdorligini undirish bo‘yicha ijro harakatlarini olib bordi.

Ijro jarayonida qarzdorlikni korxonaga tegishli BMW X6 avtomobili hisobidan undirish choralari ko‘rildi. Avtomobil xatlanib, uning qiymati 1 mlrd 550 mln so‘m etib belgilandi.

BMW X6 auksionga chiqarilishi mumkin

Agar qarzdor korxona kredit qarzini...

AvtoVAZ modernizatsiya qilingan Lada Niva Bronto ishlab chiqarishni boshladi. Model klassik Niva’ning yo‘ltanlamas xususiyatlari kuchaytirilgan versiyasi bo‘lib, texnik va xavfsizlik jihatidan bir qator yangilanishlarni oldi.

Yangi 1,8 litrli dvigatel o‘rnatildi

Yangilangan Niva Bronto avvalgi 1,7 litrli agregat o‘rniga 1,8 litrli, 90 ot kuchiga ega dvigatel bilan jihozlandi.

Shuningdek, transmissiya va tormoz tizimi qayta ishlangan. Kuzov panellarining bir qismi ruxlangan, jihozlar ro‘yxatiga esa haydovchi xavfsizlik yostiqchasi qo‘shilgan.

Yo‘ltanlamas xususiyatlari saqlab qolindi

Tashqi ko‘rinishda yangilangan Niva Bronto’ni original radiator panjarasi orqali ajratish mumkin.

Model 235/75 R15 o‘lchamdagi shinalar, kuchaytirilgan old osma va orqa ko‘prik bilan jihozlanadi. Asosiy uzatma nisbati ham...

O‘zbekistonlik grossmeyster Nodirbek Abdusattorov fransiyalik futbol yulduzi Kilian Mbappe bilan xarakterida o‘xshashlik borligini aytdi. Uning ta’kidlashicha, terma jamoa safida o‘zini boshqacha namoyon qiladi. Bu haqda shaxmatchi «Lolazor» podkastiga bergan intervyusida ma’lum qildi.

«Terma jamoa safida o‘zgacha ochilaman»

Podkast boshlovchilari Abdusattorovdan o‘zini futbolda qaysi futbolchiga qiyoslashini so‘radi. Grossmeyster Mbappe nomini aytib, u bilan o‘rtasidagi o‘xshashlikni jamoaviy o‘yin va terma jamoa safidagi natijalar bilan izohladi.

«Menimcha, xarakterimizda o‘xshashlik bor. Men ham jamoa uchun yaxshi o‘ynayman, terma jamoa safida esa o‘zgacha ochilaman», – dedi Abdusattorov.

U Chennay, Budapesht va Samarqandda o‘tkazilgan uchta shaxmat Olimpiadasida qatnashib, atigi...

O‘zbekistonning Istanbuldagi Bosh konsulxonasi Istanbul, Yalova va Kojaeli viloyatlarida yashayotgan yoki vaqtincha bo‘lib turgan fuqarolarni ob-havo sharoitining yomonlashishi sabab ehtiyot bo‘lishga chaqirdi. Kuchli yomg‘ir va shamol suv toshqinlari hamda yo‘llarda harakatlanish bilan bog‘liq muammolarni keltirib chiqarishi mumkin.

Bosh konsulxona zarurat bo‘lmasa uzoq masofalarga safar qilmaslikni tavsiya etdi. Shuningdek, kuchli yog‘ingarchilik paytida suv to‘planishi mumkin bo‘lgan pastqam hududlar, yerosti yo‘llari va tunnellardan uzoqroq bo‘lish so‘ralgan.

Haydovchilarga ham ogohlantirish berildi

Avtomobil boshqarayotgan fuqarolarga tezlikni kamaytirish va xavfsiz masofani saqlash tavsiya etildi.

Bundan tashqari, dengiz sohillari, daraxtlar, elektr uzatish tarmoqlari va mustahkam o‘rnatilmagan konstruksiyalar yaqinida ehtiyotkorlikni oshirish kerakligi qayd etildi.

Prezident Administratsiyasi rahbari Saida Mirziyoyeva Istanbulda Najmiddin Bilol Erdog‘an bilan birgalikda Ibn Xaldun universiteti va «Yenidog‘u» maktabiga tashrif buyurdi. Tomonlar ta’lim muassasalari o‘rtasidagi hamkorlikni kengaytirish, tajriba almashish va yoshlar hamda pedagoglar uchun yangi imkoniyatlar yaratishga kelishib oldi.

Saida Mirziyoyeva tashrif davomida universitet va maktabdagi o‘qitish usullari, yoshlarning iqtidorini rivojlantirish va mustaqil fikrlash ko‘nikmalarini shakllantirishga qaratilgan yondashuvlar bilan tanishganini ma’lum qildi.

«Ushbu muassasalarning o‘qitish uslublari, yondashuvlari menda katta qiziqish uyg‘otdi», – deb yozdi Saida Mirziyoyeva.

Uning qayd etishicha, bu ta’lim maskanlarida ta’lim sifati va yoshlarning salohiyatini ro‘yobga chiqarishga alohida e’tibor qaratilgan.

Hamkorlikni kengaytirishga kelishildi

Chevrolet Cobalt Markaziy Osiyoda eng ko‘p uchraydigan avtomobillardan biri. Gas Bas YouTube kanali Qirg‘izistondagi modelni shahar va trassada sinab ko‘rish bilan cheklanmay, uning zavoddagi yig‘ilish jarayonidan tortib, avtosportdagi imkoniyatlari va rasmiy diler narxlarigacha o‘rgandi.

Video muallifi Cobalt’ni, avvalo, kundalik foydalanishga mo‘ljallangan sodda avtomobil sifatida ta’riflaydi: u dizayn yoki hashamat bilan ajralib turishga emas, odam va yuk tashish, ishga borish hamda daromad qilish kabi amaliy vazifalarga yo‘naltirilgan.

1,5 litrli motor va 155 mm klirens

Videoda namoyish etilgan Cobalt 1,5 litrli atmosferali to‘rt silindrli, 16 klapanli dvigatel bilan jihozlangan. Motor 106 ot kuchi ishlab chiqaradi. Avtomobil old g‘ildirakdan tortadi...

FIDE Bosh assambleyasi klassik shaxmatda vaqt nazoratini qisqartirish bo‘yicha Islandiya shaxmat federatsiyasi taklifini qo‘llab-quvvatladi. Biroq yangi qoidalar hali kuchga kirgani yo‘q – ularni FIDE Kengashi tasdiqlashi kerak.

Qanday formatlar taklif qilinmoqda

Taklifga ko‘ra, klassik partiyalarda 60+30 formati, ya’ni har bir o‘yinchiga 60 daqiqa va har yurish uchun 30 soniya qo‘shib boriladigan vaqt nazorati – maxsus ruxsatsiz qo‘llanishi mumkin.

Shuningdek, ayrim turnirlarda 45+30 formatidan foydalanish imkoniyati ham ko‘rib chiqilmoqda. Bu FIDE Circuit doirasidagi ayrim musobaqalarga ham taalluqli bo‘lishi mumkin.

Kuniga uchta tur o‘tkazish ham taklif qilindi

Islandiya shaxmat federatsiyasi bir kunda uchta tur o‘tkazishga ruxsat berishni ham taklif...

Toshkent shahar Yashnobod tumani hokimi lavozimiga Abdulaziz Abdulxakov tasdiqlandi. Bu haqda Toshkent shahar hokimligi ma’lum qildi.

Abdulxakov qurilish sohasida ishlagan

Abdulaziz Abdulxakov 1980-yilda Toshkent shahrida tug‘ilgan. 2006-yilda Toshkent davlat texnika universitetini tamomlagan. U mehnat faoliyati davomida qurilish, arxitektura va kommunal xo‘jalik sohalarida turli mas’ul lavozimlarda ishlagan. 2025-yildan «UET Construction» MChJning ijtimoiy obyektlarni qurish departamenti direktori lavozimida faoliyat yuritgan.

Undan avval Baxtiyor Rahmonqulov 2020-yil 26-avgustdan buyon Yashnobod tumani hokimi vazifasida ishlab kelayotgan edi. 

Avvalroq «Kursiv» Toshkent viloyatining Bo‘ka tumaniga yangi hokim tasdiqlangani haqida yozgan edi.

MG’ning premium yo‘nalishidagi MG IM Motors brendi yirik LS9 SUV modelini yangilashga tayyorlanmoqda. Kamuflyajlangan prototip Shanxayda yo‘l sinovlari vaqtida ko‘rindi, deb yozmoqda CarNewsChina.

Yangilangan avtomobil tashqi ko‘rinishda keskin o‘zgarish olmagan, biroq sensorlar to‘plami va eshik tutqichlari qayta ishlangan.

Yarim yashirin eshik tutqichlari o‘rnatiladi

Hozirgi IM LS9’da to‘liq ichkariga kirib ketadigan eshik tutqichlari ishlatiladi. Yangilangan versiyada esa ular yarim yashirin konstruksiyaga almashtirilishi kutilmoqda.

Bu o‘zgarish Xitoyda 2027-yildan kuchga kiradigan yangi eshik tutqichlari xavfsizlik talablariga moslashish bilan bog‘liq.

Old qanotga qo‘shimcha sensorlar joylashtirilgan

Sinov avtomobilining old qanotida yirik sensor bloki ko‘ringan. U uchta kamera va bitta LiDAR sensorini o‘z...

O‘zbekiston milliy terma jamoasi noyabr oyida Rossiyaga qarshi o‘rtoqlik uchrashuvi o‘tkazishi mumkin. O‘zbekiston futbol assotsiatsiyasi vitse-prezidenti Odil Ahmedovning aytishicha, buning uchun Saudiya Arabistoni bilan rejalashtirilgan o‘yin bo‘yicha kelishuvga erishilmasligi va barcha tafsilotlar bosh murabbiy Fabio Kannavaro bilan muhokama qilinishi kerak. Bu haqda Sport24 nashri xabar berdi.

Rossiya bilan muzokaralar davom etmoqda

Odil Ahmedov O‘zbekiston futbol assotsiatsiyasi Rossiya futbol ittifoqi bilan aloqada ekanini va tomonlar noyabr oyida o‘rtoqlik uchrashuvi o‘tkazish bo‘yicha kelishuvga yaqinligini bildirdi.

«Biz Rossiya futbol ittifoqi bilan aloqadamiz va noyabr oyida O‘zbekiston hamda Rossiya terma jamoalari o‘rtasida o‘rtoqlik uchrashuvi o‘tkazish bo‘yicha kelishuvga yaqinmiz...

Oppo Reno 17 smartfoni rasmiy taqdimotdan oldin jonli suratda ko‘rindi. Smart Pikachu ma’lumotiga ko‘ra, kompaniya Reno 17 seriyasi doirasida katta va ixcham ekranli bir nechta modelni tayyorlamoqda.

Dastlabki ma’lumotlarga ko‘ra, yangi liniya Xitoyda 2026-yil noyabrida, Find X10 flagmanlari taqdimotidan bir necha hafta o‘tib namoyish etilishi mumkin.

Asosiy kamera 200 MP bo‘lishi mumkin

Reno 17’ning asosiy xususiyatlaridan biri 200 MP kamera bo‘lishi kutilmoqda.

Shuningdek, smartfonda jonli suratlar yaratish va tasvirlarni tahrirlash uchun yangi funksiyalar paydo bo‘lishi mumkin.

Alohida SI tugmasi kutilmoqda

Manbaga ko‘ra, Oppo Reno 17 sun’iy intellekt imkoniyatlariga tezkor kirish uchun alohida jismoniy tugma bilan jihozlanishi mumkin.

O‘zbekistonda energiya tariflarini isloh qilish va aholining ehtiyojmand qatlamlarini qo‘llab-quvvatlash bo‘yicha yangi takliflar muhokama qilindi. Bu haqda Energetika vazirligi xabar bermoqda.

Takliflar orasida isitish va issiq suv tariflarini 30 foizga oshirish, gazlashmagan hududlarda elektr energiyasi uchun imtiyozli iste’mol me’yorini kengaytirish hamda oilalarga moddiy yordam ajratish bor. Hozircha mazkur o‘zgarishlar taklif sifatida ilgari surilgan.

Isitish va issiq suv 30 foizga qimmatlashishi mumkin

Aholi uchun isitish va issiq suv tariflarini 2026-yil 1-noyabrdan respublika bo‘yicha 30 foizga oshirish taklif qilinmoqda.

Hisob-kitoblarga ko‘ra, tariflar oshirilganidan keyin ham xizmatlarning tannarxi bilan aholi to‘laydigan narx o‘rtasidagi farq qariyb to‘rt baravar bo‘lib qoladi.

O‘zbekistonlik rejissyor Rashid Malikovning «Paxta» nomli filmi Moskvada o‘tkazilgan «X xalqaro Yevrosiyo ko‘prigi» kinofestivalida eng yaxshi badiiy film deb topildi.

Joriy yilning 5 – 9-oktabr kunlari bo‘lib o‘tgan festivalda 14 mamlakatdan kinoijodkorlar qatnashdi. Malikovning filmi hayotdagi qiyinchiliklarni yengib, yashash uchun yangi ma’no izlayotgan ayol taqdiri haqida hikoya qiladi.

Kartinaning jahon premyerasi 2025-yil noyabrida Qohira xalqaro kinofestivalida bo‘lib o‘tgan. 2026-yil iyulida esa Sochidagi «Yevraziya Kinofest» festivalida Eng yaxshi ssenariy mukofotini olgan.

Rashid Malikov kim

Rashid Malikov – o‘zbek rejissyori, ssenariynavis va aktyor. U tomoshabinlarga, ayniqsa, «Chinor ostidagi duel» filmidagi Nortoy roli bilan tanilgan. Malikovning aktyorlik faoliyati ham aynan shu...

Amerikalik grossmeyster Hikaru Nakamura 2026-yilgi jahon chempionligi uchun bahsda amaldagi chempion Gukesh Dommaraju o‘zbekistonlik Javohir Sindarovni yengishi mumkinligini aytdi. Uning fikricha, buning uchun Gukesh avvalgi formasini tiklashi va psixologik bosimdan xoli o‘ynashi kerak.

Nakamura Gukeshning imkoniyatlarini yuqori baholadi

Nakamuraning aytishicha, Gukesh hozir katta bosim ostida emas, chunki ko‘pchilik Sindarovni favorit sifatida ko‘rmoqda.

«Menimcha, Gukesh bosimni his qilmayapti. Hamma uning yutqazishini kutmoqda, Sindarov esa juda kuchli o‘ynamoqda. Agar Gukesh avvalgi formasini qaytara olsa, u g‘alaba qozonadi», – dedi Nakamura.

Shuningdek, u Gukesh uchun psixologik tayyorgarlik muhim bo‘lishini ta’kidladi.

«Agar u...

Istanbulda kuchli yomg‘ir va suv toshqinlari oqibatida 2 kishi halok bo‘ldi. Sarıyer tumanida 200 dan ortiq odamlar suv bosgan hududlardan evakuatsiya qilindi, shahar bo‘ylab esa favqulodda xizmatlarga 2,5 mingdan ortiq murojaatlar kelib tushdi. Bu haqda NTV nashri xabar berdi.

14 yoshli bola elektr toki urishidan vafot etdi

Fatih tumanidagi Chukurbostan bog‘ida 14 yoshli bola suv to‘plangan joyga qadam bosganida elektr toki urgan.

U hushsiz holatda shifoxonaga yetkazilgan, biroq shifokorlar uning hayotini saqlab qola olmagan. Holat yuzasidan tergov boshlangan.

Sarıyer tumanining Ayazağa mahallasida esa 34 yoshli fuqaro sel suvini kesib o‘tishga uringanida yiqilib, boshini yo‘l chetiga urgan. U ham...

Honor Win 2 smartfoni 21-oktabr kuni Xitoyda bo‘lib o‘tadigan taqdimot oldidan Geekbench 6 ma’lumotlar bazasida paydo bo‘ldi. Qurilma BRM-AN00 model raqami bilan qayd etilgan va Snapdragon 8 Elite Extreme Gen 6 protsessorida ishlaydi.

Benchmark natijalariga ko‘ra, smartfon bir yadroli sinovda 4 141 ball, ko‘p yadroli testda esa 11 514 ball to‘plagan. OpenCL grafik testida qurilma 34 695 ball qayd etgan.

Smartfon 16 GB tezkor xotira oladi

Geekbench ma’lumotlarida Honor Win 2 Android 17 operatsion tizimida ishlayotgani ko‘rsatilgan.

Qurilmada 14,82 GB foydalanish mumkin bo‘lgan tezkor xotira qayd etilgan. Bu smartfon 16 GB RAM bilan jihozlanishini anglatadi.

Protsessor QTI SM...