Tijorat banklari tomonidan 22-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.
Avvalroq Kursiv Uzbekistan 22-iyun uchun valyutalar kursi e’lon qilingani haqida yozgan edi.
Samsung kompaniyasining bo‘lajak Samsung Galaxy S27 Pro smartfoni yangi o‘lchamdagi displey va apparat darajasidagi maxfiylik himoyasi bilan jihozlanishi mumkin. Ma’lumotlarga ko‘ra, kompaniya ushbu modelda 6,47 dyuymli yangi ekrandan foydalanishni rejalashtirmoqda.
Bu Galaxy S27 Pro‘ni Galaxy S27 Ultra’dan ancha ixchamroq modelga aylantiradi. Avvalgi ma’lumotlarga ko‘ra, Galaxy S27 Ultra kattaroq korpus va sig‘imi 5200 – 5500 mA/soat oralig‘ida bo‘lishi kutilayotgan akkumulyator bilan taqdim etilishi mumkin. Galaxy S27 Pro esa 5000 mA/soat sig‘imli batareya olishi aytilmoqda.
Kichikroq ekran kundalik foydalanishda kamroq energiya sarflashi mumkin. Shu sababli Galaxy S27 Pro ayrim holatlarda avtonom ishlash bo‘yicha Galaxy S27 Ultra bilan tenglashishi yoki hatto, undan...
Misr terma jamoasi JCh – 2026 guruh bosqichida Yangi Zelandiyani 3:1 hisobida mag‘lub etib, jahon chempionatlari tarixidagi ilk g‘alabasiga erishdi. Vankuverdagi BC Place stadionida bo‘lib o‘tgan uchrashuvda misrliklar hisobda ortda qolganiga qaramay, ikkinchi bo‘limda o‘yinni o‘z foydasiga burib yubordi.
Yangi Zelandiya uchrashuvni ancha faol boshladi. Sarprit Singx va Elayja Jast dastlabki daqiqalardanoq Misr darvozasi oldida xavfli vaziyatlar yaratdi. 15-daqiqada esa Finn Surman burchak zarbasidan so‘ng kuchli bosh bilan zarba berib, Yangi Zelandiyani hisobda oldinga olib chiqdi.
Birinchi bo‘lim davomida Misr ham javob qaytarishga urindi. Muhammad Saloh va Imom Ashur tanaffusgacha gol urishga yaqin keldi, biroq Yangi Zelandiya darvozaboni Maks...
AQSh va Eron muzokarachilari Shveysariyada yadro kelishuvi bo‘yicha yangi jarayonni boshlash maqsadida uzoq davom etgan uchrashuvlar o‘tkazdi. Axios xabariga ko‘ra, tomonlar yakshanba oqshomigacha davom etgan muzokaralarda 60 kunlik diplomatik tashabbusni yo‘lga qo‘yish masalasini muhokama qilgan.
Muzokaralar Shveysariyadagi Lyutsern ko‘li yaqinida o‘tkazilgan sammit doirasida bo‘lib o‘tdi. AQSh delegatsiyasiga vitse-prezident Jey Di Vens boshchilik qilgan. Unda Oq uy vakillari Stiv Uitkoff va Jared Kushner ham qatnashgan. Uchrashuvlarda Eron, shuningdek, vositachi sifatida Qatar va Pokiston vakillari ishtirok etgan.
Muzokaralar ikki tomon o‘rtasida jiddiy kelishmovchiliklar saqlanib qolayotganiga qaramay davom etgani ta’kidlanmoqda. Bu esa Vashington va Tehron diplomatik muloqotni uzmaganini va kelgusida nafaqat yadro...
Samsung kompaniyasi Galaxy M seriyasidagi yangi Samsung Galaxy M47 smartfonini Hindistonda taqdim etishini tasdiqladi. Bu haqda Sammobile nashri xabar bermoqda.
Avvalroq Samsung Galaxy M47 ustida ishlayotgani haqida ma’lumotlar paydo bo‘lgan edi. Keyinroq ushbu model Hindistonda chiqarilishi mumkinligi aytilgan. Endi kompaniyaning rasmiy tizeri bu xabarlarni tasdiqladi.
Samsung hozircha Galaxy M47’ning aniq taqdimot sanasi, texnik xususiyatlari va narxini oshkor qilmagan. Biroq e’lon qilingan tizer suratida smartfonning tashqi ko‘rinishi qisman namoyish etilgan.
Tasvirga ko‘ra, Galaxy M47 qizil rangda ko‘rinish bergan. Bu rang modelning sotuvga chiqadigan variantlaridan biri bo‘lishi mumkin. Smartfon orqa panelida uchta kamera joylashgan bo‘lib, ular Samsung‘ning so‘nggi modellariga o‘xshash alohida...
Samarqand viloyatining Urgut tumanida $27,4 minglik giyohvandlik vositasi savdosiga chek qo‘yildi. Bu haqda Davlat xavfsizlik xizmati (DXX) xabar bermoqda.
DXX hamda ichki ishlar organlari xodimlari hamkorligida o‘tkazilgan tezkor tadbir davomida uch nafar fuqaro ashyoviy dalillar bilan qo‘lga olindi.
Ma’lum qilinishicha, Urgut tumanida yashovchi 1990, 1998 va 2008-yillarda tug‘ilgan mahalliy fuqarolar 2 kg 80 gramm gashish moddasini shartli xaridorga $27,4 mingga sotayotgan vaqtida ushlangan.
Qayd etilishicha, qo‘lga olingan shaxslardan biri avval ham giyohvandlik vositalari savdosi bilan bog‘liq jinoyat uchun sudlangan. Hozirda holat yuzasidan jinoyat ishi qo‘zg‘atilgan. Gumonlanuvchilarga nisbatan tergov harakatlari olib borilmoqda.
Avvalroq «Kursiv» Andijonda qariyb 2,5 kg gashish musodara...
O‘zbekiston milliy terma jamoasi bosh murabbiyi Fabio Kannavaro murabbiy sifatida jahon chempionatida ishtirok etish futbolchi bo‘lishdan butunlay farq qilishini aytdi. Uning fikricha, futbolchi turnirdan ko‘proq zavq olishi mumkin, murabbiy esa har bir detal, har bir qaror va har bir vaziyat uchun mas’uliyatni his qiladi.
Kannavaroning ta’kidlashicha, murabbiy sifatida juda ko‘p narsaga e’tibor qaratish, ko‘plab jarayonlarni nazorat qilish va o‘yinga har tomonlama tayyorgarlik ko‘rish kerak bo‘ladi. Albatta, bunday musobaqada hayajon va baxt hissi bor, biroq yakunda butun e’tibor jamoaga qaratiladi. Shu sababli murabbiy atrofdagi ko‘p narsalarni sezmay qolishi ham mumkin.
Kannavaro Kolumbiyaga qarshi uchrashuvdan...
2027-yilgi Chevrolet Bolt elektromobili batareya quvvati deyarli tugagan holatda qanday harakatlanishi amaliy sinovda tekshirildi. Bu haqda GMAutority nashri xabar berdi.
Yangi Chevrolet Bolt avvalgi avlodga nisbatan bir qator muhim o‘zgarishlarga ega. Model yangilangan elektr yuritma tizimi, tezroq quvvatlanish imkoniyati, NACS standartidagi zaryadlash porti va litiy-temir-fosfat, ya’ni LFP turidagi yangi batareya bilan jihozlangan.
Aynan LFP batareya bu sinovni qiziqarli qiladi. Bunday akkumulyatorlar an’anaviy nikel asosidagi batareyalarga nisbatan tekisroq kuchlanish egri chizig‘iga ega. Shu sababli avtomobil tizimi batareyaning, ayniqsa, eng past yoki eng yuqori quvvat darajasida qancha energiya qolganini aniq hisoblashda qiynalishi mumkin.
Sinov muallifining aytishicha, avtomobil harakat boshlanishidan oldin ham...
2026-yilgi Jahon chempionatining «H» guruhi 2-turida Urugvay terma jamoasi kutilmaganda Kabo-Verde bilan 2:2 hisobida jangovar durang qayd etdi. Ushbu natijadan so‘ng guruhda pley-offning ikkinchi yo‘llanmasi uchun kurash o‘ta keskin tus oldi.
O‘yin keskin kurashlar ostida boshlandi va bu hakamning qat’iy qarorlarida ham o‘z aksini topdi. Uchrashuvning 21-daqiqasida Kabo-Verde yarim himoyachisi Kevin Pina hisobni ochib, kutilmagan ssenariyga zamin yaratdi.
Bunga javoban urugvayliklar tanaffusga qadar nafaqat muvozanatni tiklashga, balki oldinga chiqib olishga ham muvaffaq bo‘lishdi. 44-daqiqada Maksimiliano Arauxo hisobni tenglashtirgan bo‘lsa, birinchi bo‘limga qo‘shib berilgan 45+6-daqiqada uning uzatmasidan so‘ng Agustin Kanobbio jamoasini oldinga olib chiqdi – 2:1.
Ikkinchi bo‘limda ham asabiy...
Jahon chempionati guruh bosqichining 2-turi doirasida Belgiya va Eron terma jamoalari o‘rtasida o‘yin bo‘lib o‘tdi. Bahsda hech bir jamoa gol ura olmadi va 0:0 hisobi qayd etildi.
Uchrashuv ehtiyotkorlik bilan boshlandi, belgiyaliklar faolroq bo‘lishga urinishdi, lekin Eron himoyasi ishonchli harakat qildi. Dastlabki daqiqalardanoq o‘yin qizg‘in tus oldi. 3-daqiqada Belgiyaning asosiy hujumchisi Romelu Lukaku sariq kartochka oldi. Eronliklar ham qoidabuzarliklarga yo‘l qo‘yishdi, 33-daqiqada Said Ezzatollaxi ogohlantirildi.
O‘yinning 66-daqiqasida muhim voqea sodir bo‘ldi. Belgiya himoyachisi Natan Ngoy qizil kartochka olib, maydonni tark etdi. Shundan so‘ng Belgiya asosan himoyalanishga o‘tdi. Eron ustunlikdan foydalanib hujumga zo‘r berdi, biroq gol urolmadi.
Ma’lumot o‘rnida, «G...
Jahon chempionati guruh bosqichining 2-tur doirasida Ispaniya va Saudiya Arabistoni terma jamoalari o‘zaro kuch sinashdi. Uchrashuv kutilganidek yevropaliklarning to‘liq ustunligi ostida o‘tdi va 4:0 hisobidagi yirik g‘alaba bilan yakunlandi.
O‘yinning borishi, asosan, «qizil furiya» nazoratida bo‘ldi. Dastlabki daqiqalardanoq hujumga tashlangan ispanlar 10-daqiqadayoq hisobni ochishdi. Mikel Oyarzabalning ajoyib uzatmasidan so‘ng yosh iqtidor egasi Lamin Yamal darvozani ishg‘ol qildi.
Shundan so‘ng, Mikel Oyarzabalning o‘zi ketma-ket ikkita gol kiritib, uchrashuv taqdirini amalda hal qildi. Dastlab u 21-daqiqada Aymerik Lyaport uzatgan to‘pni golga aylantirgan bo‘lsa, oradan atigi uch daqiqa o‘tib Dani Olmo hamkorligida dublni rasmiylashtirdi.
Ikkinchi bo‘lim ham ispanlarning ustunligi ostida davom etdi...
O‘zbekistonning mundialdagi ilk o‘yini, AQSh va Eron kelishuvi — hafta davomida e’lon qilingan yangiliklar Kursiv Uzbekistan dayjestida.
O‘zbekiston Respublikasi Prezidenti Shavkat Mirziyoyev Xitoy Xalq Respublikasi Raisi Si Szinpinga tavallud kuni munosabati bilan tabrik yo‘lladi.
Tabrik maktubida Si Szinpin Xitoy Xalq Respublikasi va Xitoy Kommunistik partiyasining ulug‘ siyosiy namoyandasi sifatida mamlakat xalqini yangi marralar sari boshlab borayotgani ta’kidlandi. Davlat rahbari Xitoy yetakchisining Vatan va xalqqa bo‘lgan cheksiz mehr-muhabbati, ulkan mas’uliyat hissi hamda uzoqni ko‘ra olishga asoslangan strategik tafakkurini alohida qayd etdi.
Turkiyaning Hatay viloyatida O‘zbekiston tomonidan qurilgan turarjoy majmuasi...
JCh – 2026 guruh bosqichi doirasidagi O‘zbekiston – Portugaliya uchrashuvini Jalol Jayid boshchiligidagi marokashlik hakamlar boshqaradi. Unga qanotlarda hamyurtlari Zakariya Brinsi va Mustafo Akarkad yordam beradi.
Shuningdek, o‘yinda Janubiy Afrika Respublikasi vakillari zaxira hakamlari sifatida ishlaydi. O‘zbekiston – Portugaliya uchrashuvi 23-iyun kuni AQShning Xyuston shahridagi arenada bo‘lib o‘tadi. O‘yin Toshkent vaqti bilan soat 22:00 da boshlanadi.
Avvalroq O‘zbekiston terma jamoasining jahon chempionatidagi debyut uchrashuvi start turining eng ko‘p tomoshabin yig‘gan o‘yinlari qatoridan joy olgani xabar qilingandi.
O‘zbekistonning Kolumbiyaga qarshi Meksiko shahridagi stadionda o‘tgan uchrashuvini 80,8 ming tomoshabin kuzatgan. Bu ko‘rsatkich mundialning Meksika va JAR o‘rtasidagi ochilish o‘yini bilan...
OnePlus kompaniyasi taqdimot arafasida yangi OnePlus N6 smartfoni haqida navbatdagi tafsilotlarni oshkor qildi. Bu haqda Amazon India ma’lum qildi.
Kompaniya ma’lumotlariga ko‘ra, smartfonni atigi 5 daqiqa quvvatlash deyarli ikki soat davomida YouTube tomosha qilish uchun yetadi.
OnePlus N6’ning asosiy jihatlaridan biri 8000 mA/soat sig‘imli akkumulyatori bo‘ladi. Ishlab chiqaruvchi bunday batareya odatiy foydalanishda smartfonni uch kungacha quvvatlashsiz ishlatish imkonini berishini ta’kidlamoqda.
Shuningdek, OnePlus akkumulyator yetti yil davomida sig‘imini sezilarli darajada yo‘qotmasligini va’da qilmoqda. Bundan tashqari, smartfon dastlabki darajadagi silliq ishlashini 60 oy, ya’ni besh yil davomida saqlab qolishi aytilgan.
OnePlus N6 rasmiy taqdimoti 30-iyun kuni bo‘lib o‘tadi. Avvalroq qurilma MediaTek...
Bishkek shahrida O‘zbekiston, Qozog‘iston va Qirg‘iziston vakillari ishtirokida suv-energetika resurslaridan samarali foydalanish masalalariga bag‘ishlangan navbatdagi ishchi uchrashuv bo‘lib o‘tdi. Bu haqda Energetika vazirligi xabar bermoqda.
Uchrashuvda Qirg‘iziston va Qozog‘iston energetika hamda suv xo‘jaligi vazirlari, O‘zbekiston suv xo‘jaligi vaziri, shuningdek, O‘zbekiston Energetika vazirligi huzuridagi «Milliy dispetcherlik markazi» DUK direktori Muzaffar Boboyev qatnashdi.
Muzokaralar davomida tomonlar mintaqada suv-energetika sohasidagi hamkorlikning bugungi holatini muhokama qildi. Shuningdek, yozgi mavsumda suv va energetika resurslaridan samarali foydalanish hamda mamlakatlarda barqaror energiya ta’minotini saqlash masalalari ko‘rib chiqildi.
Qayd etilishicha, aholi sonining o‘sishi, iqtisodiyot tarmoqlarining jadal rivojlanishi va energiya resurslariga talabning ortib borishi sharoitida mintaqaviy hamkorlik suv...
O‘zbekistonlik grossmeyster Nodirbek Abdusattorov blits bo‘yicha jahon reytingida uchinchi o‘ringa ko‘tarildi. So‘nggi turnirlardagi muvaffaqiyatli natijalari evaziga u reytingda birdaniga ikki pog‘onaga yuqoriladi.
Hozirda blits yo‘nalishida birinchi o‘rinni norvegiyalik Magnus Karlsen egallab turibdi. Uning hisobida 2877,4 ochko bor. Ikkinchi pog‘onada amerikalik Hikaru Nakamura joylashgan – u 2838 ochko jamg‘argan.
Abdusattorov esa 2802,5 ochko bilan uchinchi o‘ringa chiqdi. Shu tariqa u blits bo‘yicha dunyoning eng kuchli uch shaxmatchisi qatoridan joy oldi.
Avvalroq joriy yil fevral oyida Abdusattorov Germaniyada o‘tkazilgan FIDE fristayl shaxmat bo‘yicha jahon chempionatida bronza medalini qo‘lga kiritgan edi. U 2027-yilgi jahon chempionatiga yo‘llanma olgan.
Eslatib o‘tamiz, Kursiv Uzbekistan nashri...
AQSh Eron bilan kelishuv amalga oshmasa, Hormuz bo‘g‘ozidan o‘tish uchun yig‘im joriy qilishi mumkin. Bu haqda AQSh prezidenti Donald Tramp Truth Social ijtimoiy tarmog‘ida ma’lum qildi.
Trampning aytishicha, bunday to‘lov Vashington tomonidan Yaqin Sharq mamlakatlariga ko‘rsatilayotgan xizmatlar uchun o‘ziga xos kompensatsiya bo‘ladi. U AQShni mintaqa davlatlarining «qo‘riqchi farishtasi» deb atagan.
Shu bilan birga, Oq uy rahbari Eron bilan sulh amal qiladigan 60 kun davomida hech qanday to‘lov undirilmasligini ta’kidladi. Uning so‘zlariga ko‘ra, agar Tehron bilan erishilgan kelishuvlar buzilmasa, bu tartib keyin ham saqlanib qolishi mumkin.
Avvalroq AQSh prezidenti farmoniga muvofiq, Vashington Hormuz bo‘g‘ozidagi blokadani bekor qilgani xabar qilingandi. Bu...
Chevrolet kompaniyasining yangi Chevrolet Equinox 2027 avtomobili bir qator yangilanishlar bilan taqdim etilmoqda. Bu haqda GMAutority nashri xabar bermoqda.
Ulardan eng muhimlaridan biri old g‘ildirakdan tortuvchi versiyalarda ilgari qo‘llangan CVT variatorining bekor qilinishi bo‘ldi. AQSh Atrof-muhitni muhofaza qilish agentligi yangi Equinox’ning yonilg‘i sarfi bo‘yicha rasmiy ko‘rsatkichlarini e’lon qildi. Ma’lumotlarga ko‘ra, 2027-yilgi Chevrolet Equinox FWD shaharda 25 mpg, trassada 29 mpg, aralash siklda esa 27 mpg natija ko‘rsatadi.
2026-yilgi Equinox FWD bilan solishtirganda, shahardagi yonilg‘i tejamkorligi 1 mpgga kamaygan. Avvalgi modelda bu ko‘rsatkich 26 mpg edi. Trassa va aralash sikldagi natijalar esa o‘zgarishsiz qolgan – mos ravishda 29 va...
Xitoyda yangi Range Rover Evoque L krossoverining narxi sezilarli darajada pasaydi. Bu haqda CarNewsChina nashri xabar bermoqda.
Mahalliy diler ma’lumotlariga ko‘ra, avtomobilni endi 200 ming yuanga xarid qilish mumkin. Bu taxminan $29,5 mingga teng.
Narxlarning bunday keskin pasayishi Chery Jaguar Land Rover qo‘shma korxonasining strategiyasi o‘zgarayotgani bilan izohlanmoqda. Kompaniya Xitoyda Freelander loyihasiga e’tibor qaratyapti. Avvalroq Sujou shahridagi zavod 2026-yil oxirigacha hozirgi modellar ishlab chiqarishini to‘xtatishi haqida xabar berilgan edi. Ular orasida Evoque L ham bor.
Chery va Jaguar Land Rover Xitoyda qo‘shma korxonani 2012-yilda tashkil etgan. 2014-yilda esa Szyansu provinsiyasining Sujou shahrida ishlab chiqarish zavodi ishga tushirilgan. Biroq so‘nggi...
AQSh Eronga avval muzlatilgan aktivlarining bir qismidan foydalanish imkonini berishi mumkin. Buning evaziga Vashington Tehrondan BMT inspektorlarini yadro obyektlariga kiritishni kutmoqda, deb yozdi Axios manbalarga tayanib.
Ma’lumotlarga ko‘ra, AQSh ma’muriyati muzokaralarning birinchi raundi yakunida Eron BMT inspektorlarini o‘z yadro obyektlariga taklif etishiga umid qilmoqda. Gap AQSh va Isroil tomonidan zarba berilgan obyektlar haqida ketmoqda.
Axios manbalariga ko‘ra, bunga javoban Qo‘shma Shtatlar Eronga muzlatilgan mablag‘larining bir qismidan foydalanishga ruxsat berishga tayyor. Dastlab Qatardagi 6 milliard dollarlik hisobdagi mablag‘lar ko‘rib chiqilmoqda.
Nashr ma’lumotiga ko‘ra, Eron ushbu mablag‘lardan birlamchi ehtiyoj tovarlarini xarid qilish uchun foydalanishi mumkin.
AQSh va Eron o‘rtasidagi texnik maslahatlashuvlar...
Motorola kompaniyasi Motorola Edge 70 Fusion smartfoni lineykasini kengaytirdi. Bu haqda GSMArena nashri xabar bermoqda.
Model 12 gigabayt tezkor va 512 gigabayt ichki xotiraga ega yangi konfiguratsiyada ham sotuvga chiqariladi. Avvalroq Motorola Edge 70 Fusion maksimal 256 gigabayt ichki xotira bilan taklif etilgan edi. Yangi versiya Hindistonda 37 ming rupiyaga baholandi. Bu taxminan 390 dollarga teng.
Smartfon Motorola’ning Pantone ranglarida taqdim qilinadi. Shu bilan birga, xotira hajmi va bozorga qarab, bazaviy versiyalar nisbatan arzonroq narxda sotuvda qoladi.
Qurilmaning qolgan texnik xususiyatlari o‘zgarishsiz saqlangan. Motorola Edge 70 Fusion 6,78 dyuymli AMOLED ekran bilan jihozlangan. Displey 144 Hz yangilanish chastotasi va...
Yaponiya terma jamoasi JCh – 2026 guruh bosqichida Tunisga qarshi o‘yinda ishonchli ustunlik qildi. Meksikaning Monterrey shahridagi «BBVA» stadionida o‘tgan uchrashuv Jahon chempionatlari tarixidagi 1000-o‘yin sifatida qayd etildi.
Hisob 4-daqiqada ochildi – Keito Nakamuraning chap qanotdan uzatmasidan so‘ng Daichi Kamada to‘pni darvozaga yo‘lladi.
31-daqiqada Ayase Ueda yaponlarning ustunligini oshirdi. Tunis futbolchilari markazda to‘pni yo‘qotdi, Ueda esa jarima maydoni chizig‘i atrofidan aniq zarba yo‘llab, hisobni 2:0 ko‘rinishiga keltirdi.
Ikkinchi bo‘limda ham Yaponiya tashabbusni qo‘ldan bermadi. 69-daqiqada Junya Ito Ayase Uedaning uzatmasidan so‘ng uchinchi golni urdi va jamoasining yirik g‘alaba sari qadam tashlashiga sababchi bo‘ldi.
Tunis terma jamoasi o‘yinning katta qismida...
Buxoro tumanida sifati kafolatlanmagan dori vositalarini muomalaga kiritish holatining oldi olindi. Bu haqda Bosh prokuratura huzuridagi Departament xabar berdi.
Ma’lum qilinishicha, Departamentning Buxoro tumani bo‘limi va boshqa huquqni muhofaza qiluvchi organlar hamkorligida tezkor tadbir o‘tkazilgan. Unda mas’ul shaxs va dorixona farmatsevti o‘zaro til biriktirib, sifatini tasdiqlovchi hujjatlari bo‘lmagan 5 quti dori vositasini fuqaroga 5,9 mln so‘mga sotayotgan vaqtda ushlangan.
Tezkor tadbir davomida dorixonadan umumiy qiymati 90,9 mln so‘mlik, 128 turdagi jami 13 403 dona sifati tasdiqlanmagan dori vositalari ashyoviy dalil sifatida olingan.
Mazkur holat yuzasidan Jinoyat kodeksining 186-3-moddasi bilan jinoyat ishi qo‘zg‘atilgan. Hozirda tergov harakatlari olib borilmoqda.
Eslatib o‘tamiz...
21-iyun kuni O‘zbekistonning aksariyat hududlarida yog‘ingarchilik kutilmaydi. Faqat Toshkent, Samarqand, Jizzax, Sirdaryo viloyatlari hamda Farg‘ona vodiysi viloyatlarida kunning ikkinchi yarmida ayrim joylarda qisqa muddatli yomg‘ir yog‘ishi va momaqaldiroq bo‘lishi mumkin, deya xabar berdi «O‘zgidromet».
Shamol 7–12 metr/soniya tezlikda esadi. Ayrim joylarda uning tezligi 13–18 metr/soniyagacha kuchayishi va chang-to‘zonlar kuzatilishi mumkin.
Havo harorati kunduzi 31–36 daraja atrofida bo‘ladi. Shimoliy, janubiy va cho‘l hududlarda esa harorat 41–44 darajagacha ko‘tarilishi kutilmoqda.
Toshkent shahrida kunning ikkinchi yarmida qisqa muddatli yomg‘ir yog‘ishi va momaqaldiroq bo‘lishi ehtimoli bor. Shamol 3–8 metr/soniya tezlikda esadi, 10–12 metr/soniyagacha kuchayishi mumkin. Ayrim joylarda chang-to‘zon kuzatiladi. Poytaxtda havo harorati...