Yangiliklar

Apple 13-oktabr kuni yangi avlod Apple TV 4K qurilmasini taqdim etdi. Yangilangan model sun’iy intellektga asoslangan Siri, tezroq ishlash va masofadan boshqarish pultini topish funksiyasi bilan jihozlangan. Qurilmaning AQShdagi narxi 299 dollardan boshlanadi. Bu haqda Apple kompaniyasi rasmiy sayti xabar berdi.

Siri endi filmlar haqida suhbatlasha oladi

Yangi Apple TV 4K’ning asosiy yangiligi – Apple Intelligence texnologiyasiga asoslangan Siri yordamchisi. U foydalanuvchiga film va seriallarni topish, tomosha qilish uchun tavsiyalar olish hamda ko‘rilayotgan kontent haqida qo‘shimcha savollar berish imkonini beradi.

Masalan, foydalanuvchi Siri’dan muayyan yilda «Emmi» mukofotini olgan seriallar haqida so‘rashi yoki film qayerda suratga olinganini bilishi mumkin...

Parijda 12 – 18-oktabr kunlari o‘tkazilayotgan xalqaro avtosalonda Stellantis konserni tarkibidagi sakkizta brend 60 dan ortiq avtomobilni namoyish qilmoqda. Ekspozitsiyada yangi DS N°7, Fiat Grizzly, Lancia Gamma, Leapmotor B03 va Opel Corsa GSE kabi modellar bor. Bu haqda Stellantis kompaniyasi xabar berdi.

Avtosalonda to‘qqizta konsept-kar taqdim etiladi

2026-yilgi Parij avtosalonida Stellantis konserni sakkizta brend – Alfa Romeo, Citroën, DS Automobiles, FIAT, Lancia, Leapmotor, Opel va Peugeot avtomobillarini namoyish etmoqda. Kompaniya ekspozitsiyasida to‘qqizta konsept-kar va 60 dan ortiq avtomobillar o‘rin olgan.

Konsernning ko‘rgazmadagi maydoni 5 340 kvadrat metrni tashkil etadi. Unda shahar ichida foydalanishga mo‘ljallangan ixcham transport vositalaridan tortib...

Portugaliyalik huquqshunos Luis Migel Enrike futbolchi Krishtianu Ronalduning xatti-harakatlari va shaxsiy rekordlarga haddan tashqari berilishini tanqid qildi. U Ronalduning atrofida o‘ziga yoqadigan gaplarni aytadigan odamlar ko‘payib, unga kerakli tanqidni bildiradiganlar kamayib borayotganini ta’kidladi. Enrike bu fikrlarni Portugaliyaning Record nashridagi so‘nggi maqolasida yozdi va nashr bilan hamkorligini yakunladi. Bu haqda Postal va Nova Gente xabar berdi.

«U Olimpda ko‘zgular qurshovida yolg‘iz qoladi»

Luis Migel Enrike Record gazetasida e’lon qilingan yakuniy maqolasida Krishtianu Ronalduning xatti-harakatlari va statistik ko‘rsatkichlarga berilishini keskin tanqid qildi.

«Krishtianu Ronaldu o‘z xatti-harakatlari, o‘zini tutishi va ayrim ko‘rsatkichlarga bo‘lgan haddan tashqari berilishi...

Qirg‘izistonda 2027-yilgi prezidentlik saylovlarida qatnashishi mumkin bo‘lgan ikki kishi davlat tilini bilish bo‘yicha testdan o‘tdi. Biroq ularning ismi va test natijalari oshkor qilinmaydi. Bu haqda 24.kg nashri «Qirg‘iztest» davlat muassasasi rahbari Batma Topoyeva-Stavitskayaga tayanib xabar berdi.

Test talablari o‘zgarmagan

Batma Topoyeva-Stavitskayaning aytishicha, amaldagi tartibga muvofiq, test topshirganlarning ismlari va natijalari e’lon qilinmaydi. Prezidentlikka da’vogarlar davlat tilini bilish bo‘yicha avvalgi talablar asosida standart testdan o‘tmoqda.

Qirg‘izistonda navbatdagi prezidentlik saylovi 2027-yil 27-yanvarga belgilangan.

Japarov ham saylovda qatnashmoqchi

Avvalroq Qirg‘iziston prezidenti Sadir Japarov navbatdagi saylovda ishtirok etish niyatini ochiq bildirgan. Shuningdek, sobiq ichki ishlar vaziri Omurbek Suvanaliyev va sobiq prokuratura...

Qashqadaryo viloyatining Dehqonobod tumanida kuchli sel Damas avtomobilini oqizib ketdi. Hodisa oqibatida mashinadagi yo‘lovchi halok bo‘ldi, haydovchi esa qutulishga muvaffaq bo‘lgan. Bu haqda Qashqadaryo viloyati Favqulodda vaziyatlar boshqarmasi xabar berdi.

Haydovchi mashinadan chiqishga ulgurgan

Hodisa 13-oktabr kuni soat 17:30 atrofida Dehqonobod tumanining Qo‘ng‘irot mahallasidagi Shakarbuloq qishlog‘ida yuz bergan. Tog‘li hududda qisqa vaqt ichida kuchli yomg‘ir yog‘ib, sel kelishiga sabab bo‘lgan.

Dastlabki ma’lumotlarga ko‘ra, Damas haydovchisi va uning yo‘lovchisi yo‘ldan adashib, sel o‘zani yaqinida to‘xtagan. Ko‘p o‘tmay, avtomobil suv oqimi ichida qolib ketgan.

Haydovchi mashinadan chiqishga ulgurgan va favqulodda xizmatlarga qo‘ng‘iroq qilishga uringan. U yo‘lovchini ham ogohlantirgan, biroq...

O‘zbekiston prezidenti Shavkat Mirziyoyev 14-oktabr kuni amaliy tashrif bilan Ozarbayjon poytaxti Bakuga jo‘nab ketdi. Davlat rahbari Osiyoda hamkorlik va ishonch choralari bo‘yicha kengashning yettinchi sammitida ishtirok etadi. Bu haqda prezident matbuot xizmati xabar berdi.

Mirziyoyev Bakuda kimlar bilan uchrashadi

Tashrif Ozarbayjon prezidenti Ilhom Aliyev taklifiga binoan amalga oshirilmoqda.

Sammit doirasida Shavkat Mirziyoyev xorijiy delegatsiyalar rahbarlari bilan ham qator uchrashuv va muzokaralar o‘tkazishi rejalashtirilgan.

Osiyoda hamkorlik va ishonch choralari bo‘yicha kengash – Osiyoda tinchlik, xavfsizlik va barqarorlikni mustahkamlashga qaratilgan xalqaro muloqot maydonidir.

Avvalroq Bakuda Osiyoda hamkorlik va ishonch choralari bo‘yicha kengashning (OHIChK) yettinchi sammitida ishtirok etishi...

15-oktabr uchun valyutalar kursi yangilandi. Dollar 49,81 so‘mga oshib, 11 963,16 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

8-oktabr kuni 18,40 so‘mga oshib, 11 809,19 so‘mga, 9-oktabr kuni 37,38 so‘mga oshib, 11 846,57 so‘mga, 10-oktabr kuni esa 51,33 so‘mga oshib, 11 897,90 so‘mga tenglashdi. 13-oktabr kuni dollar 1,19 so‘mga oshib, 11 899,09 so‘m, 14-oktabr kuni 14,26 so‘mga oshib, 11 913,35 so‘m bo‘ldi.

Shuningdek, o‘qing: Dollar valyutasining kelajagi qanday — ekspert sharhi

Yevro kursida oshish kuzatildi. Yevropa valyutasi 61,7 so‘mga oshib, 13 390,36 so‘m bo‘ldi. Rossiya rubli tushdi...

O‘zbekistonda 2026-yil 15-oktabrdan 30-noyabrgacha biznesni ro‘yxatga olish tadbiri o‘tkaziladi. Unda yuridik shaxslar, yakka tartibdagi tadbirkorlar, o‘zini o‘zi band qilganlar va ro‘yxatdan o‘tmasdan faoliyat yuritayotgan shaxslar ham qamrab olinadi.

Bu tartib hukumatning 2026-yil 9-oktabrdagi 557-son qarorida belgilangan. Ro‘yxatga olish tadbiri prezidentning 2026-yil 10-sentabrdagi PF–190-son farmoni asosida tashkil etilmoqda.

Biznesni qanday ro‘yxatdan o‘tkazish mumkin

Yuridik shaxslar hisobot.stat.uz platformasi, o‘zini o‘zi band qilgan fuqarolar esa census.stat.uz orqali mustaqil ro‘yxatdan o‘tishi mumkin.

Bundan tashqari, ro‘yxatga oluvchi xodimlar tadbirkorlarning faoliyat yuritayotgan manziliga borib, so‘rov o‘tkazadi. So‘rovlar soat 09:00 dan 18:00 gacha amalga oshiriladi. Ro‘yxatga olish jarayonida mamlakatdagi iqtisodiy subyektlarning soni, faoliyat...

O‘zbekiston fuqarolari Turkiyadagi qurilish kompaniyasida ishlash uchun 124 ta bo‘sh ish o‘rniga ariza topshirishi mumkin. Vakansiyalar orasida ekskavator operatori, payvandchi, avtoelektrik, santexnik, oddiy ishchi va turkcha-o‘zbekcha tarjimon bor. Oylik maoshlar 9 mln so‘mdan 13,3 mln so‘mgacha. Bu haqda Migratsiya agentligi xabar berdi.

Qaysi kasblar bo‘yicha ishchi kerak

Turkiyadagi TAYGA GROUP kompaniyasi uchun turli kasblar bo‘yicha xodimlar qidirilmoqda. E’lonlarda eng ko‘p ish o‘rinlari oddiy ishchilar va qurilish texnikalarini boshqaradigan mutaxassislar uchun ajratilgan.

Vakansiyalar va oylik maoshlar quyidagicha:

Prezident bolalarga nisbatan zo‘ravonlik uchun javobgarlikni kuchaytirishni nazarda tutuvchi qonunni imzoladi. Hujjat bilan 5 ta kodeks va 6 ta qonunga o‘zgartirishlar kiritiladi. Bu haqda Prezident administratsiyasi rahbari Saida Mirziyoyeva ma’lum qildi.

Saida Mirziyoyevaning yozishicha, bolaga jismoniy yoki ruhiy azob yetkazgan shaxs, u ta’lim muassasasi xodimi yoki yaqin qarindosh bo‘lishidan qat’i nazar, javobgarlikka tortiladi.

«Yosh bolaga nisbatan zo‘ravonlikka aslo toqat qilib bo‘lmaydi, jazo esa muqarrar va murosasiz bo‘lishi shart», — dedi Mirziyoyeva.

Shuningdek, bolaning o‘limiga sabab bo‘lgan jinoyatlar uchun tayinlangan jazoni yengillashtirishga yo‘l qo‘yilmasligi qayd etilgan.

14 yoshgacha bo‘lgan bolaga jinsiy zo‘ravonlik uchun umrbod...

Kompaniya Uklon’ni monomahsulot servisidan turli biznes yo‘nalishlarini birlashtirishga hamda yangi mahsulotlar va bozorlar rivojiga moslashishga qodir yagona brendga aylantirmoqda. O‘zbekistonda brendning global strategiyasi Daymaker platformasi orqali mahalliy darajada rivojlanmoqda. Ushbu servis shahardagi kundalik hayotni qanday qilib biroz yengilroq va yoqimliroq qilishi mumkinligi haqidagi g‘oyadir.

Uklon yangilangan For Dynamic World brend platformasi va vizual aydentikani taqdim etdi. Yangi arxitektura asosida qamrab oluvchi yagona brend Uklon joylashgan bo‘lib, uning ostida kompaniyaning mavjud va yangi yo‘nalishlari rivojlanishi mumkin.

Bugungi kunda O‘zbekistonda Uklon brendi ostida Ride Hailing, Delivery, Uklon Ads va Uklon for Business yuritilmoqda. Brendning yangi arxitekturasi, qolaversa, kompaniya mahsulot ekotizimini yanada kengaytirish...

Sentabr va oktabr oylarida O‘zbekiston bo‘ylab chiqindi bilan bog‘liq 524 ta qoidabuzarlik holati aniqlandi. Ulardan 83 tasi bo‘yicha jarima qo‘llanilgan, 441 ta holat esa ko‘rib chiqilmoqda.

Chiqindilarni boshqarish va sirkulyar iqtisodiyotni rivojlantirish agentligi qoshidagi Kuzatuv kameralaridan foydalanish va nazorat qilish bo‘limi hududlarda o‘rnatilgan onlayn kameralar orqali nazorat olib bormoqda. Ular yordamida, asosan, chiqindilarni belgilanmagan joylarga tashlash bilan bog‘liq huquqbuzarliklar aniqlanmoqda.

83 ta holat bo‘yicha jarima qo‘llanildi

Agentlik ma’lumotiga ko‘ra, sentabr va oktabr oylarida jami 524 ta qoidabuzarlik qayd etilgan.

Shundan 83 ta holat bo‘yicha jarima choralari qo‘llanilgan. Yana 441 ta holat yuzasidan tegishli jarayonlar davom etmoqda.

Hozirda respublikaning...

2026-yilning iyul–sentabr oylarida O‘zbekiston banklarining antifrod tizimlari orqali qariyb 8,7 mln yuqori xavfli sessiya aniqlanib, jami 1,1 trln so‘mlik operatsiyalar cheklandi. Markaziy bank ma’lumotiga ko‘ra, antivirus tizimlari orqali esa 496 mingdan ortiq qurilma zararli fayllardan tozalangan.

Uch oy davomida yuqori xavfli deb baholangan operatsiyalarda cheklangan mablag‘lar hajmi bo‘yicha «Orient Finans bank» birinchi o‘rinni egalladi. Bankda 428,4 mlrd so‘mlik operatsiyalar cheklangan, bu jami summaning 39,9 foiziga teng.

«O‘zsanoatqurilishbank»da 272 mlrd so‘m yoki jami mablag‘larning 25,3 foizi, «Uzum bank»da esa 155,3 mlrd so‘m yoki 14,5 foizi cheklangan.

Keyingi o‘rinlarda «Ipak Yo‘li bank» — 103,2 mlrd so‘m, «TBC bank» — 55,1 mlrd...

TBC Bank Uzbekistan’da tadbirkorlar va kompaniyalar uchun mo‘ljallangan maxsus TBC Biznes servisi bor. Servisda ishlayotgan bizneslar 10 mln so‘mdan 12 mlrd so‘mgacha kredit olishlari mumkin. 600 mln so‘mgacha bo‘lgan kreditlar garovsiz beriladi. Kattaroq summalar uchun esa ta’minot kerak bo‘ladi.

Biz TBC Biznes eksperti Timur Adilov bilan suhbatlashdik. U bank biznesning nima uchun kredit kerakligini qanday aniqlashi, uning moliyaviy imkoniyatlarini qanday baholashi va mos moliyalashtirish variantini qanday tanlashi haqida gapirib berdi.

Biznesni rivojlantirish sarmoyani talab qiladi

Hatto barqaror ishlayotgan biznesda ham rivojlanish va kundalik xarajatlar uchun bir vaqtning o‘zida yetarli pul bo‘lmasligi mumkin. Kompaniya odatdagi xarajatlarini to‘lashda davom etishi va...

O‘zbekistonda 2026-yil noyabr oyida 1 milliondan ortiq ehtiyojmand oilaga 1 mln so‘mdan bir martalik moddiy yordam ajratish rejalashtirilmoqda. Bu bo‘yicha Ijtimoiy himoya milliy agentligi prezident farmoni loyihasi ishlab chiqilganini ma’lum qildi.

Kimlar 1 mln so‘mlik yordam olishi mumkin

Moddiy yordam Ijtimoiy reyestrga kiritilgan oilalar, yetim va ota-ona qaramog‘idan mahrum bo‘lgan bolalar yashayotgan xonadonlar hamda parvarishga muhtoj shaxslarga berilishi ko‘zda tutilgan. Bu toifadagi oilalar soni 573 mingni tashkil etadi. Yana 273 ming oila mahalla tavsiyasi asosida yordam olishi mumkin. Bunda oila a’zolarining har biriga to‘g‘ri keladigan oylik daromad 1 mln 430 ming so‘mdan oshmasligi kerak.

Markazlashgan isitish tizimidan...

AQSh prezidenti Donald Tramp Eron rahbarlarini yo‘q qilishda haddan oshib ketilgan bo‘lishi mumkinligini aytdi. Uning ta’kidlashicha, Vashington hozir Eron bilan kim orqali muzokara olib borishni aniqlashda qiynalmoqda. Tramp bu haqda 12-oktabr kuni Ogayo shtatining Yangstaun shahrida bo‘lib o‘tgan siyosiy mitingda gapirdi. Uning nutqi stenogrammasi Roll Call nashrida e’lon qilindi.

Ehtimol, rahbarlar masalasida haddan oshib ketgandirmiz

Tramp Eronning harbiy salohiyati jiddiy zaiflashganini da’vo qildi. U mamlakat harbiy-dengiz floti va boshqa harbiy imkoniyatlari yo‘q qilinganini aytib, Eron bilan muzokara olib borish masalasidagi qiyinchiliklarni ham tilga oldi.

«Ularning kemalari yo‘q, umuman hech narsasi yo‘q. Hatto yetakchilari ham...

UzAuto Motors Chevrolet Cobalt uchun yangi bo‘lib to‘lash taklifini e’lon qildi. Kompaniya hisob-kitobiga ko‘ra, boshlang‘ich komplektatsiyadagi avtomobil uchun kunlik to‘lov o‘rtacha 107 ming so‘mni tashkil qilishi mumkin.

Taklif bank ishtirokisiz, UzAuto Motors orqali to‘g‘ridan to‘g‘ri bo‘lib to‘lash shaklida amalga oshiriladi.

Boshlang‘ich to‘lov 50 foiz

Shartlarga ko‘ra, xaridor avtomobil qiymatining 50 foizini boshlang‘ich to‘lov sifatida to‘lashi kerak. Qolgan summa 24 oy davomida bo‘lib to‘lanadi.

Kompaniya 107 ming so‘mlik kunlik...

O‘zbekistonlik bokschi Isroil Madrimovning ozarbayjonlik Seymur Isayevga qarshi jangi 30-oktabrdan 10-dekabrga qoldirildi. Toshkentdagi «Humo Arena»da o‘tkazilishi rejalashtirilgan xalqaro professional boks oqshomining sanasi tashkiliy sabablarga ko‘ra o‘zgartirildi. Bu haqda Lift Promotions kompaniyasi ma’lum qildi.

Boks oqshomi bir oydan ko‘proq muddatga qoldirildi

Tashkilotchilar bayonotida 30-oktabr kuni bo‘lib o‘tishi kerak bo‘lgan musobaqa 10-dekabrga ko‘chirilgani aytilgan. Kompaniya muxlislardan yuzaga kelgan noqulayliklar uchun uzr so‘rab, ularning ishonchi va xavfsizligi muhimligini ta’kidlagan.

Madrimov 2026-yilda ringga qaytgan

Isroil Madrimov 2024-yil mart oyida rossiyalik Magomed Qurbonovni beshinchi raundda texnik nokautga uchratib, WBA chempionlik kamarini qo‘lga kiritgan. Keyinchalik u Terens Krouford va Virjil Ortis kabi taniqli...

12-oktabr holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,3 foizdan 21,2 foizga tushdi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 22,8 foizni, yuridik shaxslar ulushi ham 22,3 foizni ko‘rsatmoqda.

Bunda eng past avtokredit stavkasi «Asaka bank» tomonidan taklif qilingan bo‘lib, 18 foizni tashkil etdi. Bungacha eng kam foiz «Apex bank» (18,1%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

O‘zbekistonda nodavlat jismoniy tarbiya va sport tashkilotlari hamda sport inshootlari reyestrlari yuritiladi. Bu haqda Adliya vazirligi xabar berdi.

Hujjatga ko‘ra, reyestrlar axborot tizimi orqali shakllantiriladi va sport tashkilotlari haqidagi ma’lumotlar ochiq ma’lumot sifatida joylashtiriladi.

Arizalar besh ish kunida ko‘rib chiqiladi

Nodavlat sport tashkilotini reyestrga kiritish bo‘yicha ariza besh ish kuni ichida ko‘rib chiqiladi.

Agar zarur ma’lumotlar to‘liq taqdim etilgan bo‘lsa, vakolatli organning qarori bilan tashkilot reyestrga kiritiladi.

Hujjatlarda kamchilik aniqlansa, vakolatli organ uch ish kuni ichida reyestrga kiritishni rad etish to‘g‘risida qaror qabul qiladi.

Tashkilotlar reyestrdan chiqarilishi ham mumkin

Sport tashkiloti o‘z xohishiga ko‘ra murojaat qilsa...

Osiyo taraqqiyot bankining (OTB) Qoraqalpog‘istondagi amaldagi suveren operatsiyalari qiymati $780 milliondan oshadi. Portfelga avtomobil yo‘llarini modernizatsiya qilish, suv ta’minoti va suv resurslarini boshqarish, shuningdek, energetika infratuzilmasini rivojlantirish loyihalari kiradi. Bu haqda bankning 14–16-oktabr kunlari Qoraqalpog‘istonda bo‘lib o‘tgan OTB kunlari doirasida o‘tkazilgan taqdimotda so‘z boradi.

OTBning O‘zbekistondagi doimiy vakolatxonasi rahbari Kanokpan Lao-Arayaning so‘zlariga ko‘ra, bank Qoraqalpog‘istonni suv xavfsizligi, iqlim o‘zgarishiga moslashish, infratuzilmani rivojlantirish va energetikaga o‘tish muammolarini hal qilishda qo‘llab-quvvatlashni davom ettiradi.

«Qoraqalpog‘iston OTBning O‘zbekiston bilan hamkorligida alohida o‘rin tutadi. So‘nggi yigirma yil davomida bank suv ta’minotini yaxshilash, transport aloqalarini mustahkamlash, energetika infratuzilmasini modernizatsiya qilish va butun...

2026-yil 1-noyabrdan O‘zbekistonda xalqaro kuryerlik jo‘natmalarini bojxona rasmiylashtiruvidan o‘tkazish uchun undiriladigan yig‘im 20 foizga kamayadi. Ushbu o‘zgarish 2026-yil 12-oktabrda qabul qilingan prezident qarorida belgilangan.

Hozirda xalqaro kuryerlik jo‘natmalarini bojxona rasmiylashtiruvidan o‘tkazish yig‘imi har bir kilogramm uchun bazaviy hisoblash miqdorining 2 foizi yoki 8 800 so‘mni tashkil etadi.

1-noyabrdan stavka BHMning 1,6 foizigacha kamayadi. Natijada har bir kilogramm uchun bojxona yig‘imi 7 040 so‘m bo‘ladi. Masalan, 5 kilogrammlik posilka uchun hozir 44 ming so‘m yig‘im to‘lansa, yangi tartibda bu summa 35,2 ming so‘mni tashkil etadi. 10 kilogrammlik jo‘natmada esa to‘lov 88 ming so‘mdan 70,4 ming so‘mgacha kamayadi.

Bojsiz olib...

Janubiy Koreyaning Inchxon shahridagi savdo markazida pichoq bilan hujum sodir etildi. Hodisa oqibatida sakkiz kishi jarohatlandi, deb xabar berdi BBC mahalliy OAV va politsiya ma’lumotlariga tayanib.

Inchxon Namdong politsiyasi ma’lumotiga ko‘ra, 59 yoshli gumonlanuvchi seshanba kuni mahalliy vaqt bilan soat 13:40 atrofida hujum qilgan. Uning ikki qo‘liga ham pichoq mahkamlangani aytilmoqda.

Hujum savdo markazidagi eskalatorda boshlangan

Voqea Janubiy Koreyadagi yirik chegirmali supermarket tarmoqlaridan biri – Homeplus joylashgan binoda sodir bo‘lgan.

Mahalliy OAVga ko‘ra, gumonlanuvchi Homeplus joylashgan qavatdan eskalatorda harakatlanayotgan paytda odamlarga hujum qila boshlagan. Keyinchalik u foot-kort hududida ham odamlarga pichoq bilan tashlangan.

Hujumchini voqea joyidagi fuqarolar stullar...

Samarqandda uch kishi 7 400 AQSH dollarilik qalbaki kupyuralarni 44 mln so‘mga sotayotgan vaqtida qo‘lga olindi. Dastlabki ma’lumotlarga ko‘ra, qalbaki banknotlar Turkiyadan olib kelingan. Bu haqda Davlat xavfsizlik xizmati xabar berdi.

Qalbaki dollarlar shartli xaridorga sotilgan

Davlat xavfsizlik xizmati, Bojxona va ichki ishlar organlari xodimlari hamkorligida Samarqand shahrida tezkor tadbir o‘tkazilgan.

Tadbir davomida Toyloq tumanida yashovchi, 1996, 2002 va 2003-yillarda tug‘ilgan uch nafar fuqaro qo‘lga olingan. Ular nominal qiymati 100 dollardan bo‘lgan qalbaki banknotlarni jami 7 400 AQSH dollari miqdorida jamlab, shartli xaridorga 44 mln so‘mga sotgan.

Ikki nafar gumonlanuvchi avval ham sudlangan

Dastlabki ma’lumotlarga...