Yangiliklar

Redmi K100 100 W tezkor quvvatlashni qo‘llab-quvvatlaydi. Sertifikat ma’lumotlariga ko‘ra, qurilma 100 W tezkor quvvatlash texnologiyasini qo‘llab-quvvatlaydi.

Redmi K100 taqdimotga yaqinlashmoqda

Redmi K100 Pro seriyasining 11-avgustdagi taqdimotida Xiaomi’ning Xitoydagi marketing bo‘limi rahbari Vey Sitsi liniya tarkibiga standart Redmi K100 hamda o‘yinlar uchun mo‘ljallangan flagman model kirishini ma’lum qilgan edi.

M786BC modelining sertifikatda paydo bo‘lishi standart Redmi K100 taqdimotga yaqinlashayotganining dastlabki belgilaridan biri bo‘ldi.

Redmi K100 Pro va K100 Pro Max ham 100 W simli tezkor quvvatlashni qo‘llab-quvvatlaydi. Shu tariqa standart K100 ham quvvatlash tezligi bo‘yicha yuqori modellardan ortda qolmaydi.

Boshqa xususiyatlar hozircha noma’lum

3C sertifikati, asosan, qurilmaning...

14-oktabr kuni O‘zbekistonning aksariyat hududlarida yog‘ingarchilik kutilmaydi. Bu haqda O‘zgidromet ma’lum qildi.

Toshkent shahrida havo o‘zgaruvchan bo‘ladi, yog‘ingarchilik kuzatilmaydi. Shamol sharqdan 3–8 m/s tezlikda esadi. Harorat kechasi 12–14 daraja, kunduzi 22–24 daraja bo‘ladi.

Hududlarning aksariyatida quruq ob-havo bo‘ladi

Qoraqalpog‘iston Respublikasi va Xorazm viloyatida yog‘ingarchilik kutilmaydi. Harorat kechasi 8–13 daraja, kunduzi 21–26 daraja bo‘ladi.

Buxoro va Navoiy viloyatlarida ham havo quruq bo‘ladi. Kechasi harorat 8–13 daraja, kunduzi 22–27 darajagacha ko‘tariladi.

Toshkent, Sirdaryo, Jizzax va Samarqand viloyatlarida yog‘ingarchilik kutilmaydi. Harorat kechasi 10–15 daraja, kunduzi 20–25 daraja bo‘ladi.

Qashqadaryo va Surxondaryo viloyatlarida esa kunduzgi harorat 23–28 darajagacha yetadi, kechasi 10–15 daraja...

Namangan viloyatida yer maydonini auksion savdolarisiz rasmiylashtirib berish bilan bog‘liq firibgarlik holati aniqlandi. Bu haqda Bosh prokuratura huzuridagi Departament ma’lum qildi.

Departamentning Namangan viloyati boshqarmasi va boshqa huquqni muhofaza qiluvchi organlar hamkorligida tezkor tadbir o‘tkazilgan.

40 sotix yer uchun $11,5 ming so‘ralgan

Tergovga qadar tekshiruv ma’lumotlariga ko‘ra, Norin-Sirdaryo irrigatsiya tizimlari havza boshqarmasi xodimi boshqa bir fuqaro bilan til biriktirgan.

Ular fuqaroga Mingbuloq tumani hududidan 40 sotix yer maydonini auksion savdolarisiz uning nomiga rasmiylashtirib berishni va’da qilgani aytilmoqda.

Ikki shaxs buning evaziga $11,5 ming olayotgan vaqtida ashyoviy dalillar bilan ushlangan.

Jinoyat ishi qo‘zg‘atildi

Mazkur holat yuzasidan Jinoyat kodeksining...

OpenAI San-Fransiskodagi ofislaridan birida yashirin tinglash qurilmasi topilgach, kompaniya xodimlaridan biri hibsga olinganini ma’lum qildi. Bu haqda DW AQSh huquqni muhofaza qiluvchi organlari ma’lumotlariga tayanib xabar berdi.

Sud hujjatlariga ko‘ra, 35 yoshli Saudiya Arabistoni fuqarosi bo‘lgan muhandis qurilma topilganidan bir hafta o‘tib hibsga olingan. OpenAI hodisa yuzasidan FBIga xabar bergan va xodim bilan mehnat munosabatlarini to‘xtatgan.

Qurilma majlis xonasiga yashirilgan

AQSh Adliya vazirligi ma’lumotiga ko‘ra, USB ko‘rinishidagi qurilma qog‘ozga o‘ralib, rahbariyat foydalanadigan majlis xonasidagi televizor ichiga yashirilgan.

Gumon qilinayotgan xodimning ushbu xonada o‘tkaziladigan yig‘ilishlarda qatnashish uchun ruxsati bo‘lmaganiga qaramay, u xona yaqinida bir necha bor kuzatilgan.

Keyinchalik majlis...

Rossiyaning Volga avtomobil brendi Volga K40 va K50 krossoverlarini yangilashga tayyorlanmoqda. Modellarda, avvalo, salon va boshqaruv elementlariga o‘zgartirishlar kiritilishi kutilmoqda.

K50 modeli uchun yangi old panel tayyorlangan bo‘lib, unda ekranlar va jismoniy tugmalar joylashuvi qayta ko‘rib chiqiladi.

K50 uchta ekran bilan xayrlashadi

Hozirgi Volga K50 salonidagi uchta displeydan ikkitasi saqlanib qoladi. Yangilangan versiyada raqamli asboblar paneli va bitta yirik markaziy sensorli ekran bo‘ladi.

Old yo‘lovchi qarshisidagi alohida displey olib tashlanadi.

Shuningdek, iqlim tizimini boshqarish sensorli interfeysdan oddiy jismoniy tugmalarga ko‘chiriladi. Smartfonni simsiz quvvatlash bloki ham boshqa joyga o‘tkaziladi.

Model Geely Monjaro bazasida yaratilgan

Volga K50 Xitoyning Geely...

Davlat xavfsizlik xizmatining Sirdaryo viloyati bo‘yicha boshqarmasi hamda viloyat Ichki ishlar boshqarmasi xodimlari tomonidan o‘tkazilgan tezkor-qidiruv tadbirlarida Guliston shahrida narkolaboratoriya fosh qilindi.

Ma’lumotga ko‘ra, 2003 va 2005-yillarda tug‘ilgan uch nafar mahalliy fuqaro ko‘p qavatli uylardan biridagi xonadonda kuchli ta’sir qiluvchi moddalarga qayta ishlov berib, ularni sotish bilan shug‘ullangani aniqlangan.

Xonadondan 5,8 kg pregabalin topildi

Xolislar ishtirokida o‘tkazilgan ko‘zdan kechirish jarayonida manzildan 5 kg 863 gramm pregabalin kuchli ta’sir qiluvchi moddasi ashyoviy dalil sifatida olindi.

Shuningdek, 100 ming dona bo‘sh kapsula, ikkita elektron tarozi, tibbiy qo‘lqoplar va boshqa buyumlar ham topilgan.

Jinoyat ishi qo‘zg‘atildi

Mazkur holat yuzasidan Jinoyat...

Abduqodir Husanov puliga arziydimi, O‘zbekistonda benzin ishlab chiqarish 4,6 foizga oshdi — 13-oktabr yangiliklari Kursiv Uzbekitan dayjestida.

Ronaldu o‘zbek klubini yutganidan so‘ng fikr bildirdi

«Al-Nassr» hujumchisi Krishtianu Ronaldu Osiyo Elit chempionlar ligasi 2-turida O‘zbekistonning «Neftchi» klubiga qarshi 3:1 hisobidagi g‘alabadan so‘ng fikr bildirdi.

41 yoshli portugaliyalik futbolchi uchrashuvning 42-daqiqasida jamoasining g‘alaba golini urdi.

«Bugun kechqurun muhim g‘alaba. O‘sishda davom etamiz», – deb yozdi Ronaldu ijtimoiy tarmoqdagi sahifasida.

Ar-Riyod aeroporti 17-oktabrgacha yopiq qoladi

Saudiya Arabistonining Ar-Riyod shahridagi Qirol Xolid xalqaro aeroporti husiylarning ketma-ket hujumlaridan keyin kamida 17-oktabrgacha yopiq qoladi. So‘nggi hujumlarda jami...

«Samarqand noni» nomi geografik ko‘rsatkich sifatida ro‘yxatdan o‘tkazilganidan keyin endi tovar belgisi sifatida ham davlat ro‘yxatiga olindi. Bu milliy gastronomik merosni huquqiy himoyalash va mahsulotning bozordagi nufuzini oshirishga xizmat qiladi. Bu haqda Adliya vazirligi xabar berdi.

«Samarqand noni»ning huquqiy himoyasi kengaydi

2025-yil fevral oyida «Samarqand noni» geografik ko‘rsatkich sifatida davlat ro‘yxatidan o‘tkazilgan edi. Endilikda uning tovar belgisi sifatida ham ro‘yxatga olinishi mahsulot nomini huquqiy muhofaza qilishda yana bir qadam bo‘ldi.

Geografik ko‘rsatkich mahsulotning muayyan hudud bilan bog‘liq xususiyatlari va obro‘sini e’tirof etishga xizmat qiladi. Tovar belgisi esa mahsulotni boshqalardan farqlash va uning nomini huquqiy himoya...

NASA Xalqaro kosmik stansiyadan turib, Madagaskarning janubidagi qariyb 100 kvadrat kilometr maydonni egallagan anortozit massivini suratga oldi. Bu jins turi Oy yuzasidagi yorqin rangli balandliklarda ham uchraydi. Biroq olimlar Madagaskardagi massiv Yerda shakllanganini ta’kidlaydi. Bu haqda NASA Yer observatoriyasi xabar berdi.

Suratni Xalqaro kosmik stansiya ekipaji olgan

Saririaki deb ataladigan anortozit massivi tasviri 2026-yil 28-avgustda Xalqaro kosmik stansiyaning 75-ekspeditsiyasi ishtirokchisi tomonidan olingan. NASA ushbu suratni 5-oktabr kuni kun tasviri sifatida e’lon qilgan.

Suratda jigarrang tusdagi jinslar orasida och rangli, deyarli dumaloq hudud ko‘zga tashlanadi. Bu anortozit yer yuzasiga chiqib qolgan maydon bo‘lib, uning umumiy kattaligi qariyb 100 kvadrat...

AQSh prezidenti Donald Tramp oilasi bilan bog‘liq Trump Mobile kompaniyasining 3 615 nafar mijoziga tegishli shaxsiy ma’lumotlar xakerlar tomonidan qo‘lga kiritilib, internetga joylashtirildi. Hodisa ortidan AQSh senatori kompaniya rahbariyatidan izoh talab qildi. Bu haqda Straight Arrow News xabar berdi.

Qanday ma’lumotlar sizib chiqdi

Nashr ma’lumotlariga ko‘ra, o‘zini BYOD deb ataydigan ransomware guruhi Trump Mobile tizimiga kirib, 3 615 nafar mijozning shaxsiy ma’lumotlarini qo‘lga kiritgan. Sizib chiqqan ma’lumotlar orasida foydalanuvchilarning to‘liq ismlari, elektron pochta manzillari, telefon raqamlari, uy manzillari va buyurtmalari haqidagi ma’lumotlar bor.

Hujum oqibatida Trump Organization kompaniyasining ayrim xodimlariga tegishli ma’lumotlar ham oshkor bo‘lgan. Nashr yozishicha, ular...

O‘zbekistonda 470 ta mahallaga 627 ming gektar yaylov 49 yilga bepul ijaraga beriladi. Ushbu yerlar soliqdan ham ozod qilinadi. Bu choralar olis hududlarda yashovchi aholining chorvasini o‘tlatish imkoniyatini kengaytirish maqsadida ko‘zda tutilgan. Bu haqda prezident matbuot xizmati xabar berdi.

2027-yilda 3,7 mln gektar yaylov tiklanadi

O‘zbekistonda jami 21,2 mln gektar yaylov mavjud, biroq ularning atigi 40 foizidan samarali foydalanilmoqda. Prezident Shavkat Mirziyoyev yaylovlar degradatsiyasining oldini olish, suv ta’minotini yaxshilash va ulardan samarali foydalanish bo‘yicha taqdimot bilan tanishdi.

Hokimlar oldiga 2026-yil yakunigacha 620 ming gektar, 2027-yilda esa 3,7 mln gektar yaylovni qayta tiklash va hosildorligini oshirish vazifasi qo‘yildi.

O‘zbekistonda «Ma’naviyat qalqoni» respublika kitobxonlik tanlovida sovrinli o‘rinlarni egallagan muddatli harbiy xizmatchilarning xizmat muddatini 12 oydan 11 oyga qisqartirish taklif qilinmoqda. Shuningdek, harbiy uchuvchilar bilan yangi kontrakt tuzishning huquqiy asoslarini belgilash ko‘zda tutilgan. Qonun loyihasi Qonunchilik palatasida birinchi o‘qishda qabul qilindi. Bu haqda Qonunchilik palatasi xabar berdi.

Xizmat muddatini qisqartirish harbiy xizmatchining arizasiga bog‘liq bo‘lishi mumkin

Qonun loyihasi harbiy xizmatni tashkil etish va o‘tash tartibini takomillashtirish, harbiy xizmatchilarni rag‘batlantirish hamda malakali uchuvchilarning tajribasidan samarali foydalanishga qaratilgan.

Loyiha mualliflariga ko‘ra, kitobxonlik tanlovida sovrinli o‘rinlarni egallagan harbiy xizmatchilarning xizmat muddatini bir oyga qisqartirish ularning kitob o‘qishga qiziqishini oshirish va ma’naviy-intellektual...

Pokistonning Panjob viloyatida yo‘lovchi poyezdi relsdan chiqib ketishi oqibatida kamida olti kishi halok bo‘ldi, 30 kishi jarohatlandi. Hodisa Karachi shahridan Peshavorga ketayotgan Rehman Baba Express poyezdida yuz bergan. Bu haqda Geo News xabar berdi.

Poyezdning barcha 14 ta vagoni relsdan chiqib ketgan

Hodisa 13-oktabr kuni ertalab Multon shahri yaqinidagi Sher Shoh ko‘prigi hududida sodir bo‘lgan. Yo‘lovchilardan birining aytishicha, poyezd mahalliy vaqt bilan soat 05:15 atrofida relsdan chiqib ketgan.

Geo News ma’lumotiga ko‘ra, jarohatlanganlar Multon shahridagi Nishtar shifoxonasiga yetkazilgan. Qutqaruvchilar voqea joyida ish olib borgan, poyezdning 14 ta vagonidan 13 tasi tozalangani, yana bir vagonda qutqaruv ishlari davom etayotgani...

O‘zbekiston prezidenti Shavkat Mirziyoyev 14 – 15-oktabr kunlari Ozarbayjonga boradi. U Bakuda Osiyoda hamkorlik va ishonch choralari bo‘yicha kengashning (OHIChK) yettinchi sammitida ishtirok etadi. Bu haqda prezident matbuot xizmati xabar berdi.

Sammitda nimalar muhokama qilinadi

Tashrif Ozarbayjon prezidenti Ilhom Aliyev taklifiga binoan amalga oshiriladi. Ozarbayjon raisligida o‘tadigan sammitda Osiyoda tinchlik, xavfsizlik va o‘zaro ishonchni mustahkamlash, shuningdek, kengashning institutsional rivojlanishi masalalari muhokama qilinadi.

Ishtirokchilar transport bog‘liqligini rivojlantirish, raqamlashtirish va barqaror iqtisodiy o‘sish yo‘nalishlarida hamkorlikni kengaytirish istiqbollarini ko‘rib chiqadi. Shuningdek, mintaqaviy va xalqaro ahamiyatga ega masalalar yuzasidan fikr almashadi.

Sammit yakunida Baku deklaratsiyasi qabul qilinishi rejalashtirilgan

Tadbir yakunida Baku...

Toshkent shahri va unga tutash beshta tumandagi issiqxonalar uchun yangi ekologik talablar joriy etish taklif qilindi. Unga ko‘ra, xo‘jaliklar 2026-yil 1-dekabrgacha muqobil energiya manbalariga o‘tishi, ekologik me’yorlarni buzgan issiqxonalar faoliyati esa to‘xtatilishi mumkin. Bu haqda prezident matbuot xizmati xabar berdi.

Issiqxonalar 1-dekabrgacha muqobil energiyaga o‘tishi mumkin

Shavkat Mirziyoyevga taqdim etilgan taklifga ko‘ra, Toshkent shahri va unga tutash beshta tumandagi issiqxonalarni isitishda tabiiy gaz, elektr, geotermal va quyosh energiyasi, shuningdek, issiqlik elektr stansiyalarining ikkilamchi issiqligidan foydalanishga ruxsat beriladi.

Shina, plastmassa, bitum, mazut, ishlatilgan moy va boshqa chiqindilarni yoqish taqiqlanishi ko‘zda tutilgan. Qattiq yoqilg‘ida ishlayotgan issiqxonalarga esa joriy yil 1-dekabrgacha...

Amerikalik bloger Jimmy Donaldson (MrBeast)ning O‘zbekistonga tashrifi avvaldan belgilangan dastur asosida o‘tkazildi. Toshkent va Samarqandni qamrab olgan safar davomida dasturdagi birorta band bekor qilinmagan. Bu haqda O‘zbekiston Madaniyat va san’atni rivojlantirish jamg‘armasi ma’lum qildi.

MrBeast jamoasi suratga olishni davom ettirmoqda

Jamg‘arma bayonotida qayd etilishicha, MrBeastning O‘zbekistonga tashrifi ikki shahar – Toshkent va Samarqandni qamrab olishi oldindan rejalashtirilgan. Dastur bloger jamoasi bilan kelishilgan hamda tasdiqlangan jadval asosida amalga oshirilgan.

Shuningdek, MrBeastning jo‘nab ketish sanasi ham avvaldan belgilangan bo‘lgan. Tasvirga olish guruhining boshqa a’zolari esa reja bo‘yicha O‘zbekistonning boshqa shaharlarida suratga olish ishlarini davom ettirmoqda.

Jamg‘arma Toshkent va Samarqand...

2021 – 2025-yillarda dunyo bo‘ylab asosiy turdagi qurol-yarog‘ yetkazib berish hajmi oldingi besh yillik davrga nisbatan 9,2 foizga oshdi. AQSh ko‘plab davlatlarga qurol eksport qilayotgan bo‘lsa, ayrim eksportchilar yetkazib berishning katta qismini bir yoki bir nechta mamlakatga yo‘naltiradi. Bu haqda Stokgolm xalqaro tinchlik tadqiqotlari instituti (SIPRI) ma’lumotlari asosida xabar berildi.

Saudiya Arabistoni qurolni, asosan, AQShdan oladi

SIPRI ma’lumotlariga ko‘ra, 2021 – 2025-yillarda Saudiya Arabistoni asosiy turdagi qurol-yarog‘ importi bo‘yicha dunyoda uchinchi o‘rinni egallagan. Mamlakatning bunday qurol xaridlarining 77 foizi AQSh hissasiga to‘g‘ri kelgan.

Ikki davlat o‘rtasidagi harbiy hamkorlik bir necha o‘n yillardan beri davom etmoqda. Amerika samolyotlari, havo...

O‘zenergoinspeksiya tekshiruvlari natijasida 199 tadbirkorga elektr energiyasi va tabiiy gaz uchun jami 15,7 mlrd so‘m ortiqcha hisoblangani aniqlanib, bu mablag‘lar qayta hisob-kitob qilindi. Bu haqda OAV uchun kontent tayyorlash markazida o‘tkazilgan brifingda O‘zenergoinspeksiya Axborot xizmati rahbari Navro‘z Norboboyev ma’lum qildi.

15,7 mlrd so‘m qayta hisoblandi

Joriy yilda tadbirkorlik subyektlarining elektr energiyasi va tabiiy gaz bo‘yicha hisob-kitoblari o‘rganilib, ulardagi xato va kamchiliklar aniqlangan. Natijada 199 tadbirkorga elektr energiyasi uchun ortiqcha hisoblangan 3 mlrd 632 mln so‘m hamda tabiiy gaz uchun 12 mlrd 84 mln so‘m qayta hisob-kitob qilingan.

Noqonuniy foydalanishdan 825,3 mlrd so‘m zarar

Brifingda energiya...

14-oktabr uchun valyutalar kursi yangilandi. Dollar 14,26 so‘mga oshib, 11 913,35 so‘mni tashkil etdi. Yangilangan kursni Markaziy bank o‘z saytida e’lon qildi.

Dollarning so‘nggi kunlardagi o‘zgarishi

7-oktabr kuni 12,34 so‘mga oshib, 11 790,79 so‘mni tashkil etdi. 8-oktabr kuni 18,40 so‘mga oshib, 11 809,19 so‘mga, 9-oktabr kuni 37,38 so‘mga oshib, 11 846,57 so‘mga, 10-oktabr kuni esa 51,33 so‘mga oshib, 11 897,90 so‘mga tenglashdi. 13-oktabr kuni dollar 1,19 so‘mga oshib, 11 899,09 so‘m bo‘ldi.

Shuningdek, o‘qing: Dollar valyutasining kelajagi qanday — ekspert sharhi

Yevro kursida oshish kuzatildi. Yevropa valyutasi 30,24 so‘mga oshib, 13 328,66 so‘m bo‘ldi. Rossiya rubli ham...

Surxondaryo viloyatining Denov tumanida milliy kurash musobaqasida taniqli polvon Nizomiddin Cho‘tboyevni pichoqlab o‘ldirgan Doston Jabborov 19 yilga ozodlikdan mahrum qilindi. Kursiv Uzbekistan sud hujjati bilan tanishdi.

Mojaro kurashdagi mag‘lubiyatdan keyin boshlangan

Sud hujjatlariga ko‘ra, 1997-yilda tug‘ilgan Doston Jabborov 2026-yil 9-may kuni Denov tumani Yangiariq mahallasida o‘tkazilgan milliy kurash musobaqasiga borgan. Unda Jabborovning ukasi Bo‘stonbek Jabborov polvon Nizomiddin Cho‘tboyevning o‘g‘li Ayubxon Xurramov bilan kurashgan va mag‘lub bo‘lgan.

Shundan keyin Doston Jabborov musobaqa joyini tark etgan. Yo‘lda taksi haydovchisidan otasi Asl Xudoyqulov va Nizomiddin Cho‘tboyev o‘rtasida tortishuv yuz berganini eshitgan. G‘azablangan Jabborov musobaqa o‘tkazilayotgan joyga qaytgan.

U yaqin atrofdagi oziq-ovqat do‘konidan...

Poytaxt mintaqasidagi issiqxonalarga ekologik toza isitish texnologiyalariga o‘tish sharti bilan faoliyatini davom ettirishga ruxsat berish taklif qilinmoqda. Ekologik xavfsiz isitish tizimlari bilan jihozlanmagan issiqxonalarga nisbatan esa taqiq saqlanib qoladi.

Ekologiya va iqlim o‘zgarishi milliy qo‘mitasi ma’lumotiga ko‘ra, havo haroratining pasayishi va shamolsiz ob-havo sharoitida poytaxt mintaqasida ko‘mir yoqadigan issiqxonalardan chiqayotgan ifloslantiruvchi moddalar bo‘yicha murojaatlar ko‘paygan.

Xususan, Yunusobod tumani aholisi havo sifati yomonlashgani va issiqxonalarni ko‘mir bilan isitish natijasida noxush hidlar paydo bo‘layotgani haqida shikoyat qilgan.

Murojaatlardan so‘ng mutasaddi tashkilotlar joyiga chiqib o‘rganish o‘tkazgan va havodan namunalar olgan.

Issiqxonalar ekologik toza energiyaga o‘tishi mumkin

Taklifga ko‘ra, davlat ekologik ekspertizasining...

Milliarder Ilon Mask 2026-yil noyabrida bo‘lib o‘tadigan AQSh Kongressi saylovlarida respublikachilarni qo‘llab-quvvatlash uchun iyul oyidan buyon kamida 276 mln dollar ajratdi. Shu orqali u joriy oraliq saylovlarning eng yirik ma’lum siyosiy donoriga aylandi. Bu haqda The New York Times xabar berdi.

Mablag‘ning katta qismi Senat saylovlariga yo‘naltirildi

Nashr ma’lumotlariga ko‘ra, Maskning 2026-yilgi saylovlar davridagi jami siyosiy xarajatlari 366 mln dollarga yetgan. Shundan kamida 276 mln dollari iyul oyidan buyon respublikachilarni qo‘llab-quvvatlovchi tashkilotlar va o‘zining siyosiy harakat qo‘mitasiga yo‘naltirilgan.

Mablag‘lar quyidagicha taqsimlangan:

Qozog‘istonning Mang‘istau viloyatida, Kaspiy dengizi sohilidagi Bautino qishlog‘i yaqinidan 10 – 12 ta o‘lik tyulen topildi. Hayvonlar jasadlari qirg‘oqning taxminan 2,5 – 3 kilometrga cho‘zilgan qismida yotgan. Bu haqda Lada.kz xabar berdi.

Ekologiya idoralaridan javob kutilmoqda

Nashrning yozishicha, Aqtau shahrida yashovchi ayol 11-oktabr kuni qirg‘oqda o‘lik tyulenlarni aniqlagan. Hodisa yuzasidan Lada.kz Mang‘istau viloyati ekologiya departamenti hamda hududiy baliq inspeksiyasiga so‘rov yuborgan. Hozircha hayvonlarning nimadan nobud bo‘lgani ma’lum emas.

2024-yilda qirg‘oqqa 2 mingdan ortiq o‘lik tyulen chiqib qolgan

Mang‘istau viloyati mutaxassislari Kaspiy tyulenlarining nobud bo‘lishi mumkin bo‘lgan bir nechta sababini ilgari surgan. Ular orasida suv...

AQSh hukumati, Google va Meta biologik tadqiqotlar uchun sun’iy intellekt modellarini o‘qitishga mo‘ljallangan yirik ma’lumotlar bazasini yaratish loyihasiga qo‘shildi. Tashabbusga jami $1,8 mlrd yo‘naltirilishi rejalashtirilgan.

Sun’iy intellekt dori yaratish jarayonini tezlashtirishi mumkin

Loyiha «Virtual Biology Initiative» deb nomlanadi va Meta rahbari Mark Sukerberg hamda uning rafiqasi, shifokor Prissilla Chan tomonidan tashkil etilgan Biohub notijorat tashkiloti tomonidan muvofiqlashtiriladi.

Tashabbusning asosiy maqsadi hujayralarning turli sharoitlardagi reaksiyasi haqida katta hajmdagi ma’lumotlarni to‘plash va ular asosida biologik jarayonlarni oldindan bashorat qila oladigan AI modellarini yaratishdir. Biohub bu texnologiyalar yangi dori vositalarini ishlab chiqish uchun hozir yillar talab qiladigan jarayonlarni sezilarli tezlashtirishi mumkinligini...