Yangiliklar

Prezident Shavkat Mirziyoyev Koreya Respublikasining Inchxon shahrida o‘tkazilgan «FIRST Global Challenge» xalqaro robototexnika musobaqasida jahon chempioni bo‘lgan O‘zbekiston terma jamoasi a’zolari va murabbiylarini davlat mukofotlari bilan taqdirlash to‘g‘risidagi farmonni imzoladi. Jami 14 kishi medal bilan mukofotlandi.

Farmonda qayd etilishicha, O‘zbekiston terma jamoasi Inchxonda o‘tkazilgan xalqaro musobaqada dunyoning 190 ga yaqin mamlakatlaridan kelgan yoshlar orasida rekord natija qayd etib, jahon chempioni bo‘lgan.

Jamoa vakillari zamonaviy muhandislik, robototexnika va texnologiyalar sohasidagi bilim va mahorati uchun davlat mukofotlariga sazovor bo‘ldi.

Bosh murabbiy «Sodiq xizmatlari uchun» medali bilan taqdirlandi

Robototexnika bo‘yicha O‘zbekiston terma jamoasi bosh murabbiyi Ziyodulla Bo‘taxonov «Sodiq xizmatlari uchun» medali...

Xpeng kompaniyasi Xpeng G9L elektr krossoverini Yevropada sotuvga chiqardi. Model sakkizta mamlakat – Fransiya, Germaniya, Niderlandiya, Belgiya, Norvegiya, Daniya, Shvetsiya va Avstriyada taqdim etildi.

G9L Avstriyaning Grats shahridagi Magna zavodida ishlab chiqarilayotgan Xpeng’ning to‘rtinchi modeli hisoblanadi. Dastlabki ishlab chiqarisholdi avtomobili Gratsdan Parijgacha 1 324 km masofani bosib o‘tib, 2026-yilgi Parij avtosalonida namoyish etilgan.

Eng arzon narx Norvegiyada

Xpeng G9L Fransiyada 74 990 yevro, ya’ni qariyb $83,9 mingdan sotiladi. Germaniyada narx 74 600 yevro yoki $83,4 ming, Niderlandiyada esa 76 990 yevro yoki $86 mingni tashkil qiladi.

Belgiyada model $83,9 ming, Avstriyada $84,5 ming, Shvetsiyada qariyb $84,8 mingdan taklif...

Migratsiya agentligi va AQShning Head Honchos kompaniyasi o‘zbekistonliklarni AQSh qishloq xo‘jaligi sohasidagi mavsumiy ishlarga tayyorlash bo‘yicha maxsus dastur ishlab chiqishga kelishdi. Dastur taxminan 12 hafta davom etadi.

Migratsiya agentligi rahbari Muhsinxo‘ja Abdurahmonov Head Honchos kompaniyasi vakillari bilan onlayn muzokara o‘tkazdi.

Kelishuvga ko‘ra, nomzodlar uchun ingliz tili, qishloq xo‘jaligi texnikasini boshqarish, uskunalarga texnik xizmat ko‘rsatish va ta’mirlash, payvandlash hamda mehnat xavfsizligi bo‘yicha maxsus o‘quv dasturi ishlab chiqiladi.

Ish beruvchilar tanlovda ishtirok etadi

AQShdagi ish beruvchilar o‘quv dasturini ishlab chiqish, nomzodlarni sinovdan o‘tkazish va yakuniy sertifikatlash jarayonida qatnashadi.

Maqsad – birinchi guruhni AQShdagi bahorgi qishloq xo‘jaligi mavsumiga tayyorlash.

O‘zbekistonlik...

Samarqand viloyatining Paxtachi tumanida Cobalt va elektroskuter ishtirokida yo‘l-transport hodisasi sodir bo‘ldi. Oqibatda elektroskuterdagi ikki yo‘lovchi vafot etdi. Bu haqda Samarqand viloyati YHXB ma’lum qildi.

Hodisa qanday sodir bo‘lgan

YTH 9-oktabr kuni soat 13:00 atrofida Paxtachi tumani Mirkan mahallasi hududidan o‘tuvchi 4K-560 avtomobil yo‘lining 14-kilometrida yuz bergan.

Dastlabki ma’lumotlarga ko‘ra, Mirkan – Misit yo‘nalishida harakatlanayotgan Cobalt haydovchisi yo‘lning o‘ng tomonidan to‘satdan chiqqan velosipedchini urib yubormaslik uchun rulni chapga burgan. Oqibatda u boshqaruvni yo‘qotib, qarama-qarshi yo‘nalishga chiqib ketgan va elektroskuterni urib yuborgan.

Ikki yo‘lovchi vafot etdi

To‘qnashuv oqibatida elektroskuterdagi yo‘lovchilardan biri voqea joyida vafot etgan. Haydovchi va yana...

Toshkent viloyatining Chirchiq shahri va Qibray tumanida giyohvandlik vositalari savdosiga qarshi tezkor tadbirlar o‘tkazildi. Natijada jami 4,7 kilogramm narkotik modda musodara qilindi. Bu haqda Ichki ishlar vazirligi xabar berdi.

Chirchiqda voyaga yetmaganlar ham ushlangan

Chirchiqda o‘tkazilgan tezkor tadbirda 2006-yilda tug‘ilgan qiz va uning 2008-yilda tug‘ilgan voyaga yetmagan sherigi 41 dona skotch bo‘lagiga o‘ralgan sintetik giyohvandlik vositalarini tarqatayotgan vaqtda ushlangan.

Shuningdek, voyaga yetmagan qiz ijarada yashayotgan uyda sotish maqsadida saqlangan 1 kilogramm 259 gramm sintetik giyohvandlik vositasi aniqlangan.

Boshqa bir tezkor tadbirda esa 2009-yilda tug‘ilgan voyaga yetmagan qizni giyohvandlik vositalari savdosiga jalb qilgan shaxs aniqlangan. U 1988-yilda tug‘ilgan ayol...

11-oktabr kuni Toshkentdan Seulga uchayotgan Uzbekistan Airways aviakompaniyasining HY 511 reysida samarqandlik shifokor Hasan Komilov xushini yo‘qotgan ayolning hayotini saqlab qoldi.

Kutilmagan holat

Samolyot Toshkentdan havoga ko‘tarilganidan uch soat o‘tib, yo‘lovchilardan birining ahvoli keskin yomonlashgan. Uchuvchining shoshilinch tibbiy yordam so‘rab qilgan murojaatiga 16 yillik ish tajribasiga ega otorinolaringolog Hasan Komilov darhol e’tibor qaratdi.

Kritik holat va qutqaruv

«Ayol xushsiz holatda yotgan, terisi ko‘kargan, pulsi sezilmas va qon bosimi nolga tushib ketgan edi», – deya holatni tushuntirdi shifokor. Komilov o‘zi bilan doim olib yuradigan tibbiy sumkasidagi vositalar orqali bortkuzatuvchilar bilan birgalikda qariyb bir soat...

O‘tkazilgan tezkor tadbirda xorijdan yuborilgan 24,9 kg pregabalin (kuchli ta’sir qiluvchi modda) to‘xtatib qolindi. Bu haqda DXX xabar bermoqda. Xabarga ko‘ra, jo‘natma Xitoydan yuborilgan.

Jo‘natmadan 24,974 kg pregabalin topildi

Jo‘natmani kuryerlik faoliyati bilan shug‘ullanuvchi firmaning Toshkent shahridagi ofisida qabul qilib olayotgan ikki shaxs ushlangan.

Ulardan biri Yunusobod tumanida yashovchi 2000-yilda tug‘ilgan fuqaro, ikkinchisi esa 1998-yilda Farg‘ona viloyatida tug‘ilgan va hozirgi kunda Chilonzor tumanida vaqtincha yashovchi shaxs ekani ma’lum qilindi.

Jo‘natma ochib ko‘rilganda, uning ichidan oq rangli kukunsimon ko‘rinishdagi 24 kg 974 gramm pregabalin kuchli ta’sir qiluvchi moddasi aniqlangan.

Jinoyat ishi qo‘zg‘atildi

Mazkur holat yuzasidan Jinoyat kodeksining 246-moddasi...

2026-yilning yanvar – avgust oylarida O‘zbekistonda 811,3 ming tonna avtomobil benzini ishlab chiqarildi. Milliy statistika qo‘mitasi ma’lumotiga ko‘ra, bu 2025-yilning mos davridagiga nisbatan 4,6% ko‘p.

Dizel ishlab chiqarish 834 ming tonnadan oshdi

Sakkiz oy davomida mamlakatda 834,3 ming tonna dizel yonilg‘isi ishlab chiqarilgan.

Shuningdek, neft qazib olish hajmi 425 ming tonnani, gaz kondensati esa 648,3 ming tonnani tashkil etdi.

24,2 mlrd kub metr tabiiy gaz qazib olindi

Yanvar – avgust oylarida O‘zbekistonda 24,2 mlrd kub metr tabiiy gaz qazib olingan.

Ko‘mir qazib olish hajmi esa 4,4 mln tonnani tashkil etdi.

Eslatib o‘tamiz, qo‘mita sentabr oyida benzin narxlari...

O‘zbekistonda arxiv ishi va ish yuritishga oid hujjatlar loyihalarini ekspertizadan o‘tkazish bo‘yicha davlat xizmatini ko‘rsatish tartibi belgilandi. Bu haqda Adliya vazirligi xabar berdi.

Qaror bilan mazkur davlat xizmatini ko‘rsatishning ma’muriy reglamenti tasdiqlandi.

Arizalar YIDXP va davlat xizmatlari markazlari orqali beriladi

Yangi tartibga ko‘ra, davlat xizmati Yagona interaktiv davlat xizmatlari portali hamda davlat xizmatlari markazlari orqali ko‘rsatiladi. Ariza beruvchilar davlat organlari va yuridik shaxslar bo‘lishi mumkin.

Xizmat «O‘zarxiv» agentligi, O‘zbekiston milliy arxivlari, Qoraqalpog‘iston Respublikasi, viloyatlar va Toshkent shahri arxiv ishi hududiy boshqarmalari tomonidan ko‘rsatiladi.

YIDXP orqali murojaatda to‘lov 10% arzonroq bo‘ladi

YIDXP orqali murojaat qilinganda so‘rovnomani elektron raqamli...

O‘zbekistonda davlat sirlari bilan bog‘liq hamda alohida muhim toifaga kiritilgan qurilish obyektlarini foydalanishga qabul qilishning alohida tartibi belgilandi. Bu hukumatning 12-oktabrdagi 560-son qarorida nazarda tutilgan.

Qaror bilan qurilishi tugallangan obyektlarni topshirish-qabul qilish va foydalanishga ruxsatnoma berish bo‘yicha davlat xizmatlarini ko‘rsatishning ma’muriy reglamentiga o‘zgartirish kiritildi.

Ayrim obyektlar to‘g‘ridan to‘g‘ri qabul qilinadi

Yangi tartibga ko‘ra, alohida hollarda davlat sirlari bilan bog‘liq yoki alohida muhim toifalangan obyektlar Vazirlar Mahkamasining tegishli hujjatlari asosida foydalanishga qabul qilinadi.

Buning uchun Davlat qabul komissiyasi hamda buyurtmachi tomonidan ishchi komissiya tuziladi. Obyekt ushbu komissiyalar dalolatnomalarini rasmiylashtirish va tasdiqlash orqali to‘g‘ridan to‘g‘ri foydalanishga qabul qilinadi.

Dalolatnomani...

Avstraliyaning Kvinslend shtatida boshi qismidan ikkita qo‘shimcha oyoq o‘sib chiqqan buzoq tug‘ildi. O‘ziga xos jihat bilan dunyoga kelgan Spider laqabli buzoqni egalari uxlatib qo‘yib, o‘ldirishni o‘ylagan, biroq veterinarlar uni operatsiya qilishga ko‘ndirgan. Bu haqda ABC News xabar berdi.

Buzoqdagi bu jihat nimadan kelib chiqqan

Sidney universiteti veterinariya fanlari maktabi vakili Imke Tammenning aytishicha, hozircha Spiderning bosh qismida qo‘shimcha oyoqlar paydo bo‘lishi sababini aniq tushuntirishning imkoni yo‘q.

Taxminlardan biriga ko‘ra, bunga parazit egizaklik hodisasi sabab bo‘lishi mumkin. Bunda embrional rivojlanishning dastlabki bosqichlarida egizaklardan birining rivojlanishi to‘xtab, uning ayrim tana qismlari ikkinchi embrion organizmida saqlanib qoladi.

Biroq Tammen boshqa ehtimollarni...

Madaniy meros agentligi direktori o‘rinbosari Azizjon Aripjonov boshchiligidagi delegatsiya joriy yilning 7 – 11-oktabr kunlari Afg‘onistondagi bir qator yodgorliklarning holatini o‘rgandi.

Xususan, delegatsiya Balx, Taxor, Sari-Pul va Faryob viloyatlaridagi tarixiy va madaniy meros obyektlarini ko‘zdan kechirdi. Mazori Sharifdagi Ravzai muborak maqbarasi, Taxordagi Boborahim Mashrab ziyoratgohi, Sari-Puldagi tarixiy ko‘prik va masjidlar, Faryobdagi Bobo Vali Jon madrasasi, Alisher Navoiy mablag‘i hisobidan qurilgan Bobo Vali hovuzi hamda Mirsaid Baraka me’moriy obidasi o‘rganildi.

O‘zbekiston Afg‘onistondagi tarixiy obidalarni tiklashga ko‘maklashadi

Tashrif davomida afg‘on tomoni bilan yodgorliklarni saqlash va restavratsiya qilish bo‘yicha hamkorlik masalalari muhokama qilindi.

Yig‘ilgan ma’lumotlar tahlil qilingach, O‘zbekiston Madaniy meros...

O‘zbekistonlik futbolchi Abduqodir Husanovning 2026-yilgi klub va terma jamoadagi statistikasi e’lon qilindi. Himoyachi joriy yilda «Manchester Siti» safida Angliya Premer-ligasi va UEFA Chempionlar ligasida to‘rtta uchrashuvda qatnashgan.

APLda Husanov uchta o‘yinda asosiy tarkibda maydonga tushib, jami 269 daqiqa o‘ynagan. Chempionlar ligasida esa bitta uchrashuvda 42 daqiqa harakat qilgan.

APLda uch o‘yinda 269 daqiqa o‘ynadi

2026-yilgi APL bahslarida Husanov uchta uchrashuvning barchasini asosiy tarkibda boshlagan. Statistikaga ko‘ra, u...

Samarqandda mikroo‘rmonlar, kichik botanika bog‘lari va suvni tejovchi ko‘kalamzorlashtirish yechimlarini sinovdan o‘tkazish taklif qilindi. Natija ijobiy bo‘lsa, tajribani O‘zbekistonning boshqa shaharlari va Markaziy Osiyo davlatlariga ham tatbiq etish mumkin. Bu masala Ekologiya va iqlim o‘zgarishi milliy qo‘mitasi raisi Aziz Abduhakimov va FAO bosh direktori Syuy Dunyuy uchrashuvida muhokama qilindi.

Cho‘llanishga qarshi «yashil qalqon» loyihasi yo‘lga qo‘yiladi

Uchrashuvda yerlarning degradatsiyasi, cho‘llanish, qum va chang bo‘ronlariga qarshi «Markaziy Osiyoning yashil qalqoni» tashabbusi ham muhokama qilindi. Unda mintaqada himoya o‘rmonzorlari va yashil to‘siqlar tizimini yaratish ko‘zda tutilgan.

FAO ko‘magida loyiha uchun ustuvor hududlar, aniq ko‘rsatkichlar va moliyalashtirish mexanizmlarini belgilash taklif...

Samsung Galaxy S25 Ultra modelining 1 TB xotirali versiyasi Woot platformasida $949 – 997 narxda sotuvga qo‘yildi. Qurilmalar yangi, biroq qutisi ochilgan holatda va operatorga bog‘lanmagan tarzda taklif etilmoqda.

Aksiya yana yetti kun davom etadi yoki mavjud zaxira tugaguncha amal qiladi. Har bir xaridor ko‘pi bilan ikkita smartfon xarid qilishi mumkin.

Narx Galaxy S26 Ultra’dan ancha past

Taqqoslash uchun, Galaxy S26 Ultra’ning 1 TB versiyasi odatda $1999 turadi.

Samsung rasmiy do‘konidagi $200 chegirmadan keyin ham yangi model uchun Galaxy S25 Ultra’ning hozirgi aksiya narxiga nisbatan qariyb $800 ko‘proq to‘lashga to‘g‘ri keladi.

Shu sababli Woot’dagi taklif Galaxy S25 Ultra’ni...

Markaziy bank ayrim tijorat banklarining omonat shartnomalarida mijozlarning o‘z mablag‘larini qaytarib olish huquqini cheklashi mumkin bo‘lgan bandlarni aniqladi. Banklarga amaldagi shartnomalarni qayta ko‘rib chiqish va qonunchilikka zid shartlarni zudlik bilan bartaraf etish talabi qo‘yildi.

Ayrim shartnomalarda omonatni qaytarish cheklangan

Markaziy bank tijorat banklarining omonat mahsulotlari bo‘yicha shartnomalarini o‘rganib chiqdi.

Natijada ayrim banklar shartnomalarida ommaviy tartibsizliklar, mitinglar, bosqinchilik holatlari yoki bankning to‘lovga qobiliyatsizligi davrida omonatni muddatidan oldin qaytarish bo‘yicha bank javobgar bo‘lmasligi ko‘rsatilgani aniqlandi.

Markaziy bank bunday shartlar omonatchining o‘z mablag‘ini qaytarib olish huquqini cheklashi mumkinligini qayd etdi.

Bank omonatni mijoz talab qilganda qaytarishi shart

Amaldagi qonunchilikka ko‘ra...

UzAuto Motors ijtimoiy tarmoqlar va internet sahifalarida Chevrolet Cobalt avtomobillari boshlang‘ich to‘lovsiz bo‘lib to‘lash sharti asosida sotuvga chiqarilgani haqidagi xabarlarni rad etdi.

Kompaniya ma’lumotiga ko‘ra, bunday xabarlar haqiqatga to‘g‘ri kelmaydi. UzAuto Motors jamoatchilik vakillarini tasdiqlanmagan va yolg‘on ma’lumotlarni tarqatmaslikka chaqirdi.

Amaldagi taklifda 50% boshlang‘ich to‘lov bor

UzAuto Motors 7-oktabrdan Chevrolet Cobalt va Damas avtomobillarini bank ishtirokisiz bo‘lib to‘lash dasturini yo‘lga qo‘ygan. Cobalt uchun boshlang‘ich to‘lov 50% etib belgilangan, qolgan mablag‘ esa 24 oy davomida to‘lanadi.

Masalan, Cobalt GX-STYLE AT PLUS komplektatsiyasi 156,1 mln so‘m turadi. U uchun 78,05 mln so‘m boshlang‘ich to‘lov talab etiladi, oylik to‘lov esa...

Serbiyaning «Sherpa d.o.o.» kompaniyasi 2027-yilda O‘zbekistondan 300 nafardan ortiq qurilish va unga turdosh kasb vakillarini ishga jalb qilishni rejalashtirmoqda. Bu haqda Migratsiya agentligi ma’lum qildi.

Agentlik rahbari Muhsinxo‘ja Abdurahmonov «Sherpa d.o.o.» kompaniyasi bosh direktori Damir Lunich bilan onlayn muzokara o‘tkazdi.

Unda kompaniya 2027-yilda O‘zbekistondan 300 nafardan ortiq ishchini jalb qilishga tayyorligini bildirdi. Kompaniyaning hamkorlari orasida «EXPO 2027» loyihalarida ishtirok etayotgan pudratchilar ham bor.

Nomzodlar O‘zbekistonda tanlanadi

Tomonlar talab yuqori bo‘lgan kasblarni va mehnat shartlarini aniqlash, nomzodlarni maqsadli saralash hamda ularni kasbiy tayyorlash bo‘yicha kelishib oldi.

Yakuniy tanlovlarni Serbiya kompaniyasi vakillari ishtirokida O‘zbekistonda o‘tkazish rejalashtirilgan.

Jahon sog‘liqni saqlash tashkiloti (JSST) ma’lumotiga ko‘ra, so‘nggi 35 yil ichida 5 – 19 yoshli bolalar va o‘smirlar orasida semizlik darajasi 2 foizdan 8 foizgacha oshgan. 2024-yilda dunyo bo‘yicha 170 mln nafar bola va o‘smir semizlik muammosiga duch kelgan. Shundan 70 mln nafari 5 – 9 yoshli bolalar, 100 mln nafari esa 10 – 19 yoshli o‘smirlardir.

JSST semizlikni yurak-qon tomir kasalliklari va 2-tur qandli diabet xavfini oshiruvchi surunkali kasallik sifatida baholaydi. Shuningdek, ortiqcha vazn bolalarning ruhiy salomatligiga ham salbiy ta’sir qilishi mumkin.

10 yoshgacha dori va jarrohlik tavsiya etilmaydi

Tashkilot bolalar va o‘smirlarda semizlikni davolash bo‘yicha ilk...

Saudiya Arabistonining Ar-Riyod shahridagi Qirol Xolid xalqaro aeroporti husiylarning ketma-ket hujumlaridan keyin kamida 17-oktabrgacha yopiq qoladi. So‘nggi hujumlarda jami 14 kishi halok bo‘lib, 300 dan ortiq odamlar jarohatlangan.

Hujumlar Saudiya Arabistonidagi aeroportlar va boshqa infratuzilma obyektlariga qarshi amalga oshirilgan. Vaziyat fonida bir qator xalqaro aviakompaniyalar mamlakatga reyslarni vaqtincha to‘xtatdi.

Ar-Riyod aeroportiga ketma-ket hujum qilindi

10-oktabr kuni Qirol Xolid xalqaro aeroportiga uyushtirilgan hujum oqibatida kamida 12 kishi halok bo‘ldi va 300 dan ortiq odamlar jarohatlandi. Ertasi kuni aeroportga yana zarba berilib, bir Pokiston fuqarosi halok bo‘ldi, yana 11 kishi jarohatlandi.

Keyingi ma’lumotlarga ko‘ra, hujumlarda halok bo‘lganlar soni 14 nafarga...

Markaziy bankning Bank nazorati qo‘mitasi 2026-yil sentabr oyida prudensial me’yorlar va qonunchilik talablariga rioya qilmagan sakkizta bankka nisbatan jarima sanksiyalarini qo‘lladi. Oy davomida qo‘mita sakkizta yig‘ilish o‘tkazib, jami 37 ta masalani ko‘rib chiqdi.

Sentabr oyidagi yig‘ilishlarda ro‘yxatga olish, ruxsat berish hamda kredit va to‘lov tashkilotlarining moliyaviy holati bilan bog‘liq masalalar muhokama qilindi. Ro‘yxatga olish va ruxsat berish yo‘nalishida jami 21 ta masala ko‘rib chiqildi.

Ular orasida kredit tashkilotlari ustaviga kiritilgan o‘zgartirishlarni ro‘yxatdan o‘tkazish, mikromoliya va to‘lov tashkilotlariga ruxsat berish, ustav fondidagi ulushga egalik qilish hamda bank rahbarlari nomzodlarini ko‘rib chiqish bilan bog‘liq masalalar bor.

Moliyaviy holat bo‘yicha...

Honor Xitoyda Honor Win 2 seriyasidagi yangi smartfonlar uchun oldindan buyurtmalarni qabul qilishni boshladi, deya xabar bermoqda ITHome nashri.

Qurilmalar JD.com platformasida Quick Black, Designated Win va Red & Blue Buff ranglarida taqdim etilgan. Hozircha smartfonlarning rasmiy narxlari e’lon qilinmagan. Oldindan buyurtmalar narx ko‘rsatilmagan holda qabul qilinmoqda.

Besh xil xotira konfiguratsiyasi taklif etiladi

Honor Win 2 seriyasi 12/256 GB, 16/256 GB, 12/512 GB, 16/512 GB va 16 GB/1 TB xotira konfiguratsiyalarida sotuvga chiqariladi.

Avvalgi ma’lumotlarga ko‘ra, seriyadagi modellardan biri taxminan 12 000 mA/soat sig‘imli batareya bilan jihozlanishi mumkin.

RGB yoritish va sovitish ventilyatori mavjud

Smartfonlarda Matrix...

Li Auto i6 elektr krossoveri 2027-yilning birinchi choragida Yevropa bozoriga chiqadi. Model Yevropada Li 6 nomi bilan sotiladi, dastlabki yetkazib berishlar esa Niderlandiya va Norvegiyada boshlanadi.

Avtomobilning Yevropa uchun mo‘ljallangan versiyasi 12-oktabr kuni 2026-yilgi Parij avtosalonida namoyish etildi.

Li 6 yangi dizayn elementlarini oldi

Yevropa versiyasi yarim yashirin eshik tutqichlari, ikki marta taqillatish orqali ochiladigan old bagaj va matritsali faralar bilan jihozlangan.

Krossoverning uzunligi 4 950 mm, kengligi 1 935 mm, balandligi 1 655 mm. G‘ildirak bazasi 3 000 mm ni tashkil etadi.

Salonida 29 dyuymli ekran bor

Li 6 salonida 29 dyuymli yirik displey o‘rnatilgan.

Multimedia...

Samarqand viloyatida og‘ir va davolab bo‘lmaydigan kasalliklarga chalingan bolalar uchun mobil palliativ xizmat ish boshladi. Ijtimoiy himoya milliy agentligi hududda bunday yordamga muhtoj 300 nafardan ortiq bolalar aniqlangani haqida xabar berdi. Yana ayni paytda Samarqandda Ijtimoiy himoya milliy agentligi tomonidan bolalar xospisi qurilmoqda.

Yordam bolalarning uyida ko‘rsatiladi

Mobil brigada tarkibiga tibbiyot mutaxassislari, ijtimoiy xodimlar va psixologlar kiradi. Ular bolalarga uy sharoitida yordam ko‘rsatadi, og‘riq va kasallik alomatlarini yengillashtirish bilan shug‘ullanadi.

Har bir bola va unga g‘amxo‘rlik qilayotgan oila uchun individual yordam rejasi ishlab chiqiladi. Ota-onalarga esa bolani parvarish qilish bo‘yicha zarur ko‘nikmalar o‘rgatiladi.

Ijtimoiy himoya milliy agentligi direktorining...