Yangiliklar

Ispaniyaning Roketas-de-Mar shahrida 7 yoshdan 17 yoshgacha bo‘lgan shaxmatchilar o‘rtasidagi jahon chempionati start oldi. Musobaqada O‘zbekiston sharafini 13 nafar yosh shaxmatchi himoya qiladi. Bu haqda O‘zbekiston shaxmat federatsiyasi xabar berdi.

Jahon chempionati ilk bor yangi formatda o‘tkaziladi

Xalqaro shaxmat federatsiyasi (FIDE) tomonidan tashkil etilgan musobaqa U7, U9, U11, U13, U15 va U17 yosh toifalarida o‘tkaziladi. Har bir toifada o‘g‘il bolalar va qizlar alohida bellashadi.

Chempionat 11 turdan iborat Shveysarcha tizim asosida tashkil etilgan. Har bir ishtirokchiga partiya uchun 45 daqiqa vaqt beriladi va har bir yurishdan so‘ng qo‘shimcha 30 soniya qo‘shiladi.

FIDE ma’lumotiga ko‘ra, bunday qisqartirilgan vaqt...

OnePlus yangi OnePlus Ace 7 smartfonini tayyorlamoqda. Qurilma o‘yinlarga mo‘ljallangan model sifatida ichki ventilyator va ikki kanalli faol sovitish tizimini olishi mumkin.

Digital Chat Station ma’lumotiga ko‘ra, smartfon Xitoyda oktabr oxirida taqdim etilishi kutilmoqda. Insayder qurilmaning sovitish tizimi sxemasini ham e’lon qilgan.

Ikki oqimli sovitish tizimi qo‘llanadi

Yangi tizim protsessor va orqa paneldan issiqlikni chiqarib yuborishga xizmat qiladi.

Ma’lumotlarga ko‘ra, issiq havo foydalanuvchining qo‘llaridan uzoqroqqa – yon tomonga, sovuqroq havo esa pastga yo‘naltiriladi.

Shuningdek, smartfonda sun’iy intellekt asosidagi harorat sensori, ventilyator shovqinini kamaytirishga va korpus ichiga chang kirishini cheklashga qaratilgan konstruktiv yechimlar bo‘lishi mumkin.

Snapdragon 8 Elite...

14-oktabr kuni soat 13:50 da Qirg‘izistonning Botken viloyatida 3,4 magnitudali zilzila sodir bo‘ldi. Yer silkinishi O‘zbekistonning Farg‘ona vodiysida ham sezilib, ayrim hududlarda 3 ballgacha yetdi. Bu haqda Respublika seysmoprognostik monitoring markazi xabar berdi.

Markaz ma’lumotlariga ko‘ra, yer silkinishining O‘zbekiston hududidagi sezilish kuchi quyidagicha bo‘lgan:

Zilzila episentri Toshkentdan janubi-sharqda, 251 km masofada joylashgan.

Zilzilaning magnitudasi 3,4 ga teng

Qayd etilgan ma’lumotlarga ko‘ra, zilzila 14-oktabr kuni soat 13:50:05 da sodir bo‘lgan...

Farg‘ona viloyatida huquqni muhofaza qiluvchi organlar tomonidan 2,5 trillion so‘mlik noqonuniy kriptoaktivlar aylanmasi bilan bog‘liq holat fosh etildi. Bu haqda IIV Kiberjinoyatlarga qarshi kurashish departamenti xabar berdi.

Holat yuzasidan tekshiruv olib borilmoqda

Avval firibgarlik va pora berish uchun sudlangan shaxs bir nechta kriptobirja orqali 2,5 trln so‘mlik noqonuniy kriptoaktivlar aylanmasini amalga oshirgan. Gumonlanuvchiga nisbatan Jinoyat kodeksining 278⁸-moddasi (kriptoaktivlar aylanmasi sohasidagi qonunchilikni buzish) bilan jinoyat ishi qo‘zg‘atildi. Unga nisbatan qamoqqa olish ehtiyot chorasi qo‘llanildi. Hozirda tergov harakatlari davom etmoqda.

Gumonlanuvchi treyding bilan shug‘ullanib kelgan

Tekshiruv jarayonida gumonlanuvchi 2023-yildan beri treyding faoliyati bilan shug‘ullanishini aytgan. U brokerlik hisob...

SpaceX Starship dasturi doirasida ilk bor parvoz qilgan kosmik kemani yana start bazasiga qaytardi. Ship 40 apparati Texasdagi Starbase bazasiga olib kelinib, Megabay yig‘uv majmuasida vertikal holatda o‘rnatildi.

Kompaniya apparatning real parvozdan keyingi holatini batafsil o‘rganishni rejalashtirmoqda. SpaceX Ship 40’ning rasmiy surat va videolarini ham e’lon qildi.

Ship 40 Megabay majmuasiga joylashtirildi

Ship 40 parvoz vaqtida atmosfera, kosmik fazo va okean orqali o‘tganidan so‘ng Starbase bazasiga qaytarildi.

Hozirda kema Megabay majmuasida vertikal holatda turibdi. U yerda yana uchta Starship apparati ham mavjud.

Bu Starship dasturida parvoz qilgan kosmik kemaning keyinchalik start bazasiga qaytarilib, muhandislik tahliliga topshirilishi bo‘yicha ilk...

2027-yilgi Chevrolet Equinox EV elektromobili bir qator yangilanishlar bilan taqdim etiladi. Bu haqda GMAuthority nashri xabar bermoqda.

GM Authority ma’lumotiga ko‘ra, Chevrolet Equinox EV’ning maksimal tirkama tortish quvvati 1500 funt, ya’ni taxminan 680 kgni tashkil etadi.

LT 2 va RS versiyalarida 680 kg

Maksimal tortish quvvati LT 2 va RS komplektatsiyalarida taqdim etiladi. Bu ko‘rsatkich old g‘ildirakdan tortuvchi bir motorli FWD versiyalarda ham, ikki motorli to‘liq uzatmali AWD variantlarda ham bir xil – 680 kg.

Qizig‘i, kuchliroq ikki motorli AWD tizimiga o‘tish tirkama tortish imkoniyatini oshirmaydi.

Boshlang‘ich LT 1 komplektatsiyasi uchun esa FWD yoki AWD versiyalarida rasmiy tirkama...

O‘zbekistonda ilg‘or «yashil» texnologiyalar asosida issiqxona xo‘jaliklarini rivojlantirish va tomorqa yerlaridan samarali foydalanishni qo‘llab-quvvatlash bo‘yicha yangi imtiyozlar joriy etiladi. Bu prezidentning tegishli qarorida belgilangan.

Qarorga ko‘ra, issiqxona xo‘jaliklari uchun soliq yengilliklari, elektr energiyasi xarajatlarini qoplash, energiya tejamkor uskunalar xaridiga subsidiyalar hamda imtiyozli kreditlar ko‘zda tutilgan.

Ayrim soliqlar bo‘yicha stavkalar nolga tushiriladi

Qishloq xo‘jaligi tovar ishlab chiqaruvchilari uchun qo‘shilgan qiymat solig‘i stavkasi nol foiz etib belgilanadi.

Shuningdek, qishloq xo‘jaligi tovar ishlab chiqaruvchilari va baliq xo‘jaligi korxonalarining o‘zi ishlab chiqargan mahsulotni sotishdan olgan foydasi bo‘yicha foyda solig‘i stavkasi ham nol foiz bo‘ladi.

Issiqxona faoliyatidan olingan daromadi jami daromadining kamida...

OnePlus 16 Xitoyda 13-oktabr kuni sotuvga chiqdi va dastlabki soatlardayoq yuqori talab qayd etdi. Manbaga ko‘ra, xaridorlar qisqa vaqt ichida 70 mingdan ortiq qurilma sotib olgan.

Natijada model xuddi shu vaqt oralig‘ida sotilgan flagman Android-smartfonlar orasida birinchi o‘rinni egallagan.

JD.com’da eng ko‘p sotilgan smartfonga aylandi

JD.com ma’lumotlariga ko‘ra, OnePlus 16 sotuv boshlangan kuni platformadagi eng ko‘p xarid qilingan smartfon bo‘lgan.

Qurilma savdo hajmi bo‘yicha iPhone 18 Pro Max’ni ham ortda qoldirgan. Davlat subsidiyalarini hisobga olganda, smartfonning boshlang‘ich narxi 5 200 yuan atrofida.

9000 mA/soat batareya va 100 W quvvatlash

OnePlus 16 6,78 dyuymli, 1,5K aniqlikdagi ekran bilan...

Bank of America pul yuvishga qarshi kurashish tizimidagi kamchiliklar sabab $1,2 mlrd jarimaga tortildi. Bu haqda AQSh Moliya vazirligi ma’lum qildi, deb yozmoqda BBC.

Regulyator ma’lumotiga ko‘ra, bank umumiy qiymati $5 mlrddan oshgan shubhali operatsiyalar haqida hukumatga tegishli hisobotlarni taqdim etmagan. Shundan qariyb $1 mlrdlik operatsiyalar milliy xavfsizlik va noqonuniy moliyaviy faoliyat bilan bog‘liq xavflarni yuzaga keltirgan.

Xitoy bilan bog‘liq operatsiyalar ham aniqlangan

AQSh Moliya vazirligiga ko‘ra, Bank of America Xitoydagi pul yuvish tarmoqlari bilan bog‘liq bo‘lishi mumkin bo‘lgan ayrim operatsiyalarni tegishli tartibda belgilamagan.

Shuningdek, AQShning janubi-g‘arbiy chegarasi bilan sezilarli aloqasi bo‘lgan savdo orqali pul yuvishga oid ehtimoliy...

O‘zbekistonda kuz-qish mavsumiga tayyorgarlik doirasida 6 686 ta ko‘p kvartirali uy ta’mirlandi. Buning uchun boshqaruv tashkilotlari hisobidan 243,7 mlrd so‘m sarflandi. Bu haqda Qurilish va uy-joy kommunal xo‘jaligi vazirligi axborot xizmati ma’lum qildi.

29 mingga yaqin xonadonlarda isitish tizimi o‘rnatildi

Vazirlik ma’lumotlariga ko‘ra, ta’mirlash ishlari davomida 1 145 ta tom, 6 692 ta podyezd, 850 ta yerto‘la, 438 ta uyning ichki muhandislik quvurlari hamda 724 ta fasad ta’mirlandi.

Bundan tashqari, rejalashtirilgan dasturdan tashqari yana qariyb 3 mingta ko‘p kvartirali uyda ta’mirlash ishlari bajarildi. Hududlarda 29 mingga yaqin xonadonlarni qamrab olgan 587 ta ko‘p kvartirali uyda ichki isitish tizimlari...

O‘zbekistonda transport-logistika markazlari va xalqaro quruqlik portlari tarmog‘i kengaytiriladi. Bu prezidentning tegishli qarorida belgilangan.

Hujjatga ko‘ra, 2026 – 2030-yillarda transport-logistika tizimini rivojlantirish bo‘yicha asosiy maqsadli ko‘rsatkichlar tasdiqlandi.

Logistika markazlari quvvati 40 mln tonnaga yetkaziladi

Qarorga muvofiq, transport-logistika markazlarining yillik quvvati kamida 40 mln tonnaga yetkazilishi rejalashtirilgan.

Transport va logistika xizmatlari eksportini $3,5 mlrdga, O‘zbekiston hududi orqali tranzit yuk tashish hajmini esa 18,5 mln tonnaga yetkazish ko‘zda tutilgan.

Shuningdek, barcha talablarga javob beradigan xalqaro quruqlik portlari soni hozirgi 24 tadan 30 taga oshiriladi.

Davlat chegarasi orqali o‘tkazish punktlarining yuk tashish imkoniyati hamda transport-logistika markazlarida konteynerlarga ishlov berish quvvati ikki...

Qibray tumanida «Suv yetkazib berish xizmati» davlat muassasasi rahbari pora olishda gumonlanib ushlandi. Bu haqda Bosh prokuratura huzuridagi Departament ma’lum qildi.

Departamentning Qibray tumani bo‘limi va boshqa huquqni muhofaza qiluvchi organlar hamkorligida tezkor tadbir o‘tkazilgan.

$16 ming talab qilgani aytilmoqda

Tergovga qadar tekshiruv ma’lumotlariga ko‘ra, «Suv yetkazib berish xizmati» davlat muassasasi rahbari G‘oliblar mahallasidagi xonadon tegishli tashkilotlar ruxsati asosida qurilgan bo‘lsa-da, uni kanalga yaqin qurilgan deb sudga murojaat qilishini bildirgan.

U fuqarodan $16 ming bersa, sudda aniqlangan kamchiliklar bartaraf etilgani haqida ko‘rsatma berishi va da’vodan voz kechishini aytgani keltirilgan.

Xizmat xonasida $5 ming olayotganda ushlangan

Tezkor tadbir...

2026-yil 1-sentabr holatiga O‘zbekiston bank tizimida xorijiy valyutadagi mablag‘lar ulushi kamayishda davom etdi. Markaziy bank ma’lumotiga ko‘ra, xorijiy valyutadagi depozitlar ulushi bir yil ichida 23 foizdan 19 foizgacha tushgan.

Dollarlashuv darajasi

Bank tizimining asosiy ko‘rsatkichlarida milliy valyutaning ulushi oshgan.

Xususan, xorijiy valyutadagi aktivlar ulushi 2025-yilning mos davridagi 39 foizdan 34 foizgacha kamaydi. Kreditlarda bu ko‘rsatkich 40 foizdan 38 foizga, depozitlarda esa 23 foizdan 19 foizgacha tushdi.

Markaziy bank buni bank tizimida dollarlashuv darajasining pasayish tendensiyasi bilan izohladi.

Depozitlar 34 foizga ko‘paydi

Shuningdek, o‘qing: Markaziy bank sentabr oyida 8 ta bankka jarima qo‘lladi

FIDE o‘zbekistonlik Javohir Sindarov va hindistonlik Gukesh Dommaraju o‘rtasidagi jahon chempionligi uchun bahs reglamentini tasdiqladi. Uchrashuv ko‘pi bilan 14 ta klassik partiyadan iborat bo‘ladi, birinchi bo‘lib 7,5 ochko to‘plagan shaxmatchi g‘olib chiqadi.

Reglamentga ko‘ra, har bir partiyada dastlabki 40 yurish uchun 120 daqiqa beriladi. Shundan keyin o‘yinning qolgan qismi uchun yana 30 daqiqa ajratiladi. 41-yurishdan boshlab esa har bir yurish uchun qo‘shimcha 30 soniya beriladi.

Birinchi bo‘lib 7,5 ochko to‘plagan shaxmatchi jahon chempioni bo‘ladi.

Shuningdek, o‘qing: Nodirbek Abdusattorov Javohir Sindarov haqida nima dedi

7:7 hisobida tay-breyk o‘tkaziladi

Navoiy shahri hokimi lavozimiga Bobur Islomov nomzodi xalq deputatlari Navoiy shahar Kengashining navbatdan tashqari sessiyasida tasdiqlandi. Bu haqda Navoiy viloyati hokimligi axborot xizmati xabar berdi. Navoiy shahrining avvalgi hokimi Dilmurod Ergashev lavozimidan ozod etildi.

Yangi hokim avval qayerda ishlagan

Navoiy viloyati hokimining 2026-yil 13-oktabrdagi qaroriga muvofiq, Bobur Islomov shahar hokimi etib tayinlandi. U bunga qadar «Hududiy elektr tarmoqlari» AJ boshqaruvi raisining elektr tarmoqlaridan foydalanish bo‘yicha birinchi o‘rinbosari lavozimida ishlagan.

Yangi hokim zimmasiga shahar infratuzilmasini yaxshilash, kommunal xizmatlar sifatini oshirish, aholi murojaatlari bilan ishlash hamda mavjud muammolarni hal etish vazifalari yuklatildi.

Avvalroq «Kursiv» Toshkent viloyatining Bo‘ka tumaniga yangi hokim tasdiqlangani...

Samsung Galaxy S27 Ultra smartfoni Privacy Display texnologiyasining ikkinchi avlodini olishi mumkin. Yangi yechim ekrandagi shaxsiy ma’lumotlarni yon tomondan ko‘rishni qiyinlashtirish bilan birga, tasvir sifatini ham yaxshilashi kutilmoqda.

Manbaga ko‘ra, ushbu funksiya Galaxy S27 Pro modelida ham paydo bo‘lishi mumkin.

Privacy Display qanday ishlaydi

Samsung Display’ning Flex Magic Pixel texnologiyasiga asoslangan hozirgi Privacy Display ekran ko‘rish burchagini cheklaydi. Yon tomondan qaralganda tasvir xiralashadi va natijada xabarlar, bildirishnomalar hamda boshqa shaxsiy ma’lumotlarni o‘qish qiyinlashadi.

Foydalanuvchi himoyani butun ekran uchun yoki faqat ayrim bildirishnomalar va ilovalar uchun faollashtirishi mumkin.

Yangi versiyada tasvir sifati yaxshilanadi

Amaldagi texnologiyaning asosiy kamchiligi...

«Manchester Siti» himoyachisi Ruben Diash jamoadoshi Abduqodir Husanov haqida iliq fikr bildirdi. Bu haqda Euro-Football.ru xabar berdi.

«Husanov — bizdan biri. U juda iqtidorli futbolchi, juda kuchli. U jamoamizga yordam beradigan o‘yinchi», – dedi Diash jurnalistlarga.

Husanov mavsumda olti o‘yinda maydonga tushdi

Manbaga ko‘ra, Husanov joriy mavsumda barcha turnirlarni hisobga olganda olti uchrashuvda maydonga tushgan. Hozircha uning hisobida gol yoki golli uzatma yo‘q.

2026-yilning yanvar – sentabr oylarida O‘zbekistonda 2 233 ta zilzila va 41 ta favqulodda vaziyat qayd etildi. Bu haqda Favqulodda vaziyatlar vazirligi mutasaddilari ishtirokida o‘tkazilgan matbuot anjumanida ma’lum qilindi.

Favqulodda vaziyatlar 33 foizga kamaydi

Joriy yilning dastlabki to‘qqiz oyida mamlakatda 41 ta favqulodda vaziyat sodir bo‘lgan. Bu 2025-yilning mos davridagiga nisbatan 33 foizga kam.

Seysmik xavflarni kuzatish imkoniyatlarini kengaytirish maqsadida milliy monitoring tarmog‘i takomillashtirilmoqda. Xususan, Qirg‘iziston, Tojikiston va Qozog‘istondagi seysmik stansiyalar bilan real vaqt rejimida ma’lumot almashish yo‘lga qo‘yildi. Shuningdek, kuchli zilzilalar haqida aholini erta ogohlantirish tizimini rivojlantirish ishlari olib borilmoqda.

536 mingdan ortiq xavfsizlik qoidabuzarligi bartaraf...

Yamandagi husiylar Saudiya Arabistoni hududiga navbatdagi raketa hujumlarini amalga oshirdi. Saudiya tomoni bir nechta raketa, jumladan, poytaxt Ar-Riyod tomon yo‘naltirilgan raketalar urib tushirilganini ma’lum qildi. Bu haqda DW xabar berdi.

Shu bilan birga, Saudiya Arabistoni boshchiligidagi koalitsiya Yamandagi obyektlarga zarbalar berdi. Tomonlar hujumlar davomida energetika infratuzilmasini ham nishonga olgan.

Ar-Riyodda to‘rt kishi jarohatlandi

Saudiya Arabistoni fuqaro mudofaasi ma’lumotiga ko‘ra, Ar-Riyod ustida husiylarning ikkita raketasi urib tushirilganidan keyin yerga qulagan parchalar oqibatida to‘rt kishi jarohatlangan.

Jarohatlanganlar orasida ikki ayol, bir erkak va bir bola bor. Shuningdek, 15 ta uyga zarar yetgani ma’lum qilingan.

Hujum vaqtida Ar-Riyod aholisi kuchli portlash...

O‘zbekistonda markazlashgan isitish va issiq suv xizmatlari tariflarini 2026-yil 1-noyabrdan oshirish taklif qilinmoqda. Hukumat qarori loyihasiga ko‘ra, Toshkent shahrida isitish va hisoblagich bo‘yicha issiq suv tariflari qariyb 30 foizga qimmatlashadi.

Loyihaga ko‘ra, Toshkent shahrida «Veolia Energy Tashkent» xizmat ko‘rsatadigan hududlarda isitish tarifi 1 kvadrat metr uchun bir sutkada 314 so‘m etib belgilanmoqda. Hozirgi tarif 241,44 so‘mni tashkil qiladi. Shunday qilib, yangi narx qariyb 30 foizga yuqori bo‘ladi.

Masalan, 60 kvadrat metrli xonadon uchun isitish to‘lovi 30 kunlik oyda yangi tarif bo‘yicha 565,2 ming so‘mni tashkil qilishi mumkin. Bu hisob-kitob isitish xizmati to‘liq 30 kun davomida ko‘rsatilgan holat uchun.

Hisoblagich...

Tijorat banklari tomonidan 14-oktabr kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Shuningdek, o‘qing: Dollar valyutasining kelajagi qanday — ekspert sharhi

Valyuta sotish uchun eng qulay banklar

Avvalroq Kursiv Uzbekistan 13-oktabr uchun valyuta kurslari e’lon qilingani haqida yozgan edi.

Portugaliyalik futbolchi Krishtianu Ronaldu Lionel Messi bilan bo‘lgan munosabatlari haqida gapirib, avval keng ommaga ma’lum bo‘lmagan voqeani esladi. Bu haqda Sport.ua The Touchline’ga tayanib xabar berdi.

Ronalduning aytishicha, ular qariyb 15 yil davomida turli taqdirlash marosimlarida bir sahnada qatnashgan va o‘zaro yaxshi munosabatda bo‘lgan.

Ronaldu Messiga tarjima qilib bergan

Portugaliyalik futbolchining so‘zlariga ko‘ra, Messi ingliz tilida aytilayotgan gaplarni tushunishi uchun u ba’zan tarjima qilib bergan.

Redmi K100 100 W tezkor quvvatlashni qo‘llab-quvvatlaydi. Sertifikat ma’lumotlariga ko‘ra, qurilma 100 W tezkor quvvatlash texnologiyasini qo‘llab-quvvatlaydi.

Redmi K100 taqdimotga yaqinlashmoqda

Redmi K100 Pro seriyasining 11-avgustdagi taqdimotida Xiaomi’ning Xitoydagi marketing bo‘limi rahbari Vey Sitsi liniya tarkibiga standart Redmi K100 hamda o‘yinlar uchun mo‘ljallangan flagman model kirishini ma’lum qilgan edi.

M786BC modelining sertifikatda paydo bo‘lishi standart Redmi K100 taqdimotga yaqinlashayotganining dastlabki belgilaridan biri bo‘ldi.

Redmi K100 Pro va K100 Pro Max ham 100 W simli tezkor quvvatlashni qo‘llab-quvvatlaydi. Shu tariqa standart K100 ham quvvatlash tezligi bo‘yicha yuqori modellardan ortda qolmaydi.

Boshqa xususiyatlar hozircha noma’lum

3C sertifikati, asosan, qurilmaning...

14-oktabr kuni O‘zbekistonning aksariyat hududlarida yog‘ingarchilik kutilmaydi. Bu haqda O‘zgidromet ma’lum qildi.

Toshkent shahrida havo o‘zgaruvchan bo‘ladi, yog‘ingarchilik kuzatilmaydi. Shamol sharqdan 3–8 m/s tezlikda esadi. Harorat kechasi 12–14 daraja, kunduzi 22–24 daraja bo‘ladi.

Hududlarning aksariyatida quruq ob-havo bo‘ladi

Qoraqalpog‘iston Respublikasi va Xorazm viloyatida yog‘ingarchilik kutilmaydi. Harorat kechasi 8–13 daraja, kunduzi 21–26 daraja bo‘ladi.

Buxoro va Navoiy viloyatlarida ham havo quruq bo‘ladi. Kechasi harorat 8–13 daraja, kunduzi 22–27 darajagacha ko‘tariladi.

Toshkent, Sirdaryo, Jizzax va Samarqand viloyatlarida yog‘ingarchilik kutilmaydi. Harorat kechasi 10–15 daraja, kunduzi 20–25 daraja bo‘ladi.

Qashqadaryo va Surxondaryo viloyatlarida esa kunduzgi harorat 23–28 darajagacha yetadi, kechasi 10–15 daraja...