Yangiliklar

Amerikalik grossmeyster Hikaru Nakamura o‘zbekistonlik shaxmatchi Javohir Sindarovning jahon chempionati uchun tayyorgarlik jamoasiga qo‘shilgani haqidagi taxminlarga hazil bilan javob berdi. Bu haqda UzChess loyihasi ma’lum qildi.

Nakamura va Sindarovning ayni kunlarda Kiprdagi bir mehmonxonada yashayotgani muxlislar e’tiborini tortgan. Shundan so‘ng ayrimlar amerikalik grossmeyster Sindarovga tayyorgarlik jarayonida yordam berayotgan bo‘lishi mumkinligini taxmin qilgan.

Nakamura: «Men uning jamoasida emasman»

Nakamura bu taxminlarga X ijtimoiy tarmog‘ida hazil bilan munosabat bildirdi.

«Men uning jamoasida emasman. Faqat 2.Ke2 yurishi bo‘yicha biroz maslahat beryapman», – deb yozdi u.

Gap shaxmatdagi mashhur «Bongcloud» deb ataluvchi hazilomuz debyut g‘oyasi haqida ketmoqda...

Farg‘ona shahridagi xonadonlardan birida jami 2 kg 780 gramm kannabis giyohvandlik vositasiga o‘xshash modda aniqlandi. Moddalar uy orqasidagi xo‘jalik binosi yonida yashirilgan xona va yotoqxonadan topilgan. Bu haqda Ichki ishlar vazirligi xabar berdi.

Moddalar yashirin xona va yotoqxonadan topildi

Tezkor tadbir Ichki ishlar vazirligi Tezkor-qidiruv departamenti hamda Farg‘ona viloyati Ichki ishlar boshqarmasi xodimlari hamkorligida o‘tkazilgan.

Tekshiruv davomida yashil rangli, o‘ziga xos hidga ega, kannabisga o‘xshash moddalar aniqlangan. Shuningdek, ko‘k rangli sellofan paket ichidan kannabis o‘simligining mayda shoxlari topilgan.

Jinoyat ishi qo‘zg‘atildi

Topilgan ashyolar xolislar ishtirokida elektron tarozida tortilgan. Ularning umumiy og‘irligi 2 kilogramm 780 grammni tashkil etgan.

O‘zbekistonda umumiy quvvati 2 200 megavatt bo‘lgan oltita quyosh va shamol elektr stansiyasi loyihasi ochiq tanlovga chiqariladi. Yangi tartibga ko‘ra, loyihalar investorlar taklif qilgan hududlarda emas, balki energetika tizimining ehtiyojlaridan kelib chiqib rejalashtiriladi. Bu haqda prezident Shavkat Mirziyoyev investorlar bilan o‘tkazilgan yoqilg‘i-energetika sohasidag ochiq muloqotda aytdi.

«Alohida stansiyalar emas, uzviy bog‘langan energetika tizimi kerak»

Dastlab «yashil» energetika quvvatlarini tezroq ishga tushirish maqsadida loyihalar ko‘pincha investorlar taklif qilgan hududlarda joylashtirilgan. Bu katta miqdorda sarmoya jalb etishga yordam bergan bo‘lsa-da, ayrim hududlarda elektr ishlab chiqarish quvvatlarining ortiqcha to‘planishiga va energiyani boshqa hududlarga uzatish xarajatlarining oshishiga olib kelgan.

O‘zbekistonda tadbirkorlar binosi yoki savdo nuqtasiga o‘rnatilgan kompaniya nomi, faoliyat turi, brend yoki tovar belgisi tushirilgan peshlavhalar endi tashqi reklama sifatida baholanmaydi. Bu haqda Raqobatni rivojlantirish va iste’molchilar huquqlarini himoya qilish qo‘mitasi ma’lum qilgan. Qo‘mita xabariga ko‘ra, Vazirlar Mahkamasining 2026-yil 13-oktabrdagi 563-son qarori bilan tashqi reklama bo‘yicha tartiblar soddalashtirilgan.

Reklama pasporti talab qilinmaydi

Yangi tartibga ko‘ra, tadbirkor o‘zi foydalanayotgan bino yoki inshoot tashqarisida korxona nomi, firma nomi, faoliyat turi, tovar yoki xizmat ko‘rsatish belgisini joylashtirishi mumkin. Bunday axborot konstruksiyalari uchun endi reklama joyining pasportini rasmiylashtirish talab etilmaydi.

Shuningdek, o‘qing: Tadbirkorlar uchun tashqi reklama pasportini olish tartibi belgilandi

2026-yil sentabr oyida O‘zbekistonda 34 mingta avtomobil sotildi. Bu avgustga nisbatan 10,1% kam. Bozor yetakchisi Chevrolet bo‘lib qolgan bo‘lsa-da, brend savdosi bir oyda 14,3% kamayib, 23,9 ming donani tashkil etdi. Bu haqda Oʻzbekiston avtomobil assotsiatsiyasi Kursiv Uzbekistan’ga ma’lum qildi.

Chevrolet’ning eng ko‘p sotilgan modeli Cobalt bo‘lib qoldi. Sentabrda 10,2 mingta Cobalt sotilgan. Avgust oyida bu ko‘rsatkich 12,2 ming dona edi. Shu tariqa model savdosi bir oyda 16,8% kamaydi.

BYD ikkinchi o‘rinda

BYD sentabr oyida 4,5 mingta avtomobil sotib, bozorda ikkinchi o‘rinni egalladi. Brend savdosi avgustga nisbatan 9,5% pasaydi.

BYD modellari orasida Chazor Champion yetakchi bo‘ldi – bir oyda...

O‘n yil energetika sohasiga 35 mlrd dollar investitsiya kiritildi. Shavkat Mirziyoyev yoqilg‘i-energetika sohasidagi investorlar bilan ochiq muloqot o‘tkazdi.

Davlat rahbari energetikani taraqqiyotning yuragi deb atab, barqaror energiya ta’minoti tadbirkorlar sarmoyasi va aholining ertangi kunga ishonchi uchun muhim ekanini ta’kidladi.

Sohaga $35 mlrd sarmoya jalb qilindi

Prezidentning qayd etishicha, o‘n yil avval sohadagi muammolarni bartaraf etish, eskirgan quvvatlarni yangilash va ortib borayotgan talabni qoplash bo‘yicha vazifalar belgilangan edi.

Shu maqsadda energetika bozori xususiy sarmoya uchun ochildi va davlat-xususiy sheriklik mexanizmlari joriy etildi.

O‘tgan davrda sohaga jami $35 mlrd investitsiya kiritildi. Energetika yo‘nalishida hamkorlik qilayotgan davlatlar soni 2-3 tadan...

2026-yil 12-oktabr kuni Toshkent shahrining Olmazor tumanida joylashgan xonadonlarning birida 2010-yilda tug‘ilgan voyaga yetmagan qizning jasadi topildi. Bu haqda Bosh prokuratura matbuot kotibi Hayot Shamsutdinov Kursiv Uzbekistan nashriga ma’lum qildi.

Hodisa qanday aniqlangan

Ma’lum qilinishicha, voqea Olmazor tumani «Ibrohim ota» mahalla fuqarolar yig‘ini, Chuqursoy ko‘chasidagi uyda sodir bo‘lgan. Hodisa haqidagi xabar soat 18:12 da «112» yagona dispetcherlik xizmati raqami orqali kelib tushgan.

Dastlabki ma’lumotlarga ko‘ra, xonadon eshigi ichkaridan qulflangan bo‘lgan. Shu sababli marhumaning ukasi uyga balkon orqali kirgan va 2010-yil 17-avgustda tug‘ilgan opasini osilgan holatda ko‘rgan.

Tibbiy xulosa va surishtiruv

Chaqiruv asosida voqea joyiga yetib kelgan tez tibbiy...

AQShning San-Diyego shahridagi federal sud Davlat departamentiga 2027-yilgi Diversity Visa – Green Card lotereyasi uchun ro‘yxatdan o‘tishni qayta ochishni buyurdi. Dastur orqali dunyo bo‘ylab 55 ming nafargacha kishi AQShda doimiy yashash huquqini olish imkoniyatiga ega bo‘lishi mumkin.

AQSh Davlat departamenti DV-2027 ro‘yxatdan o‘tish davrini o‘z vaqtida boshlamagan edi. Departament 2025-yil noyabrida dasturga o‘zgartirishlar kiritilayotganini va yangi ro‘yxatdan o‘tish sanasi keyinroq e’lon qilinishini bildirgan.

Sud ro‘yxatdan o‘tish muddatini e’lon qilishni buyurdi

AQSh okrug sudyasi Jinsuk Ohta Davlat kotibi Marko Rubioga DV-2027 dasturi uchun ro‘yxatdan o‘tish sanalarini, ariza topshiriladigan saytni va ishtirok etish talablarini ochiq e’lon qilishni buyurdi.

Sud...

Toshkentda isitish va issiq suv uchun amaldagi tariflar xizmatlarning real tannarxining atigi 20 foizini qoplaydi. Bu haqda «Veolia Energy Tashkent» Kursiv Uzbekistan’ga rasmiy xatda ma’lum qildi. Kompaniya 2026-yil 1-noyabrdan joriy etilishi mo‘ljallangan yangi tariflar loyihasi bo‘yicha izoh berib, tariflarni o‘zi belgilamasligini ta’kidladi.

Gaz va elektr narxlari oshgan

«Veolia Energy Tashkent» ma’lumotiga ko‘ra, issiqlik ishlab chiqarishda foydalaniladigan asosiy resurslarning narxi so‘nggi davrda oshgan.

Tabiiy gaz narxi 11 foizga, elektr energiyasi 10 foizga, Toshkent issiqlik markazlaridan sotib olinadigan issiqlik energiyasi esa 7 foizga qimmatlagan. Bundan tashqari, ish haqi, ta’mirlash va ekspluatatsiya uchun zarur materiallar xarajatlari ham ortgan.

O‘zbekistonda ilk bor maktab o‘quvchilariga insult belgilarini aniqlashni o‘rgatuvchi «FAST – superqahramonlar» xalqaro dasturi joriy etiladi. Sog‘liqni saqlash vazirligi matbuot xizmatining ma’lum qilishicha, xalqaro dastur joriy yil 1-noyabrdan boshlanadi.

Yuz, qo‘l, nutq: bolalar insultning asosiy belgilarini o‘rganadi

O‘zbekistonda boshlang‘ich sinf o‘quvchilariga yuzdagi o‘zgarish, qo‘ldagi holsizlik va nutq buzilishi orqali insultni aniqlash o‘rgatiladi. Mazkur dasturda bolalar bunday vaziyatda vaqtni boy bermasdan kattalarga xabar berish va 103 raqamiga qo‘ng‘iroq qilishni ham o‘rganadi.

Dastur 1 – 4-sinf o‘quvchilariga mo‘ljallangan

«FAST – superqahramonlar» dasturi 1 – 4-sinf o‘quvchilariga mo‘ljallangan. Dastlab mashg‘ulotlar Toshkentning Olmazor tumanidagi 7 ta hamda Samarqand shahri, Kattaqo‘rg‘on va...

OnePlus Xitoyda Ace 7 va Ace 7 Pro smartfonlari uchun oldindan buyurtmalarni boshladi. Qurilmalar elektron savdo maydonlarida paydo bo‘lgan, rasmiy taqdimot esa oktabr oxirida o‘tkazilishi kutilmoqda.

Dastlabki ma’lumotlarga ko‘ra, ikkala model ham 200 MP asosiy kamera va yuqori unumdorlikka mo‘ljallangan apparat platformasini oladi.

Asosiy kamera 200 MP bo‘ladi

OnePlus Ace 7 seriyasida Samsung HP5 sensori asosidagi 200 MP asosiy kamera qo‘llanishi kutilmoqda.

Ace 7 Pro modeliga qo‘shimcha ravishda 3,5 karra optik yaqinlashtirish imkoniyatiga ega 50 MP teleobyektiv o‘rnatilishi mumkin.

Bazaviy Ace 7’da esa 200 MP asosiy sensor va 50 MP qo‘shimcha kamera bo‘lishi aytilmoqda.

Snapdragon 8 Elite Gen...

AQSh dollarining so‘mga nisbatan kursi ketma-ket to‘qqiz savdo sessiyasida 2 foizdan ko‘proqqa oshib, 12 011,65 so‘mga yetdi. Shu tariqa so‘m kursi yil boshidagi nominal darajasiga yaqinlashdi. Sentabr oyida esa dollar 11 765,21 so‘mgacha tushgan edi.

Iqtisodchi Mirkomil Xolboyev kursdagi so‘nggi o‘zgarishlarni, avvalo, so‘mning moslashuvchanligi oshgani bilan izohladi.

«So‘m kursi ichki va tashqi omillarga, makroiqtisodiy jarayonlarga — eksport va import dinamikasi, investitsion oqimlar hamda kredit kanallariga nisbatan moslashish funksiyasini yaxshi bajarmoqda», – dedi u.

Uning fikricha, dollar kursining oshishiga bir nechta omil bir vaqtning o‘zida ta’sir qilayotgan bo‘lishi mumkin.

Qarz to‘lovlari dollarga talabni oshirgan...

O‘zbekiston, Qozog‘iston, Ozarbayjon va Turkiya kosmik sanoat sohasida hamkorlikni rivojlantirish bo‘yicha dastlabki kelishuvni imzoladi. Hujjat sun’iy yo‘ldoshlar, kosmik texnologiyalar, ilmiy tadqiqotlar va sanoat kooperatsiyasi bo‘yicha hamkorlikni kengaytirishni nazarda tutadi. Bu haqda Uzcosmos agentligi Axborot xizmati tomonidan Antaliyada bo‘lib o‘tgan 77-Xalqaro astronavtika kongressi yakunlari yuzasidan brifingda ma’lum qilindi.

Hamkorlik nimalarni qamrab oladi?

Kelishuv 2026-yil 5 – 9-oktabr kunlari Turkiyaning Antaliya shahrida bo‘lib o‘tgan 77-Xalqaro astronavtika kongressi doirasida imzolandi. Unga ko‘ra sun’iy yo‘ldoshlarni ishlab chiqish, kosmik texnologiyalarni rivojlantirish, qo‘shma ilmiy tadqiqotlar olib borish, sanoat kooperatsiyasini kengaytirish va mutaxassislar salohiyatini oshirish bo‘yicha hamkorlik qilish rejalashtirmoqda.

NASA bilan ham muzokaralar...

O‘zbekistonda bank va boshqa moliyaviy xizmatlar tariflari o‘zgartirilsa, mijozlar bu haqda kamida 14 kun oldin xabardor qilinishi kerak. Bu haqda Markaziy bankda moliyaviy xizmatlardagi komissiyalarga bag‘ishlangan davra suhbatida ma’lum qilindi.

Markaziy bank vakilining tushuntirishicha, amaldagi tartib tariflar o‘zgarganda mijozlarni 14 kun oldin ogohlantirishni nazarda tutadi. Bu talab tarifning oshirilishi yoki kamaytirilishidan qat’iy nazar amal qiladi.

«Tariflar o‘zgarsa, 14 kun oldin xabar beriladi. Ayrim davlatlarda esa bir yoki ikki oy oldin ogohlantiriladi», – deyiladi davra suhbatidagi izohda.

Tarif nega o‘zgarganini tushuntirish majburiy emas

Shu bilan birga, moliya tashkilotidan tarif nima sababdan oshirilgani yoki kamaytirilganini...

O‘zbekistonlik grossmeyster Javohir Sindarov klassik shaxmat bo‘yicha FIDE live-reytingida dunyoning eng kuchli to‘rt nafar shaxmatchisi qatoriga kirdi.

Sindarov Karuanadan 1,4 ball ortda

Reytingda birinchi o‘rinda Magnus Karlsen 2 823 ball bilan bormoqda. Ikkinchi pog‘onani Hikaru Nakamura 2 792 ball bilan egallagan.

Uchinchi o‘rinda 2 783,4 ball bilan Fabiano Karuana joylashgan. Sindarov undan atigi 1,4 ball ortda qolmoqda.

Abdusattorov ham kuchli beshlikda

Yana bir o‘zbekistonlik grossmeyster Nodirbek Abdusattorov 2 780 ball bilan beshinchi o‘rinda turibdi.

Shu tariqa FIDE live-reytingining kuchli beshligida bir vaqtning o‘zida ikki nafar O‘zbekiston vakili joy olgan.

Sindarov yil davomida 20 pog‘onaga ko‘tarilgan

Reyting...

Great Wall Motor (GWM) uzun bazali GWM Tank 700 avtomobilini sinovdan o‘tkazmoqda. Bu haqda CarNewsChina nashri xabar bermoqda.

Xitoyda olingan yangi josuslik suratlari modelning olti o‘rindiqli salonini ko‘rsatdi, sanoat regulyatori hujjatlari esa avtomobil o‘lchamlari va kuch qurilmalari haqida qo‘shimcha ma’lumot berdi. Yangi versiya standart besh o‘rindiqli Tank 700 Hi4-T’dan 340 mm uzunroq bo‘lib, uchinchi qator o‘rindiqlarga ega.

Uzunligi 5,4 metrdan oshadi

MIIT ma’lumotlariga ko‘ra, uzun bazali Tank 700’ning uzunligi 5 445 mm, kengligi 2 126 mm va balandligi 2 021 mmni tashkil etadi. G‘ildirak bazasi 3 150 mm ga yetkazilgan. Standart modelda bu ko‘rsatkich 3 000 mm.

Umumiy...

Click asoschisi va rahbari Ulug‘bek Rustamov Markaziy bankning banklar va to‘lov tashkilotlari tariflarini to‘g‘ridan to‘g‘ri belgilashiga qarshi ekanini bildirdi. Markaziy bankda moliyaviy xizmatlardagi komissiyalar muhokamasiga bag‘ishlangan davra suhbatida Click, Humo, Xalq banki va boshqa bozor ishtirokchilari komissiyalar nimadan shakllanishi va ularni kamaytirish imkoniyatlari haqida fikr bildirdi.

Click’da P2P o‘tkazmasi uchun 1,1% olinadi

Ulug‘bek Rustamovning aytishicha, Click orqali kartadan kartaga pul o‘tkazishdagi komissiya hozir ayrim operatsiyalarda 1,1 foizni tashkil qiladi.

U davra suhbatida ilgari tilga olingan 1 foizlik tarif P2P emas, QR orqali savdo nuqtalaridagi to‘lovlarga taalluqli ekanini aniqlashtirdi.

«P2P paytida qaysi kartadan qaysi kartaga...

AQShning Oregon shtati Bend shahridagi Silver Rail Elementary School boshlang‘ich maktabida otishma sodir bo‘ldi. Hodisa oqibatida uch nafar bola va bir o‘qituvchi halok bo‘ldi, deb xabar berdi BBC politsiya ma’lumotlariga tayanib.

Politsiya boshlig‘i Mayk Krantsning aytishicha, 16 yoshli gumonlanuvchi yopiq eshiklarning qulflariga o‘q uzib, maktab binosiga kirgan.

Halok bo‘lgan bolalar 5, 8 va 11 yoshda edi

Hujumda 5, 8 va 11 yoshli uch bola halok bo‘lgan. Yana 7 yoshli bola hamda 54 yoshli o‘qituvchi og‘ir ahvolda shifoxonaga olib ketilgan.

Hozircha hujumchining maktab bilan qanday aloqasi bo‘lgani aniqlanmagan.

Hujumchini fuqaro otib o‘ldirgan

Politsiya ma’lumotiga ko‘ra, voqeani ko‘rgan fuqaro...

2026/2027-o‘quv yili uchun oliy ta’lim tashkilotlarida kontrakt to‘lovlarini amalga oshirish muddati 1-noyabrgacha uzaytirildi. Bu haqda Ta’lim va ilm-fan vazirligi xabar berdi.

Uzaytirilgan muddat bakalavriat va magistraturaga o‘qishga tavsiya etilgan abituriyentlar, o‘qishi ko‘chirilgan yoki ko‘chirib tiklangan, shuningdek, o‘qishga qayta tiklangan talabalarga taalluqli.

Talabalar safiga qabul qilishni rasmiylashtirish ham 1-noyabrgacha amalga oshirilishi mumkin.

Kamida 25% to‘lanishi kerak

Bazaviy to‘lov-kontrakt asosida o‘qiyotganlar yillik kontrakt summasining kamida 25 foizini 1-noyabrgacha to‘lashi lozim.

Tabaqalashtirilgan to‘lov-kontrakt bo‘yicha esa shu muddatgacha yillik summaning kamida 50 foizi to‘lanishi kerak.

Pedagoglar farzandlariga 30 foizlik imtiyoz

2026/2027-o‘quv yilidan davlat oliy ta’lim tashkilotlarining bakalavriat bosqichi kunduzgi ta’lim shaklida...

Xiaomi Xitoyda Redmi K100 uchun oldindan buyurtmalarni boshladi. Kompaniya prezidenti Lu Veybing yangi smartfon yaqin vaqt ichida taqdim etilishini ma’lum qildi.

Uning aytishicha, avgust oyida taqdim etilgan Redmi K100 Pro seriyasi foydalanuvchilar tomonidan yaxshi kutib olingan. Endi kompaniya oilaning standart Redmi K100 modelini ham bozorga olib chiqishga tayyorlanmoqda.

K seriyasidagi eng katta batareya kutilmoqda

Lu Veybing Redmi K100 o‘z narx segmentida yuqori unumdorlik taklif qilishini ta’kidladi.

Shuningdek, smartfon Redmi K seriyasi tarixidagi rekord sig‘imli batareyani olishi aytilmoqda. Biroq kompaniya hozircha uning aniq sig‘imini rasman ochiqlamagan.

Redmi K100’ning boshqa texnik xususiyatlari ham sezilarli darajada qayta ishlangani qayd etilgan.

Prezident Administratsiyasi rahbari Saida Mirziyoyeva Turkiya Prezidenti Kotibiyati rahbari Hasan Dog‘an hamda Prezident Administratsiyasi bosh kotibi Haqqi Susmaz bilan uchrashdi. Bu haqda Mirziyoyeva o‘z Telegram kanalida ma’lum qildi.

Yangi tashabbuslar muhokama qilindi

Uchrashuvda O‘zbekiston va Turkiya o‘rtasidagi hamkorlikni yanada kengaytirish bo‘yicha navbatdagi amaliy qadamlar ko‘rib chiqildi.

Mirziyoyeva ikki mamlakatni umumiy tarix, yaqin til, madaniyat va an’analar bog‘lab turishini ta’kidladi. Uning qayd etishicha, ko‘p qirrali munosabatlar aynan shu asosda izchil rivojlanmoqda.

Tomonlar ikki davlat uchun manfaatli bo‘lgan yangi tashabbuslarni birgalikda amalga oshirish jarayonini davom ettirishga kelishib oldi.

Avvalroq Erdo‘g‘an bilan uchrashgandi

Avvalroq Kursiv Uzbekistan Saida Mirziyoyeva Turkiya...

2026 – 2027-yillar kuz-qish mavsumiga tayyorgarlik doirasida issiqlik elektr stansiyalarida 182 MVt elektr quvvatini tiklash rejalashtirilgan. Bu haqda «Issiqlik elektr stansiyalari» aksiyadorlik jamiyati vakillari ishtirokida kuz-qish mavsumiga tayyorgarlik bo‘yicha amalga oshirilgan ishlar yuzasidan matbuot anjumanida ma’lum qildi.

Qish mavsumi oldidan IESlarda 182 MVt quvvat tiklanadi

O‘zbekistondagi issiqlik elektr stansiyalarida 2026 – 2027-yillar kuz-qish mavsumiga tayyorgarlik doirasida ta’mirlash ishlari davom etmoqda. Ishlar yakunlangach, elektr energiyasi ishlab chiqarish quvvatining 182 MVt qismi qayta tiklanishi kutilmoqda.

35 ta energoqurilma ta’mirlanadi

«Issiqlik elektr stansiyalari» AJ ma’lumotiga ko‘ra, joriy yilda jami 35 ta energoqurilmada mukammal va o‘rta ta’mirlash ishlari rejalashtirilgan. Ular orasida...

Fransiyaning shimolida La-Mansh tunneli kirish qismi yaqinida mikroavtobus harakatsiz turgan yuk poyezdi bilan to‘qnashdi. Hodisa oqibatida haydovchi va 18 nafar yo‘lovchi jarohatlandi, deb xabar berdi DW.

Mahalliy ma’muriyat ma’lumotiga ko‘ra, ikki kishi, jumladan, mikroavtobus haydovchisi og‘ir jarohat olgan va vertolyotda Lill shahridagi shifoxonaga olib ketilgan. Ularning hayotiga xavf yo‘qligi aytilmoqda.

Mikroavtobus yuk mashinasi haydovchilarini olib ketayotgan edi

Mikroavtobus turli davlat fuqarosi bo‘lgan yuk mashinasi haydovchilarini LeShuttle poyezdiga chiqish joyiga olib ketayotgan bo‘lgan.

LeShuttle avtomobillar va ularning yo‘lovchilarini La-Mansh tunneli orqali tashiydi.

Pas-de-Kale prefekturasi o‘rinbosari Agat Kyuri hodisa sabablarini aniqlash uchun tekshiruv boshlanganini ma’lum qilgan.

Uning aytishicha, Eurotunnel yuklash...

Honor 21-oktabr kuni Xitoyda taqdim etiladigan Honor Win 2 smartfonining boshlang‘ich narxini ma’lum qildi. Bu haqda Gizmochina xabar bermoqda.

Oddiy chakana narx bundan yuqori bo‘ladi, biroq Honor hozircha aniq summani oshkor qilmagan.

Snapdragon 8 Elite Extreme Gen 6 o‘rnatiladi

Honor Win 2 yangi Snapdragon 8 Elite Extreme Gen 6 protsessori bilan jihozlanadi. Smartfon o‘yinlarga mo‘ljallangan bo‘lib, qizib ketishni kamaytirish uchun ikki ventilyatorli faol sovitish tizimini oladi.

Bu avvalgi Honor Win’dagi bitta ventilyatorli tizimga nisbatan asosiy yangilanishlardan biri bo‘ladi.

Batareya 10 100 mA/soatga yetdi

Honor Win 2 10 100 mA/soat sig‘imli batareya bilan jihozlanadi. Avvalgi Honor Win modelida...