Yangiliklar

Samsung kompaniyasi o‘zining yangi flagman smartfonlarini chiqish muddatini kechiktiradi. Bu haqda BGR nashri Techmaniacs manbalariga tayanib xabar berdi.

Odatda Janubiy Koreyaning IT-giganti yangi Galaxy S smartfonlarini yil boshida – yanvar yoki fevral oylarida taqdim etadi. Ammo 2026-yilda noma’lum sabablar tufayli kompaniya taqdimotni bahor boshiga – mart oyiga surishga qaror qilgan.

Manbalarning aytishicha, Samsung taqdimot muddatini o‘zgartirishga aniq sabab keltirmagan, biroq gadgetlarni ishlab chiqish va loyihalash jarayonida ayrim texnik muammolarga duch kelingani aytilmoqda. Shunga qaramay, kompaniya yangi qurilmalarning ayrim xususiyatlarini allaqachon belgilagan:

Kutilishicha, Samsung 2026-yilning...

O‘zbekiston Kaspiy dengizi ostidan o‘tuvchi optik aloqa liniyasiga ulanish imkoniyatini o‘rganmoqda. Bu tashabbus mamlakatning xalqaro raqamli infratuzilmasini mustahkamlashga qaratilgan bo‘lib, DataVolt kompaniyasi tomonidan ilgari surilmoqda.

«Bugun barcha ma’lumotlar Yevropa orqali o‘tmoqda. Biz esa Qozog‘iston va Ozarbayjon orqali Kaspiy ostidan o‘tuvchi liniyaga ulanishni maqsad qilganmiz. Bu loyiha O‘zbekiston uchun strategik jihatdan muhim — u aloqa xavfsizligini mustahkamlab, iqtisodiy foyda keltiradi», — dedi DataVolt ijrochi direktori Rajit Nanda.

Uning ta’kidlashicha, bu yo‘nalish mamlakat uchun milliardlab daromad manbai bo‘lishi, shuningdek, raqamli iqtisodiyotning rivojlanishini tezlashtirishi mumkin. DataVolt 2024-yilning may oyida O‘zbekistonda 10 MVt quvvatga ega ma’lumotlar markazini qurishni...

Oʻzbekistonning tashqi savdo hajmi 2025-yilning yanvar – sentabr oylarida $59,8 milliardni tashkil etdi. Milliy statistika qoʻmitasi ma’lumotiga koʻra, bu oʻtgan yilning mos davridagiga nisbatan 22,9 foizga koʻp.

Xitoy Oʻzbekistonning asosiy savdo hamkori boʻlib qolmoqda — $11,4 mlrdlik koʻrsatkich bilan. Ikkinchi oʻrinda Rossiya ($9,4 mlrd), uchinchi oʻrinda esa Qozogʻiston ($3,5 mlrd) joylashgan. Shuningdek, beshlikdan Turkiya ($2,2 mlrd) va Janubiy Koreya ($1,3 mlrd) ham oʻrin oldi.

1-oktabr holatiga mamlakat $26,7 mlrdlik tovar eksport qilgan, import hajmi esa $33,1 mlrdni tashkil etgan. Eksport yillik hisobda 33,3 foiz, import esa 15,6 foizga oʻsdi. Bunda O‘zbekiston mahsulotlarini asosan Rossiya, Xitoy va Qozog‘iston xarid qilmoqda. Shu...

Zeekr X 2026 yangi interyer va Energee batareyasi bilan taqdim etiladi. Bu haqda CarNewsChina xabar bermoqda.

Hozirda Zeekr X besh xil komplektatsiyada ishlab chiqarilmoqda, ularning narxi 149 ming yuandan 199 ming yuangacha (taxminan $20,7–27,6 ming) yetadi. Yangilangan versiya ham shu segmentda joylashadi.

Tashqi ko‘rinishda katta o‘zgarishlar yo‘q. Suratlarda kulrang mat bo‘yoqli kuzov, qora tom va gul shaklidagi besh qirrali disklar ko‘rinadi. O‘lchamlari avvalgiday qoladi. Uzunligi 4 450 mm, eni 1 836 mm, balandligi 1 572 mm, g‘ildirak bazasi esa 2 750 mm.

Salon dizayni esa sezilarli yangilangan. Markaziy konsol endi yopiq shaklda bo‘lib, unda simsiz telefon quvvatlash maydoni va...

Bugun, 22-oktabr kuni O‘zbekistonda «Mening maktabim» nomli ta’lim loyihasining birinchi bosqichi boshlandi. Bu haqda Maktabgacha va maktab ta’limi vazirligi xabar berdi.

Ushbu bosqichda birinchi, ikkinchi va to‘rtinchi toifaga kiruvchi 112 ta tumandagi qariyb besh mingta maktab ishtirok etmoqda.

5 – 11-sinflar o‘quvchilari o‘z maktablarini rivojlantirish bo‘yicha g‘oyalar taklif etishlari va ular uchun «Ochiq budjet» portalida ovoz berishi mumkin. Takliflar 22 – 31-oktabr kunlari qabul qilinadi, tanlov 1 – 10-noyabr kunlari o‘tkaziladi. Ovoz berish esa 11 – 20-noyabr kunlari davom etadi.

Loyihaning ikkinchi bosqichi dekabr va yanvar oylarida bo‘lib o‘tadi. Unda uchinchi va beshinchi toifadagi maktablar ham ishtirok etadi.

Avvalroq...

Xitoyda MG4 530 Smart Edition avtomobillarining yetkazib berilishi boshlandi. Bu haqda CarNewsChina xabar bermoqda.

Endi model Ruipu Lanjun o‘rniga CATL kompaniyasi ishlab chiqargan batareyalar bilan ta’minlanadi. MG bosh menejeri Chen Suy bu o‘zgarish oktabr oyi uchun rejalashtirilgan yetkazib berish hajmini saqlab qolish maqsadida amalga oshirilganini aytdi. Endi barcha 530 Smart Edition modellarida faqat CATL batareyalari o‘rnatiladi.

Model haqida nimalar ma’lum

MG4 530 Smart Edition 100 ming yuandan arzonroq (taxminan $14,1 ming) segmentda joylashgan bo‘lib, 530 km CLTC yurish masofasi va avtomatik boshqaruv tizimiga ega. Kompaniya aynan shu funksiyalarni modelning asosiy raqobat ustunligi sifatida ko‘rsatmoqda.

Avgust oyida bozorga chiqqan...

O‘zbekistonda ayrim mobil aloqa operatorlari telefon firibgarligiga qarshi yangi himoya tizimini ishga tushirdi. Bu haqda kompaniyalar matbuot xizmatlari ma’lum qildi.

Raqamli texnologiyalar vazirligi bilan hamkorlikda joriy etilgan Anti-Spoofing texnologiyasi soxta raqamlardan amalga oshirilgan qo‘ng‘iroqlarni aniqlab, foydalanuvchilarni shaxsiy ma’lumotlarning tarqalishini oldini oladi.

Mobiuz kompaniyasi mazkur tizimni 2025-yil sentabr oyida o‘z tarmog‘iga joriy qilgan. Operator ma’lumotiga ko‘ra, bir oy davomida chet eldan O‘zbekistonga yo‘naltirilgan minglab soxta qo‘ng‘iroqlar abonentlargacha yetib bormagan. Shuningdek, robotlashtirilgan qo‘ng‘iroqlarni avtomatik tarzda bloklovchi qo‘shimcha mexanizmlar ham ishga tushirilgan.

Beeline Uzbekistan ham raqamli firibgarlikka qarshi kurash dasturi doirasida Anti-spoofing tizimini ishga tushirgani haqida xabar berdi. Ushbu texnologiya...

Joriy yilning yanvar–sentabr oylarida Oʻzbekiston $9,9 milliardlik oltin eksport qilgan. Milliy statistika qoʻmitasiga ko‘ra, bu oʻtgan yilning shu davriga nisbatan 70,9 foiz koʻp.

Bu koʻrsatkich tarixiy rekord hisoblanadi — bunday natija hatto bir yil yakunida ham ilgari kuzatilmagan.

Oltin eksportidan tushgan daromad mamlakatning umumiy tashqi tushumlarining 37,1 foizini tashkil etdi. 2024-yil yanvar–sentabr oylarida xorijga $5,8 milliardlik oltin sotilgan bo‘lib, bu umumiy eksport tushumlarining 28,9 foiziga teng bo‘lgan.

Shuningdek, 2023-yilda respublika $8,1 milliardlik oltin eksport qilgan, 2021 va 2022-yillarda esa bu ko‘rsatkich mos ravishda $4,1 milliarddan bo‘lgan.

2025-yil 1-oktabr holatiga koʻra, Oʻzbekistonning oltin-valyuta zaxiralari $55 milliardga yetdi. Bu ham...

23-oktabr uchun valyuta kurslari e’lon qilindi. Shu kun uchun AQSh valyutasi 12 101,29 so‘m (+90,27 so‘m) etib belgilandi. Bu haqda Markaziy bank xabar bermoqda.

Dollarning so‘nggi besh kunlikdagi o‘zgarishi

So‘nggi besh kun ichida dollar kursida pasayish ustun bo‘ldi. 16-oktabr uchun 12 233,67 so‘m (+48,56 so‘m) etib belgilandi. 17-oktabr kuni AQSh valyutasi 12 160,99 so‘mga (-72,68 so‘m) tenglashdi. 20-oktabr kuni dollar 12 108,24 so‘m (-52,75 so‘m) etib belgilangan edi. 21-oktabr kuni dollar 2 060,15 so‘mga (-48,09 so‘m) tenglashgan edi. 22-oktabr kuni dollar 12 011.02 so‘m (-49,13 so‘m) etib belgilangandi.

Markaziy bank ma’lumotlariga ko‘ra, yevro 73,44 so‘mga 0shib, 14 031,45 so‘mni, rubl esa 0,07 so‘mga pasayib...

Statistika qo‘mitasi ma’lumotlariga ko‘ra, 2025-yil yanvar–sentabr oylarida Chevrolet Cobalt va Damas ishlab chiqarish hajmi o‘tgan yilning shu davriga nisbatan kamaygan.

Umuman olganda, yengil avtomobillar ishlab chiqarish soni 297 724 donadan 326 364 donagacha, yuk avtomobillari esa 2 495 tadan 3 215 donagacha ko‘paygan. Maxsus yengil avtomobillar segmentida ham keskin o‘sish kuzatildi. Ular 18 879 donadan 39 163 donagacha ko‘paygan.

Qaysi model qancha ishlab chiqarilgan?

Mahalliy ishlab chiqaruvchilardan UzAuto Motors faqat Tracker modelining hajmini oshirgan. U 31 ming 197 donadan 34 ming 179 donagacha ko‘paygan. Onix ishlab chiqarish 24 ming 753 donadan 22 ming 598 donagacha, Cobalt...

Peruda bir necha haftadan beri tartibsizlik hukm surmoqda. Namoyishlarda 200 dan ortiq odam, jumladan, politsiyachilar va jurnalistlar jarohatlangan, bir kishi politsiya tomonidan o‘ldirilgan.

Favqulotda holat joriy etish qarori korrupsiya va jinoyatchilikning ortishi sababli so‘nggi haftalarda davom etayotgan ommaviy noroziliklardan keyin qabul qilindi. Favqulodda holat hukumatga armiyani ko‘chalarga chiqarish, namoyishlarni cheklash va ayrim fuqarolik erkinliklarini vaqtincha to‘xtatish imkonini beradi.

Prezident bu chorani jinoyatchilikka qarshi keskin burilish nuqtasi deb atadi va fuqarolarga tinchlik va ishonchni tiklashni va’da qildi.

Transport sohasida jinoyatlar soni keskin oshdi. Joriy yilda 47 avtobus haydovchisi tovlamachilik bilan bog‘liq hujumlarda halok bo‘lgan. Oktabr oyida parlament sobiq prezident Dina...

Toyota kompaniyasi tomonidan yangi Toyota Land Cruiser FJ avtomobili taqdim etildi. Bu haqda kompaniya saytida xabar bermoqda.

Biroq ko‘plab muxlislar modelning texnik imkoniyatlaridan norozi bo‘lgan. Ular yangi modelni «afsonaning so‘nishi» deb atashmoqda.

Yangi Land Cruiser FJ 2025-yil Japan Mobility Show ko‘rgazmasida rasman namoyish etiladi. U 2026-yilning birinchi yarmida savdoga chiqadi.

Mini yo‘ltanlamas — katta bahslar

Avtomobil IMV ramali platformada yaratilgan — bu baza ilgari Hilux pikapi va Fortuner yo‘ltanlamasida ham ishlatilgan. Uning kapoti ostida 2,7 litrli atmosferali dvigatel joylashgan. O‘lchamlari jihatidan u Jeep Wrangler’ga yaqin, ammo tashqi ko‘rinishi ixchamroq va soddalashgan.

«Bu endi o‘sha FJ emas»

Apple kompaniyasining aksiyalari yangi tarixiy cho‘qqiga chiqdi. 20-oktabr kuni kompaniya aksiyalari narxi 6,35 foizga oshib, $264,22 darajasiga yetdi. Bu haqda The Telegraph xabar bermoqda.

Narxning keskin oshishiga iPhone 17 modelining kuchli sotuvi sabab bo‘lgan. Counterpoint Research ma’lumotiga ko‘ra, yangi iPhone AQSh va Xitoy bozorlarida taqdim etilganidan keyingi dastlabki 10 kun ichida iPhone 16 ga nisbatan 14 foiz ko‘proq sotilgan.

Tahlil kompaniyasi Loop Capital Apple aksiyalarini «hold» darajasidan «buy» (sotib olish tavsiyasi) darajasiga ko‘tardi. Evercore ISI ham Apple’ni o‘zining taktik yuqori o‘sish ro‘yxatiga kiritdi va bu yilgi sotuvi oddiy yangilanish davridan ko‘ra kattaroq trend bo‘lishi mumkinligini ta’kidladi.

Shu bilan birga...

Xitoyda yangilangan Tank 400 gibrid yo‘ltanlamasi uchun oldindan buyurtmalar qabul qilina boshlandi. Bu haqda ITHome xabar bermoqda.

Model ikki xil komplektatsiyada taklif etilmoqda. Modelning narxi $43 mingdan boshlanadi. Avtomobil 428 ot kuchiga ega Hi4-T va 869 ot kuchli Hi4-Z gibrid tizimlari bilan jihozlanadi.

Dizayn va texnologiyalar

Yangi Tank 400 kuzovida yangi Dunhuang Purple (binafsha) rangi, tomda lidar tizimi, yon va orqa kameralar o‘rnatilgan. Model Coffee Pilot Ultra uchinchi avtonom haydash tizimi bilan jihozlangan bo‘lib, u City NOA (shahar sharoitida) va Highway NOA (trassada) rejimlarini qo‘llab-quvvatlaydi. Orqa fonarlarda faol xavfsizlik tizimining ko‘k indikatorlari mavjud.

O‘lchamlari 4964×1970×1905 mm, g‘ildirak bazasi...

Xiaomi kompaniyasi Redmi K90 modeliga oldindan buyurtma qabul qilishni boshladi. Bu haqda kompaniya prezidenti Lu Veybing ma’lum qildi.

Uning so‘zlariga ko‘ra, yangi Redmi K90 avvalgilardan ham chiroyli bo‘ladi. Hozircha modelning texnik xususiyatlari va narxi oshkor etilmagan – ular haqida ma’lumotlar 23-oktabr kuni bo‘lib o‘tadigan taqdimotda e’lon qilinadi.

Shu kuni Redmi K90 Pro Max flagman modeli va Redmi Watch 6 aqlli soati ham taqdim etiladi. Soat katta ekran, ingichka ramka va bir oyga yaqin batareya ishlash muddati bilan ajralib turadi.

Redmi K90 tasvirlari hozircha e’lon qilinmagan, ammo kompaniya Pro Max versiyasining dizaynini namoyish etdi.

Eslatib o‘tamiz, Kursiv Uzbekistan Xiaomi...

O‘zbekiston milliy terma jamoasi noyabr oyidagi FIFA kunlarida Dubaydagi xalqaro turnirda ishtirok etadi. Bu haqda O‘FA xabar berdi.

Musobaqani Kabo-Verde va Eron terma jamoalari uchrashuvi ochib beradi. Bu o‘yin 13-noyabrga o‘tkaziladi. 14-noyabr kuni esa Fabio Kannavaro shogirdlari Muhammad Saloh boshchiligidagi Misr terma jamoasi bilan kuch sinashadi.

G‘olib bo‘lgan jamoalar finalga yo‘l olishadi. Mag‘lubiyatga uchraganlar esa uchinchi o‘rin uchun bahs olib boradi. Turnirda ishtirok etadigan barcha to‘rt terma jamoa ham Jahon chempionati ishtirokchisi hisoblanadi. O‘zbekiston va Kabo-Verde uchun bu o‘z tarixidagi dastlabki mundial sanaladi.

Eslatib o‘tamiz, uchrashuvlar «Al-Nasr» klubiga qarashli «Al-Maktum» stadionida bo‘lib o‘tadi.

Avvalroq Kursiv Uzbekistan terma jamoamiz noyabr...

2025-yil yanvar – sentabr oylarida iqtisodiyot va ijtimoiy sohani rivojlantirish uchun jami 443,6 trillion so‘mlik asosiy kapitalga investitsiyalar yo‘naltirilgan. Milliy statistika qo‘mitasining ma’lumotiga ko‘ra, bu ko‘rsatkich o‘tgan yilning shu davriga nisbatan 15,2 foizga ko‘p bo‘lib, so‘nggi besh yilda investitsiyalar hajmi 2,8 baravar oshgan.

Hisobot davrida o‘zlashtirilgan xorijiy investitsiyalar va kreditlar miqdori $34,5 milliardni tashkil etgan. Ularning asosiy qismi ishlab chiqarish sanoati, elektr va gaz ta’minoti, tog‘-kon sanoati hamda qishloq xo‘jaligi sohalariga yo‘naltirilgan.

Eng kam investitsiya va kreditlar esa suv bilan ta’minlash, sog‘liqni saqlash, axborot va aloqa sohalariga to‘g‘ri kelgan.

Avvalroq Al Majdiah va First Avenue kompaniyasi direktorlari kengashi raisi Abdulsalom Al-Majid O‘zbekistonga...

Parijdagi Luvr muzeyidan oʻgʻirlangan buyumlar qiymati 88 mln yevroga baholandi. Bu haqda Parij prokurori Lor Beko muzey rahbari bilan birgalikda bergan bayonotida ma’lum qildi.

Prokurorning soʻzlariga koʻra, bu nafaqat moliyaviy, balki madaniy merosga yetkazilgan katta zarardir.

«Bu summa hayratlanarli, ammo tarixiy qiymatni oʻlchab boʻlmaydi», – dedi u.

U, shuningdek, jinoyatchilar taqinchoqlarni eritib yuborsa, asl qiymatning oʻndan birini ham ololmasligini ta’kidladi.

19-oktabr kuni tongda noma’lum shaxslar yuk mashinasiga oʻrnatilgan narvon yordamida Luvrning Apollon galereyasiga kirishgan. Ular atigi 4 daqiqa ichida ikki seyfni buzib, fransuz imperatorlariga tegishli 9 ta qimmatbaho buyumni oʻgʻirlab ketgan. Jinoyatchilar muzey xodimlari...

Leverkuzenda mahalliy «Bayer» klubi o‘z maydonida «PSJ»ni qabul qildi va yirik hisobda mag‘lubiyatga uchradi. Parijliklar safida Xvicha, Vitinya, Due, Usmon Dembele va Nuno Mendesh gollar muallifi bo‘lishdi. Leverkuzinliklar tomonidan Alesh Garsiya dubl qayd etdi. Tomoshabinlar 9 ta gol va 2 ta qizil kartochka guvohi bo‘lishdi.

Gretsiyaning «Olimpiakos» jamoasi Kataloniyada «Barselona» mehmoni bo‘ldi. Hansi Flik shogirdlari ishonchli g‘alaba qayd etdi – 6:1. Fermin Lopes xet-trik qayd etib, uchrashuv qahramoniga aylandi. Markus Reshford va Lamin Yamal ham hisobiga gol yozib qo‘ydi.

«Barselona» — «Olimpiakos» 6:1

Turning sensatsiyasi esa Antonio Konte boshchiligidagi «Napoli»ning «PSV»ga yirik hisobda mag‘lub bo‘lishi bo‘ldi. Mezbonlarning 6 goliga Skot...

Toyota o‘zining mashhur Corolla Cross modeliga mutlaqo yangi ko‘rinish berdi. Kompaniya Corolla Cross Hybrid Nasu Edition nomli offroad versiyasini taqdim etdi. Bu haqda Carcoops xabar bermoqda.

Ushbu noyob avtomobil 4 – 7-noyabr kunlari Las-Vegasda o‘tadigan SEMA Show 2025 ko‘rgazmasida ilk bor namoyish etiladi.

Nasu Edition yagona nusxada yaratilgan bo‘lib, u oddiy shahar krossoverini haqiqiy tog‘ yo‘llarini zabt etuvchi avtomobilga aylantirgan. Model Yaponiyaning Nasu tog‘li hududidan ilhomlangan — bu joy issiq buloqlari va sayyohlik yo‘llari bilan mashhur. «Nasu» so‘zi yapon tilida «maqsadga yetish» va «baqlajon» ma’nolarini bildiradi, shu bois kuzov o‘ziga xos binafsha rangda bo‘yalgan.

Avtomobil quyidagi o‘zgarishlarga ega:

Iqtisodiy tadqiqotlar va islohotlar markazining 2025-yil sentabr oyi hisobotiga ko‘ra, Toshkentda ikkilamchi uy-joy bozori narxlari o‘tgan yilga nisbatan 1,7 foizga kamaygan.

Sentabr oyi yakunlariga ko‘ra, respublika bo‘yicha uy-joy oldi-sotdi shartnomalari soni 24,2 mingtani tashkil etdi. Bu o‘tgan yilning shu davriga nisbatan 13,7 foizga ko‘p. Birlamchi bozorda narxlar uch foizga oshgan, ayniqsa Mirobod, Bektemir va Yakkasaroy tumanlarida o‘sish 5,8 foizni tashkil etgan.

Ikkilamchi bozorda narxlar

Ikkilamchi uy-joy bozori narxlari sentabr oyida o‘rtacha 0,6 foizga oshgan. Yil davomida esa 4,6 foiz o‘sish kuzatilgan. Eng yuqori narx o‘sishi Surxondaryo, Sirdaryo va Jizzax viloyatlarida qayd etilgan.

Toshkent shahrida esa ikkilamchi bozorda...

Ijtimoiy tarmoqlarda toshkentlik Jamila Olimboyeva ismli ayolning uy bilan bog‘liq oilaviy mojarosi tarqaldi. Uning aytishicha, uyini yo‘qotishiga sobiq qallig‘i va tadbirkor Sanjar Karimov (Real Sanjik) sababchi bo‘lgan.

Voqea tafsilotlari

Jamila Olimboyevaning so‘zlariga ko‘ra, u 2023-yilda Shahzod ismli yigit bilan tanishgan. Yigit o‘zini halol va dindor inson sifatida tanitgan, maishiy texnika savdosi bilan shug‘ullangan va ota-onalar roziligi bilan to‘y 2024-yil sentabrga belgilangan.

Ammo to‘yga bir oy qolganda Shahzod qizga moliyaviy qiyinchilikka duch kelganini aytib, qarzini qaytarish uchun Sanjar Karimovdan vaqtincha qarz olmoqchiligini aytadi. Yigit buning evaziga Olimboyeva oilasining uyini garov sifatida qo‘ymoqchiligini aytgan.

Oila bunga 12 kunlik vaqtinchalik bitim...

Amerikaning OpenAI kompaniyasi 21-oktabr kuni ChatGPT Atlas nomli sun’iy intellektli brauzerni rasman taqdim etdi.

Kompaniya ma’lum qilishicha, yangi brauzer ChatGPT yordamida turli topshiriqlarni bajarish imkonini beradi. Foydalanuvchi kontentni umumlashtirishi, mahsulotlarni taqqoslashi yoki ma’lumotlarni tahlil qilishi mumkin. Brauzer interfeysida ChatGPT yon panelda ochiladi va matn, elektron xat yoki kalendardagi so‘z tanlanganda avtomatik tarzda paydo bo‘ladi.

Yangi brauzerning «agent» rejimida ChatGPT xaridlarni amalga oshirishi, restoranlarda stol bron qilishi yoki veb-saytlardagi formalarni avtomatik to‘ldirishi mumkin.

Hozircha ChatGPT Atlas faqat macOS tizimi uchun yuklab olish imkoniyatiga ega, biroq yaqin orada Windows, iOS va Android versiyalari ham taqdim etilishi rejalashtirilgan.

Bugungi kunda sun’iy intellekt...

Rossiya hududida Telegram messenjeridagi ovozli va videoqo‘ng‘iroqlar yana faol bo‘ldi. Bu haqda iGuides Telegram kanali foydalanuvchilar xabarlariga tayanib ma’lum qildi.

Ma’lumot uchun, 2025-yil yozida Rossiya Aloqa, axborot texnologiyalari va ommaviy kommunikatsiyalar sohasidagi nazorat bo‘yicha federal xizmati (Rosskomnadzor) qarori bilan messenjer va WhatsApp’dagi (Meta Platforms Inc. ekstremistik tashkilot deb tan olingan) audioqo‘ng‘iroqlar bloklangandi. Bunga sabab sifatida telefon firibgarligiga qarshi kurash keltirilgan – idora ma’lumotlariga ko‘ra, xizmatlar soxta raqamlardan ommaviy qo‘ng‘iroqlar uchun faol qo‘llanilgan.

Endilikda esa Telegram’da qo‘ng‘iroq qilish va qabul qilish funksiyasi Rossiyada yana ishlayapti. Biroq hozircha Rosskomnadzor ham, kompaniya vakillari ham rasmiy izoh bermagan.

Mutaxassislar fikricha, xizmatning qayta ishga...