Yangiliklar

AQSh prezidenti Donald Tramp Kanadadagi o‘rmon yong‘inlari tutuni Amerika hududiga tarqalgani sabab ushbu mamlakat tovarlariga qo‘llanayotgan bojlarni oshirish bilan tahdid qildi. Bu haqda Axios xabar berdi.

Tramp 17-iyul kuni Truth Social ijtimoiy tarmog‘ida Kanada yong‘inlari oqibatida yuzaga kelayotgan ifloslanish xarajatlari mamlakat to‘layotgan tariflarga qo‘shilishi kerakligini bildirdi. Uning ta’kidlashicha, Kanada rasmiylari o‘rmonlar va ulardagi quruq o‘simliklarni yetarlicha nazorat qilmagani sabab AQShga «iflos va sog‘liq uchun xavfli havo» kirib kelmoqda.

AQSh prezidenti bu vaziyatni «qasddan yo‘l qo‘yilgan beparvolik» deb atadi. Shuningdek, u Kanada bosh vaziri Mark Karni bilan bog‘lanib, mamlakat hukumati muammoni hal qilish uchun qanday choralar ko‘rishini so‘rashini ma’lum qildi.

Huawei kompaniyasining yangi Huawei Pura 90s Pro Max flagman smartfoni ilk batafsil sinovlar uchun texnologik bo‘limga yetib bordi. Bu haqda GSMArena nashri xabar bermoqda.

Smartfon qutisidan USB kabel, shaffof himoya g‘ilofi va 100 vattli quvvatlash adapteri chiqadi. Biroq to‘plam tarkibi sotiladigan hududga qarab farq qilishi mumkin.

Batareya sig‘imi ham bozorga qarab o‘zgaradi. Yevropada sotiladigan Pura 90s Pro Max 5 500 mA/soat sig‘imli akkumulyator bilan ta’minlanadi. Boshqa hududlardagi versiyalarda esa 6 000 mA/soatli batareya o‘rnatilishi ko‘zda tutilgan.

Qurilma, avvalo, o‘ziga xos kamera bloki, oynadek yorug‘likni qaytaruvchi yuzalari va yuqori sifatli korpusi bilan ajralib turadi. Smartfonning old qismi an’anaviyroq ko‘rinishga ega...

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanov Toshkentdagi autizm spektridagi bolalar bilan ishlovchi markazga tashrif buyurdi.

Markaz tarqatgan xabarga ko‘ra, futbolchi muassasa tarbiyalanuvchilari bilan uchrashib, ular bilan suhbatlashdi va esdalik uchun suratga tushdi. Ko‘plab bolalar uchun sevimli futbolchisi bilan yuzma-yuz ko‘rishish uzoq kutilgan orzu bo‘lgan.

Uchrashuv davomida bolalar Husanovga o‘zlarini qiziqtirgan savollarni berish va u bilan yaqindan muloqot qilish imkoniyatiga ega bo‘ldi. Markaz vakillari futbolchining tashrifi tarbiyalanuvchilarga ko‘plab samimiy hissiyotlar hamda unutilmas taassurotlar ulashganini ta’kidladi.

Sportchilarning bunday tashriflari alohida ehtiyojga ega bolalarning jamiyat hayotidagi ishtirokini qo‘llab-quvvatlash, ularning qiziqishlariga e’tibor qaratish va inklyuziv muhitni rivojlantirishga...

O‘zbekistonda jismoniy shaxslarning mol-mulk va yer soliq imtiyozlari bo‘yicha murojaat yuborish tartibi belgilandi. Bu haqda Adliya vazirligi xabar bermoqda.

Qaror bilan «Jismoniy shaxslar tomonidan mol-mulk va yer soliqlari bo‘yicha soliq imtiyozlaridan foydalanish uchun elektron murojaat yuborish bo‘yicha davlat xizmatini ko‘rsatish»ning ma’muriy reglamenti tasdiqlandi.

Yangi tartibga ko‘ra, fuqarolar soliq imtiyozini qo‘llash uchun Elektron soliq xizmatlari portali yoki Yagona interaktiv davlat xizmatlari portali — my.gov.uz orqali elektron murojaat yuborishi mumkin.

Murojaat kelib tushgach, soliq organining mas’ul xodimi undagi ma’lumotlarni ikki ish kuni ichida o‘rganadi. Tekshiruv soliq organlarida mavjud axborotlar asosida amalga oshiriladi. Shundan so‘ng mol-mulk yoki yer solig‘i bo‘yicha imtiyozni qo‘llash...

Honor kompaniyasi Honor Robot Phone smartfoni uchun Xitoyda oldindan buyurtmalar qabul qilishni boshladi. Bu haqda Gizmochina nashri xabar berdi.

Robotlashtirilgan kameraga ega noodatiy qurilmaning savdosi 2026-yil avgust oyida boshlanishi rejalashtirilgan.

Smartfonning asosiy xususiyati titan qotishmasidan tayyorlangan to‘rt o‘qli robotlashtirilgan kamera stabilizatoridir. Oddiy holatda kamera moduli korpus ichida yashirin turadi va suratga olish funksiyasi ishga tushirilganda 0,8 soniya ichida tashqariga chiqadi.

Kamera 360 daraja aylanishi, obyektlarni avtomatik kuzatishi hamda CIPA 5.5 darajasidagi mexanik barqarorlashtirish tizimidan foydalanishi mumkin. Bu harakatlanayotgan obyektlarni suratga olishda va yurib video yozishda tasvir tebranishini kamaytirishga yordam beradi.

Dastlabki ma’lumotlarga ko‘ra, Honor Robot Phone’ning asosiy kamerasi f...

Buyuk Britaniyada semizlik bilan bog‘liq sog‘liq muammolari sabab 600 mingdan ortiq kishi mehnat faoliyati bilan shug‘ullana olmayapti. Bu York universiteti tadqiqotchilari o‘tkazgan izlanish natijalarida qayd etildi, deb yozmoqda The Telegraph.

Mutaxassislar Buyuk Britaniyaning eng yirik biotibbiy ma’lumotlar bazasi — UK Biobank’dagi 284 mingdan ortiq ishtirokchining ma’lumotlarini tahlil qilgan. Tadqiqot natijalariga ko‘ra, mamlakatda qariyb 15 mln kishi ortiqcha vaznga ega. Ularning taxminan 4 foizi semizlik oqibatida yuzaga kelgan kasalliklar va boshqa sog‘liq muammolari sabab ishlamaydi.

Tadqiqotchilar erkaklar semizlik bilan bog‘liq muammolar tufayli ayollarga qaraganda mehnat bozorini muddatidan oldin tark etishga ko‘proq moyil ekanini aniqladi. Bundan tashqari, semizlik tashxisi qo‘yilgan xodimlar...

Apple bozor kapitallashuvi bo‘yicha Nvidia’ni ortda qoldirib, yana dunyodagi eng qimmat ochiq kompaniyaga aylandi. Bu haqda Bloomberg xabar berdi.

17-iyul kungi savdolarda Nvidia aksiyalari 3,7 foizga arzonlashdi. Natijada grafik protsessorlar ishlab chiqaruvchisining bozor qiymati $4,8 trln gacha kamaydi. Apple aksiyalari esa 0,4 foizga qimmatlashib, kompaniya kapitallashuvini $4,9 trln ga yetkazdi.

Nvidia 2025-yil mayidan buyon dunyoning eng qimmat kompaniyalari reytingida yetakchilik qilib kelayotgan edi. Sun’iy intellekt texnologiyalariga talab ortishi fonida kompaniyaning bozor qiymati oktabr oyida $5 trln chegarasiga yetgan.

Reuters’ning qayd etishicha, yetakchining almashishi investorlar e’tibori Nvidia singari sun’iy intellekt rivojlanishidan eng ko‘p foyda ko‘rgan kompaniyalardan boshqa yirik texnologik korporatsiyalarga...

Tijorat banklari tomonidan 18-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 17-iyul uchun valyutalar kursi e’lon qilingani haqida yozgan edi. 

Rustam Jo‘rayev O‘zbekiston Respublikasi Prezidenti Davlat xavfsizlik xizmati raisi lavozimiga tayinlandi. Prezidentning tegishli farmoni bilan unga general-leytenant maxsus unvoni ham berilgan.

Jo‘rayev yangi lavozimga tayinlangunga qadar ichki ishlar vazirining birinchi o‘rinbosari — Jamoat xavfsizligi departamenti boshlig‘i sifatida faoliyat yuritib kelayotgan edi. U ushbu lavozimni 2026-yil yanvarida egallagan va shu munosabat bilan Milliy gvardiya qo‘mondoni vazifasidan ozod etilgandi.

Rustam Jo‘rayev 1968-yil 26-iyulda Toshkent shahrida tug‘ilgan. U 1994-yilda Ichki ishlar vazirligi akademiyasini tamomlagan. Mehnat faoliyatini ichki ishlar organlarida boshlagan va keyinchalik Toshkent shahar IIBB, Namangan hamda Xorazm viloyatlari ichki ishlar boshqarmalarida rahbarlik lavozimlarida ishlagan. 2008–2012-yillarda Prezident devonida inspektor va bosh inspektor...

O‘zbekistonda bond omborlari faoliyatini tashkil etish va ularda tovarlarni saqlash tartibi belgilandi. Bu haqda Adliya vazirligi xabar bermoqda.

Yangi nizom bond omborlarini tashkil etish, ularning faoliyatiga qo‘yiladigan talablar, tovarlarni bunday omborlarga joylashtirish, shuningdek, bojxona nazorati va rasmiylashtiruvini amalga oshirish tartibini belgilaydi.

Nizomga muvofiq, bond ombori faoliyatini yuritish uchun erkin ombor faoliyatiga tegishli amaldagi litsenziya mavjud bo‘lishi hamda ombor Bond omborlari reestriga kiritilishi lozim. Ushbu talablarga javob bermagan subyektlarga bond ombori sifatida ishlashga ruxsat berilmaydi.

U qanday ishlaydi

Bond omborlarida, jumladan, maxsus elektron savdo platformalari orqali jismoniy shaxslarga sotiladigan xorijiy tovarlarni saqlash mumkin bo‘ladi. Shuningdek, tovarlarning o‘zgarmagan holda but...

Ugandada maktab avtobusi yo‘ldan chiqib, ag‘darilishi oqibatida 20 nafar o‘quvchi va bir nafar voyaga yetgan kishi halok bo‘ldi. Fojia ortidan mamlakat hukumati barcha maktab sayohatlari va ekskursiyalarini noma’lum muddatga to‘xtatdi, deb xabar bermoqda DW.

Yo‘l-transport hodisasi 16-iyul kuni kechasi Kapchorva tumanining Chekvatit qishlog‘ida sodir bo‘lgan. Kampala shahridagi King David Junior School maktabiga tegishli Suzuki avtobusi o‘quvchilarni Sipi sharsharalariga uyushtirilgan ta’limiy sayohatdan olib qaytayotgan edi.

Uganda politsiyasining jamoatchilik bilan aloqalar bo‘yicha vakili Maykl Kananuraning ma’lum qilishicha, haydovchi transport vositasi boshqaruvini yo‘qotgan. Shundan so‘ng avtobus yo‘ldan chiqib ketib, yo‘l chetidagi katta toshga urilgan va ag‘darilgan.

Hodisa qanday yuz bergan

Hodisa...

Samsung kompaniyasi Samsung Galaxy A56, Galaxy A35 va Galaxy A25 smartfonlari uchun 2026-yil iyul oyiga mo‘ljallangan xavfsizlik yangilanishini tarqatishni boshladi. Yangi dasturiy ta’minot avvalgi versiyada aniqlangan 57 ta xavfsizlik muammosini bartaraf etadi, deb yozmoqda SamMobile.

Yangilanish Osiyo, Yevropa va Janubiy Amerika mamlakatlarini ham qamrab olgan holda bosqichma-bosqich global miqyosda taqdim etilmoqda. Galaxy A56 uchun yangilanish A566EXXSCCZG6, Galaxy A35 uchun A356NKSS9DZG1, Galaxy A25 uchun esa A256U1UESCEZG1 proshivka raqami bilan chiqarilgan.

Yangilanish qanday ishlaydi

Xavfsizlik to‘plami smartfonlar tizimidagi zaifliklarni yopish, qurilmalarning himoyasini kuchaytirish hamda dasturiy ta’minot barqarorligini oshirishga qaratilgan. Yangilanish yangi yirik funksiyalarni olib kelmasligi mumkin, biroq foydalanuvchilarga uni imkon...

18-iyul sanasi zamonaviy texnologiyalar olamidagi inqilobiy voqealar, kinoolam yulduzlarining tavalludi hamda sportga oid noyob gadjetlar taqdimoti bilan tarixda qolgan. Kursiv Uzbekistan kunning eng muhim voqealarini xronologik tartibda taqdim etadi.

1967-yili amerikalik mashhur aktyor va prodyuser Vin Dizel (asl ismi Mark Sinkler) dunyoga kelgan. O‘zbekistondagi deyarli har bir kinomuxlis va avtomobil ixlosmandiga u «Forsaj» filmlaridagi Dominik Toretto roli bilan yaxshi tanish. Aktyor o‘zining uzoq yillik faoliyati davomida ko‘plab blokbasterlarda suratga tushgan hamda bugungi kunda Gollivudning eng ko‘p haq to‘lanadigan yulduzlaridan biriga aylangan.

1968-yilda Kaliforniyada zamonaviy kompyuter va smartfonlarimizning «yuragi» bo‘lgan protsessorlarni ishlab chiqaruvchi eng yirik Intel korporatsiyasiga asos solindi...

Kursiv Uzbekistan 17-iyul kuni mahalliy va xalqaro maydonda yuz bergan yangiliklarni bir joyga jamladi.

Sindorov va Abdusattorov FIDE mukofotiga da’vogarlik qilmoqda

O‘zbekistonlik grossmeysterlar Javohir Sindorov va Nodirbek Abdusattorov Xalqaro shaxmat federatsiyasi tomonidan yilning eng yaxshi shaxmatchisi unvoniga nomzodlar qatoriga kiritildi. Ular ushbu mukofot uchun jahonning birinchi raqamli shaxmatchisi Magnus Karlsen bilan raqobatlashadi.

Eng yaxshi shaxmatchi nominatsiyasiga, shuningdek, Fabiano Karuana, Arjun Erigaisi, Alireza Firuzja, Anish Giri, Gukesh Dommaraju, Vinsent Keymer va Praggnanandha Rameshbabu ham da’vogarlik qilmoqda. G‘olib FIDE tomonidan tuzilgan maxsus komissiya qarori asosida aniqlanadi.

Toshkentda 5 ta avtobus yo‘nalishi vaqtincha o‘zgartirildi

Toshkentda Bektemir yo‘li va Katta halqa yo‘li kesishmasida ta’mirlash ishlari olib borilayotgani sababli ayrim avtobuslar harakati vaqtincha o‘zgartirildi. O‘zgarish...

18-iyul kuni O‘zbekiston bo‘ylab quruq va anomal issiq ob-havo hukm suradi. Kunduz kuni +38…+48°C, kechasi esa +22…+32°C atrofidagi harorat kuzatiladi. Janubiy hududlarda havo harorati 48 darajagacha ko‘tarilib, yozning eng jazirama kunlaridan biri kuzatilishi kutilmoqda.

Quyida ob-havo ma’lumoti viloytlar kesimida:

Eslatib o‘tamiz, avvalroq anomal issiqda elektr iste’moli keskin oshgani sabab qisqa muddatli cheklovlar joriy etilgan edi.

18 – 19-iyul kunlari aholiga moliyaviy xizmatlardan foydalanishda qulaylik yaratish maqsadida ayrim banklar odatdagi faoliyatini davom ettiradi. Bu haqda Markaziy bank ma’lum qildi.

Quyidagi tijorat banklarining valyuta ayirboshlash va pul o‘tkazmalari shoxobchalari aholiga xizmat ko‘rsatadi:

Ekologik vaziyatni yaxshilash maqsadida Toshkent shahri va Toshkent viloyatining ayrim hududlaridagi issiqxonalarga nisbatan soliq stavkalarini oshirishni nazarda tutuvchi qonun loyihasi jamoat muhokamasiga qo‘yildi.

Qonun loyihasi muhokamaga qo‘yildi

Qonun loyihasida O‘zbekiston Respublikasi Soliq kodeksiga o‘zgartirish va qo‘shimchalar kiritish taklif etilgan. Hujjat Toshkent shahri hamda Toshkent viloyatining Yuqori Chirchiq, Qibray, Yangiyo‘l, Zangiota va Toshkent tumanlarida issiqxonalarning ekologik ta’sirini kamaytirish, energiya tejamkor va ekologik xavfsiz texnologiyalarni rag‘batlantirishga qaratilgan.

Soliq stavkalarini oshirilishi mumkin

Loyihaga ko‘ra, mazkur hududlarda joylashgan issiqxonalarga nisbatan mol-mulk va yer soliqlari amaldagi stavkalarning 10 baravari miqdorida belgilanishi taklif etilmoqda. Shuningdek, bunday issiqxonalarga soliq imtiyozlari tatbiq etilmasligi nazarda...

2026/2027-o‘quv yili uchun oliy ta’lim tashkilotlarining bakalavriat va magistratura bosqichlariga qabul parametrlari ta’lim shakllari hamda o‘qitish tillari kesimida tasdiqlandi. Bu haqda Oliy ta’lim, fan va innovatsiyalar vazirligi ma’lum qildi.

Bakalavriat kunduzgi ta’lim shakli uchun

Bakalavriat kechki ta’lim shakli

Bakalavriat masofaviy ta’lim shakli

Magistratura kunduzgi ta’lim shakli

Magistratura kechki ta’lim shakli

Magistratura masofaviy ta’lim shakli

Eslatib o‘tamiz, avvalroq 2030-yilgacha kamida 5 ta OTM dunyoning TOP – 500 reytingiga kiritilishi haqida yozgan edik.

Shavkat Mirziyoyev kuz-qish mavsumiga tayyorgarlik doirasida elektr va gaz ta’minotidagi muammolarni bartaraf etish bo‘yicha mutasaddilarga tegishli topshiriqlar berdi. Bu haqda prezident matbuot xizmati ma’lum qildi.

Qayd etilishicha, 2026-yilning birinchi yarmida mazkur sohaga oid 39 ming 220 ta murojaat kelib tushgan. Bu o‘tgan yilning mos davriga nisbatan 13 ming 820 taga yoki 26,1 foizga kam.

Murojaatlarning 50 foizi tabiiy va suyultirilgan gaz, 38,3 foizi esa elektr ta’minoti bilan bog‘liq bo‘lgan.

Asosiy muammolar tahlil qilindi

Fuqarolar murojaatlarida asosan suyultirilgan gaz ballonlarini to‘ldirish, elektr ta’minotidagi uzilishlar, elektr tarmoqlarini qurish va ta’mirlash hamda tabiiy gaz bosimi bilan bog‘liq masalalar ko‘tarilgan.

Ta’kidlanishicha...

OpenAI dasturchilar uchun Codex AI platformasi bilan ishlashni yengillashtiradigan ilk apparat qurilmasi — Codex Micro klaviaturasini taqdim etdi. Bu haqda Gizmochina ma’lum qildi.

OpenAI’dan ilk apparat

Qurilma klaviatura ishlab chiqaruvchisi Work Louder bilan hamkorlikda ishlab chiqilgan bo‘lib, hozirda oldindan buyurtma berish mumkin.

Avvalroq kompaniyaning ekransiz SI yordamchisini taqdim etishi haqida taxminlar ilgari surilgan edi. Biroq OpenAI dastlab dasturchilar uchun mo‘ljallangan klaviaturani namoyish etdi.

Codex SI bilan ishlash uchun mo‘ljallangan

Codex Micro — Codex AI agentlari bilan tezroq va qulayroq ishlash imkonini beruvchi dasturlashtiriladigan klaviatura hisoblanadi.

U 13 ta mexanik tugma bilan jihozlangan bo‘lib, ulardan oltitasi yoritish...

Rossiyada og‘ir ahvolga tushib qolgan O‘zbekiston fuqarosi va uning uch nafar voyaga yetmagan farzandining vatanga qaytishiga amaliy yordam ko‘rsatildi. Bu haqda «Dunyo» AA ma’lum qildi.

O‘zbekiston elchixonasi ma’lumotiga ko‘ra, konsullik bo‘limiga O‘zbekiston fuqarosi murojaat qilgan. U 15 yildan ortiq vaqt davomida Rossiyada qonuniy maqomsiz yashab kelgani, hujjatlari va moliyaviy imkoniyatlari yo‘qligi sababli farzandlari uchun munosib sharoit yarata olmayotganini bildirib, O‘zbekistonga qaytishda yordam so‘ragan.

Konsullik bo‘limi xodimlarining tezkor sa’y-harakatlari hamda Rossiyaning tegishli davlat idoralari bilan hamkorlik natijasida ayolning uch nafar farzandi uchun tug‘ilganlik haqidagi guvohnomalar rasmiylashtirildi.

Shuningdek, ularga konsullik yig‘imlari undirilmagan holda O‘zbekistonga qaytish guvohnomalari berildi.

Bundan tashqari, Migratsiya...

Janubiy Koreya va AQSh olimlari inson qo‘llari yoki boshqa birovning yordamisiz himoya kiyimini avtomatik ravishda kiyishga imkon beruvchi yangi robotni taqdim etdi. Bu haqda Reuters agentligi xabar berdi.

Mazkur texnologiya Janubiy Koreyaning KAIST universiteti va AQShdagi Stenford universiteti tadqiqotchilari tomonidan ishlab chiqilgan. Tizim kiyim ichiga o‘rnatilgan, havo bosimi yordamida harakatlanadigan yumshoq va egiluvchan «liana»larga asoslangan.

Havo bosimi ta’sirida ushbu moslamalar matoni odam tanasiga pechak singari yopishtirib boradi. Shu tufayli foydalanuvchi qimirlab turgan bo‘lsa ham, himoya kiyimi avtomatik ravishda kiyiladi.

Loyiha muallifi, KAIST ilmiy xodimi Kim Nam Gyunning aytishicha, to‘liq himoya kiyimini kiyish uchun taxminan 10 soniya kifoya...

2026–2027-yillarda O‘zbekistonning tarixiy va madaniy merosiga oid yuzlab noyob eksponatlar dunyoning nufuzli muzey va ko‘rgazma maydonlarida namoyish etiladi. Shavkat Mirziyoyev shu xususdagi taqdimot bilan tanishdi.

Xalqaro ko‘rgazmalar

Taqdimotda 2026-yil sentabr oyida Dohadagi Islom san’ati muzeyida «Uzbekistan: Heritage in Motion», noyabr oyida esa Milandagi Prada fondida «Global Antiquity» xalqaro arxeologiya ko‘rgazmasini tashkil etish rejalari ko‘rib chiqildi.

2027-yilda Venetsiyadagi Palasso Grimani va Yaponiyaning Nara milliy muzeyida O‘zbekistonning bronza davridan ilk o‘rta asrlargacha bo‘lgan tarixini aks ettiruvchi 200 dan ortiq arxeologik topilmalar namoyish etiladi. Milandagi Palasso Realeda esa oltin kashtachilik, so‘zana, ikat, zargarlik buyumlari va amaliy san’at namunalaridan iborat...

O‘zbekistonda havo harorati keskin ko‘tarilgani sabab poyezd vagonlarida sovutish tizimi sustlashishi mumkin. Ayrim yo‘nalishlarda poyezdlar harakat tezligiga vaqtinchalik cheklovlar o‘rnatildi.

«O‘ztemiryo‘lyo‘lovchi» AJ ma’lumotiga ko‘ra, cheklovlar yo‘lovchilar va poyezdlar harakati xavfsizligini ta’minlash uchun joriy etilgan. Shuningdek, bu temiryo‘l infratuzilmasining barqaror va ishonchli ishlashini saqlashga qaratilgan.

Vagonlarda sovutish tizimi sustlashishi mumkin

Yuqori harorat ta’sirida vagonlarning metall konstruksiyalari va tashqi qoplamasi qizishi mumkin.

Shu sababli ayrim yo‘lovchi vagonlarida sovutish tizimlari vaqtincha kamroq samarali ishlashi va belgilangan haroratni bir maromda saqlashda qiyinchiliklar yuzaga kelishi ehtimoli bor.

«O‘ztemiryo‘lyo‘lovchi» yuqori harorat bilan bog‘liq vaqtinchalik noqulayliklar uchun yo‘lovchilardan uzr so‘radi.

Eslatib o‘tamiz, avvalroq jazirama...