Yangiliklar

Milliy statistika qo‘mitasi ma’lumotlariga ko‘ra, 2026-yil 1-aprel holatida O‘zbekistonda doimiy aholisi eng kam hudud G‘ozg‘on shahri bo‘ldi. Shaharda 9,5 ming nafar aholi istiqomat qiladi.

Undan keyingi o‘rinlarda Tomdi tumani va Shirin shahri qayd etilgan.

Aholisi eng kam tuman va shaharlar

2026-yil 1-aprel holatiga ko‘ra, G‘ozg‘on shahrida 9,5 ming nafar, Tomdi tumanida 15,3 ming nafar, Shirin shahrida 19,4 ming nafar aholi yashaydi.

Shuningdek, Qorovulbozor tumanida 20,7 ming, Bo‘zatov tumanida 21,8 ming, Yangiobod tumanida 30,6 ming, Mo‘ynoq tumanida 34,1 ming nafar aholi istiqomat qiladi.

Konimex tumanida doimiy aholi soni 36,8 ming nafar, Taxtako‘pir tumanida 38,9 ming nafar, Uchquduq tumanida esa...

Samsung 2028-yilda 10 dyuymli korpus ichiga o‘raladigan displeyga ega ilk tijoriy smartfonini taqdim etishi mumkin. Bu haqda Gizmochina nashri xabar bermoqda.

Ma’lumotlarga ko‘ra, Samsung yangi turdagi qurilmani ishlab chiqishni tezlashtirgan. Kompaniya ekrani buklanadigan emas, balki yon tomonga ochilib-yopiladigan va korpus ichiga o‘raladigan smartfonni 2028-yilning birinchi yarmida bozorga chiqarishni maqsad qilmoqda. Qurilma Galaxy S28 seriyasi bilan bir vaqtda yoki shu liniya tarkibida namoyish etilishi mumkin. Taxminlarga ko‘ra, model Galaxy Z Slide nomi bilan chiqariladi.

Smartfon 10 dyuymli katta displeyga ega bo‘lishi kutilmoqda. Ekran tomonlari nisbati 16:9 formatida, piksel zichligi esa taxminan 440 ppi bo‘lishi mumkin. Bu qurilmani oddiy smartfon va...

Maxsus komissiya bugun Toshkent shahrida qisqa muddatli chang-to‘zon hodisalari kuzatilishi mumkinligi haqida ogohlantirdi. Kunning ikkinchi yarmida esa yomg‘ir yog‘ishi va momaqaldiroq bo‘lishi ehtimoli bor.

Chang-to‘zon nam havo kirib kelishi oldidan kuzatilishi mumkin

Jahon meteorologiya tashkilotining Chang-qum bo‘ronlari bo‘yicha Pekin mintaqaviy markazi hamda «O‘zgidromet» prognozlariga ko‘ra, bugun poytaxt hududida ob-havo o‘zgaruvchan bo‘ladi.

Nam havo massalari kirib kelishi oldidan ayrim joylarda qisqa muddatli chang-to‘zonlar yuzaga kelishi mumkin.

Shamol 12–15 m/s gacha kuchayishi ehtimoli bor

Prognozlarga ko‘ra, kun davomida shamol tezligi 3–8 m/s atrofida bo‘ladi. Ayrim hududlarda esa shamol 12–15 m/s gacha kuchayishi mumkin.

Aynan kuchaygan shamol fonida chang-to‘zon hodisalari...

Qirg‘izistonda sobiq Milliy xavfsizlik davlat qo‘mitasi raisi Qamchibek Tashiyev va boshqa mansabdor shaxslarga oid «75-ish» bo‘yicha sud jarayoni davom etmoqda. 29-iyun kuni Bishkek shahridagi Birinchi may tuman sudida navbatdagi majlis bo‘lib o‘tdi.

Sudlanuvchilar orasida Tashiyevdan tashqari sobiq bosh prokuror Kurmankul Zulushev, parlamentning sobiq spikeri Nurlanbek Turgunbek uulu va boshqa sobiq yuqori lavozimli amaldorlar ham bor. Sud majlisi oldidan Turgunbek uulu jurnalistlarga izoh berib, Qirg‘iziston parlamenti tarkibi va rahbariyati saylovlardan oldin kelishib qo‘yilgani haqidagi da’volarni rad etdi.

Avvalroq amaldagi spiker Marlen Mamataliyev parlament tarkibi hamda rahbar lavozimlari oldindan belgilab qo‘yilgani haqida gapirgan edi. Turgunbek uulu esa bu iddaolarni «ertak» deb...

Britaniyalik qo‘shiqchi Dua Lipa Manifesto Library nomli shaxsiy kutubxonasini ishga tushirdi. Bu haqda Rolling Stone nashri xabar berdi.

Loyiha 27-iyun kuni Portugaliyaning Portu shahrida o‘tkazilgan Babell xalqaro kitob festivalida taqdim etildi.

Kutubxona mashhur kitob do‘konida joylashadi

Festival yakunlanganidan so‘ng kutubxona Portudagi mashhur Lello kitob do‘konining doimiy qismiga aylanadi. Mazkur maskan interyeri bilan mashhur bo‘lib, yozuvchi Joan Rouling Garri Potter olamini yaratishda undan ilhom olgani aytiladi.

100 ga yaqin kitob jamlandi

Kutubxona uchun jamlangan qariyb 100 ta asar orasida senzura, erkin fikr, inson huquqlari va jamiyatdagi bahsli masalalarni yorituvchi kitoblar o‘rin olgan. Ular orasida Margaret Etvudning «Cho‘rining hikoyasi...

O‘zbekiston 2026-yilning dastlabki to‘rt oyida sof hisobda 24 tonna oltin xarid qilib, markaziy banklar orasida oltin zaxiralarini eng ko‘p oshirgan davlatlar reytingida ikkinchi o‘rinni egalladi. Bu haqda Jahon oltin kengashi (World Gold Council) ma’lumotlari e’lon qilindi.

Oltin zaxiralari 414 tonnaga yaqinlashdi

Hisobotga ko‘ra, O‘zbekiston Markaziy banki aprel oyida 1 tonna oltin sotgan. Shunga qaramay, yil boshidan buyon amalga oshirilgan xarid va sotuvlar yakunida mamlakatning sof oltin xaridi 24 tonnani tashkil etgan.

Natijada O‘zbekistonning umumiy oltin zaxiralari 414 tonnaga yaqinlashdi. Hozirda oltin mamlakat xalqaro zaxiralarining 88 foizini tashkil qilmoqda.

Polsha yetakchi, O‘zbekiston ikkinchi

2026-yilning yanvar – aprel oylarida...

O‘zbekistonda 16 yoshga to‘lmagan bolalarning ijtimoiy tarmoqlardan foydalanishini cheklashni nazarda tutuvchi qonun loyihasi ishlab chiqilishi rejalashtirilmoqda. Bu haqda Maktabgacha va maktab ta’limi vaziri E’zozxon Karimova ma’lum qildi, deya xabar berdi vazirlik matbuot xizmati Kursiv Uzbekistan nashriga.

Vazirning so‘zlariga ko‘ra, mazkur tashabbus yuzasidan parlament deputatlari va senatorlar bilan dastlabki muhokamalar o‘tkazilgan. Endilikda qonun loyihasi tayyorlanib, jamoatchilik muhokamasiga taqdim etilishi ko‘zda tutilgan.

«Bu tartib bizda ham bo‘lishi kerak, deb o‘ylayman. Qonun loyihasini ishlab chiqib, uni jamoatchilik muhokamasiga qo‘ymoqchimiz», – dedi E’zozxon Karimova.

Vazirning ta’kidlashicha, zamonaviy sharoitda bolalarni telefondan butunlay cheklashning iloji yo‘q. Biroq ularda gadjet va internetdan...

Janubiy Koreya prezidenti Li Je Myon mamlakat futbol terma jamoasining jahon chempionatidagi omadsiz ishtiroki yuzasidan rasmiy tekshiruv o‘tkazishni topshirdi. Bu haqda davlat rahbari o‘zining X ijtimoiy tarmog‘idagi sahifasida ma’lum qildi.

Prezidentning topshirig‘iga ko‘ra, Madaniyat, sport va turizm vazirligi musobaqadagi muvaffaqiyatsizlik sabablarini chuqur tahlil qilib, kelgusida bunday holatlar takrorlanmasligi uchun aniq islohotlar rejasini ishlab chiqishi lozim.

Janubiy Koreya terma jamoasi jahon chempionatining «A» guruhida 3 ochko to‘plab, uchinchi o‘rinni egalladi va pley-off bosqichiga chiqish imkoniyatini boy berdi.

Prezident bu natija mamlakat futboli boshqaruvi va kadrlar siyosatidagi kamchiliklar bilan bog‘liq bo‘lishi mumkinligini ta’kidladi.

«Agar qobiliyat emas...

O‘zbekistonning AQShdagi elchisi Furqat Siddiqovning ma’lum qilishicha, 2026-yilgi FIFA Jahon chempionati davrida Google’da O‘zbekiston haqidagi qidiruvlar 450 foizga oshgan.

Siddiqov X ijtimoiy tarmog‘idagi sahifasida O‘zbekiston nomi Google qidiruvlarida keskin ko‘paygani haqida ma’lumot berdi. Unga ko‘ra, bunday o‘sish aynan O‘zbekistonning ilk bor FIFA Jahon chempionatida ishtirok etayotgani bilan bog‘liq. Mamlakat futboli, terma jamoa, futbolchilar, shuningdek, O‘zbekistonning o‘zi haqidagi ma’lumotlar xorijiy foydalanuvchilar tomonidan faol izlana boshlagan.

2026-yilgi Jahon chempionati O‘zbekiston terma jamoasi uchun tarixiy turnir bo‘ldi. Mamlakat ilk bor mundial final bosqichida qatnashdi. Aynan shu omil O‘zbekiston nomining jahon futboli muxlislari orasida kengroq tarqalishiga sabab bo‘lgan.

Avvalroq ‘«Kursiv» O‘FA Katanets davrida...

O‘zbekiston Markaziy banki raisi Timur Ishmetov ketma-ket kelayotgan global inqirozlar tufayli regulyatorlar rejalashtirish tizimini butunlay qayta ko‘rib chiqishga majbur bo‘layotganini ma’lum qildi. Bu haqda u 29-iyun kuni Toshkentda o‘tkazilgan Monetary policy dialogue 2026 xalqaro forumida ta’kidladi.

Uning ta’kidlashicha, pandemiyadan keyingi davr inflyatsiya qanday shakllanishi haqidagi avvalgi tasavvurlarni butunlay oʻzgartirib yubordi. Iqtisodiyot alohida bir zarbani emas, balki bir-biri bilan bog‘liq inqirozlar zanjirini boshdan kechirmoqda – logistika uzilishlaridan tortib, savdo parchalanishi va mehnat bozoridagi beqarorliklargacha.

«Eng chuqur saboq shundan iboratki, noaniqlik endi odatdagi tartibga qaytishni shunchaki kutib o‘tish mumkin bo‘lgan vaqtinchalik holat emas. U bizning doimiy ish muhitimizga...

Tijorat banklari tomonidan 29-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 29-iyun uchun valyutalar kursi e’lon qilingani haqida yozgan edi.

O‘zbekiston futbol assotsiatsiyasi (O‘FA) 2024-yil noyabr oyida milliy terma jamoa bosh murabbiyi lavozimi uchun germaniyalik mutaxassis Yurgen Klinsmannga shartnoma taklif qilgani ma’lum bo‘ldi. Bu haqda terma jamoalar bo‘limi sobiq rahbari Sherzod Igamberdiyev ma’lum qildi.

Uning aytishicha, o‘sha vaqtda O‘zbekiston milliy terma jamoasini Srechko Katanets boshqarayotgan bo‘lgan. 2024-yil noyabr oyidagi o‘yinlardan so‘ng Katanets Toshkentga kelib, jamoaning 2025-yil mart oyidagi uchrashuvlarga tayyorgarlik rejasini tasdiqlagan. Shuningdek, u terma jamoada qolishini va boshqa joyga ketish niyati yo‘qligini bildirgan.

Biroq Igamberdiyevning so‘zlariga ko‘ra, 2024-yil dekabr oyida Katanetsga Yurgen Klinsmann qo‘ng‘iroq qilgan. Germaniyalik mutaxassis unga O‘zbekiston futbol assotsiatsiyasi tomonidan milliy terma jamoa bosh murabbiyi lavozimi...

Adliya vazirligi tomonidan «Xavfni tahlil etish» elektron tizimini joriy qilish tartibini davlat ro‘yxatidan o‘tkazildi. Mazkur tartibga ko‘ra, tadbirkorlik subyektlari faoliyatida qonunchilik buzilishi xavfini avtomatlashtirilgan tarzda baholash mexanizmi yo‘lga qo‘yiladi.

Xavf darajasini aniqlashda davlat organlarining axborot tizimlari, statistik ma’lumotlar, murojaatlar, ommaviy axborot vositalari hamda boshqa qonuniy manbalardan olingan ma’lumotlardan foydalaniladi.

Shu bilan birga, xavf tahlili jarayonida tadbirkorlik subyektlaridan qo‘shimcha hujjat va ma’lumotlar talab qilishga yo‘l qo‘yilmaydi. Bu baholash faqat mavjud axborot manbalari asosida amalga oshiriladi.

Xavf darajasini baholash iste’molchilar huquqlarini himoya qilish, raqobat, reklama, davlat xaridlari, tovar-xom ashyo birjalari faoliyati, dori vositalari va tibbiyot buyumlarining ulgurji hamda chakana savdosi kabi...

AQSh va Eron bir-biriga qarshi zarbalarni to‘xtatishga kelishib oldi. Axios nashrining AQShdagi yuqori martabali rasmiyga tayanib yozishicha, tomonlar shu hafta Qatarning Doha shahrida uchrashib, Hormuz bo‘g‘ozi atrofidagi kelishmovchiliklarni muhokama qiladi.

AQSh rasmiysining aytishicha, tomonlar «barcha kinetik faollikni» to‘xtatishga qaror qilgan. Harbiy terminologiyada bu ibora zarbalar va boshqa hujumkor harakatlarni anglatadi. Muzokaralar seshanba kuni bo‘lib o‘tishi kutilmoqda.

Kelishuv 11 kun avval kuchga kirgan sulh fonida muhim ahamiyatga ega. So‘nggi kunlarda tomonlar o‘rtasida yana zarbalar qayd etilgani, AQSh prezidenti Donald Tramp esa urushni qayta boshlash va «ishni oxiriga yetkazish» bilan tahdid qilgani vaziyatni keskinlashtirgan edi.

Qayta avj olgan keskinlikka urushni yakunlash...

29-iyun kuni O‘zbekistonda kunduzi asosan yog‘ingarchiliksiz ob-havo kuzatiladi. Bu haqda «O‘zgidromet» xabar bermoqda.

Faqat Qoraqalpog‘iston Respublikasi, Buxoro, Navoiy va Toshkent viloyatlarining ayrim hududlarida qisqa muddatli yomg‘ir yog‘ishi, momaqaldiroq bo‘lishi mumkin.

Shamol tezligi 7–12 metr/soniyani tashkil etadi. Ba’zi joylarda shamol 13–18 metr/soniyagacha, ayrim vaqtlarda esa 20–22 metr/soniyagacha kuchayishi mumkin. Ayrim hududlarda chang-to‘zon kuzatilishi ehtimoli bor. Havo harorati 30–35 daraja, janubda esa ba’zi joylarda 38–40 darajagacha ko‘tariladi.

Toshkent shahrida kunning ikkinchi yarmida qisqa muddatli yomg‘ir yog‘ishi va momaqaldiroq bo‘lishi mumkin. Shamol 3–8 metr/soniya tezlikda esadi, ba’zi paytlarda 12–15 metr/soniyagacha kuchayadi. Ayrim joylarda chang-to‘zon kuzatilishi ehtimoli bor. Poytaxtda havo harorati 32–34 daraja...

Yevropadagi jazirama 1,3 mingdan ortiq ortiqcha o‘lim holati bilan bog‘lanmoqda. Jahon sog‘liqni saqlash tashkiloti rahbari Tedros Adhanom Gebreyesusning ma’lum qilishicha, qo‘shimcha o‘lim holatlari qayd etilgan.

Uning ta’kidlashicha, issiq urishi ko‘pincha «jim qotil» deb ataladi, chunki Yevropadagi uylar, ish joylari va maktablar bunday yuqori haroratga moslashtirilmagan. Tedros Yevropa Yer yuzidagi eng tez isib borayotgan qit’a ekanini, u global o‘rtacha ko‘rsatkichdan ikki baravar tezroq qiziyotganini qayd etdi.

Jazirama to‘lqini yakshanba kuni qit’aning sharqiy qismiga siljishda davom etar ekan, Germaniya, Polsha va Chexiyada navbatdagi harorat rekordlari yangilandi. Germaniyada ketma-ket uchinchi kun mamlakat tarixidagi eng issiq kun qayd etildi. Dastlabki ma’lumotlarga ko‘ra, Brandenburg...

Surxondaryo va Andijon viloyatlarida elektr ta’minoti tizimi bilan bog‘liq noqonuniy holatlar aniqlandi. Bu haqda Davlat xavfsizlik xizmati (DXX) xabar bermoqda.

Ma’lum qilinishicha, «Hududiy elektr tarmoqlari» AJ «Energosavdo» filiali Sho‘rchi tumani bo‘limi muhandisi xizmat mavqeyini suiiste’mol qilgan. U fuqaroga tegishli savdo do‘konida elektr energiyasidan foydalanish bo‘yicha aniqlangan qoidabuzarlik yuzasidan tuzilgan dalolatnomani qonuniy tartibda ko‘rib chiqmaslik, ishni sudga yubormaslik hamda yangi elektr hisoblagich o‘rnatib, ro‘yxatdan o‘tkazib berish evaziga $1 ming talab qilgani aytilmoqda.

Dastlab muhandis $200 va 1 mln 50 ming so‘m olgan. Shundan so‘ng DXXning Surxondaryo viloyati bo‘yicha boshqarmasi xodimlari Ichki ishlar organlari va iqtisodiy jinoyatlarga qarshi kurashish tuzilmalari bilan...

General Motors kompaniyasi Braziliyada Chevrolet Onix 1.0 modeli uchun maxsus chegirma e’lon qildi. Kompaniya rasmiy taklifiga ko‘ra, avtomobilning boshlang‘ich narxi 103 890 realdan 84 190 realgacha tushirilgan.

Chegirma Onix 1.0 mexanik uzatmali versiyasiga tegishli. Gap 2026/2027 model yili, Branco Summit oq rangdagi avtomobil haqida bormoqda. Taklif Chevrolet’ning Braziliyadagi to‘g‘ridan to‘g‘ri savdo segmenti doirasida, xususan, taksi yo‘nalishi uchun amal qiladi.

Kompaniya izohida chegirma avtomobil ishlab chiqaruvchisi tomonidan taqdim etilgani, yakuniy narx esa ICMS va IPI soliqlari bo‘yicha imtiyozlar hisobga olingan holda shakllangani qayd etilgan. Braziliyada ICMS – tovarlar va xizmatlar aylanishiga solinadigan shtat solig‘i, IPI esa sanoat mahsulotlari uchun federal...

Jahon chempionatining 1/16 final bosqichi doirasida musobaqa mezbonlaridan biri bo‘lgan Kanada terma jamoasi Janubiy Afrika Respublikasi (JAR) bilan kuch sinashdi. Bahsda kiritilgan yagona gol kanadaliklarga 1:0 hisobidagi g‘alabani keltirdi.

Uchrashuvning asosiy vaqti golsiz durang bilan yakunlanayotgan bir paytda, hakam tomonidan qo‘shib berilgan qo‘shimcha daqiqalarda o‘yin taqdiri hal bo‘ldi. Stiven Eustakio tomonidan kiritilgan aniq zarba Shimoliy Amerika vakillariga g‘alaba tortiq qildi va o‘yinga nuqta qo‘ydi.

O‘yin davomida Kanada terma jamoasi futbolchilari biroz asabiylashishdi va bu holat maydondagi intizomga ham ta’sir ko‘rsatdi. Xususan, 54-daqiqada Neytan Saliba, 67-daqiqada esa Niko Sigur qo‘pol o‘yini uchun hakam tomonidan sariq kartochka bilan jazolandi. Shunga qaramay, jamoa...

«Andijon polkasi» Ginnes rekordiga kirdi

Andijon viloyati 20 ming nafar ishtirokchini birlashtirgan ulkan «Andijon polkasi» ommaviy raqs namoyishiga mezbonlik qildi. Ushbu rekord Ginnesning rekordlar kitobiga kiritildi, deya xabar berdi viloyat hokimligi.

Davomi…

O‘zbekiston uchinchi o‘yinda ham yutqazib Jahon chempionatini tark etdi

Shimoliy Amerika mezbonlik qilayotgan futbol bo‘yicha Jahon chempionatining «K» guruhining 3-turida O‘zbekiston va Kongo DR terma jamoalari kuch sinashdi. Uchrashuvda O‘zbekiston hisobni ochgan bo‘lsa-da, afrikaliklar yakunda 3:1 hisobida g‘alaba qozondi.

Davomi…

Redtag va FLO O‘zbekiston bozorini tark etmoqda

O‘zbekistonda Redtag kiyim do‘konlari tarmog‘i hamda FLO poyabzal do‘konlari faoliyatini yakunlamoqda. Har ikki tarmoqda ham qolgan mahsulotlarni sotib tugatish bo‘yicha...

Eron va AQSh o‘rtasidagi keskinlik yana kuchaydi – Tehron 28-iyun kuni Kuvayt hamda Bahrayndagi AQSh harbiy obyektlariga raketa va dronlar bilan hujum uyushtirdi. Bu haqda Reuters agentligi xabar berdi.

Hujum AQSh prezidenti Donald Tramp Eron rahbariyatini vaqtinchalik tinchlik kelishuviga rioya qilishga chaqirib, aks holda ularni «yo‘q qilib yuborish» bilan tahdid qilganidan ko‘p o‘tmay sodir bo‘ldi.

AQSh rasmiylari hujumni tasdiqlab, amerikalik harbiylar orasida qurbonlar yo‘qligi va harbiy obyektlarga jiddiy zarar yetmaganini bildirdi. Kuvayt armiyasi ikkita ballistik raketa tutib qolinganini ma’lum qildi. Bahraynda esa Eron droni turarjoy binosiga zarar yetkazgani, biroq jabrlanganlar qayd etilmagani aytildi. Shundan so‘ng Bahrayn BMT Xavfsizlik...

Yevropadagi jazirama to‘lqini Fransiyada mingdan ortiq qo‘shimcha o‘lim qayd etilishiga sabab bo‘ldi. Bu haqda Reuters agentligi ma’lum qildi.

Mamlakat Jamoat salomatligi agentligi ma’lumotlariga ko‘ra, jazirama tufayli 1 mingta ortiqcha o‘lim qayd etilgan. Agentlik bu ko‘rsatkich yakuniy emasligini, qariyalar uylari va xonadonlardagi o‘limlar bo‘yicha ma’lumotlar kelishi bilan qurbonlar soni yanada ortishi mumkinligini bildirdi.

Qurbonlarning aksariyati keksalar

Qayd etilishicha, vafot etganlarning asosiy qismini 65 yosh va undan katta fuqarolar tashkil etadi. Shu bilan birga, sog‘liq uchun xavf barcha yosh toifalariga ta’sir ko‘rsatgan.

Fransiya sog‘liqni saqlash vaziri Stefani Ristning aytishicha, havo harorati pasaya boshlaganidan keyin ham jaziramaning salbiy oqibatlari yana...

FAW-Volkswagen qo‘shma korxonasi Xitoy bozorida yangi Magotan PHEV gibrid sedanining savdosini boshladi. Bu haqda Autohome nashri ma’lum qildi.

Yangi model xaridorlarga ikki xil komplektatsiyada taklif etilmoqda. Ularning narxi mos ravishda $25 ming va $28,6 ming qilib belgilangan. Bu narxlar Xitoy bozoridagi gibrid Toyota Camry XV80 versiyalari bilan deyarli bir xil.

Dizayn va salon

Tashqi ko‘rinish jihatidan Magotan PHEV benzinli versiyadan deyarli farq qilmaydi. Model radiator panjarasi va old bamperdagi ko‘k rangli bezaklar hamda PHEV yozuvi bilan ajralib turadi. Avtomobilning o‘lchamlari 4990 × 1854 × 1491 mm, g‘ildirak bazasi esa 2872 mmni tashkil etadi.

Salonida 10 dyuymli raqamli...

O‘zbekiston diplomatlari BAAda vizasi muddati tugagani sabab jarimaga tortilgan o‘zbekistonlik fuqaro va uning farzandining vatanga qaytishiga ko‘maklashdi. Bu haqda «Dunyo» AA ma’lum qildi.

Ma’lum qilinishicha, O‘zbekiston fuqarosi va uning farzandi 2025-yilda mavsumiy ish maqsadida BAAning Dubay shahriga borgan. Moliyaviy qiyinchiliklar sababli ular 2026-yil yanvar oyining boshida O‘zbekistonga qaytish uchun aviachiptalar xarid qilgan. Biroq aviareyslarning kechikishi hamda Yaqin Sharqdagi keskin vaziyat tufayli mamlakatni o‘z vaqtida tark eta olmagan.

Natijada fuqarolarning vizasiz bo‘lish muddati yakunlangan va ular jarimaga tortilgan. Shundan so‘ng O‘zbekistonning Dubaydagi Bosh konsulxonasi Dubay immigratsiya xizmati bilan muzokaralar olib bordi. Muzokaralar yakunida fuqarolarga mamlakatni jarima to‘lamasdan tark etishga...