Yangiliklar

Prime Video platformasining «Yigitlar» (The Boys) seriali aktyorlari Jek Kueyd va Klaudiya Dumit 2026-yilning 18-aprel kuni Avstraliyaning Breydvud shahrida turmush qurdi. Nikoh marosimi faqat oila a’zolari va yaqin do‘stlar ishtirokida yopiq tarzda o‘tgan.

Juftlikning munosabatlari 2022-yilning iyun oyida Sidneyda birga ko‘rinish berganidan so‘ng jamoatchilikka ma’lum bo‘lgan. Ular 2024-yilgi «Oskar» mukofotini topshirish marosimida birinchi marta rasman juftlik sifatida qizil yo‘lakdan o‘tgan edi.

Klaudiya Dumit Avstraliyada tug‘ilgan bo‘lib, kelib chiqishi italyan va livanliklarga borib taqaladi. U 2020-yilda «Yigitlar» (The Boys) serialining ikkinchi mavsumiga yovuz siyosatchi Viktoriya Nyuman rolida qo‘shilgan.

«Uning omma oldida kiygan niqobi ortida qanday ayol...

2026-yilda O‘zbekistonda meningokokk infeksiyasi bilan bog‘liq holatlar biroz oshdi. «Sanepidqo‘mita» ma’lumotiga ko‘ra, 8 ming doza vaksina xarid qilindi.

Bemorlar bilan aloqada bo‘lgan 4,9 ming nafar fuqaro emlash bilan qamrab olindi. Emlash mumkin bo‘lmagan holatlarda fuqarolar shifokorlar nazoratida kimyoviy profilaktika oldi.

Qo‘mitaga ko‘ra, 2026-yilning birinchi choragida jami 174 ta holat qayd etildi. Shundan 168 tasi 14 yoshgacha bo‘lgan bolalar hissasiga to‘g‘ri keladi. Aprel oyida kasallik martga nisbatan 14 foizga kamaygani kuzatildi.

Meningit bosh va orqa miya pardalarining yallig‘lanishi hisoblanadi. U ko‘pincha bakteriya yoki viruslar sababli paydo bo‘ladi va tez rivojlanishi bilan xavfli.

Qo‘mita kasallikdan himoyalanish uchun emlanish muhimligini ta’kidlamoqda. Shuningdek...

2026-yil mart oyida Toshkentda ijara narxi har kvadrat metr uchun o‘rtacha $8,9 bo‘ldi. Bu o‘tgan yildagiga nisbatan 10,8 foizga yuqori.

Iqtisodiy tadqiqotlar va islohotlar markazi ma’lumotiga ko‘ra, mart oyida uy-joy oldi-sotdi bitimlari 43,6 mingtani tashkil etdi. Bu fevralga nisbatan 47 foizga ko‘p.

Faollikning oshishi, asosan, aprel oyidan kuchga kirgan yangi tartib bilan bog‘liq. Ayrim xaridorlar uy sotib olishni oldinroq amalga oshirgan.

Yillik hisobda ham katta o‘sish kuzatildi. Bitimlar soni o‘tgan yil martiga nisbatan 2 baravar oshgan.

Hududlar kesimida barcha viloyatlarda o‘sish qayd etildi. Eng katta o‘sish Jizzaxda 73,2%, Sirdaryoda 64,6% va Namanganda 63% bo‘ldi. Boshqa hududlarda ham o‘sish...

Prezident Shavkat Mirziyoyev tuman hokimi lavozimida ishlaganda xizmat avtomobili bo‘lgan «Volga» namoyish etildi.

Mirziyoyev 1992-yildan 1996-yilgacha Toshkent shahrining Mirzo Ulug‘bek tumani hokimi lavozimiga tayinlangan. Tuman hokimligi davlat rahbari ishlagan kabinetni ham qayta tiklagan.

«Volga» sobiq Sovet Ittifoqida ishlab chiqarilgan bo‘lib, o‘z davrida yuqori martabali rahbarlar va davlat amaldorlari uchun mo‘ljallangan xizmat avtomobili sifatida tanilgan.

Eslatib o‘tamiz, Kursiv Uzbekistan nashri Shavkat Mirziyoyev Mintaqaviy ekologik sammitdagi so‘zlagan nutqida bir qator tashabbuslarni ilgari surgani haqida yozgan edi.

25-aprel kuni o‘tkaziladigan Elit Chempionlar ligasi finalida o‘zbekistonlik hakamlar jamoasi faoliyat olib boradi. Bu haqda O‘zbekiston futbol hakamlari markazi xabar bermoqda.

Hal qiluvchi bahsda Saudiya Arabistonining «Al Ahli» hamda Yaponiyaning «Machida» jamoalari o‘zaro to‘qnash keladi. Mazkur uchrashuvda Ilgiz Tantashev bosh hakam sifatida ishlaydi. Unga Andrey Sapenko yordamchi hakam sifatida ko‘maklashadi. Shuningdek, Firdavs Norsafarov o‘yinda AVAR hakami vazifasini bajarishi belgilangan.

Eslatib o‘tamiz, o‘zbekistonlik hakamlar jamoasi AQSH, Kanada va Meksika maydonlarida bo‘lib o‘tadigan Jahon chempionatida ham ishtirok etadi. 11-iyundan 19-iyulga qadar davom etadigan ushbu mundialda Ilgiz Tantashev bosh hakam, Andrey Sapenko hamda Timur Gaynullin esa yordamchi hakam sifatida faoliyat olib...

2026-yil 20-aprel kuni «Poytaxt Bank» AJ boshqaruv raisi Dilshod Pulatov lavozimidan ozod etildi. Qaror bankning yagona aksiyadori tomonidan qabul qilindi.

Rasmiy ma’lumotga ko‘ra, Pulatov bilan tuzilgan mehnat shartnomasi tomonlarning o‘zaro kelishuvi asosida bekor qilingan. Shu bilan birga, uning vakolatlari muddatidan oldin tugatildi.

Ovoz berish natijalariga ko‘ra, qaror 100% qo‘llab-quvvatlangan. Qarshi yoki betaraf ovozlar bo‘lmagan.

Dilshod Pulatov 2025-yil sentabridan buyon bankni boshqarib kelayotgandi. U bungacha 13 yil davomida Octobank’da ishlagan va boshqaruv raisining birinchi o‘rinbosari lavozimida faoliyat yuritgan.

Shuningdek, bank boshqaruvi raisi o‘rinbosari Abror Turg‘unovning ham vakolatlari tugatilgani ma’lum qilindi.

Bugungi kunda muammoli kreditlar bo‘yicha «Poytaxt Bank» banklar orasida...

2026-yilda Forbes global reytingidagi rossiyalik milliarderlar soni 155 nafarga yetdi, ularning umumiy boyligi esa $696,5 mlrdni tashkil etdi. Taqqoslash uchun: o‘tgan yili ular 146 kishi bo‘lib, aktivlari $625,5 mlrdga baholangan edi.

«Bir yil ichida o‘sish to‘qqiz kishini tashkil etdi. Bu birinchi navbatda, Markaziy bankning yuqori asosiy stavkasi va sanksiyalar bosimi tufayli Rossiya iqtisodiyotining sekinlashishi bilan bog‘liq. Boshqa tomondan, dollarning zaiflashishi rossiyalik milliarderlar foydasiga ishladi — bir yil ichida rubl 16 foizga mustahkamlandi», – deb ta’kidlanadi nashrda.

60 yoshli Aleksey Mordashov Rossiyaning eng boy biznesmeniga aylandi. Uning boyligi bir yil ichida $8,4 mlrd ga o‘sib...

24-aprel uchun valyutalar kursi yangilandi. Unga ko‘ra, dollar 26,53 so‘mga tushib, 12 015,96 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

17-aprel kuni 25,19 so‘mga tushib, 12 165,24 so‘mga tenglashdi. 20-aprel kuni esa 6,78 so‘mga tushib, 12 128,46 so‘mni tashkil qildi. 21-aprel kuni 31,13 so‘mga tushib, 12 097,33 so‘m, 22-aprel kuni esa 36,78 so‘mga tushib, 12 060,51 so‘m bo‘ldi. Dollar payshanba kuni ham pasayishni ko‘rsatib, 23-aprel kuni 12 042,49 so‘mga (-18,06 so‘m) tenglashdi.

Markaziy bank ma’lumotlariga ko‘ra, yevro 96,06 so‘mga tushib, 14 051,46 so‘mni, rubl esa 0,25 so‘mga oshib, 160,30 so‘mni tashkil etdi.

Eslatib...

22-aprel kuni Rossiya Federatsiyasidan qarovsiz qolgan uch nafar bola O‘zbekistonga qaytarildi. Bu haqda Ijtimoiy himoya milliy agentligi xabar bermoqda.

Agentlik ma’lumotiga ko‘ra, ularning ota-onalari deportatsiya qilingan bo‘lib, jarayon Rossiya Federatsiyasi Ichki ishlar vazirligi xodimlari ko‘magida amalga oshirilgan. Bolalar Islom Karimov nomidagi Toshkent xalqaro aeroporti orqali poytaxtga yetib keldi. Ular kelgach, Toshkent shahar IIBB huzuridagi voyaga yetmaganlarga ijtimoiy-huquqiy yordam ko‘rsatish markaziga joylashtirilgan.

Muvofiqlashtirilgan ishlar natijasida bolalar o‘sha kunning o‘zida o‘z oilalariga topshirilgan. Ma’lumotlarga ko‘ra, yil boshidan buyon Rossiyadan jami 40 nafar voyaga yetmagan bola O‘zbekistonga qaytarilgan va o‘z yaqinlariga yetkazilgan.

Eslatib o‘tamiz, Kursiv Uzbekistan nashri Rossiyada qarovsiz qolgan 6 nafar...

Osiyo taraqqiyot banki 2025-yilda o‘z resurslaridan $29,3 mlrd ajratdi. Bu ko‘rsatkich o‘tgan yilga nisbatan 20 foizga yuqori.

Bank mablag‘lari Osiyo va Tinch okeani mintaqasida iqtisodiy o‘sishni qo‘llab-quvvatlashga yo‘naltirildi. Shu orqali 3,3 mln dan ortiq ish o‘rinlari yaratilishi va 180 mln kishining hayoti yaxshilanishi kutilmoqda.

OTB prezidenti Masato Kanda bank misli ko‘rilmagan darajada yordam ko‘rsatganini ta’kidladi. Uning aytishicha, bu bankning tez va katta hajmda yordam berish imkoniyatini ko‘rsatadi.

Ajratilgan mablag‘lar kreditlar, grantlar, investitsiyalar va texnik yordamni o‘z ichiga oladi. Hamkorlar tomonidan yana $14,7 mlrd qo‘shimcha resurs jalb qilindi.

Pul oqimining katta qismi Janubiy Osiyoga yo‘naltirildi. Bu hudud $9,7 mlrd oldi...

AQShning aviasozlik giganti Boeing birinchi chorakda samolyotlar yetkazib berish ko‘rsatkichi bo‘yicha 2018-yildan beri ilk bor o‘zining asosiy raqobatchisi Airbus’dan o‘zib ketdi.

Ma’lumotlarga ko‘ra, joriy yilning birinchi choragida pul mablag‘larining chiqib ketishi o‘tgan yilgi $2,29 mlrddan $1,45 mlrdgacha qisqargan. Sof zarar qariyb 77 foizga kamayib, $7 mlnni tashkil etdi. Tijorat samolyotlarini yetkazib berish 10 foizga oshib, 143 donaga yetgan va umumiy daromad $22,2 mlrdga ko‘tarilgan.

Kompaniya 737 rusumli samolyotlar ishlab chiqarishni kengaytirishda davom etmoqda hamda yil oxirigacha oyiga 47 ta tor fyuzelyajli samolyot ishlab chiqarishni rejalashtirmoqda. Shu bilan birga, mudofaa va kosmos bo‘linmasining daromadi 21 foizga o‘sib, $7,6 mlrdga yetgan.

Endilikda yer va binolarga egalik, Davlat budjeti hamda davlat tashkilotlaridan pul undirish bilan bog‘liq ishlar hakamlik sudlarida ko‘rib chiqilmaydi. Bu haqda Adliya vazirligi xabar bermoqda.

Yangi qabul qilingan qonun bilan hakamlik sudyalariga qo‘yiladigan talablar ham kuchaytirildi. Endi ular Adliya vazirligi tasdiqlagan maxsus dastur asosida o‘quv kursidan o‘tishi shart. Bundan tashqari, sudyalar o‘z malakasini doimiy ravishda oshirib borishi kerak bo‘ladi.

Ma’muriy javobgarlik choralariga ham o‘zgartirish kiritildi. Hakamlik sudlarini noqonuniy tashkil etgan mansabdor shaxslarga jarima belgilanadi. Jarima miqdori BHMning 5 baravaridan 10 baravarigacha bo‘ladi.

Shuningdek, davlat organlari va davlat ulushi mavjud korxonalar hakamlik bitimida taraf sifatida qatnashgan taqdirda ham javobgarlik ko‘zda...

O‘zbekistonda 1-apreldan boshlab kameralar va radarlar orqali qoidabuzarliklar uchun jarima ballarini hisoblash tizimi ishlamoqda. Yangi tizim doirasida shu vaqtga qadar 22 ming 638 nafar haydovchi 5 jarima balini to‘plagan.

Tizim ishga tushganidan beri qoidabuzarlik sodir etgan 3 nafar haydovchiga 10 balldan jarima yozilgan. Hozirgi kunga qadar belgilangan eng yuqori me’yor – 12 ball to‘plagan haydovchilar ro‘yxatga olinmagan.

Amaldagi tartibga ko‘ra, bir yil davomida 12 balldan ko‘p yig‘gan haydovchilar transport vositasini boshqarish huquqidan 6 oy muddatga mahrum qilinadi. Ular haydovchilik huquqini faqat jazo muddati yakunlangach va qayta imtihon topshirgandan so‘nggina tiklashi mumkin.

Avvalroq Kursiv Uzbekistan 2025-yilda 165 mingdan ortiq haydovchilarga...

Namangan viloyatining To‘raqo‘rg‘on tumanida 1,5 mlrd so‘mlik elektrdan noqonuniy foydalanish fosh etildi. Bu haqda Energetika vazirligi xabar bermoqda.

Bosh prokuratura shtabi tomonidan o‘tkazilgan tekshiruv davomida oilaviy korxonaga qarashli beton-g‘isht ishlab chiqarish sexi noqonuniy faoliyat yuritgani ma’lum bo‘ldi. Korxona elektr tarmog‘iga hech qanday shartnomasiz o‘zboshimchalik bilan ulangan. Natijada elektr energiyasidan noqonuniy foydalanib kelingani aniqlangan. Ushbu qoidabuzarlik oqibatida elektr ta’minoti korxonasiga katta zarar yetkazilgan.

Hisob-kitoblarga ko‘ra, zarar miqdori 1 mlrd 558 mln so‘mni tashkil etgan. Hozirda holat yuzasidan tegishli tartibda surishtiruv ishlari olib borilmoqda. Huquq-tartibot organlari qo‘shimcha tafsilotlarni aniqlamoqda.

Eslatib o‘tamiz, Kursiv Uzbekistan nashri Quvasoyda 1,2 milliard so‘mlik tabiiy gaz talon-toroj...

Avatr kompaniyasi o‘zining ilk universal kuzovli modelini taqdim etdi. CarNewsChina nashri xabariga ko‘ra, Avatr 06T 22-aprel kuni rasman sotuvga chiqarilgan.

Yangi model sport va sayohat uchun mo‘ljallangan elektromobil sifatida pozitsiya qilingan. U elektr va gibrid variantlarda taklif etiladi. Narxlar 219,9 ming yuandan boshlanadi. Bu taxminan $31,9 mingga teng. Eng yuqori versiya esa 279,9 ming yuan yoki qariyb $40,6 ming turadi.

Avtomobil dizayni futuristik uslubda yaratilgan. Kuzov uzunligi 4,94 metrni tashkil etadi. Ichki qismda 35,4 dyuymli panoramik ekran, 15,6 dyuymli markaziy displey va qo‘shimcha ekranlar mavjud. Model HarmonyOS asosidagi aqlli tizim bilan ishlaydi. U sun’iy intellekt yordamida avtomobilni boshqarish va...

Rossiyalik teleboshlovchi Vladimir Solovyovning Italiya bosh vaziri Jorja Meloniga qaratgan haqoratli so‘zlari ortidan Italiya Tashqi ishlar vazirligi Rossiyaning Rimdagi elchisini chaqirtirdi.

Bunga Solovyovning Rossiya davlat televideniyesi efirida Melonini qattiq tanqid qilib, uning sha’niga nomaqbul so‘zlarni ishlatgani sabab bo‘lgan. Solovyov o‘z ko‘rsatuvida dastlab italyan tilida gapirib, Melonini «insoniyat sharmandasi», «yovvoyi hayvon», «haqiqiy ahmoq» va «jirkanch ayol» deb atagan.

Shundan so‘ng u rus tiliga o‘tib, bosh vazirni «o‘z saylovchilariga xiyonat qilgan fashist» ekanini, shuningdek, u «hatto Trampga ham xiyonat...

Endilikda banklar kredit uchun kartadagi hamma pulni yechib ololmaydi. Bu haqda Uzcard to‘lov tizimi Telegram kanalida ma’lum qildi.

Yangi qoidalarga ko‘ra, 2026-yil 15-apreldan boshlab kartada kamida bazaviy hisoblash miqdori (BHM)ning uch baravariga teng mablag‘ doimiy qolishi shart. Bu shuni anglatadiki, yechib olish operatsiyalari balansni to‘liq nolga tushirmaydi.

Yechib olish faqat belgilangan minimal chegaradan ortiq bo‘lgan mablag‘ doirasida amalga oshiriladi. Shu orqali foydalanuvchilarning kartasida ma’lum miqdor mablag‘ saqlanib qoladi. Akseptsiz yechib olishlar asosan kredit, bo‘lib-bo‘lib to‘lash va boshqa moliyaviy majburiyatlarni avtomatik qoplash uchun qo‘llaniladi. Bu tizim to‘lov intizomini ta’minlashda muhim rol o‘ynaydi.

Kompaniya ta’kidlashicha, o‘zgarishlar xizmatni yanada shaffof va tushunarli...

Buxoro viloyatida tug‘ilganiga uch kun bo‘lgan chaqaloqni $4 mingga sotmoqchi bo‘lgan ayol ushlandi. Viloyat IIB ma’lumotiga ko‘ra, ona 2008-yilda tug‘ilgan.

Buxoro viloyati IIB tezkor-qidiruv xizmati xodimlari tomonidan 6-aprel kuni o‘tkazilgan tadbir davomida chaqaloq savdosining oldi olingan. Tezkor tadbir davomida gumonlanuvchi kelishilgan summaning bir qismini olayotgan vaqtda qo‘lga olindi. U shartli mijozdan $800 olayotgan paytda ashyoviy dalillar bilan jinoyat ustida ushlandi.

Mazkur holat yuzasidan Jinoyat kodeksining 135-moddasi uchinchi qismi «B» bandi bilan jinoiy ish qo‘zg‘atilgan. Hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Buxoroda 717 mln so‘mlik baliq ovlaganlar qo‘lga olingani haqida yozgan edi.

Tashqi ishlar vazirligi matbuot xizmati Janubiy Koreyada istiqomat qilgan o‘zbekistonlik Kim Nozima Akmal qizining vafoti yuzasidan rasmiy ma’lumot e’lon qildi.

O‘zbekistonning Seuldagi elchixonasi voqea yuzasidan boshidan buyon Koreya huquq-tartibot organlari bilan hamkorlik qilib kelayotganini ma’lum qildi. Diplomatik vakolatxona tergov jarayonining shaffof o‘tishini ta’minlashga qaratilgan uchrashuvlar o‘tkazgan.

Tergov tafsilotlari bilan yaqindan tanishish uchun marhumaning onasi Feruza Alimbekova Janubiy Koreyaga taklif etildi. 14-aprel kuni uning advokati va elchixona xodimlari ishtirokida Pyeongtaek City Police vakillari bilan uchrashuv bo‘lib o‘tgan. Dastlabki tergov va ekspertiza xulosalariga ko‘ra, marhumaning o‘limida qotillik alomatlari aniqlanmagan.

Politsiya tomonidan voqea sodir bo‘lgan joy va tibbiy muassasalardagi kuzatuv kameralari yozuvlari...

Taftish.uz sayti jamoasiga nisbatan ochilgan jinoyat ishi bo‘yicha tergov harakatlari O‘zbekiston Respublikasi Harbiy prokuraturasi tomonidan davom ettirilmoqda. Bu haqda «Ezgulik» inson huquqlari jamiyati raisi Abdurahmon Tashanov xabar bermoqda.

Hozirgi kunga qadar sayt jamoasiga qarshi 400 dan ortiq fuqarolardan tushgan arizalar ko‘rib chiqilgan. Tergov jarayonini turli viloyatlardan jalb qilingan maxsus tergovchilar guruhi o‘rganmoqda.

Ayrim hujjatlar yopiq xarakterga ega ekani va tergov siri hisoblanishi sababli ishning to‘liq tafsilotlari ochiqlanmagan. Kelgusida mazkur jinoyat ishi bo‘yicha sud majlislari ham yopiq tarzda o‘tkazilishi taxmin qilinmoqda.

«Ezgulik» jamiyati raisi o‘z xabarida ushbu jarayonda aybsizlik prezumpsiyasiga amal qilinmaganini hamda dastlabki kunlardanoq tergov sirlari ommaga oshkor qilinib...

Ispaniya chempionatining 33-turi doirasida «Barselona» o‘z maydonida «Selta»ni mag‘lub etdi, «Atletiko Madrid» esa safarda «Elche»ga imkoniyatni boy berdi. Natijada kataloniyaliklar turnir jadvalidagi ustunligini yanada oshirdi.

«Spotify Kamp Nou» stadionida kechgan uchrashuvda «Barselona» 1:0 hisobida zafar quchdi. Yagona golni 40-daqiqada Lamin Yamal penaltidan kiritdi. Ammo zarbadan so‘ng ispaniyalik vinger chap oyog‘ining son qismidan jarohat olib, shifokorlar yordamida maydonni tark etishga majbur bo‘ldi.

Ushbu mavsumda 16 ta gol va 11 ta golli uzatmaga mualliflik qilgan 18 yoshli futbolchining jarohati qanchalik jiddiyligi tibbiy tekshiruvlardan so‘ng ma’lum bo‘ladi.

«Uning jarohati imkon qadar qisqa muddatli bo‘lishiga umid qilaman. U...

Yevropa Ittifoqida migrantlar soni tarixiy maksimumga yetdi. Mustaqil RFBerlin instituti hisobotiga ko‘ra, 2025-yilda bu ko‘rsatkich 64,2 mln kishini tashkil etdi.

So‘nggi bir yil ichida migrantlar soni 2,1 mln kishiga oshgan. 2010-yilda Yevropa Ittifoqida taxminan 40 mln migrant yashagan edi. Shunday qilib, 15 yil ichida bu ko‘rsatkich 60 foizdan ortiq o‘sdi. Hozirda migrantlar YI aholisi tarkibining 14,2 foizini tashkil etmoqda. Eng ko‘p migrantlar Germaniyada yashaydi. Bu mamlakatda ularning soni qariyb 18 mln nafarga yetgan.

Ikkinchi o‘rinda Ispaniya turibdi. Bu yerda 9,5 mln migrant istiqomat qiladi. O‘tgan yili aynan Ispaniya YI bo‘yicha migrantlar o‘sishining uchdan bir qismini ta’minlagan. Keyingi o‘rinlarda Fransiya...

Xitoyning Harmony Intelligent Mobility Alliance (HIMA) kompaniyasi Pekin avtosaloni oldidan yangi avtomobillarini namoyish qildi. Bu haqda CarNewsChina nashri xabar bermoqda.

Yangi Aito M6 o‘rta o‘lchamdagi krossover sifatida taqdim etildi. U 5 o‘rindiqli bo‘lib, zamonaviy dizayn va keng salon bilan ajralib turadi. Model HarmonyOS 5.0 tizimi, katta proyeksiya displeyi va simsiz zaryadlash funksiyalari bilan jihozlangan. Avtomobil 36 ta sensor va LiDAR texnologiyasi asosida ishlaydigan aqlli haydash tizimiga ega.

HIMA ilk MPV modeli – Luxeed V9 ham taqdim etildi. U katta o‘lchamli bo‘lib, hashamatli salon va ilg‘or texnologiyalarni taklif qiladi. Ichkarida uch ekranli tizim, orqa yo‘lovchilar uchun katta displey va hatto...

O‘zbekistonda 2026-yildan boshlab kitobxonlik madaniyatini yuksaltirishga hissa qo‘shayotgan yoshlarni rag‘batlantirish maqsadida «Ilg‘or ijodkor» prezident mukofoti joriy etiladi. Bu haqda Adliya vazirligi xabar bermoqda.

Mukofot she’riyat, dramaturgiya hamda bolalar adabiyoti yo‘nalishlari bo‘yicha eng yaxshi yozuvchi va shoirlarga beriladi. Har bir yo‘nalish g‘olibi bazaviy hisoblash miqdorining 200 baravari miqdoridagi pul mukofotini qo‘lga kiritadi.

Farmonga asosan, 2027-yildan boshlab har ikki yilda bir marta, 12-avgust – Xalqaro yoshlar kuni arafasida «Avlodlar muloqoti» xalqaro yoshlar kongressi o‘tkaziladi. Bundan tashqari, 2026-yildan e’tiboran har yili sentabr oyida «Yoshlik – hayotning baxtli va oltin davri» shiori ostida umummilliy yoshlar festivali tashkil etilishi belgilangan.

Hududlarda yoshlar uchun mo‘ljallangan...