Yangiliklar

Xiaomi kompaniyasi 2026-yil may oyida bir vaqtning o‘zida ikkita yangi mahsulotini taqdim etadi. Gap Xiaomi 17 Max smartfoni va Xiaomi YU7 GT sport avtomobili haqida ketmoqda. Bu haqda MyDrivers nashri xabar berdi.

Ma’lumotlarga ko‘ra, Xiaomi 17 Max kuchli texnik xususiyatlarga ega bo‘ladi. Qurilma 8000 mA/soat sig‘imli batareya bilan jihozlanadi. U 100 Vt tezkor simli va 50 Vt simsiz quvvatlashni qo‘llab-quvvatlaydi.

Smartfon Qualcomm Snapdragon 8 Gen 5 protsessorida ishlaydi. Unda 6,9 dyuymli OLED ekran bo‘ladi.

Kamera tizimi ham kuchli bo‘lishi kutilmoqda. Asosiy kamera 200 MP, periskop kamera 50 MP va keng burchakli kamera ham 50 MP bo‘ladi.

Xiaomi YU7 GT...

13 ta tuman hokimiga intizomiy jazo chorasi qo‘llanadi. Shavkat Mirziyoyev Qamashi, Qarshi, Mirishkor, Arnasoy, Sharof Rashidov, Yangiobod, Navbahor, Kosonsoy, Qumqo‘rg‘on, Furqat, Shovot, Shayxontohur va Sergeli tumanlari sanoat rejasini bajara olmaganini tanqid qildi.

Shu sabab ushbu tuman hokimlariga rejaga yetmagan ko‘rsatkichlaridan kelib chiqib, intizomiy jazo qo‘llash topshirildi.

Shuningdek, elektrotexnika sohasida ishlab chiqarish va eksport past bo‘lgani qayd etildi. Birinchi chorakda sanoat o‘sishi kutilgan 11,2 foiz o‘rniga 7,8 foizni tashkil etdi. Eksport esa atigi 57 foizga bajarildi.

Bu yo‘nalishda banklar faoliyati ham tanqid qilindi. Garchi eksport uchun $100 mln resurs ajratilgan bo‘lsa-da, birorta bank garovsiz kredit bermagani aytildi.

Mas’ullarga har bir...

Logistikadagi uzilishlar oqibatida O‘zbekistonda joriy yilning birinchi choragida qoramol importi ikki barobarga kamaydi. Bunga yechim sifatida samolyotda tashiladigan har bir naslli qoramol uchun 4 mln so‘mgacha mablag‘ ajratilishi va go‘sht importida transport xarajatining yarmi qoplanishi yo‘lga qo‘yildi. Bu haqda prezident matbuot xizmati xabar bermoqda.

Go‘sht ta’minotini barqarorlashtirish maqsadida tadbirkorlar uchun muqobil transport koridorlari ko‘paytiriladi. Rejaga ko‘ra, ikkinchi chorakda 45 ming tonna, yil yakunigacha esa jami 130 ming tonna go‘sht importi ta’minlanishi kerak. Mutasaddilarga yuk tashishdagi to‘siqlarni onlayn monitoring qilish hamda tadbirkorlar murojaatini kutmasdan muammolarni operativ hal etish topshirildi.

Mamlakat hududlarida jami 478 ming gektar maydonda ozuqa ekinlari ekilishi belgilangan...

Prezident ayrim rahbarlar tadbirkor muammosini hal qilish o‘rniga mas’uliyatdan qochayotganini tanqid qildi. Qayd etilishicha, ayrim hollarda muammoni yechish o‘rniga, uning yuqori darajaga chiqib ketgani bilan shug‘ullanilmoqda.

Masalan, Nurafshon shahrida tadbirkor ikki yildan beri qurilishni boshlay olmayapti. Biroq hokim muammoni hal qilish o‘rniga ma’lumot qanday qilib prezident darajasiga yetib borganini aniqlash bilan band bo‘lgan.

Shuningdek, G‘uzor, Narpay, Urganch, Yangiyo‘l va Chinoz tumanlarida tadbirkorlik infratuzilmasi uchun ajratilgan mablag‘lar o‘zlashtirilmagan. Bu tumanlarga joriy yilda respublikadan 262 mlrd so‘m ajratilgan bo‘lsa-da, loyihalar hali boshlanmagan.

Tegishli viloyatlar hokimlariga nomi aytilgan tuman hokimlari «aravasini torta olmayotgan bo‘lsa», bugunning o‘zida lavozimiga loyiqligini ko‘rib chiqish topshirildi.

Eslatib...

Shavkat Mirziyoyev inflyatsiyaga ta’sir qiladigan iste’mol savatidagi mahsulot va xizmatlarning 70 foizi mahalliy bozorda ishlab chiqarilishini qayd etdi. Bu haqda u hudud va tarmoqlarda iqtisodiy o‘sishni ta’minlash bo‘yicha birinchi chorak yakunlari tahliliga bag‘ishlangan yig‘ilishda ma’lum qilgan.

Yil boshidan jahon bozorida neft narxi qariyb 40 foizga oshgani qayd etildi. Global ziddiyatlar sabab logistika yo‘nalishlari o‘zgarib, tashish xarajatlari keskin ko‘tarilmoqda. Bu eksportda ham, importda ham qo‘shimcha xarajatlarga olib kelmoqda. Hisob-kitoblarga ko‘ra, transport xarajatlari 25 – 30 foizga oshgan.

Tashqi omillar tufayli yuzaga kelayotgan inflyatsiya ichki narxlarga ham bosim o‘tkazmoqda. Bu omil umumiy inflyatsiyaga qo‘shimcha 1 foizgacha ta’sir qilishi mumkin.

O‘zbekiston prezidenti raisligida o‘tgan videoselektor yig‘ilishida elektr yo‘qotishlari yuqori bo‘lgan 44 ta tuman elektr tarmoqlari rahbarlarini ishdan olishga ko‘rsatma berildi. Ularning o‘rniga yosh kadrlarni tayinlash va yo‘qotishlarni ikki karra kamaytirish vazifasi qo‘yildi.

Davlat rahbarining ta’kidlashicha, mazkur 44 ta tumanda elektr energiyasi yo‘qotishlari 20 foizdan oshgan. Yangi tayinlanadigan rahbarlar uchun yo‘qotishlarni kamaytirish bo‘yicha maxsus KPI tizimi belgilanadi.

Tizimdagi muammolarni hal qilishga texnika oliygohlarida energetika yo‘nalishida o‘qiyotgan 10 mingdan ziyod 3 va 4-kurs talabalari jalb etiladi. Ular texnika xavfsizligiga o‘qitilib, dual ta’lim asosida hududlarga yuborilishi rejalashtirilgan.

«Marhamat, ustozlari shogirdini tumanga olib borsin, ishni o‘rgatsin, yo‘qotishni kamaytirish bo‘yicha...

2026-yilning birinchi choragida O‘zbekistonning turizm eksporti $1,1 mlrdni tashkil etdi. Bu haqda Shavkat Mirziyoyev raisligidagi hudud va tarmoqlarda iqtisodiy o‘sishni ta’minlash bo‘yicha birinchi chorak yakunlari tahliliga bag‘ishlangan yig‘ilishda qayd etildi.

Ma’lum qilinishicha, yil boshidan buyon mamlakatga qariyb 3 mln xorijiy sayyoh tashrif buyurgan. Rasmiylarga ko‘ra, bunday yuqori natijalarga «turistik relokatsiya» omili ham ta’sir ko‘rsatmoqda. Dunyoda ko‘plab sayyohlar aynan xavfsiz va barqaror yo‘nalishlarni tanlamoqda, O‘zbekiston esa shunday maskanlardan biri sifatida ko‘rilmoqda.

Shu bilan birga, mamlakatda boy tarixiy meros va yangi turistik obyektlar mavjud bo‘lishiga qaramay, har bir sayyoh uchun raqobat kuchaytirilishi zarurligi ta’kidlandi. Mutasaddilarga har bir hududning turistik jozibadorligini oshirish...

Shavkat Mirziyoyev banklarda «Sun’iy intellekt maslahatchisi» platformasini ishga tushirish bo‘yicha topshiriq berdi. Bu haqda davlat rahbari hudud va tarmoqlarda iqtisodiy o‘sishni ta’minlash bo‘yicha birinchi chorak yakunlariga bag‘ishlangan videoselektor yig‘ilishida ma’lum qildi.

Bu yil kichik va o‘rta biznesni rivojlantirish uchun banklar orqali 140 trln so‘m ajratilmoqda. Ayrim hududlarda bu kreditlar hisobiga ko‘plab ish o‘rinlari yaratilgan.

Masalan, Shirin shahrida 1 mlrd so‘m kredit evaziga 20 ta ish o‘rni ochilgan. Uchquduqda bu ko‘rsatkich 17 ta, Xonobod va So‘xda 14 tadan bo‘lgan.

Ammo ayrim tumanlarda natija past. Uchko‘prik, Piskent va Bo‘stonliqda 1 mlrd so‘m kreditga atigi 3 ta ish o‘rni to‘g‘ri kelmoqda.

Prezident...

Mazda 2026-yil Pekin avtosaloni arafasida Mazda CX-6e krossoverining yangi maxsus versiyasini taqdim etdi. Bu haqda CarNewsChina nashri xabar bermoqda.

Yangi versiya ikki xil konfiguratsiyada taklif etiladi. To‘liq elektr varianti 145,9 ming yuan, ya’ni taxminan $21,4 mingdan boshlanadi va 600 kmgacha yurish zaxirasiga ega. Gibrid EREV versiyasi esa 139,9 ming yuan, ya’ni $20,5 ming atrofida baholanib, elektr rejimida 200 km masofani bosib o‘tadi.

Tashqi ko‘rinishda model deyarli o‘zgarmagan. Avtomobil aerodinamik samaradorlikka urg‘u berilgan dizaynni saqlab qolgan. Uning qarshilik koeffitsiyenti 0,258 Cdni tashkil etadi, bu esa zamonaviy elektromobillar orasida yaxshi ko‘rsatkich hisoblanadi.

Asosiy yangilik salon dizaynida kuzatiladi. Endi avtomobil ichki qismi...

27-aprel uchun valyutalar kursi yangilandi. Unga ko‘ra, dollar 4,52 so‘mga oshib, 12 020,48 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

20-aprel kuni esa 6,78 so‘mga tushib, 12 128,46 so‘mni tashkil qildi. 21-aprel kuni 31,13 so‘mga tushib, 12 097,33 so‘m, 22-aprel kuni esa 36,78 so‘mga tushib, 12 060,51 so‘m bo‘ldi. Dollar payshanba kuni ham pasayishni ko‘rsatib, 23-aprel kuni 12 042,49 so‘mga (-18,06 so‘m) tenglashdi. 24-aprel kuni 26,53 so‘mga tushib, 12 015,96 so‘mni tashkil qildi.

Markaziy bank ma’lumotlariga ko‘ra, yevro 3,13 so‘mga tushib, 14 048,33 so‘mni, rubl esa 1,53 so‘mga tushib, 168,77 so‘mni tashkil etdi.

Eslatib...

Prezident Shavkat Mirziyoyev raisligida joriy yilning birinchi choragi yakunlari hamda kelgusi rejalar muhokamasiga bag‘ishlangan videoselektor yig‘ilishi bo‘lib o‘tmoqda. Unda sohalar va hududlar kesimida erishilgan iqtisodiy ko‘rsatkichlar tahlil qilindi.

Birinchi chorak yakuniga ko‘ra, mamlakat yalpi ichki mahsuloti 8,7 foizga, sanoat 8 foizga, xizmatlar ko‘rsatish 16,1 foizga hamda qishloq xo‘jaligi 5,1 foizga o‘sgan. O‘tgan davr mobaynida eksport hajmi $5,8 mlrdni, xorijiy investitsiyalar esa $13,7 mlrdni tashkil qildi. Shuningdek, yillik inflyatsiya darajasi birinchi marta 7,1 foizgacha pasaygani qayd etildi.

Iqtisodiy o‘sish hisobiga yanvar – mart oylarida Davlat budjeti daromadlari o‘tgan yildagiga nisbatan 35 foizga ko‘payib, 103 trln so‘mga yetgan. Mahalliy budjetlarda qo‘shimcha...

2026-yil boshidan soliq qarzini undirishning yangi tartibi joriy etildi. Endi qarzdorlikni soliq to‘lovchining debitorlari hisobidan undirish mumkin. Bu haqda Soliq qo‘mitasi xabar berdi.

Qo‘mitaga ko‘ra, aprel oyida soliq organlariga murojaatlar asosida 227 ta korxonaning 71,1 mlrd so‘mlik qarzi undirilgan. Bu mablag‘lar korxonalarning debitorlaridan olingan.

Masalan, Sirdaryodagi Mirzacho‘l agro cluster’ning 10,9 mlrd so‘mlik qarzi boshqa korxona hisobidan qoplandi. Toshkentdagi «Quyuv-mexanika zavodi»ning 1,5 mlrd so‘mlik qarzi ham debitor orqali undirilgan.

Shuningdek, Namangandagi bir kompaniyaning 383,8 mln so‘mlik qarzi ham shu tartibda yopilgan.

Umuman, joriy etilgan tizim orqali jami 353 mlrd so‘mlik qarzdorlik undirilgan.

Eslatib o‘tamiz, avvalroq Savdo-sanoat palatasi rahbari QQSni qaytarish...

22-aprel kuni Nyu-Yorkda O‘zbekiston va Gvineya-Bisau o‘rtasida diplomatik aloqalar o‘rnatildi. Bu haqda «Dunyo» axborot agentligi xabar berdi.

Tegishli hujjatni O‘zbekistonning BMTdagi vakili Ulug‘bek Lapasov va Gvineya-Bisau vakili Samba Sane imzoladi.

Tomonlar BMT va boshqa xalqaro tashkilotlar doirasida hamkorlikni rivojlantirishga tayyor ekanini bildirdi. Shuningdek, o‘zaro manfaatli yo‘nalishlarda aloqalarni kengaytirishga kelishib olindi.

Gvineya-Bisau O‘zbekiston diplomatik aloqalar o‘rnatgan 168-davlat bo‘ldi.

Bundan oldin 19-aprel kuni Antaliyada O‘zbekiston va Ruanda o‘rtasida ham diplomatik aloqalar o‘rnatilgan edi. Tashqi ishlar vaziri Baxtiyor Saidovning ma’lum qilishicha, Ruanda bilan diplomatik aloqalar o‘rnatish to‘g‘risidagi qo‘shma kommyunike Ruanda tashqi ishlar vaziri Olivye Nduhungirehe bilan birgalikda imzolandi.

Saidov bu jarayonni O‘zbekistonning Afrika...

AQSh Mudofaa vazirligi ichki yozishmalarida NATO ittifoqchilariga nisbatan bosim choralarini qo‘llash variantlari muhokama qilinmoqda. Bu haqda Reuters agentligi manbaga tayanib xabar berdi.

Ma’lumotlarga ko‘ra, Pentagondagi ichki hujjatda ayrim ittifoqchilar AQShning Eron bilan bog‘liq harbiy amaliyotlarini yetarli darajada qo‘llab-quvvatlamagani uchun jazolash imkoniyatlari ko‘rib chiqilgan. Variantlar orasida Ispaniyani NATO doirasidagi ayrim jarayonlardan chetlatish va Buyuk Britaniyaning Folklend orollariga da’vosi bo‘yicha AQSh pozitsiyasini qayta ko‘rib chiqish ham bor.

Manbaga ko‘ra, asosiy norozilik ayrim davlatlarning AQShga harbiy bazalar, havo hududi va logistika imkoniyatlarini taqdim etishdan bosh tortgani bilan bog‘liq. Pentagon buni NATO doirasidagi minimal majburiyat sifatida baholamoqda.

AQSh prezidenti Donald Tramp ham ittifoqchilarni...

Farg‘ona viloyatining Marg‘ilon shahrida 1,6 mlrd so‘mlik tabiiy gazdan noqonuniy foydalanish holati fosh etildi. Bu haqda Energetika vazirligi xabar berdi.

Tekshiruv davomida Pichoqchi mahallasidagi ko‘p qavatli uyda gazdan shartnomasiz foydalanib kelingani aniqlangan.

Holat bo‘yicha dalolatnoma rasmiylashtirildi. 1,6 mlrd so‘m miqdorida zarar qayta hisoblab chiqildi. To‘plangan hujjatlar huquqni muhofaza qiluvchi organlarga yuborildi.

Eslatib o‘tamiz, avvalroq Sho‘rtan neft va gaz qazib chiqarish boshqarmasiga kompensatsiya to‘lovlari belgilangandi. Aniqlanishicha, korxona atrof-muhitga salbiy ta’sir ko‘rsatgan. Xususan, atmosfera havosini muhofaza qilish talablari buzilgan.

Yandex Ads kompaniyaning eng zamonaviy generativ modellar asosidagi tavsiya texnologiyasi — ARGUS’ni joriy qildi. Neyrotarmoqlar endi avvalgidan 30 baravar ko‘proq anonimlashtirilgan hodisalarni hisobga oladi, shu sababli reklama foydalanuvchining so‘nggi o‘nlab kunlari emas, balki butun yil davomidagi qiziqishlari va harakatlari asosida ko‘rsatiladi. Bu Yandex Ads neyrotarmoq arxitekturasining yirik yangilanishidir. Endilikda biznes mijoz ehtiyojlariga aniqroq mos keladi, foydalanuvchilar esa turli mamlakatlardan 600 mingdan ortiq reklama beruvchilarning foydali takliflarini oladi.

«Yandex Ads soniyasiga 1,2 milliondan ortiq so‘rovni qayta ishlaydi, reklama tizimi ichida esa har kuni neyrotexnologiyalar ishtirokida taxminan 10 milliard hodisa yuz beradi. Bir necha millisekund ichida ular o‘n...

Nissan kompaniyasi Pekinda yangi Terrano PHEV modelini namoyish etdi. Keyingi yil davomida ishlab chiqarilishi rejalashtirilgan ushbu avtomobil global bozorlarda ham sotuvga chiqariladi. Bu haqda CarsCoops xabar bermoqda.

Terrano PHEV (tashqaridan quvvatlanuvchi gibrid) o‘zining shassisini Xitoydagi Dongfeng hamkorligida yaratilgan Frontier Pro PHEV bazasi bilan baham ko‘rishi taxmin qilinmoqda. U 1,5 litrli to‘rt silindrli dvigatel va elektr motor bilan jihozlanishi mumkin. Natijada avtomobil umumiy 429 ot kuchi va 800 Nm aylanma harakatga ega bo‘ladi.

Yo‘ltanlamas tashqi ko‘rinishidan kuchli dizaynga ega bo‘lib, LED yoritgichlar, mustahkam himoya panellari, tirkama ilgaklari hamda off-road chiroqlari bilan jihozlangan. Konseptning qora rangli g‘ildirak yoylari va orqa qismida...

Leapmotor Xitoyda yangi Leapmotor B05 Ultra elektromobilini rasman taqdim etdi. Sport uslubidagi xetchbek modeli Pekin avtosalonida namoyish qilindi va sotuvga chiqarildi.

Yangi modelning boshlang‘ich narxi 123,8 ming yuan, ya’ni taxminan $18,1 mingni tashkil etadi. Chegirmalar bilan narx 118,8 ming yuangacha tushishi mumkin. Yuqori komplektatsiya esa 129,8 ming yuan yoki $19 ming atrofida baholanmoqda. Avtomobil ikki xil batareya varianti bilan taklif etiladi. Asosiy versiyada 56,2 kVt/soat batareya o‘rnatilgan bo‘lib, bir zaryad bilan 500 kmgacha yuradi. Kuchliroq versiyada esa 67,1 kVt/soat batareya mavjud va yurish zaxirasi 600 kmga yetadi.

Texnik jihatdan model orqa o‘qda joylashgan 241 ot kuchiga ega elektromotor bilan...

«Dinamo» futbol klubining U19 jamoasi a’zosi, 18 yoshli yarim himoyachi Sardor Murodov vafot etdi. Bu haqda klub matbuot xizmati xabar bermoqda.

Sardor Murodov 2007-yilning 26-oktabrida tug‘ilgan. U U19 chempionati doirasida 21-aprel kuni «Paxtakor» U19 jamoasiga qarshi o‘tkazilgan va 2:2 hisobida yakunlangan o‘yinda asosiy tarkibda harakat qilgan.

Ma’lumotlarga ko‘ra, yosh futbolchi «Dinamo» safida 2024-yilda 17 ta, 2025-yilda esa 13 ta o‘yinda ishtirok etgan. Shuningdek, u 2023-yili «Yunired» klubi tarkibida 4 ta o‘yin o‘tkazib, bitta gol urishga muvaffaq bo‘lgan.

«Dinamo» professional futbol klubi o‘z bayonotida futbolchining vafoti munosabati bilan uning yaqinlari va oila a’zolariga chuqur hamdardlik bildirdi.

Avvalroq Kursiv Uzbekistan...

Germaniyada o‘zbekistonlik qassoblar uchun yangi ish o‘rinlariga qabul boshlandi. Bu haqda Migratsiya agentligi xabar bermoqda.

Ma’lumotlarga ko‘ra, ish beruvchi Germaniyaning Shtutgart shahrida joylashgan International People IP GmbH & CoKG kompaniyasi hisoblanadi. Nomzodlar bilan mehnat shartnomasi bir yil muddatga tuziladi va ish sifatiga qarab uzaytirilishi mumkin. Taklif etilayotgan ish o‘rinlari soni 1,5 mingtani tashkil qiladi. Oylik ish haqi 2,8 ming yevro brutto bo‘lib, qo‘lga taxminan 1,8 ming yevro tegadi. Haftalik ish vaqti 50 soat qilib belgilangan.

Nomzodlar 23 yoshdan 41 yoshgacha bo‘lgan erkaklar bo‘lishi, bakalavr diplomiga ega bo‘lishi va sudlanmagan bo‘lishi kerak. Ish beruvchi tomonidan rasmiy mehnat shartnomasi va barqaror...

Porsche kompaniyasi o‘zining yangi to‘liq elektr Cayenne Coupe modelini namoyish qildi. Krossover an’anaviy benzinli hamda gibrid versiyalar qatoriga qo‘shiladi.

Yangi Cayenne Coupe Electric dizayni o‘ziga xos tom tuzilishi va qiya old oyna bilan ajralib turadi. Krossover asosi standart Cayenne Electric bilan bir xil bo‘lib, 800 voltli arxitektura, 113 kVt/soat akkumulyator va 400 kVt quvvatda 16 daqiqadan kamroq vaqt ichida 10 dan 80 foizgacha quvvat olish imkoniyatiga ega.

Avtomobilning baza modeli 435 ot kuchi quvvatga ega bo‘lsa, Cayenne S Coupe Electric 657 ot kuchi ishlab chiqaradi. Eng yuqori Turbo Coupe Electric versiyasi esa 1139 ot kuchi taqdim etadi. Ushbu krossover...

Qozog‘iston 2050-yilgacha kamida to‘rtta yirik iqtisodiy va ekologik muammo bilan yuzlashishi mumkin. Bu haqda «Samruk-Kazina» jamoatchilik kengashi a’zosi, energetika sohasidagi sobiq maslahatchi Oljas Baydildinov ma’lum qildi.

Mutaxassis ushbu xavflarni «qora oqqushlar» deb atab, ular mamlakat iqtisodiy barqarorligiga jiddiy ta’sir ko‘rsatishini ta’kidladi. Uning fikricha, kelgusi yillarda neft qazib olish hajmi uch barobarga qisqarishi mumkin.

Shu bilan birga, aholi soni 20 mlndan 25 mlngacha oshishi kutilmoqda. Biroq avtomatlashtirish va sun’iy intellekt kengayishi fonida bu holat ishsizlikning keskin o‘sishiga olib kelishi mumkin.

Baydildinov yana bir muhim xavf sifatida kon-metall resurslarining kamayib borayotganini tilga oldi. Bundan tashqari, suv taqchilligi ham mintaqa uchun jiddiy...

Qozogʻistonda banklar fuqarolarning mobil oʻtkazmalari haqidagi ma’lumotlarni soliq organlariga topshirishni boshladi. Birinchi chorak boʻyicha maʼlumotlar allaqachon yigʻilgan va hozir tahlil qilinmoqda.

Qozogʻiston Davlat daromadlari qoʻmitasi ma’lumotiga koʻra, aniqlangan tafovutlar asosida fuqarolarga bildirishnomalar yuboriladi. Biroq bu darhol jarima degani emas. Soliq organlari, avvalo, tushuntirish soʻraydi va vaziyatni mustaqil tuzatish imkonini beradi.

Agar shaxs oʻz kartasiga xizmat yoki savdo uchun pul olganini tan olsa, u soliq hisobotini topshirishi yoki tegishli toʻlovlarni amalga oshirishi kerak boʻladi. Oʻzini oʻzi band qilganlar esa maxsus ilova orqali faoliyatini rasmiylashtirishi mumkin. Norozi boʻlganlar tushuntirish berish huquqiga ega.

Moliya vaziri oʻrinbosari Yerjan Birjanovning ta’kidlashicha, hozircha aniq xulosalar...

Xitoyning GWM avtomobil ishlab chiqaruvchisi gibrid dvigatelli, 864 ot kuchiga ega hashamatli Tank 700 yo‘ltanlamasini namoyish etdi. Bu haqda CarBuzz nashri xabar bermoqda.

Yangi model 2,0 litrli to‘rt silindrli benzinli dvigatel va ikkita elektr motor bilan jihozlangan. Umumiy quvvati 864 ot kuchiga yetsa-da, mashinaning og‘irligi sababli uning tezlanish ko‘rsatkichi 577 ot kuchiga ega Mercedes-AMG G63 rusumidan pastroq.

Mercedes-Benz G63 modeliga hamyonbop muqobil sifatida yaratilgan ushbu mashina 5,6 soniyada 100 km/soat tezlikka chiqish imkoniyatiga ega. Avtomobil 59 kVt/soat sig‘imli akkumulyator yordamida faqat elektr quvvati bilan qariyb 188 kilometr masofani bosib o‘tishi mumkinligi aytilmoqda.

Yo‘ltanlamas interyeri yuqori qulayliklarni taklif etadi. Xususan...