Yangiliklar

O‘zbekiston milliy terma jamoasi futbolchilari Eldor Shomurodov va Abbosbek Fayzullayev to‘p surayotgan «Istanbul Bashakshehir» yangi mavsumdagi ilk rasmiy uchrashuvini UEFA Konferensiyalar ligasida o‘tkazadi. Turkiya klubi musobaqaning ikkinchi saralash bosqichida Finlyandiyaning Turku shahri sharafini himoya qiluvchi «Inter» jamoasini qabul qiladi.

Uchrashuv 22-iyul kuni «Bashakshehir Fotih Terim» stadionida bo‘lib o‘tadi va Toshkent vaqti bilan soat 22:45 da boshlanadi. Bahsni ispaniyalik hakam Xuan Martines Munuera boshqaradi. Ushbu o‘yin Shomurodov va Fayzullayev uchun 2026-yilgi jahon chempionatidan keyingi ilk rasmiy klub uchrashuvi bo‘lishi mumkin.

Jamoada nima yangiliklar

«Istanbul Bashakshehir» o‘tgan mavsum Turkiya Superligasida 57 ochko jamg‘arib, beshinchi o‘rinni egallagan. Jamoa uchinchi o‘rinni band...

Navoiy kon-metallurgiya kombinati «Muruntov» koni hududida sodir bo‘lgan yo‘l-transport hodisasi bo‘yicha rasmiy munosabat bildirdi. Ma’lum qilinishicha, 21-iyul kuni avtoag‘dargich va xizmat avtomashinasi ishtirokidagi hodisa oqibatida ikki nafar ishchi-xodim vafot etgan.

NKMK matbuot xizmatiga ko‘ra, hodisa 21-iyul kuni soat 05:30 lar atrofida «Muruntov» koni hududida yuz bergan.

Dastlabki rasmiy ma’lumotlarda yo‘l-transport hodisasida avtoag‘dargich va xizmat avtomashinasi ishtirok etgani aytilmoqda. Hodisa oqibatida ikki nafar ishchi-xodim halok bo‘lgan.

Holat bo‘yicha tekshiruv boshlandi

Mazkur holat yuzasidan huquqni muhofaza qiluvchi organlar tomonidan tergovga qadar tekshiruv ishlari olib borilmoqda.

Shuningdek, nazorat qiluvchi davlat tashkilotlari tomonidan maxsus tekshiruv o‘tkazilib, hodisaning qanday sodir bo‘lgani va uning...

Qozog‘iston prezidenti Qasim-Jomart Toqayev Yerali To‘g‘janovni mamlakatning O‘zbekistondagi Favqulodda va muxtor elchisi etib tayinladi. Bu haqda Qozog‘iston prezidenti matbuot xizmati xabar berdi.

Prezidentning tegishli farmoni bilan Qozog‘istonning O‘zbekistondagi avvalgi elchisi Beybut Atamqulov lavozimidan ozod qilindi. Uning o‘rnini egallagan Yerali To‘g‘janov bungacha Qozog‘iston hukumati va hududiy boshqaruv tizimida turli yuqori lavozimlarda faoliyat yuritgan.

Yerali To‘g‘janov 1963-yil 13-mayda G‘arbiy Qozog‘iston viloyatida tug‘ilgan. U 1988-yilda Qarag‘anda davlat universitetini, 1994-yilda esa Qozog‘iston Fanlar akademiyasining Davlat va huquq institutini tamomlagan. Mutaxassisligi bo‘yicha yurist.

U mehnat faoliyatini 1980-yilda o‘rmon xo‘jaligida ishchi sifatida boshlagan. Keyinchalik Qarag‘anda davlat universitetida o‘qituvchi, Fanlar akademiyasining Davlat va huquq instituti direktori...

O‘zbekistonda xalqaro va respublika miqyosidagi madaniy tadbirlarni tashkil qilish bilan shug‘ullanuvchi «Madaniy loyihalar milliy operatori» davlat muassasasi tashkil etiladi. Bu prezidentning tegishli qarorida belgilandi.

Yangi muassasa Madaniyat vazirligi huzuridagi «Xalqaro festivallar direksiyasi» negizida Madaniyat va san’atni rivojlantirish jamg‘armasi huzurida tuziladi. Milliy operator xalqaro va respublika darajasidagi madaniy tadbirlarga tayyorgarlik ko‘rish hamda ularni o‘tkazish bo‘yicha asosiy ijrochi tuzilma vazifasini bajaradi.

Qarorga ko‘ra, Milliy operator tomonidan tashkil etiladigan tadbirlarda jamoat tartibini saqlash, tez tibbiy yordam va yo‘l-patrul xizmatlaridan bepul foydalanish imkoniyati yaratiladi. Shuningdek, madaniy tadbirlar doirasida O‘zbekistonga olib kiriladigan uskunalar, sahna va texnik vositalar, rekvizitlar, musiqa asboblari, LED ekranlar, dronlar hamda...

GWM konsernining Ora brendi GWM Ora 5 krossoverining yangi Sport va GT versiyalarini namoyish etdi. Bu haqda CarNewsChina nashri xabar bermoqda.

Yangi modifikatsiyalar elektromobil, gibrid va benzinli kuch qurilmalariga ega modelning sport uslubidagi ko‘rinishini kuchaytiradi. Ularning narxi hozircha ochiqlanmagan, Xitoyda amaldagi Ora 5 qatori esa 69,8 ming yuan yoki qariyb $10,2 mingdan boshlanadi.

Ora 5 Sport tashqi ko‘rinishida katta o‘zgarishlar qilinmagan. Model oq tomli ikki rangli kuzov, qizil tormoz supportlari va kattalashtirilgan g‘ildirak disklari bilan ajralib turadi. Tizerdagi avtomobil tomiga lidar ham o‘rnatilgan. Hozircha ushbu uskuna Xitoyda faqat Ora 5’ning elektr versiyalarida taklif qilinadi.

Ora 5 GT esa yanada...

Ispaniya va Argentina terma jamoalari o‘rtasidagi 2026-yilgi futbol bo‘yicha jahon chempionati finalini AQShda 62,8 mln nafardan ortiq tomoshabin kuzatdi. Bu haqda Axios xabar bermoqda.

Final uchrashuvida Ispaniya amaldagi jahon chempioni Argentinani qo‘shimcha vaqtda 1:0 hisobida mag‘lub etdi. O‘yinda Lionel Messi va Lamin Yamalning qarama-qarshiligi ham tomoshabinlar e’tiborini tortgan asosiy voqealardan biri bo‘ldi.

Nielsen ma’lumotlariga ko‘ra, uchrashuvning ingliz tilidagi translyatsiyasini Fox telekanalida qariyb 39 mln kishi tomosha qilgan. Bu 2022-yilgi jahon chempionati finalining Fox’dagi auditoriyasiga nisbatan 132 foizga ko‘p.

Raqamlar nima deydi

Telemundo orqali ispan tilidagi translyatsiyani esa qariyb 24 mln amerikalik kuzatdi. Ko‘rsatkich 2022-yilgi finalga nisbatan 166 foizga...

O‘zbekiston terma jamoasi yarim himoyachisi Abbosbek Fayzullayev 2026-yilgi futbol bo‘yicha jahon chempionatining eng tezkor futbolchilari qatoridan joy oldi. Sofascore tuzgan reytingga ko‘ra, o‘zbekistonlik futbolchi o‘yinlardan birida 36 km/soat tezlikka chiqib, turnir ishtirokchilari orasida to‘rtinchi natijani qayd etdi.

Fayzullayevning ko‘rsatkichi reyting yetakchisi, Argentina terma jamoasi himoyachisi Nikolas Talyafikodan atigi 0,2 km/soatga kam bo‘ldi. Argentinalik futbolchi 36,2 km/soat tezlik bilan ro‘yxatning birinchi pog‘onasini egalladi.

Fransiya terma jamoasi himoyachisi Jyul Kunde va Shveysariya vakili Jibril Sou 36,1 km/soat natija bilan ikkinchi hamda uchinchi o‘rinlarni band etdi. Abbosbek Fayzullayev esa 36 km/soat tezlik bilan ulardan atigi 0,1 km/soat ortda qoldi.

Xuddi shunday natijani...

Honor kompaniyasi Xitoyda Honor 600 Pro smartfonining Sky Blue Gift Box Edition nomli limitlangan versiyasini taqdim etdi. Maxsus to‘plam 21 – 31-iyul kunlari sotuvda bo‘ladi.

Honor 600 Pro’ning yangi versiyasi och ko‘k – Sky Blue rangida chiqarilgan. Sovg‘ali to‘plamga smartfondan tashqari brend sumkasi, gradient dizaynli va pat teksturasiga ega g‘ilof, tezkor quvvatlashni qo‘llab-quvvatlaydigan tashqi akkumulyator, aktrisa Van Churan tasviri tushirilgan kolleksion karta hamda eksklyuziv stikerlar kiritilgan.

Smartfon chegirma bilan sotilmoqda

Honor 600 Pro’ning 12 GB tezkor va 256 GB ichki xotiraga ega versiyasi $29,6 chegirma bilan taklif qilinmoqda.

Xaridorlar qo‘shimcha ravishda $44,2 lik Honor Earbuds X9 simsiz quloqchinlarini...

Venesuelaning Ansoategi shtatida xantavirus bilan kasallangani tasdiqlangan uch kishi vafot etdi. Mamlakat Sog‘liqni saqlash vazirligiga ko‘ra, virus asosan qishloq xo‘jaligi hududlarida kemiruvchilar orqali yuqadi, deya xabar berdi Reuters.

Venesuela Sog‘liqni saqlash vazirligi seshanba kuni Ansoategi shtatida xantavirus bilan bog‘liq uchta o‘lim holati qayd etilganini ma’lum qildi.

Shuningdek, Barinas shtatida ikki nafar tibbiyot xodimining o‘limi bo‘yicha tekshiruv davom etayotgani bildirildi. Vazirlikka ko‘ra, bu holatlar Ansoategidagi kasallanishlar bilan bog‘liq emas va aholining salomatligi uchun keng xavf tug‘dirmaydi.

Virus kemiruvchilar orqali yuqadi

Vazirlik bayonotida xantavirus qishloq va qishloq xo‘jaligi hududlarida kemiruvchilar orqali tarqalishi aytilgan.

Virus, asosan, yopiq joylarda kemiruvchilarning siydigi, najasi...

Tijorat banklari tomonidan 22-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 22-iyul uchun valyutalar kursi e’lon qilingani haqida yozgan edi.

Iroq Kurdistoni markazi Erbil shahrida O‘zbekiston savdo uyini ochish masalasi muhokama qilindi. «Dunyo» axborot agentligiga ko‘ra, yangi savdo markazi o‘zbek mahsulotlarini namoyish etish va sotishga xizmat qilishi kutilmoqda.

O‘zbekiston elchisi Ayubxon Yunusov Erbil shahri Savdo-sanoat palatasiga xizmat safari bilan bordi.

Tashrif davomida u palata raisi Gaylan Hoji Said bilan uchrashdi. Muloqotda O‘zbekiston va Iroq Kurdistoni o‘rtasida savdo-iqtisodiy hamkorlikni yanada rivojlantirish masalalari ko‘rib chiqildi.

Savdo uyi o‘zbek mahsulotlari uchun maydon bo‘ladi

Uchrashuvda tomonlar Erbil shahrida O‘zbekiston savdo uyini ochish bo‘yicha fikr almashdi.

Qayd etilishicha, savdo uyi o‘zbek mahsulotlarini Iroq Kurdistoni bozorida tanitish, namoyish etish va sotish uchun muhim maydonga...

Toyota kompaniyasi 2027-yilgi Toyota Tundra pikapini taqdim etdi. Bu haqda Carcoops nashri xabar bermoqda.

Yangilangan model tashqi ko‘rinishdagi kichik o‘zgarishlar, zamonaviylashtirilgan salon, kengaytirilgan standart jihozlar va yangi Trailhunter yo‘ltanlamas versiyasiga ega bo‘ldi.

Trailhunter SR5 versiyasi asosida yaratilgan. U Michelin LTX Trail yo‘ltanlamas shinalari, modernizatsiya qilingan Old Man Emu osmasi, kuzov osti himoyasi, old tortish ilgaklari va orqa differensialni bloklash tizimi bilan jihozlangan. Shuningdek, murakkab yo‘l sharoitlarida harakatlanishga yordam beruvchi Multi-Terrain Select hamda Crawl Control funksiyalari mavjud. Yangi versiyani bronza rangli g‘ildirak disklari va Trailhunter emblemalari orqali ajratish mumkin.

Tundra’ning tashqi dizayni keskin o‘zgarmagan. Pikap biroz qayta ishlangan radiator panjarasi...

Samsung Galaxy S25 turkumidagi smartfonlarga videoni gorizontal holatda barqaror saqlaydigan Horizontal Lock funksiyasini olib kelishi mumkin. Bu haqda Sammobile xabar berdi.

Ushbu imkoniyat dastlab Galaxy S26 seriyasida paydo bo‘lgan bo‘lib, endilikda One UI 9.0 yangilanishi orqali avvalgi avlod flagmanlariga ham taqdim etilishi kutilmoqda.

Horizontal Lock video yozish vaqtida telefon qiyshaytirilsa yoki aylantirilsa ham tasvirning ufqqa nisbatan tekis holatda qolishini ta’minlaydi. Bu, ayniqsa, harakatlanib turib video olishda yoki smartfonni bir qo‘lda ushlaganda kadrning yon tomonga og‘ib ketishining oldini olishga yordam beradi.

Samsung Galaxy S26 seriyasidagi ayrim yangiliklarni Galaxy S25 qurilmalariga One UI 8.5 yangilanishi bilan olib kelgan edi. Biroq Horizontal...

Telegram asoschisi Pavel Durov messenjerga Gram nomli kriptohamyon o‘rnatilishini e’lon qildi. Uning so‘zlariga ko‘ra, yangi xizmat shu yozning o‘zida Telegram’ning barcha ilovalarida ishga tushiriladi va undan messenjerning 1 mlrddan ortiq foydalanuvchisi foydalanishi mumkin bo‘ladi.

Gram orqali kriptovalyutalarni bir zumda va komissiyasiz o‘tkazish imkoniyati yaratilishi kutilmoqda. Durov ushbu loyiha tarixdagi eng yirik nokastodial kriptohamyon joriy etilishi bo‘lishini ta’kidladi.

Nokastodial hamyonning asosiy xususiyati shundaki, foydalanuvchilarning raqamli aktivlari va maxfiy kalitlari Telegram yoki boshqa vositachi kompaniyada saqlanmaydi. Hamyon egalari o‘zlarining maxfiy kalitlarini mustaqil boshqaradi va kriptoaktivlari ustidan to‘liq nazoratni saqlab qoladi. Shu bilan birga, kalit yo‘qotilgan taqdirda aktivlarga kirishni tiklash mas’uliyati ham...

Ukraina Novorossiysk porti yaqinidagi Kaspiy quvur konsorsiumi terminali orqali Qozog‘iston neftini tashigan tankerlarga uyushtirilgan hujumlarga aloqador emasligini bildirdi. Bu haqda Ukrainaning Qozog‘istondagi elchisi Viktor Mayko bayonot berdi, uning to‘liq matni The Times of Central Asia nashrida e’lon qilindi.

Diplomat Kiyev 17, 19 va 20-iyul kunlari yuz bergan hodisalar tufayli Qozog‘iston bildirayotgan xavotirni tushunishini, biroq hujumlarni Ukraina bilan bog‘lash uchun hozircha dalillar mavjud emasligini ta’kidladi.

«Bugungi kunga qadar ushbu hujumlar Ukraina tomoni tomonidan amalga oshirilganini tasdiqlovchi hech qanday dalil yo‘q. Shu sababli Ukrainaga nisbatan to‘g‘ridan to‘g‘ri yoki bilvosita shoshma-shosharlik bilan asossiz ayblovlar bildirishdan tiyilishga chaqiraman...

Chevrolet Janubiy Koreyada iyul oyi uchun maxsus savdo dasturini e’lon qilib, Tracker xaridorlariga taqdim etiladigan chegirma va moliyaviy imtiyozlarni kengaytirdi. Bu haqda kompaniya saytida e’lon qilindi.

Aksiya doirasida ayrim shartlar asosida avtomobil xaridi uchun taqdim etiladigan umumiy imtiyoz 2,6 mln vongacha yoki qariyb 20 mln so‘mga yetishi mumkin.

Kompaniya 2026-yilgi Tracker va Trailblazer modellari uchun past foizli bo‘lib to‘lash hamda yoqilg‘i xarajatlarini qoplash dasturini taklif qilmoqda. Xaridorlar 36 oylik muddat uchun yillik 4,9 foiz yoki 60 oyga 5,4 foiz stavkadan foydalanishi va qo‘shimcha ravishda 500 ming vonlik, ya’ni qariyb $340 miqdoridagi yoqilg‘i puli olishi mumkin.

Qanday imtiyozlar bor

Dunyodagi eng ommabop YouTube blogerlaridan biri MrBeast nomi bilan tanilgan amerikalik bloger Jimmi Donaldson janubiy afrikalik yozuvchi Teya Boysenga uylandi. Juftlik nikoh marosimidan olingan suratlarni 21-iyul kuni Instagram sahifalarida e’lon qildi.

To‘y 14-iyul kuni Buyuk britaniyalik tadbirkor Richard Bransonga qarashli Karib dengizidagi Neker orolida bo‘lib o‘tgan. Yopiq tarzda tashkil etilgan marosimda juftlikning qariyb 70 nafar yaqin qarindoshi va do‘sti qatnashgan. Bayram tadbirlari bir hafta davom etib, nikoh marosimini oilaning yaqin do‘sti olib borgan.

Juftlik qanday tanishgan

Teya Boysen ham ijtimoiy tarmoqdagi familiyasini Donaldsonga o‘zgartirdi. Avvalroq MrBeast 11-iyul kuni yangi video chiqarmasligini bildirib, bunga turmush qurish bilan band bo‘lishi...

22-iyul sanasi insoniyatning koinotni zabt etishdagi dastlabki qadamlari, jahon kinosi yulduzlarining tavalludi hamda xotirada qolgan mudhish fojialar bilan yodga olinadi. Kursiv Uzbekistan kunning eng muhim voqealarini xronologik tartibda taqdim etadi.

1951-yili Sovet Ittifoqida Dezik va Sigan laqabli itlar koinotga muvaffaqiyatli uchirilib, eson-omon yerga qaytib tushgan. Ular fazo chegarasiga, ya’ni 110 kilometr balandlikka borib kelgan koinotdagi birinchi yuqori darajadagi jonivorlar sifatida tarixga kirdi. Bu parvoz insonning fazoga qadam qo‘yishi uchun o‘tkazilgan eng muhim tadqiqotlardan biri bo‘lgan edi.

1955-yilda amerikalik mashhur Gollivud aktyori Uillem Defo dunyoga keldi. U «O‘rgimchak odam» franshizasidagi Yashil Goblin yovuz qahramoni hamda psixologik trillerlardagi o‘ziga xos...

Onix, Tracker, Damas uchun to‘lov shartlari, Lamin Yamalning avtomobillar kolleksiyasi — 21-iyulda e’lon qilingan yangiliklar Kursiv Uzbekistan dayjestida.

Islomiy bank qanday litsenziyalanadi: tartib belgilandi

O‘zbekistonda islomiy bank faoliyatini amalga oshiruvchi banklarni tashkil qilish va litsenziyalash tartibi joriy etildi. Bu haqda Markaziy bank xabar berdi. Markaziy bank boshqaruvining «Bank faoliyatiga ruxsat berish tartibi va shartlari to‘g‘risidagi nizomga o‘zgartirish va qo‘shimchalar kiritish haqida»gi qarori davlat ro‘yxatidan o‘tkazildi.

Hujjat O‘zbekistonda islomiy bank faoliyatini joriy etishga qaratilgan qonun asosida qabul qilingan. Qaror bilan islomiy bank faoliyatini amalga oshiruvchi banklarni tashkil etish shartlari va ularning faoliyatini litsenziyalash tartibi belgilandi.

UzAuto Motors Onix...

21-iyul kuni O‘zbekiston Superligasining 13-turida «So‘g‘diyona» o‘z maydonida amaldagi chempion Farg‘onaning «Neftchi» klubini qabul qilib, 1:5 hisobidagi qaqshatqich mag‘lubiyatga uchradi.

Uchrashuv mezbonlar uchun juda omadli boshlandi. 23-daqiqadayoq Petar Michin «So‘g‘diyona»ni hisobda oldinga olib chiqdi – 1:0. Biroq bu tezkor gol amaldagi chempionlarni esankiratib qo‘ymadi, aksincha, ularni yanada hujumkor o‘yinga chorladi va o‘yin taqdiri tez orada butunlay o‘zgardi.

Oradan atigi 5 daqiqa o‘tib, 28-daqiqada Ibrohimhalil Yo‘ldoshev Ikrom Aliboyev uzatmasidan so‘ng muvozanatni tikladi. Bu gol «Neftchi»ning gollar shousiga debocha bo‘ldi. 33-daqiqada Xurshid G‘iyosov farg‘onaliklarni hisobda oldinga olib chiqqan bo‘lsa, 37-daqiqada Stipe Peritsa oradagi farqni oshirdi – 1:3.

Ikkinchi bo‘limda ham maydonda...

22-iyul kuni O‘zbekistonning aksariyat hududlarida yog‘ingarchilik kutilmaydi. Havo harorati +39°C gacha ko‘tariladi. Farg‘ona vodiysi hamda tog‘oldi va tog‘li hududlarda qisqa muddatli yomg‘ir va momaqaldiroq kuzatilishi, ayrim joylarda sel-suv toshqini xavfi yuzaga kelishi mumkin.

Quyida ob-havo ma’lumoti viloyatlar kesimida:

Redmi yaqin orada Watch 6 turkumini ikkita yangi smart soat – Watch 6 Active va Watch 6 Lite modellari bilan kengaytirishi kutilmoqda. Bu haqda GSM Arena nashri ma’lum qildi.

Yangi modellarning narxi

Ma’lumotlarga ko‘ra, Redmi Watch 6 Active Yevropa davlatlarida 50 yevro, Redmi Watch 6 Lite esa 60 yevro narxda sotuvga chiqadi. Nomidan farqli o‘laroq, Active modeli Lite versiyasidan arzonroq bo‘ladi.

Har ikkala smart soat 140 dan ortiq sport rejimi, yurak urish tezligi va qondagi kislorod (SpO2) darajasini kuzatish, uyqu monitoringi hamda bosib o‘tilgan masofani hisoblash funksiyalariga ega bo‘ladi.

Ekran va texnik imkoniyatlar

Redmi Watch...

Google Maps’ga qo‘shilishi kutilayotgan yangi funksiya foydalanuvchilarga parvozlar, mehmonxona va restoran bronlari haqidagi ma’lumotlarni ilovaning o‘zida ko‘rsatishi mumkin. Bu haqda Android Authority nashri ma’lum qildi.

Yangi imkoniyatlar beta-versiyada

Google Maps’ning 26.30.00.950492155 raqamli beta-versiyasini tahlil qilish jarayonida Personal Intelligence funksiyasiga oid yangi kod satrlari aniqlagan.

Ularga ko‘ra, Google Maps Gmail, Google Photos va boshqa bog‘langan Google xizmatlaridagi ma’lumotlardan foydalanib, foydalanuvchiga moslashtirilgan tavsiyalarni taqdim etishi mumkin.

Parvozlar va bronlar endi Maps’da avtomatik ko‘rinadi

Yangi funksiya orqali Google Maps foydalanuvchining aviachiptalari, mehmonxona va restoran bronlari hamda boshqa tegishli ma’lumotlarni bog‘langan Google ilovalaridan avtomatik olib ko‘rsatishi kutilmoqda.

Google ta’kidlashicha, foydalanuvchilar...

AQSh prezidenti Donald Tramp Isroil bosh vaziri Binyamin Netanyahuning AQShga tashrifi davomida hibsga olinmasligini ma’lum qildi. Bu haqda Reuters agentligi xabar berdi.

Tramp Netanyahuni himoya qildi

Donald Tramp ijtimoiy tarmoqdagi sahifasida Binyamin Netanyahu AQSh hududida «hech qanday shaklda va hech qanday holatda» hibsga olinmasligini yozdi. U bu bayonotida Nyu-York meri Zohran Mamdanining avvalgi fikrlarini bevosita tilga olmadi.

Shuningdek, Tramp Isroilning Eronga qarshi urushdagi yordamini ham alohida e’tirof etdi.

Nyu-York meri Netanyaxuni hibsga oldirmoqchi

Nyu-York meri Zohran Mamdani avvalroq shahar yuridik departamenti Netanyahu shaharga tashrif buyurgan taqdirda amaldagi qonunchilik qanday choralar ko‘rishga imkon berishini o‘rganayotganini bildirgan.

Uning...