Yangiliklar

2026/2027-o‘quv yilidan boshlab bakalavriatni xorijiy tilda tamomlagan bitiruvchilar magistraturaga hujjat topshirishda xorijiy til sertifikatini taqdim qilishdan ozod etiladi. Bu tartib ta’lim tili xorijiy til bo‘lgan yo‘nalishlarda o‘qigan bakalavrlarga nisbatan qo‘llaniladi.

Yangi tartibga ko‘ra, bakalavriat ta’lim dasturini xorijiy tillardan birida tamomlagan bitiruvchilardan magistraturaga hujjat topshirishda milliy yoki xalqaro til sertifikati talab qilinmaydi.

Bunda bitiruvchi bakalavriat bosqichida ta’limni xorijiy tilda olgan bo‘lishi kerak.

Qaysi holatlarda sertifikat talab qilinmaydi

Mazkur tartib bakalavriat ta’lim dasturini milliy va xalqaro tan olingan sertifikatlar ro‘yxatida qayd etilgan 16 ta xorijiy tildan birida tamomlagan bitiruvchilarga tatbiq etiladi.

Shuningdek, abituriyent bakalavriatga qabul qilingan yildagi tasdiqlangan qabul...

Apple AQShda 28-iyuldan Apple Upgrade nomli yangi qurilmalarni ijaraga berish (lease-to-own) dasturini yo‘lga qo‘yadi. Bloomberg xabariga ko‘ra, loyiha xaridorlarga qurilmalarni oylik to‘lov asosida xarid qilish imkonini beradi.

iPhone, Mac va iPad dasturga kiritiladi

Dastur Klarna moliyaviy texnologiyalar kompaniyasi bilan hamkorlikda ishlaydi. Unga iPhone, iPad, Mac va Apple Watch’ning aksariyat zamonaviy modellari kiritiladi. Foydalanuvchilar ijara muddati davomida har oy to‘lov qiladi hamda muddat yakunida qurilmani sotib olish, yangi modelga almashtirish yoki o‘zida qoldirish imkoniga ega bo‘ladi.

Ba’zi modellar dasturdan chetda qoladi

Apple Watch SE, boshlang‘ich darajadagi iPad, iPhone 16 va MacBook Neo modellari yangi dasturga kiritilmaydi. Shuningdek, korporativ...

Pokistonning O‘zbekistondagi yangi elchisi Muhammad Mudassir Tipudan ishonch yorliqlari nusxalari qabul qilindi. Bu haqda tashqi ishlar vaziri Baxtiyor Saidov xabar berdi.

Uchrashuvda ikki davlat o‘rtasidagi strategik sheriklikni yanada rivojlantirish va oliy darajada erishilgan kelishuvlarni amalga oshirish masalalari muhokama qilindi.

Uchrashuvda O‘zbekiston va Pokiston o‘rtasidagi savdo-iqtisodiy hamda investitsiyaviy hamkorlikni kengaytirish masalalari alohida ko‘rib chiqildi.

Tomonlar Strategik hamkorlik kengashi doirasidagi mexanizmlarni faollashtirish, o‘zaro savdo hajmini oshirish va hududlararo aloqalarni rivojlantirishni ustuvor vazifalar sifatida qayd etdi.

O‘zbekiston tomoni ikki davlat o‘rtasidagi hamkorlikni yanada chuqurlashtirishga tayyorligini bildirdi. Tomonlar strategik sheriklik munosabatlarini yangi mazmun bilan boyitish va amaliy hamkorlikni kuchaytirish bo‘yicha yaqin muloqotni davom...

Rossiya Veterinariya va fitosanitariya nazorati bo‘yicha federal xizmati (Rosselxoznadzor) 23-iyuldan boshlab fitosanitariya talablarini eng ko‘p buzgan beshta o‘zbekistonlik eksportyorning karantin ostidagi mahsulotlarini import qilishni cheklashini ma’lum qildi.

Qaysi mahsulotlar cheklanadi

Cheklovlar oq va gulkaram, bosh piyoz, shivit, petrushka, uzum, lavlagi, pomidor hamda boshqa qator meva-sabzavot mahsulotlariga tatbiq etiladi.

Sabab – karantin obyektlari aniqlangani

Rosselxoznadzor ma’lumotiga ko‘ra, 2026-yil boshidan buyon O‘zbekistondan olib kirilgan mahsulotlarda 132 ta karantin obyekti aniqlangan. Ular orasida pomidorning jigarrang ajinli mevasi virusi, Janubiy Amerika pomidor kuyasi, g‘arbiy gul tripsi va lavlagi tomirlarining nekrotik sarg‘ayish virusi qayd etilgan.

Eksportyorlar nomi oshkor qilinmadi

Rossiya tomoni...

BMT Taraqqiyot dasturining O‘zbekistondagi doimiy vakili Akiko Fujii Toshkentda mehnat bozori transformatsiyasiga bag‘ishlangan forumda norasmiy bandlik mamlakat mehnat bozoridagi muhim muammolardan biri bo‘lib qolayotganini ta’kidladi, deya xabar berdi Kursiv Uzbekistan muxbiri. Uning aytishicha, ko‘plab ishchilar rasmiy mehnat munosabatlaridan tashqarida qolayotgani sabab ijtimoiy sug‘urta, pensiya va mehnat xavfsizligi kafolatlaridan foydalana olmayapti.

O‘zbekiston faol islohotlar bosqichida ekani qayd etildi

Akiko Fujii O‘zbekiston mintaqadagi eng faol islohotlar jarayonidan o‘tayotgan davlatlardan biri ekanini aytdi. Uning so‘zlariga ko‘ra, mamlakat so‘nggi yillarda iqtisodiyotni modernizatsiya qilish, bozorlarni ochish va islohotlar markaziga inson manfaatlarini qo‘yish yo‘lida qat’iy harakat qilmoqda.

U yangi Konstitutsiya mehnat huquqlari, ijtimoiy himoya...

Shavkat Mirziyoyev Toshkent – Samarqand yo‘nalishidagi yangi avtomobil yo‘li qurilishini mamlakat transport infratuzilmasini rivojlantirishdagi navbatdagi ulkan tarixiy qadam deb atadi. Davlat rahbari ishtirokida loyihaga tamal toshi qo‘yilib, qurilish rasman boshlandi.

282 kilometrlik zamonaviy avtomagistral barpo etiladi

Qiymati qariyb $2,2 milliard bo‘lgan loyiha doirasida uzunligi 282 kilometr bo‘lgan olti polosali avtomagistral quriladi. Unda 92 ta ko‘prik, 28 ta yo‘l o‘tkazgich va 60 ta tunnel tipidagi o‘tish joyi bunyod etilishi rejalashtirilgan. Yo‘l og‘ir yuk transporti uchun mo‘ljallangan monolit beton qoplama bilan quriladi hamda ayrim uchastkalarda avtomobillar soatiga 150 kilometr tezlikda harakatlana oladi.

Toshkent – Samarqand yo‘li ikki baravar qisqaradi

23-iyul uchun valyutalar kursi yangilandi. Unga ko‘ra, dollar kursi 62,28 so‘mga oshib, 12 048,24 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

16-iyul kuni 23,49 so‘mga oshib, 12 088,98 so‘mga, 17-iyul kuni 4,37 so‘mga oshib, 12 093,35 so‘mga, 20-iyul kuni esa 62,10 so‘mga tushib, 12 031,25 so‘mga teng bo‘ldi. AQSh valyutasi 21-iyul kuni 71,16 so‘mga tushib, 11 960,09 so‘mga, 22-iyul kuni 26,47 so‘mga oshib, 11 986,56 so‘mga tenglashdi.

Markaziy bank ma’lumotlariga ko‘ra, yevro 50,05 so‘mga oshib, 13 741,70 so‘mni, rubl esa 0,79 so‘mga oshib, 152,88 so‘mni tashkil etdi.

Avvalroq Kursiv...

General Motors (GM) Cadillac XT6 krossoveri AQSh bozoriga yangi avlod modeli sifatida qaytishini rasman tasdiqladi. Bu haqda kompaniya 2026-yilning ikkinchi choragi yakunlari bo‘yicha hisobotida ma’lum qildi, deya xabar berdi CNBC nashri.

Yangilangan benzinli modellarga urg‘u beriladi

GM bosh direktori Meri Barra Cadillac 2027-yil bahoridan boshlab yangi avlod ichki yonuv dvigatelli (ICE) avtomobillarini bosqichma-bosqich taqdim etishini bildirdi. 2028-yilgacha davom etadigan yangilanishlar doirasida CT5, XT5 va XT6 modellari qayta ishlab chiqariladi. Ular brendning elektr modellari — Escalade IQ, Vistiq, Lyriq va Optiq qatorini to‘ldiradi.

Yangi XT6 2028-yilda ishlab chiqarila boshlaydi

Ma’lumotlarga ko‘ra, yangi avlod Cadillac XT6 ishlab chiqarilishi 2028-yil...

Angliyaning «Liverpul» futbol klubi egasi Fenway Sports Group klubdagi yirik minoritar ulushni sotish bo‘yicha muzokaralar olib bormoqda. Bu haqda Financial Times xabar bermoqda.

Potensial xaridor sifatida britaniyalik tadbirkor Amit Bhatiya boshchiligidagi va po‘lat sanoati milliarderi Lakshmi Mittal oilasi qo‘llab-quvvatlayotgan investorlar konsorsiumi ko‘rilmoqda.

Financial Times ma’lumotiga ko‘ra, ehtimoliy bitim doirasida «Liverpul»ning umumiy qiymati $6 mlrddan yuqori baholanishi mumkin. Gap klubning to‘liq sotilishi haqida emas, balki undagi salmoqli minoritar ulushning yangi investorlarga o‘tishi haqida ketmoqda.

The Guardian manbalariga ko‘ra, tomonlar klub aksiyalarining 30 foizini sotish imkoniyatini muhokama qilmoqda. Muzokaralar taxminan uch oydan beri davom etayotgani aytilmoqda, biroq ulush miqdori va yakuniy...

Samarqand shahrida yo‘l-patrul xizmati xodimi boshqaruvidagi xizmat avtomobili piyodani urib yuborishi oqibatida bir kishi vafot etdi. Bu haqda viloyat Yo‘l harakati xavfsizligi boshqarmasi matbuot xizmati ma’lum qildi.

Piyoda voqea joyida vafot etgan

Ma’lumotlarga ko‘ra, 21-iyul kuni soat 18:15 atrofida «Shabbod» ko‘chasida YPX xodimi xizmatga biriktirilgan Tracker rusumli patrul avtomobilini boshqarib ketayotib, belgilanmagan joydan yo‘lni kesib o‘tayotgan 1951-yilda tug‘ilgan piyodani urib yuborgan. Oqibatda fuqaro olgan og‘ir tan jarohatlari sabab voqea joyida vafot etgan.

Tergov davom etmoqda

Mazkur yo‘l-transport hodisasi yuzasidan Samarqand shahar prokuraturasi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilgan. Hozirda holat yuzasidan tergov harakatlari olib...

Shavkat Mirziyoyev Toshkent viloyatining O‘rta Chirchiq tumanida Toshkent–Samarqand yo‘nalishidagi yangi avtomobil yo‘li qurilishiga tamal toshi qo‘yish marosimida ishtirok etdi. Bu haqda prezident matbuot xizmati xabar berdi.

Transport yo‘laklari iqtisodiy imkoniyatlarni kengaytiradi

Davlat rahbarining ta’kidlashicha, so‘nggi yillarda O‘zbekiston iqtisodiyoti uch baravar o‘sgan. 2030-yilgacha uning hajmini $240 milliardga yetkazish maqsadi qo‘yilgan bo‘lib, buning uchun zamonaviy transport va logistika infratuzilmasini rivojlantirish muhim ahamiyat kasb etadi.

Tranzit hajmi oshadi

Qayd etilishicha, Xitoy – Qirg‘iziston – O‘zbekiston va Transafg‘on temir yo‘llari ishga tushgach, mamlakat Tinch okeanidan Yevropagacha bo‘lgan eng qisqa quruqlik transport yo‘lagining muhim bo‘g‘iniga aylanadi. Bu orqali Pokiston portlari hamda Janubiy...

O‘zbekistonda 2026-yilning yanvar–iyun oylarida soliq huquqbuzarliklari haqida xabar bergan fuqarolarga jami 20,2 mlrd so‘m mukofot puli to‘landi. Bu haqda Soliq qo‘mitasi ma’lum qildi.

Yilning dastlabki olti oyida «Soliq» mobil ilovasidagi «Soliq hamkor» tizimi orqali 63 714 ta murojaat kelib tushgan. Ularning 51 974 tasi yoki 81,6 foizi xarid uchun chek bermaslik bilan bog‘liq. Shuningdek, 2 149 ta murojaatda to‘lovni plastik karta orqali qabul qilmaslik, 135 tasida karta orqali hisob-kitob qilganda xarid summasini oshirish, yana 9 456 tasida boshqa turdagi soliq huquqbuzarliklari haqida xabar berilgan.

Kelib tushgan murojaatlarning 19 040 tasi takroriy bo‘lgani yoki shikoyat qilingan tadbirkorlik subyektida tekshiruv davom...

O‘zbekiston tashqi ishlar vaziri Baxtiyor Saidov Malayziyaning O‘zbekistonga yangi tayinlangan Favqulodda va muxtor elchisi Rafeda binti Abdul Azizning ishonch yorliqlari nusxalarini qabul qildi. Bu haqda TIV matbuot xizmati xabar berdi.

Savdo va investitsiya loyihalari muhokama qilindi

Uchrashuvda O‘zbekiston va Malayziya o‘rtasidagi ko‘p qirrali hamkorlikni yanada rivojlantirish istiqbollari muhokama qilindi. Tomonlar so‘nggi yillarda oliy darajadagi muloqotlar tufayli ikki davlat o‘rtasidagi munosabatlar sifat jihatidan yangi bosqichga ko‘tarilganini ta’kidladi.

Shuningdek, savdo-iqtisodiy aloqalarni kengaytirish, investitsiyaviy hamkorlikni chuqurlashtirish hamda turli sohalarda yangi qo‘shma loyihalarni amalga oshirish masalalariga alohida e’tibor qaratildi.

Yangi elchiga muvaffaqiyat tilandi

Baxtiyor Saidov elchi Rafeda binti Abdul Azizga O‘zbekistondagi...

Motorola Razr ishlab chiquvchilaridan biri Tan Kayvey Jo Hollier bilan birga yangi Light Flip buklama telefonini taqdim etdi. IT Home nashriga ko‘ra, qurilma odatiy smartfonlardan charchagan va chalg‘ituvchi funksiyalarsiz sodda telefon ishlatishni istagan foydalanuvchilar uchun mo‘ljallangan.

Telefon tashqi ekransiz ishlab chiqildi

Light Flip zamonaviy buklama smartfonlardan farqli ravishda tashqi ekranga ega emas. Unda faqat ichki 2,8 dyuymli OLED displey mavjud.

Kompaniyaga ko‘ra, tashqi ekrandan voz kechish foydalanuvchilar istagi asosida qabul qilingan. Korpusning tashqi qismida esa bildirishnomalarni ko‘rsatish uchun kichik yorug‘lik indikatori joylashtirilgan.

Qurilma kamroq chalg‘itish uchun yaratilgan

Tan Kayveyning aytishicha, jamoa bir necha yil davomida buklama telefon...

AQSh prezidenti Donald Tramp Eron yadro dasturini qayta tiklashga uringan har qanday obyektga kuchli harbiy zarba berilishini ma’lum qildi. U bu haqda Oq uyda Livan prezidenti Jozef Aun bilan uchrashuv vaqtida jurnalistlarga gapirdi.

Trampning ta’kidlashicha, Vashington Eronning yadro faoliyati bilan bog‘liq deb hisoblagan har qanday hududni nishonga olishga tayyor. AQSh prezidenti Tehron yadro quroliga ega bo‘lish imkoniyatiga ega emasligini va Amerika harbiy operatsiyalari Eronning tegishli infratuzilmasini jiddiy zaiflashtirganini da’vo qildi. Bu bayonotlarning mustaqil tasdig‘i keltirilmagan.

AQShning ehtimoliy nishonlaridan biri sifatida Natanz yadroviy majmuasi yaqinidagi tog‘ ostida barpo etilgan Pickaxe Mountain majmuasi tilga olindi. The Wall Street Journal manbalariga ko‘ra...

Fransiya Yevropada 15 yoshgacha bo‘lgan bolalar uchun ijtimoiy tarmoqlardan foydalanishni rasman cheklagan ilk davlatga aylandi. Bu haqda BFMTV telekanali xabar berdi.

Mamlakat parlamenti yangi qonunni 279 ovoz bilan ma’qulladi, 81 deputat esa unga qarshi ovoz berdi.

Ijtimoiy tarmoqlar yoshni tekshiradi

Qonunga ko‘ra, ijtimoiy tarmoqlar foydalanuvchilarning yoshini tekshirishi shart bo‘ladi. Biroq hujjatda yoshni tasdiqlashning aniq mexanizmlari hali belgilanmagan.

Maktablarda telefonlardan foydalanish ham cheklanadi

Yangi tartib o‘rta maktab o‘quvchilarining ta’lim muassasalarida mobil telefonlardan foydalanishini ham taqiqlaydi.

Qonun bosqichma-bosqich kuchga kiradi

Hukumat rejasiga ko‘ra, 2026-yil 1-sentabrdan boshlab yangi akkauntlar yosh tekshiruvidan o‘tkaziladi. Mavjud akkauntlarga esa yangi talablar 2027-yil 1-yanvardan...

Jahon banki Markaziy Osiyoda transchegaraviy suv resurslarini boshqarishni yaxshilash uchun $20 mln miqdoridagi grant ajratadi. Bu haqda bank matbuot xizmati xabar berdi.

Bankning Ijrochi direktorlar kengashi 21-iyul kuni mintaqada suv hamkorligini rivojlantirishga qaratilgan yangi loyihani ma’qulladi. Uning amalga oshirilishi natijasida Markaziy Osiyodagi qariyb 40 mln kishi bevosita yoki bilvosita manfaatdor bo‘lishi kutilmoqda.

Grant Orolni qutqarish xalqaro jamg‘armasi Ijroiya qo‘mitasiga taqdim etiladi. Mablag‘ «Markaziy Osiyoda suv resurslarini samarali boshqarish sohasida hamkorlik» – CAWEC loyihasini amalga oshirishga yo‘naltiriladi.

Loyiha mintaqa davlatlariga suv xo‘jaligi infratuzilmasini modernizatsiya qilish, suv resurslarini saqlash va boshqarishga qo‘shimcha investitsiyalar jalb etish hamda umumiy suv manbalaridan foydalanish bo‘yicha...

Xitoy mahalliy brendlardan biri 10 000 mA/soat sig‘imli batareyaga ega yangi smartfon ustida ishlayotganini ma’lum qildi. Taxminlarga ko‘ra, gap Huawei Nova 16 SE yoki Enjoy 90 seriyasining katta modeli haqida ketayotgan bo‘lishi mumkin.

Digital Chat Station ma’lumotiga ko‘ra, yangi smartfon avtonomlik bo‘yicha «monster» modellardan biri bo‘lishi mumkin. Qurilmaga 10 000 mA/soat sig‘imli akkumulyator o‘rnatilishi aytilmoqda.

6,84 dyuymli OLED ekran va 50 MP kamera kutilmoqda

Smartfonga 6,84 dyuymli tekis OLED ekran o‘rnatilishi mumkin. Displey 1,5K aniqlikni qo‘llab-quvvatlashi aytilmoqda.

Shuningdek, qurilma 50 megapikselli asosiy kamera va «8-seriyali protsessor» bilan jihozlanishi mumkin. Hozircha chip nomi aniq aytilmagan.

Bu Huawei Nova...

«Yandex Ads»ning O‘zbekistondagi direktori, Mansur Usmonovning ta’kidlashicha, O‘zbekiston mobil ilovalar bozori Markaziy Osiyodagi eng tez rivojlanayotgan bozorlardan biridir. Sensor Tower bahosiga ko‘ra, mamlakatda ilovalarni yuklab olish soni 2027-yilga kelib ikki baravar oshib, qariyb 1,8 milliardga yetadi. Buning asosiy omillari qatoriga yosh aholi, internetdan foydalanish darajasining yuqoriligi – taxminan 32,7 million foydalanuvchi (DataReportal, 2025-yil) – hamda kontentning asosan mobil qurilmalarda iste’mol qilinishi kiradi: veb-trafikning 60 foizdan ortig‘i smartfonlar hissasiga to‘g‘ri keladi.

Biznesning foydalanuvchi uchun raqobati kuchaymoqda, buning ortidan yangi auditoriyani jalb qilish xarajatlari ham oshmoqda. Reklama beruvchilar uchun targ‘ibotning umumiy iqtisodiy samaradorligi va mijozning butun hayotiy sikli davomidagi qiymati (LTV) asosiy...

Toshkentda mehnat bozori transformatsiyasiga bag‘ishlangan forumda mamlakatdagi bandlik holati bo‘yicha yangi ma’lumotlar e’lon qilindi. 2026-yil 1-iyul holatiga ko‘ra, O‘zbekistonda ishsizlik darajasi 4,5 foizga tushib, o‘tgan yilning mos davridagiga nisbatan 0,6 foiz punktga kamaydi.

Shuningdek, 1-iyul holatiga mamlakat mehnat resurslari soni 21 mln nafarni tashkil etgan. Bu o‘tgan yilning mos davridagiga nisbatan 544 ming nafarga ko‘p.

Band aholi soni esa 15 mln nafarga yetgan. Bu ko‘rsatkich bir yil avvalgiga nisbatan 529 ming nafarga oshgan.

Ishsizlik 0,6 foiz punktga kamaydi

Asosiy ko‘rsatkichlardan biri sifatida ishsizlik darajasi e’lon qilindi. Unga ko‘ra, O‘zbekistonda ishsizlik darajasi 4,5 foizni tashkil etgan.

Bu o‘tgan yildagiga...

«O‘zbekneftgaz» sobiq rahbari Bahodir Sidiqov va yana sakkiz kishiga nisbatan yuritilgan jinoyat ishi Jinoyat ishlari bo‘yicha Yashnobod tumani sudiga kelib tushdi. Bu haqda Kursiv Uzbekistan muxbiriga Toshkent shahar sudi matbuot kotibi Tursunali Akbarov ma’lum qildi.

Ishda jami to‘qqiz kishi sudlanuvchi sifatida qatnashmoqda

Sudlanuvchilar orasida «O‘zbekneftgaz» sobiq rahbari Bahodir Sidiqov, kompaniya sobiq boshqaruv raisi o‘rinbosari Baxtiyor Anarqulov, Eriell Management direktori Nodirjon Boboyev, Enter Engineering rahbari Ulug‘bek Usmonov va yana besh kishi bor.

Ish Yashnobod tumani sudi tomonidan 24-iyul kuni sud majlisida ko‘rib chiqilishi belgilangan jinoyat ishlari ro‘yxatiga kiritilgan.

Ularga bir nechta moddalar bo‘yicha ayblov qo‘yilgan

Ma’lumotlarga ko‘ra, sudlanuvchilarga nisbatan...

Yangi taqdim etiladigan iPhone 20 Pro Max 6,96 dyuymli ekran bilan jihozlanishi mumkin. Modelni namoyish qilish 2027-yilga rejalashtirilgan.

Apple ayni paytda yangi displeyni ichki sinovlardan o‘tkazmoqda. Ekranning haqiqiy diagonali 6,96 dyuym bo‘lsa-da, kompaniya uni marketing materiallarida 7 dyuymli displey sifatida taqdim etishi ehtimoli bor.

Taqqoslash uchun, iPad mini 8,3 dyuymli ekranga ega. Shunday qilib, kelajakdagi iPhone 20 Pro Max displeyi o‘lchami bo‘yicha kichik planshetlarga yanada yaqinlashadi.

Shu bilan birga, smartfon korpusi keskin kattalashmasligi kutilmoqda. Manbaga ko‘ra, yangi model ekranining tomonlar nisbati 6,9 dyuymli iPhone 17 Pro Max’dagi ko‘rsatkich bilan bir xil bo‘lib qoladi. Apple ramkalarni yanada ingichkalashtirish orqali katta...

O‘zbekiston milliy terma jamoasi futbolchilari Eldor Shomurodov va Abbosbek Fayzullayev to‘p surayotgan «Istanbul Bashakshehir» yangi mavsumdagi ilk rasmiy uchrashuvini UEFA Konferensiyalar ligasida o‘tkazadi. Turkiya klubi musobaqaning ikkinchi saralash bosqichida Finlyandiyaning Turku shahri sharafini himoya qiluvchi «Inter» jamoasini qabul qiladi.

Uchrashuv 22-iyul kuni «Bashakshehir Fotih Terim» stadionida bo‘lib o‘tadi va Toshkent vaqti bilan soat 22:45 da boshlanadi. Bahsni ispaniyalik hakam Xuan Martines Munuera boshqaradi. Ushbu o‘yin Shomurodov va Fayzullayev uchun 2026-yilgi jahon chempionatidan keyingi ilk rasmiy klub uchrashuvi bo‘lishi mumkin.

Jamoada nima yangiliklar

«Istanbul Bashakshehir» o‘tgan mavsum Turkiya Superligasida 57 ochko jamg‘arib, beshinchi o‘rinni egallagan. Jamoa uchinchi o‘rinni band...

Navoiy kon-metallurgiya kombinati «Muruntov» koni hududida sodir bo‘lgan yo‘l-transport hodisasi bo‘yicha rasmiy munosabat bildirdi. Ma’lum qilinishicha, 21-iyul kuni avtoag‘dargich va xizmat avtomashinasi ishtirokidagi hodisa oqibatida ikki nafar ishchi-xodim vafot etgan.

NKMK matbuot xizmatiga ko‘ra, hodisa 21-iyul kuni soat 05:30 lar atrofida «Muruntov» koni hududida yuz bergan.

Dastlabki rasmiy ma’lumotlarda yo‘l-transport hodisasida avtoag‘dargich va xizmat avtomashinasi ishtirok etgani aytilmoqda. Hodisa oqibatida ikki nafar ishchi-xodim halok bo‘lgan.

Holat bo‘yicha tekshiruv boshlandi

Mazkur holat yuzasidan huquqni muhofaza qiluvchi organlar tomonidan tergovga qadar tekshiruv ishlari olib borilmoqda.

Shuningdek, nazorat qiluvchi davlat tashkilotlari tomonidan maxsus tekshiruv o‘tkazilib, hodisaning qanday sodir bo‘lgani va uning...