Yangiliklar

Namangan viloyati Yangiqo‘rg‘on tumanida do‘l yog‘ishining oldini olish uchun 18 dona «Alazan-6» do‘lga qarshi mahsulot qo‘llandi. «O‘zgidromet»ga ko‘ra, ishlar 23-iyul kuni soat 12:29 dan 12:34 gacha olib borilgan.

Do‘lli bulut Qirg‘iziston tomondan kirib kelgan

Ma’lumotga ko‘ra, 2026-yil 23-iyul kuni Yangiqo‘rg‘on tumaniga qo‘shni Qirg‘iziston hududining shimoli-g‘arbiy qismidan konvektiv do‘lli bulut kirib kelgan.

Shu sabab qishloq xo‘jaligi mahsulotlarini do‘lning salbiy ta’siridan himoya qilish maqsadida maxsus ta’sir ko‘rsatish ishlari o‘tkazilgan.

Ishlar besh daqiqa davom etgan

Yangiqo‘rg‘on GJTK BMS tomonidan do‘l jarayonli bulutlarga ta’sir ko‘rsatish ishlari soat 12:29 dan 12:34 gacha davom etgan.

Bu vaqt oralig‘ida jami 18 dona «Alazan-6» do‘lga...

Yevropa komissiyasi Google kompaniyasini 890 million yevro (qariyb 1 milliard dollar) miqdorida jarimaga tortdi. Regulyatorga ko‘ra, kompaniya o‘z xizmatlariga ustunlik berib, raqobatchilar faoliyatini cheklagan.

Qidiruv va Play Store bo‘yicha qoidabuzarliklar aniqlandi

Jarimaning 460 million yevrosi qidiruv tizimida Google xizmatlariga asossiz ustunlik bergani, yana 430 million yevrosi esa Play Store orqali ilova ishlab chiquvchilarning foydalanuvchilarni boshqa platformalarga yo‘naltirishiga to‘sqinlik qilgani uchun qo‘llanildi.

Google’ga 60 kun muhlat berildi

Yevrokomissiya kompaniyadan 60 kun ichida faoliyatini Yevropa Ittifoqining Raqamli bozorlar to‘g‘risidagi qonuni (DMA) talablariga moslashtirishni talab qildi. Aks holda Google’ga nisbatan qo‘shimcha muntazam jarimalar qo‘llanilishi mumkin.

Kompaniya qarorni tanqid qildi

2026-yil 8-iyul kuni «Toshkent» Respublika fond birjasida O‘zbekiston tarixida ilk bor ipoteka obligatsiyalarini joylashtirish bo‘yicha 40,56 mlrd so‘mlik bitim amalga oshirildi. Prezidentning PF-26-sonli farmoni doirasida «UMRC SPV» MChJ emitent sifatida umumiy qiymati 200 mlrd so‘mlik pilot loyihani boshlab berdi. Sekyuritizatsiya mexanizmi qanday ishlashi, nima uchun dastlabki bitim nazorat qilinadigan «qumdon» sharoitida o‘tkazilgani hamda ushbu qimmatli qog‘ozlarni jismoniy shaxslar ham sotib olishi mumkin bo‘ladimi? Shu va boshqa savollarga «Toshkent» RFB boshqaruvi raisi vazifasini vaqtincha bajaruvchi Fayzulla Tashov Kursiv Uzbekistan’ga bergan intervyusida so‘zlab berdi.

— Fayzulla Muratovich, ipoteka obligatsiyalari nima va nima uchun ushbu instrument aynan hozir O‘zbekiston bozorida...

Respublika davlat muzeylarida o‘tkazilayotgan xatlov ishlari davomida «Qo‘qon» davlat muzey-qo‘riqxonasi hamda Sirdaryo viloyati tarixi va madaniyati davlat muzeyi fondlarida eksponatlar kamomadi aniqlandi. Bu haqda Madaniy meros agentligi ma’lum qildi.

500 ga yaqin eksponatlar topilmadi

Xatlov komissiyasi ma’lumotlariga ko‘ra, «Qo‘qon» davlat muzey-qo‘riqxonasi va uning filiallari, jumladan, G‘afur G‘ulom nomidagi Qo‘qon adabiyot muzeyida 500 ga yaqin, Sirdaryo viloyati tarixi va madaniyati davlat muzeyida esa 16 ta fond eksponati joyida mavjud emasligi qayd etilgan.

Hujjatlar prokuraturaga taqdim etildi

Aniqlangan kamomadlar yuzasidan huquqiy baho berish va aybdorlarga nisbatan tegishli choralar ko‘rish uchun barcha hujjatlar prokuratura organlariga yuborilgan.

Xatlov ishlari davom...

Urganch va Xiva o‘rtasida qurilayotgan O‘zbekistondagi ilk pulli avtomobil yo‘lini 2026-yil avgust oyida foydalanishga topshirish rejalashtirilmoqda. Bu haqda Shavkat Mirziyoyev 22-iyul kuni Toshkent – Samarqand avtomagistrali qurilishi boshlanishiga bag‘ishlangan marosimda ma’lum qildi.

«Respublikamizning tarixiy markazlaridan biri bo‘lgan Xivani Urganch shahri bilan bog‘laydigan ilk pulli yo‘l qurilishini allaqachon boshlaganmiz. Nasib qilsa uni keyingi oy foydalanishga topshiramiz. Bu nafaqat ushbu hudud aholisi uchun, balki xorijiy va mahalliy sayyohlar uchun ham muhim turizm infratuzilmasi sifatida xizmat qiladi», – dedi prezident.

Qurilish ishlari 80 foizga yakunlandi

Avtomobil yo‘llari qo‘mitasiga ko‘ra, bugungi kunda qurilish ishlarining 80 foizi...

Angliya terma jamoasining sobiq futbolchisi Devid Bekhem 2026-yilgi jahon chempionati bilan bog‘liq reklama shartnomalaridan taxminan $25 mln daromad olgan. Bu haqda The Times xabar bermoqda.

Bekhem professional futbolchilik faoliyatini 2013-yilda yakunlaganiga qaramay, jahon sportidagi eng talabgir reklama qiyofalaridan biri bo‘lib qolmoqda. JCh – 2026 davomida u kamida 12 ta yirik brend kampaniyasida qatnashib, teletranslyatsiyalardagi reklama bloklari, stadion ekranlari va raqamli platformalarda muntazam namoyish etildi.

Nimalar ma’lum

Sobiq futbolchi Bank of America, Lay’s, Home Depot, Pepsi, McDonald’s, Stella Artois va Adidas kabi kompaniyalar bilan hamkorlik qilgan. Reklama kampaniyalari oziq-ovqat va ichimliklardan tortib bank xizmatlari, sport kiyimlari va chakana savdogacha...

24-iyul uchun valyutalar kursi yangilandi. Unga ko‘ra, dollar kursi 53 so‘mga oshib, 12 101,84 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

16-iyul kuni 23,49 so‘mga oshib, 12 088,98 so‘mga, 17-iyul kuni 4,37 so‘mga oshib, 12 093,35 so‘mga, 20-iyul kuni esa 62,10 so‘mga tushib, 12 031,25 so‘mga teng bo‘ldi. AQSh valyutasi 21-iyul kuni 71,16 so‘mga tushib, 11 960,09 so‘mga, 22-iyul kuni 26,47 so‘mga oshib, 11 986,56 so‘mga, 23-iyul kuni 62,28 so‘mga oshib, 12 048,24 so‘mga tenglashdi.

Markaziy bank ma’lumotlariga ko‘ra, yevro 70,13 so‘mga oshib, 13 811,83 so‘mni, rubl esa...

Iqtisodiyot va moliya vazirligi huzuridagi Yashirin iqtisodiyot ulushini qisqartirish, soliq va bojxona ma’murchiligini takomillashtirish, fiskal tahlillar instituti direktorining o‘rinbosari Dilshod Sultonov 1 foizlik soliq keshbeki tizimini imkon qadar tezroq bekor qilish kerakligini bildirdi. Bu haqda mutaxassis bergan intervyusida ma’lum qildi.

150 million dollarni boshqacha yo‘naltirish mumkin

Sultonovning ta’kidlashicha, amaldagi tizim bo‘yicha keshbek mablag‘larining qariyb 80 foizi chek berish amaliyoti allaqachon yo‘lga qo‘yilgan yirik supermarketlar va umumiy ovqatlanish tarmoqlari xaridorlariga to‘g‘ri kelmoqda. Uning fikricha, fuqarolarning chek talab qilish madaniyati shakllanib bo‘lgan va endi tizimni saqlab qolish maqsadga muvofiq emas.

Uning hisob-kitoblariga ko‘ra, davlat har yili 1 foizlik keshbek uchun...

Chilida bir haftadan beri davom etayotgan kuchli yomg‘irlar va suv toshqinlari kamida 10 kishining o‘limiga sabab bo‘ldi. AP News xabariga ko‘ra, tabiiy ofat El-Nino hodisasi bilan bog‘lanmoqda, rasmiylar esa suv toshqinlari sabab aloqadan uzilib qolgan 100 mingdan ortiq aholiga yetib borishga harakat qilmoqda.

Shimoliy hududlarda favqulodda holat e’lon qilindi

Kuchli yomg‘ir va shamol Chilining odatda quruq bo‘lgan Atakama va Kokimbo shimoliy hududlariga katta zarar yetkazdi.

Prezident Xose Antonio Kast hukumati dushanba kuni ushbu hududlarda favqulodda holat e’lon qildi. So‘nggi yillardagi eng og‘ir ob-havo ofatlaridan biri sifatida baholanayotgan hodisa oqibatida qutqaruv...

Maktabgacha va maktab ta’limi vazirligi anomal issiq tufayli vaqtincha faoliyati to‘xtatilgan bog‘cha xodimlariga ish haqi to‘liq to‘lanishini ma’lum qildi. Bu haqda «Xalq ta’limi info» xabar berdi.

Ota-onalardan ortiqcha to‘lov olinmaydi

Ko‘rsatmaga ko‘ra, bola bog‘chaga bormagan kunlar uchun ota-ona to‘lovi undirilmaydi. Agar to‘lov oldindan amalga oshirilgan bo‘lsa, ushbu summa keyingi oy to‘lovidan chegirib qolinadi.

Davomat asosiy mezon bo‘ladi

Vazirlikka ko‘ra, elektron davomat ma’lumotlari ota-onalar to‘lovi va boshqa hisob-kitoblarni amalga oshirish uchun yagona asos sifatida olinadi.

Bir nechta hududlarda bog‘chalar vaqtincha yopilgandi

Iyul oyidagi anomal issiq sabab Qoraqalpog‘iston Respublikasi, Xorazm, Navoiy, Buxoro, Farg‘ona va Toshkent viloyatlaridagi qator davlat...

Qashqadaryo viloyatining Chiroqchi tumanida keliniga muntazam jismoniy va ruhiy bosim o‘tkazib, uni o‘z joniga qasd qilish darajasiga yetkazgan qaynona 5 yil muddatga ozodlikdan mahrum etildi. Bu haqda sud hukmiga tayanib, «Millar» dasturi xabar berdi.

Doimiy haqorat va kaltaklashlar qayd etilgan

Sud hujjatlariga ko‘ra, 47 yoshli ayol 2022 – 2025-yillar davomida kelinini muntazam haqorat qilgan, kaltaklagan, uydan haydab yuborgan va ruhiy tazyiq o‘tkazgan. Shuningdek, u kelinining ota-onasi bilan uchrashishini cheklagan hamda telefondan foydalanishiga to‘sqinlik qilgan.

Fojia molxonada yuz bergan

Tergov ma’lumotlariga ko‘ra, 2025-yil 2-oktabr kuni kelin uzoq davom etgan zo‘ravonlik va ruhiy bosimga chiday olmay, yashash uyi hovlisidagi...

Oppo kompaniyasining kelajakdagi Oppo Find X10 turkumiga kiruvchi smartfonlar iPhone 17 Pro bilan birga sinovdan o‘tkazilmoqda. Kompaniya yangi avlod flagmanlarida orqa panel dizaynini sezilarli darajada o‘zgartirib, yirik dumaloq kamera blokidan voz kechishi mumkin.

Oppo Find X10, Find X10 Pro va Find X10 Pro Max modellari prototiplarida kameralar korpusning yuqori chap burchagida joylashgan alohida blokka o‘rnatilgan. Bunday yechim Oppo‘ning amaldagi flagmanlarida qo‘llanadigan katta aylana shaklidagi kamera modulidan keskin farq qiladi.

Smartfonlarning orqa paneli ikki qismli tuzilishga ega bo‘lishi aytilmoqda. Asosiy kamera obyektivlari chap tomonda, LED chaqnoq hamda qo‘shimcha sensor esa blokning o‘ng qismida joylashadi. Ushbu sensor ranglarni aniqroq qayd etish...

Xiaomi kompaniyasi iyul oxirida taqdim etilishi kutilayotgan yangi Xiaomi SkyNomad N90 yirik SUV modelining interyerini namoyish qildi. Bu haqda CarNewsChina xabar bermoqda.

Yetti o‘rindiqli SkyNomad N90 saloni 2+2+3 sxemasida tashkil etilgan. Bunda oldingi qatorda ikki, ikkinchi qatorda ikkita alohida, uchinchi qatorda esa uchta o‘rindiq joylashtirilgan. Hozir premium oilaviy SUVlar orasida 2+2+2 ko‘rinishidagi olti o‘rindiqli salon keng tarqalgan bo‘lsa-da, Xiaomi ko‘proq yo‘lovchi tashish imkonini beruvchi yetti o‘rindiqli yechimni tanlagan.

Xiaomi rahbari Ley Szunning ta’kidlashicha, bunday joylashuv farzandli oilalarga ota-onalari yoki enaga bilan birga sayohat qilish imkonini beradi. Shu bilan birga, ikkinchi qatordagi alohida o‘rindiqlar sabab avtomobildan biznes uchrashuvlari va mehmonlarni...

BTS reperi RM guruhda lider bo‘lish mas’uliyati qanday o‘zgargani haqida gapirdi. Uning aytishicha, dastlab u turli shaharlar, xarakterlar va orzularga ega yetti a’zoni birlashtirish uchun yetakchi rolini olgan, biroq vaqt o‘tishi bilan a’zolarning o‘z nomi, faoliyati va mustaqil yo‘li shakllangani sabab eski uslubda liderlik qilish endi ishlamay qolgan.

RM BTS’ga yillar davomida yo‘l ko‘rsatgan

RM, asl ismi Kim Nam-Joon BTS tashkil topganidan beri guruh yetakchisi sifatida tanilgan. U hali o‘smir yoshida guruhga qo‘shilgan va keyinchalik BTS xalqaro maydonga chiqqanida ingliz tilidagi intervyularda asosiy tarjimon va vakil vazifasini bajargan.

U ko‘p yillar davomida xorijdagi chiqishlar, suhbatlar va ommaviy tadbirlarda...

Donald Trampga tegishli Truth Social ijtimoiy tarmog‘i birja savdosi bilan shug‘ullanuvchi kompaniyalarga AQSh prezidenti postlarini soniyaning kichik ulushlari ichida yetkazib beruvchi pulli ma’lumotlar xizmatini taklif qilmoqda. Truth API deb nomlangan servisdan foydalanish oyiga $100 mingga tushadi.

Ko‘p yillik shartnoma tuzgan mijozlar uchun narx oyiga $60 minggacha pasaytirilishi rejalashtirilgan.

Trump Media & Technology Group ma’lumotlariga ko‘ra, servis Truth Social’dagi eng nufuzli o‘nta akkaunt postlarini moliyaviy tashkilotlarga odatiy bildirishnomalardan tezroq yetkazadi. Kompaniya vakili API foydalanuvchilarga postlarni ular ommaga e’lon qilinishidan oldin bermasligini, balki e’lon qilingan zahoti uzatishini ta’kidlagan. Biroq yuqori chastotali savdoda soniyaning mingdan yoki milliondan bir qismidagi ustunlik ham algoritmlarga...

2026-yilning birinchi yarim yilligida jismoniy shaxslar tijorat banklariga $12,3 mlrd miqdorida valyuta sotdi. Bu 2025-yilning mos davridagiga nisbatan qariyb 1,4 baravar ko‘p bo‘lib, aholining valyuta taklifi xarid hajmidan $5,5 mlrdga yuqori shakllandi.

Valyuta sotuvi sezilarli oshdi

Markaziy bank sharhiga ko‘ra, 2026-yil yanvar – iyun oylarida aholi tijorat banklariga $12,3 mlrd valyuta sotgan. 2025-yilning birinchi yarim yilligida mazkur ko‘rsatkich $9,1 mlrd edi.

Shu davrda jismoniy shaxslar tomonidan $6,8 mlrd valyuta sotib olingan. Bu o‘tgan yilning mos davridagiga nisbatan 26 foizga ko‘p.

Aholi valyuta bozorida qo‘shimcha taklif yaratdi

Jismoniy shaxslarning valyuta sotish hajmi xarid hajmidan $5,5 mlrdga ortiq bo‘ldi...

Belarus prezidenti Aleksandr Lukashenko mamlakatga jalb etilayotgan o‘zbekistonlik ishchilar bir necha ming dollar miqdorida maosh olishni kutmasligi kerakligini bildirdi. Uning aytishicha, «katta pul» topishni istaganlar Rossiyada, jumladan, neft konlarida ishlash imkoniyatini ko‘rib chiqishi mumkin.

Lukashenko 21-iyul kuni o‘tkazilgan selektor yig‘ilishida O‘zbekistondan ishchilarni jalb qilishdan asosiy maqsad shunchaki ularni ish bilan ta’minlash emas, balki Belarusda go‘sht, sut va boshqa qishloq xo‘jaligi mahsulotlari ishlab chiqarishni ko‘paytirish ekanini aytdi.

Belarus rahbarining so‘zlariga ko‘ra, Shavkat Mirziyoyev fuqarolarni ishga joylashtirish bilan birga, mamlakatga go‘sht va sut yetkazib berishni ko‘paytirish masalasini ham ko‘targan.

Lukashenko Belarusda yer va suv resurslari yetarli ekanini, biroq qishloq xo‘jaligida ishchi...

Markaziy bank jismoniy shaxslarga masofadan moliyaviy xizmat ko‘rsatishda axborot xavfsizligi, kiberxavfsizlik va firibgarlik holatlarining oldini olish bo‘yicha minimal talablarni o‘zgartirishni taklif qilmoqda. Yangi loyiha jamoatchilik muhokamasiga qo‘yildi.

Taklif qilinayotgan o‘zgarishlarning asosiy qismi mobil ilovalarda biometrik identifikatsiyadan foydalanish tartibiga taalluqli. Amaldagi qoidalarga ko‘ra, foydalanuvchi akkauntga kirish, parolni tiklash, yangi qurilmadan foydalanish, ro‘yxatdan o‘tish va bank kartasini biriktirish kabi holatlarda biometrik tekshiruvdan o‘tishi kerak.

Loyiha qabul qilinsa, biometrik identifikatsiya, asosan, parolni tiklash va akkauntga yangi qurilmadan kirish holatlarida saqlab qolinadi. Mobil ilovaga oddiy kirish va bank kartasini akkauntga biriktirishda esa biometrik tekshiruv talab qilinmaydi. Kartani ulash uchun foydalanuvchiga yuborilgan bir martalik...

AvtoVAZ’ning yangi Lada Azimut krossoveri yuqori komplektatsiyada tabiiy charm bilan qoplangan salon, panoramali tom va smartfon uchun simsiz quvvatlash tizimiga ega bo‘lishi mumkin. Modelning bazaviy va eng qimmat versiyalari jihozlari haqidagi ma’lumotlar oshkor qilindi.

Bazaviy Lada Azimut barqarorlashtirish tizimi, konditsioner, «Sber» xizmatlari o‘rnatilgan multimedia majmuasi, yuvish funksiyasiga ega orqa kamera va kalitsiz kirish tizimi bilan jihozlanishi aytilmoqda. Shuningdek, masofadan dvigatelni ishga tushirish imkonini beruvchi telematika, raqamli asboblar paneli, elektron qo‘l tormozi, LED faralar va dinamik burilish chiroqlari ham standart jihozlar qatoriga kirishi mumkin.

Yuqori komplektatsiyada yon xavfsizlik yostiqchalari, xavfsizlik pardalari va «ko‘r» hududlarni nazorat qilish tizimi paydo bo‘lishi kutilmoqda...

Mangal Fest 2026 tadbiri o‘tkazilishi munosabati bilan Toshkent shahrining Sergeli tumanida transport harakati vaqtincha cheklanadi. Toshkent shahar hokimligiga ko‘ra, Sug‘diyona ko‘chasining ayrim qismi 23-iyuldan 26-iyulgacha yopiq bo‘ladi.

Cheklov Sug‘diyona ko‘chasining Yangi Sergeli ko‘chasi bilan kesishmasidan Jaloyir ko‘chasi bilan kesishmasigacha bo‘lgan qismida amal qiladi. Ushbu oraliqda transport vositalari harakati vaqtincha to‘xtatiladi.

Haydovchilardan yo‘nalishlarini oldindan rejalashtirish va aylanma yo‘llardan foydalanish so‘raldi. Mas’ullar vaqtinchalik noqulayliklar uchun uzr so‘radi.

Eslatib o‘tamiz, avvalroq Toshkent – Nurafshon yo‘lida kuniga 130 ming avtomobil o‘tkaza oladigan yo‘l o‘tkazgich ochilgandi. Qiymati 240 milliard so‘m bo‘lgan loyiha Bektemir va O‘rta Chirchiq tumanlari tutashgan hududda amalga oshirildi. Majmua tarkibidan...

AQSh mudofaa vaziri Pit Xegset Eronga qarshi harbiy amaliyotlar xarajati hozircha $37,5 mlrdga yetganini ma’lum qildi. Pentagon Kongressdan kelgusi oylar uchun yana $67 mlrd qo‘shimcha mablag‘ so‘ramoqda.

Xegset bu raqamni Senatning ajratmalar bo‘yicha qo‘mitasidagi tinglovda aytdi. Avvalroq Pentagon rasmiylari urush xarajatini aprel oxirida $25 mlrd, keyinroq esa qariyb $30 mlrd deb baholagan edi.

Mudofaa vazirining so‘zlariga ko‘ra, $37,5 mlrdlik hisob-kitobga ish haqi, operatsiyalar, texnik xizmat ko‘rsatish va budjet yili oxirigacha kutilayotgan boshqa xarajatlar kiritilgan.

Pentagon $67 mlrd qo‘shimcha mablag‘ so‘ramoqda

AQSh Mudofaa vazirligi Kongressdan Eronga qarshi harbiy amaliyotlarni davom ettirish uchun $67 mlrd qo‘shimcha moliyalashtirish ajratishni so‘ramoqda.

Bu...

O‘zbekiston U-23 olimpiya terma jamoasi Yaponiyada bo‘lib o‘tadigan XX yozgi Osiyo o‘yinlarining «C» guruhidan joy oldi. Bu haqda O‘FA xabar bermoqda.

Qur’a natijasiga ko‘ra, o‘zbekistonlik futbolchilar guruh bosqichida Vyetnam, Filippin va Kuvayt terma jamoalariga qarshi maydonga tushadi.

23-iyul kuni Nagoyadagi Hilton mehmonxonasida Osiyo o‘yinlarining jamoaviy sport turlari bo‘yicha qur’a tashlash marosimi o‘tkazildi. Unda futbol bilan bir qatorda suv polosi, gandbol, sepak takro, kabaddi, kriket, regbi-7 va voleybol musobaqalarining guruhlari ham aniqlanadi.

O‘zbekiston sharafini futbol musobaqalarida U-23 olimpiya terma jamoasi bilan birga ayollar milliy terma jamoasi ham himoya qiladi. O‘yinlarning aniq taqvimi va uchrashuvlar o‘tkaziladigan stadionlar tashkiliy qo‘mita tomonidan alohida...

Qariyb ikki yil davom etgan rekonstruksiya ishlaridan so‘ng O‘zbekiston tarixi davlat muzeyi yana tashrifchilarni qabul qilishni boshlaydi. Fanlar akademiyasi ma’lum qilishicha, ochilish marosimi 24-iyul kuni soat 10:00 da bo‘lib o‘tadi.

Muzey 150 yillik yubiley arafasida

O‘zbekiston tarixi davlat muzeyi 1876-yilda tashkil etilgan. Bu yil muzey o‘zining 150 yillik yubileyini nishonlash arafasida turibdi.

Muzey O‘zbekiston tarixini keng va ko‘p qirrali yorituvchi yurtimizdagi yagona muzeylardan biri hisoblanadi.

Muzey fondida 350 mingdan ortiq tarixiy buyumlar bor

O‘zbekiston tarixi davlat muzeyi xazinasida 350 mingdan ziyod tarixiy buyumlar saqlanadi.

Shu bois muzey nafaqat O‘zbekiston, balki Markaziy Osiyodagi eng boy madaniy maskanlardan biri...

Turkiyada yashirinib yurgan, Interpol orqali xalqaro qidiruvda bo‘lgan uch nafar shaxs O‘zbekistonga ekstraditsiya qilindi. Ichki ishlar vazirligiga ko‘ra, ular jinsiy zo‘ravonlik va firibgarlik bilan bog‘liq jinoyatlarda ayblanmoqda.

Qidiruvdagi shaxslar Istanbulda ushlangan

Interpolning O‘zbekistondagi Milliy markaziy byurosi Turkiya huquqni muhofaza qiluvchi organlari hamda O‘zbekistonning Istanbuldagi Bosh konsulxonasi bilan hamkorlikda tezkor-qidiruv tadbirlarini o‘tkazdi.

Tadbirlar davomida Turkiyaning Istanbul shahrida yashirinib yurgan uch nafar xalqaro qidiruvdagi shaxsning manzili aniqlanib, ular qo‘lga olindi.

Ular turli jinoyatlarda ayblanmoqda

Ma’lumotga ko‘ra, qo‘lga olinganlardan biri Samarqand viloyatida tug‘ilgan 28 yoshli shaxs bo‘lib, u jinsiy zo‘ravonlik bilan bog‘liq og‘ir jinoyatni sodir etganlikda ayblanib xalqaro qidiruvga berilgan.