Yangiliklar

O‘zbekiston futbol assotsiatsiyasi Jahon chempionati chiptalari bo‘yicha tarqalgan savollarga javob berib, chiptalar savdosi FIFA tomonidan faqat rasmiy onlayn platformalar orqali bir necha bosqichda amalga oshirilganini ma’lum qildi. Bu haqda Kursiv Uzbekistan’ga rasmiy izoh berildi.

Assotsiatsiya ma’lumotiga ko‘ra, O‘zbekiston milliy terma jamoasining guruh bosqichi uchrashuvlari uchun uyushgan muxlislar sektoriga jami 14 073 ta chipta ajratilgan. Shundan 8 064 tasi o‘zbekistonlik futbol ishqibozlari tomonidan FIFA platformasi orqali to‘g‘ridan to‘g‘ri xarid qilingan.

Qolgan 6 009 ta chipta esa O‘zbekiston futbol assotsiatsiyasi, Sport vazirligi, Milliy Olimpiya qo‘mitasi, Professional futbol ligasi, hududiy futbol assotsiatsiyalari, futbol klublari, futbolchilar va ularning oila a’zolari, markazlashgan muxlislar jamoasi, sport...

Eron hukumati AQSh va Isroil zarbalari oqibatida halok bo‘lgan oliy rahbar Oyatulloh Ali Xomanaiy bilan vidolashuv marosimlari boshlandi. U 9-iyulgacha davom etadi.

Reuters xabariga ko‘ra, marosimlar Tehronda boshlanib, keyingi kunlarda Qum, Mashhad hamda Iroqning Najaf va Karbalo shaharlarida davom etadi.

Xomanaiyning o‘limi va uning o‘rniga o‘g‘li Mujtaba Xomanaiyning Eronning uchinchi oliy rahbari sifatida kelishi Islom Respublikasi tarixidagi eng muhim siyosiy voqealardan biri sifatida baholanmoqda. Reuters ma’lumotiga ko‘ra, Mujtaba otasi halok bo‘lgan zarba vaqtida og‘ir yaralangan va urush boshlanganidan beri uning yangi suratlari ommaga ko‘rsatilmagan.

Rasmiy marosimlar «Biz ko‘tarilishimiz kerak» shiori ostida o‘tkaziladi. 4-iyul kuni Tehrondagi Imom Humayniy Musallasida ikki...

O‘zbekiston Respublikasining Gruziyadagi elchixonasini ta’sis etish to‘g‘risida qaror qabul qilindi. Bu haqda prezident Shavkat Mirziyoyev va Gruziya bosh vaziri Irakliy Kobaxidze o‘rtasida tor doirada hamda ikki mamlakat rasmiy delegatsiyalari ishtirokida o‘tgan muzokaralar yakunida ma’lum qilindi.

Davlat rahbari uchrashuv avvalida O‘zbekiston prezidentining Gruziyaga yigirma yildan ortiq vaqtdan beri ilk bor amalga oshirilayotgan davlat tashrifi ikki mamlakat munosabatlarini sifat jihatdan yangi bosqichga olib chiqishda muhim ahamiyatga ega ekanini ta’kidladi.

Muzokaralarda siyosiy muloqot, savdo-iqtisodiy hamkorlik, investitsiya, transport-tranzit, turizm hamda madaniy-gumanitar aloqalarni kengaytirish masalalari ko‘rib chiqildi. Tomonlar hukumatlar, parlamentlar, ishbilarmon doiralar o‘rtasidagi faol aloqalarni va madaniy almashinuvlarni davom ettirish muhimligini qayd etdi.

Yevropa Ittifoqi 2026-yil 1-iyuldan boshlab ittifoq tashqarisidan yuboriladigan arzon onlayn buyurtmalar uchun vaqtinchalik 3 yevrolik boj to‘lovini joriy etdi. Yangi tartib qiymati 150 yevrogacha bo‘lgan posilkalarga taalluqli bo‘ladi.

Boj, asosan, e-commerce posilkalariga qo‘llanadi

Yangi boj Yevropa Ittifoqiga uchinchi davlatlardan yuboriladigan past qiymatli posilkalarga nisbatan qo‘llanadi. Bunga kiyim-kechak, o‘yinchoqlar, elektronika va internet orqali ko‘p xarid qilinadigan boshqa iste’mol tovarlari kiradi.

Hozirda qiymati 150 yevrodan past bo‘lgan posilkalar bojxona bojidan ozod qilingan. Yevropa Komissiyasi ushbu imtiyoz Yevropa Ittifoqidan tashqaridagi sotuvchilarga mahalliy biznesga nisbatan ustunlik berayotganini ta’kidlamoqda.

Nega yangi boj joriy qilinmoqda

Yevropa Ittifoqiga har kuni millionlab arzon posilkalar kirib...

2026-yilning I choragi yakuniga ko‘ra, O‘zbekistonning tashqi qarzi $82,2 mlrdga yetdi. Bu haqda Markaziy bank ma’lum qildi.

Regulyatorga ko‘ra, davlat tashqi qarzi $40,5 mlrdga, korporativ tashqi qarz esa $41,7 mlrdga teng bo‘ldi. Korporativ tashqi qarz tarkibida xususiy sektor, jumladan, tadbirkorlik subyektlari tomonidan davlat kafolatisiz jalb qilingan tashqi qarzlar aks ettiriladi. Bunday qarzlar bo‘yicha davlat majburiyati mavjud emas, to‘lovlar xo‘jalik subyektlari va banklarning o‘z mablag‘lari hisobidan amalga oshiriladi.

Hisobot davrida xalqaro zaxira aktivlarining xorijiy valyutadagi qismi $3,1 mlrdga kamaygan. Shu bilan birga, oltinning jahon bozoridagi narxi yuqori sur’atlarda o‘sgani hisobiga xalqaro zaxiralar qoldig‘i yil boshiga nisbatan qariyb $2,7 mlrdga ko‘paydi...

O‘zbekistonlik FIFA hakami Ilgiz Tantashev boshchiligidagi hakamlar brigadasi 2026-yilgi Jahon chempionatining 1/8 final bosqichidan o‘rin olgan Paragvay — Fransiya uchrashuviga tayinlandi.

Bahsda Ilgiz Tantashevga qanot hakamlari Andrey Sapenko va Timur Gaynullin yordam beradi. Shu tariqa o‘zbekistonlik hakamlar brigadasi mundialning pley-off bosqichidagi muhim uchrashuvlardan birida ishlaydi.

Eslatib o‘tamiz, Paragvay — Fransiya uchrashuvi 5-iyul kuni Toshkent vaqti bilan soat 02:00 da AQShning Filadelfiya shahrida bo‘lib o‘tadi. O‘yin AQSh mustaqilligining 250 yilligi munosabati bilan o‘tkaziladigan tantanalar davriga to‘g‘ri kelayotgani bois stadionga mamlakatning yuqori martabali davlat amaldorlari ham tashrif buyurishi kutilmoqda.

Eslatib o‘tamiz, «Kursiv» o‘zbekistonlik hakamlar Jazoir va Avstriya o‘rtasidagi gollarga boy uchrashuvni...

O‘zbekiston prezidenti Shavkat Mirziyoyev Gruziyaga davlat tashrifi doirasida 3-iyul kuni Tbilisi shahridagi Qahramonlar maydoniga tashrif buyurdi.

Davlat rahbari Gruziya birligi uchun halok bo‘lgan qahramonlar yodgorligi poyiga gulchambar qo‘ydi.

Marosimda Shavkat Mirziyoyev sharafiga faxriy qorovul saf tortdi. Harbiy orkestr ijrosida O‘zbekiston va Gruziya davlat madhiyalari yangradi.

Shavkat Mirziyoyev Gruziya bosh vaziri bilan uchrashdi

Shuningdek, prezident Shavkat Mirziyoyev va Gruziya bosh vaziri Irakliy Kobaxidze davlat rahbari sharafiga o‘tkazilgan qabul marosimida uchrashdi.

Shavkat Mirziyoyevning Gruziyaga davlat tashrifi doirasida ikki tomonlama munosabatlar va hamkorlik masalalari muhokama qilinishi kutilmoqda.

Eslatib o‘tamiz, avvalroq prezident Gruziyaning oliy davlat mukofoti – «Oltin mo‘yna» ordeni bilan...

O‘zbekistonda «Digital Team» idoralararo raqamli jamoasining faoliyat ko‘rsatish tartibi belgilandi. Bu haqda Adliya vazirligi xabar bermoqda.

Nizomda idoralararo raqamli jamoaning maqsadi, asosiy vazifalari, huquq va majburiyatlari hamda 2027 yil yakunigacha faoliyat ko‘rsatish tartibi belgilab berilgan.

Hujjatga ko‘ra, jamoaga Favqulodda vaziyatlar vazirining raqamlashtirish, innovatsiya va kiberxavfsizlikni ta’minlash bo‘yicha o‘rinbosari rahbarlik qiladi.

«Digital Team»ning asosiy vazifalari aholi va hududlarni favqulodda vaziyatlardan muhofaza qilish sohasiga raqamli texnologiyalar, zamonaviy raqamli yechimlar, dasturiy mahsulotlar, elektron xizmatlar va innovatsiyalarni joriy etish uchun zarur shart-sharoitlar yaratishdan iborat bo‘ladi.

Shuningdek, idoralararo raqamli jamoa sohani raqamlashtirish bo‘yicha tashabbus va takliflar ishlab chiqadi. Uning yig‘ilishlari hamda ularda ko‘rib...

Raqobat qo‘mitasi Trend brendi ostida pista mahsulotlarini ishlab chiqaruvchi «Oziq-ovqat standart karton» MChJga nisbatan moliyaviy jarima qo‘lladi. Bunga kompaniyaning reklama materiallarida qonun talablarini buzganligi sabab bo‘lgan.

Murojaat Mega brendi ishlab chiqaruvchisidan kelib tushgan

Tekshiruvga Mega brendi ostida pista mahsulotlari ishlab chiqaruvchi korxonaning murojaati asos bo‘ldi. Unda Trend brendining ijtimoiy tarmoqlardagi reklama roliklarida o‘z mahsulotini Mega mahsulotidan ustun qilib ko‘rsatadigan, shuningdek, raqobatchi brendning obro‘siga putur yetkazishi mumkin bo‘lgan tasvir va ifodalardan foydalanilgani qayd etilgan.

Qonunbuzarlik tasdiqlandi

Maxsus komissiya tomonidan o‘tkazilgan ko‘rib chiqish yakunida Trend brendi reklamasida nomaqbul (noto‘g‘ri) reklama alomatlari mavjudligi e’tirof etildi.

Natijada korxonaga belgilangan tartibda moliyaviy...

Nothing kompaniyasi Phone (4b) smartfoni bilan birga uning maxsus RCB Edition versiyasini ham chiqarishga tayyorlanmoqda. Qurilma Royal Challengers Bengaluru kriket jamoasi bilan hamkorlikda yaratilgan.

Maxsus versiya qizil rangda bo‘ladi

Nothing Phone (4b) RCB Edition’ning asosiy jihati – to‘q mat qizil rangdagi korpus.

Ma’lumotlarga ko‘ra, ushbu rang RCB jamoasi o‘yinchilari tomonidan tanlangan. Smartfonda jamoa logotiplari, maxsus mavzuli interfeys va kriket muxlislari uchun alohida qadoq bo‘lishi kutilmoqda.

Oddiy versiya...

Geely’ga qarashli Zeekr brendi flagman Zeekr 9X PHEV krossoverining besh o‘rinli versiyasi uchun Xitoyda 8-iyuldan oldindan buyurtmalar qabul qilishni boshlaydi. Avvalroq ushbu modifikatsiya Xitoy yo‘llarida sinov vaqtida ko‘ringan edi. Endi kompaniya modelni rasman o‘z rejasiga kiritganini tasdiqladi.

Zeekr 9X’ning olti o‘rinli versiyasi Xitoy bozorida o‘tgan yil sentabr oxirida sotuvga chiqqan. Uning narxi 465,9 ming yuandan 599,9 ming yuangacha bo‘lgan.

Besh o‘rinli Zeekr 9X haqida texnik tafsilotlar hozircha to‘liq ochiqlanmagan. Kompaniya ijtimoiy tarmoqlardagi bayonotida yangi versiya «9-seriyaning flagman xususiyatlarini meros qilib olishi» va besh o‘rinli lyuks tajribani qayta belgilashini ta’kidladi.

Zeekr e’lon qilgan rasmga qaraganda, besh o‘rinli versiya tashqi dizayn...

«O‘zgidromet» 4 – 6-iyul kunlari kutilayotgan yomg‘irlar sabab O‘zbekistonning ayrim tog‘oldi va tog‘li hududlarida sel-suv toshqinlari yuzaga kelishi mumkinligi haqida ogohlantirdi.

Unga ko‘ra, noqulay ob-havo Qashqadaryo, Surxondaryo, Samarqand, Navoiy, Jizzax, Toshkent, Namangan, Farg‘ona va Andijon viloyatlarining qator tumanlarida kuzatilishi mumkin.

Ayrim hududlarda suv to‘planishi ehtimoli mavjud

Kuchli yog‘ingarchilik natijasida tog‘lardan keladigan sel oqimlari bilan bir qatorda, ayrim aholi punktlari va yo‘llarda yomg‘ir suvlari to‘planib, hududlarni vaqtincha suv bosishi ehtimoli ham mavjud.

Shu sababli tog‘oldi va tog‘li hududlarda yashovchi fuqarolar, dam oluvchilar hamda ushbu yo‘nalishlarda harakatlanayotgan haydovchilarga ehtiyotkorlik choralarini kuchaytirish tavsiya etildi.

Xavfli hududlar

Sel-suv toshqini xavfi quyidagi...

iQOO Xitoyda Z11i smartfonini taqdim etdi. Gizmochinaga ko‘ra, qurilma katta batareya, 120 Gs ekran va Android 16 tizimi bilan jihozlangan budjet model sifatida chiqarildi.

Smartfon 120 Gs ekran oldi

iQOO Z11i 6,74 dyuymli LCD displeyga ega. Ekran 1600×720 piksel aniqlikni, 120 Gs yangilanish chastotasini va 1200 nitgacha maksimal yorqinlikni qo‘llab-quvvatlaydi.

Displeyda old kamera uchun tomchi shaklidagi kesim bor. Shuningdek, smartfonda DC Dimming, «qog‘oz» ko‘rinishidagi tasvir rejimi va ko‘k nurni kamaytirishga qaratilgan TUV Rheinland sertifikati mavjud.

Batareya sig‘imi 6500 mA/soat

Qurilmaning asosiy jihatlaridan biri 6500 mA/soat sig‘imli batareya. U 15 Vt quvvatda zaryadlanadi.

Smartfon teskari simli zaryadlashni ham...

AI-92 benzinining birjadagi o‘rtacha narxi (tonna uchun) 26-maydan 30-iyungacha 1,3 mln so‘mga yoki 10,6 foizga oshdi. 1-iyul kuni esa AI-92 markalari bo‘yicha narxlar tonnasi uchun 13,96 mln so‘m atrofida shakllandi.

1-iyul kungi birja savdolari yakuniga ko‘ra, oddiy avtobenzin A-92 bo‘yicha o‘rtacha narx 13,962 mln so‘m/tonnani tashkil etdi. Bu avvalgi savdoga nisbatan 81,1 ming so‘mga yoki 0,6 foizga yuqori.

A-92 K2-L markasida esa narx 13,860 mln so‘m/tonna bo‘ldi. Ushbu marka bo‘yicha narx 127,9 ming so‘mga yoki 0,9 foizga pasaydi.

A-92 K-2 markasi 15,510 mln so‘m/tonna darajasida saqlanib qoldi. A-92 K-4 va A-92 K5 bo‘yicha esa sotilgan hajm qayd etilmagan.

Kursiv...

Tijorat banklari tomonidan 3-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 2-iyul uchun valyutalar kursi e’lon qilingani haqida yozgan edi.

O‘zbekistonlik besh nafar shaxmatchi Xalqaro shaxmat federatsiyasi – FIDE reytingining kuchli yuztaligidan joy oldi. Yangilangan reytingda Javohir Sindorov va Nodirbek Abdusattorov dunyoning eng kuchli o‘n shaxmatchisi qatorida qolmoqda.

Javohir Sindorov o‘z o‘rnini saqlab, 4-pog‘onada qayd etildi. Nodirbek Abdusattorov esa bir pog‘ona pastlab, 5-o‘rindan 6-o‘ringa tushdi. Shunga qaramay, u hamon Top – 10 safida bormoqda.

Nodirbek Yoqubboyev natijasini yaxshilab, 40-o‘rindan 39-o‘ringa ko‘tarildi. Rustam Qosimjonov esa bir pog‘ona pastlab, 50-o‘rindan 51-o‘ringa joylashdi.

Eng katta o‘sish Shamsiddin Vohidovda kuzatildi. U avvalgi reytingda 89-o‘rinda bo‘lgan bo‘lsa, yangilangan jadvalda 62-o‘ringa ko‘tarildi. Shu tariqa Vohidov 27 pog‘ona yuqorilab, o‘zbekistonlik shaxmatchilar orasida eng sezilarli o‘sishni qayd...

«Quyoshli xonadon» dasturi doirasida quyosh panellarini o‘rnatib, ishlab chiqarilgan elektr energiyasini yagona elektr tarmog‘iga uzatgan fuqarolarga 2026-yilning aprel va may oylari uchun subsidiya tasdiqlandi. Bu haqda Soliq qo‘mitasi xabar berdi.

Joriy yilda ushbu to‘lovlardan 60 193 nafar jismoniy shaxs foydalanadi. Ular uchun Davlat budjetidan jami 156 milliard 125 million so‘m ajratilgan.

Eng ko‘p subsidiya oladigan hududlar

Ajratilgan mablag‘larning asosiy qismi quyidagi hududlarga to‘g‘ri kelmoqda:

Mablag‘ni qanday olish mumkin

Fuqarolar subsidiya mablag‘larini «Soliq» mobil ilovasidagi «Keshbek va imtiyozlar» bo‘limining «Quyoshli...

Shveysariya terma jamoasi 2026-yilgi jahon chempionati pley-off bosqichida Jazoirni 2:0 hisobida mag‘lub etdi. Vankuverdagi BC Place stadionida o‘tgan uchrashuvda Murat Yakin shogirdlari har ikki bo‘limda bittadan gol urib, keyingi bosqich yo‘llanmasini qo‘lga kiritdi.

Hisob 10-daqiqada ochildi. Johan Manzambi Jazoir himoyasini yorib o‘tib, jarima maydoniga kirib bordi va to‘pni Breel Embologa uzatdi. Embolo esa yaqin masofadan darvozani ishg‘ol qilib, Shveysariyani oldinga olib chiqdi. Bu Manzambining turnirdagi navbatdagi samarali harakati bo‘ldi – u avvalroq uchta gol urgandi.

Ikkinchi bo‘lim boshlanishi bilanoq Shveysariya ustunlikni oshirdi. 46-daqiqada Jazoir himoyasi to‘pni uzoqlashtira olmadi, vaziyatdan Dan Ndoye unumli foydalanib, jarima maydoni chizig‘i yaqinidan aniq zarba berdi...

Zeekr kompaniyasining yangi Zeekr 9X avtomobilining global versiyasi sinovdan o‘tkazilayotganda tasvirga olindi. Bu haqda CarNewsChina nashri xabar bermoqda.

Ma’lumotlarga ko‘ra, yangi versiyada 5,2 metrlik avtomobil saloni ikki old va uch orqa o‘rindiqli konfiguratsiyaga o‘tkaziladi. Bunda uchinchi qator o‘rindiqlari olib tashlanib, orqa qismda kattaroq yuk bo‘limi hosil qilinadi. Old panel, raqamli ekranlar va rul boshqaruv elementlari esa o‘zgarishsiz qoladi.

Zeekr 9X standart versiyada 2 litrli turbo dvigatelga ega gibrid kuch qurilmasi bilan jihozlangan. Tizim umumiy hisobda 1381 ot kuchi va 1410 Nm aylanish momentini taqdim etadi. Model CATL’ning 55,1 kVt/soat yoki 70 kVt/soat sig‘imli Freevoy akkumulyatorlari bilan taklif qilinadi.

Katta...

Markaziy bank sharhiga ko‘ra, 2026-yilning birinchi choragida O‘zbekistonda real ish haqi 9,5 foizga oshdi. Shuningdek, nominal ish haqi 17,4 foizga ko‘tarilgan.

Ishchi kuchiga talab, asosan, xizmatlar, chakana savdo, umumiy ovqatlanish hamda ishlab chiqarish sohalarida yuqori bo‘lgan. Bu iqtisodiyotda iste’mol va xizmat ko‘rsatish yo‘nalishlari mehnat bozoridagi asosiy drayverlardan biri bo‘lib qolayotganini ko‘rsatadi.

2026-yilning I choragida faol rezyumelar soni 31,5 foizga oshib, 636 mingtaga yetgan. Mart oyida vakansiyalar soni 15,4 mingtani tashkil etib, o‘tgan yilning mos davriga nisbatan 9,8 foizga oshdi. Markaziy bank buni mehnat bozorida raqobat kuchayayotgani bilan izohlamoqda. Ya’ni ish o‘rinlari ko‘paygani bilan birga, ish izlovchilar soni ham sezilarli...

Qirg‘iziston Davlat milliy xavfsizlik qo‘mitasining sobiq raisi Qamchibek Tashiyev «75 oqsoqol maktubi» ishi bo‘yicha to‘rt yilga ozodlikdan mahrum qilindi. Hukm 2-iyul kuni Bishkekdagi Pervomay tuman sudida e’lon qilindi.

Ma’lumotlarga ko‘ra, sud Tashiyevga nisbatan probatsiya nazoratini qo‘lladi, shu sababli u jazoni qamoqxonada o‘tamaydi. Ishning asosiy figurantlari sifatida Qamchibek Tashiyev, Jogorku Keneshning sobiq spikeri Nurlanbek Turgunbek uulu va sobiq bosh prokuror Kurmankul Zulushev ko‘rilgan. Sud ularni to‘rt yilga ozodlikdan mahrum qilish va mol-mulkini musodara etish haqida hukm chiqardi. Shu bilan birga, ularga ham probatsiya qo‘llandi.

Tashiyevga ikki modda bo‘yicha ayblov qo‘yilgan edi: hokimiyatni zo‘ravonlik bilan egallashga tayyorgarlik ko‘rish va mansab vakolatini...

Xitoyning Xpeng kompaniyasi Mona seriyasidagi ilk SUV – Xpeng Mona L03 avtomobili uchun oldindan buyurtmalarni qabul qilishni boshladi. Bu haqda CarNewsChina nashri xabar bermoqda.

Modelning oldindan buyurtma narxlari 143,8 ming yuandan 165,8 ming yuangacha, ya’ni taxminan $21,1 mingdan $24,4 minggacha etib belgilangan. Avtomobilning rasmiy savdolari 2026-yil 16-iyulda boshlanishi rejalashtirilgan.

Dizayn va o‘lchamlar

Xpeng Mona L03 dizayni sobiq Ferrari eksteryer dizayni rahbari Xuanma Lopes boshchiligidagi xalqaro jamoa tomonidan ishlab chiqilgan.

SUV uzunligi 4650 mm, kengligi 1920 mm, balandligi esa 1600 mmni tashkil etadi. G‘ildiraklar bazasi 2850 mmga teng. Avtomobil kuzovida 22 ta aerodinamik optimallashtirish amalga oshirilgani aytilmoqda.

Natijada Mona...

Kanadaning Toronto shahrida Jahon chempionatining pley-off bosqichida Portugaliya va Xorvatiya terma jamoalari to‘qnash keldi. Hisobda ortda qolayotgan portugallar kambek amalga oshirib, 2:1 hisobida g‘alaba qozondi.

Uchrashuv tomonlarning ketma-ket hujumlari bilan boshlangan bo‘lsa-da birinchi bo‘limda hisob o‘zgarmadi. Ikkinchi bo‘limda esa kutilmaganda Xorvatiya hisobni ochdi. 53-daqiqada Stanishich qanotdan uzatgan to‘pni Ivan Perishich golga aylantirdi. Futbolchi to‘pni to‘xtatib, darvozaga to‘g‘rilab, zarba bergunga qadar unga hech kim xalal bera olmadi.

Hisobda ortda qolayotgan Portugaliya hujumlarni kuchaytirdi va bu o‘z natijasini berdi. 68-daqiqada xorvatiyaliklar o‘z jarima maydonlarida qo‘pol harakat qilishdi va bosh hakam penalti belgiladi. Jarima zarbasini Ronaldu golga aylantirib, hisobni tenglashtirdi.

Uchrashuv asosiy...

Jahon chempionatining 1/16 final bosqichi doirasida Ispaniya terma jamoasi Avstriyani 3:0 hisobida mag‘lub etdi. Luis de la Fuente shogirdlari o‘yinni to‘liq nazorat qildi.

Uchrashuv ispanlarning ustunligi ostida o‘tdi. 36-daqiqada Mark Kukurelyaning uzatmasidan so‘ng Mikel Oyarsabal hisobni ochdi. Hujumchi to‘pni to‘xtatib o‘tirmay zarba berdi, David Alaba esa to‘p yo‘liga to‘g‘onoq bo‘la olmadi.

Ikkinchi bo‘limda, 66-daqiqada Aleks Baenaning uzatmasidan unumli foydalangan himoyachi Pedro Porro boshi bilan ikkinchi golni kiritdi. 89-daqiqada esa Kukurelya qanotdan uzatgan to‘pni yana o‘sha Oyarsabal golga aylantirib, dublni rasmiylashtirdi.

Jahon chempionatining to‘riga ko‘ra, Ispaniya terma jamoasi nimchorak finalda Portugaliya va Xorvatiya juftligi g‘olibi bilan to‘qnash keladi.

Avvalroq Kursiv...