Yangiliklar

Kursiv Uzbekistan 20 – 26-iyul kunlari mahalliy va xalqaro maydonda sodir bo‘lgan yangiliklarni bir joyga jamladi.

Ispaniya Jahon chempioni! «Qizil furiya» finalda Argentinadan ustun keldi

AQShning Nyu-York shahrida futbol bo‘yicha Jahon chempionatining final uchrashuvi bo‘lib o‘tdi. Unda Ispaniya va Argentina terma jamoalari o‘zaro kuch sinashib, yakunda ispanlar amaldagi chempionlarini mag‘lubiyatga uchratdi.

Uchrashuvni har ikki jamoaning asosiy yulduzlari Lamin Yamal va Lionel Messi boshlang‘ich tarkibda boshladi. Birinchi bo‘limda ispaniyaliklar faol harakat qilib, to‘p nazoratini o‘z qo‘llariga olishdi. Janubiy Amerika vakillari esa asosan qisqa va tezkor qarshi hujumlar tashkil etish bilan cheklanishdi.

Fond bozori: 18 ta yuqori likvidli aksiya haftani...

Toshkent metropolitenining Yer usti halqa yo‘li yo‘nalishida 26-iyul kuni soat 22:30 dan 27-iyul soat 06:00 gacha poyezdlar harakati vaqtincha to‘xtatiladi. Bu haqda «Toshkent metropoliteni» ma’lum qildi.

Bu vaqt ichida «Qipchoq» bekatida texnik ko‘rik ishlari olib boriladi.

Harakat nega to‘xtatiladi

Unga ko‘ra, yo‘lovchilar xavfsizligini ta’minlash maqsadida Yer usti halqa yo‘li bekatlarining texnik holatini qo‘shimcha ravishda batafsil tekshirish ishlari davom etmoqda.

Mazkur ishlarning yakuniy bosqichi munosabati bilan 26-iyul soat 22:30 dan ushbu yo‘nalishda poyezdlar harakati vaqtincha to‘xtatiladi.

Qachon qayta ochiladi

Ma’lumotga ko‘ra, Yer usti halqa yo‘li yo‘nalishida yo‘lovchilarga xizmat ko‘rsatish 27-iyul kuni tonggi soat 06:00 dan qayta yo‘lga qo‘yilishi...

Belarusga ishlash maqsadida borgan, biroq ish beruvchi tomonidan aldanib, og‘ir moliyaviy ahvolda qolgan O‘zbekiston fuqarosi diplomatlar ko‘magida vatanga qaytarildi. Bu haqda «Dunyo» axborot agentligi xabar berdi.

Ish va’dasi amalga oshmadi

Unga ko‘ra, O‘zbekistonning Belarusdagi elchixonasiga fuqaro murojaat qilib, moliyaviy qiyinchilik sabab O‘zbekistonga qaytishda yordam so‘ragan.

Ma’lum bo‘lishicha, u joriy yil iyul oyida mehnat faoliyatini boshlash maqsadida Belarusga borgan. Ammo Minsk shahriga yetib kelganidan so‘ng uni ishga taklif qilgan shaxs aloqaga chiqmay qo‘ygan. Bir necha kunlik urinishlarga qaramay, ish beruvchi bilan bog‘lanishning imkoni bo‘lmagan va fuqaro mablag‘siz qolgan.

Diplomatlar amaliy yordam ko‘rsatdi

Vaziyatni inobatga olgan holda, elchixona xodimlari...

Rasmiy taqdimotidan oldin Poco M8 Power smartfonining texnik tavsiflari internetga sizdirildi. Bu haqda Poco India nashri X ijtimoiy tarmog‘ida ma’lum qildi.

Qurilma 8000 mA/soat sig‘imli batareya, Snapdragon 4 Gen 4 protsessori va olti yil davom etadigan dasturiy ta’minot qo‘llab-quvvatlovi bilan taqdim etilishi kutilmoqda.

Katta ekran va sig‘imli batareya

Insayder Yogesh Brarning ma’lumotlariga ko‘ra, Poco M8 Power 6,9 dyuymli AMOLED displey bilan jihozlanadi. Ekran 120 Gs yangilanish chastotasi va 1800 nitgacha maksimal yorqinlikni qo‘llab-quvvatlaydi.

Smartfonning asosiy afzalliklaridan biri 8000 mA/soat sig‘imli batareya bo‘lib, u 45 vattli tezkor simli quvvatlashni qo‘llab-quvvatlaydi.

Snapdragon 4 Gen 4 protsessori

Qurilma Qualcomm’ning Snapdragon...

2026-yilgi futbol bo‘yicha jahon chempionati g‘oliblari Ferran Torres va Markos Lyorente chempionlik tantanalarini davom ettirmoqda. Futbolchilar yaxtada olingan suratda dunyodagi eng qimmat sharoblardan biri bilan ko‘rinish berdi.

Yaxtadagi surat ijtimoiy tarmoqlarda tarqaldi

Ferran Torres va Markos Lyorente Instagram sahifalarida yaxtada tushgan suratni e’lon qildi. Unda futbolchilar yonida Fransiyaning mashhur Domaine de la Romanée-Conti sharobi ham aks etgan.

Suratga «Hayot chempionlari» degan izoh qoldirilgan.

Dunyodagi eng qimmat sharoblardan...

«O‘zatom» agentligi va AES qurilishi direksiyasi delegatsiyasi Moskvada «Rosatom» vakillari bilan Jizzax viloyatida barpo etilayotgan integratsiyalashgan atom elektr stansiyasi loyihasini muhokama etdi. Bu haqda agentlik rasmiy sahifasida ma’lum qildi.

Tomonlar loyiha hujjatlari ekspertizasini muvofiqlashtirish uchun qo‘shma ishchi guruh tuzishga kelishib oldi.

Loyiha hujjatlari ekspertizasi muhokama qilindi

22 – 23-iyul kunlari Moskva shahrida bo‘lib o‘tgan uchrashuvlarda «Rosatom» davlat korporatsiyasining kapital qurilish bo‘yicha direktori Dmitriy Volkov hamda Tarmoq kapital qurilish markazi vakillari ishtirok etdi.

Tomonlar Jizzax viloyatida qurilishi rejalashtirilgan integratsiyalashgan atom elektr stansiyasi loyihasi hujjatlarini ekspertizadan o‘tkazish tartibi va milliy mutaxassislar salohiyatini oshirish masalalarini muhokama qildi.

Qo‘shma ishchi guruh...

2026-yilning yanvar – iyun oylarida O‘zbekistonda o‘rtacha oylik nominal hisoblangan ish haqi 7 mln 91,1 ming so‘mni tashkil etdi. Bu o‘tgan yilning mos davridagiga nisbatan 18,4 foizga ko‘p. Bu haqda Milliy statistika qo‘mitasi ma’lum qildi.

Eng yuqori va eng past ish haqi qaysi hududlarda

Unga ko‘ra, hududlar kesimida eng yuqori o‘rtacha ish haqi Toshkent shahrida qayd etilgan bo‘lib, 12 mln 13,9 ming so‘mni tashkil qilgan. Ikkinchi o‘rinda Navoiy viloyati – 8 mln 722,7 ming so‘m.

Eng past ko‘rsatkich esa Qashqadaryo viloyatida kuzatilib, o‘rtacha ish haqi 4 mln 864,7 ming so‘mni tashkil etgan.

Ish haqi eng ko‘p qayerda oshdi

2026-yilda buyuk mutafakkir, hadis va tasavvuf ilmining yirik namoyandasi Hakim Termiziy tavalludining 1200 yilligi respublika miqyosida keng nishonlanadi. Bu haqda Prezidentning tegishli qarori e’lon qilindi.

Xalqaro konferensiya o‘tkaziladi

Qarorga ko‘ra, 2026-yil noyabr oyida Termiz shahrida «Hakim Termiziy ilmiy-ma’naviy merosining bugungi kundagi ahamiyati» mavzuida xalqaro ilmiy konferensiya tashkil etiladi.

Asarlari yangi tarjimalarda chop etiladi

Hakim Termiziyning «Navodirul usul» va «Bahrut tafsir» asarlari, shuningdek, allomaning ilmiy merosiga oid boshqa manbalar o‘zbek va xorijiy tillarda ilmiy izohlar bilan akademik tarjima qilinib, nashr etiladi.

Bundan tashqari, 2026-yil davomida alloma ilmiy merosiga bag‘ishlangan turkum risolalar ham tayyorlanib, chop qilinadi.

Tanlov va...

26-iyul kuni Xitoyning Gonkong hududiga yopirilgan «Xunsya» tayfuni kuchli shamol va vayronagarchiliklarni keltirib chiqardi. Tabiiy ofat sabab 700 mingdan ortiq aholi evakuatsiya qilindi. Bu haqda Mash Telegram kanali xabar berdi.

Kuchli shamol vayronagarchilik keltirdi

Mahalliy ma’lumotlarga ko‘ra, tayfun Gonkongga 26-iyul tongida yetib kelgan. Shamol tezligi soniyasiga 45 metrgacha yetgan. Kuchli shamol binolarning tomlari va tashqi qoplamalarini uchirib ketgan.

700 mingdan ortiq aholi evakuatsiya qilindi

Tabiiy ofat xavfi tufayli 700 mingdan ortiq kishilar xavfsiz hududlarga ko‘chirildi. Hozirgacha kamida to‘qqiz kishi jarohat olgani ma’lum qilingan.

Maktablar yopildi, vaqtinchalik boshpanalar ochildi

Hokimiyat 29 ta vaqtinchalik boshpana tashkil etgan hamda...

Isroildagi O‘zbekiston elchixonasi Yaqin Sharqdagi vaziyat keskinlashishi ehtimoli sababli ushbu davlatda yashayotgan yoki vaqtincha bo‘lib turgan fuqarolarni hushyor bo‘lishga va xavfsizlik qoidalariga qat’iy amal qilishga chaqirdi. Bu haqda elchixona rasmiy sahifasida ma’lum qilindi.

Vaziyat yuzasidan ogohlantirish

Elchixona ma’lum qilishicha, Yaqin Sharq mintaqasidagi vaziyat keskinlashishi ehtimoli mavjud. Shu munosabat bilan O‘zbekiston fuqarolariga shaxsiy xavfsizlik choralariga qat’iy rioya qilish tavsiya etildi.

Fuqarolarga qanday tavsiyalar berildi

Elchixona Isroil davlat organlari, jumladan, Fuqaro front orti qo‘mondonligi (Home Front Command) tomonidan berilayotgan rasmiy xabar va ko‘rsatmalarni muntazam kuzatib borish hamda ularga amal qilishni tavsiya etdi.

Shuningdek, yashash yoki ish joyiga eng yaqin...

26-iyul kuni O‘zbekistonning aksariyat hududlarida yog‘ingarchilik kutilmaydi. Shimol, janub va cho‘l hududlarining ayrim joylarida havo harorati 42 darajagacha ko‘tariladi, kuchli shamol esa chang-to‘zonlarni yuzaga keltirishi mumkin. Bu haqda «O‘zgidromet» xabar berdi.

Unga ko‘ra, 26-iyul kuni respublika bo‘ylab kunduzi yog‘ingarchilik kuzatilmaydi. Shamol 7–12 m/s tezlikda esadi, cho‘l hududlarida esa 13–18 m/s gacha kuchayib, ayrim joylarda chang-to‘zonlar yuzaga kelishi mumkin.

Havo harorati aksariyat hududlarda 34–39 daraja bo‘ladi. Shimol, janub va cho‘l hududlarining ayrim joylarida esa harorat 40–42 darajagacha ko‘tarilishi kutilmoqda.

Toshkent shahrida ham yog‘ingarchilik prognoz qilinmaydi. Shamol 3–8 m/s tezlikda esadi, havo harorati 37–39 darajani tashkil etadi.

Tog‘li hududlarning ayrim...

Oʻzbekistonda banklarning sof foydasi qariyb 70 foizga oshdi, Rossiyada Markaziy Osiyo davlatlari uchun viza rejimi taklif qilindi —  25-iyul kuni e’lon qilingan yangiliklar Kursiv Uzbekistan dayjestida.

Oliy Majlis Senati raisi «El-yurt hurmati» ordeni bilan taqdirlandi

Oliy Majlis Senati raisi Tanzila Narbayeva «El-yurt hurmati» ordeni bilan mukofotlandi. Bu haqda 24-iyul kuni prezident farmoni qabul qilindi.

Hujjatga koʻra, Narbayeva davlat va jamiyat boshqaruvi sohasidagi koʻp yillik samarali mehnati, parlament faoliyatini rivojlantirish hamda demokratik islohotlarni izchil amalga oshirishdagi xizmatlari uchun taqdirlangan.

Rossiyada Markaziy Osiyo davlatlari uchun viza rejimi taklif qilindi

Rossiya Davlat dumasida Markaziy Osiyo mamlakatlariga nisbatan viza rejimini joriy etish va migratsiya siyosatini yanada...

Buxoro shahrining 2043-yilgacha mo‘ljallangan bosh rejasi tasdiqlandi. Bu bo‘yicha Vazirlar Mahkamasining tegishli qarori qabul qilindi.

Shahar aholisi 385 ming kishiga yetadi

Bosh rejaga ko‘ra, Buxoro aholisi hozirgi 289,2 mingdan 2043-yil oxiriga borib 385 ming kishiga yetishi kutilmoqda. Shahar hududi esa 7,97 ming gektardan 11,85 ming gektargacha kengaytiriladi.

Uy-joy fondining umumiy maydoni 4,46 mln kvadrat metrdan 8,09 mln kvadrat metrgacha oshiriladi. Aholining uy-joy bilan ta’minlanganlik darajasi bir kishi hisobiga 15,4 kvadrat metrdan 21 kvadrat metrgacha yetkazilishi rejalashtirilgan.

Shuningdek, Buxorodagi magistral ko‘chalar uzunligi 102,6 kilometrdan 203 kilometrgacha oshiriladi. Shahar transporti yiliga 163,8 mln yo‘lovchiga xizmat ko‘rsatishi ko‘zda tutilgan.

Yashil...

Oʻzbekiston terma jamoasi va Termizning «Surxon» klubi himoyachisi Behruz Karimov faoliyatini Shveysariyada davom ettirishi mumkin. Championat.asia xabariga koʻra, 18 yoshli futbolchi yaqin vaqt ichida «Lugano» bilan shartnoma imzolashi kutilmoqda.

Manbada qayd etilishicha, tomonlar oʻrtasidagi kelishuv boʻyicha hujjatlarni rasmiylashtirish ishlari yaqin kunlarda yakunlanadi. Shundan soʻng Karimov yangi jamoasi ixtiyoriga borib qoʻshiladi. Hozircha «Lugano» va «Surxon» klublari ehtimoliy transfer haqida rasmiy ma’lumot bermagan.

JCh – 2026 dan keyin Yevropa klublari qiziqish bildirdi

Behruz Karimov 2007-yilda tugʻilgan, asosan, oʻng qanot himoyachisi sifatida toʻp tepadi. U 2025-yil fevralidan buyon «Surxon» sharafini himoya qilmoqda. Futbolchining amaldagi shartnomasi 2027-yil oxirigacha moʻljallangan.

Karimov 2026-yilgi jahon...

Oʻzbekiston terma jamoasi himoyachisi Abduqodir Husanov «Manchester Siti» bilan shartnomasini uzaytirdi. Yangi kelishuvga koʻra, futbolchi 2031-yilgacha Angliya klubida qoladi, deb xabar berdi «Shaharliklar» matbuot xizmati.

Dastlabki shartnoma 2029-yilgacha edi

Husanov «Manchester Siti» safiga 2025-yil yanvarida Fransiyaning «Lans» klubidan kelib qoʻshilgan. Oʻshanda tomonlar 2029-yil yozigacha moʻljallangan toʻrt yarim yillik shartnoma imzolagan edi. Yangi bitim futbolchining klubdagi muddatini yana ikki yilga uzaytirdi.

Klub Husanov Manchesterga kelganidan keyingi 18 oy davomida jamoaning muhim futbolchilaridan biriga va muxlislar sevimlisiga aylanganini ta’kidladi. Oʻzbekistonlik himoyachi 2025/26-yilgi mavsumda «Manchester Siti» bilan Angliya kubogi va Liga kubogini qoʻlga kiritdi.

Mareska davridagi ilk muhim qarorlardan biri

Qozogʻiston shaxmat federatsiyasi prezidenti Timur Turlov Xalqaro shaxmat federatsiyasi (FIDE) prezidenti lavozimiga oʻz nomzodini ilgari surganini ma’lum qildi. Bu haqda u oʻzining Telegram kanalida yozdi.

Turlovning aytishicha, 26 – 27-sentabr kunlari Samarqandda boʻlib oʻtadigan FIDE saylovlarida u bilan birga 2022-yildan buyon FIDE vitse-prezidenti lavozimida ishlab kelayotgan, jahonning koʻp karra chempioni Vishvanatan Anand ham nomzod sifatida ishtirok etadi.

«Shaxmat men uchun shaxsiy loyihaga aylandi»

Turlovning ta’kidlashicha, soʻnggi bir necha yil ichida shaxmat uning hayotidagi eng katta ishtiyoq va shaxsiy loyihalardan biriga aylangan.

«Bu yoʻnalishga juda koʻp kuch, vaqt va mablagʻ sarfladim. Qozogʻiston shaxmat federatsiyasidagi faoliyatim...

Markaziy Osiyoda 26 milliondan ortiq aholi qurgʻoqchilik ta’sirida yashamoqda. Mintaqadagi 152 million gektardan ziyod yer qurgʻoqchilik sharoitida qolgan. Bu haqda BMTning Ipak yoʻli karvonining Oʻzbekiston boʻylab safari va Samarqandda oʻtkazilgan Global ekologik jamgʻarmaning sakkizinchi assambleyasi yakunlariga bagʻishlangan materialida ma’lum qilindi.

152 mln gektardan ortiq yer qurgʻoqchilik ta’sirida

BMT ma’lumotlariga koʻra, Markaziy Osiyo hududining 80 foizdan ortigʻini choʻl va dashtlar egallaydi. Mintaqa yerlarining kamida 20 foizi degradatsiyaga uchragan, qariyb 80 foiz hudud esa yaylov chorvachiligi uchun foydalaniladi.

Shu sababli yaylovlarning holati oziq-ovqat xavfsizligi, aholi daromadlari va iqlim oʻzgarishlariga bardoshlilikka bevosita ta’sir koʻrsatadi. Yerlarning degradatsiyasi tuproqning namlikni saqlash qobiliyatini pasaytirib...

Asli kelib chiqishi oʻzbekistonlik boʻlgan mashhur zargar va Jacob & Co brendi asoschisi Jeykob Arabo portugaliyalik futbolchi Krishtianu Ronalduga qiymati $1,3 mln boʻlgan soat sovgʻa qildi. Bu haqda Arabo Instagram sahifasida ma’lum qildi.

«Yaqin atrofda edim, shuning uchun Ronalduga $1,3 mlnlik soatni shaxsan yetkazib berishga qaror qildim», – deb yozdi zargar.

Uchrashuv davomida Arabo «An-Nasr» klubi va Portugaliya terma jamoasi futbolchisiga qahrabo tusidagi...

Oʻzbekiston bank sektorining sof foydasi 2026-yilning birinchi yarim yilligida 10,99 trln soʻmga yetdi. Bu 2025-yilning mos davridagi 6,51 trln soʻmga nisbatan 68,9 foizga koʻp, deyiladi Markaziy bank hisobotida.

Ma’lum qilinishicha, 1-iyul holatiga banklarning soliq toʻlashdan oldingi foydasi ham 59,2 foizga oshib, 7,88 trln soʻmdan 12,54 trln soʻmga yetgan. Daromad soligʻi boʻyicha xarajatlar esa 12,9 foizga koʻpayib, 1,55 trln soʻmni tashkil etgan.

Shuningdek, banklarning foizli daromadlari bir yil ichida 19,3 foizga oshib, 71,79 trln soʻmga yetdi. Shu davrda foizli xarajatlar 22,4 foizga koʻpayib, 51,51 trln soʻmni tashkil etdi. Natijada foiz marjasi 12 foizga oʻsib, 20,28 trln soʻmga chiqdi.

Sektor moliyaviy...

Rossiya Davlat dumasida Markaziy Osiyo mamlakatlariga nisbatan viza rejimini joriy etish va migratsiya siyosatini yanada qat’iylashtirish taklif qilindi. Tashabbus bilan «Adolatli Rossiya – Haqiqat uchun» fraksiyasi rahbari Sergey Mironov chiqdi.

Deputatning fikricha, Crocus City Hallʼdagi teraktdan keyin migratsiya qonunchiligiga kiritilgan oʻzgarishlarga qaramay, amaldagi choralar yetarli emas.

«Biz Markaziy Osiyo mamlakatlari bilan viza rejimini joriy etish mumkin deb hisoblaymiz. Hech boʻlmasa, Belarusdagi tamoyil asosida ishlaylik», – dedi Mironov.

U xorijiy ishchilarni jalb qilishda Belarus modelidan foydalanishni taklif etdi. Unga koʻra, ish beruvchi avval zarur ishni mahalliy aholi orasidan bajaradigan xodim topilmaganini isbotlashi kerak. Shundan keyingina Rossiyaga...

Oliy Majlis Senati raisi Tanzila Narbayeva «El-yurt hurmati» ordeni bilan mukofotlandi. Bu haqda 24-iyul kuni prezident farmoni qabul qilindi.

Hujjatga koʻra, Narbayeva davlat va jamiyat boshqaruvi sohasidagi koʻp yillik samarali mehnati, parlament faoliyatini rivojlantirish hamda demokratik islohotlarni izchil amalga oshirishdagi xizmatlari uchun taqdirlangan.

Farmonda uning milliy davlatchilikning huquqiy asoslarini mustahkamlash, mamlakatda inson qadrini ulugʻlash, ayollarning jamiyatdagi oʻrni va nufuzini oshirishga qaratilgan ustuvor vazifalar ijrosiga katta hissa qoʻshgani qayd etilgan. Shuningdek, Narbayevaning yosh avlodni Vatanga muhabbat va sadoqat, milliy hamda umuminsoniy qadriyatlarga hurmat ruhida tarbiyalash yoʻlidagi faoliyati va mamlakat ijtimoiy-siyosiy hayotidagi ishtiroki e’tirof etilgan.

Biografiyasi

Tanzila Narbayeva 1956-yil 24-iyulda...

25-iyul sanasi sport olamidagi yirik musobaqalar, shuningdek, tibbiyot va kosmonavtika sohasidagi inqilobiy yutuqlar bilan tarixda yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

1967-yili butun dunyoda, shuningdek, O‘zbekistonda ham sevib tomosha qilinadigan afsonaviy «Do‘stlar» komedik teleseriali yulduzi Met Leblank dunyoga keldi. U mazkur serialdagi Joui Tribbiani roli orqali ulkan mashhurlikka erishgan va tomoshabinlar qalbidan joy olgan.

1978-yilda Angliyada dunyoda birinchi marta EKU (sun’iy urug‘lantirish) usuli orqali Luiza Braun dunyoga keldi. Bugungi kunda tibbiyotning ushbu inqilobiy yutug‘i O‘zbekistonda ham befarzand oilalarga katta umid bag‘ishlab, keng amaliyotda qo‘llanilmoqda.

1984-yili Sobiq Ittifoq kosmonavti Svetlana Savitskaya ochiq koinotga...

25-iyul kuni O‘zbekistonning aksariyat hududlarida yog‘ingarchilik kuzatilmaydi, havo harorati esa ayrim viloyatlarda +40 darajagacha ko‘tariladi. Bu haqda «O‘zgidromet» ma’lum qildi.

Hududlarda qanday ob-havo kuzatiladi

Toshkent shahrida havo biroz bulutli bo‘ladi, yog‘ingarchilik kutilmaydi. Harorat kechasi 21–23 daraja, kunduzi 35–37 daraja bo‘ladi.

Qoraqalpog‘iston Respublikasi, Xorazm, Buxoro va Navoiy viloyatlarida havo quruq bo‘lib, kunduzgi harorat 34–39 darajani tashkil etadi. Buxoro va Navoiyda ayrim joylarda shamol kuchayib, chang-to‘zonlar kuzatilishi mumkin.

Toshkent, Samarqand, Jizzax va Sirdaryo viloyatlarida ham yog‘ingarchilik kutilmaydi. Havo harorati kunduzi 34–39 darajagacha ko‘tariladi.

Qashqadaryo va Surxondaryo viloyatlarida eng issiq ob-havo kuzatilib, harorat 35–40 darajagacha yetadi.

Andijon, Namangan va Farg‘ona viloyatlarida...

Ikki nafar fuqaroning murojaati asosida o‘tkazilgan tekshiruvda Termiz shahar hokimligi ular bilan tuzilgan mehnat shartnomalarini amaldagi qonunchilik talablariga zid ravishda bekor qilgani aniqlandi. Bu haqda Davlat mehnat inspeksiyasi ma’lum qildi.

Sud da’voni to‘liq qanoatlantirdi

Aniqlangan holat yuzasidan Surxondaryo viloyati hududiy Davlat mehnat huquq inspeksiyasi sudga da’vo arizasi kiritdi. Sud da’vo talablarini to‘liq qanoatlantirib, xodimlarni avvalgi lavozimiga tiklash haqida qaror chiqardi.

200 mln so‘mdan ortiq to‘lov undiriladi

Sud qaroriga ko‘ra, majburiy progul davri uchun S. Xonimov foydasiga 103 784 375 so‘m, S. Abdulazizov foydasiga esa 93 762 541 so‘m undiriladi.

Shuningdek, ma’naviy zarar uchun har bir fuqaro foydasiga...