Yangiliklar

2026-yil 1-iyul holatiga ko‘ra, tijorat banklari tomonidan iqtisodiyot tarmoqlariga yo‘naltirilgan kredit qo‘yilmalari bir yil ichida 12 foizga oshib, 642,8 trln so‘mni tashkil etdi. Markaziy bank ma’lumotiga ko‘ra, eng katta ulush jismoniy shaxslarga berilgan kreditlar hissasiga to‘g‘ri keldi.

Aholiga berilgan kreditlar

Jismoniy shaxslarga ajratilgan kreditlar bir yil ichida 20 foizga oshib, 235,9 trln so‘mga yetdi. Natijada aholiga berilgan kreditlar umumiy kredit portfelining 37 foizini tashkil etdi.

2025-yil 1-iyul holatiga bu ko‘rsatkich 196,9 trln so‘m yoki jami kreditlarning 34 foizi edi.

Sanoatga ajratilgan kreditlar kamaydi

Sanoat tarmog‘iga yo‘naltirilgan kreditlar 13 foizga kamayib, 137,6 trln so‘mni tashkil etdi. Shu...

Qozog‘iston Inson taraqqiyoti indeksi bo‘yicha Mustaqil Davlatlar Hamdo‘stligi va Markaziy Osiyo mamlakatlari orasida yetakchi bo‘ldi. BMT Taraqqiyot dasturining 2025-yilgi hisobotida mamlakat 193 ta davlat va hudud orasida 60-o‘rinni egalladi.

Hisobot 2023-yil ma’lumotlari asosida tuzilgan. Qozog‘istonning Inson taraqqiyoti indeksi 0,837 ni tashkil etib, mamlakat juda yuqori inson taraqqiyotiga ega davlatlar guruhiga kiritildi.

Mazkur indeks aholining uzoq va sog‘lom umr ko‘rishi, ta’lim olish imkoniyati hamda munosib turmush darajasini baholaydi. Hisob-kitobda tug‘ilgandagi kutilayotgan umr davomiyligi, ta’lim olishning kutilayotgan va o‘rtacha muddati, shuningdek, xarid qobiliyati pariteti bo‘yicha aholi jon boshiga yalpi milliy daromad hisobga olinadi.

Boshqa davlatlar

Mintaqadagi keyingi o‘rinlarni Rossiya...

Huawei kompaniyasi avgust oyining boshida yirik taqdimot o‘tkazib, yangi smartfon, aqlli soat, yengil noutbuk va o‘yinlar uchun mo‘ljallangan quloqchinni namoyish etishi mumkin. Bu haqda Huaweicentral ma’lum qildi.

Manbaga ko‘ra, taqdimot keyingi hafta o‘tkazilishi ehtimoli bor. Unda Huawei Nova 16 SE smartfoni, Watch GT 7 aqlli soatlari, o‘ta yengil kompyuter hamda geymerlar uchun yangi audioqurilma ko‘rsatilishi mumkin. Kompaniya tadbir sanasi va mahsulotlar ro‘yxatini hozircha rasman tasdiqlamagan.

Qanday qurilmalar bor

Nova 16 SE yaqinda taqdim etilgan Nova 16 turkumining nisbatan hamyonbop modeli bo‘lishi kutilmoqda. Smartfon turkumdagi boshqa qurilmalardan dizayni va ayrim texnik xususiyatlari bilan farq qilishi mumkin, biroq uning to‘liq...

Huawei 2026-yilning birinchi yarim yilligi yakunlariga ko‘ra, Xitoy smartfon bozorida yetakchilikni saqlab qoldi. Kompaniya ulushi 20,6 foizni tashkil etgani aytilmoqda, Apple esa 17,5 foiz bilan ikkinchi o‘rinda qoldi.

Huawei ulushi 20 foizdan oshdi

Mydrivers nashriga ko‘ra, Huawei’ning Xitoy smartfon bozoridagi ulushi 20,6 foizga yetgan. Ayrim tahlilchilar esa bu ko‘rsatkichni 22,6% deb baholamoqda.

Bu natija Huawei’ga mamlakatdagi eng yirik smartfon ishlab chiqaruvchi maqomini saqlab qolish imkonini berdi.

Apple ikkinchi o‘ringa tushdi

Apple 17,5% bozor ulushi bilan ikkinchi o‘rinni egalladi. Huawei’ning Apple’dan ustunligi 3,1 foiz punktni tashkil qildi.

Manbaga ko‘ra, bu so‘nggi qariyb besh yil ichida Xitoy ishlab chiqaruvchisi...

Davlat tibbiyot muassasalarida kamida 15 yil ishlagan tibbiyot va farmatsevtika xodimlarining farzandlari uchun oliy ta’lim kontraktining bir qismini qoplab berish tizimi ishga tushdi. Subsidiya yillik to‘lov-shartnoma summasining 30 foizini qoplaydi, biroq bu miqdor BHMning 15 baravaridan oshmaydi.

Kimlar subsidiya olishi mumkin

Subsidiya davlat tibbiyot muassasasida hozir ishlayotgan va kamida 15 yil ish stajiga ega bo‘lgan tibbiyot yoki farmatsevtika xodimlarining farzandlariga beriladi.

Farzand respublika oliy ta’lim tashkilotida bakalavriat yo‘nalishida o‘qiyotgan yoki talabalikka tavsiya etilgan bo‘lishi kerak.

Qancha mablag‘ qoplab beriladi

Kontrakt summasining 30 foizi qoplab beriladi. Biroq subsidiya miqdori bazaviy hisoblash miqdorining 15 baravaridan oshmasligi lozim.

Masalan, yillik...

O‘zbekistonda fuqaro aviatsiyasi sohasida qonunchilik talablariga rioya etilishini nazorat qilish uchun «Xavfni tahlil qilish» elektron tizimi joriy etiladi. Bu haqda Adliya vazirligi xabar bermoqda.

Yangi tartibga ko‘ra, fuqaro aviatsiyasi sohasida faoliyat yurituvchi tadbirkorlik subyektlarida qonunchilik buzilishi xavfi avtomatik ravishda baholanadi. Bunda davlat organlarining axborot tizimlari, statistik ma’lumotlar, fuqarolar va tashkilotlarning murojaatlari, ommaviy axborot vositalari hamda boshqa qonuniy manbalardan olingan ma’lumotlardan foydalaniladi.

Xavf besh yo‘nalish bo‘yicha avtomatik baholanadi

Xavfni tahlil qilish jarayonida tadbirkorlik subyektlaridan qo‘shimcha hujjat yoki ma’lumot talab etishga yo‘l qo‘yilmaydi. Baholash mavjud elektron bazalar va qonuniy manbalardagi axborotlar asosida amalga oshiriladi.

Tadbirkorlik subyektlarining xavf darajasi beshta yo‘nalish...

«Inter Mayami» hujumchisi Lionel Messi va uning jamoadoshi Rodrigo de Pol 2026-yilgi MLS yulduzlar o‘yinida qatnashmaydi. Ularning o‘rniga chaqirilgan futbolchilar nomini AQSh va Kanada oliy futbol ligasi rasman e’lon qildi, deb xabar berdi Marca.

MLS yulduzlari va Meksikaning Liga MX yulduzlari o‘rtasidagi uchrashuv 29-iyul kuni AQShning Sharlott shahridagi «Bank of America» stadionida o‘tkaziladi. Messi o‘rniga «Inter Mayami» yarim himoyachisi Yannik Brayt, de Pol o‘rniga esa «Vankuver Uaytkaps» vakili Andres Kubas tarkibga kiritildi.

Shuningdek, MLS yana ikkita o‘zgarishni tasdiqladi. «Xyuston Dinamo» hujumchisi Gilerme Mbekeze­li Mbokazining, «Chikago Fayr» futbolchisi Filip Sinkernagel esa Ugo Kuypersning o‘rnini egallaydi.

Messi va de Pol futbol...

O‘zbekistonning bir necha hududida fuqarolarni Kanada, Yaponiya, Slovakiya va Germaniyaga ishga yuborishni va’da qilgan shaxslar bilan bog‘liq firibgarlik holatlari aniqlandi. Bu haqda Bosh prokuratura huzuridagi Departament xabar berdi.

Departamentning Buxoro tumani bo‘limi o‘tkazgan tergovga qadar tekshiruvda fuqaro to‘rt nafar shaxsning ishonchiga kirib, ularni yuqori lavozimlarda ishlovchi tanishlari orqali Kanadaga ishga yuborishni va’da qilgani aniqlangan. U buning evaziga $5 ming talab qilib, kelishilgan mablag‘ning $3 ming qismini firibgarlik yo‘li bilan olgan.

Yangihayot tumanida o‘tkazilgan tezkor tadbirda fuqaro boshqa bir shaxsga Yaponiyaga borish uchun viza hujjatlarini tayyorlab berishni va’da qilib, undan $1 ming olayotgan vaqtda ashyoviy dalillar bilan ushlangan.

Slovakiya...

O‘zbekistonda chet el fuqarolari va fuqaroligi bo‘lmagan shaxslarni belgilangan tartibda ro‘yxatdan o‘tkazmasdan joylashtirgan tashkilotlar javobgarligini kuchaytirish rejalashtirilmoqda. Tegishli qonun loyihasi Oliy Majlis Qonunchilik palatasining 22-iyuldagi majlisida birinchi o‘qishda qabul qilindi.

Qonun loyihasi migratsiya tartiblarini takomillashtirishga qaratilgan

Deputatlar «Migratsiya sohasidagi qonunchilik takomillashtirilishi munosabati bilan O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida»gi qonun loyihasini ko‘rib chiqdi.

Qayd etilishicha, turizmni rivojlantirish va xorijiy investitsiyalarni jalb qilish nuqtayi nazaridan chet el fuqarolarining O‘zbekistonga kelishi hamda bu yerda bo‘lishi bilan bog‘liq tartiblarni soddalashtirish ishlari davom etmoqda.

Turistlar oqimi 27 foizga oshgan

Hozirda 80 dan ortiq davlatlar fuqarolari uchun O‘zbekistonga...

O‘zbekistonda 27-iyuldan 1-avgustgacha asosan quruq va issiq ob-havo saqlanib qoladi. Ayrim hududlarda havo harorati 42 darajagacha ko‘tarilishi, shamol kuchayib, chang-to‘zonlar kuzatilishi mumkin. Bu haqda «O‘zgidromet» ma’lum qildi.

27-iyul kuni respublikaning katta qismida yog‘ingarchilik kutilmaydi. Kunduzgi harorat 34–39 darajani, shimoliy, janubiy va cho‘l hududlarida ayrim joylarda 40–42 darajani tashkil etadi. Shimol va cho‘l hududlarida shamol tezligi soniyasiga 13–18 metrgacha kuchayib, chang-to‘zon ko‘tarilishi mumkin.

Toshkent shahrida 27-iyul kuni yog‘ingarchilik bo‘lmaydi, havo 37–39 darajagacha isiydi. Tog‘li hududlarning ayrim joylarida esa qisqa muddatli yomg‘ir yog‘ishi va momaqaldiroq kuzatilishi mumkin.

28-iyul kuni jazirama saqlanib qoladi

28-iyul kuni mamlakat bo‘ylab havo biroz bulutli...

Kris Evans sakkiz yil davomida Stiv Rojers – Kapitan Amerika roliga qaytish bo‘yicha kamida o‘nlab takliflarni rad etganini aytdi. Aktyorni faqat 2026-yil 18-dekabrda chiqishi rejalashtirilgan «Qasoskorlar: Doktor Dum» filmi g‘oyasi ishontira olgan.

Evans personaj merosini asrashni istagan

Kris Evans Entertainment Weekly nashriga bergan intervyusida Marvel’dan Kapitan Amerika roliga qaytish bo‘yicha ko‘plab takliflar olganini aytdi.

Uning so‘zlariga ko‘ra, sakkiz yil ichida kamida o‘nlab taqdimotlarni eshitgan, biroq har safar rozi bo‘lmagan. Evans barcha takliflar yaxshi bo‘lganini, ammo ularda nimadir yetishmaganini ta’kidladi.

Aktyor Stiv Rojers merosini ehtiyot qilishni istagan va shunchaki qisqa yoki oddiy epizod uchun qaytishni xohlamagan.

Vaziyat Robert...

O‘zbekistonlik bokschi Shohjahon Ergashev hamyurti Shahram G‘iyosovni jangga chaqirib, bu uning so‘nggi taklifi ekanini ma’lum qildi. Ergashev bellashuvni 66,7 kg vazn toifasida o‘tkazishga tayyorligini bildirdi.

«Menga yarim soat vaqt beringlar: Qo‘qondagi choyxonaga kirib, ovqatlanib chiqaman va istalgan uslubda jang qilaveraman. Qo‘lqopni shu yerga beringlar, men tayyorman. Shahram, kel, shu jangni o‘tkazamiz. Bu senga so‘nggi chaqiruvim. Xohlasang, 66,7 kg vaznda jang qilamiz. Men ilgari 60,5 kg vaznda ringga chiqqanman, hozir esa vaznimni 66,5 – 66,7 kg gacha ko‘tardim», — degan bokschi.

2026-yilning yanvar – iyun oylarida O‘zbekistonda 2,3 mingta yo‘l-transport hodisasi sodir bo‘ldi. Ushbu hodisalar oqibatida 3,3 ming kishi jabrlangan.

Eng ko‘p YTH Toshkent shahrida qayd etildi

Milliy statistika qo‘mitasi ma’lumotlariga ko‘ra, hududlar orasida eng ko‘p yo‘l-transport hodisasi Toshkent shahrida qayd etilgan – 420 ta.

Keyingi o‘rinlarda Samarqand viloyati 311 ta, Toshkent viloyati 271 ta, Farg‘ona viloyati 218 ta va Namangan viloyati 196 ta YTH bilan turibdi.

Eng kam hodisa Buxoroda kuzatilgan

Eng kam yo‘l-transport hodisasi Buxoro viloyatida qayd etilgan – 48 ta. Sirdaryo viloyatida 50 ta, Jizzax viloyatida 75 ta, Navoiy viloyatida esa 83 ta YTH sodir...

2026-yil 12-avgust kuni osmon ixlosmandlarini bir vaqtning o‘zida uchta yirik astronomik hodisa kutmoqda. Shu kuni olti sayyora paradi, kunduzgi to‘liq quyosh tutilishi va Perseid meteor oqimining eng faol pallasi kuzatiladi.

Kun sayyoralar paradi bilan boshlanishi mumkin

Astronomlarga ko‘ra, 12-avgust tongida quyosh chiqishidan oldin osmonda olti sayyora saf tortadi.

Ularning ayrimlarini oddiy ko‘z bilan ko‘rish mumkin bo‘ladi. Boshqalarini kuzatish uchun esa durbin yoki kichik teleskop kerak bo‘lishi mumkin.

Asosiy hodisa – to‘liq quyosh tutilishi

Kunning eng muhim astronomik voqeasi to‘liq quyosh tutilishi bo‘ladi. Mutaxassislarga ko‘ra, bu 27 yil ichidagi ilk to‘liq quyosh tutilishi.

Tutilish kunning oxirida yuz beradi...

Tijorat banklari tomonidan 27-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 22-iyul uchun valyutalar kursi e’lon qilingani haqida yozgan edi. 

Honor kompaniyasi noodatiy robotlashtirilgan kameraga ega Honor Robot Phone smartfonini 12-avgust kuni rasman taqdim etishini ma’lum qildi. Bu haqda Huaweicentral nashri xabar bermoqda.

Yangi model avtomatik ravishda o‘z holatini o‘zgartira oladigan robotlashtirilgan kamera moduli bilan jihozlanadi. Honor ma’lumotiga ko‘ra, kamera foydalanuvchining qo‘lda sozlashisiz suratga olish uchun eng maqbul rakursni tanlashi va kadrdagi obyektni kuzatib borishi mumkin.

Nimalar ma’lum

Kompaniya so‘nggi haftalarda smartfonni MWC 2026 ko‘rgazmasi va Sun’iy intellekt bo‘yicha jahon konferensiyasi – WAIC 2026 doirasida namoyish qilgan edi. Tadbirlar davomida kameraning yangilangan interfeysi, sun’iy intellekt imkoniyatlari va harakatlanuvchi mexanik moduli ko‘rsatildi.

Avval tarqalgan ma’lumotlarga ko‘ra, robotlashtirilgan kamera bir...

Futbol bo‘yicha 2026-yilgi jahon chempionatida g‘olib chiqqan Ispaniya terma jamoasi mukofot pulining qariyb $15 mln qismini AQShda soliq sifatida to‘lashi mumkin. Bu umumiy mukofotning 30 foiziga teng, deb xabar berdi Fox News.

AQSh soliq qonunchiligiga ko‘ra, mamlakat rezidenti bo‘lmagan xorijlik sportchilarga to‘lanadigan ayrim daromadlardan odatda 30 foiz federal soliq ushlab qolinadi. Soliq bitimi yoki qonunchilikda ko‘zda tutilgan boshqa imtiyoz mavjud bo‘lsa, stavka kamaytirilishi mumkin.

Tartib kimlar uchun amal qiladi

Hisob-kitoblarga ko‘ra, Ispaniya terma jamoasining AQSh budjetiga to‘lashi mumkin bo‘lgan soliq miqdori qariyb $15 mlnni tashkil etadi. Ushbu tartib faqat chempion jamoaga emas, balki JCh – 2026 doirasida AQSh...

Samsung kompaniyasi Samsung Galaxy A57 va Galaxy A27 smartfonlari uchun 2026-yil iyul oyiga mo‘ljallangan xavfsizlik yangilanishini tarqata boshladi. Bu haqda Sammobile nashri xabar bermoqda.

Yangi dasturiy paket qurilmalarga qo‘shimcha funksiyalar olib kelmaydi, biroq One UI va Android’ning avvalgi versiyalarida aniqlangan 57 ta zaiflikni bartaraf etadi. Ularning ayrimlari o‘ta xavfli deb baholangan.

Nima qilish kerak

Galaxy A57’ning xalqaro versiyasi uchun yangilanish bir qator bozorlarda allaqachon tarqatilmoqda. Paket hajmi qariyb 384 MB bo‘lib, proshivka A576BXXS4AZG7 raqamini olgan.

Galaxy A27 uchun yangilanish hozircha Janubiy Koreyada A276KKSS2AZG1 proshivka raqami bilan mavjud. Samsung yaqin kunlarda xavfsizlik paketini boshqa mamlakatlarda ham tarqatishi kutilmoqda.

Har...

26-iyul kuni Hormuz bo‘g‘ozida neft tankeri dengiz minasiga urilgani aytilmoqda. Bu haqda Eron Mudofaa vazirligi ma’lum qildi.

Rasmiy bayonotga ko‘ra, tanker Eron tomonidan belgilangan xavfsiz yo‘nalishdan chetga chiqqanidan so‘ng minaga to‘qnashgan. Hodisa oqibatida kemada portlash yuz bergan.

«Bir soatcha oldin Hormuz bo‘g‘ozida Eron belgilagan yo‘nalishdan chetga chiqqan neft tashuvchi tanker dengiz minasiga urilib portladi,» – deyiladi xabarda.

Hozircha tankerning nomi, qaysi davlatga tegishli ekani, yetkazilgan zarar miqdori va ekipaj a’zolari orasida jabrlanganlar bor-yo‘qligi rasman oshkor qilinmagan.

Hodisa qachon yuz berdi

Voqea AQShning Eron harbiy obyektlariga qarshi ikki hafta davom etgan havo zarbalarini vaqtincha...

General Motors kompaniyasi Chevrolet’ning yangi 2027-yilgi Chevrolet Sonic krossoverini Kolumbiya bozorida rasman sotuvga chiqardi. Bu haqda GMAutority nashri xabar berdi.

Kompaniya Chevrolet Sonic yordamida Kolumbiyadagi boshlang‘ich darajadagi ixcham krossoverlar segmentida yetakchi o‘rinni egallashni va so‘nggi yillarda pasaygan bozor ulushini tiklashni rejalashtirmoqda.

GM Colombia rahbari Xuan David Roseroning ta’kidlashicha, yangi Sonic Chevrolet’ning mamlakatdagi SUV qatorini kengaytiradi hamda zamonaviy texnologiyalar, internetga ulanish imkoniyatlari va xavfsizlik tizimlarini birlashtiradi.

Kolumbiyada avtomobil Premier va RS komplektatsiyalarida taklif etilmoqda. Har ikki versiya texnologiya, xavfsizlik va qulaylik jihatidan boy jihozlangan bo‘lib, kichik krossoverlar segmentidagi eng yaxshi jihozlangan modellardan biri sifatida taqdim qilinmoqda.

Texnik xususiyatlari qanday

«Barselona» va Ispaniya terma jamoasi hujumchisi Lamin Yamal bolalik yillari, oilasi duch kelgan moliyaviy qiyinchiliklar hamda onasining hayotidagi o‘rni haqida gapirdi. Bu haqda Goal nashri ma’lum qildi.

Futbolchi Barselona yaqinidagi Rokafonda hududida kamtarona sharoitda ulg‘aygan. Uning onasi restoranda ishlab, moddiy imkoniyatlar cheklanganiga qaramay, o‘g‘lini zarur narsalar bilan ta’minlashga harakat qilgan.

Yamalning so‘zlariga ko‘ra, oilada mablag‘ ko‘p bo‘lmagan, biroq bayram kunlari ular o‘zlarini juda baxtli his qilgan. Bir safar onasi unga PlayStation sovg‘a qilgan. Futbolchi bugun onasiga qanchalik qimmat sovg‘a bermasin, bu uning bolaligida ko‘rsatgan mehr va fidoyiligiga tenglasha olmasligini ta’kidladi.

«Bolaligim dunyodagi eng yaxshi bolalik...

Surxondaryo va Jizzax viloyatlarida o‘tkazilgan tezkor tadbirlar davomida jami 8 kg 840 gramm giyohvandlik vositasi musodara qilindi. Bu haqda Davlat xavfsizlik xizmati xabar berdi.

DXX va ichki ishlar organlari xodimlari hamkorligida Termiz tumanida o‘tkazilgan tadbirda qishloq xo‘jaligiga mo‘ljallangan dala maydonida noma’lum shaxslar qoldirib ketgan 4 kg «gashish» moddasi aniqlandi. Topilgan modda protsessual tartibda rasmiylashtirildi.

Jizzax viloyatida o‘tkazilgan boshqa tezkor tadbirda esa Zarbdor tumanida yashovchi, 1981-yilda tug‘ilgan shaxs Jizzax shahrida to‘xtatib tekshirildi. Uning yonidagi xo‘jalik qopidan 4 kg 840 gramm kannabis o‘simligi topilib, ashyoviy dalil sifatida olindi.

Har ikki holat yuzasidan jinoyat ishlari qo‘zg‘atildi. Hozir tergov doirasida qonunbuzarliklarga aloqador boshqa...

Kursiv Uzbekistan 20 – 26-iyul kunlari mahalliy va xalqaro maydonda sodir bo‘lgan yangiliklarni bir joyga jamladi.

Ispaniya Jahon chempioni! «Qizil furiya» finalda Argentinadan ustun keldi

AQShning Nyu-York shahrida futbol bo‘yicha Jahon chempionatining final uchrashuvi bo‘lib o‘tdi. Unda Ispaniya va Argentina terma jamoalari o‘zaro kuch sinashib, yakunda ispanlar amaldagi chempionlarini mag‘lubiyatga uchratdi.

Uchrashuvni har ikki jamoaning asosiy yulduzlari Lamin Yamal va Lionel Messi boshlang‘ich tarkibda boshladi. Birinchi bo‘limda ispaniyaliklar faol harakat qilib, to‘p nazoratini o‘z qo‘llariga olishdi. Janubiy Amerika vakillari esa asosan qisqa va tezkor qarshi hujumlar tashkil etish bilan cheklanishdi.

Fond bozori: 18 ta yuqori likvidli aksiya haftani...

Toshkent metropolitenining Yer usti halqa yo‘li yo‘nalishida 26-iyul kuni soat 22:30 dan 27-iyul soat 06:00 gacha poyezdlar harakati vaqtincha to‘xtatiladi. Bu haqda «Toshkent metropoliteni» ma’lum qildi.

Bu vaqt ichida «Qipchoq» bekatida texnik ko‘rik ishlari olib boriladi.

Harakat nega to‘xtatiladi

Unga ko‘ra, yo‘lovchilar xavfsizligini ta’minlash maqsadida Yer usti halqa yo‘li bekatlarining texnik holatini qo‘shimcha ravishda batafsil tekshirish ishlari davom etmoqda.

Mazkur ishlarning yakuniy bosqichi munosabati bilan 26-iyul soat 22:30 dan ushbu yo‘nalishda poyezdlar harakati vaqtincha to‘xtatiladi.

Qachon qayta ochiladi

Ma’lumotga ko‘ra, Yer usti halqa yo‘li yo‘nalishida yo‘lovchilarga xizmat ko‘rsatish 27-iyul kuni tonggi soat 06:00 dan qayta yo‘lga qo‘yilishi...