Yangiliklar

Amazon 17-apreldan boshlab uchinchi tomon sotuvchilari uchun yetkazib berish xizmatlariga 3,5 foizlik qo‘shimcha to‘lov (yonilg‘i va logistika ustamasi) joriy etadi. Yangi tartib AQSh va Kanada bozorlarida amal qiladi, deya yozmoqda Oninvest nashri.

Kompaniya bu qarorni yonilg‘i narxlarining keskin oshishi va logistika xarajatlarining ko‘paygani bilan izohladi. Rasmiy bayonotda ta’kidlanishicha, so‘nggi vaqtlarda buyurtmalarni bajarish xarajatlari butun sohada oshib bormoqda va bu qo‘shimcha to‘lov vaqtinchalik choradir.

Amazon vakili Ashley Vanicek ushbu ustama boshqa yirik logistika kompaniyalari qo‘llayotgan to‘lovlarga nisbatan past ekanini bildirdi.

So‘nggi kunlarda neft narxlari ham keskin ko‘tarildi. Xususan, Brent markali neft fyucherslari 6 foizdan ortiq oshib, bir barrel uchun...

Bank va sug‘urta tashkilotlari bilan bog‘liq shikoyatlar tekshirilib, katta miqdordagi mablag‘lar, jumladan, 9,2 mln so‘mgacha to‘lovlar qaytarildi. Bu haqda Raqobat qo‘mitasi xabar berdi.

Qo‘mita tomonidan ushbu murojaatlar qonunchilik asosida batafsil o‘rganilib, aniqlangan kamchiliklarni bartaraf etish va fuqarolar huquqlarini tiklash bo‘yicha tegishli choralar ko‘rilmoqda.

Qashqadaryo viloyati

Ko‘kdala tumanida yashovchi fuqaro Inpex Insurance kompaniyasidan norozi bo‘lib murojaat qilgan. Tekshiruv natijasida yo‘l-transport hodisasi oqibatida yetkazilgan zarar uchun fuqaroga 9,2 mln so‘m sug‘urta puli to‘lab berildi.

Qoraqalpog‘iston Respublikasi

«Abdulla Xojaniyaz» OK tomonidan «Agrobank»ning To‘rtko‘l filialida kredit olishda faqat bitta sug‘urta kompaniyasini tanlash majburiy etilgani yuzasidan shikoyat kelib tushgan. O‘rganish davomida bank tomonidan zarur...

Ijtimoiy tarmoqlarda voyaga yetmagan qiz o‘gay onasi tomonidan qiynoqqa solinganligi haqidagi videomurojaat keng muhokamalarga sabab bo‘ldi. Mazkur holat yuzasidan Toshkent shahar IIBB tomonidan tezkor tekshiruv o‘tkazildi.

Tekshiruv natijasida 1985-yilda tug‘ilgan fuqaro Toshkent shahar Yunusobod tumanidagi yashash xonadonida o‘gay farzandi, 2013-yilda tug‘ilgan qizni bir necha marotaba urib, jismoniy tazyiq o‘tkazganligi aniqlandi. Jabrlanuvchi avval IIOga murojaat qilmagan.

Hozirda voyaga yetmagan jabrlanuvchi Toshkent shahar IIBB Voyaga yetmaganlarga ijtimoiy-huquqiy yordam ko‘rsatish markaziga joylashtirilib, davlat organlari tomonidan himoyaga olingan.

Yunusobod tumani IIO FMB huzuridagi Tergov bo‘limi tomonidan gumonlanuvchi shaxsga nisbatan Jinoyat kodeksining 110-moddasi («Qiynash») bilan jinoyat ishi qo‘zg‘atildi. Jinoyat ishi IIV tomonidan nazoratga...

Amerikaning Dodge kompaniyasi 15 yildan beri ishlab chiqarilayotgan Durango modeli savdosida o‘z tarixidagi eng yuqori natijani qayd etdi. Krossover 2025-yilda 81,1 ming nusxada sotilgan.

2011-yilda taqdim etilgan uchinchi avlod Dodge Durango 2026-yilda ham o‘zining an’anaviy V8 dvigatellari bilan sotuvni davom ettiradi. Krossoverning bazaviy modeli narxi $38,5 dan boshlanadi. Model qatorida 710 ot kuchiga ega 6,2 litrli SRT Hellcat eng qimmat va kuchli versiya bo‘lib, u $80,5 ga baholanmoqda. Shuningdek, tez orada $50 mingdan arzonroq bo‘lgan V8 dvigatelli R/T modifikatsiyasi ham sotuvga chiqarilishi kutilmoqda.

Avvalroq kuchli dvigatellar qat’iy ekologik talablar sababli AQShning 18 ta shtatida taqiqlangan edi. Biroq kompaniya emissiya...

GAC Aion kompaniyasi yangi Aion N60 elektromobilini 16-apreldan oldindan sotuvga chiqaradi. Model narxi 150 ming yuan, ya’ni taxminan $21,7 mingdan past bo‘lishi kutilmoqda.

Yangi krossover ixcham segmentga mansub bo‘lib, zamonaviy dizaynga ega. Old qismida uzluksiz LED chiziq, yoritilgan logotip va to‘rtburchak faralar joylashgan. Model dizayni mashhur dizayner Benoit Jacob tomonidan ishlab chiqilgan.

Avtomobil uzunligi 4615 mm, g‘ildirak bazasi 2775 mmni tashkil etadi. Salon uch xil rang variantida taklif etiladi. Markazda 15,6 dyuymli ekran joylashgan bo‘lib, u ADiGO 6.0 tizimi asosida ishlaydi. N60 ichki jihozlari bilan ham ajralib turadi. Old o‘rindiqlar isitish, sovitish, massaj va xotira funksiyalariga ega. Orqa o‘rindiqlar...

Markaziy bank 2026-yil 1-sentabrga qadar «Mustaqillikning 35 yilligi» esdalik oltin tangasini zarb etadi. Bu haqda prezidentning tegishli qarorida qayd etildi. Tangalar mamlakat mustaqilligi va suverenitetini ramziy qiladi.

Shuningdek, Madaniyat vazirligi Toshkent shahrida bo‘lib o‘tadigan asosiy bayram tadbiriga tayyorgarlik ko‘rish va uni o‘tkazish bo‘yicha mas’ul etib belgilandi. Badiiy akademiya, Yozuvchilar uyushmasi va Ma’naviyat markazi 1-iyunga qadar «Vatan fidoyilari» ramziy monumentining eskiz loyihasini tayyorlaydi. Ushbu monument Qoraqalpog‘iston Respublikasi va barcha viloyat markazlaridagi umummilliy birdamlik bog‘larining markaziy qismiga o‘rnatiladi.

Shu bilan birga, Ma’naviyat va ma’rifat markazi Yangi O‘zbekiston taraqqiyoti tadqiqotlari instituti bilan birgalikda «Mustaqillik zafarnomasi» nomli maxsus kitob-albomni tayyorlaydi. Yoshlar ishlari...

O‘zbekistonda kredit hamda to‘lov tashkilotlari ilovalarida ro‘yxatdan o‘tishda mijozning telefon raqami uning shaxsiy identifikatsiya raqami (JSHSHIR)ga qat’iy mos kelishi tekshiriladi.

Yangi talablarga ko‘ra, bank ilovalarida ro‘yxatdan o‘tish jarayonida telefon raqami hamda JSHSHIR mosligi aniqlanmasa, ro‘yxatdan o‘tish jarayoni darhol to‘xtatiladi. Bu holat yuzasidan foydalanuvchiga SMS-xabarnoma orqali rad etilgani haqida ma’lumot yuboriladi.

Shuningdek, foydalanuvchining ilovadagi telefon raqami va u biriktirmoqchi bo‘lgan bank kartasining SMS-xabarnoma xizmatiga ulangan raqami bir-biridan farq qilsa ham, karta biriktirishga yo‘l qo‘yilmaydi. Bunday holatlarda mobil ilova orqali mijozga PUSH-xabar ko‘rinishida tegishli ogohlantirish beriladi.

Avvalroq Kursiv Uzbekistan yillik inflyatsiya darajasi 7,3 foiz atrofida saqlanib qolayotgani haqida xabar bergan...

«UzAuto Motors» AJ yangi Damas 3 modelini ilk xaridorlarga yetkazib bera boshladi. Bu haqda «Autostrada» nashri ma’lum qildi. Eski modellarining narxi esa 5 mln so‘mga arzonlagan.

Yangi model UzAuto Motors tomonidan Xorazm viloyatining Pitnak shahrida ishlab chiqarilmoqda. Kompaniya eski Damasni ishlab chiqarishni to‘xtatmadi. U yangi model bilan birga bozorda qoladi. Damas 3 aslida Xitoydagi Wuling Motors ishlab chiqargan model asosida yaratilgan. U boshqa bozorlarda Chevrolet Tornado Van nomi bilan sotiladi.

O‘zbekistonda esa narxi Xitoyga nisbatan ancha yuqori. Yangi model ikki xil variantda taklif etiladi. Max versiyasi yuk tashish uchun mo‘ljallangan bo‘lsa, Move versiyasi 7 yoki 8 o‘rinli yo‘lovchi avtomobili...

Volvo kompaniyasi 15-aprel kuni o‘zining 99 yilligi munosabati bilan yangi elektromobillarini namoyish etadi. Tadbirda Xitoyda ishlab chiqarilgan Volvo EX90 va Volvo ES90 modellari taqdim qilinadi.

Volvo EX90 SPA2 platformasiga asoslangan bo‘lib, kompaniyaning yangi dizayn uslubida yaratilgan. Old qismida yopiq panjara va «Tor bolg‘asi» shaklidagi faralar mavjud. Kuzov uzunligi 5037 mm, g‘ildirak bazasi 2985 mmni tashkil etadi.

Model ikki xil quvvat variantida taklif etiladi. Past quvvatli versiyada old motor 232 ot kuchi, orqa motor 170 ot kuchi beradi. Kuchli versiyada esa 241 va 268 ot kuchiga ega motorlar ishlatiladi. Har ikkala variantda litiy-ion batareya qo‘llanilgan.

Volvo ES90 esa yanada zamonaviy...

Xiaomi kompaniyasi yangi Smart Camera 4 Max AI Zoom Edition nomli aqlli uy kamerasini taqdim etdi. Bu haqda Gizmochina nashri xabar berdi.

Yangi kamera ikki modul bilan jihozlangan: 12 MP teleobyektiv (avtofokus bilan) va 8 MP ultra keng burchakli kamera (127 gradus ko‘rish burchagi). Qurilma 3 karra optik va 12 karra gibrid zoomni qo‘llab-quvvatlaydi. Shuningdek, unda rangli tungi tasvir olish imkoniyati va to‘liq qorong‘ida ishlovchi infraqizil yoritqichlar mavjud.

Qurilmaning asosiy ustunligi – sun’iy intellekt asosidagi kuzatuv tizimi. Kamera bolalar, keksalar va uy hayvonlarini kuzatib, yiqilish, uzoq vaqt harakatsizlik yoki noodatiy holatlarni aniqlay oladi. Eng qiziqarli jihati, u bolaning dars...

Joriy yilning birinchi choragida 885 ta noqonuniy energiya iste’moli holati aniqlandi. Bu haqda Energetika vazirligi xabar bermoqda. Dastlabki hisob-kitoblarga ko‘ra, davlat manfaatlariga jami 196 mlrd so‘m zarar yetkazilgan.

Shundan 94,4 mlrd so‘m elektr energiyasi, 101,6 mlrd so‘m esa tabiiy gaz talon-toroj qilingani qayd etildi. Shuningdek, energiya resurslaridan foydalanish qoidalarini buzgan iste’molchilarga nisbatan 1,6 mingta ma’muriy bayonnoma rasmiylashtirildi.

Neft mahsulotlari bo‘yicha olib borilgan nazorat tadbirlarida 180 ta holatda sifatsiz mahsulot aniqlangan. Umumiy hajmi 4 ming tonna bo‘lgan ushbu mahsulotlarning sotuvga chiqarilishi oldi olindi.

Bundan tashqari, quvvati 50 kW va undan yuqori bo‘lgan iste’molchilar orasida reaktiv energiyani kompensatsiya qiluvchi qurilmalarni o‘rnatish...

Xitoyning Tencent Video texnologiya giganti it va mushuklar uchun mo‘ljallangan Xitoydagi birinchi 24 soatlik Pet TV striming kanalini ishga tushirdi.

Kanal platformaning VIP obunachilari uchun oyiga taxminan 25 yuan ($3,6) evaziga taqdim etiladi. KPMG xalqaro audit kompaniyasining 2025-yildagi hisobotiga ko‘ra, Xitoyning urbanizatsiyalashgan hududlarida uy hayvonlari bozori 2024-yilda 300 mlrd yuan ($44 mlrd)dan oshgan. Ushbu ko‘rsatkich 2027-yilga borib 400 mlrd yuan (58 mlrd)dan o‘tishi kutilmoqda.

Pet TV kontenti Amerikaning DogTV tarmog‘i dasturlari va kompaniyaning o‘z original videolarini birlashtiradi. Dasturlar hayvonlarning ko‘rish xususiyatlariga mos keluvchi ranglar, kadrlar yangilanish tezligi va audio chastotalar asosida ilmiy jihatdan tayyorlangan. Kompaniya xabariga ko‘ra, harakatlanuvchi qushlar...

2025 – 2026-yillarda 991 ta dorixona dorilar narxini asossiz oshirib 8,5 mlrd so‘m asossiz daromad qilgan. Bu haqda Raqobat qo‘mitasi Telegram kanalida ma’lum qildi.

Tekshiruvlar Fair tech yagona axborot tizimi orqali kelib tushgan ma’lumotlar asosida o‘tkazilgan. Dorixonalarning 152 tasi ulgurji, 839 tasi chakana dorixonalarga to‘g‘ri keladi. Umumiy hisobda 414 mingdan ortiq holatlarda narxlar asossiz oshirilgani qayd etilgan. Mablag‘lar iste’molchilar foydasiga qayta hisob-kitob qilindi.

Shuningdek, litsenziya talablarini buzish holatlari bo‘yicha materiallar Farmatsevtika mahsulotlari xavfsizligi markaziga taqdim etildi. Tekshiruvlar yakunida bir qator kompaniyalar litsenziyasidan mahrum qilindi. Ular orasida Farm effekt, Pharma brend, Gipofiz farm, Maxsudbek biznes, The great farm va Medex...

Kia EV9 GT elektromobili Auto Bild nashri o‘tkazgan taqqoslov testida eng yaxshi avtomobil deb topildi. Bu haqda «Tarantas Nyus» nashri xabar bermoqda.

Avtomobil 508 ot kuchiga ega bo‘lib, 0 dan 100 km/soatgacha 4,3 soniyada tezlashadi. 800 voltli arxitektura tufayli batareya 10 foizdan 80 foizgacha atigi 24 daqiqada zaryadlanadi. Hakamlar modelning asosiy ustunligini texnologiya va qulaylik muvozanati deb baholagan. Ko‘plab raqobatchilardan farqli ravishda avtomobilda asosiy funksiyalar uchun jismoniy tugmalar saqlab qolingan. Bu haydovchi e’tiborini chalg‘itmaslikka yordam beradi.

Krossover ikki motorli tizim va to‘liq uzatma bilan jihozlangan. U shahar sharoitida ham, uzoq masofali safarlarda ham qulay harakatlanish uchun moslashtirilgan. Model...

Qashqadaryo viloyati hududida joylashgan «Taxtaqoracha» dovonida tunnel qurish muzokaralari boshlandi. Bu haqda Kitob tumani hokimligi matbuot xizmati xabar bermoqda.

Kitob tumani hokimi Rustam G‘afurov hamda Yaponiyaning JICA vakillari o‘rtasida uchrashuv bo‘lib o‘tdi. Unda tunnel qurilishi loyihasi yuzasidan xorijiy kompaniyalar tomonidan ishlab chiqilgan takliflar ko‘rib chiqilgan.

Ma’lumotlarga ko‘ra, dovonda uzunligi 7 km bo‘lgan tunnel barpo etish rejalashtirilmoqda. Muzokaralarda zamonaviy muhandislik yechimlari, xavfsizlik talablariga mos infratuzilma yaratish hamda transport qatnovini yengillashtirish masalalari muhokama qilindi. Ushbu loyiha hududlararo transport aloqalarini sezilarli darajada yaxshilashini ta’kidlanmoqda. Shuningdek, yo‘l harakati xavfsizligi oshishi va iqtisodiy faollik kuchayishi kutilmoqda.

Eslatib o‘tamiz, Kursiv Uzbekistan nashri Toshkentdan Nurafshongacha...

«Samarqand 2028» sun’iy yo‘ldoshi may oyida uchiriladi. Bu haqda Toshkentda o‘tgan Space Technology Conference 2026 xalqaro anjumanida ma’lum qilindi.

Ta’kidlanishicha, loyiha Xitoyning StarVision kompaniyasi tomonidan ishlab chiqilgan. Mazkur sun’iy yo‘ldosh giperspektral texnologiyaga asoslangan bo‘lib, turli sohalarda keng qo‘llanishi rejalashtirilgan. Loyiha O‘zbekiston va Xitoy o‘rtasidagi ilmiy-texnologik hamkorlikning muhim natijasi sifatida baholanmoqda.

O‘tgan yili tomonlar sun’iy yo‘ldosh texnologiyalarini rivojlantirish, qo‘shma loyihalarni amalga oshirish hamda ilmiy integratsiyani kuchaytirish bo‘yicha memorandum imzolagan edi.

Oldinroq Shavkat Mirziyoyevga mamlakatda sun’iy yo‘ldoshlar uchirish va milliy fazogirlarni tayyorlash bo‘yicha axborot berilgan edi. Unda 2028-yilda Mirzo Ulug‘bek nomi bilan atalgan 6U formatdagi ilmiy sun’iy yo‘ldoshni uchirish taklif qilingandi.

2024 – 2025-yillar hamda joriy yilning birinchi choragida mehnat qonunchiligi buzilishidan zarar ko‘rgan 1,2 ming nafar xodimning huquqlari tiklanib, 32,3 mlrd so‘m undirildi.

Qonunchilikka muvofiq, xodim bilan tuzilgan mehnat shartnomasi noqonuniy bekor qilinganda yoki u asossiz ravishda boshqa ishga o‘tkazilganda, yetkazilgan zarar uchun javobgarlik mansabdor shaxs zimmasiga yuklanadi.

Shuningdek, o‘tkazilgan tahlillar natijasida mehnat qonunchiligini buzgan 623 nafar mansabdor shaxs aniqlangan. Ular tomonidan yetkazilgan 11,7 mlrd so‘m zararini Davlat budjetiga qaytarish bo‘yicha sudlarga da’vo arizalari kiritilgan.

Eslatib o‘tamiz, Kursiv Uzbekistan nashri O‘zbekistonda o‘rtacha oylik 6,4 mln so‘mga yetgani haqida yozgan edi.

2025-yil yakuniga ko‘ra nominal ish haqi 18,9 foizga...

Jahon oltin kengashi (World Gold Council) ma’lumotlariga ko‘ra, 2026-yil fevral oyida markaziy banklar tomonidan oltin xaridi yana faollashdi. Hisobotga ko‘ra, oy davomida dunyo markaziy banklari jami 19 tonna oltin sotib olgan.

Ushbu jarayonda O‘zbekiston Markaziy banki ham faol ishtirok etib, fevral oyida 8 tonna oltin xarid qildi. Natijada mamlakat oltin zaxiralari 407 tonnaga yetdi va bu umumiy zaxiralarning qariyb 88 foizini tashkil etmoqda. Yil boshidan buyon esa O‘zbekiston jami 16 tonna oltin sotib olgan.

Mamlakat ketma-ket besh oy davomida oltin xarid qilayotgan davlatlar qatoriga kirib, zaxiralarni oshirish siyosatini izchil davom ettirmoqda.

Fevral oyida eng yirik xaridor Polsha bo‘lib...

2026-yilning yanvar-fevral oylarida O‘zbekiston 19 ta xorijiy davlatga 43,2 mln litr gazlangan ichimliklar eksport qildi. Ushbu ko‘rsatkich o‘tgan yilning mos davridagiga nisbatan 2,9 barobarga o‘sgan.

Dastlabki ikki oyda amalga oshirilgan eksportning umumiy qiymati $19,9 mlnni tashkil etdi. Sotuv hajmi 2025-yilning yanvar-fevral oylariga taqqoslaganda mutlaq qiymatda 28,2 mln litrga ko‘paygan.

Asosiy xaridorlar qatorida Qozog‘iston yetakchilik qilmoqda. Ushbu davlatga 26,8 mln litr mahsulot yuborilgan. Undan keyingi o‘rinlarni 12,9 mln litr bilan Qirg‘iziston va 3 mln litr bilan Rossiya egalladi.

Shuningdek, Gruziyaga 123,2 ming, Mo‘g‘ulistonga 99,3 ming hamda boshqa davlatlarga 319,8 ming litr gazlangan ichimliklar yetkazib berilgan.

Avvalroq Kursiv Uzbekistan 1-apreldan energetik...

Volkswagen kompaniyasining yangi Volkswagen ID.Aura elektromobili yo‘l sinovlari vaqtida suratga tushirildi. Model 2026-yilda bozorga chiqishi kutilmoqda.

Yangi avtomobil o‘rta o‘lchamli elektr krossover bo‘lib, kompaniyaning LiDAR texnologiyasi bilan jihozlangan ilk modeli hisoblanadi. U ilk bor 2025-yil Shanxay avtosalonida ID.Era va ID.Evo modellari bilan birga namoyish etilgan edi.

Ma’lumotlarga ko‘ra, model CEA elektron platformasiga asoslangan. Ushbu arxitektura Xpeng bilan hamkorlikda ishlab chiqilgan. Platforma elektron tizimlarni soddalashtirib, avtomobil samaradorligini oshiradi. Tashqi ko‘rinishda yopiq old panjara, bo‘lingan faralar va tom qismida joylashgan LiDAR sensori e’tiborni tortadi. LED kunduzgi chiroqlar old qism bo‘ylab uzluksiz chiziq ko‘rinishida bo‘lishi kutilmoqda.

Avtomobil zamonaviy haydovchi yordam tizimlari bilan...

HBO kompaniyasi Garri Potter serialiga bag‘ishlangan maxsus epizod treylerini chiqardi. Bu haqda Life Hacker nashri xabar berdi.

«Garri izidan: sahna ortidagi sehr» nomli ushbu maxsus son 5-aprel kuni tomoshabinlarga taqdim etiladi.

Maxsus epizodda serialning birinchi mavsumi qanday yaratilgani, suratga olish jarayonlari, dekoratsiyalar tayyorlanishi va mashhur sahnalar ortidagi ishlar ko‘rsatib beriladi. Treylerda Xogvarts maktabi va o‘rmon sahnalari qanday tasvirga olingani, shuningdek, ayrim muhim obyektlarning miniatyura modellari yaratilgani ham namoyish qilingan.

Aktyorlar ham o‘z taassurotlari bilan o‘rtoqlashgan. Professor Makgonagall rolini ijro etayotgan Janet McTeer va Severus Sneyp obrazidagi Paapa Essiedu ilk bor Garri Potter olamiga kirib kelgan paytdagi hissiyotlarini aytib...

Skoda Scala modeli Avstraliya bozorini tark etishi mumkin. Kompakt xetchbek savdolari keskin pasaygani sabab kompaniya uning kelajagini qayta ko‘rib chiqmoqda.

2025-yilda Avstraliyada ushbu model atigi 249 dona sotildi. Bu ko‘rsatkich 2024-yildagi natijadan deyarli ikki baravar kam. O‘sha yili 416 ta avtomobil realizatsiya qilingan edi. Shunday qilib, Scala savdolari tarixiy minimum darajaga tushdi. Bu holat Skoda rahbariyatini jiddiy qaror qabul qilishga majbur qilmoqda. Kompaniyaning Avstraliyadagi bo‘limi rahbari Lucy Kuhn model taqdiri bozor tahliliga bog‘liq ekanini bildirdi.

Unga ko‘ra, hozir Scala’ning kelajagi bo‘yicha qo‘shimcha tadqiqotlar olib borilmoqda. Natijalarga qarab modelni bozorda qoldirish yoki olib tashlash masalasi hal qilinadi. Avvalroq Scala’ning asosiy...

O‘zbekistonda endilikda operatorlar abonentlarga faqat qo‘ng‘iroq va SMS’lardan iborat alohida tariflarni ham taqdim etishi kutilmoqda. Bu bo‘yicha hukumat qarori loyihasi jamoatchilik muhokamasiga qo‘yildi.

Bu bilan tarif nomlari orqali narxni yashirish amaliyotiga chek qo‘yilishi mumkin.

Loyihaga ko‘ra, mobil operatorlar abonentlarga faqat qo‘ng‘iroq va SMS’lardan iborat, internet trafiksiz alohida tarif rejalarini ham taklif qilishi shart bo‘lishi mumkin.

Mazkur talab aholining turli qatlamlari, ayniqsa, internetdan foydalanmaydigan yoki kam foydalanadigan foydalanuvchilar manfaatlarini himoya qilishga qaratilgan. Hozirgi vaqtda ko‘plab tariflarda internet majburiy tarzda kiritilgani sababli, ayrim abonentlar o‘zlariga kerak bo‘lmagan xizmat uchun ham to‘lov qilishga majbur bo‘lmoqda.

Shuningdek, loyiha doirasida mobil tariflarga nom...

2-aprel kuni Boku shahrida o‘tgan yig‘ilishda O‘zbekiston turkiy davlatlar o‘rtasida iqtisodiy hamkorlikni kuchaytirish tashabbuslarini qo‘llab-quvvatladi. Bu haqda bosh vazir Abdulla Aripov ma’lum qildi.

Unga ko‘ra, iqtisodiy integratsiyani chuqurlashtirish uchun turkiy davlatlar tashkiloti doirasida iqtisodiy sheriklik bo‘yicha doimiy kengash tashkil etish muhim. Ushbu tuzilma bosh vazir o‘rinbosarlari darajasida faoliyat yuritishi taklif qilindi.

Aripov turkiy davlatlar o‘rtasida sanoat kooperatsiyasini rivojlantirish ustuvor yo‘nalishlardan biri ekanini ta’kidladi. Shu sababli savdo-sanoat palatalari ittifoqini tashkil etish zarurligi qayd etildi. Bundan tashqari, strategik foydali qazilmalar bo‘yicha hamkorlik dasturini ishlab chiqish taklif qilindi. Bu dastur ishlab chiqarishda to‘liq qiymat zanjirini yaratishga xizmat qilishi kutilmoqda.

Eslatib o‘tamiz, Kursiv...