Yangiliklar

B va C toifali haydovchilik guvohnomasiga ega fuqarolar uchun Yaponiya bo‘ylab yuk tashuvchi haydovchilar uchun 250 ta bo‘sh ish o‘rni taklif etilmoqda. Bu haqda Migratsiya agentligi ma’lum qildi.

Dasturda 21 – 35 yoshdagi, B, C toifali haydovchilik guvohnomasiga ega va C toifasida kamida 3 yillik ish stajiga ega fuqarolar ishtirok etishi mumkin. Nomzodlar orasidan tanlov Xorijda Ish platformasida CV to‘ldirganlar ichidan amalga oshiriladi.

Tanlab olingan ishtirokchilar uchun Toshkent viloyatining Angren shahrida 2026-yil 15-iyundan keyin boshlanadigan 8 oylik bepul tayyorlov kurslari tashkil etiladi. Kurs davomida yotoqxona bepul taqdim qilinadi. Yapon tilini bilish nomzodlar uchun ustunlik sifatida baholanadi.

Ish beruvchi...

Apple App Store uchun Personalized Collections nomli yangi funksiyani taqdim etdi. Bu haqda GSM Arena nashri ma’lum qildi.

Ushbu funksiya foydalanuvchilarning qiziqishlari va ilovalardan foydalanish odatlariga qarab moslashtirilgan ilova hamda o‘yinlar tavsiyalarini taklif etadi.

Yangi tavsiyalar App Store’ning Apps, Games va Search bo‘limlarida ko‘rsatiladi. Shuningdek, har bir tavsiya bilan birga App Notes izohlari ham taqdim etiladi. Ular foydalanuvchiga aynan nima sababdan muayyan ilova yoki o‘yin tavsiya etilganini tushuntirib beradi. Tavsiyalar vaqt o‘tishi bilan foydalanuvchining yuklab olgan ilovalari asosida yangilanib boradi.

Personalized Collections funksiyasi shu haftadan boshlab AQShda ingliz tilidagi foydalanuvchilar uchun bosqichma-bosqich ishga tushiriladi. Kompaniya kelgusida ushbu imkoniyat...

Toshkent metropolitenining «Chinor» metro bekatida keng ko‘lamli rekonstruksiya ishlari boshlanishi munosabati bilan bekat 2026-yil 13-iyundan boshlab 50 kun muddatga yopiladi. Bu haqda metropoliten matbuot xizmati ma’lum qildi.

Loyiha doirasida bekatning kirish va chiqish qismlari kengaytiriladi. Shuningdek, yoshi ulug‘ fuqarolar, nogironligi bo‘lgan shaxslar hamda bolali oilalar uchun 4 ta katta sig‘imli zamonaviy lift o‘rnatilishi rejalashtirilgan.

Yo‘lovchilarga xizmat ko‘rsatish sifatini yaxshilash maqsadida bekatga qo‘shimcha 12 ta turniket ham o‘rnatiladi. Metropoliten ma’muriyatining ta’kidlashicha, amalga oshirilayotgan ishlar metro infratuzilmasini modernizatsiya qilish va bekatdan foydalanish qulayligini oshirishga qaratilgan.

Bekatning vaqtincha yopilishi davrida transport qatnovining uzluksizligini ta’minlash uchun «Chinor» va «Yangihayot» metro bekatlari o‘rtasida...

Istiqbolli loyihalar milliy agentligi «UMRC SPV» MChJning ipoteka obligatsiyalarini chiqarish to‘g‘risidagi qarorini ro‘yxatdan o‘tkazdi.

Ushbu obligatsiyalar «O‘zbekiston ipotekani qayta moliyalashtirish kompaniyasi» AJ huzurida tashkil etilgan maxsus vakolatli tashkilot tomonidan chiqariladi.

Bu O‘zbekistonda ipoteka kreditlarini sekyuritizatsiya qilish asosida chiqarilayotgan birinchi ipoteka obligatsiyalari hisoblanadi.

Pilot loyiha doirasida respublikadagi beshta bankning ipoteka kreditlari asosida jami 200 mlrd so‘mlik ipoteka obligatsiyalari chiqarilishi rejalashtirilgan.

Dastlabki emissiya Xalq banki tomonidan ajratilgan 40,5 mlrd so‘mlik ipoteka kreditlari portfeli asosida amalga oshiriladi.

Ipoteka obligatsiyalari banklarga ipoteka kreditlari portfelini kapital bozori orqali qayta moliyalashtirish imkonini beradi.

Bu esa banklar uchun qo‘shimcha resurs jalb qilish, yangi ipoteka kreditlari ajratish...

BMT Turizm tashkilotining World Tourism Barometer hisobotiga ko‘ra, 2026-yilning yanvar – mart oylarida O‘zbekiston xorijiy sayyohlar oqimi eng tez o‘sayotgan besh davlat qatoridan joy oldi. Hisobotda qayd etilishicha, turistlar soni 2025-yilning shu davridagiga nisbatan 37 foizga oshgan.

Taqqoslash uchun, 2026-yilning birinchi choragida dunyo bo‘yicha xalqaro sayohatlar hajmi o‘rtacha 2 foizga ko‘payib, 307 mln kishiga yetgan. Bu ko‘rsatkich o‘tgan yilning mos davriga nisbatan 6 mln sayyohga ko‘pdir. O‘zbekistonning o‘sish sur’ati jahon o‘rtacha ko‘rsatkichidan ancha yuqori bo‘ldi.

Mamlakat turizm sohasi so‘nggi yillarda rekord natijalarni qayd etmoqda. Xususan, 2025-yilda O‘zbekistonga qariyb 11,7 mln nafar xorijiy sayyoh tashrif buyurgan. 2026-yilning dastlabki besh...

Finance Football portali 2026-yilgi Jahon chempionatida ishtirok etuvchi terma jamoalar bosh murabbiylarining yillik maoshlari reytingini e’lon qildi, unda Fabio Kannavaro yuqori o‘rinlardan birini band etdi.

O‘zbekiston terma jamoasi ustozi Fabio Kannavaro yillik 4 mln yevro maosh bilan ro‘yxatning 5 va 6-o‘rinlarini Portugaliya bosh murabbiyi Roberto Martines bilan bo‘lishib turibdi. Italiyalik mutaxassis bu borada Fransiya terma jamoasi ustozi Dide Desham (3,8 mln yevro) va Niderlandiya bosh murabbiyi Ronald Kuman (3 mln yevro) kabi taniqli mutaxassislarni ortda qoldirgan.

Reyting peshqadami Braziliya milliy terma jamoasi ustozi Karlo Anchelotti bo‘lib, uning yillik maoshi 10 mln yevroni tashkil etadi. Kuchli uchlikdan Yulian Nagelsmann (Germaniya...

O‘rta tibbiyot xodimlari uchun Globogate dasturi doirasida Germaniyada ishlash imkoniyatini beruvchi yangi tanlovga arizalar qabul qilinmoqda. Bu haqda Migratsiya agentligi ma’lum qildi.

Dastur ishtirokchilari Germaniya bo‘ylab turli tibbiyot muassasalarida faoliyat yuritadi. Ish haftasiga o‘rtacha 39 soatni, kunlik ish vaqti esa 8 soatni tashkil etadi. Sinov muddati 3 oy etib belgilangan.

Dasturga 20 – 36 yoshdagi, 3 yillik tibbiyot kolleji diplomiga ega, sudlanmagan va sog‘lom nomzodlar ariza topshirishi mumkin. Shuningdek, ishtirokchilar 10 oylik bepul nemis tili kurslarida o‘qishga tayyor bo‘lishi hamda dasturdan asossiz voz kechmaslik majburiyatini olishi kerak. Nomzodlar ikki bosqichli tanlovdan muvaffaqiyatli o‘tganidan keyingina dasturga qabul qilinadi.

Loyiha...

Adliya vazirligi fond birjasi, birjadan tashqari savdo tashkilotchisi va investitsiya maslahatchilari faoliyatiga oid yangi nizomlarni davlat ro‘yxatidan o‘tkazdi.

Endilikda fond birjasi va qimmatli qog‘ozlarning birjadan tashqari savdosi tashkilotchisi sifatida ishlash uchun yuridik shaxslarga cheklanmagan muddatga litsenziya beriladi.

Litsenziya talabgori ustav fondini BHMning 5 800 baravari miqdorida pul mablag‘i shaklida shakllantirishi kerak. Shuningdek, ulushlarni sotish, rahbarlar almashinuvi va boshqa muhim masalalar litsenziyalovchi organ bilan kelishiladi.

Nizomda litsenziya oluvchi tashkilotlarning ustav kapitali uchun bosqichma-bosqich oshib boruvchi talablar joriy etildi:

Ustav...

Pokistonning Afg‘oniston hududiga bergan havo zarbalari oqibatida kamida 13 kishi halok bo‘ldi, yana 14 kishi jarohatlandi. Tomonlar hujumlar nishoni va qurbonlar haqida turlicha ma’lumot bermoqda, deya xabar berdi Reuters.

Afg‘onistonning Tolibon hukumati ma’lumotlariga ko‘ra, 10-iyun kuni Pokiston harbiylari Kunar, Xost va Paktika viloyatlariga havo zarbalari bergan. Hujumlar oqibatida kamida 13 kishi halok bo‘lgan, ulardan 11 nafari bolalar ekani aytilmoqda. Shuningdek, ayollar va bolalardan iborat yana kamida 14 kishi jarohat olgan.

Tolibon vakilining ta’kidlashicha, zarbalar Afg‘oniston havo hududini buzgan holda tinch aholi yashaydigan uylarni nishonga olgan. Hujumlardan biri yarim tundan keyin Xost viloyati Spera tumanidagi bir cho‘pon oilasi yashaydigan...

General Motors Braziliyada 2027-yilgi Chevrolet Onix Pro modelini taqdim etdi. GM Authority’ga ko‘ra, yangi versiya Onix xetchbekining boshlang‘ich komplektatsiyasi asosida yaratilgan, ammo ko‘proq qulaylik va jihozlarga ega.

Onix Pro 1,0 litrli atmosfera benzin dvigateli bilan jihozlangan. Model 16 dyuymli yengil qotishmali disklar, orqa ko‘rish kamerasi hamda mato va sun’iy charm aralash qoplamali o‘rindiqlar bilan taklif etiladi.

Shuningdek, avtomobilda yaqinlik kaliti, tugma orqali dvigatelni ishga tushirish, oltita xavfsizlik yostiqchasi, OnStar tizimi va Wi-Fi hotspot mavjud.

GM vakillariga ko‘ra, Onix Pro arzonroq model tanlaydigan, lekin avtomobili oddiy ko‘rinishini istamaydigan xaridorlar uchun mo‘ljallangan.

Chevrolet Onix Pro Braziliyada rasmiy dilerlarda sotuvga chiqdi. Model...

Samarqand viloyatida infratuzilma, sanoat va ijtimoiy loyihalarni jadallashtirish maqsadida 1,2 trln so‘m mablag‘ ajratish taklifi ilgari surildi. Shavkat Mirziyoyev viloyat hududlarini kompleks rivojlantirish va aholi turmush darajasini oshirishga bag‘ishlangan yig‘ilish o‘tkazdi.

Hududlarning iqtisodiy salohiyatidan kelib chiqib, ularni aniq ixtisoslashuv asosida rivojlantiriladi. Bulung‘ur, Qo‘shrabot, Paxtachi va Kattaqo‘rg‘on tumanlari qishloq xo‘jaligi, chorvachilik va bog‘dorchilik markazlariga aylantiriladi. Bulung‘urda $50 mlnlik naslchilik korxonasi, Qo‘shrabot va Oqdaryoda esa $20 mlnlik naslli jo‘ja yetishtirish korxonalari tashkil etiladi.

Narpay tumani va Kattaqo‘rg‘on shahri sanoat hamda xizmatlar markazi sifatida rivojlantiriladi. Narpayda 100 gektar maydonda sanoat zonasi tashkil etilib, $500 mlnlik loyihalar joylashtiriladi. Loyihalarga Yaponiyaning...

Chevrolet Cobalt O‘zbekistonda ham, ikkilamchi avtomobil bozorida ham eng ko‘p qidiriladigan budjet sedanlardan biri bo‘lib qolmoqda. 110 km nashri 2013-yilda ishlab chiqarilgan Chevrolet Cobalt’dan foydalanish tajribasi asosida modelning asosiy kamchiliklari va kuchli tomonlari haqida ma’lumot berdi.

Cobalt egalari duch keladigan bir holat — pechka motorchasining hushtak chalishi. Ayniqsa, sovuq mavsumda yoki salonda isitish tizimi faol ishlatilganda bunday ovoz haydovchi va yo‘lovchilarga noqulaylik tug‘diradi. Nam havoda esa oynalarning tez-tez terlashishi kuzatiladi. Bu holat ko‘rish imkoniyatini pasaytirib, haydash xavfsizligiga salbiy ta’sir qilishi mumkin.

Modelning yana bir kamchiligi sifatida shovqin izolyatsiyasi zaifligi tilga olinadi. Ayniqsa, tikanli shinalardan foydalanilganda yo‘l shovqini salonga yaqqol...

General Motors (GM) tomonidan Braziliyada 2027-yilgi Chevrolet Onix Log avtomobili sotuvga chiqarildi. Bu haqda GMAutority nashri xabar bermoqda.

Chevrolet Onix Log Braziliyada kengaytirilgan Onix model qatorining yangi talqinlaridan biri sifatida taqdim etildi. Model besh eshikli xetchbek kuzovi asosida ishlab chiqilgan bo‘lib, saloni yuk tashish imkoniyatini oshirish uchun qayta jihozlangan.

Chevrolet Brazil ma’lumotiga ko‘ra, Onix Log professional, korporativ va yengil logistika ehtiyojlari uchun yaratilgan. Kompaniya ushbu modelni past ekspluatatsiya xarajatlari, oson texnik xizmat ko‘rsatish va intensiv foydalanish sikllariga tayyor kompakt avtomobilga muhtoj bizneslar uchun yechim sifatida ta’riflamoqda.

Yangi modelda nimalar bor

Yangi Onix Log‘da ikkinchi qator o‘rindiqlar olib tashlangan...

11-iyun uchun valyutalar kursi yangilandi. Unga ko‘ra, dollar kursi 13,81 so‘mga tushib, 12 054,03 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

4-iyun kuni 36,04 so‘mga oshib, 11 970,68 so‘mga, 5-iyun kuni esa 26,53 so‘mga oshib, 11 997,21 so‘mga yetdi. 8-iyun kuni 52,23 so‘mga oshib, 12 049,44 so‘mni, 9-iyun kuni 36,04 so‘mga tushib, 12 013,40 so‘m 10-iyun kuni esa 21,82 so‘mga tushib, 12 035,22 so‘mni tashkil qildi.

Markaziy bank ma’lumotlariga ko‘ra, yevro 16,93 so‘mga oshib, 13 932,05 so‘mni, rubl esa 0,9 so‘mga tushib, 167,05 so‘mni tashkil etdi.

Avvalroq Kursiv Uzbekistan...

GM elektromobil egalari yaqin orada avtomobillaridagi ortiqcha elektr energiyasini umumiy elektr tarmog‘iga uzatib, bundan daromad olish imkoniyatiga ega bo‘lishi mumkin. Bu haqda Reuters agentligi xabar berdi.

General Motors AQShdagi elektromobillar uchun dasturiy ta’minot yangilanishini ishga tushirdi. Yangilanish GM’ning vehicle-to-home tizimi orqali avtomobil akkumulyatoridagi elektr energiyasini nafaqat uyga, balki elektr tarmog‘iga ham uzatish imkonini beradi.

Mazkur tizim avval elektr ta’minotida uzilish yuz berganda elektromobil yordamida uylarni energiya bilan ta’minlash uchun mo‘ljallangan edi. Endi esa foydalanuvchilar ortiqcha energiyani kommunal xizmat ko‘rsatuvchi kompaniyalarga sotishi mumkin bo‘ladi. Bunday operatsiyalardan GM ham ulush oladi.

Hozircha bunday imkoniyatni juda kam sonli energetika kompaniyalari taklif...

Honor kompaniyasi MagicOS tizimi uchun yangi «virtual ruxsatlar» funksiyasini taqdim etdi. Bu haqda Huaweicentral xabar berdi.

Ushbu funksiya foydalanuvchi maxfiyligini himoya qilishga qaratilgan. Endi ayrim ilovalar xabarlar, qo‘ng‘iroqlar tarixi va kalendar kabi shaxsiy ma’lumotlarga to‘g‘ridan to‘g‘ri kira olmaydi.

Agar ilova bunday ma’lumotlarni o‘qishga urinsa, tizim unga haqiqiy ma’lumot o‘rniga bo‘sh ma’lumotlarni ko‘rsatadi. Shu orqali foydalanuvchining shaxsiy axboroti himoyalanadi.

Funksiyani yoqish uchun Honor smartfonlarida «Sozlamalar» bo‘limiga kirib, «Maxfiylik va xavfsizlik» menyusidan «Virtual ruxsatlar»ni tanlash kerak bo‘ladi. U yerda har bir ilova uchun alohida cheklov qo‘yish mumkin.

Yangi imkoniyat MagicOS 10.0.0.160 versiyasida tarqatila boshladi.

Eslatib o‘tamiz, avvalroq Honor Magic V...

Telegram Apple Watch foydalanuvchilari uchun alohida ilovani qayta taqdim etdi. Bu haqda messenjer asoschisi Pavel Durov o‘z sahifasida xabar berdi.

Telegram’ning watchOS uchun dasturi avval ham mavjud bo‘lgan, biroq 2022-yilda ishlab chiquvchilar uni raqamli do‘konlardan olib tashlagan edi. Endilikda messenjer Apple Watch foydalanuvchilari uchun qayta taqdim etildi.

Yangi ilova orqali foydalanuvchilar matnli va ovozli xabarlar yuborishi hamda qabul qilishi, GIF-fayllar almashishi, videolarni tomosha qilishi, geolokatsiya ulashishi va stikerlardan foydalanishi mumkin. Shuningdek, barcha suhbatlar va kontaktlar ro‘yxatiga to‘g‘ridan to‘g‘ri smart soat orqali kirish imkoniyati ham yaratilgan.

Ilovani Apple Watch’ga o‘rnatish uchun, avvalo, iPhone’dagi Telegram dasturini yangilash kerak...

O‘zbekistonda pedagogika yo‘nalishlarida tahsil olayotgan talabalarning bilimlari tashqi diagnostika orqali baholanadi. Bu haqda Adliya vazirligi xabar bermoqda.

Nizomga muvofiq, tashqi diagnostika pedagogika yo‘nalishlarida kadrlar tayyorlash sifatini baholash maqsadida o‘tkaziladi. Unda ushbu yo‘nalishlarda tahsil olayotgan uchinchi bosqich talabalari ishtirok etadi. Diagnostika har o‘quv yilida bir marta test sinovlari shaklida tashkil qilinadi.

Testlar 50 ta savoldan iborat bo‘ladi va ularni bajarish uchun talabalarga 45 daqiqa vaqt beriladi. Har bir to‘g‘ri javob 2 ball bilan baholanadi, maksimal natija esa 100 ballni tashkil qiladi. Tashqi diagnostikani o‘tkazish uchun har o‘quv yilining sentabr oyida maktabgacha va maktab ta’limi vazirining buyrug‘i bilan ishchi guruh tuziladi...

«Nika Pharm» MChJga «Rinoksil Formula+» dori vositasi reklamasida tarixiy shaxslar obrazidan foydalangani uchun moliyaviy jarima qo‘llandi.

Raqobat qo‘mitasi ma’lumotiga ko‘ra, reklamada Amir Temur, Ibn Sino, Alisher Navoiy, Jorj Vashington, Yuliy Sezar va Napoleon Bonapart kabi tarixiy shaxslar obrazi ishlatilgan.

Reklamada ushbu dori vositasi go‘yoki ular tomonidan ishlatilgandek turli holatlarda namoyish etilgan.

Qo‘mita bunday reklama tarixiy shaxslar xotirasiga hurmatsizlik, shuningdek, axloq va ma’naviyat normalariga zid ekanini qayd etdi.

«Reklama to‘g‘risida»gi Qonunga ko‘ra, reklamada milliy va oilaviy an’analar, axloq hamda ma’naviyat normalariga zid shakl, ibora va obrazlardan foydalanish taqiqlanadi.

Holat yuzasidan Nika Pharm’ga nisbatan ish qo‘zg‘atilib, moliyaviy jarima qo‘llash haqida qaror...

OnePlus kompaniyasi tomonidan Xitoyda yangi OnePlus Turbo 6X smartfoni taqdim etildi. Bu haqda IThome nashri xabar bermoqda. Model Dimensity 7360 Super platformasi asosida ishlaydi.

Yangi OnePlus Turbo 6X Xitoyda 15-iyundan sotuvga chiqadi. Smartfonning boshlang‘ich narxi 1499 yuan, ya’ni taxminan $220 etib belgilangan. Shu narxda foydalanuvchilarga katta sig‘imli batareya, yuqori yangilanish chastotasiga ega ekran va NFC kabi funksiyalar taklif etilmoqda.

Smartfon 6,72 dyuymli IPS ekran bilan jihozlangan. Displey Full HD+ aniqlikka ega bo‘lib, 2400×1080 piksel tasvir sifatini ta’minlaydi. Ekranning yangilanish chastotasi 144 Hz, maksimal yorqinligi esa 1000 nitgacha yetadi. OnePlus ma’lumotiga ko‘ra, ekran nam qo‘l, yog‘li barmoqlar yoki qo‘lqop bilan...

9-iyun kuni soat taxminan 17:30 larda Sirdaryo viloyatining Guliston tumanidagi Ishonch mahallasi yaqinida chiyabo‘ri 4 nafar fuqaroga hujum qildi. Bu haqda viloyat hokimligi xabar berdi.

Hodisa vaqtida mahallada yashovchi fuqaro tezkor harakat qilib, yovvoyi hayvonni zararsizlantirgan. Shu tariqa mavjud xavf bartaraf etilgan.

Jarohat olgan fuqarolarga tibbiy yordam ko‘rsatildi. Hozirda ularning ahvoli qoniqarli ekani aytilmoqda.

Hokimlik ma’lum qilishicha, holat yuzasidan mas’ul tashkilotlar tomonidan o‘rganish va profilaktik tadbirlar olib borilmoqda.

Eslatib o‘tamiz, avvalroq nobud bo‘lgan baliqlarni kanalga oqizgan korxonaga 92 million so‘m kompensatsiya hisoblangandi. Ijtimoiy tarmoqlarda Zangiota tumani Achchisoy kanalida baliqlar nobud bo‘layotgani aks etgan video tarqaldi. Mazkur holat Ekologiya...

Argentina terma jamoasi sardori Lionel Messi Jahon chempionati oldidan milliy jamoaning kayfiyati va maqsadlari haqida gapirdi. Uning so‘zlariga ko‘ra, amaldagi jahon chempionlari yangi mundialda ham yuqori natija uchun kurashishga tayyor.

Argentina terma jamoasi jahon chempionati starti oldidan Islandiyaga qarshi o‘rtoqlik uchrashuvida 3:0 hisobida g‘alaba qozondi. Uchrashuvda argentinaliklar 8-daqiqadayoq hisobni ochdi. Gol muallifi Valentin Barko bo‘ldi.

Ikkinchi bo‘limda Lionel Messi penaltini aniq amalga oshirib, hisobni 2:0 ko‘rinishiga keltirdi. 86-daqiqada esa Tyago Almada uchinchi golni urib, Argentina g‘alabasini yirik hisobga aylantirdi.

O‘yindan so‘ng Messi maydonga qaytganidan xursand ekanini aytdi. Uning ta’kidlashicha, uchrashuv oldidan kichik sog‘liq muammolari bo‘lgan, biroq u baribir biroz...

Oliy Majlis Qonunchilik palatasida xorijiy investorlarga yer munosabatlariga oid huquqiy kafolatlarni kuchaytirishga qaratilgan qonun loyihasi birinchi o‘qishda qabul qilindi.

Loyiha bilan xorijiy investorlar, chet el fuqarolari, fuqaroligi bo‘lmagan shaxslar va xorijiy investitsiyalar ishtirokidagi korxonalarning yer uchastkalariga doir huquqlari Yer kodeksida alohida tartibga solinmoqda.

Hujjatda xorijiy investorlar tomonidan yer uchastkalarini ijaraga olish asoslari va shartlari ham belgilanadi. Asosiy yangiliklardan biri bu investorlarga yer uchastkalarini ijaraga berish muddati 25 yildan 49 yilgacha uzaytirilishi taklif etilmoqda.

Shuningdek, qishloq xo‘jaligiga mo‘ljallangan yerlarni ham 49 yil muddatga ijaraga berish mustahkamlanmoqda. Amaldagi tartibda bu muddat 30 yil etib belgilangan.

Deputatlarning fikricha, qonun loyihasi yer munosabatlarida...

Oliy Majlis Qonunchilik palatasi xorijiy fuqarolar uchun maxsus soliq rejimini joriy etish hamda kasbiy ta’limni qo‘llab-quvvatlashga qaratilgan qonun loyihasini qabul qildi. Bu haqda quyi palata matbuot xizmati xabar berdi.

Hujjat xorijiy fuqarolarni O‘zbekistonning soliq rezidenti sifatida tan olish hamda ular uchun alohida soliq rejimini qo‘llash tartibini belgilaydi. Maxsus rejim ishtirokchisiga aylangan shaxsning voyaga yetmagan oila a’zolariga ham ayrim imtiyozlar tatbiq etilishi mumkin.

Mazkur maqomni olish uchun xorijiy fuqaro vakolatli bankda hisobvaraq ochishi yoki kriptobirjada hamyon yaratishi talab qilinadi. Shuningdek, belgilangan miqdorda maxsus yig‘im to‘lanadi.

Qonun loyihasida dual ta’lim dasturlari bo‘yicha tahsil olayotgan xodimlar uchun ham yengillik nazarda tutilgan. Unga...