Yangiliklar

O‘zbekistonga Italiya, Falastin, Saudiya Arabistoni, Kuvayt, Jazoir, Malayziya, Pokiston, Ozarbayjon va Qozog‘istonning yangi tayinlangan elchilari keldi. Prezident Shavkat Mirziyoyev ular bilan uchrashib, ikki tomonlama hamkorlikni kengaytirishning ustuvor yo‘nalishlarini belgilab berdi.

Italiya bilan «yashil» energetika va ta’lim yo‘nalishlari kengayadi

Davlat rahbari Italiyani O‘zbekistonning muhim siyosiy va iqtisodiy hamkori sifatida e’tirof etdi. Tomonlar «yashil» energetika, metallurgiya, kimyo, qishloq xo‘jaligi, sog‘liqni saqlash, farmatsevtika, ta’lim va turizm sohalaridagi hamkorlikni yanada rivojlantirishga alohida e’tibor qaratdi.

Shuningdek, Toshkentdagi Turin politexnika universiteti va Piza universiteti filiallari faoliyati yuqori baholandi. Lombardiya va Toskana hududlari bilan tibbiyot mutaxassislarini tayyorlash bo‘yicha qo‘shma tashabbuslar qo‘llab-quvvatlanishi bildirildi.

Falastin masalasida...

General Motors 2026-yilgi Chevrolet Silverado EV elektromobil-pikapining ayrim komplektatsiyalarida tashqi yon ko‘zgular jihozlarini yangiladi. Bu haqda GMAutority nashri xabar bermoqda.

Eng katta yangilanish LT komplektatsiyasiga tegishli bo‘lib, avval LT Standard Range va LT Extended Range versiyalari isitiladigan hamda elektr yordamida sozlanadigan DLF turidagi tashqi ko‘zgular bilan jihozlangan edi.

Endilikda ularga DX6 ko‘zgulari o‘rnatiladi. Yangi jihoz isitish va elektr sozlash funksiyalaridan tashqari, ko‘zgularni elektr yordamida bukish hamda haydovchi tomonidagi oynani avtomatik xiralashtirish imkoniyatini beradi.

LT Max Range versiyasida ko‘zgular holatini eslab qolish funksiyasi standart jihoz hisoblanadi. LT Extended Range’da esa ushbu imkoniyat Plus yoki Premium paketlaridan biri tanlanganda taqdim etiladi.

«Real Madrid» va Fransiya terma jamoasi hujumchisi Kilian Mbappe ispaniyalik aktrisa Ester Ekspósito bilan Parijda birga ko‘rinish berdi. Juftlik Fransiya poytaxtidagi mashhur moda do‘konlariga tashrif buyurgan, deya xabar berdi Kursiv Kazakistan.

Juftlik Parijda shopping qildi

O‘tgan dam olish kunlari 27 yoshli futbolchi va 26 yoshli aktrisa Parij ko‘chalarida birga sayr qilgan. Ular Dior va Jacquemus kabi mashhur fransuz moda uylari do‘konlariga kirgan.

Backgrid agentligi e’lon qilgan suratlarda Mbappe Dior brendining och sariq-kulrang uzun yengli ko‘ylagi va to‘q rangli shimda ko‘rinadi. Ester Ekspósito esa qora libos, quyoshdan himoyalovchi ko‘zoynak va to‘rli ro‘mol taqqan.

O‘zbekistonda haydovchilarga ma’lum haq evaziga jarima ballarini elektron bazadan o‘chirib berishni taklif qilayotgan firibgarlar paydo bo‘ldi. Bu haqda Yo‘l harakati xavfsizligi boshqarmasi axborot xizmati rahbari Zoyir Yo‘ldoshev ma’lum qildi.

Uning aytishicha, jarima ballari onlayn tarzda avtomatik hisoblanadi va tizim to‘liq himoyalangan. Shu sababli biror shaxsning ballarni bazadan o‘chirishi yoki natijalarni qo‘lda o‘zgartirishi mumkin emas. Bunday va’dalar faqat fuqarolarning pullarini qo‘lga kiritishga qaratilgan firibgarlik hisoblanadi.

YHXB vakili shunday holatga duch kelgan fuqarolardan zudlik bilan ichki ishlar organlariga murojaat qilishni so‘radi. Uning ta’kidlashicha, huquqni muhofaza qiluvchi organlar ijtimoiy tarmoqlarni muntazam kuzatib, zararli havolalar, shubhali e’lonlar va firibgarlik sxemalarini aniqlash hamda ularga...

O‘zbekiston milliy terma jamoasi navbatdagi FIFA kunlari doirasida Koreya Respublikasiga qarshi o‘rtoqlik uchrashuvi o‘tkazadi. Fabio Kannavaro boshqaruvidagi jamoa 6-oktabr kuni safarda maydonga tushadi.

Mazkur bahs O‘zbekiston terma jamoasining navbatdagi xalqaro uchrashuvlarga tayyorgarlik jarayonining bir qismi bo‘ladi. Milliy jamoa FIFA kunlarida yana bir qator o‘rtoqlik o‘yinlari o‘tkazishi rejalashtirilgan. Hozircha Koreya Respublikasiga qarshi uchrashuvning boshlanish vaqti va qaysi stadionda tashkil etilishi ma’lum qilinmagan.

FIFA reytingi

FIFA’ning 2026-yil 20-iyulda yangilangan erkaklar terma jamoalari reytingida Koreya Respublikasi 32-o‘rinni egallab turibdi. O‘zbekiston esa dunyo tasnifida 60-pog‘onadan joy olgan. Shu tariqa, bo‘lajak raqiblar o‘rtasidagi farq 28 o‘rinni tashkil etmoqda.

Jamoalar qanday natija...

Apple kelajakdagi iPhone 18 seriyasi uchun OLED displeylarni arzonroq narxda xarid qilishga urinmoqda. Soha manbalariga ko‘ra, kompaniya iPhone 18 Pro Max ekranining har bir donasi uchun qariyb $70 to‘lashni rejalashtirmoqda.

Avvalgi avlodlarda ham yangi iPhone chiqarilishi bilan OLED panellar narxi pasayib borgan. Yetkazib berish muddati va shartlariga qarab, iPhone 16 Pro Max displeylarining narxi ayrim hollarda $100 dan oshgan. iPhone 17 Pro Max uchun mo‘ljallangan panellar esa qariyb $80 gacha arzonlashgan.

Model qanday materialda chiqadi

iPhone 18 ekranlari ilk bor M16 organik materiallar majmuasi asosida ishlab chiqarilishi kutilmoqda. Yangi texnologiya displeyning yorqinligini oshirish, xizmat muddatini uzaytirish va ranglarni...

Raqobat qo‘mitasi fuqarolarni «Tashabbusli budjet» loyihasi doirasida ovoz berish evaziga pul mukofoti va’da qilayotgan norasmiy Telegram-botlar hamda ularning reklamalariga ishonmaslikka chaqirmoqda. Bu haqda qo‘mita Telegram kanalida ma’lum qildi.

Qo‘mita ma’lumotiga ko‘ra, «Tashabbusli budjet» fuqarolarga o‘z hududidagi ijtimoiy muammolarni hal qilishga qaratilgan loyihalarni ilgari surish va ovoz berishda ishtirok etish imkonini beradi. Ovoz berish ixtiyoriy bo‘lib, buning uchun hech qanday to‘lov undirilmaydi yoki moddiy rag‘batlantirish berilmaydi.

So‘nggi vaqtlarda ijtimoiy tarmoqlarda ayrim norasmiy Telegram-botlar orqali ovoz berish evaziga pul taklif qilinayotgani kuzatilgan. Bunday takliflar aholi orasida turli talqin va bahslarga sabab bo‘lib, jarayonning shaffofligiga salbiy ta’sir ko‘rsatishi mumkin.

Ovoz berish...

Qozog‘iston maktab ta’limi dasturiga sun’iy intellektdan xavfsiz va mas’uliyatli foydalanish bo‘yicha bilimlar rasman kiritiladi. Bu mamlakatda yangilangan davlat majburiy ta’lim standarti doirasida amalga oshiriladi, deb xabar berdi Qozog‘iston Ta’lim vazirligi.

Yangi standartda o‘quvchilarda sun’iy intellekt va raqamli resurslardan samarali, xavfsiz hamda mas’uliyatli foydalanish ko‘nikmalarini shakllantirish ko‘zda tutilgan. Shu orqali maktab o‘quvchilari zamonaviy texnologiyalardan foydalanish bilan birga, ularning imkoniyatlari va ehtimoliy xavflarini ham tushunishi kerak bo‘ladi.

Yangi prinsiplar

Yangilangan ta’lim mazmuniga Konstitutsiya tamoyillari, «Adal azamat» yagona tarbiya dasturi qadriyatlari, «Yangi Qozog‘iston» konsepsiyasi hamda «Qonun va tartib» prinsipi ham integratsiya qilinadi.

Ma’rifat vazirligining ta’kidlashicha, o‘quvchilarning Konstitutsiya asoslari, fuqarolarning huquq va...

Shveysariya sudi xususiy Lombard Odier bankini pul yuvishning oldini olish choralarini yetarli darajada ko‘rmagani uchun 3 mln Shveysariya franki ($3,68 mln) miqdorida jarimaga tortdi. Shu bilan birga, sud O‘zbekistonning sobiq prezidenti Islom Karimovning qizi Gulnora Karimovaga nisbatan Shveysariyadagi ish yurituvini to‘xtatdi.

Bank pul yuvish xavfini yetarlicha nazorat qilmagan deb topildi

Reuters yozishicha, Jenevada joylashgan Lombard Odier banki va uning sobiq xodimi Karimovaning ehtimoliy jinoiy faoliyatidan olingan mablag‘larni yashirishga imkon yaratganlikda ayblangan edi. Mazkur ish bo‘yicha sud jarayoni aprel oyida boshlangan.

Sud bayonotida bank pul yuvishning oldini olish uchun «barcha oqilona va zarur tashkiliy choralarni» ko‘rmagani uchun jarimaga tortilgani...

O‘zbekistonda Adliya organlariga kontrafakt mahsulotlarni aniqlash bo‘yicha nazorat xaridlarini mustaqil tashkil etish hamda huquqni muhofaza qiluvchi organlar bilan birgalikda yashirin ishlab chiqarish holatlarini fosh etish vakolatlari berildi. Bu haqda Oliy Majlis matbuot xizmati ma’lum qildi.

Deputatlar mualliflik va turdosh huquqlarni buzgan yuridik shaxslar uchun moliyaviy javobgarlik mexanizmlarini joriy etish masalasiga ham e’tibor qaratgan. Bundan tashqari, ma’muriy huquqbuzarliklar doirasida xususiy ayblov va yarashuv institutlarini amaliyotga tatbiq etish taklif qilindi.

Tovar belgilarini davlat ro‘yxatidan o‘tkazish tartibini soddalashtirish ham qonunchilikni takomillashtirishning muhim yo‘nalishlaridan biri sifatida ko‘rsatildi. Shuningdek, intellektual mulk obyektlarini kredit ta’minoti sifatida garovga qo‘yish uchun huquqiy mexanizmlar yaratish rejalashtirilmoqda.

Amazon AQSh Federal aloqa komissiyasidan orbitaga 5,1 mingtagacha internet sun’iy yo‘ldoshini chiqarishga ruxsat so‘radi. Kompaniya bu orqali smartfon va boshqa qurilmalarga bevosita sun’iy yo‘ldosh orqali internet ulanishini ta’minlaydigan D2D tarmog‘ini yaratmoqchi.

Tarmoq bevosita qurilmalarga ulanadi

Amazon rejasiga ko‘ra, D2D, ya’ni direct-to-device tarmog‘i an’anaviy mobil aloqa minoralarisiz ishlaydi. Bunda internet yoki aloqa xizmati sun’iy yo‘ldosh orqali to‘g‘ridan to‘g‘ri smartfon va boshqa qurilmalarga yetkaziladi.

Kompaniya bunday xizmatni birinchi marta aprel oyida e’lon qilgan edi. O‘shanda Amazon sun’iy yo‘ldosh operatori Globalstar’ni taxminan $11,6 mlrdga sotib olishini bildirgan.

Amazon Globalstar infratuzilmasidan foydalanadi

Amazonning FCCga yuborgan arizasida D2D tarmog‘i kompaniyaning mavjud infratuzilmasi...

BMT Bosh Assambleyasi Turkmaniston tashabbusi bilan 2028-yilni Xalqaro huquq yili deb e’lon qilish to‘g‘risidagi rezolyutsiyani qabul qildi. Business Turkmenistan yozishicha, hujjat 78 davlat tomonidan hammualliflikda qo‘llab-quvvatlandi.

Rezolyutsiya konsensus asosida qabul qilindi

Turkmaniston Tashqi ishlar vazirligi ma’lumotiga ko‘ra, «2028-yil – Xalqaro huquq yili» deb nomlangan rezolyutsiya 24-iyul kuni BMT Bosh Assambleyasining 80-sessiyasi 106-yalpi majlisida qabul qilingan.

Hujjat ovoz berishsiz, konsensus asosida ma’qullandi.

Tashabbusni Turkmaniston ilgari surgan

Rezolyutsiya loyihasini taqdim etgan Turkmaniston delegatsiyasi bugungi global o‘zgarishlar sharoitida xalqaro huquqqa hurmatni kuchaytirish muhimligini ta’kidladi.

Delegatsiyaga ko‘ra, xalqaro huquqni mustahkamlash xalqaro tinchlik va xavfsizlikni saqlash, Barqaror rivojlanish maqsadlariga erishish hamda samarali...

O‘zbekistonning Jahon savdo tashkilotiga a’zo bo‘lishi bo‘yicha Ishchi guruhning 13-yig‘ilishi Shveysariyaning Jeneva shahrida boshlandi. Muzokaralar JST qarorgohi joylashgan Uilyam Rappard markazida yuzma-yuz shaklda o‘tkazilmoqda.

Yig‘ilish 27-iyul kuni mahalliy vaqt bilan soat 10:00 da boshlandi. JSTning rasmiy taqvimida O‘zbekiston bo‘yicha Ishchi guruh majlislari 27 – 28-iyul kunlari soat 10:00 ga belgilangan. Bu muzokaralar zarurat tug‘ilganda ikkinchi kuni ham davom etishini anglatadi.

Muzokaralar yakuniy bosqichga yaqinlashmoqda

Avvalroq prezidentning JST masalalari bo‘yicha maxsus vakili Azizbek Urunov mamlakatning tashkilotga qo‘shilish jarayoni turli qiyinchiliklar bilan kechganini ma’lum qilgan edi. Uning aytishicha, ayrim JST a’zolari Toshkentga tashkilotga kirish o‘rniga savdo hamkorligining boshqa shakllaridan foydalanishni taklif...

Prezident Shavkat Mirziyoyev Yangi Toshkent shahrida barpo etilayotgan O‘zbekiston Milliy kutubxonasining yangi binosidagi qurilish ishlari bilan tanishdi. Umumiy maydoni 30 ming kvadrat metrdan ortiq bo‘lgan majmuada ishlarning 90 foizi bajarilgan, obyektni joriy yilda foydalanishga topshirish rejalashtirilgan.

To‘rt qavatli bino bir vaqtning o‘zida 1 420 nafar kitobxonga xizmat ko‘rsatish imkoniyatiga ega bo‘ladi. Uning me’moriy yechimida milliy an’analar va zamonaviy uslub uyg‘unlashtirilgan.

Prezident qurilish va jihozlash ishlarini sifatli yakunlash, kutubxona fondi, raqamli xizmatlar hamda foydalanuvchilar uchun yaratiladigan sharoitlarni o‘zaro uyg‘un holda tashkil etish bo‘yicha ko‘rsatmalar berdi.

Elektron bazalardan foydalanish imkoniyati yaratiladi

Yangi kutubxonada kitob fondlarini saqlash, hisobga olish, ularning xavfsizligini...

Samsung kompaniyasining kelgusi Samsung Galaxy S27 Ultra modeliga oid yangi ma’lumotlar paydo bo‘ldi. Bu haqda Galaxyclub xabar bermoqda.

Galaxy S27 Pro‘da nominal sig‘imi 5087 mA/soat bo‘lgan batareyadan foydalanilishi aytilmoqda. Samsung qurilmani taqdim etish vaqtida uning odatiy sig‘imini 5200 mA/soat sifatida ko‘rsatishi mumkin. Model ixcham o‘lchamda ishlab chiqarilishi hisobga olinsa, bu Galaxy S turkumidagi kompakt smartfonlar uchun sezilarli o‘sish bo‘ladi.

Galaxy S27 Ultra esa nominal sig‘imi 5534 mA/soat bo‘lgan akkumulyator olishi kutilmoqda. Uning odatiy sig‘imi 5700 mA/soat, ayrim hisob-kitoblarga ko‘ra esa 5800 mA/soatgacha yetishi mumkin.

Taqqoslash uchun, Galaxy S26 Ultra 5000 mA/soatli batareya bilan jihozlangan. Shunday qilib, yangi Ultra modelida...

O‘zbekistonda davlat organi yoki uning mansabdor shaxsining noqonuniy qarori, harakati yoxud harakatsizligi oqibatida yetkazilgan zararni qoplash tartibi belgilandi. Bu haqda Adliya vazirligi xabar bermoqda.

Prezident imzolagan qonunga muvofiq, zararni qoplash uchun undiriladigan mablag‘ miqdori sud qarori asosida aniqlanadi. Jismoniy yoki yuridik shaxsga yetkazilgan hamda sudning qonuniy kuchga kirgan qarori bilan tasdiqlangan moddiy yoki ma’naviy zarar hududiy kompensatsiya jamg‘armasidan pul shaklida qoplab beriladi.

Yangi tartib qanday ishlaydi

Kompensatsiya sudning zararni qoplash haqidagi qaroriga muvofiq berilgan ijro varaqasi asosida to‘lanadi. Agar zarar yetkazgan aniq shaxs sudning qonuniy kuchga kirgan qarori bilan aybdor deb topilsa, moddiy yoki ma’naviy zararni aynan shu...

Jinoyat olamida «Jora Tashkentskiy» laqabi bilan tanilgan Georgiy Sorokin Misrning Sharm el-Shayx shahrida qo‘lga olinib, O‘zbekistonga olib kelindi. Ichki ishlar vazirligiga ko‘ra, u tovlamachilik bilan bog‘liq jinoyat ishi doirasida qidiruvda bo‘lgan.

Sorokin Georgiy 1972-yilda Toshkent shahrida tug‘ilgan. U «Jora Tashkentskiy» va «Soroka» laqablari bilan tanilgan. So‘nggi yillarda Dubayda yashaganini, Rossiya fuqarosi ekanini va manzili Moskva shahrida ekanini bildirgan. Shuningdek, u jinoiy avtoritetlar bilan aloqasi yo‘qligini aytgan.

Sorokin ilgari ham bir necha bor sudlangan

Ichki ishlar vazirligiga ko‘ra, Sorokin ilk jinoyatini 1990-yilda, 18 yoshida sodir etgan va yetti yil muddatga ozodlikdan mahrum qilingan.

Keyinchalik u O‘zbekiston, Rossiya, Qozog‘iston...

Tijorat banklari tomonidan 28-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 28-iyul uchun valyutalar kursi e’lon qilingani haqida yozgan edi.

O‘zbekiston diplomatlari Vladivostokda og‘ir moddiy ahvolga tushib qolgan o‘zbekistonlik oilaning vatanga qaytishiga yordam berdi. Bu haqda «Dunyo» axborot agentligi xabar berdi.

Oilaga konsullik yordami ko‘rsatildi

O‘zbekistonning Vladivostokdagi Bosh konsulxonasi xodimlari vatandoshlarning huquq va manfaatlarini himoya qilish hamda migratsiya jarayonida yuzaga kelgan muammolarni hal etish bo‘yicha amaliy yordam ko‘rsatdi.

Shu doirada og‘ir moddiy ahvolga tushib qolgan o‘zbekistonlik oilaning vatanga qaytishi tashkil etildi.

Xarajatlar Migratsiya agentligi jamg‘armasi hisobidan qoplandi

A.L., uning turmush o‘rtog‘i K.B. va ularning uch nafar voyaga yetmagan farzandi 25-iyul kuni Vladivostok – Yekaterinburg – Toshkent yo‘nalishidagi reys bilan O‘zbekistonga olib kelindi.

Ularning qaytish xarajatlari O‘zbekiston Migratsiya...

Samsung Galaxy S25 smartfoni Hindistonda yirik chegirma bilan sotuvga chiqarildi. Bu haqda Sammobile texnologiyalar nashri xabar bermoqda.

Flipkart platformasida qurilmaning 12 GB tezkor va 128 GB ichki xotirali versiyasini bank chegirmasi bilan qariyb $566 ga xarid qilish mumkin.

Samsung ushbu modelni Hindiston bozorida dastlab taxminan $783 narxda taqdim etgan edi. Hozir Flipkart’da smartfon qariyb $595 ga taklif qilinmoqda. Ayrim banklarning kredit yoki debet kartalari orqali to‘lov amalga oshirilganda yana qariyb $30 chegirma beriladi.

Natijada Galaxy S25’ning yakuniy narxi taxminan $566 gacha tushadi. Bu smartfonning dastlabki narxidan qariyb $218 yoki 27,8% arzon degani. Mazkur taklif faqat 12/128 GB xotirali...

AQShning sobiq prezidenti Jo Bayden prostata bezining suyaklarga tarqalgan agressiv saratonini davolash jarayonida ancha zaiflashgan. Bu haqda The Washington Post siyosatchining yaqinlari va sobiq yordamchilariga tayanib xabar berdi.

Nashr suhbatlashgan besh nafar sobiq yordamchi va Baydenga yaqin boshqa shaxslarning bildirishicha, kasallik hamda davolashning organizmga ta’siri 83 yoshli sobiq prezidentning jismoniy holatida sezilarli iz qoldirgan. Uning kundalik hayoti asosan tibbiy muolajalar, oila a’zolari, yaqin do‘stlari va ko‘p yillik yordamchilari bilan muloqot atrofida shakllanmoqda.

Jo Bayden Oq uyni tark etganidan keyin ommaviy tadbirlarda kam ko‘rinmoqda. U ayrim Demokratik partiya tadbirlarida qatnashgan bo‘lsa-da, sog‘lig‘i sababli faoliyat doirasini sezilarli qisqartirgan. Sobiq prezidentning vakillari...

O‘zbekiston milliy terma jamoasi sardori Eldor Shomurodovning Kongo Demokratik Respublikasi darvozasiga urgan goli FIFA tomonidan o‘tkazilgan Hyundai «Turnirning eng chiroyli goli» so‘rovnomasida ikkinchi o‘rinni egalladi.

Ovoz berish yakunlariga ko‘ra, Kabo-Verde futbolchisi Sidni Lopes Kabralning Argentinaga qarshi goli g‘olib deb topildi. Gaitilik Vilson Izidorning Marokash darvozasiga yo‘llagan kuchli zarbasi uchinchi o‘rinni band etdi. FIFA muxlislar tanlovi uchun jahon chempionatida urilgan 308 ta gol orasidan 12 tasini saralab olgan edi.

Shomurodov ushbu golni 2026-yil 27-iyun kuni AQShning Jorjiya shtati Atlanta shahridagi Mercedes-Benz stadionida o‘tkazilgan guruh bosqichi uchrashuvida urgan. O‘yin Toshkent vaqti bilan 28-iyun kuni soat 04:30 da boshlangan. «K» guruhining so‘nggi...

General Motors Braziliya bozorida 2027-yilgi Chevrolet Trailblazer High Country Midnight modelini rasman sotuvga chiqardi. Bu haqda GMAutority nashri xabar bermoqda.

Chevrolet Trailblazer Midnight Braziliyada modelning yangi ishlab chiqarish yilidagi asosiy yangilik sifatida taqdim etildi. Avtomobil General Motors’ning San-Joze-dus-Kampus shahridagi zavodida ishlab chiqariladi va Janubiy Amerikaning ayrim bozorlariga yetkazib beriladi.

Yangi modifikatsiya Trailblazer’ning eng yuqori High Country komplektatsiyasi asosida yaratilgan. Ishlab chiqaruvchi uni Chevrolet’ning Braziliyadagi qatorida yo‘lsiz hududlarda harakatlanish imkoniyati va oilaviy qulaylikni birlashtirgan eng ilg‘or SUV sifatida joylashtirmoqda.

Modelga General Motors’ning yuqori unumdor avtomobillar bo‘yicha mutaxassislari bilan hamkorlikda ishlab chiqilgan Ironman osmasi o‘rnatilgan. Amortizatorlar va prujinalar uch qator o‘rindiqli...

Energetika sohasidagi tayinlovlar, tibbiyot xodimlari farzandlari uchun kontrakt subsidiyasi — 27-iyul kuni e’lon qilingan yangiliklar «Kursiv» dayjestida.

Xorijiy va nodavlat OTMlar uchun qancha davlat granti ajratildi

2026/2027-o‘quv yili uchun O‘zbekistonda faoliyat yuritayotgan xorijiy va nodavlat oliy ta’lim tashkilotlariga davlat grantlari tasdiqlandi. Bu haqda Oliy ta’lim, fan va innovatsiyalar vazirining tegishli buyrug‘i e’lon qilindi.

Grantlar uchun alohida test sinovlari o‘tkaziladi. 2026/2027-o‘quv yili uchun respublikadagi xorijiy va nodavlat oliy ta’lim tashkilotlariga 1 452 ta davlat buyurtmasi parametrlari tasdiqlandi.

Sherzod Xodjayev energetika vaziri lavozimiga tayinlandi

Prezidentning tegishli farmoni bilan Sherzod Xodjayev energetika vaziri lavozimiga tayinlandi. Bu haqda davlat rahbari matbuot xizmati xabar...