Yangiliklar

Google kompaniyasi yangi avlod Google Pixel 11 smartfonlari taqdimoti 12-avgust kuni bo‘lib o‘tishini ma’lum qildi. «Made by Google» tadbiri Nyu-York shahrida tashkil etiladi.

Taqdimotda Pixel 11, Pixel 11 Pro, Pixel 11 Pro XL va bukiluvchi Pixel 11 Pro Fold modellari namoyish etilishi kutilmoqda. Yangi qurilmalar sotuvga chiqarilganda Android 17 operatsion tizimi o‘rnatilgan dastlabki smartfonlar qatoridan joy olishi mumkin.

Google tarqatgan taklifnomada yangi smartfon tasviri ham aks etgan. U avvalroq internetda paydo bo‘lgan Pixel 11 Pro suratlariga o‘xshaydi. Kompaniya qurilmalarda tekis metall ramka va korpusning deyarli butun enini egallaydigan gorizontal kameralar blokidan iborat an’anaviy dizaynni saqlab qolishi kutilmoqda.

Norasmiy ma’lumotlarga...

AQSh harbiylari Hormuz bo‘g‘ozida uchta tijorat kemasiga hujum qilinganidan so‘ng Eron hududiga kuchli zarbalar berdi. Bu haqda AQSh Markaziy qo‘mondonligi ma’lum qildi.

Qo‘mondonlik bayonotida zarbalar Hormuz bo‘g‘ozidan o‘tayotgan uchta tijorat kemasiga qilingan hujumlarga javoban amalga oshirilgani aytilgan. AQSh tomoni Eronning harakatlarini asossiz, xavfli va amaldagi o‘t ochishni to‘xtatish kelishuvining buzilishi deb baholadi.

Eron ommaviy axborot vositalariga ko‘ra, mamlakat janubidagi Sirik hududida bir necha portlash ovozi eshitilgan. Ayrim ma’lumotlarda zarbalar harbiy infratuzilma, kuzatuv tizimlari va port obyektlariga qaratilgani qayd etilgan.

Eron tashqi ishlar vaziri o‘rinbosari Kozim G‘aribobodiy AQSh hujumini Islomobodda imzolangan o‘zaro anglashuv memorandumining birinchi va ikkinchi bandlari qo‘pol ravishda...

Toshkent shahrida ikki fuqaro marhum yaqinlaridan qolgan o‘qotar qurollar va o‘q-dorilarni huquqni muhofaza qiluvchi organlarga ixtiyoriy ravishda topshirdi. Bu haqda Davlat xavfsizlik xizmati ma’lum qildi.

Holat 1-iyuldan respublika bo‘ylab o‘tkazilayotgan «Xavfsiz va sog‘lom yurt» keng qamrovli tezkor-profilaktik tadbirlarining ikkinchi bosqichi doirasida aniqlangan.

Yakkasaroy tumanida yashovchi 1981-yilda tug‘ilgan fuqaro marhum otasi alohida istiqomat qilgan xonadondan topilgan bitta miltiq, 19 ta ov quroli, 13 ta stvol va kolodka, 117 ta o‘q-dori hamda boshqa ehtiyot qismlarni tegishli organlarga topshirgan.

Davlat xavfsizlik xizmati va Ichki ishlar vazirligining poytaxt boshqarmalari hamkorligida o‘tkazilgan yana bir tadbirda Mirobod tumanida yashovchi 1960-yilda tug‘ilgan ayol marhum turmush o‘rtog‘iga...

Jahon chempionatining nimchorak final bosqichi doirasida Shveysariya hamda Kolumbiya terma jamoalari o‘zaro to‘qnash keldi. Kanadaning Vankuver shahridagi «BC Place» stadionida o‘tgan bahs taqdiri penaltilar seriyasida hal qilindi.

Uchrashuv davomida ikkala jamoa ham himoyaviy o‘yin namoyish etdi va raqib darvozasiga yo‘l topishga jiddiy qiynaldi. Hakamning asosiy vaqtni yakunlovchi hushtagi chalinganda tablodagi hisob 0:0 ko‘rinishida saqlanib qoldi va jamoalar g‘olibni aniqlash uchun qo‘shimcha bo‘limlarga yo‘l olishdi.

Qo‘shimcha taymlarda ham ehtiyotkorlik birinchi o‘ringa chiqib, darvozalar daxlsizligi saqlab qolindi. G‘olib nomi esa penaltilar seriyasida aniqlandi. Unda Shveysariya futbolchilari aniqroq harakat qilib, keyingi bosqich masalasini ijobiy hal etishdi.

Ma’lumot o‘rnida ta’kidlash lozimki, turnirning chorak...

AQShning Atlanta shahrida bo‘lib o‘tgan Jahon chempionati 1/8 final bahsida Argentina va Misr terma jamoalari kuch sinashdi. O‘yin kutilmagan burilishlarga boy bo‘ldi va yakunda Argentina 3:2 hisobida g‘alabani ilib ketdi.

O‘yin kutilmaganda misrliklarning faolligi bilan boshlandi hamda ular tezda hisobda oldinga chiqib olishdi. 15-daqiqada Yosir Ibrohim jamoasining burchak to‘pidan unumli foydalanib, Marvon Attiya uzatmasini golga aylantirdi.

Oradan ko‘p o‘tmay, 21-daqiqada argentinaliklar yetakchisi Lionel Messi penaltidan unumli foydalana olmadi va hisobni tenglashtirish imkoniyatini qo‘ldan boy berdi. Ikkinchi bo‘limda ham Misr hujumkor o‘yin namoyish qilishda davom etdi. 67-daqiqada Mustafo Ziko Haysam Hasan uzatmasidan so‘ng jamoasining ikkinchi golini urib, ustunlikni yanada oshirdi.

Abbosbek Fayzullayev Toshkentda osh berdi, Ronaldu Jahon chempionatini ko‘z yoshlar bilan tark etdi — kun yangiliklari Kursiv Uzbekistan dayjestida.

Eldor Shomurodov «Istanbul Bashakshehir» klubi bilan shartnomani uzaytirdi

Eldor Shomurodov Turkiyaning «Istanbul Bashakshehir» klubi bilan ikki yillik shartnoma asosida faoliyatini davom ettiradi. Bu haqda klub matbuot xizmati xabar berdi.

Turkiya klubi o‘zbekistonlik hujumchining transfer huquqini sotib oldi. «Istanbul Bashakshehir» matbuot xizmati xabariga ko‘ra, o‘tgan mavsumda ijara asosida jamoaga qo‘shilgan Shomurodovning shartnomasidagi majburiy sotib olish bandi kuchga kirgan. Klub bayonotida Eldor Shomurodovga to‘q sariq-ko‘k libos ostidagi faoliyatida muvaffaqiyat tilangan va kelishuv ham futbolchi, ham jamoa uchun xayrli bo‘lishi qayd etilgan.

O‘zbek...

8-iyul kuni O‘zbekistonning aksariyat hududida yog‘ingarchilik kutilmaydi. Kunduzgi harorat +35…+42°C, kechasi esa +20…+27°C atrofida bo‘ladi. Faqat tog‘oldi va tog‘li hududlarda qisqa muddatli yomg‘ir yog‘ishi va momaqaldiroq kuzatilishi mumkin.

Quyida ob-havo ma’lumoti viloyatlar kesimida:

Toshkent shahrining ayrim hududlarida rejalashtirilgan profilaktika ishlari sabab issiq suv bosimi pasayishi hamda gaz ta’minotida vaqtinchalik uzilishlar kuzatiladi. Bu haqda Veolia Energy Tashkent ma’lum qildi.

«Hududgaz Poytaxt» ma’lum qilishicha, D-1220 mm yuqori bosimli gaz tarmog‘ida payvandlash ishlari olib borilishi munosabati bilan IM-4 hududida issiq suv bosimi pasayishi kutilmoqda.

Shuningdek, korxona telefonogrammasiga muvofiq, 2026-yil 8-iyul kuni soat 09:00 dan 19:00 gacha gaz ta’minoti to‘liq o‘chiriladi. Shundan so‘ng 8-iyul soat 20:00 dan 9-iyul soat 06:00 gacha IM-1 hududida quvur tarmog‘ida gidravlik sinovlar (opressovka) o‘tkazilishi rejalashtirilgan.

Profilaktika ishlari 7 – 9-iyul kunlari davom etadi. IM-1 hududiga Mirzo Ulug‘bek tumanidagi Mustaqillik shohko‘chasi...

Nothing kompaniyasi ertasiga Nothing Phone (4b) smartfoni bilan bir qatorda yangi Nothing Ear (3a) simsiz quloqchinini ham taqdim etishi kutilmoqda. Taqdimot arafasida qurilmaning ilk tasvirlari internetda paydo bo‘ldi.

Dizayni va ranglari

Ma’lum qilinishicha, Nothing Ear (3a) 2024-yilda taqdim etilgan Nothing Ear (a) modelining vorisi hisoblanadi. Yangi quloqchin sariq, pushti, oq va qora ranglarda ishlab chiqarilishi kutilmoqda. Sariq rang avvalgi modelning asosiy ranglaridan biri bo‘lgan bo‘lsa, bu safar unga yangi pushti rang ham qo‘shilgan.

Texnik xususiyatlari va narxi

Sizdirilgan ma’lumotlarga ko‘ra, Nothing Ear (3a) 12 millimetrli drayverlar hamda LDAC audio kodekini qo‘llab-quvvatlaydi. Qurilmaning Yevropa bozoridagi narxi...

Qirg‘iziston poytaxtidagi Manas xalqaro aeroportida bortida 181 yo‘lovchi bo‘lgan samolyot ishtirokida aviahodisa sodir bo‘ldi. Bu haqda Kazinform nashri ma’lum qildi.

Bishkek shahridagi Manas xalqaro aeroportida TezJet aviakompaniyasiga tegishli yo‘lovchi samolyoti yon tomonga og‘ib ketdi. Hodisa haqida dastlab guvohlar xabar bergan bo‘lsa, ma’lumotni keyinchalik «Qirg‘iziston aeroportlari» OAJ ham tasdiqladi.

Dastlab samolyot Jaloloboddan Bishkekka uchib kelgani haqida xabarlar tarqalgan. Biroq guvohlarning ma’lum qilishicha, havo kemasi Bishkek – O‘sh yo‘nalishi bo‘yicha parvozga tayyorgarlik ko‘rayotgan bo‘lgan va uchish vaqtida yon tomonga og‘ib ketgan.

Hodisadan so‘ng barcha yo‘lovchilar favqulodda evakuatsiya traplari orqali samolyotdan tushirilgan. Dastlabki ma’lumotlarga ko‘ra, jiddiy jabrlanganlar yo‘q. Ayrim yo‘lovchilar yengil...

Shavkat Mirziyoyev Belarus Respublikasi prezidenti Aleksandr Lukashenko taklifiga binoan 8 – 9-iyul kunlari ushbu mamlakatga rasmiy tashrif amalga oshiradi. Bu haqda davlat rahbari matbuot xizmati ma’lum qildi.

Tashrif dasturiga ko‘ra, Minsk shahrida ikki davlat rahbarlari ishtirokida oliy darajadagi muzokaralar o‘tkazilishi rejalashtirilgan. Unda O‘zbekiston – Belarus ko‘p qirrali sheriklik munosabatlarini yanada kengaytirish masalalari muhokama qilinadi.

Muzokaralarda o‘zaro tovar ayirboshlash hajmini oshirish, qishloq xo‘jaligi, mashinasozlik, farmatsevtika, yengil sanoat, oziq-ovqat hamda iqtisodiyotning boshqa yo‘nalishlarida kooperatsiyani rivojlantirish masalalariga alohida e’tibor qaratiladi.

Shuningdek, madaniy-gumanitar almashinuv dasturlarini kengaytirish masalalari ham ko‘rib chiqiladi. Sammit yakunlari bo‘yicha ustuvor yo‘nalishlarga doir ikki tomonlama hujjatlar to‘plamini qabul qilish...

Oliy Majlis Qonunchilik palatasining navbatdagi majlisida yaroqlilik muddati o‘tgan oziq-ovqat mahsulotlarini realizatsiya qilish va sotish uchun ma’muriy jarimalarni oshirish nazarda tutilgan qonun loyihasi deputatlar tomonidan ma’qullandi.

Iste’molchilar huquqlarini himoya qilishni kuchaytirishni nazarda tutuvchi qonun loyihasi ikkinchi o‘qishda ko‘rib chiqildi. Hujjat deputatlar tomonidan qabul qilinib, ko‘rib chiqish uchun Senatga yuborildi.

Qanday o‘zgarishlar kiritilmoqda

Qonun loyihasi bilan Ma’muriy javobgarlik to‘g‘risidagi kodeksning 178-moddasiga o‘zgartirishlar kiritilishi nazarda tutilgan. Unga ko‘ra, yakuniy iste’mol muddati o‘tgan oziq-ovqat mahsulotlarini, shuningdek, ishlab chiqarilgan sanasi va yaroqlilik muddati ko‘rsatilishi majburiy bo‘lgan mahsulotlarni ushbu ma’lumotlarsiz realizatsiya qilish yoki sotish uchun qabul qilganlik uchun ma’muriy javobgarlik kuchaytiriladi.

UzAuto Motors O‘zbekiston bozorida yangi Chevrolet Suburban High Country yo‘ltanlamasi savdosini rasman boshladi. Bu haqda kompaniya rasmiy sahifasida ma’lum qilindi.

Kompaniya ma’lumotiga ko‘ra, yangi Chevrolet Suburban High Country 6,2 litrli V8 atmosferali benzin dvigateli bilan jihozlangan bo‘lib, uning maksimal quvvati 420 ot kuchini tashkil etadi. Avtomobil 10 pog‘onali avtomatik uzatmalar qutisi va to‘liq uzatma tizimi bilan ta’minlangan.

Zamonaviy xavfsizlik tizimlari

Yo‘ltanlamas adaptiv pnevmatik osma tizimiga ega. Shuningdek, avtomobil elektron barqarorlik tizimi (ESC), tortish nazorati tizimi (TCS), tormoz kuchini taqsimlash tizimi (EBD), piyodalarni aniqlash, avtomatik tormozlash, harakat yo‘lagida ushlab turish hamda ko‘rinmas nuqtalarni monitoring qilish kabi zamonaviy xavfsizlik...

Apple iOS 27’ning yangi beta versiyasida sun’iy intellekt asosidagi Siri uchun ovozni yanada shaxsiylashtirish imkoniyatlarini sinovdan o‘tkazishni boshladi. Bu haqda Tech Crunch nashri ma’lum qildi.

iOS 27 developer beta 3 versiyasida Siri’ning «Pace» va «Expressivity» funksiyalari ishga tushirildi. Dastlabki beta relizlarida ushbu bo‘limlar «Tez orada» deb belgilangan edi. Endilikda foydalanuvchilar Siri qanday tezlikda gapirishi va uning ovozi qanchalik hissiyotli eshitilishini mustaqil sozlashi mumkin.

Siri yanada tabiiy muloqot qilishga yaqinlashmoqda

Mazkur yangilanish Apple’ning Siri’ni generativ SI asosida qayta ishlab chiqish strategiyasining bir qismi hisoblanadi. Kompaniya foydalanuvchilarga yordamchi bilan muloqotni yanada tabiiy va shaxsiy qilishni maqsad qilgan. Buning uchun...

O‘zbekistonda iste’molchilarning huquqlari qonunchilik bilan himoya qilinadi va ularga bir qator kafolatlar berilgan.

Tovar va xizmat haqida to‘liq ma’lumot olish huquqi

Amaldagi qonunchilikka ko‘ra, iste’molchilar tovar, ish yoki xizmat, shuningdek, ishlab chiqaruvchi, ijrochi yoki sotuvchi haqida to‘g‘ri va to‘liq ma’lumot olish huquqiga ega. Shuningdek, ular tovar yoki xizmatni erkin tanlash hamda uning belgilangan sifat talablariga javob berishini talab qilishlari mumkin.

Xavfsizlik va zararni qoplash kafolatlari

Qonun iste’molchilarning xavfsizligini ham kafolatlaydi. Xarid qilingan tovar yoki ko‘rsatilgan xizmat inson hayoti, sog‘lig‘i va mol-mulkiga xavf tug‘dirmasligi lozim. Agar nuqsonli mahsulot yoki ishlab chiqaruvchi, ijrochi yoxud sotuvchining noqonuniy harakati...

Qoraqalpog‘iston Respublikasi va Pokistonning Panjob provinsiyasi qishloq xo‘jaligi hamda chorvachilik sohalarida hamkorlikni kengaytirish bo‘yicha yangi kelishuvlarga erishdi. Bu haqda «Dunyo» AA ma’lum qildi.

Qoraqalpog‘iston Respublikasi Vazirlar Kengashi raisi Farhod Ermanov hamda O‘zbekistonning Pokistondagi elchisi Alisher To‘xtayev Lahor shahriga tashrif doirasida Panjob provinsiyasi qishloq xo‘jaligi va chorvachilik vaziri Said Husayn Kirman bilan uchrashdi.

Muzokaralarda Pokiston tomoni Qoraqalpog‘iston delegatsiyasining tashrifi ikki tomonlama munosabatlarni yangi bosqichga olib chiqishi, savdo-iqtisodiy va investitsiyaviy hamkorlikni yanada kengaytirishga xizmat qilishini ta’kidladi.

Uchrashuvda O‘zbekiston va Pokiston o‘rtasidagi strategik sheriklik izchil rivojlanayotgani, davlat rahbarlari belgilagan vazifalarni amaliy mazmun bilan boyitishda hududlararo hamkorlik muhim o‘rin tutishi qayd etildi...

Fransiyaning janubidagi nazoratdan chiqqan o‘rmon yong‘ini 10 mingdan ortiq odamlarning evakuatsiya qilinishiga sabab bo‘ldi. Bu haqda Reuters agentligi xabar berdi.

Fransiyaning Ispaniya bilan chegaradosh janubiy hududlarida davom etayotgan yirik o‘rmon yong‘ini tufayli 24 ta kichik shahar va qishloqdan 10 mingdan ortiq aholi xavfsiz hududlarga ko‘chirildi. Ma’lum qilinishicha, kuchli shamol yong‘inning yanada kengroq hududlarga tarqalish xavfini oshirmoqda.

Yevropa Ittifoqidan yordam kuchlari

Yevropa Ittifoqi yong‘inni o‘chirish ishlariga ko‘maklashish uchun Kipr va Shvetsiyadan to‘rtta suv tashlovchi samolyot hamda 100 nafardan ortiq o‘t o‘chiruvchini Fransiyaning Perpinyan shahri yaqinidagi Trevilyak hududiga yubordi.

Minglab gektar maydon kulga aylandi

Yong‘in oqibatida 16 kishi...

«Toshkent» Respublika fond birjasi savdo tizimida «O‘zbekiston ipotekani qayta moliyalashtirish kompaniyasi« (O‘zIQMK) AJ obligatsiyalari bo‘yicha yirik hajmdagi REPO bitimlari muvaffaqiyatli amalga oshirildi. Bu haqda birja rasmiy sahifasida ma’lum qildi.

Joriy yilning 6-iyul kuni fond birjasi savdo tizimida 65,5 milliard so‘mlik REPO bitimlari tuzildi. Bitimlar O‘zIQMKning korporativ obligatsiyalari bilan amalga oshirildi. Mazkur operatsiyani Freedom Broker Uzbekistan o‘tkazdi, «Ipak Yo‘li» AITB esa kontragent sifatida ishtirok etdi.

Bozorda yangi REPO segmentiga start berildi

Ushbu bitim mahalliy kapital bozorida korporativ obligatsiyalar bilan ta’minlangan REPO bozorini shakllantirishdagi muhim qadam sifatida baholanmoqda. Bu obligatsiyalar bozorida likvidlikni oshirish, moliyaviy resurslar aylanishini faollashtirish hamda ishtirokchilar...

Toshkentdagi Sergeli avtomobil bozorida sotuvchilar ayrim Chevrolet avtomobillarini juda kam boshlang‘ich to‘lov evaziga bo‘lib to‘lash asosida taklif qilmoqda. Kursiv Uzbekistan muxbiri mavjud takliflarni o‘rganib, xaridorlar uchun qanday shartlar amal qilayotganini aniqladi.

Chevrolet Gentra

Eng hamyonbop variantlardan biri 2022-yilda ishlab chiqarilgan, metan gaz uskunasi o‘rnatilgan Chevrolet Gentra bo‘ldi. Ushbu avtomobilni rasmiylashtirish uchun xaridor 150 – $600 miqdorida boshlang‘ich to‘lovni amalga oshirsa kifoya.

Shundan so‘ng avtomobilni o‘sha kunning o‘zida olib ketish mumkin. Agar bo‘lib to‘lash muddati 5 yil etib belgilansa, oylik to‘lov taxminan 3,98 mln so‘mni, 4 yilga rasmiylashtirilganda 4,5 mln so‘mni, 3 yil muddat tanlanganda esa 5,19 mln so‘mni tashkil...

General Motors xalqaro bozorlarda Chevrolet’ning hamyonbop elektromobillar qatorini kengaytirishni rejalashtirmoqda. GM Authority’ga ko‘ra, kompaniya Wuling Bingo Pro modelini Chevrolet brendi ostida boshlang‘ich darajadagi elektromobil sifatida chiqarish imkoniyatini ko‘rib chiqmoqda.

Yangi model rivojlanayotgan bozorlarga mo‘ljallanishi mumkin

GM Authority manbalariga ko‘ra, yangi Wuling Bingo Pro qayta brending qilinib, Chevrolet’ning eng arzon elektromobillaridan biriga aylanishi mumkin.

Model, asosan, Chevrolet faoliyat yuritadigan rivojlanayotgan bozorlarga mo‘ljallanishi kutilmoqda. Ular qatoriga Braziliya, Meksika, Lotin Amerikasi, Afrika va Osiyodagi yirik shaharlar kiradi.

Chevrolet’ning ilk elektr xetchbeki bo‘lishi mumkin

Agar loyiha amalga oshirilsa, Bingo Pro ayrim bozorlarda Chevrolet’ning ilk to‘liq elektr xetchbekiga aylanadi.

Kompaniya kichik va...

O‘zbekistonda telekommunikatsiya va IT sohasini rivojlantirish maqsadida litsenziyalash tartibi soddalashtiriladi. Bu haqda prezident ishtirokidagi yig‘ilishda ma’lum qilindi.

AT eksportchilari davlat tomonidan qo‘llab-quvvatlanadi

AT eksporti bilan shug‘ullanuvchi korxonalarga oylik ish haqi xarajatlarining bir qismini qoplab berish, xalqaro sertifikatlash xarajatlarini kompensatsiya qilish hamda xorijiy buyurtmachilar va mutaxassislarni jalb etish uchun relokatsiya xarajatlarini qisman qoplash rejalashtirilmoqda.

Buxoro va Farg‘onada 20 dan ortiq akseleratsiya dasturlari tashkil etilib, istiqbolli startaplarni yirik xalqaro bozorlarga olib chiqish bo‘yicha yangi tashabbuslar amalga oshiriladi.

Telekommunikatsiya infratuzilmasi kengaymoqda

So‘nggi yillarda aholi yashash maskanlarini telekommunikatsiya xizmatlari bilan qamrab olish darajasi 41 foizdan 98 foizga yetdi, internet tarmoqlarining umumiy...

Xitoyning Leapmotor kompaniyasi Yevropa bozorida yangi Leapmotor B03X elektr krossoveri uchun buyurtmalar qabul qilishni boshladi. Bu haqda CarNewsChina nashri xabar berdi.

Leapmotor B03X Yevropada 24,9 ming yevrodan taklif qilinmoqda. Kompaniya modelni zamonaviy texnologiyalar, amaliy funksiyalar va kundalik foydalanish qulayligini birlashtirgan shahar krossoveri sifatida taqdim etmoqda. Yangi avtomobil Leapmotor’ning xalqaro bozorlardagi ishtirokini kengaytirish strategiyasining muhim qismi hisoblanadi.

O‘lchamlar va dizayn

Elektromobilning uzunligi 4 270 mm, kengligi 1 810 mm, balandligi esa 1 635 mmni tashkil qiladi. G‘ildirak bazasi 2 605 mmga teng. Avtomobilning old qismida trapetsiya shaklidagi pastki havo kirish kanali va tumanga qarshi chiroqlar joylashgan hududlarda qo‘shimcha shamollatish...

Oʻzbekiston poytaxtida boʻlib oʻtgan Monetary policy dialogue 2026 xalqaro forumida Shveysariya Milliy banki (SNB) boshqaruv raisi Martin Shlegel inflyatsiyaga qarshi kurash tafsilotlarini ochiqladi. Dunyo markaziy banklari narxlarni foiz stavkalari orqali tushirishga urinayotgan bir paytda, Shveysariya keskin qadam tashladi: importni arzonlashtirish va ichki inflyatsiyani jilovlash uchun 150 milliard dollar (YaIMning qariyb 20 foizi) zaxira valyutasini sotib, frankni mustahkamladi.

Muhokama moderatori, OGResearch kompaniyasining boshqaruvchi hamkori David Vavra pandemiyadan keyingi davrga oid statistik ma’lumotlarni keltirdi. Bu davrda yevrozonadagi inflyatsiya 10 foizdan oshgan, Buyuk Britaniyada 11 foizlik cho‘qqidan o‘tgan, Chexiyada esa 17 foizgacha ko‘tarilgan.

«Bunday sharoitda Shveysariyada inflyatsiya...

Amerikaning Hennessey kompaniyasi Venom F5-M Roadster nomli yangi giperkarini taqdim etdi. Bu haqda The Supercar blog nashri xabar berdi.

Kompaniya uni mexanik uzatmalar qutisi bilan jihozlangan dunyodagi eng kuchli seriyali giperkar deb atamoqda.

2031 ot kuchiga ega V8 dvigatel

Yangi model kapoti ostida 6,6 litrli, ikkita turbokompressorli Fury V8 dvigateli joylashgan bo‘lib, u 2031 ot kuchi ishlab chiqaradi. Dvigatel ilk bor 6 pog‘onali mexanik uzatmalar qutisi bilan uyg‘unlashtirilgan. Uzatmalarni almashtirish mexanizmi ochiq konstruksiyada ishlangan bo‘lib, avtomobilga klassik sport avtomobillari ruhini bag‘ishlaydi.

Takomillashtirilgan konstruksiya va ilg‘or boshqaruv tizimlari

Venom F5-M Roadster kompaniyaning Venom F5 Evolution modeli asosida yaratilgan...