Yangiliklar

Yevroosiyo taraqqiyot banki yaqin yillarda global investitsiyalar uchun eng istiqbolli yo‘nalishlar sifatida biotexnologiya, robototexnika va virtual reallikni ko‘rsatdi. Mazkur trendlar bo‘yicha batafsil tahlil «Kursiv»da mavjud.

7-aprel kuni Olmaota shahrida Yevroosiyo taraqqiyot banki Investitsion megahayp to‘lqinlari nomli hisobotini taqdim etdi. Unda kelgusi yillarda yangi texnologiyalarga global qiziqish qaysi yo‘nalishlarda kuchayishi mumkinligi tahlil qilingan.

Hisobotga ko‘ra, so‘nggi yillarda dunyo iqtisodiyoti bir necha yirik investitsiya to‘lqinlarini boshdan kechirdi: digital yo‘nalish 2021-yilda, ESG 2023-yilda, sun’iy intellekt esa 2025-yilda eng yuqori cho‘qqiga chiqdi. Shu bilan birga, har bir yangi bosqich avvalgisini inkor etmay, balki uning asosida rivojlanadi.

Mutaxassislar keyingi 20 yil ichida yirik investitsiyalar...

Rossiyalik olimlar 2030-yillarning ikkinchi yarmida Venera sayyorasida hayot izlarini aniqlashga qaratilgan yangi ilmiy tadqiqotlarni boshlamoqchi. Bu haqda TASS agentligi ma’lum qildi.

RAN vitse-prezidenti Sergey Chernyshovning ma’lum qilishicha, sayyoralarni o‘rganish bo‘yicha asosiy e’tibor aynan Venera tadqiqotlariga qaratiladi. Ilmiy ma’lumotlar shuni ko‘rsatadiki, taxminan 3 mlrd yil oldin Venera yuzasida suv mavjud bo‘lgan va hatto hayot paydo bo‘lgan bo‘lishi mumkin. Hozirda bunday hayot mavjud emas, ammo uning izlari yoki murakkab organik birikmalar topilishi ehtimoli bor.

Shu maqsadda 2036-yilda «Venera D» loyihasi amalga oshiriladi. Loyiha doirasida orbital va qo‘nish apparatlari, shuningdek, havoda suzuvchi zondlar ishlatiladi. Ushbu stansiya Venerani chuqur o‘rganishga mo‘ljallangan bo‘lib...

Ijtimoiy tarmoqlarda eshitish qobiliyati cheklangan haydovchini haqorat qilgan shaxslar videosi tarqaldi. Holatga aloqador shaxslarga ma’muriy qamoq jazosi tayinlandi, deya xabar bermoqda Samarqand viloyati IIB JXX YHXB.

Ma’lum bo‘lishicha, ushbu voqea Samarqand shahrida sodir bo‘lgan. Video ijtimoiy tarmoqlarda mashhurlikka erishish maqsadida ikki nafar yigit tomonidan ataylab tashkil qilingan. Videoda haqoratga uchragan haydovchi esa aslida kar bo‘lmagan.

Mashinani boshqargan yigitning haydovchilik guvohnomasi bo‘lmagani ham aniqlangan. Bu bo‘yicha bayonnoma rasmiylashtirilib, avtomobil vaqtinchalik jarima maydonchasiga joylashtirildi.

Hodisa yuzasidan tegishli chora-tadbirlar ko‘rilib, haydovchiga nisbatan 8 sutka ma’muriy qamoq jazosi, mashinadagi ikki yo‘lovchiga esa 10 sutkadan ma’muriy qamoq jazosi tayinlandi.

Eslatib o‘tamiz, avvalroq...

Chipmeyker Nvidia 2026-yil uchun Rubin yangi avlod sun’iy intellekt chiplari ishlab chiqarish rejasini 2 milliondan 1,5 million birlikka kamaytirishga majbur bo‘ldi. Bu haqda Oninvest nashri xabar berdi.

Sababi – SK Hynix va Micron Technology’dan yuqori tezlikdagi HBM xotirasini yetkazib berishdagi kechikishlar sifatida qaralmoqda.

KeyBanc tahlilchisi Jon Vinning fikricha, GPU Rubin bozoriga chiqarish sur’ati HBM4 sertifikatsiyasi bilan bog‘liq muammolar tufayli sekinlashgan, ammo bu investorlarga katta xavf tug‘dirmaydi. Analitik Nvidia aksiyalarini Overweight reytingida qoldirdi va ularning maqsadli narxini $275 deb baholadi, bu 2-aprel yakuniy narxidan 55 foiz yuqori.

Shu bilan birga, Vin yil davomida 60 mingdan ortiq NV72 server staklarini yetkazib...

8-aprel uchun valyutalar kursi yangilandi. Unga ko‘ra, dollar 32,74 so‘mga oshib, 12 208,08 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

AQSh valyutasi 1-apreldan pasayishni boshladi: 1-aprel kuni 16,50 so‘mga tushib, 12 194,21 so‘m, 2-aprel kuni esa 52,11 so‘mga tushib, 12 142,10 so‘m bo‘ldi. 3-apreldan dollar yuqorilashni boshladi: shu kuni AQSh valyutasi 7,74 so‘mga oshib, 12 149,84 so‘mni, 6-aprelda 20,83 so‘mga oshib, 12 170,67 so‘mni, 7-aprelda esa 4,67 so‘mga oshib, 12 175,34 so‘mni tashkil etdi.

Markaziy bank ma’lumotlariga ko‘ra, yevro 52,46 so‘mga oshib, 14 116,20 so‘mni, rubl esa 0,71 so‘mga oshib, 155,00 so‘mni tashkil qildi.

Eronning amaldagi oliy rahbari Mojtaba Xomanaiy hushsiz holatda ekani va Qum shahrida davolash muolajalarini o‘tayotgani ma’lum bo‘ldi. Bu haqda The Times xabar bermoqda.

AQSh va Isroil razvedka xizmatlari Mojtaba Xomanaiyning og‘ir kasallikka chalinganini tasdiqlamoqda. Manbalarga ko‘ra, u ayni damda hushsiz holatda bo‘lib, davlat ishlari bilan shug‘ullanish layoqatiga ega emas.

Shu bilan birga, Qum shahrida Ali Xomanaiyni dafn etish uchun tayyorgarlik ko‘rilayotgani aniqlangan. Bu yerda bir nechta qabr uchun mo‘ljallangan yirik maqbara qurilishi rejalashtirilmoqda. Qum shahri Tehrondan 130 km janubda joylashgan bo‘lib, islomdagi shia olamida muqaddas maskan hisoblanadi.

Avvalroq Kursiv Media Ali Xomanaiyning bevasi tirik ekani rasman tasdiqlangani haqida xabar...

5-aprel kuni Chilonzor tumanidagi «Beshqo‘rg‘on» bozorida sodir bo‘lgan yong‘indan keyin hudud atrofidagi yonilg‘i quyish shoxobchasi va savdo kompleksi tekshirildi. Bu haqda FVV xabar bermoqda.

Tekshiruv davomida jiddiy qoidabuzarliklar aniqlangan. Xususan, yonilg‘i saqlash sig‘imiga juda yaqin joylashgan binodan ombor sifatida foydalanilayotgani ma’lum bo‘ldi. Savdo kompleksidagi avtomatik yong‘in o‘chirish tizimi esa nosoz holatda ekani aniqlangan.

Boshqara yana bir nechta yong‘in xavfsizligi talablariga amal qilinmaganini qayd etgan. Shu sababli barcha kamchiliklar to‘liq bartaraf etilgunga qadar ushbu obyektlar faoliyati vaqtincha to‘xtatildi.

Yong‘in o‘zi qanday sodir bo‘ldi

5-aprel kuni soat 15:56 atrofida Toshkent shahrining Chilonzor tumanidagi «Beshqo‘rg‘on» savdo majmuasida yong‘in yuz berdi. Savdo...

Oliy Majlis Qonunchilik palatasining navbatdagi majlisida «Harbiy xizmatchilar (xodimlar) va ularning oila a’zolarining davlat pensiya ta’minoti to‘g‘risida»gi yangi qonun loyihasi birinchi o‘qishda qabul qilindi. Bu haqda palata matbuot xizmati ma’lum qildi.

Qonun loyihasida harbiy xizmatchilar va ularning oila a’zolarini davlat pensiyalari bilan ta’minlashning huquqiy asoslarini belgilash, pensiya tayinlash shartlari, turlari, miqdorlari hamda hisoblash tartibini takomillashtirish nazarda tutilgan.

Xususan, 30 yildan ortiq xizmat qilgan harbiylar uchun pensiyaning bazaviy miqdorini aniqlashda ish haqining hisobga olinadigan qismi 75 foizdan 100 foizga oshirilishi taklif etilmoqda. Shuningdek, pensiyani hisoblashda bazaviy miqdorni o‘n baravar o‘rniga o‘n ikki baravar asosida belgilash ko‘zda tutilgan.

Deputatlar...

Andijon, Namangan va Farg‘ona viloyatlarida korrupsiyaga oid bir nechta holatlar aniqlanib, mansabdor shaxslar qo‘lga olindi. Bu haqda DXX xabar bermoqda.

Andijon viloyatida hokim o‘rinbosari fuqaroga yer ajratib berish va qurilish uchun ruxsatnoma olib berishni va’da qilib, $50 ming talab etgan. U pulni yashash xonadonida olayotgan vaqtida ashyoviy dalillar bilan ushlangan.

Namangan viloyatida tuman bosh arxitektori avtomobil yuvish shoxobchasini rasmiylashtirib berish va taqiqni bekor qilish evaziga $1,5 ming so‘ragan. U avval $500 olgan, keyin qolgan $1 mingni xizmat xonasida olayotganida qo‘lga tushgan. Ma’lum bo‘lishicha, tadbirkor avval hujjatsiz qurilish uchun 43,3 mln so‘m jarima to‘lagan bo‘lsa-da, mansabdor unga qonuniy yo‘l ko‘rsatmagan.

O‘zbekiston va Afg‘oniston farmatsevtika mahsulotlari savdosini $500 millionga yetkazish bo‘yicha kelishuvga erishdi. Bu haqda Sog‘liqni saqlash vazirligi xabar berdi.

Farmatsevtika tarmog‘ini rivojlantirish agentligi direktori Abdulla Azizov boshchiligidagi delegatsiya Kobul shahriga xizmat safari doirasida Afg‘oniston Bosh vazirining ijtimoiy soha bo‘yicha o‘rinbosari Abdul Salom Hanafi bilan uchrashuv o‘tkazdi.

Muloqotda qayd etilganidek, Afg‘oniston farmatsevtika bozori hajmi taxminan $1 mlrdga teng. Uni sifatli va arzon narxlardagi dori vositalari bilan ta’minlashda O‘zbekiston ishlab chiqaruvchilarining imkoniyatlari katta.

Tomonlar O‘zbekistonda tayyorlanayotgan dori vositalari sifatiga bo‘lgan ishonch yuqori ekaniga to‘xtalib, bu yo‘nalishdagi aloqalarni yanada mustahkamlash zarurligini ta’kidladi. Shuningdek, afg‘on korxonalari bilan kooperatsiya aloqalarini yo‘lga qo‘yish, qo‘shma loyihalarni...

Prezident farmoni bilan chet tillariga ixtisoslashtirilgan o‘quv markazlarini ochish va ilmiy ishlanmalarni tijoratlashtirish bo‘yicha imtiyozlar doirasi kengaytirildi. Bu haqda Adliya vazirligi xabar berdi.

Unga ko‘ra, shu yilning 1-may sanasidan boshlab yangi ishlanmalarga asoslangan spin-off korxonalari reyestri joriy qilinadi. Reyestrga kiritilgan va belgilangan tartibda patentlangan ilmiy tadqiqotlar natijasida yaratilgan ishlanmalar asosida mahsulot ishlab chiqarishni yo‘lga qo‘ygan korxonalar va ularning xodimlariga 2017-yil 30-iyundagi PF–5099-son farmonda belgilangan imtiyoz va preferensiyalar tatbiq etiladi.

Shuningdek, patentsiz ilmiy tadqiqot natijasida yaratilgan ishlanmalar asosida mahsulot ishlab chiqarishni yo‘lga qo‘ygan korxonalar 2026-yil 1-maydan 2029-yil 1-maygacha bo‘lgan davrda foyda solig‘ini belgilangan stavkadan 50% pasaytirilgan stavkada to‘laydi.

Olimlar...

Samsung Electronics kompaniyasi 2027-yilda taqdim etiladigan Galaxy S27 turkumida yuqori toifali Pro modelini qo‘shish orqali flagman smartfonlar liniyasini kengaytiradi. Bu haqda ETNews xabar bermoqda.

Sohaga yaqin manbalarning ta’kidlashicha, Galaxy S27 Pro modeli Ultra variantining ko‘plab texnik imkoniyatlarini o‘zida jamlaydi, biroq unda elektron qalam (S Pen) funksiyasi bo‘lmaydi. Bu qadam iste’molchilarga ko‘proq tanlov imkoniyatini taqdim etish va Ultra modelining yuqori texnologiyalaridan stilusga ehtiyoji bo‘lmagan foydalanuvchilarning ham foydalanishini ta’minlashga xizmat qiladi.

Yangi modelda Galaxy S26 Ultrada muvaffaqiyat qozonishi kutilayotgan maxfiylik displeyi (Privacy Display) texnologiyasi qo‘llanilishi rejalashtirilgan. Mazkur texnologiya ekran daxlsizligini oshirishga qaratilgan bo‘lib, kelgusi yilda u ham Pro, ham Ultra modellarida...

O‘zbekistonning birinchi prezident Islom Karimovning nabirasi, bloger Maryam Tillayeva xorijdagi festivalga borish jarayonida firibgarlikka uchraganini ma’lum qildi.

Unga ko‘ra, safar oldidan barcha rejalari buzilgan. Bloger ushbu tadbirda, jumladan, mashhur xonanda Jastin Biber ishtirok etishi kutilganini aytdi. Safar uchun u O‘zbekistondagi ishlarini to‘xtatib, $11 ming sarflagan.

Biroq 14 soatlik yo‘ldan keyin u aldanganini bilgan. Tillayeva bu holatda Beverli-Xillzdagi bir shaxsni ayblagan. Bir necha soatdan so‘ng Tillayeva Instagram’dagi sahifasida pullarini olgani haqida hikoya joyladi. Bloger shu bilan mavzu yopilganini qayd etgan.

«Gap pulda emas, munosabatda. Meni shunchaki tashlab ketishdi», – degan edi Maryam Tillayeva.

Maryam...

6-aprel kuni Vashington shahrida ishbilarmonlar o‘rtasidagi aloqalarni mustahkamlash maqsadida Amerika – O‘zbekiston ishbilarmonlik va investitsiya kengashi rasman o‘z faoliyatini boshladi. Bu haqda Saida Mirziyoyeva Telegram kanalida xabar berdi.

Kengash qo‘shma biznes tashabbuslarini rivojlantirish va mustahkam institut asosini yaratishga qaratilgan.

Shuningdek, kengash hamraisi, elchi Serjio Gor ta’kidlaganidek, so‘nggi bir yil davomida AQSh Markaziy Osiyoda strategik sheriklikni mustahkamlash bo‘yicha qat’iy intilishlarini amalda tasdiqladi.

Uchrashuv yakunida tomonlar o‘zaro anglashuv memorandumi imzolab, qo‘shma loyihalar va biznes tashabbuslarini rivojlantirishni davom ettirishga kelishib oldi.

Avvalroq Kursiv Uzbekistan Saida Mirziyoyeva AQShda biznes hamkorlikni muhokama qilgani haqida yozgandi.

Prezident farmoni bilan oliy ta’lim muassasalari va ilmiy institutlar yangi ishlanmalarga asoslangan spin-off korxonalarini tashkil etish imkoniga ega bo‘ldi. Bu haqda Adliya vazirligi xabar berdi.

Farmonga muvofiq, 2026-yil 1-maydan boshlab spin-off korxonalar ustav fondidagi davlat ulushi boshqaruvi muassislarga ishonchnoma asosida beriladi. Shu bilan birga, keyingi 5 yil davomida davlat ulushi xususiylashtirilishi mumkin emas.

Korxonalarni ro‘yxatdan o‘tkazish va davlat ulushini o‘zgartirish bo‘yicha oldindan Davlat aktivlarini boshqarish agentligi yoki Raqobat qo‘mitasining ruxsatini olish talab qilinmaydi. Shuningdek, investitsiya bitimlarini tasdiqlash uchun vakolatli davlat organining xulosasi kerak emas.

Spin-off korxonalari Innovatsion faoliyatni qo‘llab-quvvatlash jamg‘armasi mablag‘lari hisobidan tashkil etilganda, bu venchur investitsiyalari bilan tenglashtiriladi.

Yaqin Sharqdagi keskinlik fonida jahon bozorida neft narxi yana keskin oshmoqda. 7-aprel kuni Brent markali neft $111 dan oshib, 2022-yil iyundan beri eng yuqori darajaga yaqinlashdi.

Bozorlarda bu o‘sish AQSh prezidenti Donald Tramp tomonidan Eronga qo‘yilgan ultimatum bilan bog‘liq. Vashington Tehronga 7-aprelgacha sulh shartlariga rozi bo‘lish talabini qo‘ygan. Aks holda Tramp Eron yo‘q qilinishi mumkinligini aytgan. WTI nefti esa $116 dan yuqoriga ko‘tarildi.

Geosiyosiy xavf ortgani sabab investorlar ehtiyotkor pozitsiyani egalladi. Ayrim savdogarlar neft sotib olib, AQSh aksiyalarini sotishni boshladi. Osiyo bozorlarida aralash holat kuzatildi. MSCI mintaqaviy indeksi 0,7% ga o‘sdi, Yaponiya Nikkei esa 0,3% ga pasaydi. S&P...

General Motors (GM) kompaniyasi 2027-yil uchun Chevrolet Bolt modelini qayta taqdim etdi. Bu haqda GMAutority nashri xabar bermoqda.

Eng qiziqarli yangiliklardan biri – infotizim ekrani. Yangi Bolt’da uchinchi avlod Chevrolet Colorado pikapida ishlatilgan ekran qo‘llanilgan. Har ikki modelda 11,3 dyuymli sensorli displey mavjud bo‘lib, u Google Built-In tizimi asosida ishlaydi. Bu tizim navigatsiya, ovozli boshqaruv, Bluetooth va ilovalarni qo‘llab-quvvatlaydi.

Biroq ekran joylashuvi ikki modelda farq qiladi. Colorado‘da displey panel ustida alohida «planshet» ko‘rinishida joylashgan. Bolt’da esa ekran panel ichiga integratsiya qilingan va dizayn yanada yaxlit ko‘rinishga ega. Shuningdek, ovoz balandligi tugmasi ham turlicha joylashgan.

Yangi Bolt’da Apple CarPlay va...

Xitoyda Great Wall Motor kompaniyasi Haval brendi ostida yangi flagman krossoverini namoyish etdi. Hozircha model HX kod nomi bilan tanilgan bo‘lib, uning rasmiy nomi 10-aprel kuni e’lon qilinadi.

Yangi model to‘liq o‘lchamli SUV bo‘lib, uch qator o‘rindiqlarga ega. Avtomobil GWM One platformasida qurilgan va u benzin, gibrid, plagin-gibrid, elektromobil hamda vodorod variantlarini qo‘llab-quvvatlaydi.

Sinovlarda ko‘ringan versiya Hi4-Z ikki elektromotorli tizim bilan jihozlangan.

Tashqi ko‘rinishida avtomobil yirik va burchakli dizayni bilan ajralib turadi. Old qismida katta to‘g‘ri burchakli faralar, ingichka radiator panjarasi va katta havo kirish qismi mavjud. Tom qismida LiDAR sensori o‘rnatilgan bo‘lib, bu ilg‘or haydovchi yordamchi tizimlarini qo‘llab-quvvatlashini...

O‘zbekistonda yo‘llarda o‘zboshimchalik bilan sun’iy to‘siqlar va notekisliklar yaratish taqiqlanadi. Bu norma Senat tomonidan ma’qullangan yangi qonunda belgilandi.

Hujjatga ko‘ra, yo‘llarni pullik yoki bepul etib belgilash tartibi aniq tartibga solindi. Mazkur vakolatlar Avtomobil yo‘llari qo‘mitasiga topshirildi. Shuningdek, og‘ir vaznli va yirik gabaritli transport vositalarining harakati endilikda faqat maxsus ruxsatnoma asosida amalga oshiriladi. Mazkur o‘zgarishlar yo‘l infratuzilmasini himoya qilish va harakat xavfsizligini oshirishga qaratilgan.

Endilikda pulli yo‘llar davlat-xususiy sheriklik asosida moliyalashtiriladi va yo‘llardan foydalanish uchun to‘lovlar avtomatlashtirilgan tizim orqali undiriladi. Shuningdek, foydalanuvchi va operator o‘rtasidagi munosabatlar ommaviy shartnoma asosida tartibga solinadi.

Mazkur normalar yo‘l infratuzilmasini saqlashga xizmat qiladi. Bundan tashqari...

Sensor Tower tahliliy platformasi ma’lumotlariga ko‘ra, 2026-yil 7-aprel holatiga ko‘ra MAX messenjeri O‘zbekistonda Play Market orqali eng ko‘p yuklab olingan ilova bo‘ldi.

Play Marketning bepul ilovalari reytingida ikkinchi o‘rinni JanaTube egalladi. Ushbu ilova foydalanuvchilarga smartfon ekrani o‘chgan holatda ham YouTube videolarini tinglash imkonini beradi. Kuchli uchlikni davlat xizmatlaridan foydalanish uchun mo‘ljallangan MyGov ilovasi yakunlab bergan. Shuningdek, OneID va Soliq ilovalari mos ravishda 4 va 5-o‘rinlarni band etgan.

Pulli ilovalar segmentida Minecraft mobil o‘yini yetakchilik qilmoqda. Undan keyingi o‘rinlarda Geometry Dash va GTA: San Andreas o‘yinlari qayd etilgan. Ta’kidlash joizki, MAX messenjeri App Store platformasida yuklab olishlar soni bo‘yicha hozircha...

Ijtimoiy tarmoqlarda konsert-tomosha sohasida xizmatlarni majburiy ro‘yxatdan o‘tkazish taklifi bahs-munozaralarga sabab bo‘ldi. Madaniyat vazirligi bu borada o‘z pozitsiyasini bildirdi.

So‘nggi kunlarda jamoatchilik orasida san’atkorlar, boshlovchilar va konsert-tomosha sohasida faoliyat yurituvchi boshqa ijrochilar uchun yangi soliq tartibi joriy etilishi mumkinligi haqidagi muhokamalar kuchaydi. Gap 2026-yil 1-sentabrdan boshlab har bir xizmatni «Soliq» mobil ilovasi orqali ro‘yxatdan o‘tkazish taklifi haqida bormoqda.

Mazkur tashabbusga ko‘ra, to‘y, yubiley, nikoh marosimlari va boshqa tadbirlardagi chiqishlar «bir xizmat – bir to‘lov» tamoyili asosida soliqqa tortilishi rejalashtirilgan. Bu esa ayrim fuqarolar orasida tenglik va adolat masalalari yuzasidan savollarni keltirib chiqardi.

Xususan, turli soha vakillari allaqachon belgilangan...

Nio kompaniyasi tomonidan yangi Nio ES9 avtomobilining rasmiy suratlarini e’lon qilindi. Model 9-aprel kuni taqdim etilib, oldindan buyurtmalar boshlanishi kutilmoqda.

Yangi ES9 kompaniyaning eng yirik va texnologik SUV modeli bo‘ldi. U SkyRide to‘liq aktiv osma tizimi va rul mexanizmi simsiz boshqariladigan steer-by-wire texnologiyasi bilan jihozlangan. Avtomobil yangi Shark Nose dizayn tilida ishlab chiqilgan.

Uning old qismida zamonaviy ajratilgan faralar mavjud bo‘lib, ular animatsiyali yoritish effektlari va proyeksiya funksiyalarini qo‘llab-quvvatlaydi. HDPL texnologiyali faralar esa tunda yo‘lni kengroq yoritadi va piyodalar hamda to‘siqlarni aniqlashga yordam beradi.

Model ilg‘or avtonom haydash tizimlari bilan ham jihozlangan. Unda bir nechta LiDAR sensorlar, radarlar va...

Yaponiyaning poytaxti Tokio shahrida qarib borayotgan va yoshi katta sakura daraxtlari xavfsizlik masalalarini keltirib chiqarmoqda. Turizm mavsumida minglab odamlar gullagan daraxtlar ostida to‘planayotgan bir paytda bu muammo dolzarb bo‘lib qolmoqda.

Ma’lum qilinishicha, shahardagi eng mashhur Somei Yoshino navli daraxtlar 1960-yillarda ommaviy ekilgan bo‘lib, hozir ularning yoshi 60 – 70 yilga yetgan. So‘nggi kunlarda Kinuta bog‘i va Chidorigafuchi hududida ikki daraxt qulab tushgan. Yaxshiyamki, hech kim jarohat olmagan, biroq voqea xavfsizlik bo‘yicha jiddiy signal sifatida baholanmoqda.

Daraxtlarning qarishi va ichki chirishi asosiy sabab bo‘lmoqda. Issiq yozlar va uzoq davom etgan qurg‘oqchilik ham ularning holatini yanada yomonlashtirgan. O‘tgan yilning o‘zida Tokio...

Meta aqlli ko‘zoynaklarga sun’iy intellekt yordamida foydalanuvchilarning ovqatlanishini tahlil qilish funksiyasini qo‘shmoqda. Bu haqda kompaniya rasmiy sahifasida ma’lum qildi.

Meta o‘zining Ray-Ban Meta smart glasses va Oakley Meta smart glasses modellari uchun yangi funksiyani taqdim etdi. Endilikda qurilmalar o‘rnatilgan kamera va sun’iy intellekt orqali foydalanuvchining iste’mol qilayotgan ovqatini kuzatib boradi.

Foydalanuvchilar ovqatlanish jarayonini ovozli buyruq yoki suratga olish orqali qayd etishi mumkin. Sun’iy intellekt esa ushbu ma’lumotlarni tahlil qilib, mahsulot haqida kerakli ma’lumotlarni topadi va maxsus ilovadagi kundalikka avtomatik tarzda kiritadi.

Yangi tizim foydalanuvchiga individual tavsiyalar ham beradi. Masalan, u «energiya oshirish uchun nima yeyish kerak?» kabi savollarga javob...