Yangiliklar

Soliq qo‘mitasi keshbek tizimidagi firibgarlik holatlarini aniqlashda sun’iy intellekt imkoniyatlaridan foydalanishni rejalashtirmoqda. Bu haqda 30-iyul kuni Soliq qo‘mitasida o‘tkazilgan matbuot anjumanida qo‘mitaning Axborot-kommunikatsiya texnologiyalari departamenti direktori Farrux Axmedjanov ma’lum qildi.

Keshbek tizimida firibgarlik holatlari aniqlangan

Axmedjanovning aytishicha, keshbek tizimi bo‘yicha firibgarlik holatlari, haqiqatan ham, qayd etilgan. U ayrim fuqarolar xarid qilmasdan turib cheklar qo‘lga kiritilgani yoki cheklar bilan bog‘liq turli sxemalar ishlatilganini ta’kidladi.

Uning so‘zlariga ko‘ra, ayrim Telegram kanallarida cheklarni sotish bilan bog‘liq guruhlar faoliyat yuritgani aniqlangan. Bunday holatlarda fuqarolar qo‘shimcha daromad olish maqsadida cheklardan noqonuniy foydalanishga uringan.

AI keshbek firibgarliklarini aniqlashda yordam beradi

Axmedjanovning aytishicha, sun’iy intellekt...

Yashirin iqtisodiyot ulushini qisqartirish, soliq va bojxona ma’murchiligini takomillashtirish, fiskal tahlillar instituti 2027-yildan alkogol uchun aksiz solig‘ini oshirishni taklif qildi. Tashabbus 30-iyul kuni Toshkentda o‘tkazilgan «Fiskal muloqot» tadbirida taqdim etildi, deya ma’lum qildi «Kursiv» muxbiri.

Institut ma’lumotlariga ko‘ra, mahalliy va import aroq mahsulotlariga qo‘llanadigan aksiz stavkalari 2026-yil 1-iyuldan Jahon savdo tashkiloti talablari asosida tenglashtirilgan. Bungacha 2024-yilda mahalliy mahsulot uchun stavka litri uchun 38 ming so‘mni, import mahsulot uchun esa 101,5 ming so‘mni tashkil qilgan. 2026-yil iyulidan har ikkala toifa uchun stavka 48 ming so‘m etib belgilangan.

Qanchaga oshishi mumkin?

2027-yil uchun taklifda aroq, konyak va boshqa alkogolli mahsulotlar bo‘yicha...

O‘zbekistonda bank depozitlari bo‘yicha foizlarni soliqqa tortish taklif etildi. Bu haqda Toshkent shahrida o‘tgan «Fiskal muloqot» tadbirida ma’lum qilindi, deya xabar bermoqda «Kursiv» muxbiri.

Yashirin iqtisodiyot ulushini qisqartirish, soliq va bojxona ma’murchiligini takomillashtirish, fiskal tahlillar instituti bank omonatlaridan olinadigan foiz daromadlarini dividendlar bilan tenglashtirib, ularga 5% miqdorida jismoniy shaxslardan olinadigan daromad solig‘ini qo‘llash tashabbusini ilgari surdi.

Hozircha bu faqat institutning taklifi hisoblanadi. Omonat foizlariga soliq joriy etilishi uchun Soliq kodeksiga tegishli o‘zgartirishlar kiritilishi va ular belgilangan tartibda qabul qilinishi kerak.

Omonat foizlari hozir soliqdan ozod qilingan

Amaldagi Soliq kodeksining 378-moddasiga ko‘ra, jismoniy shaxslarning banklardagi omonatlar bo‘yicha oladigan foizlari va...

Bugungi kunda O‘zbekistonda 157 ta milliy madaniy markaz va 46 ta do‘stlik jamiyati faoliyat yuritmoqda. Bu haqda Shavkat Mirziyoyevning Xalqlar do‘stligi kuni munosabati bilan yo‘llagan tabrigida ma’lum qilindi.

Turli millat va elat vakillaridan iborat professional «Do‘stlik» ansambli tashkil etiladi. Davlat rahbari bayram tabrigida O‘zbekistondagi tinchlik va osoyishtalik, millatlar hamda dinlararo do‘stlik, bag‘rikenglik va hamjihatlik mamlakatning eng bebaho boyligi ekanini ta’kidladi.

«Turli millatga mansub yurtdoshlarimiz orasida o‘nlab deputat va senatorlar, davlat va jamoat arboblari, taniqli ishlab chiqarish, ilm-fan, madaniyat, san’at va sport namoyandalari, biznes vakillari munosib faoliyat ko‘rsatayotgani, ularning 2 ming nafarga yaqini Vatanimizning yuksak unvonlari...

Yandex Uzbekistan Dasturlash maktabida navbatdagi o‘quv yili yakunlandi. Toshkent, Samarqand va Urganch shaharlaridan 81 nafar o‘smir Python dasturlash tili asoslarini bepul o‘rgandi. Bir yil davomida o‘quvchilar dasturlash, algoritmlar va dasturiy ta’minot ishlab chiqish vositalarini o‘zlashtirishdi.

Loyiha maktab o‘quvchilariga nafaqat Python asoslarini o‘rgatadi, balki ularda tizimli fikrlashni shakllantirish, noan’anaviy yechimlarni izlash va IT sohasidagi ilk qadamlarini tashlashga ham yordam beradi. Maktab o‘qituvchilaridan biri Inha University bitiruvchisi Asadbek Mahmudov. U nima uchun o‘quvchilar bilan birga o‘rganish muhimligi, darslarda qanday qilib kutilmagan yechimlar paydo bo‘lishi va bunday loyihalar kelajak IT mutaxassislarini tayyorlashda qanday ahamiyatga ega ekani haqida so‘zlab berdi.

Yandex Uzbekistan Dasturlash...

Qozonning «Rubin» klubi Samarqandning «Dinamo» jamoasi va O‘zbekiston milliy terma jamoasi himoyachisi Jahongir O‘rozovni ijaraga olish bo‘yicha kelishuvga erishdi. Bitimning umumiy qiymati 800 ming yevrogacha yetishi mumkin, deb xabar berdi Sports.kz rossiyalik insayder Ivan Karpovga tayanib.

Ma’lumotlarga ko‘ra, «Rubin» 22 yoshli futbolchini mavsum oxirigacha ijaraga olish uchun «Dinamo»ga 100 ming yevro to‘laydi. Shartnomada O‘rozovni keyinchalik yana 700 ming yevro evaziga to‘liq sotib olish huquqi ham ko‘zda tutilgan.

Yangi klubda qachondan ko‘rinish beradi

O‘rozov 30-iyul oqshomida tibbiy ko‘rikdan o‘tish uchun Qozonga uchib ketishi kutilmoqda. Transferning yakuniy rasmiylashtirilishi tibbiy tekshiruv natijalari va futbolchi bilan shaxsiy shartnoma shartlarining kelishilishiga bog‘liq...

Toshkentning Yakkasaroy tumanida Salar kanaliga oqova suvlarni noqonuniy tashlagan qurilish kompaniyasiga 2 mlrd 220 mln so‘mdan ortiq kompensatsiya to‘lovi hisoblandi. Bu haqda Toshkent shahar Ekologiya va iqlim o‘zgarishi qo‘mitasi xabar berdi.

Holat Shota Rustaveli ko‘chasida olib borilayotgan qurilish ishlari vaqtida oqova suv quvuri shikastlangani va chiqindilar Salar kanaliga sizib chiqayotgani haqidagi murojaat ortidan o‘rganilgan.

Tekshiruv davomida «B.B.» MChJ ko‘p qavatli turarjoy binosini qurish jarayonida shaharning oqova suv tarmog‘iga tegishli quvurga zarar yetkazgani aniqlangan. Quvurning bir qismi o‘pirilib tushishi natijasida to‘planib qolgan suyuq chiqindilar hech qanday tozalashdan o‘tkazilmasdan, maxsus nasoslar yordamida to‘g‘ridan to‘g‘ri Salar kanaliga chiqarilgan.

Olingan namunalarning laboratoriya tahliliga...

Toshkent shahridagi 35 ta bozor, savdo kompleksi va ularning shoxobchalari ommaviy savdolarga chiqariladi. Bu prezidentning tegishli qarorida belgilandi.

Hujjatga ko‘ra, obyektlarni savdoga chiqarishda «Toshkent invest kompaniyasi» AJ buyurtmachi sifatida ishtirok etadi. Kompaniya har bir bozor va savdo kompleksi bo‘yicha tayyor biznes loyihasini ishlab chiqadi. Obyektlar ushbu loyihalar va investorlar uchun belgilanadigan majburiy shartlar asosida sotuvga qo‘yiladi.

Savdolarda bozorlar o‘rnida zamonaviy ekobozorlar, savdo va xizmat ko‘rsatish hamda ko‘ngilochar markazlar, shuningdek, ko‘p qavatli avtoturargohlar tashkil etish talabi qo‘yiladi. Bozorlarni sotishdan tushadigan mablag‘ning 1 foizi va obyektlarni savdoga tayyorlash bilan bog‘liq xarajatlar «Toshkent invest kompaniyasi»ga o‘tkaziladi.

Qaysi bozorlar sotiladi

Ommaviy savdolarga...

O‘zbekiston 2027-yilgi futbol bo‘yicha U-17 Osiyo kubogiga mezbonlik qiladi. Bu haqda O‘FA Telegram kanalida xabar berdi.

Qaror Osiyo futbol konfederatsiyasi Ijroiya qo‘mitasining navbatdagi yig‘ilishida tasdiqlandi. 2029-yilgi U-17 Osiyo kubogi esa Saudiya Arabistonida o‘tkaziladi.

Boshqa muhim turnirlar kelajagi qanday

Yig‘ilishda 2028-yilgi U-23 Osiyo kubogi mezboni ham aniqlandi. Los-Anjelesda o‘tkaziladigan 2028-yilgi yozgi Olimpiya o‘yinlariga Osiyo saralashi vazifasini bajaradigan musobaqani Yaponiya qabul qiladi.

Mezbonlik uchun Yaponiya bilan birga O‘zbekiston, Iordaniya, Qirg‘iziston va Qatar ariza topshirgan, Birlashgan Arab Amirliklari esa keyinchalik tanlovdan chiqqan.

OFK Ijroiya qo‘mitasi qit’a klublari va yoshlar terma jamoalari o‘rtasidagi musobaqalar reglamentiga doir o‘zgarishlarni ham ma’qulladi. Jumladan, 2026/2027-yilgi...

Raqobat qo‘mitasi reklama qonunchiligi buzilgani uchun «Elita Stroy Building» MChJ va «Glamur Gold» MChJga nisbatan moliyaviy jarima qo‘llash haqida qaror qabul qildi. Qo‘mitaga ko‘ra, ushbu kompaniyalarning qurilish majmualari elektron ro‘yxatga kiritilmagan bo‘lsa-da, ijtimoiy tarmoqlarda reklama qilingan.

Qurilish obyektlarini reklama qilish tartibi bor

Prezidentning 2020-yil 27-maydagi qarori bilan tasdiqlangan nizomga ko‘ra, ulush kiritish asosida qurilish uchun mablag‘ jalb qiluvchi quruvchilar elektron ro‘yxatga kiritilishi kerak.

Quruvchi ushbu ro‘yxatga kiritilmagan bo‘lsa, uning qurilish obyektlarini reklama qilish taqiqlanadi.

Ikki kompaniyada qonun buzilishi aniqlangan

Raqobat qo‘mitasi o‘rganishlari davomida «Elita Stroy Building» MChJ va «Glamur Gold» MChJga tegishli qurilish majmualari elektron ro‘yxatga...

Samarqand va Xorazm viloyatlarida fuqarolarni 2-guruh nogironlik nafaqasiga chiqarib berishni va’da qilib, pul olgan shifokorlar aniqlandi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Departamentning Samarqand tumani bo‘limi o‘tkazgan tergovga qadar tekshiruvda tuman markaziy shifoxonasi bo‘lim shifokori bir fuqaroni 2-guruh nogironlik nafaqasiga chiqarish va hujjatlarini rasmiylashtirib berish evaziga 5 mln so‘mni firibgarlik yo‘li bilan olgani aniqlangan. Mazkur mablag‘ning fuqaroga qaytarilishi protsessual tartibda rasmiylashtirilgan.

Xorazmda ham

Departamentning Bog‘ot tumani bo‘limi o‘tkazgan tezkor tadbirda esa Hazorasp tumani tibbiyot birlashmasi shifokori yuqori lavozimda ishlovchi tanishlari orqali bir shaxsni 2-guruh nogironlik nafaqasiga chiqarib berishni va’da qilgan. U buning...

Redmi kompaniyasi yangi Redmi K100 turkumidagi smartfonlarini 31-iyul kuni Shanxayda o‘tkaziladigan ChinaJoy 2026 ko‘rgazmasida taqdim etishga tayyorlanmoqda. Qurilmalarning dastlabki tasviri rasmiy namoyishdan bir kun oldin e’lon qilindi.

Redmi mahsulotlar bo‘yicha menejeri Sun Tsun yangi tizer bilan taqdimot aynan Redmi K100 turkumiga bag‘ishlanishini tasdiqladi. Xiaomi rahbari e’lon qilgan boshqa suratda esa bo‘lajak smartfonlardan birining umumiy silueti ko‘rinadi. Biroq qurilmaning to‘liq dizayni va texnik xususiyatlari hozircha ochiqlanmagan.

Model haqida nimalar ma’lum

Dastlabki ma’lumotlarga ko‘ra, yangi smartfonlar Snapdragon 8 Elite Gen 5 flagman protsessori bilan jihozlanadi. Avvalroq Geekbench sinov bazasida Redmi K100 Pro nomli qurilma paydo bo‘lib, bir yadroli testda...

Xalqaro futbol federatsiyasi prezidenti Janni Infantino FIFA musobaqalarining tijoriy faoliyatiga xususiy investorlarni jalb qilish rejasiga bildirilgan tanqidlarga javob berdi.

Unga koʻra, hozircha gap yakuniy bitim haqida emas, balki tashkilotga a’zo federatsiyalar muhokamasiga kiritilgan taklif haqida bormoqda.

FIFA nimani sotmoqchi?

Loyiha FIFA Forward Enterprise nomli yangi tijoriy kompaniya tashkil etishni nazarda tutadi. Taxminan $20 mlrdga baholanayotgan kompaniya Jahon chempionati va FIFA’ning boshqa musobaqalariga oid translyatsiya, homiylik, chiptalar savdosi hamda litsenziyalash kabi tijoriy yoʻnalishlarni boshqaradi.

FIFA yangi kompaniyaning 20 foizgacha boʻlgan ulushini tashqi investorlarga sotib, qariyb $4,2 mlrd jalb etishni rejalashtirgan. Shu bilan birga, tashkilot kompaniyadagi nazorat paketini, futbol boshqaruvi...

Shavkat Mirziyoyev 30-iyul kuni davlat tashrifi bilan Qirg‘izistonga jo‘nab ketdi. Tashrif Sadir Japarovning taklifiga binoan amalga oshirilmoqda va 1-avgustgacha davom etadi.

Cho‘lponota shahrida ikki davlat rahbarining oliy darajadagi muzokaralari o‘tkaziladi. Unda O‘zbekiston va Qirg‘iziston o‘rtasidagi do‘stlik, yaxshi qo‘shnichilik hamda strategik sheriklik munosabatlarini yanada mustahkamlash masalalari muhokama qilinadi.

Tashrifdan maqsad nima

Tomonlar o‘zaro savdo hajmini oshirish, sanoat kooperatsiyasini kengaytirish, transport sohasidagi bog‘liqlikni rivojlantirish hamda madaniy-gumanitar almashinuvlarni faollashtirishga alohida e’tibor qaratadi. Shuningdek, davlat rahbarlari xalqaro va mintaqaviy kun tartibidagi dolzarb masalalar yuzasidan fikr almashadi.

Muzokaralar yakunida O‘zbekiston va Qirg‘iziston o‘rtasidagi ko‘p qirrali hamkorlikni rivojlantirishga qaratilgan ikki tomonlama hujjatlar to‘plamini imzolash...

Tijorat banklari tomonidan 30-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 30-iyul uchun valyutalar kursi e’lon qilingani haqida yozgan edi.

Belarus yuk avtomobillari va avtobuslar ishlab chiqaruvchi «Minsk avtomobil zavodi» o‘zbekistonlik fuqarolar uchun 300 ta bo‘sh ish o‘rni taklif qilmoqda. Bu haqda Migratsiya agentligi xabar bermoqda.

Xodimlarga soliqlar ushlab qolingandan keyin oyiga 2 060 Belarus rubli yoki qariyb $720 miqdorida ish haqi to‘lanadi.

Korxonaga mexanik yig‘uv ishlari slesarlari, shtampovchilar, tokarlar, parmalovchilar, frezerchilar, bo‘yoqchilar, avtomatik va yarim avtomatik uskunalarda ishlaydigan elektr-gaz payvandchilari hamda quyish ishlab chiqarishi ishchilari jalb etiladi. Yakuniy ish haqi bajarilgan ish hajmi va ishlangan vaqtga qarab oshishi mumkin.

Vakansiyalarga 45 yoshgacha bo‘lgan, rus tilini biladigan, jismonan sog‘lom va mehnatga layoqatli fuqarolar ariza topshirishi mumkin. Nomzodlardan mas’uliyatli, intizomli...

FIFA 2026-yilgi Jahon chempionati finalida Ispaniyaga 0:1 hisobida mag‘lub bo‘lgan Argentina terma jamoasi futbolchilari va murabbiylar shtabi a’zolarining xatti-harakatlari yuzasidan intizomiy ish boshladi. Bu haqda BBC Sport xabar berdi.

O‘zi nima bo‘lgan edi

Final hushtagi yangragach, Nyu-York – Nyu-Jersi stadionida Argentina va Ispaniya vakillari o‘rtasida janjal kelib chiqqan. Hodisada argentinalik bir nechta futbolchi hamda murabbiylar shtabi a’zolari qatnashgani aytilmoqda. FIFA avvalroq vaziyatni o‘rganish uchun intizomiy va etika masalalari bo‘yicha prokuror tayinlagan edi.

Tekshiruv doirasida argentinalik Nahuel Molina ikki, Leandro Paredes uch, yordamchi murabbiy Roberto Ayala esa bir marta hujum qilishda gumon qilinmoqda. Molina, shuningdek, sportga xos bo‘lmagan xatti-harakat...

27-iyul holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,4 foizdan 21,1 foizga tushdi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 22,5 foizni, yuridik shaxslar ulushi ham 22,6 foizni ko‘rsatmoqda.

Bunda eng past avtokredit stavkasi «BRB» tomonidan taklif qilingan bo‘lib, 18,1 foizni tashkil etdi. Bungacha ham eng kam foiz «BRB» (18,1%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

Yangi Chevrolet Damas 3 nomi bilan tanilgan yangi Chevrolet Damas Move va Damas Max avtomobillari olti xil komplektatsiyada sotilmoqda. 110 km nashri modelning texnik imkoniyatlari va ustunliklarini e’tirof etdi.

Nashrning yozishicha, avtomobilning rasmiy nomi Chevrolet Damas Move & Max bo‘lsa-da, UzAuto Savdo platformasida u Damas 3 sifatida ko‘rsatilgan. Model Xitoyning Wuling Hongguang V mikroveni asosida yaratilgan. Yangi Damas avvalgi avloddan kattaroq kuzovi, kuchliroq dvigateli, kengaytirilgan yukxonasi va zamonaviy xavfsizlik tizimlari bilan farq qiladi.

Yuk va yo‘lovchi versiyalari taklif etiladi

Damas Max asosan yuk tashishga mo‘ljallangan ikki o‘rinli furgon hisoblanadi. Uning 1,2 litrli dvigatelga ega boshlang‘ich VAN 1.2 LV...

Samarqand viloyatining Toyloq tumanida sanitariya xulosasi uchun 9 mln so‘m talab qilgan mansabdor shaxs ushlandi. Bu haqda DXX xabar bermoqda.

Ma’lum qilinishicha, tuman Sanitariya-epidemiologik osoyishtalik va jamoat salomatligi bo‘limining bo‘linma boshlig‘i mansabdor tanishlari orqali yakka tartibdagi tadbirkorga tegishli non va non mahsulotlari ishlab chiqarish sexi uchun sanitariya-epidemiologik xulosa olib berishni va’da qilgan.

U qanday fosh etildi

U buning evaziga tadbirkordan 9 mln so‘m talab qilgani aytilmoqda. Gumonlanuvchi avval $100 va 500 ming so‘m olgan. Keyinchalik so‘ralgan mablag‘ning yana $400 ni olayotgan vaqtida DXX, Iqtisodiy jinoyatlarga qarshi kurashish departamenti hamda ichki ishlar organlari xodimlari tomonidan ashyoviy dalillar bilan ushlangan.

Xitoyning Hongqi avtomobil brendi elektromobillar uchun super zaryadlash tizimiga ega yangi avlod akkumulyatorini sinovdan o‘tkazdi. Interesting Engineering nashri xabar berdi.

Sinov davomida akkumulyator quvvati 10% dan 70% gacha 3 daqiqa 41 soniyada oshgan. Quvvatni 10% dan 97% gacha yetkazish uchun esa 8 daqiqa 3 soniya talab etilgan. Shu tariqa, elektromobilni quvvatlash vaqti benzinli avtomobil bakini yoqilg‘i bilan to‘ldirishga ketadigan vaqtga yaqinlashmoqda.

Quvvatlash tezligi qanday oshirildi

Ishlab chiquvchilar litiy ionlarining harakatini tezlashtiruvchi yangi anod va maxsus elektrolitdan foydalangan. Kompozit uglerod qoplamasi hamda akkumulyator materiali tarkibiga qo‘shimcha modifikatsiyalar kiritilishi natijasida yacheykalarning ichki qarshiligi o‘xshash akkumulyatorlarga nisbatan 15% kamaygan.

Ichki qarshilikning...

Facebook va Instagram egasi Meta Platforms aksiyalari qariyb 10 foizga pasaydi. Bu haqda Bloomberg nashri xabar bermoqda.

Investorlar kompaniyaning 2026-yil uchinchi choragi uchun bergan daromad prognozi, sun’iy intellektga sarflar oshishi hamda erkin pul oqimining keskin qisqarishidan xavotirga tushmoqda.

Erkin pul oqimi 91% kamaydi

Meta’ning 2026-yil ikkinchi choragidagi erkin pul oqimi $784 mlnni tashkil etdi. Bir yil avval bu ko‘rsatkich $8,55 mlrdga teng edi. Shunday qilib, kompaniya tasarrufida operatsion va kapital xarajatlardan keyin qoladigan mablag‘ 91% kamaydi.

Bu 2022-yil oxiridan buyon qayd etilgan eng past ko‘rsatkich bo‘ldi. O‘sha davrda ham investorlar Meta’ning metakoinot loyihalariga haddan tashqari ko‘p mablag‘ sarflayotganidan...

Samsung kompaniyasining yaqin oylarda taqdim etilishi kutilayotgan Samsung Galaxy S26 FE smartfoni 45 Vt quvvatli tezkor simli quvvatlash texnologiyasini qo‘llab-quvvatlashi mumkin. Bu haqda Sammobile nashri xabar bermoqda.

Yangi modelning quvvatlash tezligi avvalgi Galaxy S25 FE bilan bir xil bo‘lib qolishi kutilmoqda. Samsung o‘tgan yili FE turkumidagi smartfonlar uchun quvvatlash quvvatini 45 Vtgacha oshirgan edi. Yangi sertifikatlash hujjati kompaniya Galaxy S26 FE’da ham ushbu imkoniyatni saqlab qolishini ko‘rsatmoqda.

Nimalar ma’lum

Galaxy S26 FE quvvatlash tezligi bo‘yicha bazaviy Galaxy S26 flagmanidan ustun bo‘lishi mumkin. Avvalgi ma’lumotlarga ko‘ra, Galaxy S26 modeli 25 Vt tezkor quvvatlash bilan cheklanadi. Shunday qilib, narxi nisbatan...

General Motors tarkibiga kiruvchi kiruvchi SAIC-GM Xitoy bozorida yangi 2027 Buick Electra L7 BEV elektr sedanini rasman namoyish etdi. Bu haqda GMAutority nashri xabar bermoqda.

Model Electra oilasiga qo‘shilib, avvalroq taqdim etilgan yurish zaxirasi uzaytirilgan EREV versiyasi bilan bir qatorda sotiladi.

Zaryadlash va imkoniyatlar

Yangi elektromobil 800 voltli yuqori kuchlanish arxitekturasi asosida yaratilgan. U 6C tezkor quvvatlash texnologiyasi va barcha komplektatsiyalarda CATL akkumulyatori bilan jihozlanadi. Ishlab chiqaruvchi aynan katta yurish zaxirasi modelning Xitoydagi asosiy raqobat ustunligiga aylanishini kutmoqda.

Buick Electra L7 BEV old o‘qqa o‘rnatilgan bitta elektr dvigatelga ega. Uning quvvati 282 kVt yoki 378 ot kuchini tashkil...