Yangiliklar

O‘zbekiston milliy terma jamoasi va Angliyaning «Manchester Siti» klubi himoyachisi Abduqodir Husanov to‘yidan bir necha soat o‘tib, terma jamoa bilan Birlashgan Arab Amirliklariga uchib ketgan. Bu haqda futbolchining agenti G‘ayrat Hasbiullin «Sport-Ekspress» nashriga bergan intervyusida ma’lum qildi.

Agentning aytishicha, 22 yoshli futbolchi yosh bo‘lishiga qaramay, oilaparvar inson sifatida shakllangan. Uning fikricha, Husanovning erta turmush qurishi Angliyadagi hayotiga ham ijobiy ta’sir ko‘rsatmoqda.

«U to‘g‘ri oilada ulg‘aygan va o‘zi ham oilaparvar bo‘lib voyaga yetgan. Erta uylangani yaxshi, chunki bu unga oilaviy iliqlikni his qilish va Angliyada yolg‘iz emasligini anglash imkonini beradi. Abduqodir tungi hayotga qiziqmaydi, ko‘p vaqtini...

Belarus poytaxti Minsk shahrida O‘zbekiston Savdo uyining tantanali ochilish marosimi bo‘lib o‘tdi. Loyiha Shavkat Mirziyoyevning Belarusga rasmiy tashrifi doirasida O‘zbekiston va Belarus Savdo-sanoat palatalari hamkorligida amalga oshirildi.

O‘zbekiston mahsulotlari doimiy namoyish etiladi

Minsk shahridagi G‘oliblar prospekti, 63V manzilida joylashgan Savdo uyi 261,3 kvadrat metr maydonni egallaydi. Bu yerda O‘zbekistonda ishlab chiqarilgan mahsulotlar doimiy ko‘rgazma asosida taqdim etilib, Belarus xaridorlariga ulgurji narxlarda taklif qilinadi.

Ekspozitsiyadan elektrotexnika, maishiy texnika, to‘qimachilik mahsulotlari hamda boshqa eksportbop tovarlar o‘rin olgan.

Savdo hajmini $2 mlrdga yetkazish maqsadi qo‘yilgan

Ochilish marosimida O‘zbekiston Bosh vaziri o‘rinbosari Jamshid Xo‘jayev, Belarus Bosh vaziri o‘rinbosari Yuriy Shuleyko, O‘zbekiston...

«Besqala Mining Valley» maxsus mayning zonasi rezidentlarini ro‘yxatdan o‘tkazish va ularning faoliyatini yuritish tartibi belgilandi. Adliya vazirligi maxsus mayning zonasi rezidentlarini ro‘yxatdan o‘tkazish va faoliyatini amalga oshirish tartibi to‘g‘risidagi nizomni davlat ro‘yxatidan o‘tkazdi.

Mazkur hujjat maxsus zona faoliyatini tashkil qilish, yuridik shaxslarni rezident sifatida ro‘yxatdan o‘tkazish va ularning ishlash tartibini belgilaydi.

Faqat Qoraqalpog‘istonda ro‘yxatdan o‘tgan kompaniyalar qatnasha oladi

Maxsus zonaning hududi Qoraqalpog‘iston respublikasining butun hududi hisoblanadi.

Faqat Qoraqalpog‘istonda davlat ro‘yxatidan o‘tgan va shu hududda faoliyat yuritayotgan yuridik shaxslar maxsus zona rezidenti bo‘lishi mumkin.

Arizani ko‘rib chiqish bepul bo‘ladi

Rezident sifatida ro‘yxatdan o‘tish bo‘yicha arizani ko‘rib chiqish uchun...

Oliy Majlis Senatining 17-yalpi majlisida «Toshkent xalqaro moliya markazi to‘g‘risida»gi Konstitutsiyaviy qonun ko‘rib chiqilib, senatorlar tomonidan ma’qullandi. Bu haqda Yuqori palata matbuot xizmati xabar bermoqda.

Mazkur hujjat O‘zbekistonda investitsiya muhitini yaxshilash, xalqaro kapitalni jalb qilish va zamonaviy moliya infratuzilmasini shakllantirishga qaratilgan. Qonun avval Senatning 16-yalpi majlisida muhokama qilinib, takomillashtirish bo‘yicha takliflar bilan Qonunchilik palatasiga qaytarilgan edi. Keyinchalik senatorlar va deputatlardan iborat kelishuv komissiyasi manfaatdor davlat organlari hamda tashkilotlar ishtirokida hujjatni qayta ishlab chiqdi.

Konstitutsiyaviy qonun bilan Toshkent xalqaro moliya markazining alohida hudud sifatidagi maqomi va faoliyatining asosiy tamoyillari belgilanadi. Markaz hududida xalqaro investorlar uchun moliyaviy barqarorlik va huquqiy kafolatlarni...

Sobiq SSSR terma jamoasi himoyachisi Vladimir Ponomaryov tomonidan Abbosbek Fayzullayev tanqid ostiga olingan. U Portugaliyaning O‘zbekiston ustidan 5:0 hisobida g‘alaba qozongan uchrashuvini eslab o‘tgan.

Ponomaryovning fikricha, Portugaliya yaxshi o‘yin namoyish etgan, biroq yirik hisobning yuzaga kelishida O‘zbekiston terma jamoasining sust harakati ham muhim rol o‘ynagan.

«Portugaliyaliklar juda yomon o‘ynamadi, ammo masala O‘zbekiston terma jamoasining haddan tashqari kuchsiz ekanida. Bu kerakli daraja emas. Fayzullayev ham maydonda edi va xatolarga yo‘l qo‘ydi. Yaxshiyamki, u hozir «SSKA»da o‘ynamayapti», – degan sobiq futbolchi.

U, shuningdek, Portugaliya terma jamoasi sardori Krishtianu Ronalduning chempionatdagi ishtirokini ham alohida e’tirof etgan. Ponomaryovning...

O‘zbekistonda foydalanilgan avtomobillarni utilizatsiya qilish tizimi bo‘yicha ishlab chiqilgan qonun loyihasi qayta ko‘rib chiqilmoqda. Bu haqda Chiqindilarni boshqarish va sirkulyar iqtisodiyotni rivojlantirish agentligi ma’lum qildi.

Muhokamalar natijasida eng ko‘p e’tirozlarga sabab bo‘lgan norma – 30 yil va undan eski avtomobillar uchun yillik ekologik kompensatsiya to‘lovini joriy etish taklifi loyihadan chiqarib tashlanmoqda.

Jarima va majburlash o‘rniga rag‘batlantirish

Agentlik ma’lum qilishicha, hukumat avtomobil parkini yangilashda majburiy to‘lovlar yoki jarimalar emas, balki iqtisodiy rag‘batlantirish mexanizmlariga tayanishni maqsad qilgan. Shu sababli eski avtomobillar egalari uchun har yili BHMning 30 baravari miqdorida ekologik kompensatsiya undirish rejasi bekor qilinmoqda.

Eski avtomobillar...

2026/2027-o‘quv yili uchun xorijiy va nodavlat oliy ta’lim tashkilotlaridan davlat oliygohlariga o‘qishni ko‘chirish bo‘yicha maxsus sinovlarning o‘tish ballari tasdiqlandi. Bu haqda Oliy ta’lim, fan va innovatsiyalar vazirligi ma’lum qildi.

Eng yuqori o‘tish bali huquq yo‘nalishi uchun belgilandi – 165 ball. Siyosatshunoslik, xalqaro munosabatlar, jahon iqtisodiyoti va xalqaro iqtisodiy munosabatlar yo‘nalishlari uchun 140 ball talab etiladi.

Boshqa yo‘nalishlarda ballar

Sog‘liqni saqlash yo‘nalishida o‘tish bali 132 ballni tashkil etadi. San’at, ijtimoiy fanlar, jurnalistika, biznes va boshqaruv yo‘nalishlari uchun 105 ball, transport xizmatlari uchun esa 104 ball belgilangan.

Ta’lim, gumanitar fanlar, tillar, atrof-muhit, matematika va statistika, axborot-kommunikatsiya texnologiyalari hamda ijtimoiy ta’minot...

Samarqand viloyati va Toshkent shahrida 462 mln so‘mlik noqonuniy tamaki aniqlandi. Bu haqda Bosh prokuratura huzuridagi Departament ma’lum qildi.

Samarqand viloyatida o‘tkazilgan tezkor tadbir davomida mas’ul shaxslar mahalla hududidagi binoda umumiy qiymati 352,4 mln so‘mlik 4 124 quti aksiz markasiz tamaki mahsulotlarini sotish maqsadida saqlab kelayotgani aniqlangan. Mahsulotlar ashyoviy dalil sifatida olib qo‘yilgan.

Toshkent shahrining Mirzo Ulug‘bek tumanida o‘tkazilgan boshqa tadbirda esa fuqaro 1 890 dona tamakili snyus va 131 dona elektron tamaki mahsulotini 109,9 mln so‘mga sotishga kelishgani aniqlangan. U 60 mln so‘mni olayotgan vaqtda ashyoviy dalillar bilan ushlangan.

Har ikki holat yuzasidan Jinoyat kodeksining 186-1-moddasi bilan jinoyat...

O‘zbekistonda yangi yoki ikkilamchi bozordan avtomobilni sotib olgan shaxs transport vositasini o‘z nomiga rasmiylashtirib, davlat raqami olishi kerak. Yangi egaga buning uchun xarid qilingan kundan boshlab o‘n kalendar kun beriladi, deya xabar berdi Autostrada.

2026-yilda avtomobilni Yo‘l harakati xavfsizligi xizmatida ro‘yxatdan o‘tkazish xarajatlari transport vositasining turi va uning yangi yoki foydalanilgan ekaniga qarab farqlanadi. Hisob-kitoblarda bazaviy hisoblash miqdori 412 ming so‘m etib olingan.

Foto: Autostrada

Avtosalondan benzinli yangi avtomobil sotib olinganda uni ro‘yxatdan o‘tkazish uchun 2 mln 818 ming 80 so‘m to‘lanadi. Texnik pasport berish 288,4 ming so‘m, yangi davlat raqami olish 2 mln 266 ming so‘m, hujjatlarni yig‘ish...

O‘zbekistonlik UFC jangchisi Nursulton Ro‘ziboyev Checheniston rahbari Ramzan Qodirovga tegishli «Axmat» klubi tomonidan sovg‘a qilingan Roewe M7 DMH avtomobilini qabul qilib oldi. Sportchi bu haqda Instagram sahifasida ma’lum qildi.

Ro‘ziboyev 2015-yildan buyon «Axmat» klubi sharafini himoya qilib keladi. U 27-iyun kuni Bokuda o‘tkazilgan UFC Fight Night 280 turnirida rossiyalik Andrey Pulyaevga qarshi jang qilgan edi.

O‘zbekistonlik jangchi bellashuvni birinchi raunddayoq yakunlab, raqibini sabmishen usulida muddatidan oldin mag‘lub etdi. Ushbu g‘alabadan so‘ng klub Ro‘ziboyevni Roewe M7 DMH rusumidagi avtomobil bilan taqdirladi.

Jangchining ijtimoiy tarmoqdagi sahifasida e’lon qilingan suratlarda uning yangi avtomobilni qabul qilib olgani aks etgan. Roewe M7 DMH Xitoyda...

Qirg‘iziston hukumati AI-95 markali benzin narxini davlat tomonidan tartibga solish amaliyotini bekor qildi. Bu haqda TASS nashri xabar berdi.

Endilikda ushbu turdagi yonilg‘i ijtimoiy ahamiyatga ega mahsulotlar ro‘yxatidan chiqariladi va uning narxi bozor tamoyillari asosida shakllanadi.

Narx cheklovi ham bekor qilindi

Qirg‘iziston Vazirlar Mahkamasi qaroriga muvofiq, yonilg‘i-moylash mahsulotlari uchun maksimal chakana narx belgilash tartibi ham bekor qilinmoqda. Hukumat bu qarorni iqtisodiy barqarorlikni mustahkamlash, yoqilg‘i ta’minotining uzluksizligini saqlash va tadbirkorlikni qo‘llab-quvvatlash zarurati bilan izohladi.

Bahordagi vaziyat bunga sabab bo‘lgan edi

Joriy yil bahorida Hormuz bo‘g‘ozi atrofidagi keskinlik sabab xalqaro neft bozori beqarorlashganidan so‘ng Qirg‘iziston ichki bozorda benzin va...

Ijtimoiy tarmoqlarda O‘zbekiston milliy terma jamoasi va Turkiyaning «Istanbul Bashakshehir» klubi a’zosi Abbosbek Fayzullayevning to‘y marosimlari bo‘lib o‘tayotgani haqidagi lavhalar kuzatuvchilarda katta qiziqish uyg‘otmoqda.

Ko‘pchilikni qiziqtirayotgan savollardan bittasi futbolchi kimga uylanyapti?

Futbolchiga yaqin manbalarning Kursiv’ga ma’lum qilishicha, tanlagan qaylig‘i 21 yoshli Nisobonu Namangan viloyatining Chust tumanidagi Varzik qishlog‘ida tug‘ilgan.

Ikki yoshning unashtiruv marosimi shu yilning 24-may kuni o‘tkazildi.

Abbosning to‘yi qanday o‘tmoqda

Avvalroq 23 yoshli futbolchining 4-iyul kuni ijtimoiy...

Tijorat banklari tomonidan 9-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 9-iyul uchun valyutalar kursi e’lon qilingani haqida yozgan edi.

O‘zbekistondan Qozog‘istonga kirayotgan yengil va yuk avtomobillari endi bir sutkada faqat bir marta mamlakat hududiga kirishi mumkin. Yangi cheklov yonilg‘ini noqonuniy olib chiqish holatlarining oldini olish maqsadida joriy etilgan.

Transport bir sutkada bir marta kiradi

Qozog‘iston energetika vaziri o‘rinbosari Qayirxan Tutqishbayevning ma’lum qilishicha, chegaradosh davlatlardan kelayotgan yengil va yuk avtomobillarining kirishi bo‘yicha yangi tartib amal qilmoqda.

Unga ko‘ra, bunday transport vositalari Qozog‘iston hududiga bir sutkada bir martadan ortiq kira olmaydi. Mazkur cheklov O‘zbekiston bilan chegaradagi yo‘nalishlarga ham taalluqli.

Qo‘shimcha yonilg‘i baklari tekshirilmoqda

Qozog‘iston hukumati yonilg‘ini noqonuniy olib chiqishga qarshi nazoratni kuchaytirgan.

Asosiy e’tibor avtomobillarga noqonuniy o‘rnatilgan qo‘shimcha...

O‘zbekistonda yuk tashuvchi avtomobillar parkini yangilash va logistika sohasini rivojlantirish maqsadida tadbirkorlar uchun yangi bojxona imtiyozlari joriy etildi. Bu haqda Transport vazirligi xabar berdi.

Prezident qarori bilan 2027-yil 31-dekabrgacha ishlab chiqarilganiga 5 yildan oshmagan ayrim yuk transport vositalari (samosvallardan tashqari) importida bojxona boji hamda utilizatsiya yig‘imi nol stavkada qo‘llanadi.

Qaysi transport vositalariga imtiyoz beriladi

Imtiyozlar Yevro-5 va undan yuqori ekologik standartlarga javob beradigan yuk avtomobillari, shuningdek, to‘la vazni 15 tonnadan ortiq yoki yukxonasining ichki hajmi kamida 76 kub metr bo‘lgan yarim tirkamalar uchun amal qiladi.

Imtiyoz qachon bekor qilinadi

Qarorga ko‘ra, mazkur transport vositalari bojxona rasmiylashtiruvidan o‘tkazilganidan...

Samsung AQShda Samsung Galaxy S26 turkumidagi smartfonlar uchun eski qurilmani topshirishni talab etmaydigan chegirma e’lon qildi. Aksiya doirasida xaridorlar tanlangan modelga qarab $100 yoki $200 tejashi mumkin.

Standart Galaxy S26 modeli $100 ga arzonlashtirilgan. Galaxy S26+ va Galaxy S26 Ultra smartfonlariga esa $200 miqdorida chegirma berilmoqda. Taklif Samsung’ning AQShdagi rasmiy internet do‘koni va Shop Samsung ilovasida 19-iyulgacha amal qiladi.

Chegirma olish uchun xaridor eski telefonini trade-in dasturi orqali topshirishi shart emas. Narx pasayishi qurilmaning tanlangan xotira hajmiga bog‘liq emas va mos konfiguratsiyalarga bir xil tatbiq etiladi.

Samsung xaridorlarga smartfon narxini bo‘lib to‘lash imkoniyatini ham taklif qilmoqda. Bundan tashqari, ayrim...

SpaceXAI kompaniyasi 8-iyul kuni Cursor startapi bilan hamkorlikda ishlab chiqilgan Grok 4.5 sun’iy intellekt modelini taqdim etdi. Bu haqda Oninvest xabar berdi.

Yangi model dasturiy kod yaratish bilan birga moliyaviy va yuridik hujjatlar bilan ishlash, ko‘p bosqichli topshiriqlarni bajarish hamda bilim talab qiladigan korporativ vazifalarni hal etishga moslashtirilgan. SpaceXAI Grok 4.5’ni hozirgacha ishlab chiqqan eng kuchli modeli deb atadi.

Model Cursor bilan birgalikda tayyorlangan. Kompaniya Grok 4.5 korporativ mijozlar, dasturchilar va murakkab jarayonlarni avtomatlashtirishni istagan tashkilotlarga yo‘naltirilganini ta’kidladi. Cursor esa sun’iy intellekt yordamida dasturiy kod yozish va tahrirlash vositalarini ishlab chiqadi.

Grok 4.5’dan foydalanish narxi har bir million kiruvchi...

Samsung kompaniyasi Galaxy Unpacked ko‘rgazmasida 5 ta yangi qurilmani taqdim qilmoqchi. Kompaniya 22-iyul kuni Galaxy Z Fold 8, Galaxy Z Flip 8, Galaxy Watch 9, Galaxy Watch Ultra 2 va Galaxy Z Fold 8 Ultra modellarini namoyish etadi.

Galaxy Z Fold 8 avvalgi modellarga nisbatan qisqaroq va kengroq korpusga ega bo‘lishi mumkin. Smartfon Snapdragon 8 Elite Gen 5 for Galaxy protsessori, 12 GB tezkor xotira va 256 GBdan 1 TBgacha ichki xotira bilan jihozlanishi aytilmoqda. Batareya sig‘imi 4 800 mA/soatgacha oshishi, quvvatlash tezligi esa 25 vatt darajasida qolishi kutilmoqda.

Yana nimalarni kutish kerak

Galaxy Z Flip 8 tashqi...

Toshkent shahrida Tailanddan Qozog‘istonga olib ketilayotgan 11 kg gashish moyining noqonuniy tranzitiga chek qo‘yildi. Bu haqda Davlat xavfsizlik xizmati ma’lum qildi.

Holat respublika bo‘ylab o‘tkazilayotgan «Xavfsiz va sog‘lom yurt» tezkor-profilaktik tadbirlarining ikkinchi bosqichi doirasida aniqlandi. Davlat xavfsizlik xizmati va bojxona organlari hamkorligida Chilonzor tumanida tezkor tadbir o‘tkazildi.

Tadbir davomida 2004-yilda tug‘ilgan Qozog‘iston fuqarosiga tegishli sport sumkasi belgilangan tartibda tekshirildi. Sumka ichidan shirinliklar va boshqa mahsulotlar ko‘rinishida qadoqlangan, taxminan 11 kg gashish moyi topildi.

Aniqlangan giyohvandlik vositasi ashyoviy dalil sifatida rasmiylashtirib olindi. Dastlabki ma’lumotlarga ko‘ra, shaxs narkotik moddani Tailanddan olib kelgan va uni Qozog‘istonga yetkazib berishi kerak bo‘lgan.

Holat yuzasidan...

Xiaomi kompaniyasi qulay va keng avtomobillarga yo‘naltirilgan yangi brendi Sky Nomad deb nomlanishini rasman tasdiqladi. Bu haqda CarNewsChina nashri xabar bermoqda.

Brendning xitoycha nomi Xiaomi Pengcheng bo‘ladi. Uning ilk modeli N90 nomli yirik gibrid yo‘ltanlamas bo‘lishi kutilmoqda. Sky Nomad avtomobillari masofani uzaytiruvchi ichki yonuv dvigateliga ega elektr tizimidan foydalanadi. Bunda benzin dvigateli g‘ildiraklarni to‘g‘ridan to‘g‘ri harakatga keltirmaydi, balki elektr motorlari va batareyani quvvatlantiradi.

Xiaomi Sky Nomad N90 1,5 litrli turbomotor va 70 kVt/soatdan katta sig‘imli batareya bilan jihozlanadi. Avtomobil elektr quvvatining o‘zida 400 – 500 km, aralash rejimda esa 1 500 km dan ortiq masofa bosib o‘tishi mumkin.

Yo‘ltanlamasning...

Samarqandning «Dinamo» klubi himoyachisi Jahongir O‘rozov tez orada Myunxengladbaxning «Borussiya» klubiga o‘tishi bilan bog‘liq ma’lumotlar tarqaldi. Kursiv Uzbekistan «Dinamo» matbuot kotibi Usmon Ibodov bilan bog‘landi.

Ibodovga ko‘ra, O‘rozov 11-iyuldan jamoaning Samarqanddagi mashg‘ulotlariga qo‘shiladi. Hozircha futbolchi bo‘yicha klubga rasmiy taklif yoki xat kelib tushmagan.

«Ko‘pchilik hozir Jahongir O‘rozovning «Borussiya»ga o‘tishi mumkinligi haqida gapirmoqda. Futbolchining «Dinamo» bilan 2027-yil oxirigacha amaldagi shartnomasi bor. U 11-iyuldan Samarqanddagi mashg‘ulotlarga qo‘shiladi», – dedi Ibodov.

Klub vakilining ta’kidlashicha, «Dinamo» futbolchining transferi bo‘yicha muzokaralar olib borilayotganidan xabardor. Biroq hozirgacha xorijiy klublardan rasmiy murojaat tushmagan.

«Muzokaralarni uning agenti olib bormoqda...

9-iyul kuni O‘zbekiston hududlarida havo biroz bulutli va asosan, quruq bo‘ladi. Kunduzgi havo harorati 27–43°C, kechasi esa 15–27°C atrofida kuzatiladi. Faqat tog‘oldi va tog‘li hududlarda ayrim joylarda qisqa muddatli yomg‘ir yog‘ib, momaqaldiroq bo‘lishi mumkin.

Quyida ob-havo ma’lumoti viloyatlar kesimida:

«Surxon» davlat qo‘riqxonasida ilk bor jayronlar ko‘rinish berdi

«Surxon» davlat qo‘riqxonasida tashkil etilganidan buyon ilk marta jayronlar kuzatildi. Ekologiya va iqlim o‘zgarishi milliy qo‘mitasi ma’lum qilishicha, qo‘riqxona hududiga Turkmanistondan 10 bosh jayron ko‘chib o‘tgan.

Davomi…

AQSh Eron neftiga sanksiyalarni qaytardi, Brent 5 foizga oshdi

AQSh Moliya vazirligi Eron neftini eksport qilishga imkon bergan vaqtinchalik sanksiya yengilligini bekor qildi. Qaror Hormuz bo‘g‘ozida bir nechta tankerga hujum qilinganidan keyin qabul qilindi.

Davomi…

Kimning imtihoni qachon: abituriyentlarga ruxsatnoma berish boshlandi

2026/2027-o‘quv yili uchun oliy va kasbiy ta’lim muassasalariga hujjat topshirgan abituriyentlar test sinovlarida ishtirok etish ruxsatnomasini yuklab...

Shavkat Mirziyoyev va Belarus Respublikasi prezidenti Aleksandr Lukashenko Minsk shahrida norasmiy uchrashuv o‘tkazdilar. Bu haqda davlat rahbari matbuot xizmati ma’lum qildi.

Uchrashuvda Belarus yetakchisi Mirziyoyevni samimiy qutlab, rasmiy tashrif bilan kelgani uchun minnatdorlik bildirdi. Prezidentlar bo‘lajak oliy darajadagi muzokaralar kun tartibidagi asosiy masalalar yuzasidan fikr almashdilar.

Suhbat chog‘ida tashrif arafasida o‘tkazilgan tadbirlar ham muhokama qilindi. Xususan, O‘zbekiston va Belarus ishbilarmon doiralari vakillari ishtirok etgan Hududlararo forum yakunlari yuqori baholandi.

Tomonlar mazkur tadbir ikki davlat o‘rtasidagi savdo-iqtisodiy va hududlararo hamkorlikni yanada rivojlantirishga xizmat qilishini qayd etdi.

Eslatib o‘tamiz, avvalroq prezident Minskda qanday kutib olingani haqida xabar bergan...