Yangiliklar

Yevropa futbol assotsiatsiyalari ittifoqi (UEFA) FIFA turnirlarining tijorat huquqlariga xususiy investorlarni jalb etish rejasiga qarshi chiqib, tashkilot musobaqalarini boykot qilishini e’lon qildi. Qarama-qarshilik davom etsa, UEFA terma jamoalar uchun 2017-yilda ishlab chiqilgan 56 jamoali Global Millatlar ligasi konsepsiyasiga qaytishi mumkin.

UEFA va unga a’zo 55 ta milliy futbol assotsiatsiyasi 30-iyul kuni o‘tkazilgan favqulodda yig‘ilishda FIFA taklifini bir ovozdan rad etdi. Yevropa tashkiloti FIFA rejadan to‘liq voz kechmaguncha va o‘z boshqaruvi hamda musobaqalarini kelajakda xususiy mulkka bermaslik bo‘yicha majburiy kafolat taqdim etmaguncha, Yevropa terma jamoalari FIFA turnirlarida qatnashmasligini bildirdi.

UEFA Jahon chempionatini boykot qilishga tayyor

UEFA bayonotida Jahon...

OnePlus Hindistonda yangi OnePlus N6x smartfonini rasman namoyish qildi. Qurilmaning asosiy jihati 7000 mA/soat sig‘imli katta akkumulyator. Smartfon narxi $200 dan boshlanadi.

7000 mA/soat sig‘imli batareya smartfonni uzoq vaqt ishlatish imkonini beradi. Biroq quvvatlash tezligi yuqori emas atigi 15 vatt. Shu sabab qurilmani to‘liq quvvatlash ko‘proq vaqt olishi mumkin.

Smartfonda Bypass Charging rejimi ham bor. Bu funksiya, masalan, o‘yin vaqtida qurilmani bevosita quvvat adapteridan oziqlantiradi va batareya qizishini kamaytirishga yordam beradi.

Ekran 120 Gts chastotada ishlaydi

Smartfon 6,8 dyuymli IPS ekran bilan taqdim etildi. Displey HD+ aniqlikka ega va 120 Gts yangilanish chastotasini qo‘llab-quvvatlaydi. Ekranning maksimal yorqinligi...

O‘zbekiston Birinchi xonimi Ziroat Mirziyoyeva Qirg‘iz Respublikasi Birinchi xonimi Aygul Japarova hamda Ozarbayjon Respublikasi Birinchi xonimi Mehribon Aliyeva bilan birgalikda Qirg‘izistondagi «Altin balalik» reabilitatsiya markaziga tashrif buyurdi. Bu haqda Mirziyoyeva rasmiy sahifasida ma’lum qildi.

Tashrif davomida oliy martabali mehmonlar markaz faoliyati bilan tanishib, tarbiyalanuvchilar uchun tashkil etilgan mahorat darslarini kuzatdi hamda bolalar bilan samimiy suhbatlashdi.

Madaniy dastur namoyish etildi

Mehmonlar sharafiga «Shattik» milliy raqs ansambli va yosh komuzchilar ansambli chiqish qildi. Shuningdek, «Aqilman» iqtidorli bolalar prezident litseyi tarbiyalanuvchilari tayyorlagan loy va kigizdan yasalgan buyumlar ko‘rgazmasi namoyish etildi.

«Do‘stlik daraxti» pannosiga yakuniy bezak tushirildi

Shundan so‘ng Birinchi xonimlar...

1 – 2-avgust kunlari O‘zbekistonning katta qismida issiq ob-havo davom etadi. «O‘zgidromet»ga ko‘ra, yog‘ingarchilik kutilmaydi, ayrim hududlarda shamol kuchayib, chang-to‘zon kuzatilishi mumkin.

Harorat yuqori bo‘ladi

Ushbu kunlarda havo, asosan, kam bulutli bo‘ladi. Respublika hududining katta qismida issiq ob-havo saqlanib turadi.

Faqat shimoli-g‘arbiy hududlarda issiq pasayishi boshlanishi kutilmoqda.

Yog‘ingarchilik kutilmaydi

1 – 2-avgust kunlari respublika bo‘yicha yog‘ingarchilik kuzatilmaydi.

Ayrim joylarda shamol tezligi 13–18 metr/soniyagacha kuchayishi mumkin. Ba’zi hududlarda shamol chang-to‘zonlar bilan kuzatiladi.

Toshkentda ham havo issiq bo‘ladi

Toshkentda 1 – 2-avgust kunlari havo kam bulutli bo‘ladi, yomg‘ir yog‘maydi.

Kunduzi harorat 37–40 daraja, kechasi esa 23–26 daraja atrofida...

Andijon viloyatining Marhamat tumanida davlat zaxirasidagi 24 sotix yer maydonini rasmiylashtirib berishni va’da qilib, $39 ming talab etganlikda gumonlangan ikki shaxs ushlandi. Bu haqda Davlat xavfsizlik xizmati ma’lum qildi.

Unga ko‘ra, tumandagi bank xizmatlari markazlaridan birining rahbari hamda «Norin – Qoradaryo» irrigatsiya tizimlari havza boshqarmasi mashinisti o‘zaro til biriktirgan. Ular 1989-yilda tug‘ilgan fuqaroning ishonchiga kirib, Marhamat tumani hokimligi zaxirasidagi yer maydonining turarjoy toifasiga oid hujjatlari mavjudligini aytgan.

Gumonlanuvchilar mansabdor tanishlari orqali ushbu yerni kelgusida fuqaro nomiga rasmiylashtirib berishni va’da qilib, buning evaziga $39 ming so‘ragan.

Jinoyat qanday fosh etildi

Davlat xavfsizlik xizmati, Iqtisodiy jinoyatlarga qarshi kurashish departamenti va...

Aviatsiya markazlariga davlat investitsiyalari va milliy aviakompaniyalarni rivojlantirish Markaziy Osiyoning jahon aviatsiyasidagi rolini oshiradi, deb prognoz qilmoqda Boeing o‘zining 2026 – 2045-yillar uchun Commercial Market Outlook hisobotida.

Yevroosiyoda yo‘lovchi tashish 2045-yilgacha yiliga o‘rtacha 2,8 foizga oshadi, aviakompaniyalarga 8,59 mingta yangi samolyot kerak bo‘ladi, havo kemalari parki esa 10,82 ming donaga yetadi.

Boeing, shuningdek, Sharqiy Yevropa, Turkiya va Markaziy Osiyo mamlakatlarida aviatsiya bozorining o‘sishi aholi daromadlarining o‘sishini, arzon aviakompaniyalarning rivojlanishini va yo‘nalishlar tarmog‘ining kengayishini qo‘llab-quvvatlashini ta’kidlaydi.

Jahon yo‘lovchi tashish hajmi 2045-yilga borib ikki baravarga oshadi

Boeing kelgusi 20 yil ichida jahon yo‘lovchi tashish hajmi ikki baravar ko‘payishini kutmoqda. 2045-yilgacha...

Dunyoning eng nufuzli texnologik kompaniyalarida ishlash ko‘pchilik dasturchilar uchun orzu hisoblanadi. Bunday kompaniyalarga kirish esa nafaqat kuchli bilim, balki yillar davomida to‘plangan tajriba, qat’iyat va to‘g‘ri tayyorgarlikni ham talab qiladi.

Qarshida tug‘ilib o‘sgan Tohir Saidovning yo‘li ham aynan shunday kechdi. Oddiy qiziqishdan boshlangan dasturlashga mehr uni avval xalqaro autsorsing kompaniyalariga, keyinchalik OLX Group va Atlassianga, oxir-oqibat esa Netflix’ga olib keldi. Bu yo‘l davomida u ko‘plab muvaffaqiyatsizliklar, murakkab suhbatlar va yangi davlatga moslashish kabi sinovlarni boshdan kechirdi.

Ushbu maqolada siz quyidagilarni bilib olishingiz mumkin:

MG kompaniyasining yangi MG 07 elektromobili Xitoyda dastlabki 20 soat ichida 21 mingdan ortiq buyurtma yig‘di. Ishlab chiqaruvchining ma’lum qilishicha, bu MG4 Urban modeli xuddi shu vaqt davomida qayd etgan natijadan ikki baravar yuqori.

MG 07 uchun dastlabki buyurtmalar 29-iyul kuni qabul qilina boshlandi. Kompaniya 30-iyulda e’lon qilgan ko‘rsatkich avtomobillarning yakuniy sotuvi yoki mijozlarga yetkazib berilgan nusxalar sonini emas, balki oldindan bronlarni anglatadi.

Elektr fastbekning boshlang‘ich narxi 125,9 ming yuan, ya’ni qariyb $18,6 mingni tashkil etadi. Eng qimmat versiya 165,9 ming yuan – taxminan $24,5 mingga baholangan. Jami beshta komplektatsiya taklif qilinadi. Ularning yurish zaxirasi versiyaga qarab 610 kilometrdan...

Vivo kompaniyasi Vivo X300e smartfonini Xitoyda sotishni boshladi. Bu haqda Gizmochina nashri xabar bermoqda.

Snapdragon 8 Gen 5 protsessori, 7200 mA/soat sig‘imli akkumulyator va Zeiss bilan hamkorlikda sozlangan kameralar tizimiga ega qurilma 31-iyul kuni mahalliy vaqt bilan soat 09:00 da savdoga chiqarildi. Smartfon uchun oldindan buyurtmalar 27-iyuldan qabul qilina boshlagan edi.

Vivo X300e’ning 12 GB tezkor va 256 GB ichki xotirali versiyasi 4 799 yuanga, ya’ni taxminan $710 ga baholangan. 12 GB va 512 GB xotirali konfiguratsiya esa 5 299 yuan – qariyb $780 turadi. Model qora, oq va to‘q sariq ranglarda taklif etilmoqda.

Smartfon Qualcomm’ning Snapdragon 8 Gen...

Toshkent shahrida aholi foydalanishi uchun ajratilgan hududlarda qurilish olib borishga berilgan ruxsatnomalar qonuniyligi to‘liq tekshiriladi. Bu haqda Prezident administratsiyasi rahbari Saida Mirziyoyeva Mirobod tumanidagi Lolazor mahallasiga tashrifidan so‘ng ma’lum qildi.

Uning ta’kidlashicha, jamoat foydalanishi uchun mo‘ljallangan shahar hududlarida ofis yoki turarjoy binolari qurilmasligi, bunday joylar o‘z vazifasiga muvofiq aholiga xizmat qilishi kerak.

Lolazor mahallasidagi o‘rganish davomida aholi tomonidan ekilgan daraxtlar kesib, qo‘porib tashlangani, bolalar maydonchasi o‘rnida esa biznes markazi qurish rejalashtirilgani aniqlangan.

«Odamlar dod deganicha bor — qurilishlar tufayli poytaxtdagi umumiy hovlilar, o‘yin va sport maydonchalari tag-tugi bilan yo‘q qilib yuborilyapti», – dedi Saida Mirziyoyeva.

Andijon viloyati hokimi qarori bilan viloyat budjetining 2026-yilgi zaxira jamg‘armasi hisobidan «Andijon polka» raqsini «Ginnes rekordlari» kitobiga kiritish bilan bog‘liq xarajatlar uchun 730 mln so‘m ketdi. Mablag‘ viloyat Madaniyat boshqarmasiga yo‘naltiriladi.

Xarajatlar rejasiga o‘zgartirish kiritiladi

Viloyat iqtisodiyot va moliya bosh boshqarmasiga 2026-yil xarajatlar rejasiga tegishli o‘zgartirish kiritish topshirilgan. Viloyat g‘aznachilik xizmati boshqarmasi esa ajratilgan mablag‘larni belgilangan tartibda yo‘naltirish va moliyalashtirishni ta’minlaydi.

Viloyat Madaniyat boshqarmasiga ajratilgan mablag‘lardan maqsadli va samarali foydalanish vazifasi yuklatilgan. Qaror ijrosini nazorat qilish viloyat hokimining birinchi o‘rinbosari To‘lanov zimmasiga yuklatildi.

Eslatib o‘tamiz, avvalroq viloyat 20 ming nafar ishtirokchini birlashtirgan ulkan «Andijon polkasi» ommaviy raqs namoyishiga...

Chevrolet Blazer 2026-yilgi modellar orasida sug‘urtalash eng arzon bo‘lgan krossoverlardan biri deb topildi. Mercury Insurance tadqiqotiga ko‘ra, ushbu Chevrolet modeli yangi SUVlar reytingida ikkinchi o‘rinni egalladi.

Blazer reytingda ikkinchi bo‘ldi

Mercury Insurance har yili sug‘urtasi eng arzon bo‘lgan yangi SUVlar ro‘yxatini tuzadi. 2026-yilgi reytingda Chevrolet Blazer Hyundai Santa Fe’dan keyin ikkinchi o‘rinni oldi, deya xabar berdi GM Authority.

Kuchli beshlikka, shuningdek, Honda Pilot, Kia Sportage va Honda Passport modellari kirdi. Ro‘yxatda Ford Escape, Kia Soul, Honda HR-V, Honda CR-V va Kia Sorento ham bor.

Sug‘urta xarajati avtomobil tanlashda muhim

Mercury Insurance’ga ko‘ra, sug‘urta to‘lovi avtomobil egasi mashinadan...

Toshkentning Mirzo Ulug‘bek tumanida yolg‘iz yashagan keksa ayol qarovsiz qolgani aks etgan video ijtimoiy tarmoqlarda keng muhokama bo‘ldi. Ijtimoiy himoya milliy agentligi holatni o‘rganib, ayol doimiy parvarishga muhtoj bo‘lganini, biroq mas’ullar uning ahvoli og‘irlashayotganini vaqtida aniqlamaganini bildirdi. Shu sabab tegishli xodimlar lavozimidan ozod etildi.

Holat ijtimoiy tarmoqlarda muhokama bo‘ldi

Ijtimoiy tarmoqlarda ko‘p qavatli uylardan birida yolg‘iz yashovchi keksa ayolning og‘ir sharoitda qolgani aks etgan videolavha tarqaldi. Unda ayolning qarovsiz qolgani, uyda oziq-ovqat, suv va gaz bilan bog‘liq muammolar borligi aytilgan.

Mazkur holat Ijtimoiy himoya milliy agentligi tomonidan alohida nazoratga olindi. Agentlikning hududiy mas’ullari va soha mutaxassislari vaziyatni joyiga...

Og‘ir vazn toifasida sobiq jahon chempioni Mayk Taysonga tegishli bo‘lgan Ferrari F50 superkari RM Sotheby’s auksioniga qo‘yildi. Tashkilotchilar avtomobilning yakuniy narxi $7 – 9 mln oralig‘ida bo‘lishini kutmoqda. Lot zaxira narxisiz sotuvga chiqariladi.

1995-yilgi Ferrari F50 AQSh bozori uchun ishlab chiqarilgan 55 ta nusxadan biri hisoblanadi. Chassis raqami 104220 bo‘lgan avtomobil Ferrari’ning an’anaviy Rosso Corsa qizil rangiga bo‘yalgan, saloni esa qizil elementlarga ega qora Nero rangida ishlangan.

Superkar AQShga Ferrari North America orqali yetkazilib, Beverli-Hillsdagi dilerga topshirilgan. Uning birinchi xususiy egasi Mayk Tayson bo‘lgan. Bokschi avtomobilni o‘sha yilning o‘zida sotgan, shundan keyin F50 bir nechta kolleksionerlar qo‘liga o‘tgan.

Shavkat Mirziyoyev Qirg‘iziston hukumati a’zolari bilan tanishuv chog‘ida qishloq xo‘jaligi va iqtisodiy blok vazirlari haqida hazillashdi. Davlat rahbari, shuningdek, Qambarota GES-1 qurilishini tezlashtirish va chegara bo‘yicha kelishuvlarni yakunlash zarurligini ta’kidladi.

O‘zbekiston va Qirg‘iziston prezidentlarini rasmiy kutib olish marosimi 30-iyul kuni Cho‘lponotadagi «Ruh Ordo» madaniy markazida bo‘lib o‘tdi. Marosimdan so‘ng Shavkat Mirziyoyev va Sadir Japarov ikki mamlakat rasmiy delegatsiyalari a’zolari bilan tanishdi.

Qirg‘iziston Vazirlar Mahkamasi raisining o‘rinbosari – suv resurslari, qishloq xo‘jaligi va qayta ishlash sanoati vaziri Erlist Akunbekov tanishtirilganda, Mirziyoyev O‘zbekiston hukumatida mazkur yo‘nalishga mas’ul bo‘lib ishlagan davrini esladi.

«Men o‘z vaqtida bosh vazir bo‘lib...

Xiaomi Redmi K100 Pro seriyasidagi yangi smartfonlar taqdimoti 11-avgust kuni bo‘lib o‘tishini rasman e’lon qildi, deya xabar berdi IT Home. Kompaniya rahbari Lu Veybing yangi qurilmalarni «maksimal imkoniyatlarga ega flagmanlar» deb atadi.

Ikki model taqdim etiladi

Yangi seriyaga Redmi K100 Pro va Redmi K100 Pro Max modellari kiradi. Redmi K100 Pro universal flagman sifatida taqdim etiladi.

Redmi K100 Pro Max esa eng talabchan foydalanuvchilar, ayniqsa, mobil o‘yinlarni yaxshi ko‘radiganlar uchun mo‘ljallangan model bo‘ladi.

Snapdragon 8 Elite Gen 5 kutilmoqda

Avvalroq Xiaomi yangi smartfonlarning ayrim texnik xususiyatlarini ochiqlagan edi. Qurilmalar Qualcomm Snapdragon 8 Elite Gen 5 chipi bilan...

Wildberries va Ozon marketpleyslari Telegram hammuassisi Pavel Durov bilan bog‘liq mahsulotlarni tekshirishni boshladi. Durov tasviri tushirilgan suvenirlar, kitoblar va boshqa tovarlar savdodan olib tashlanishi mumkin.

Wildberries & Russ birlashgan kompaniyasi matbuot xizmatining ma’lum qilishicha, marketpleys bunday mahsulotlarga nisbatan cheklovlar qo‘llash qonuniyligini aniqlash uchun ichki tekshiruv o‘tkazmoqda. Qoidabuzarlik tasdiqlansa, tegishli tovar kartochkalari darhol bloklanadi.

Ozon ham Rossiya qonunchiligi talablariga muvofiq assortimentni tekshirayotganini bildirdi. Kompaniya yaqin vaqt ichida bevosita Pavel Durov bilan bog‘liq kitoblar va uning tasviri tushirilgan mahsulotlarni platforma peshtaxtasidan yashirishini ma’lum qildi.

Durov Rossiyada xalqaro qidiruvga berilgan

Tekshiruvlar Rosfinmonitoring 30-iyul kuni Pavel Durovni terrorchilik va ekstremistik faoliyatga aloqador...

Tijorat banklari tomonidan 31-iyul kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 30-iyul uchun valyutalar kursi e’lon qilingani haqida yozgan edi.

Toshkent shahrida «Hududgazta’minot» AJ va «Texnopark» MChJ mas’ul shaxslari bilan bog‘liq holat yuzasidan jinoyat ishi qo‘zg‘atildi. Bosh prokuratura huzuridagi Departament ma’lumotiga ko‘ra, elektron gaz hisoblagichlariga texnik xizmat ko‘rsatish bahonasida 19 mlrd so‘mlik budjet mablag‘i talon-toroj qilingani aniqlangan.

Mas’ullar til biriktirgani aytilmoqda

Departament tomonidan o‘tkazilgan tergovga qadar tekshiruvda «Hududgazta’minot» AJ, «Texnopark» MChJning mas’ul shaxslari va boshqa shaxslar o‘zaro til biriktirgani aniqlangan.

Ular go‘yoki elektron gaz hisoblagichlariga texnik xizmat ko‘rsatish maqsadida ajratilgan 19 mlrd so‘mlik budjet mablag‘larini o‘zlashtirish yoki rastrata qilish yo‘li bilan talon-toroj etganlikda gumon qilinmoqda.

273 ta gaz hisoblagich bo‘yicha zarar aniqlangan

Shuningdek, «Texnopark» MChJ tomonidan...

Toshkentning «Bunyodkor» klubi moliyaviy qiyinchiliklar sabab Superliganing 15-turidan o‘rin olgan «Qizilqum»ga qarshi uchrashuvda ishtirok etmaydi. O‘yin 2-avgust kuni Navoiy shahrida o‘tkazilishi kerak edi.

«Bunyodkor» 30-iyul kuni O‘zbekiston Professional futbol ligasiga rasmiy maktub yo‘llab, safar xarajatlarini qoplash uchun mablag‘ topa olmagani sabab Navoiyga bora olmasligini ma’lum qilgan. Klubda yo‘l chiptalari, mehmonxona, shuningdek, delegatsiya a’zolarining ovqatlanishi uchun zarur mablag‘ mavjud emas.

Klub Superligadan chetlatilishi mumkin

Musobaqa reglamentiga muvofiq, o‘tkazilmaydigan «Qizilqum» – «Bunyodkor» uchrashuvida Toshkent klubiga texnik mag‘lubiyat yoziladi. O‘zPFL mazkur bahsni tashkil etish bilan bog‘liq ishlarni to‘xtatgan.

Liga bayonotiga ko‘ra, mavsum davomida bunday holat yana takrorlansa, «Bunyodkor»ni Superligadan chetlashtirish masalasi...

Paxta va bug‘doy yetishtiruvchi fermerlarga birja savdolari orqali xarid qilingan dizel yonilg‘isi qiymatining bir qismini qoplash uchun subsidiya ajratiladi. Agar dizelning 1 tonnasi 13 mln so‘mdan qimmat bo‘lsa, oshgan summaning 2 mln so‘mgacha bo‘lgan qismi davlat tomonidan qoplanadi.

Adliya vazirligi qishloq xo‘jaligi korxonalari tomonidan birja savdolari orqali xarid qilingan dizel yonilg‘isi qiymatining bir qismini qoplash uchun subsidiya ajratish tartibi haqidagi vaqtinchalik nizomni davlat ro‘yxatidan o‘tkazdi.

Subsidiya avtomatik ajratiladi

Yangi tartibga ko‘ra, paxta va bug‘doy yetishtiruvchi fermerlar 2026-yil 1-apreldan 1-iyulgacha davrda birja savdolari orqali xarid qilgan dizel yonilg‘isi uchun subsidiya olishi mumkin.

Buning uchun alohida ariza topshirish talab...

Ispaniya hukumati Marokashdan minglab migrantlar kirib kelganidan so‘ng Shimoliy Afrikadagi Seuta shahriga qo‘shimcha harbiylar va politsiya xodimlarini yubordi. Ispaniya davlat televideniyesi ma’lumotiga ko‘ra, 30-iyul kuni hududga 2 mingdan 3 minggacha odamlar kirgan bo‘lishi mumkin.

Migrantlarning aksariyati qirg‘oqdagi beton to‘siqlardan tushib, Marokash va Seuta o‘rtasidagi chegara hududini dengiz orqali suzib o‘tgan. Ayrimlar rezina chambaraklar va boshqa suzish vositalaridan foydalangan, boshqalari esa quruqlikdagi chegara darvozalaridan o‘tishga uringan. Qisqa vaqt ichida migrantlarni qabul qilish markazlari to‘lib, mahalliy xizmatlar imkoniyatidan ortiq yuklama ostida qolgan.

Jabrlanganlar qancha

Hodisa vaqtida halok bo‘lganlar soni haqidagi ma’lumotlar yangilanib bormoqda. Reuters va Associated Press dastlab kamida to‘qqiz...

Samsung kompaniyasining kelajakdagi Samsung Galaxy S27 Ultra flagmani LPDDR6 tezkor xotirasi va UFS 5.0 ichki xotira standartiga ega bo‘lmasligi mumkin. Bu haqda Sammobile nashri xabar bermoqda.

LPDDR6 va UFS 5.0 chiplarini yetkazib berish bilan bog‘liq hozirgi vaziyat Samsung uchun qulay emas. Kelgusi yilda bu texnologiyalardan faqat ayrim yirik ishlab chiqaruvchilar cheklangan miqdorda chiqariladigan flagman qurilmalarida foydalanishi kutilmoqda.

Samsung‘ning Galaxy S turkumidagi flagmanlari ko‘plab raqobatchilarning yuqori toifadagi smartfonlariga qaraganda katta hajmda ishlab chiqariladi. Shu sababli kompaniya Galaxy S27 Ultra’ning ommaviy ishlab chiqarilishi uchun yetarli miqdorda yangi xotira chiplarini xarid qilishda qiyinchilikka duch kelishi mumkin.

Yangi xotira standartlari nimani o‘zgartiradi

Germaniyada 2026-yilning 6-aprelidan 19-iyuliga qadar issiq ob-havo bilan bog‘liq o‘limlar soni qariyb 9,8 mingtaga yetdi. Bu 2016-yildan buyon qayd etilgan har qanday to‘liq yillik ko‘rsatkichdan yuqori, deya xabar berdi Robert Kox instituti.

O‘lim holatlarining asosiy qismi iyunning ikkinchi yarmida kuzatilgan. O‘sha davrda Germaniyaning ko‘plab hududlarida havo harorati 40 darajaga yaqinlashgan yoki undan oshgan. Jazirama kunlar bilan bog‘liq holda 5 mingdan ortiq o‘lim qayd etilgan.

Keksalar issiqdan ko‘proq zarar ko‘rmoqda

Institut ma’lumotlariga ko‘ra, vafot etganlarning 80 foizdan ortig‘ini 75 yosh va undan katta aholi tashkil qilgan. Issiq bilan bog‘liq o‘limlar ayollar orasida erkaklarga nisbatan ko‘proq kuzatilgan. Mutaxassislar buni katta...