Yangiliklar

25 – 26-iyul kunlari aholiga moliyaviy xizmatlardan foydalanishda qulaylik yaratish maqsadida ayrim banklar odatdagi faoliyatini davom ettiradi. Bu haqda Markaziy bank ma’lum qildi.

Quyidagi tijorat banklarining valyuta ayirboshlash va pul o‘tkazmalari shoxobchalari aholiga xizmat ko‘rsatadi:

Toshkent viloyatining Angren shahrida to‘yi arafasida bo‘lgan 31 yoshli yigit va uning 26 yoshli bo‘lajak turmush o‘rtog‘i garajdagi avtomashina ichida is gazidan zaharlanib vafot etdi. Bu haqda «Milliy» telekanalining «Millar» dasturida ma’lum qilindi.

Yigit va qiz bedarak yo‘qolgan

Ma’lumotlarga ko‘ra, 16-iyul kuni soat 23:53 da marhuma qizning opasi ichki ishlar organlariga murojaat qilib, singlisi hamda uning bo‘lajak turmush o‘rtog‘i Gentra avtomashinasida uydan chiqib ketgani va bedarak yo‘qolganini bildirgan.

O‘tkazilgan tezkor-qidiruv tadbirlari davomida yigit va qizning jasadi garaj ichida turgan avtomashina salonidan topilgan.

Dastlabki xulosa e’lon qilindi

Sud-tibbiy ekspertizasining dastlabki xulosasiga ko‘ra, ularning o‘limiga is gazidan zaharlanish, bosh...

24-iyul O‘zbekiston prezidenti Shavkat Mirziyoyevning tavallud ayyomi. Davlat rahbari bu yil 69 yoshni qarshi oldi.

«Kursiv» nashri O‘zbekiston xalqining samimiy tabriklarini jamladi.

«Hurmatli prezident, olib borayotgan islohotlaringizda sizga kuch-quvvat, sabr-toqat va qat’iyatli siyosiy iroda tilayman. Har doim sog‘-salomat bo‘ling, Xudoyimning panohida bo‘ling», – deyilgan tabriklarda.

«Otamizni tug‘ilgan kunlari bilan tabriklaymiz. Tani joni sog‘ bo‘lsin. Farzandlarining rohatini ko‘rsin», – deya qutlashdi bir...

Toshkentda O‘zbekiston – Yaponiya qo‘shma universitetini tashkil etish bo‘yicha hamkorlik kelishuvi imzolandi. Yangi oliygohda dastlab sun’iy intellekt, raqamli transformatsiya va biznes boshqaruvi yo‘nalishlari bo‘yicha magistratura dasturlari yo‘lga qo‘yilishi rejalashtirilgan.

Kelishuv onlayn tarzda imzolandi

Oliy ta’lim, fan va innovatsiyalar vaziri Qo‘ng‘irotboy Sharipov hamda Yaponiyaning Sukuba universiteti prezidenti Kyosuke Nagata videokonferensaloqa orqali hamkorlik kelishuvini imzoladi.

Kelishuv O‘zbekiston va Yaponiya o‘rtasida ta’lim, ilm-fan va madaniy hamkorlikni kengaytirishga qaratilgan. Loyihaga ko‘ra, yangi universitet O‘zbekiston qonunchiligiga muvofiq mustaqil yuridik shaxs sifatida faoliyat yuritadi.

Uning ta’sischilari O‘zbekiston Oliy ta’lim, fan va innovatsiyalar vazirligi hamda Sukuba universiteti muvofiqlashtiradigan Yaponiya universitetlari konsorsiumi bo‘ladi.

Dastlab magistratura...

Oppo kompaniyasi yangi Oppo K15 smartfonini rasman taqdim etdi va sotuvni boshladi. Bu haqda ITHome nashri xabar berdi.

Qurilma Speed White hamda Gale Gray ranglarida, hozircha 12 GB tezkor va 256 GB doimiy xotira konfiguratsiyasida taklif etilmoqda. Smartfonning boshlang‘ich narxi $320 ni tashkil etadi. Xitoydagi davlat subsidiyalari qo‘llanilganda esa uning narxi $272 gacha tushadi.

Kuchli batareya va faol sovitish tizimi

Oppo K15 Dimensity 7360 Super protsessori asosida ishlaydi. Qurilmada yuqori yuklama vaqtida barqaror ishlashni ta’minlaydigan faol sovitish tizimi va yuqori tezlikdagi ventilyator o‘rnatilgan.

Smartfonning asosiy afzalliklaridan biri 8000 mA·soat sig‘imli Glacier batareyasi bo‘lib, u 80 Vt SuperVOOC tezkor...

Google foydalanuvchilar uchun akkauntga kirishning yangi usuli – selfi-video orqali shaxsni tasdiqlash funksiyasini bosqichma-bosqich joriy etishni boshladi. Bu haqda GSMArena nashri xabar berdi.

Yangi texnologiya, avvalo, parolini unutgan foydalanuvchilarga akkauntni tiklash jarayonini soddalashtirishga qaratilgan.

Tizim qanday ishlaydi

Funksiyani faollashtirish uchun foydalanuvchi bir marta ekrandagi ko‘rsatmalarga amal qilgan holda boshini turli tomonga burab, qisqa selfi-video yozib oladi. Keyinchalik akkauntga kirishda tizim yangi video yozishni so‘raydi va uni avval saqlangan namuna bilan taqqoslab, foydalanuvchining shaxsini tasdiqlaydi.

Ma’lumotlar shifrlangan holda saqlanadi

Google ta’kidlashicha, selfi-videoni istalgan vaqtda akkaunt sozlamalari orqali o‘chirib tashlash mumkin. Yozuv faqat akkaunt egasini tasdiqlash maqsadida qo‘llaniladi va...

Fransiya terma jamoasi yulduzi Kilian Mbappe nafaqat maydondagi o‘yini, balki shaxsiy hayoti va avtomobillari bilan ham muxlislar e’tiborida. Ma’lumotlarga ko‘ra, uning avtokolleksiyasida Ferrari 488 Pista, Mercedes-Benz V-Class hamda bir nechta Volkswagen modeli bor.

Kolleksiyada nemis avtomobillari ko‘proq

Mbappening mashinalari orasida Volkswagen modellari alohida o‘rin egallaydi. Unga Volkswagen Tiguan, Touareg, Multivan va ID.5 avtomobillari bog‘lanadi.

Bunday tanlov futbolchining ayrim davrlarda Volkswagen bilan homiylik aloqalari bo‘lgani, shuningdek, ushbu brend mashinalari qulaylik va amaliy foydalanish uchun mosligi bilan izohlanadi.

Eng yorqin model — Ferrari 488 Pista

Mbappe garajidagi eng ko‘zga ko‘ringan avtomobillardan biri Ferrari 488 Pista hisoblanadi. Bu model italyan...

Chevrolet kompaniyasi Kolumbiya bozorida 2026-yilgi Chevrolet Suburban Z71 yo‘ltanlamasini rasman sotuvga chiqardi. Bu haqda GMAutority nashri xabar bermoqda.

To‘liq o‘lchamli model mamlakatdagi Chevrolet avtomobillari qatorining yangi flagmaniga aylandi va Silverado, Tahoe hamda Traverse’dan iborat premium yo‘nalishni kengaytirdi.

Chevrolet Suburban avtomobil sanoatidagi eng uzoq tarixga ega modellardan biri bo‘lib, uning uzluksiz ishlab chiqarilishi 92 yilni qamrab oladi. Shu vaqt ichida dunyo bo‘ylab 10 mln donadan ortiq Suburban sotilgan.

Kolumbiyada model faqat yuqori jihozlangan Z71 versiyasida taklif qilinadi. Ushbu belgi Chevrolet’ning murakkab yo‘l sharoitlariga moslashtirilgan avtomobillarida qo‘llanadi. Suburban Z71 maxsus sozlangan osma, kuzov ostini himoyalovchi metall panellar, avtomobilni tortib chiqarishga mo‘ljallangan...

Belarusning yirik korxona va tashkilotlari O‘zbekiston fuqarolari uchun yuzlab bo‘sh ish o‘rinlarini taklif qilmoqda. Loyiha doirasida fuqarolar nafaqat rasmiy ishga joylashishi, balki oila a’zolari bilan Belarusda yashash imkoniyatiga ham ega bo‘ladi. Bu haqda Migratsiya agentligi ma’lum qildi.

Qaysi sohalarga ishchilar kerak

Vakansiyalar qurilish, qishloq xo‘jaligi, traktor va yuk avtomobili haydovchiligi, o‘rmon xo‘jaligi, chorvachilik, ekskavator boshqarish, veterinariya, payvandlash hamda metallni qayta ishlash yo‘nalishlarini qamrab oladi.

Nomzodning malakasi va tajribasiga qarab ish haqi oyiga $700 dan boshlanadi. Yuqori malakali mutaxassislar uchun bundan ham yuqori maosh taklif etiladi.

Yo‘l va yashash xarajatlari qoplanadi

Dasturda 18 yoshdan 50 yoshgacha bo‘lgan...

27-iyul uchun valyutalar kursi yangilandi. Unga ko‘ra, dollar kursi 82,76 so‘mga tushib, 12 019,08 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

17-iyul kuni 4,37 so‘mga oshib, 12 093,35 so‘mga, 20-iyul kuni esa 62,10 so‘mga tushib, 12 031,25 so‘mga teng bo‘ldi. AQSh valyutasi 21-iyul kuni 71,16 so‘mga tushib, 11 960,09 so‘mga, 22-iyul kuni 26,47 so‘mga oshib, 11 986,56 so‘mga, 23-iyul kuni 62,28 so‘mga oshib, 12 048,24 so‘mga tenglashdi. 24-iyul kuni 53 so‘mga oshib, 12 101,84 so‘m bo‘ldi.

Yevro kursida ham tushish kuzatildi. Yevropa valyutasi 122.1 so‘mga...

«Barselona» va Ispaniya terma jamoasi futbolchisi Lamin Yamalning boyligi 2026-yil o‘rtalariga kelib $8 mln – $15 mln atrofida baholanmoqda. Uning «Barselona»dagi yillik asosiy maoshi bonuslarsiz $18 mln – $21,5 mln bo‘lishi aytilmoqda.

Yamal eng qimmat yosh futbolchilardan biriga aylandi

Lamin Yamal hozirgi futbolning eng yorqin yosh yulduzlaridan biri sifatida ko‘rilmoqda. U hali 19 yoshda bo‘lishiga qaramay, «Barselona» bilan La Liga chempionligini qo‘lga kiritgan va Ispaniya terma jamoasi safida Yevro – 2024 g‘olibi bo‘lgan.

U Kilian Mbappe va Maykl Olise kabi futbolchilar bilan bir qatorda yangi avlod futbolining asosiy yulduzlaridan biri sifatida tilga olinmoqda.

«Barselona»dagi maoshi yiliga...

Davlat mehnat inspeksiyasi Toshkent shahrining Yakkasaroy tumani Obodonlashtirish boshqarmasida mehnatni muhofaza qilish talablari buzilganini aniqladi. Bu haqda inspeksiya matbuot xizmati ma’lum qildi.

Xodimlarga zarur sharoit yaratilmagan

Ma’lum qilinishicha, ijtimoiy tarmoqlarda tarqalgan videoxabar asosida o‘tkazilgan o‘rganish davomida obodonlashtirish ishlariga jalb etilgan xodimlar uchun belgilangan tartibda xavfsiz va qulay mehnat sharoitlari yaratilmagani aniqlangan.

Tekshiruvda xodimlarning mehnatni muhofaza qilish bo‘yicha qonunchilikda nazarda tutilgan talablar to‘liq ta’minlanmagani qayd etildi.

Rahbarga...

O‘zbekistonda 2026-yilning yanvar – iyul oylarida 7 mlrd kVt/soat «yashil» energiya ishlab chiqarildi. Bu o‘tgan yilning mos davridagiga nisbatan 23 foizga ko‘p.

Energetika vazirligi ma’lumotiga ko‘ra, mamlakatda umumiy quvvati 5,6 ming MVt bo‘lgan 21 ta «yashil» stansiya ishga tushirilgan.

Shundan 15 tasi quyosh elektr stansiyasi bo‘lib, ularning quvvati 3 930 MVtni tashkil etadi. Yana 6 tasi shamol elektr stansiyasi bo‘lib, ularning umumiy quvvati 1 672 MVtga teng.

2026-yilda ishlab chiqarish 7 mlrd kVt/soatga yetdi

Qayta tiklanuvchi energiya manbalari hisobidan ishlab chiqarilgan elektr energiyasi hajmi so‘nggi yillarda keskin oshgan.

2022-yilda 434 mln kVt/soat, 2023-yilda 576,9 mln kVt/soat, 2024-yilda...

O‘zbekistonning ayrim avtomobillarga yonilg‘i quyish shoxobchalarida propan narxi 24-iyul kuni 1 litr uchun 7 ming so‘mgacha pasaydi. Uzcars nashrining yozishicha, so‘nggi vaqtlarda narx yuqori darajada saqlanib kelgani sabab haydovchilar bunday ko‘rsatkich uzoq vaqtdan beri kuzatilmaganini qayd etmoqda.

O‘zbekiston Respublika tovar-xomashyo birjasi ma’lumotlari esa suyultirilgan gazning ulgurji narxi so‘nggi savdo kunlarida keskin o‘zgarib turganini ko‘rsatadi.

Narxlar hafta davomida qanday o‘zgardi

17-iyul kuni suyultirilgan gazning kunlik o‘rtacha narxi tonnasiga 6 mln 654,3 ming so‘mni tashkil etib, oldingi savdoga nisbatan 6,3 ming so‘mga yoki 0,1 foizga pasaygan. Shu kuni 1 128 tonna mahsulot sotilgan.

20-iyuldagi savdolarda narx 53,5 ming...

Fransiyaning janubi-g‘arbida davom etayotgan yirik o‘rmon yong‘inlari sabab Kap-Ferre yarimorolining barcha aholisi va sayyohlarini evakuatsiya qilishga buyruq berildi. Bu haqda BBC xabar bermoqda.

Hududdan o‘n minglab odamlar avtomobil yo‘li orqali olib chiqilmoqda, yuzlab kishilar esa qayiqda Arkason shahriga ko‘chirildi.

Fransiya ichki ishlar vaziri Loran Nunesning ma’lum qilishicha, Atlantika okeani va Arkaşon qo‘ltig‘i oralig‘ida joylashgan yarimorolda 40 mingga yaqin kishilar evakuatsiya qilingan yoki hududni tark etish jarayonida. Kap-Ferredan chiqish uchun yagona quruqlik yo‘li hisoblangan D106 trassasi ochiq qoldirilgan, evakuatsiya uchun to‘rtta bandargohda qayiqlar ham ajratilgan.

Jironda mintaqasidagi yong‘in 21-iyul kuni Somos kommunasi yaqinida boshlangan. Olov shu vaqtgacha 8,7 ming gektar...

Samsung Galaxy Unpacked taqdimotida o‘zining yangi avlod aqlli ko‘zoynaklarini namoyish etdi. Bu haqda kompaniya rasmiy sahifasida ma’lum qildi.

Qurilma Google’ning Gemini sun’iy intellekti bilan jihozlangan bo‘lib, kamera, ovozli boshqaruv va kengaytirilgan reallik (XR) imkoniyatlarini birlashtiradi.

Kundalik hayot va ish uchun mo‘ljallangan

Yangi aqlli ko‘zoynaklar Gentle Monster va Warby Parker kompaniyalari bilan hamkorlikda ishlab chiqilgan. Samsung ta’kidlashicha, qurilma kundalik foydalanish, ish uchrashuvlari, sayohatlar va ta’lim jarayonlarida foydalanuvchilarga qulaylik yaratishga qaratilgan.

Ko‘zoynak Snapdragon AR1 Gen1 protsessori asosida ishlaydi. Dasturiy ta’minot Android XR platformasiga qurilgan bo‘lib, Google’ning Gemini sun’iy intellekt modeli bilan integratsiya qilingan.

Tarjima, navigatsiya va matnni ovozli...

Argentina terma jamoasi JCh – 2026 yarimfinalida Angliyani 2:1 hisobida mag‘lub etganidan so‘ng Lionel Messiga qarshi Britaniya jamoatchiligi va ommaviy axborot vositalaridagi munosabat keskin salbiylashdi. Bu haqda Marca nashri xabar bermoqda.

Vaziyat Argentina futbolchilarining ayrimlari Malvina yoki Britaniyada Folklend deb ataladigan bahsli orollar haqidagi banner bilan suratga tushganidan keyin yanada keskinlashgan. Argentina va Buyuk Britaniya o‘rtasida uzoq yillardan beri davom etayotgan hududiy nizo fonida ushbu banner Britaniya matbuoti va futbol muxlislari orasida norozilik uyg‘otgan.

Biroq nashrga ko‘ra, tanqidlar siyosiy banner bilan cheklanib qolmay, Messining shaxsiyati va futbolchilik merosiga qarshi umumiy kampaniyaga aylangan. Ayrim ingliz nashrlari Argentina sardorini terma jamoa...

Navbatdan tashqari attestatsiya va kasbiy sertifikat sinovlarida ishtirok etish uchun olinadigan to‘lov miqdori bazaviy hisoblash miqdorining 50 foizi etib belgilandi. Navbatdagi majburiy attestatsiya va kasbiy sertifikatlash sinovlarida birinchi marta qatnashish esa bepul bo‘ladi.

Avval navbatdan tashqari pedagog kadrlar attestatsiyasi va kasbiy sertifikatlash sinovlariga murojaat yuborishda davlat xizmati uchun bazaviy hisoblash miqdorining bir baravari miqdorida yig‘im undirilgan.

Vazirlar Mahkamasining 2026-yil 16-apreldagi qaroriga asosan, endilikda ushbu yig‘im bazaviy hisoblash miqdorining 50 foizi miqdorida belgilanmoqda.

Birinchi marta ishtirok etish bepul

Pedagog kadrlar attestatsiyasining navbatdagi majburiy sinovlari hamda kasbiy sertifikatlash sinovlarida birinchi marta ishtirok etish bepul bo‘ladi.

Bu tartib pedagoglar uchun attestatsiya...

Qozog‘iston, Tojikiston va Qirg‘iziston prezidentlari hamda Turkman xalqining milliy yetakchisi Shavkat Mirziyoyevni 69 yoshga to‘lgani munosabati bilan tabrikladi. 24-iyul kuni bo‘lib o‘tgan telefon muloqotlarida davlat rahbariga mustahkam sog‘liq, oilaviy baxt-saodat, yangi muvaffaqiyatlar, O‘zbekiston xalqiga esa farovonlik va ravnaq tilaklari bildirildi.

Qozog‘iston prezidenti Qasim-Jomart Toqayev Shavkat Mirziyoyevni tavallud kuni bilan qutlab, uning davlat boshqaruvidagi faoliyatiga yangi muvaffaqiyatlar tiladi. Suhbat davomida O‘zbekiston va Qozog‘iston o‘rtasidagi yaxshi qo‘shnichilik, strategik sheriklik va ittifoqchilik munosabatlarini mustahkamlash masalalari muhokama qilindi. Tomonlar o‘zaro savdo hajmi ortib, ustuvor tarmoqlarda qo‘shma loyihalar ilgari surilayotganini qayd etdi.

Mintaqa yetakchilari O‘zbekistondagi islohotlarni e’tirof etdi

Tojikiston prezidenti Emomali Rahmon tabrik...

HMD kompaniyasi Xitoy bozorida Nokia Lumia smartfonlarini eslatuvchi dizaynga ega yangi HMD Touch AI telefonini taqdim etdi. Bu haqda ITHome nashri xabar bermoqda.

Sun’iy intellekt funksiyalari o‘rnatilgan qurilma 469 yuan yoki taxminan $70 narxda oldindan buyurtma uchun taqdim etildi. Touch AI 3,2 dyuymli ixcham ekran bilan jihozlangan. Telefonning orqa qismidagi dumaloq blokda 2 MP asosiy kamera joylashgan, selfi va videoqo‘ng‘iroqlar uchun esa yana 2 MP old kamera o‘rnatilgan.

Qurilma sariq, ko‘k va oq rangdagi almashtiriladigan orqa panellarni qo‘llab-quvvatlaydi. Ushbu qopqoqlar alohida sotiladi. Dizayn va yorqin ranglar kombinatsiyasi Microsoft davridagi Nokia Lumia smartfonlari uslubini eslatadi.

Texnik imkoniyatlar

Telefon...

O‘zbekiston diplomatlari Efiopiya va Janubiy Afrika Respublikasi vakillari bilan fuqarolar uchun viza rasmiyatchiligini yengillashtirish masalalarini muhokama qildi. «Dunyo» axborot agentligi yozishicha, tomonlar viza olish jarayonini soddalashtirish va kelgusida vizasiz tartib joriy etish imkoniyatlarini ko‘rib chiqdi.

O‘zbekiston elchisi Ashraf Xo‘jayev Efiopiya tashqi ishlar davlat vaziri Xadera Abera bilan uchrashuv o‘tkazdi.

Shuningdek, u Janubiy Afrika Respublikasi Tashqi ishlar vazirligining Xalqaro munosabatlar va hamkorlik departamenti vakili Sandive Fadana bilan ham alohida muzokara olib bordi.

Viza olish jarayonini yengillashtirish ko‘rib chiqildi

Muloqotlarda O‘zbekiston fuqarolari uchun viza tartibini soddalashtirish, viza olish jarayonini qulaylashtirish va fuqarolarning o‘zaro safarlari uchun yaxshi sharoit yaratish masalalari muhokama...

Germaniya futbol ittifoqi tomonidan 24-iyul kuni Yurgen Klopp Germaniya milliy terma jamoasining yangi bosh murabbiyi sifatida tanishtirilishi kutilmoqda. Bu haqda ESPN nashri xabar bermoqda.

Klopp bu lavozimda Yulian Nagelsmanning o‘rnini egallashi mumkin. Nagelsmann Germaniya terma jamoasi JCh – 2026 nimchorak finaliga chiqish uchun kechgan bahsda Paragvayga penaltilar seriyasida yutqazganidan keyin iste’foga chiqqan edi. Germaniya futbol ittifoqi shundan so‘ng Klopp bilan muzokara boshlashini va murabbiy lavozimni qabul qilishga prinsipial jihatdan tayyor ekanini bildirgan.

Klopp jahon chempionati vaqtida teleekspert sifatida Nyu-Yorkda ishlagan va shu yerda Germaniya futboli rahbarlari bilan muzokara o‘tkazgan. Tomonlar 11-iyul kuni kelishuvning asosiy masalalari bo‘yicha bir fikrga kelganini...

Samarqand va Navoiy viloyatlarida jami 101,6 mln so‘mlik 2,2 mingdan ortiq qalbaki aksiz markali hamda tegishli hujjatlarsiz alkogol mahsulotlarining savdoga chiqarilishiga chek qo‘yildi. Bu haqda Bosh prokuratura huzuridagi Iqtisodiy jinoyatlarga qarshi kurashish departamenti xabar berdi.

Departamentning Payariq tumani bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbir davomida oilaviy korxona rahbari tumandagi «Qumchuq» mahalla fuqarolar yig‘ini hududida joylashgan savdo do‘konida noqonuniy alkogol mahsulotlarini sotayotgani aniqlangan.

Tekshiruv vaqtida do‘konda umumiy qiymati 88,1 mln so‘m bo‘lgan 30 turdagi 2 005 dona qalbaki aksiz markali alkogol mahsuloti savdoga qo‘yilgani ma’lum bo‘lgan. Mazkur mahsulotlar protsessual tartibda ashyoviy dalil sifatida olib qo‘yilgan.

O‘zbekistonda dam olish kunlari havo harorati yana ko‘tarilishi kutilmoqda. «O‘zgidromet» prognoziga ko‘ra, juma, shanba va yakshanba kunlari mamlakat hududida asosan kam bulutli va yog‘ingarchiliksiz ob-havo kuzatiladi.

Faqat ayrim tog‘li hududlarda qisqa muddatli yomg‘ir yog‘ishi va momaqaldiroq bo‘lishi mumkin. Havo harorati asta-sekin ko‘tarilib, 26-iyul kuni respublikaning asosiy qismida 36–39 darajaga, shimoliy, janubiy va cho‘l hududlarida esa 40–42 darajagacha yetadi.

Mamlakat shimoli va cho‘l hududlarida shamol tezligi soniyasiga 13–18 metrgacha kuchayishi mumkin. Ayrim joylarda kuchli shamol chang-to‘zonlar bilan kuzatilishi ehtimoli bor.

24-iyul kuni Toshkent, Andijon, Namangan va Farg‘ona viloyatlarining tog‘oldi hamda tog‘li hududlarida sel va suv toshqini yuzaga kelishi xavfi...