Yangiliklar

AQSh Moliya vazirligining Xorijiy aktivlarni nazorat qilish boshqarmasi – OFAC sanksiya qarorlarini qayta ko‘rib chiqish uchun maxsus onlayn portal ishga tushirdi. Bu haqda Oninvest xabar berdi.

Yangi portal orqali arizachilar o‘zlariga nisbatan sanksiya qo‘llash haqidagi qaror matnini ham so‘rashlari mumkin. Bu ularga qaror asoslarini o‘rganish va zarur hollarda uni e’tiroz qilish imkonini beradi. Sanksiya ro‘yxatiga kiritilgan shaxslar avval ham qarorni qayta ko‘rib chiqishni so‘rash huquqiga ega edi. Biroq bunday jarayon ko‘pincha sanksiya huquqi bo‘yicha ixtisoslashgan yuristlarni jalb etishni talab qilgan. OFAC’ning bildirishicha, yangi portal ariza topshirish jarayonini soddalashtirish, shaffoflik va samaradorlikni oshirishga xizmat qiladi.

So‘nggi o‘n yilliklarda AQSh sanksiyalarni...

Oʻzbekistonning xalqaro aeroportlari aviatsiya xavfsizligini kuchaytirishga moʻljallangan zamonaviy koʻrik uskunalari bilan jihozlanadi. Bu haqda «Uzbekistan Airports» AJ axborot xizmati xabar berdi.

Qayd etilishicha, loyiha AQShning Oʻzbekistondagi elchixonasi hamda AQSh Transport xavfsizligi ma’muriyati (TSA) bilan oʻtkazilgan muzokaralar yakunida amalga oshirilgan. Eksport nazorati va chegara xavfsizligi dasturi (EXBS) doirasida «Uzbekistan Airports» AJ Amerika tomoni tomonidan 12 dona zamonaviy LEIDOS gaz analizatorini bepul qabul qilib oldi.

Yangi avlod texnik vositalari Oʻzbekistonning barcha xalqaro aeroportlarida qoʻllanadi. Ushbu uskunalar yuklar, pochta joʻnatmalari va bagajlarni koʻzdan kechirish jarayonida portlovchi moddalar izlari hamda bugʻlarini aniqlash imkonini beradi.

«Zamonaviy texnologiyalarni joriy etish, mutaxassislarning...

Jahon chempionati 1/16 bahsida Niderlandiya va Marokash terma jamoalari o‘rtasidagi uchrashuv asosiy vaqtda g‘olibni aniqlab bermadi. Monterreydagi stadionda kechgan bahsning 90 daqiqasi 1:1 hisobida yakunlandi va jamoalar qo‘shimcha bo‘limlarga yo‘l oldi.

Uchrashuvda hisobni Niderlandiya terma jamoasi ochdi. 72-daqiqada Kodi Gakpo raqib darvozasini ishg‘ol qilib, jamoasini oldinga olib chiqdi. Gakpo golni juda hissiyotli nishonladi, chunki avvalroq uning turmush o‘rtog‘i homiladorlik vaqtida farzandini yo‘qotgani ma’lum qilingandi. Gol muallifini jamoadoshlari ham qo‘llab-quvvatladi.

Marokash esa o‘yinning so‘nggi daqiqalarida taslim bo‘lmadi. Ikkinchi bo‘limga qo‘shib berilgan vaqtda Issa Diop bosh bilan gol urib, hisobni tenglashtirdi. Bu gol Marokashni musobaqadan chiqib ketishdan saqlab qoldi va o‘yinni qo‘shimcha...

Prezident Administratsiyasi rahbari Saida Mirziyoyeva Fransiyaning Yevropa va tashqi ishlar vaziri Jan-Noel Barro bilan uchrashuv o‘tkazdi. Bu haqda u o‘zining Telegram kanalida ma’lum qildi.

Mirziyoyeva muloqot mazmunli o‘tganini ta’kidlab, Fransiya O‘zbekistonning Yevropadagi muhim strategik hamkorlaridan biri bo‘lib qolayotganini bildirdi. Uning qayd etishicha, ikki davlat o‘rtasidagi aloqalar energetika, transport, infratuzilma, ta’lim va sog‘liqni saqlash kabi yo‘nalishlarni qamrab oladi.

Prezident Administratsiyasi rahbari O‘zbekiston Markaziy Osiyo mintaqasida ishonchli va barqaror hamkor sifatidagi mavqeyini saqlab qolgan holda, Fransiya va umuman Yevropa bilan sheriklikni kelgusida ham izchil mustahkamlash niyatida ekanini ta’kidlagan.

Eslatib o‘tamiz, «Kursiv» nashri Saida Mirziyoyeva Qozog‘iston rahbari bilan uchrashgani haqida yozgan...

Giyohvandlik vositalari yoki psixotrop moddalarni tayyorlashda ishlatilishi mumkin bo‘lgan kimyoviy moddalar (prekursorlar) bilan bog‘liq faoliyat tartibga solindi. Bu haqda Adliya vazirligi xabar bermoqda.

Yangi nizom prekursorlarni olish, jo‘natish, hisobga olish, berish, tashish, saqlash, sotish, taqsimlash va yo‘q qilish tartibini belgilaydi. Shuningdek, ushbu moddalarni O‘zbekiston hududiga olib kirish va mamlakatdan olib chiqish jarayonlari ham yangi tartib asosida amalga oshiriladi.

Hujjatga ko‘ra, prekursorlarni sotib olishda xaridorning huquqiy asoslari tekshiriladi. Bunda litsenziyalar, ro‘yxatdan o‘tkazish hujjatlari hamda moddadan maqsadli foydalanilishini tasdiqlovchi hujjatlar o‘rganiladi.

Prekursorlarni tashish ichki ishlar organlari bilan kelishilgan holda amalga oshiriladi. Ularni harbiylashtirilgan qo‘riqlash bo‘linmalari yoki boshqa qo‘riqlash xizmatlari kuzatuvida tashish...

Venesuelada yuz bergan kuchli zilzilalar oqibatida halok bo‘lganlar soni 1,7 ming kishiga yetdi. Bu haqda CNN xabar berdi.

Ma’lumotlarga ko‘ra, tabiiy ofat natijasida kamida 22,6 ming kishi jabrlangan deb topilgan. Ulardan 5 ming nafari turli darajadagi tan jarohatlari olgan. Avvalroq AQSh Geologiya xizmati zilzilalar oqibatida qurbonlar soni 10 ming kishigacha yetishi mumkinligini istisno qilmagan edi.

Venesuela Milliy assambleyasi spikeri Xorxe Rodrigesning ma’lum qilishicha, mamlakatda 855 ta bino shikastlangan, yana 189 ta bino esa to‘liq vayron bo‘lgan.

Venesuelada magnitudasi 7,2 va 7,5 bo‘lgan ikkita kuchli yer silkinishidan so‘ng mamlakatda favqulodda holat joriy qilingan.

Zilziladan keyin AQSh, Panama, Qatar, Kuba, Nikaragua...

Chevrolet kompaniyasi Chevrolet Traverse High Country 2027 modeli uchun bir qator kichik yangilanishlarni tayyorladi. Bu haqda GMAutority nashri xabar bermoqda.

2027-yilgi Traverse High Country’da avval qo‘llanilgan kuzov rangidagi chiziqqa ega xrom eshik tutqichlari bekor qilindi. Ularning o‘rniga oddiy kuzov rangidagi eshik tutqichlari qo‘yiladi. Bunday tutqichlar avvaldan LT, Z71 va RS versiyalarida standart sifatida taklif etilgan. Shu tariqa, xrom aksentli eshik tutqichlari endi Traverse oilasining hech bir versiyasida mavjud bo‘lmaydi.

Yana bir o‘zgarish tom relslariga tegishli. 2027-yilgi Traverse High Country’da kumushrang tom relslari o‘rniga yangi yaltiroq qora relslar o‘rnatiladi. Kumushrang relslar ham model qatoridan chiqarib tashlangan.

Bu o‘zgarishlarning barchasi High...

Jahon chempionatining pley-off bosqichida Germaniya va Paragvay terma jamoalari to‘qnash keldi. Murosasiz kechgan bahsda g‘olib penaltilar seriyasida aniqlandi.

Uchrashuvning birinchi bo‘limi Germaniyaning ustunligida o‘tdi. Biroq kutilmaganda hisobni Paragvay ochdi. 42-daqiqada Matias Galarzaning qanotdan uzatgan to‘pidan so‘ng Xulio Sezar Ensiso Germaniya darvozasini ishg‘ol qilib, jamoasini oldinga olib chiqdi – 0:1.

Ikkinchi bo‘limda esa «nemis mashinasi» vaziyatni o‘nglashga muvaffaq bo‘ldi. 54-daqiqada Florian Virtsning aniq pasini Kay Xaverts golga aylantirdi va hisobdagi muvozanatni tikladi – 1:1.

Uchrashuvning asosiy vaqtida hisob ochilmagach, ushbu turnir davomida ilk marotaba ekstra taymlarga murojaat qilindi. Qo‘shimcha taymlarning birinchi yakuniga yetayotganda Germaniya markaziy himoyachisi Jonatan Ta boshi bilan...

Jahon chempionatining 1/16 final bosqichi doirasida Braziliya hamda Yaponiya terma jamoalari to‘qnash keldi. Gabriel Martinellining so‘nggi daqiqalarda kiritgan goli Braziliyaga 2:1 hisobidagi g‘alabani taqdim etdi.

Uchrashuvning birinchi bo‘limi Kunchiqar yurt vakillarining kutilmagan faolligi bilan yodda qoldi. 29-daqiqadayoq yaponiyalik iqtidor egasi Kayshu Sano maydon markazida to‘pni egallab olib, aniq zarba bilan hisobni ochishga muvaffaq bo‘ldi.

Shundan so‘ng Braziliya terma jamoasi ketma-ket xavfli hujumlar uyushtirdi, ammo yapon himoyachilari o‘z o‘rnida mustahkam harakat qilishdi. Ikkinchi bo‘limda bor e’tiborini hujumga qaratgan Braziliya 56-daqiqada o‘z maqsadiga erishdi. Gabrielning qulay uzatmasidan so‘ng tajribali Kazemiro boshi bilan zarba yo‘llab muvozanatni tikladi – 1:1.

Hamma ekstra taymlarga...

Narxi pasaygan Onix, eng chiroyli gollar ro‘yxati — 29-iyun kuni e’lon qilingan yangiliklar Kursiv Uzbekistan dayjestida.

Chevrolet Onix avtomobilining narxi pasaydi

General Motors kompaniyasi Braziliyada Chevrolet Onix 1.0 modeli uchun maxsus chegirma e’lon qildi. Kompaniya rasmiy taklifiga ko‘ra, avtomobilning boshlang‘ich narxi 103 890 realdan 84 190 realgacha tushirilgan.

Chegirma Onix 1.0 mexanik uzatmali versiyasiga tegishli. Gap 2026/2027 model yili, Branco Summit oq rangdagi avtomobil haqida bormoqda. Taklif Chevrolet’ning Braziliyadagi to‘g‘ridan to‘g‘ri savdo segmenti doirasida, xususan, taksi yo‘nalishi uchun amal qiladi.

Elektr ta’minoti tizimida noqonuniy holatlar aniqlandi

Surxondaryo va Andijon viloyatlarida elektr ta’minoti tizimi bilan bog‘liq noqonuniy holatlar...

30-iyun kuni respublika bo‘ylab havo harorati kunduzi +20…+37°C, kechasi esa +12…+25°C atrofida bo‘lishi prognoz qilinmoqda. Ayrim hududlarda qisqa muddatli yomg‘ir va momaqaldiroq kuzatilishi, g‘arbiy hududlarda esa shamol kuchayib, chang-to‘zonlar yuzaga kelishi mumkin. Eng issiq havo Qashqadaryo va Surxondaryoda, eng salqin ob-havo esa tog‘oldi va tog‘li hududlarda kuzatiladi.

Quyida ob-havo prognozi viloyatlar kesimida:

Eslatib o‘tamiz, iyul O‘zbekistonda eng issiq oy bo‘lishi kutilmoqda.

Vivo yangi flagman simsiz quloqchinlari TWS 5 Pro’ni taqdim etdi. Unda yuqori sifatli audio, kuchli shovqinni bekor qilish va sun’iy intellekt funksiyalari jamlandi.

Ikki drayverli audio tizimi va Wi-Fi orqali ovoz uzatish

Qurilma vivo va Knowles hamkorligida ishlab chiqilgan miniatyura balanslangan armatura drayveri hamda kompaniyaning o‘ziga tegishli ikki halqali dinamik drayver bilan jihozlangan. Koaksial akustik arxitektura yuqori va past chastotalarning uyg‘un ishlashini ta’minlaydi. Kompaniya ma’lumotiga ko‘ra, quloqchin 16 Gtsdan 60 kGtsgacha bo‘lgan chastotalarni qamrab oladi.

Audio tizimida Cirrus Logic bilan hamkorlikda ishlab chiqilgan Hi-Fi DAC ishlatilgan bo‘lib, u 113 dB dinamik diapazonni ta’minlaydi. Shuningdek, qurilma 96 kGs...

Andijonda piyodalar o‘tish joyida uch nafar shaxsni urib yuborgan Malibu-2 haydovchisi qamoqqa olindi. Bu haqda viloyat YXHB ma’lum qildi.

Hodisa 25-iyun kuni soat 17:55 atrofida Andijon shahri «Yangi Bo‘ston» MFYdagi Amir Temur shohko‘chasida joylashgan tartibga solinmagan piyodalar o‘tish joyida sodir bo‘lgan. 1997-yilda tug‘ilgan fuqaro o‘ziga tegishli Malibu-2 avtomobilini boshqarib ketayotgan vaqtda Yo‘l harakati qoidalarining 109-bandini qo‘pol ravishda buzib, piyodalar o‘tish joyidan yo‘lni kesib o‘tayotgan uch nafar piyodaga yo‘l bermagan hamda ularni urib yuborgan.

Mazkur holat yuzasidan haydovchi protsessual tartibda qamoqqa olindi. Andijon shahar Ichki ishlar organlari faoliyatini muvofiqlashtirish boshqarmasi Tergov bo‘limi tomonidan unga nisbatan Jinoyat kodeksining 266-moddasi 2-qismi...

Xiaomi tashqi kuzatuv uchun mo‘ljallangan, internet va elektr tarmog‘iga ulanmasdan ishlay oladigan yangi aqlli kamerasini namoyish qildi. Bu haqda Gizmochina nashri ma’lum qildi.

Xiaomi Smart Solar Camera 4 Pro 4G Dual-Camera Edition nomli yangi kuzatuv kamerasini Youpin platformasida taqdim etdi. Qurilma narxi $80 etib belgilangan bo‘lib, savdolar 6-iyuldan boshlanishi rejalashtirilgan.

Kamera to‘liq avtonom ishlaydi. Qurilma ikkita 4G SIM-kartani qo‘llab-quvvatlaydi, shu sababli videoni Wi-Fi tarmog‘isiz uzata oladi. Elektr ta’minoti esa 9 900 mA/soat sig‘imli ichki akkumulyator va quvvati 7,6 Vt bo‘lgan quyosh paneli orqali amalga oshiriladi. Odatiy foydalanish sharoitida kamera o‘rnatilgandan keyin deyarli qo‘shimcha xizmat ko‘rsatishni talab qilmaydi.

Qurilma...

Profilaktika inspektorlarining huquqiy maqomini belgilash, ularning vakolatlari va ijtimoiy-huquqiy himoyasini kuchaytirishga qaratilgan qonun loyihasi ishlab chiqiladi. Shavkat Mirziyoyev shunga doir takliflar bilan tanishdi.

Taqdimotda yo‘l-patrul, patrul-post va qo‘riqlash xizmatlari aholi murojaatlariga xizmat hududidan qat’iy nazar, tezkor javob berishi, huquqbuzarliklarning oldini olishda xavf guruhidagi shaxslar bilan manzilli ishlash samaradorligini oshirish masalalari ko‘rib chiqildi.

Shuningdek, jinoyatchilikni baholashda faqat statistik ko‘rsatkichlarga emas, balki aholi ishonchi, qayta jinoyatchilik darajasi va profilaktika natijadorligiga tayanish zarurligi ta’kidlandi.

Profilaktika inspektorlarining maqomi

Taqdimotda «Ichki ishlar organlari profilaktika inspektorining maqomi to‘g‘risida»gi qonun loyihasi haqida ham axborot berildi. Unga ko‘ra, profilaktika inspektorining huquqiy maqomi, huquqlari, majburiyatlari, kasbiy...

Qozog‘iston va Qirg‘iziston diplomatik vakolatxonalar faoliyatini yaxshilash maqsadida o‘z poytaxtlarida elchixonalar uchun yer uchastkalari va turarjoylarni 49 yil muddatga o‘zaro almashishga kelishib oldi. Bu haqda Tengrinews nashri ma’lum qildi.

Qozog‘iston Senati deputatlari tomonidan ma’qullangan qonunga muvofiq, ikki davlat poytaxtlarida elchixonalar hamda favqulodda va muxtor elchilarning rasmiy qarorgohlari uchun yer uchastkalari va binolar bepul ajratiladi.

Hujjatga ko‘ra, Qozog‘iston Qirg‘izistonga Ostona shahrida 0,74 gektar yer maydoni hamda 1 267 kvadrat metrli kottejni elchixona va elchi qarorgohi uchun beradi. O‘z navbatida, Qirg‘iziston ham Bishkekda 0,75 gektar yer maydoni va 531 kvadrat metrli kottejni Qozog‘iston elchixonasi uchun ajratadi. Har bir obyektga alohida...

O‘zbekiston Markaziy banki raisi Timur Ishmetov raqamli texnologiyalar moliya tizimining poydevorini o‘zgartirayotganini va tez orada regulyatorlar faoliyatida asosiy o‘ringa chiqishini ma’lum qildi. Bu haqda u 29-iyun kuni Toshkentda o‘tkazilgan Monetary policy dialogue 2026 xalqaro forumida gapirib o‘tdi.

O‘zining yakuniy nutqida regulyator rahbari xorijiy markaziy banklar rahbarlari, yetakchi iqtisodchi olimlar va xalqaro institutlar vakillari o‘rtasida bo‘lib o‘tgan munozaralarni sarhisob qildi. Ishmetov uchta asosiy xulosani taqdim etdi.

Birinchi xulosa: o‘zgaruvchanlik

Dunyoning turli davlatlarida iqtisodiy vaziyat turlicha bo‘lsa-da, hozirda barcha markaziy banklar bitta umumiy haqiqatga duch kelmoqda.

«Markaziy banklar mutlaqo yangi sharoitda — doimiy o‘zgaruvchanlikda ishlashga...

BMW kompaniyasining yangi avlod X5 krossoveri rasmiy taqdimotidan bir kun oldin to‘liq ochiqlanib, yangi dizayni va ichki jihozlari surati e’lon qilindi.

Taxmin qilinishicha, bu rasmiy taqdimotda ham foydalaniladigan tasvirlar bo‘lishi mumkin. Foydalanuvchilar yangi modelning faralari va umumiy dizayni katta muhokamalarga sabab bo‘lishini qayd etmoqda.

Yangi BMW X5 «Neue Klasse» dizayn falsafasi asosida ishlab chiqilgan bo‘lib, u yaqinda taqdim etilgan BMW iX3 modeliga yaqin uslubda yaratilgan. Avtomobilga yangilangan radiator panjarasi, ingichka LED faralar hamda X shaklidagi kunduzgi yoritish elementlari o‘rnatilgan. Old bamper dizayni esa yangi BMW 5 Series modeliga o‘xshash ko‘rinishga ega.

Ma’lumotlarga ko‘ra, rasmiy suratlarda ko‘rsatilgan versiya ichki...

Saudiya Arabistonining sharqiy qismida Aramco kompaniyasiga tegishli vertolyot halokati oqibatida 14 nafar fuqaro halok bo‘ldi. Bu haqda BBC nashri ma’lum qildi.

Davlat OAVlariga ko‘ra, voqea yakshanba kuni mahalliy vaqt bilan soat 06:00 da Ras Tanura shahrida sodir bo‘lgan. Halokatga uchragan vertolyot davlatga qarashli neft giganti Aramco kompaniyasiga tegishli bo‘lib, undagi barcha 14 nafar yo‘lovchi halok bo‘lgan. Halok bo‘lganlarning barchasi Saudiya Arabistoni fuqarolari ekani bildirildi.

Rasmiylar hodisa yuzasidan tergov ishlari boshlanganini ma’lum qildi. Aramco kompaniyasi esa hozircha holat yuzasidan izoh bermagan. Saudiya Arabistoni energetika vazirligi esa halok bo‘lganlar yaqinlariga hamdardlik bildirdi.

Ma’lumotlarga ko‘ra, Ras Tanura shahri Yaqin Sharqdagi eng...

Mamlakatimizda yoshlarning fan, ta’lim, tibbiyot, sport va boshqa sohalardagi yutuqlarini e’tirof etish maqsadida bir guruh fidoyi yigitlar «Mard o‘g‘lon» davlat mukofotiga munosib ko‘rildi. Bu haqda prezident matbuot xizmati ma’lum qildi.

Prezident qaroriga muvofiq, Qoraqalpog‘iston Respublikasi, viloyatlar va Toshkent shahridan tanlab olingan iqtidorli yoshlar o‘zining bilim, tashabbuskorlik va samarali mehnati bilan Yangi O‘zbekiston taraqqiyotiga hissa qo‘shib kelayotgani uchun mazkur davlat mukofoti bilan taqdirlandi.

Mukofot sovrindorlariga diplom va ko‘krak nishonlari tantanali ravishda topshiriladi hamda ularga BHMning (hozirda 412 ming so‘m) 50 baravari miqdorida pul mukofoti beriladi.

«Mard o‘g‘lon» davlat mukofoti bilan taqdirlanganlar ro‘yxati:

Prezident farmoni bilan 20 nafar tashabbuskor va yetakchi yoshlar «Kelajak bunyodkori» medali bilan mukofotlandi. Bu haqda davlat rahbari matbuot xizmati ma’lum qildi.

Mukofotlanganlar orasida oliy ta’lim muassasalari talabalari va doktorantlari, tadbirkorlar, shifokor, o‘qituvchi, muhandis, fermer, sportchi, uchuvchi, yoshlar yetakchisi, davlat va xususiy sektor vakillari, shuningdek, sun’iy intellekt platformasi asoschisi ham bor:

Farmonda qayd etilishicha, ushbu yoshlar o‘zining bilim va salohiyati, iste’dodi, namunali xulqi, Vatanga sadoqati hamda turli sohalardagi yutuqlari bilan Yangi O‘zbekiston taraqqiyoti va mamlakatning xalqaro nufuzini yuksaltirishga munosib hissa qo‘shib kelayotgani uchun rag‘batlantirilgan.

Eslatib o‘tamiz, avvalroq Mustaqillikning 35 yilligi munosabati bilan yangi esdalik nishoni ta’sis etilgani haqida...

«O‘zgidromet» ma’lumotlariga ko‘ra, iyul oyida O‘zbekistonda havo harorati odatdagidan yuqori bo‘lishi kutilmoqda. Oy boshida harorat nisbatan qulay bo‘ladi, biroq keyinchalik issiq kuchayib, ayrim hududlarda 45 darajagacha yetishi mumkin.

Iyul – yilning eng issiq oylaridan biri

Iyul O‘zbekistonda odatda eng issiq oy hisoblanadi. Bu davrda respublikaning katta qismida o‘rtacha maksimal havo harorati 35–37 daraja atrofida bo‘ladi.

Janubiy va cho‘l hududlarda esa bu ko‘rsatkich 38–40 darajagacha yetadi. Deyarli har yili iyul oyida havo harorati 40–42 darajagacha, shimol, janub va cho‘l hududlarda esa 43–45 darajagacha ko‘tariladigan juda issiq davrlar kuzatiladi.

40 darajadan yuqori kunlar soni ortmoqda

Mutaxassislarning ta’kidlashicha, kuchli issiqning...

1-iyun holatiga ko‘ra, may oyida banklardagi muammoli kreditlar (NPL) umumiy miqdori 23,6 trln so‘mga oshgan. Bu ko‘rsatkich aprel oyi bilan solishtirilganda 7,7 foizga foizga, ya’ni qariyb 1,7 trln so‘mga yuqorilagan. 

Shuningdek, O‘zbekiston tijorat banklarining jami kredit portfeli may oyida 636 trillion so‘mni tashkil etdi. Bu ko‘rsatkich aprel oyi bilan solishtirilganda 1,1 foizga foizga, ya’ni qariyb 7 mlrd so‘mga yuqorilagan.

Jami kreditlardagi NPL ulushi 3,7 foizga oshdi. Aprel oyida bu ko‘rsatkich 3,5 foizni tashkil qilgan.

Davlat banklarida

Muammoli kreditlarning asosiy qismi davlat ulushi mavjud banklar hissasiga to‘g‘ri kelmoqda. Yil boshidan buyon ushbu banklarda NPL hajmi 15 trillion so‘mdan 16,7 trillion so‘mga yetgan.

Shu...

Qozog‘iston Senati Qozog‘iston – O‘zbekiston davlat chegarasidagi «Sirdaryo – Malik» va «Selinniy – Oqoltin» avtomobil o‘tkazish punktlari maqomini o‘zgartirishni nazarda tutuvchi protokolni ratifikatsiya qildi. Bu haqda Kazinform nashri ma’lum qildi.

Gap 2006-yil 4-sentabrda Qozog‘iston va O‘zbekiston hukumatlari o‘rtasida imzolangan davlat chegarasidagi o‘tkazish punktlari to‘g‘risidagi bitimga o‘zgartirishlar kirituvchi protokol haqida bormoqda. Hujjatga ko‘ra, mazkur avtomobil o‘tkazish punktlarining maqomi ikki tomonlama (davlatlararo) punktdan xalqaro (ko‘p tomonlama) punktga o‘zgartiriladi.

O‘tkazish punktlari tunu kun ishlaydi

Protokolga muvofiq, mazkur o‘tkazish punktlarining ish tartibi ham o‘zgartiriladi. Endilikda ular faqat kunduzgi vaqtda emas, balki sutkaning 24 soati davomida faoliyat yuritadi.

Shuningdek, o‘tkazish punktlari faqat...