Yangiliklar

Yaqin Sharqdagi qurolli mojaro global aviatsiya sanoatiga sezilarli ta’sir ko‘rsatmoqda. Rossiya Turoperatorlar assotsiatsiyasi (ATOR) ma’lumotlariga ko‘ra, dunyo bo‘ylab aviachiptalar narxi odatdagi yozgi mavsumiy o‘sishdan tashqari qo‘shimcha ravishda 10 – 15 foizga qimmatlashgan.

ATOR rahbari Maya Lomidzening ta’kidlashicha, narxlarning oshishiga bir vaqtning o‘zida bir nechta omillar sabab bo‘lmoqda. Eng avvalo, Yaqin Sharq ko‘plab xalqaro reyslar uchun muhim tranzit hudud hisoblanadi. Mintaqadagi beqaror vaziyat tufayli ayrim yo‘nalishlar yopildi, boshqalari esa o‘zgartirildi. Bu esa aviakompaniyalar xarajatlarini oshirdi.

Bundan tashqari, mojaro fonida aviatsiya yonilg‘isi narxi ham keskin ko‘tarildi. Yonilg‘i xarajatlari aviakompaniyalar uchun eng katta sarf-xarajatlardan biri bo‘lgani sababli, bu holat chiptalar narxida ham...

Oliy Majlis Qonunchilik palatasi deputatlari Transport vazirligi rahbaridan temir yo‘l sohasiga xususiy sektorni jalb etishni so‘radi. Muhokamada yo‘lovchi va yuk tashishga talab ortib borayotgani qayd etildi.

Shu bilan birga, mavjud harakat tarkibi va ishlab chiqarish quvvatlari bu ehtiyojlarni to‘liq ta’minlash uchun yetarli emasligi aytildi. Deputatlar sohada davlat ishtirokidagi korxonalar ustunligi saqlanib qolayotganiga ham e’tibor qaratdi.

Shu bois Transport vazirligiga vagonlar soni va sifatini oshirish bo‘yicha tavsiyalar berildi. Shuningdek, xususiy sektor ishtirokini kengaytirish zarurligi ta’kidlandi. Xalq vakillari mavjud temir yo‘l loyihalarini amalga oshirish ishlarini jadallashtirish kerakligini bildirdi.

Temir yo‘l infratuzilmasini modernizatsiya qilish masalasi ham muhokama qilindi. Deputatlar bu jarayonda «yashil...

O‘zbekiston 2026-yil uchun tuzilgan ekologik ifloslanish reytingida dunyoning 115 davlati orasida 59-o‘rindan joy oldi. Bu haqda Numbeo tadqiqoti ma’lumotlarida keltirilgan.

Hisobotga ko‘ra, O‘zbekistonning Pollution Index ko‘rsatkichi 60 ballni, Exp Pollution Index esa 104 ballni tashkil etdi.

MDH davlatlari orasida O‘zbekiston ifloslanish darajasi bo‘yicha yettinchi o‘rinni egalladi. Respublikadan yuqoriroq ko‘rsatkichlar Qozog‘iston (73 ball), Qirg‘iziston (72,3 ball), Ozarbayjon (72 ball), Gruziya (67,8 ball), Armaniston (61,3 ball) va Moldova (60,8 ball)da qayd etilgan. Rossiya 58,4 ball, Belarus esa 44,2 ball bilan O‘zbekistondan pastda joylashgan.

Dunyoning eng ifloslangan davlatlari o‘nligiga Kamerun, Myanma, Livan, Mongoliya, Nigeriya, Gana, Bangladesh, Afg‘oniston, Nepal va Vyetnam kirdi.

Eng...

Surxondaryo viloyatining Uzun tumanida kechasi sodir bo‘lgan yo‘l-transport hodisasi ikki yoshning umriga zomin bo‘ldi. Bu haqda YHXX xabar berdi.

Unga ko‘ra, 28-may kuni soat 23:50 larda Chaqar mahallasi hududidan o‘tuvchi D-169 avtomobil yo‘lida ikki mashina ishtirokida og‘ir yo‘l transport hodisasi yuz bergan.

Aniqlanishicha, 17 yoshli o‘smir haydovchilik guvohnomasisiz Damas avtomobilini boshqargan, yonida esa sinfdoshlari bo‘lgan. Shu paytda u bilan bir yo‘nalishda harakatlanayotgan 20 yoshli yigit Nexia mashinasini boshqarib ketayotgan bo‘lgan.

Dastlabki ma’lumotlarga ko‘ra, ular o‘zaro tezlikda poyga qilib, xavfli harakatlar natijasida yo‘lda halokat yuzaga kelgan.

Oqibatda Damas haydovchisi hamda Nexia yo‘lovchilaridan biri voqea joyida vafot etgan. Qolgan yo‘lovchilar turli darajadagi...

O‘zbekistonda temir yo‘l yo‘lovchi tashish sohasida elektron chipta sotish ulushi 40 foizdan 86 foizgacha oshirildi. Bu Transport vazirligi rahbari Ilhom Mahkamovning Oliy majlis deputatlariga bergan axborotida qayd etildi.

Transport vaziriga ko‘ra, sohada raqamli texnologiyalarni joriy etishga alohida e’tibor qaratilmoqda. Yuk jo‘natuvchilar uchun «Yagona darcha» tamoyili asosida E-nakl axborot tizimi yo‘lga qo‘yilgan. Natijada yuk hujjatlarini rasmiylashtirish jarayoni 7 bosqichdan 3 bosqichga qisqardi. Hujjatlarni rasmiylashtirishga ketadigan vaqt esa 60 soatgacha kamaytirildi.

Yo‘lovchi tashish yo‘nalishida elektron chipta sotish imkoniyatlari kengaytirildi. Respublika bo‘yicha yirik vokzallarga 50 dan ortiq infokiosk o‘rnatildi. Infokiosklar Toshkent-Markaziy, Toshkent-Janubiy, Samarqand, Buxoro, Navoiy, Xiva, Urganch, Nukus, Andijon, Qo‘qon, Marg‘ilon, Namangan...

Braziliya futboli afsonasi Pelening 1958-yilgi jahon chempionati finalida kiygan futbolkasi auksionga qo‘yiladi. Bu haqda Sotheby’s auksion uyi ma’lum qildi.

Auksion 29-iyundan 16-iyulgacha onlayn shaklda o‘tkaziladi. Gap Pelening 10-raqamli o‘yin futbolkasi haqida ketmoqda. Sotheby’s vakili Bram Vakter ushbu libosni futbol tarixidagi eng buyuk o‘yinchilardan biri davri boshlangan kechada kiygan futbolka deb ta’rifladi.

Pele ushbu futbolkani ilk jahon chempionati finalida kiygan. O‘sha paytda Edson Arantes du Nasimentu, ya’ni Pele 17 yoshda edi. 1958-yilgi final Shvetsiya poytaxti Stokgolmdagi Rasunda stadionida bo‘lib o‘tgan. Braziliya mezbon Shvetsiyani 5:2 hisobida mag‘lub etgan.

Ma’lumotlarga ko‘ra, Pele finaldan keyin ushbu qo‘lda tikilgan futbolkani jamoadoshi va xonadoshi Didaga...

Armanistonning Shirak Avia aviakompaniyasi Yerevan – Toshkent – Yerevan yo‘nalishi bo‘yicha muntazam aviaqatnov boshladi. Bu haqda Uzbekistan Airports ma’lum qildi.

2-iyun kuni Yerevandan uchgan ilk reys Toshkent xalqaro aeroportiga qo‘ndi. Samolyot bortida 127 nafar yo‘lovchi bo‘lgan. Shu kuni Toshkentdan Yerevanga uchgan ilk reys yo‘lovchilari ham tantanali tarzda ro‘yxatdan o‘tkazildi. Ushbu reys bilan Armaniston poytaxtiga 177 nafar yo‘lovchi jo‘nab ketdi.

Yangi yo‘nalish ikki davlat o‘rtasida turizm va biznes aloqalarini rivojlantirishga xizmat qiladi. Shuningdek, madaniy hamkorlik uchun ham qo‘shimcha imkoniyat yaratadi. Parvozlar Boeing 737 samolyotlarida haftasiga bir marta amalga oshiriladi.

Avval ushbu yo‘nalishda yo‘lovchilar Moskva, Istanbul, Tbilisi va boshqa shaharlar orqali...

O‘zbekiston Tashqi ishlar vazirligi matbuot xizmati mamlakat hududida Yevropa Ittifoqi uchun migratsiya markazlari ochilishi bo‘yicha muzokaralar olib borilayotgani haqidagi xabarlarni rad etdi. Bu haqda vazirlik matbuot xizmati Kursiv Uzbekistan nashriga ma’lum qildi.

«Bugungi kunda mazkur masala bo‘yicha Yevropa Ittifoqi institutlari bilan hech qanday muzokaralar olib borilmayapti va bunday muzokaralar rejalashtirilmagan», – deya ta’kidlangan TIVda.

Avvalroq Politico nashri saytida Bryussel go‘yoki O‘zbekiston va Qozog‘istonda boshpana berish rad etilgan migrantlar uchun markazlar ochishni rejalashtirayotgani haqida maqola e’lon qilingan edi.

Nashr ma’lumotiga ko‘ra, bunday markazlarni tashkil etish bo‘yicha muzokaralar boshqa davlatlar hukumatlari bilan ham olib borilgan. Tashabbuskorlar...

Chevrolet Traverse 2027 avtomobilining AQSh bozori uchun narxlari e’lon qilindi. Bu haqda GMAutority nashri xabar bermoqda.

Boshlang‘ich LT versiyasi narxi o‘zgarishsiz qolgan. U Traverse oilasidagi eng arzon variant bo‘lib qolmoqda. 2027-yilgi Traverse jami yettita komplektatsiya va uzatma kombinatsiyasida taklif etiladi. Narxlar majburiy yetkazib berish to‘lovi bilan birga hisoblangan.

LT versiyasi old g‘ildirakdan tortuvchi va to‘liq g‘ildirakdan tortuvchi variantlarda sotiladi. Z71 esa faqat AWD tizimi bilan taklif qilinadi.

Eng katta o‘sish High Country komplektatsiyasida kuzatilgan. Ushbu versiya narxi avvalgi model yiliga nisbatan $1 mingga ko‘tarildi. Shu sabab High Country endi Traverse oilasidagi eng qimmat versiyaga aylandi. Avval bu o‘rin RS...

Rossiyaning Sankt Peterburg shahri va Leningrad viloyati 3-iyun tongida dronlar hujumiga uchradi. Leningrad viloyati gubernatori Aleksandr Drozdenko ma’lum qilishicha, havo hujumidan mudofaa kuchlari hudud uzra jami 59 ta dronni urib tushirgan.

Sankt Peterburg gubernatori Aleksandr Beglovning bildirishicha, Kronshtadt, Kirov va Krasnoselskiy tumanlaridagi infratuzilma obyektlariga zarbalar berilgan. Bir nechta obyekt shikastlangan. Hujum oqibatida bir necha kishi jarohat olgan, halok bo‘lganlar yo‘q.

Leningrad viloyatining Luga tumanida dron qoldiqlari qulagani sababli to‘rtta xususiy uyga yengil zarar yetgan. Mahalliy hokimiyat ma’lumotiga ko‘ra, bu hududda jabrlanganlar yo‘q.

Mahalliy OAV va Telegram kanallarida Peterburg neft terminalida yong‘in chiqqani haqida xabarlar tarqaldi. Mazkur terminal mintaqadagi...

Redmi kompaniyasi tomonidan Redmi Turbo 5 smartfoni Hindiston bozori uchun 16-iyun kuni namoyish etiladi. Bu haqda Gizmochina nashri xabar bermoqda.

Taqdim qilingan reklama materiallarida Redmi Turbo 5 brendning hozirgacha eng tezkor smartfoni sifatida taqdim etilmoqda. Redmi avvalroq qurilma bo‘yicha tizer kampaniyasini boshlagan edi. Unda smartfonning orqa paneli dizayni ko‘rsatilgan.

Hindiston versiyasi avval Xitoyda taqdim etilgan modeldan deyarli farq qilmaydi. Smartfon ikkita asosiy kamera va modullar atrofidagi halqasimon LED yoritgichga ega bo‘ladi. Qurilma qora rangdagi korpusda ham taklif qilinishi kutilmoqda. Taqdimotda qo‘shimcha qurilmalar namoyish etilishi yoki etilmasligi hozircha noma’lum.

Redmi Turbo 5 6,59 dyuymli OLED ekran bilan jihozlanadi. Displey 1,5K...

Soliq qo‘mitasi fuqarolar keshbek rad etilgani yoki hali tasdiqlanmagani sabablarini mobil ilova orqali mustaqil tekshirishi mumkinligini ma’lum qildi.

Buning uchun Soliq ilovasidagi «Mening cheklarim» bo‘limiga kirib, kerakli oy va korxonani tanlash kifoya. Tasdiqlanmagan cheklar qizil belgi bilan ajratiladi va unda rad etish sababi ko‘rsatiladi.

Ma’lum qilinishicha, keshbekning tasdiqlanishi ko‘pincha tadbirkor tomonidan soliq hisobotlari topshirilmagani, soliq qarzdorligi mavjudligi yoki hisobotlarda kamchiliklar aniqlangani bilan bog‘liq bo‘lishi mumkin. Bunday holatlarda keshbek kamchiliklar bartaraf etilgach avtomatik ravishda tasdiqlanadi.

Shuningdek, ayrim hollarda umuman keshbek hisoblanmaydi. Jumladan, 10 kundan kech ro‘yxatdan o‘tkazilgan cheklar, o‘zini o‘zi band qilgan shaxslar xizmatlari, avia, temiryo‘l va avtochipta xaridlari, aloqa...

Prezident Administratsiyasi rahbari Saida Mirziyoyeva YXHT bosh kotibi Feridun Sinirlio‘g‘lu bilan uchrashuv o‘tkazdi. Bu haqda u Telegram kanalida ma’lum qildi.

Uchrashuvda O‘zbekiston va YXHT o‘rtasidagi hamkorlik istiqbollari muhokama qilindi. Saida Mirziyoyevaning qayd etishicha, Feridun Sinirlio‘g‘lu O‘zbekistonga yaqinda amalga oshirgan tashrifini iliq eslagan. Shuningdek, prezident Shavkat Mirziyoyev bilan bo‘lib o‘tgan uchrashuv haqida ham samimiy fikr bildirgan.

YXHT bosh kotibi tashkilot O‘zbekiston tashabbuslarini qo‘llab-quvvatlashga tayyor ekanini ta’kidlagan. Suhbat davomida transmilliy tahdidlarga qarshi kurashish masalalari ko‘rib chiqildi. Shuningdek, raqamli texnologiyalar va sun’iy intellekt sohasidagi hamkorlik yo‘nalishlari muhokama qilindi.

Tomonlar yoshlar manfaatlarini himoyalash, gender tengligi va sud-huquq islohotlari bo‘yicha ham fikr almashgan.

Eslatib...

Sho‘rtan gaz-kimyo majmuasining ishlab chiqarish quvvatlarini kengaytirish loyihasi doirasida 643,2 milliard so‘mlik budjet mablag‘lari noqonuniy o‘zlashtirilgani fosh etildi. Bu haqda Bosh prokuratura huzuridagi Departament tomonidan o‘tkazilgan tergovga qadar tekshiruvda ma’lum bo‘ldi.

Unga ko‘ra, ayrim mansabdor va mas’ul shaxslar o‘zaro til biriktirib, aslida qo‘shilgan qiymat solig‘i (QQS)dan ozod etilgan 5,3 trillion so‘mlik xizmatlar bo‘yicha elektron hisob-fakturalarga QQS summalarini noqonuniy kiritgan. Natijada budjetda asossiz ravishda QQS mablag‘lari shakllantirilib, ular qaytarib berilishiga hamda ayrim korxonalarning davlat oldidagi qarzdorliklarini yopishga erishilgan.

Tekshiruv natijalariga ko‘ra, ushbu sxema orqali 643,2 milliard so‘m budjet mablag‘lari o‘zlashtirish va rastrata yo‘li bilan talon-toroj qilingani aniqlangan.

Mazkur holat yuzasidan...

Oʻzbekiston milliy terma jamoasi himoyachisi Hojiakbar Alijonov jarohat oldi. Bu haqda OʻFA matbuot xizmati xabar berdi.

Ma’lum qilinishicha, futbolchi mashgʻulot vaqtida oʻng oyogʻining boldir mushagida noqulaylik sezgan. Shundan soʻng u tibbiy tekshiruvdan oʻtkazilgan. Diagnostik va klinik tekshiruvlar natijasiga koʻra, Alijonovning tiklanishi uchun bir hafta vaqt kerak boʻladi.

«Ayni damda Alijonov tibbiy shtab nazorati ostida individual ravishda tiklanish mashgʻulotlarini olib bormoqda», – deyiladi xabarda.

Eslatib oʻtamiz, Oʻzbekiston terma jamoasi JCh – 2026 oldidan tayyorgarlikni davom ettirmoqda. Jamoa 8-iyun kuni Niderlandiyaga qarshi nazorat uchrashuvi oʻtkazadi.

Avvalroq «Kursiv» Oʻzbekiston oʻrtoqlik oʻyinida Kanadaga magʻlub boʻlgani haqida xabar...

JSTga to‘liq a’zolikdan so‘ng yangi import avtomobillari narxi o‘rtacha 3,3 foizga arzonlashishi mumkin. Biroq utilizatsiya yig‘imi saqlanib qolishi sababli eski avtomobillar uchun keskin arzonlashuv kutilmayapti. Bu haqda O‘zbekiston avtomobil biznesi assotsiatsiyasi Autostrada bilan hamkorlikdagi maqolasida ma’lum qildi.

Import avtomobillar arzonlashadimi

O‘zbekiston 2026-yil oxirigacha Jahon savdo tashkiloti (JST)ga a’zo bo‘lishni rejalashtirmoqda. Bu jarayon fonida ko‘plab haydovchilar xorijiy avtomobillar narxi keskin tushishini kutmoqda.

Biroq mutaxassislar bunday bo‘lmasligini ta’kidlamoqda. JST talablariga ko‘ra, avtomobillar uchun boj stavkalari bosqichma-bosqich kamayadi. KPMG hisob-kitoblariga ko‘ra, o‘rtacha import boji 15 foizdan 10,8 foizgacha tushadi. Bu esa yangi avtomobillar narxiga cheklangan ta’sir ko‘rsatadi.

BMW misolida hisob-kitob

Lynk & Co kompaniyasi tomonidan Xitoyda Lynk & Co 08 EM-P Max avtomobilining yangi versiyasi sotuvga chiqarildi. Avtomobil elektr rejimida 230 km masofa bosib o‘ta oladi, deya xabar berdi CarNewsChina.

Yangi versiyaning boshlang‘ich narxi chegirmalarsiz 188,8 ming yuan etib belgilandi. Bu taxminan $27,9 mingga teng. Lynk & Co 08 EM-P ilk bor 2023-yil sentabrda Xitoy bozoriga chiqqan edi. Model keyinchalik 2024 va 2025-yillarda kichik yangilanishlar olgan.

China EV DataTracker ma’lumotiga ko‘ra, modelning Xitoydagi umumiy yetkazib berish hajmi 169 ming donaga yetgan. SUV xorijiy bozorlarda, jumladan, Qozog‘istonda ham sotila boshlagan. Yangi Lynk & Co 08 EM-P Max 38,2 kWh sig‘imli...

Soliq qo‘mitasi QQS keshbek tizimidan noqonuniy foydalanish holatlari aniqlangani ortidan 204 mingdan ziyod fuqarolarni shubhali xaridorlar ro‘yxatiga kiritdi. Bu haqda qo‘mita matbuot xizmati xabar berdi.

Natijada ularga tegishli ijtimoiy keshbek mablag‘larini to‘lash vaqtincha to‘xtatildi.

Ma’lum qilinishicha, tekshiruvlar davomida ayrim shaxslar soxta fiskal cheklar orqali QQS qaytarib olishga uringani aniqlangan. Shu sababli aprel oyi uchun ajratilishi lozim bo‘lgan 102,5 milliard so‘mlik keshbek mablag‘lari muzlatilgan.

Qo‘mita, shuningdek ijtimoiy himoya reyestridagi fuqarolarga xizmat ko‘rsatgan va faoliyatida shubhali alomatlar kuzatilgan yuzlab korxonalar faoliyatini ham o‘rganmoqda. Dastlabki ma’lumotlarga ko‘ra, ushbu subyektlar orqali trillionlab so‘mlik aylanma rasmiylashtirilgan va katta miqdorda keshbek to‘langan.

Bundan oldin Andijon...

Xpeng kompaniyasi tomonidan yangi Xpeng P7+ elektromobili Fransiyada sotuvga chiqdi. Bu haqda CarNewsChina nashri xabar bermoqda.

Modelning boshlang‘ich narxi 46 ming yevro etib belgilangan. Bu taxminan $53,5 mingga teng. Xpeng P7+ Yevropa bozori uchun Avstriyaning Grats shahridagi Magna Steyr zavodida yig‘ilmoqda. Model 2026-yil yanvarida sinov ishlab chiqarish bosqichidan o‘tgan.

Fransiyada avtomobil uchta versiyada taklif qilinadi. RWD Standard Range versiyasi 46 ming yevrodan sotiladi. RWD Long Range varianti 50 ming yevro narxda baholangan. Eng yuqori AWD Performance versiyasi esa 54 ming yevro turadi.

Xpeng P7+ yirik liftbek hisoblanadi. Uning uzunligi 5 071 mm, eni 1 937 mm, balandligi esa...

O‘zbekistonda islomiy bank faoliyatini amalga oshiruvchi banklarni litsenziyalash tartibi belgilanmoqda. Markaziy bank boshqaruvi qarori loyihasi jamoatchilik muhokamasi uchun e’lon qilindi.

Loyihaga ko‘ra, amaldagi banklar islomiy bank xizmatlarini ko‘rsatish uchun alohida litsenziya olishi kerak bo‘ladi. Buning uchun bank Markaziy bankka ariza, aksiyadorlar qarori, uch yillik biznes-reja va islomiy moliya operatsiyalari bo‘yicha alohida hisob yuritish imkoniyatini tasdiqlovchi hujjatlarni taqdim etadi.

Loyiha banklarda islomiy moliya kengashi, islomiy moliya bo‘yicha maxsus bo‘linma va ichki audit tizimini tashkil etishni ham nazarda tutadi.

Markaziy bank litsenziya berish bo‘yicha qarorni barcha hujjatlar olingan kundan boshlab ikki oy ichida qabul qiladi. Qaror haqida bank uch ish kuni...

O‘zbekiston hududida bronza davriga oid noyob arxeologik topilma aniqlandi. Turkiyaning «Arkeofili» nashriga ko‘ra, Surxondaryo viloyatidagi Jarqo‘ton yodgorligidan taxminan 4 ming yillik bola bosh suyagi topilgan.

Unda trepanatsiya, ya’ni bosh suyagida jarrohlik amaliyoti o‘tkazilganiga oid izlar saqlanib qolgan. Olimlarning fikricha, bu topilma Markaziy Osiyoda qadimda tibbiy bilimlar rivojlanganini ko‘rsatadi.

Topilma o‘zbek va italiyalik olimlar ishtirokidagi xalqaro ekspeditsiya davomida aniqlangan. Bosh suyagi taxminan besh yoshida vafot etgan bolaga tegishli ekani aytilmoqda.

Mutaxassislar endi bu jarrohlik nima sababdan qilinganini va qadimgi tabiblar qanday usullardan foydalanganini o‘rganadi.

Eslatib o‘tamiz, avvalroq O‘zbekiston – Xitoy arxeologik ekspeditsiyasi Quva shaharchasi devorlarini topgandi. Kashfiyot «Loyan...

2026-yilning birinchi choragida mikromoliya tashkilotlari tomonidan ko‘rsatilgan islomiy moliyalashtirish xizmatlari hajmi 11,2 mlrd so‘mga yetdi. Markaziy bank sharhiga ko‘ra, bu ko‘rsatkich o‘tgan yilning mos davridagi 1,4 mlrd so‘mga nisbatan qariyb 8 baravarga oshgan.

Xizmatlar tarkibida eng katta ulushni Murobaha egalladi. Ushbu xizmat hajmi 7,7 mlrd so‘mni tashkil etib, jami bozorning 69 foiziga teng bo‘ldi. «Muzoraba» xizmatlari 2,1 mlrd so‘m yoki 19 foizni, «Islomiy ijara» esa 1,4 mlrd so‘m yoki 12 foizni tashkil qildi.

O‘tgan yilga nisbatan Murobaha xizmatlari hajmi 20 baravarga, «Islomiy ijara» xizmatlari esa 300 barobarga oshgani qayd etildi.

Birinchi chorakda islomiy moliyalashtirish xizmatlarining asosiy qismi to‘rtta mikromoliya...

Saudiya Arabistoni klublari O‘zbekiston terma jamoasi sardori Eldor Shomurodov transferiga qiziqish bildirmoqda. Bu haqda Metaratings xabar berdi.

30 yoshli hujumchi ayni vaqtda Turkiyaning «Istanbul Bashakshehir» klubida to‘p surmoqda. Manbaga ko‘ra, Shomurodovni Turkiyadagi faoliyati qoniqtirmoqda. Shu bilan birga, futbolchi yillik maoshi 3 mln yevro bo‘lgan takliflarni ko‘rib chiqishga tayyor. «Istanbul Bashakshehir» esa o‘zbekistonlik hujumchi transferidan 8,5 mln yevro ishlab olmoqchi.

Shomurodov o‘tgan mavsumda klub safida 44 ta o‘yinda maydonga tushdi. U ushbu uchrashuvlarda 23 ta gol urdi va oltita golli uzatma berdi.

Avvalroq «Kursiv» nashri O‘zbekiston terma jamoasining yakuniy 26 kishilik tarkibi e’lon qilingani haqida yozgan edi.

Tijorat banklari tomonidan 3-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 3-iyun uchun valyutalar kursi e’lon qilingani haqida yozgan edi.