Yangiliklar

18-iyuldan Toshkent – Bekobod – Toshkent yo‘nalishidagi shaharlararo elektropoyezdi yangi zamonaviy tarkib bilan harakatlanishni boshlaydi. «O‘zbekiston temir yo‘llari» AJ qatnov elektropoyezdlarning harakat jadvalini e’lon qildi.

Yangi elektropoyezd konditsioner tizimi, USB quvvatlantirish portlari, zamonaviy va qulay o‘rindiqlar, videokuzatuv hamda audio-axborot tizimi bilan jihozlangan. Shuningdek, imkoniyati cheklangan yo‘lovchilar uchun maxsus chiqish-tushish moslamalari va alohida o‘rindiqlar ham mavjud.

Chipta narxlari

Mazkur yo‘nalishda kattalar uchun chipta narxi 15 ming so‘m, bolalar uchun esa 9 ming so‘m etib belgilangan. Chiptalarni temir yo‘l kassalari hamda e-ticket.railway.uz elektron platformasi orqali xarid qilish mumkin.

Eslatib o‘tamiz, avvalroq Tomchi – Toshkent yo‘nalishida to‘g‘ridan to‘g‘ri aviaqatnovlar boshlangani...

Abdulla Mamasaatovich Abduqodirov O‘zbekiston Respublikasi prezidenti huzuridagi Strategik rivojlanish va islohotlar agentligi direktorining birinchi o‘rinbosari lavozimiga tayinlandi. Bu haqda davlat rahbari matbuot kotibi ma’lum qildi.

Abdulla Abduqodirov 1961-yil 19-fevralda Toshkent shahrida tug‘ilgan. U 1982-yilda Toshkent Xalq xo‘jaligi institutini tamomlagan bo‘lib, mehnat faoliyatini ilmiy yo‘nalishda boshlagan. Shu yilning may oyida Abduqodirov mazkur agentlikka rahbar tayinlangan edi.

Shuningdek, Taxirjon Baxodirovich Safarov prezident huzuridagi Strategik rivojlanish va islohotlar agentligi direktorining o‘rinbosari lavozimiga tayinlandi.

Mazkur tayinlov munosabati bilan u prezident Administratsiyasi Huquqiy ekspertiza va kompleks tahlil qilish departamenti sho‘ba mudiri lavozimidan ozod etildi.

Ma’lumot uchun, Sardor Umurzakov Strategik rivojlanish agentligiga...

O‘zbekiston Respublikasi Mehnat kodeksiga muvofiq, xodimlarga har yili yillik mehnat ta’tili beriladi, ayrim toifadagi xodimlar esa uzaytirilgan ta’til olish huquqiga ega.

Asosiy mehnat ta’tili muddati

Mehnat kodeksining 217-moddasiga ko‘ra, har bir xodimga har yili kamida 21 kalendar kun asosiy mehnat ta’tili beriladi.

Ayrim toifadagi xodimlar uchun ta’til uzaytiriladi

Mehnat kodeksining 218-moddasiga muvofiq, ayrim toifadagi xodimlar uchun yillik mehnat ta’tili uzaytirilgan muddatda belgilanadi.

Xususan, 18 yoshgacha bo‘lgan xodimlarga 30 kalendar kun, I va II guruh nogironligi bo‘lgan xodimlarga ham 30 kalendar kun ta’til beriladi. Davlat hokimiyati organlari va respublika ijro etuvchi organlari xodimlari uchun esa yillik mehnat...

Jinoyatchilikni oldini olish maqsadida «qizil» va «sariq» toifadagi mahallalar profilaktika inspektorlari uchun maxsus o‘quv tizimi joriy etiladi. Bu haqda prezident raisligidagi videoselektor yig‘ilishida ma’lum qilindi.

Jinoyatchilik kamaygan mahallalar soni qancha

So‘nggi uch yil davomida kriminogen vaziyati og‘ir bo‘lgan 1162 ta mahallaning 571 tasida joriy yilda birorta ham jinoyat sodir etilmagani qayd etildi.

Bunga mahallalarda videokameralar o‘rnatilishi, xavfsiz ko‘cha va yo‘laklar tashkil etilishi, aholi muammolarining ilmiy asosda o‘rganib hal qilinishi hamda oilalarga psixologik yordam ko‘rsatilishi sabab bo‘lgani ta’kidlandi.

Mahallalar uchun yangi metodika ishlab chiqiladi

Jinoyatchilikni jilovlashga mas’ul ilmiy tashkilotlar bilan hamkorlikda namunali mahallalar tajribasi asosida maxsus metodika...

Mahallalarda ijtimoiy himoya tizimini kuchaytirish maqsadida qarovsiz qolgan va zo‘ravonlikka uchragan bolalar uchun esa Qo‘llab-quvvatlash markazlari tashkil etiladi. Bu haqda Shavkat Mirziyoyev raisligidagi videoselektor yig‘ilishida ma’lum qilindi.

Ijtimoiy reyestr bo‘yicha nazorat kuchaytiriladi

Mahallalarda ijtimoiy reyestrni yuritishdagi ayrim kamchiliklar tanqid qilinib, ehtiyojmand oilalarning davlat tomonidan kafolatlangan xizmatlardan foydalanishini ta’minlash bo‘yicha vazifalar belgilandi.

Yig‘ilishda ayrim hududlarda fuqarolarni ijtimoiy reyestrga kiritishni asossiz rad etish yoki ularni sun’iy ravishda reyestrdan chiqarish holatlari uchrayotgani qayd etildi. Jumladan, 184 ta mahallada bir oy davomida kelib tushgan 2 mingta arizaning barchasi asossiz rad etilgan.

Bunday holatlar Bo‘ston, Oltinko‘l, Xovos, Toshloq, Sharof Rashidov, Uchquduq va...

Mahallalarda obodonlashtirish ishlarini rag‘batlantirish va ilg‘or tajribalarni ommalashtirish uchun yangi tanlovlar hamda soliq imtiyozlari joriy etiladi. Bu haqda Shavkat Mirziyoyev raisligidagi videoselektor yig‘ilishida ma’lum qilindi.

Yangi nominatsiyalar tashkil etiladi

Yig‘ilishda mehnat munosib rag‘batlantirilishi kerakligi ta’kidlandi. Shu munosabat bilan yil yakunida ko‘p qavatli uylardagi «Eng orasta xonadon», mahalladagi «Eng fayzli hovli», hududdagi «Eng obod ko‘cha» va tuman hamda viloyatdagi «Eng namunali mahalla» nominatsiyalari joriy etilishi belgilandi.

Tanlov g‘oliblari bo‘lgan ko‘p qavatli uylardagi kvartiralar uchun mol-mulk solig‘i, hovli-joy egalari uchun esa yer solig‘i bo‘yicha imtiyozlar beriladi.

Ilg‘or tajribalar ommalashtiriladi

Yaxshi natijalarga erishgan «mahalla yettiligi» a’zolari mukofotlanadi, ularning ish...

Endi banklar har bir mahallaning «o‘sish nuqtasi»ni aniqlab, tashabbuskorlarni topishi va daromadli loyihalarni ko‘paytirishi zarur. Prezident raisligidagi yig‘ilishda mahalla bankirlari oldiga aynan shunday qat’iy talab qo‘yildi va ish sifatini oshirish uchun har bir mutaxassisga ko‘pi bilan uchta mahalla biriktirilishi belgilandi.

Muvaffaqiyatli tajribalar

Yig‘ilishda joylardagi samarali tajribalar ham qayd etildi. Jumladan, Angor tumanidagi Yangiobod mahallasida 2 kilometr zovur usti yopilib, 110 ta servis obyekti ishga tushirilgan. Natijada mahalla hududida yashovchi 1 ming 225 nafar fuqaro ish bilan ta’minlanib, daromad manbaiga ega bo‘lgan.

Arnasoy tumanidagi Baxtli mahallasida esa mahalla bankiri 20 ta xonadonga 50 mln so‘mdan kredit ajratib, mehmon uylari...

Yangi tashabbuslar hisobiga mahallalar budjetiga tushum 2026-yilda 1,6 trln so‘mga yetishi kutilmoqda. Kelasi yildan bu ko‘rsatkich 2 trln so‘mgacha oshiriladi. Bu haqda prezident matbuot xizmati xabar berdi.

Mahallada qoladigan soliq ulushi oshirildi

Iyun oyidagi prezident farmoniga ko‘ra, mahallada qoladigan yer va mol-mulk solig‘i ulushi 10 foizdan 15 foizga oshirildi.

Shuningdek, sanitariya qoidalarini buzganlik va noqonuniy qurilish uchun jarimalarning 10 foizi mahallalar budjetiga yo‘naltiriladi.

Bo‘sh binolarni sotuvga chiqarishga ruxsat beriladi

Mahallalarga 5 ming kvadrat metrgacha bo‘lgan bo‘sh binolarni mustaqil sotuvga chiqarish huquqi beriladi.

Bu orqali mahallalar budjetiga qo‘shimcha 405 mlrd so‘m tushishi kutilmoqda.

Noturar obyektlardan tushgan soliqning...

«Mahalla yettiligi»ni o‘qitish, mahallalardagi muammolar yuzasidan ilmiy yechimlar ishlab chiqish bilan shug‘ullanadigan Mahallani rivojlantirish milliy instituti tashkil etiladi. Bu haqda Shavkat Mirziyoyev raisligidagi videoselektor yig‘ilishida ma’lum qilindi.

Tashabbuskor loyihalar qo‘llab-quvvatlanadi

Prezident mahalla raislari ijtimoiy muammolarni hal qilish, tozalikni ta’minlash va aholi daromadini oshirishga xizmat qiladigan loyihalarda faol tashabbus ko‘rsatishi zarurligini ta’kidladi.

Shu maqsadda «mahalla yettiligi»ga ana shunday loyihalarni amalga oshirish uchun 10 mln so‘mdan grant ajratilishi belgilandi. Agar mamlakatdagi 8 992 ta mahallaning har birida bittadan loyiha amalga oshirilsa, hududlardagi muhit sezilarli darajada yaxshilanishi qayd etildi. Mazkur maqsadlar uchun jami 240 mlrd so‘m resurs shakllantiriladi.

Mahalla...

Toshkentdagi «Yer usti halqa» yo‘nalishining «Turon» metro bekatida tom konstruksiyasining bir qismi siljib tushdi. Bu haqda Toshkent metropoliteni xabar berdi.

Hodisa oqibatida ikki nafar yo‘lovchi yengil tan jarohati oldi. 16-iyul kuni soat 14:34 da Toshkent metropolitenining «Yer usti halqa» yo‘nalishidagi «Turon» metro bekatida tom konstruksiyasining bir qismi siljib tushdi.

Qayd etilishicha, harakat xavfsizligini ta’minlash maqsadida mazkur bekatda metro poyezdlari harakati zudlik bilan vaqtincha to‘xtatilgan. Hozirda mutaxassislar hodisa sabablarini aniqlash bo‘yicha texnik o‘rganish ishlarini olib bormoqda hamda aniqlangan kamchiliklarni bartaraf etish choralari ko‘rilmoqda.

Hodisa oqibatida ikki nafar yo‘lovchi yengil tan jarohati olgan. Ularga voqea joyining o‘zida birinchi tibbiy...

Mahallalarda xususiy bog‘cha, maktab, klinika va sport inshootlari qurish uchun bo‘sh yerlarni auksionga chiqarish vakolati mahalla raislariga beriladi. Bu haqda prezident matbuot xizmati xabar berdi.

Yangi tartib Quva mahallasi misolida ko‘rsatildi

Yangi Quva mahallasida 51 nafar ishsiz fuqaro bor. Ularning to‘rt nafari agrotexnikumni bitirgan va xonadonida 10 sotixdan tomorqaga ega.

Shu sababli mahalla raisi tomorqada gul ko‘chati yetishtirishga ixtisoslashgan yengil konstruksiyali issiqxona qurish bo‘yicha mahalla bankiriga buyurtma beradi.

Rais bankirga aniq vazifa qo‘yadi

Qolgan ishsiz fuqarolar bo‘yicha ham mahalla raisi xonadonbay o‘rganish o‘tkazadi.

Bunda kim tadbirkor bo‘lmoqchi, qaysi oila daromadini oshirmoqchi, kimga kredit, uskuna yoki yer kerakligi...

Shavkat Mirziyoyev raisligidagi videoselektor yig‘ilishida mahallalarda mavjud imkoniyatlardan samarali foydalanish va hududlardagi muammolarni tezkor hal etish masalalari muhokama qilindi. Unda davlat rahbari ayrim mahallalarni tanqid ostiga oldi.

Mahallalarga qo‘shimcha mablag‘ va vakolatlar berildi

Yig‘ilishda ta’kidlanganidek, joriy yilda infratuzilmani yaxshilash, aholi va tadbirkorlar uchun qulay sharoit yaratish maqsadida tumanlarga o‘rtacha 250 mlrd so‘mdan, mahallalarga esa 5,5 mlrd so‘mdan mablag‘ ajratilgan.

Shuningdek, tuman hokimlari va mahalla raislarining tushum bo‘yicha vakolatlari kengaytirilgani natijasida hududda qoladigan qo‘shimcha daromad hajmi ikki barobargacha oshdi. Natijada tumanlarda o‘rtacha 22 mlrd so‘m, mahalla budjetlariga esa o‘rtacha 150 – 200 mln so‘m qo‘shimcha mablag‘ yo‘naltirildi.

Yil boshidan buyon mahallalarda ishni to‘g‘ri tashkil qilmagan 152 nafar rahbar lavozimidan ozod etildi. Yana 700 nafar mas’ulga intizomiy chora ko‘rildi.

Shavkat Mirziyoyev raisligidagi videoselektor yig‘ilishida ayrim tumanlarda amalga oshirilayotgan loyihalarda kambag‘al oilalar ishtiroki 15 foizga ham yetmayotgani tanqid qilindi.

Qorao‘zak, Marhamat, Mirishkor, Nurobod va Termiz tumanlarida bu borada sustkashlikka yo‘l qo‘yilgani qayd etildi.

32 ta mahallada birorta ehtiyojmand ishga joylashtirilmagan

Ma’lumotlarga ko‘ra, 960 ta kambag‘al oila yashaydigan 32 ta mahallada birorta ham ehtiyojmand fuqaro doimiy ishga joylashtirilmagan.

Shuningdek, 883 ta mahallada bankirlar xonadonbay yurib loyiha qilmagan va tadbirkorlar bilan uchrashmagan.

Mas’ullarga soliq va jinoyatchilik bo‘yicha ham...

Markaziy bank huzurida islomiy moliya faoliyatini muvofiqlashtiruvchi Islomiy moliya kengashi tuzildi. Bu haqda regulyator xabar berdi.

Yangi kollegial organ islomiy bank xizmatlari, mikromoliya tashkilotlari hamda Markaziy bank nazoratidagi boshqa moliya institutlari faoliyatini muvofiqlashtirish bilan shug‘ullanadi.

Kengash besh nafar mutaxassisdan iborat

Markaziy bank ma’lumotiga ko‘ra, Kengash tarkibiga Islom huquqi bo‘yicha to‘rt nafar mutaxassis va bir nafar texnik ekspert kiritilgan.

Kengash raisi etib Saidjamol Masayitov tayinlandi. Rais o‘rinbosari lavozimini Muhammadayubxon Homidov egalladi.

Shuningdek, kengash a’zolari sifatida Hikmatilla Toshtemirov, Abdullatif Tursunov hamda texnik ekspert Axrorjon Sadullayev faoliyat yuritadi.

Kengash qanday vazifalarni bajaradi

Yangi organ islomiy moliya standartlari loyihalarini xalqaro talablar...

Ko‘chmas mulkka bo‘lgan huquqlarni davlat ro‘yxatidan kechiktirib rasmiylashtirgan fuqarolarga nisbatan ma’muriy javobgarlik bekor qilinib, uning o‘rniga yangi to‘lov tizimi joriy etiladi. Bu haqda Adliya vazirligi ma’lum qildi.

Prezident qarori bilan aholiga ko‘rsatilayotgan davlat xizmatlarini takomillashtirish hamda fuqarolar uchun qo‘shimcha qulayliklar yaratishga qaratilgan yangi chora-tadbirlar belgilandi.

Qarorga ko‘ra, ko‘chmas mulkka bo‘lgan huquqlarni davlat ro‘yxatidan o‘tkazishda huquq egasi o‘z vaqtida ro‘yxatdan o‘tkazuvchi organga murojaat qilmagani aniqlansa, unga nisbatan ma’muriy javobgarlik chorasi qo‘llanmaydi. Buning o‘rniga kechiktirish muddatidan kelib chiqib, ro‘yxatdan o‘tkazish uchun oshirilgan stavkalar bo‘yicha to‘lov undirish tizimi joriy etiladi.

Meros va hadya qilingan uy-joylarga oid soliq

Agar soliq to‘lovchiga...

Xalqaro reyting agentligi Fitch Ratings Uzbekistan Airports’ning uzoq muddatli kredit reytingini «BB» darajasida tasdiqlab, prognozni «Barqaror»dan «Ijobiy»ga o‘zgartirdi. Bu haqda kompaniya rasmiy sahifasida ma’lum qildi.

Reyting prognozi nima uchun oshirildi

Fitch Ratings prognozni yaxshilashga kompaniyaning mustahkam moliyaviy ko‘rsatkichlari, so‘nggi yillarda amalga oshirilgan transformatsiya dasturi, korporativ boshqaruv tizimining takomillashuvi hamda xalqaro moliyaviy hisobot standartlarining joriy etilishi asos bo‘lganini qayd etdi.

O‘zbekistonning kredit profili ham inobatga olindi

Agentlik qarorida O‘zbekistonning kredit profili mustahkamlanayotgani va Uzbekistan Airports mamlakat transport hamda aviatsiya infratuzilmasini rivojlantirishdagi strategik ahamiyatga ega kompaniya ekani ham alohida ta’kidlangan.

Xalqaro moliya bozorlaridagi imkoniyatlar kengayadi

Reyting prognozining «Ijobiy...

1-noyabrdan O‘zbekistonda fuqarolarning roziligisiz reklama mazmunidagi SMS-xabarlar va qo‘ng‘iroqlarni yuborishga ruxsat berilmaydi. Tegishli tartib prezidentning davlat xizmatlarini takomillashtirishga qaratilgan qarorida belgilandi.

Reklama faqat abonent roziligi bilan yuboriladi

Yangi tartibga ko‘ra, mobil aloqa orqali tovar, ish yoki xizmatlarni reklama qiluvchi yuridik va jismoniy shaxslar SMS-xabarlarni faqat abonentning yozma yoki elektron roziligi olinganidan keyin yuborishi mumkin bo‘ladi.

Reklama yuboruvchi tizimlar reyestrdan o‘tishi shart

Reklama qo‘ng‘iroqlari va SMS-xabarlarini tarqatish xizmatini ko‘rsatuvchi kompaniyalar o‘z axborot tizimlarini Shaxsga doir ma’lumotlar bazalarining davlat reyestrida ro‘yxatdan o‘tkazgandan keyingina bunday faoliyatni amalga oshirishi mumkin.

Tungi vaqtda reklama tarqatishga cheklov joriy etiladi

Qarorga muvofiq, mobil...

Xalqaro aviakompaniyada ishlashni istagan o‘zbekistonliklar uchun Qatar Airways tomonidan turli yo‘nalishlarda yangi ish imkoniyatlari taqdim etildi. Bu haqda Migratsiya agentligi ma’lum qildi.

Ish o‘rinlari qanday yo‘nalishlarda

Bo‘sh ish o‘rinlari orasida oziq-ovqat xizmati yordamchisi (F&B Food Service Assistant), kichik barista (Junior Barista), barista (Barista), barmen (Bartender), mehmonlarni kutib oluvchi xodim (Hostess), oziq-ovqat va ichimliklar bo‘limi jamoa rahbari (F&B Team Leader), oziq-ovqat va ichimliklar bo‘limi supervayzeri (F&B Supervisor), kassa yordamchisi (Till Assistant), savdo yordamchisi (Sales Assistant), katta savdo yordamchisi (Senior Sales Assistant) hamda do‘kon supervayzeri (Shop Supervisor) lavozimlari mavjud.

Shuningdek, navbatchi menejer (Duty Manager), oshpaz yordamchisi (Demi Chef de...

17-iyul uchun valyutalar kursi yangilandi. Unga ko‘ra, dollar kursi 4,37 so‘mga oshib, 12 093,35 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

9-iyul kuni 16,57 so‘mga tushib, 12 004,75 so‘m bo‘ldi. 10-iyul kuni 63,77 so‘mga tushib, 12 075,98 so‘mni, 13-iyul kuni 63,77 so‘mga tushib, 12 075,98 so‘m bo‘ldi. 14-iyul kuni 16,89 so‘mga oshib, 12 092,87 so‘mni, 15-iyul kuni 27,38 so‘mga tushib, 12 065,49 so‘mni tashkil qildi. 16-iyul kuni 23,49 so‘mga oshib, 12 088,98 so‘mga teng bo‘ldi.

Markaziy bank ma’lumotlariga ko‘ra, yevro 65,45 so‘mga oshib, 13 867,44 so‘mni, rubl esa...

2026-yil 15-iyul kuni Qirg‘izistonning Asman Airlines aviakompaniyasi Tomchi – Toshkent yo‘nalishidagi ilk reysini amalga oshirdi. Bu haqda Uzbekistan Airports ma’lum qildi.

Samolyot Toshkent vaqti bilan soat 11:14 da Toshkent xalqaro aeroportiga qo‘ndi. Mazkur yo‘nalish bo‘yicha Toshkentdan Issiqko‘lga amalga oshirilgan ilk reys bilan 68 nafar yo‘lovchi jo‘nab ketdi.

Parvozlar charter asosida Dash 8-400 turidagi havo kemalarida haftasiga bir marta — chorshanba kunlari amalga oshiriladi. Joriy mavsumda Asman Airlines Toshkent – Tomchi yo‘nalishida qatnovlarni yo‘lga qo‘ygan ikkinchi aviakompaniya bo‘ldi.

Aviakompaniya kuz mavsumiga qadar Toshkent – O‘sh, qishki mavsumda esa Toshkent – Qorako‘l yo‘nalishlari bo‘yicha qatnovlarni yo‘lga qo‘yishni rejalashtirmoqda.

Asman Airlines...

Qashqadaryo viloyatida sobiq mahalla raisi va uning o‘g‘li olti nafar fuqaroning pasport ma’lumotlaridan foydalanib, ularning nomiga kredit rasmiylashtirgani aniqlandi. Holat bo‘yicha jinoyat ishi qo‘zg‘atildi. Bu haqda Bosh prokuratura huzuridagi Departament ma’lum qildi.

Fuqarolarning imzolari soxtalashtirilgan

O‘tkazilgan tekshiruvga ko‘ra,, Qarshi tumani Yangi Xonobod mahallasi sobiq raisi va uning o‘g‘li mahallaga o‘z ishlari bilan kelgan olti nafar fuqaroning pasport ma’lumotlaridan foydalangan.

Ular fuqarolarning imzolarini soxtalashtirib, onlayn savdo do‘konidan kredit evaziga turli maishiy texnikalar sotib olgani aytilmoqda.

187,4 mln so‘mlik zarar yetkazilgan

Tergovga qadar tekshiruvda maishiy texnikalar keyinchalik naqd pulga sotib yuborilgani aniqlangan. Natijada 187,4 mln so‘mlik kredit mablag‘lari...

Qishloq xo‘jaligi sohasidagi elektron xizmatlardan foydalanish yanada qulaylashadi. Agroportal faoliyati va undan foydalanishning yagona tartibi tasdiqlandi.

Agroportal faoliyati tartibga solindi

Hukumat qarori bilan Qishloq xo‘jaligi vazirligining «Raqamli qishloq xo‘jaligi» yagona integratsion platformasidan foydalanish tartibi to‘g‘risidagi nizom tasdiqlandi.

Mazkur nizom qishloq xo‘jaligi subyektlariga agrosanoat yo‘nalishidagi elektron xizmatlarni «yagona nuqta» tamoyili asosida ko‘rsatishga mo‘ljallangan «Raqamli qishloq xo‘jaligi» yagona integratsion platformasi — Agroportaldan foydalanish tartibini belgilaydi.

Operatorning asosiy vazifalari

Nizomga ko‘ra, Agroportal operatori platformaga texnik xizmat ko‘rsatadi, uning samarali va uzluksiz ishlashini ta’minlaydi. Shuningdek, idoraviy axborot tizimlari hamda ma’lumotlar bazalari o‘rtasida elektron ma’lumot almashinuvini tashkil etadi va portalni muntazam...

2026-yil 1-noyabrdan O‘zbekistonda yagona elektron reyestrga kiritilmagan master rejalar asosida qurilish, investitsiya va boshqa shaharsozlik faoliyatini amalga oshirish taqiqlanadi. Bu Prezidentning urbanizatsiya va uy-joy qurilishi sohasidagi islohotlarni jadallashtirishga qaratilgan qarorida belgilandi.

Master rejalar elektron reyestrga kiritiladi

Qarorga ko‘ra, 2026-yil 1-noyabrdan Urbanizatsiya va uy-joy bozorini barqaror rivojlantirish milliy qo‘mitasi master rejalarning yagona elektron reyestrini yuritadi. Ularning raqamlashtirilgan nusxalari ham Milliy qo‘mitada saqlanadi.

Ro‘yxatdan o‘tmagan hujjatlar kuchga ega bo‘lmaydi

Yangi tartibga asosan, elektron reyestrdan o‘tmagan master rejalarni amalga oshirish, shuningdek, ular asosida qurilish, shaharsozlik, investitsiya va boshqa loyihalarni boshlashga yo‘l qo‘yilmaydi.

Bosh reja bo‘yicha kompleks dastur ishlab chiqiladi

2026-yilning birinchi yarmida O‘zbekistonda favqulodda vaziyatlar soni o‘tgan yilning mos davriga nisbatan 28 foizga kamaydi. Yong‘inlar sonida ham pasayish qayd etilib, ko‘rsatkich 12 foizga qisqardi.

Favqulodda vaziyatlarda jabrlanganlar kamaydi

Favqulodda vaziyatlar vazirligi ma’lumotiga ko‘ra, 2026-yilning dastlabki olti oyida favqulodda vaziyatlar oqibatida tan jarohati olganlar soni 50 foizga kamaygan.

Shuningdek, bunday holatlar oqibatida halok bo‘lganlar soni 10 foizga qisqargan.

Yong‘inlar soni ham pasaydi

Hisobot davrida yong‘inlar soni 2025-yilning birinchi yarmiga nisbatan 12 foizga kamaydi.

Yong‘inlar oqibatida tan jarohati olganlar soni 38 foizga, halok bo‘lganlar soni esa 15 foizga kamaygan.

Qaysi obyektlarda yong‘inlar kamaygan

FVV ma’lumotiga ko‘ra, yong‘inlar...