Yangiliklar

10-yanvar sanasi Toshkentda imzolangan tinchlik bitimi, yerosti transportining ilk bor yo‘lga qo‘yilishi va madaniyat olamidagi yo‘qotishlar bilan tarixda qolgan. Kursiv Uzbekistan kunning eng muhim voqealarini xronologik tartibda taqdim etadi.

1863-yili Londonda dunyodagi birinchi metropoliten – «Metropolitan Railway» o‘z faoliyatini boshladi. Paddington va Farringdon bekatlarini bog‘lagan ushbu tarmoqning uzunligi qariyb 6 km bo‘lib, dastlabki kunda 38 ming yo‘lovchi tashilgan. Bu voqea yirik shaharlarda jamoat transporti tizimini tubdan o‘zgartirib yubordi va urbanizatsiya jarayonini tezlashtirdi.

1870-yilda sanoatchi Jon Rokfeller AQShning Ogayo shtatida «Standard Oil» kompaniyasiga asos soldi. Qisqa vaqt ichida neftni qayta ishlash va tashish bo‘yicha monopoliyaga aylangan ushbu korporatsiya Rokfellerni...

AQSh valyutasi 2026-yilning ilk haftasida turlicha dinamiklarni ko‘rsatdi. «Kursiv» nashrining ushbu maqolasida dollar kursining hafta davomidagi o‘zgarishi haqida so‘z boradi.

Yil boshida dollar kursi 20,92 so‘mga tushib, 5-yanvar kuni 12 004,41 so‘mni tashkil etdi. 6-yanvar kuni kurs yana pasaydi. AQSh dollari 52,17 so‘mga arzonlab, 11 952,24 so‘mgacha tushdi. Bu hafta davomidagi eng past ko‘rsatkich bo‘ldi.

7-yanvardan boshlab dollarning mustahkamlanishi kuzatildi. O‘sha kuni kurs 16,35 so‘mga oshib, 11 968,59 so‘mga yetdi. 8-yanvarda o‘sish tezlashdi va dollar 64,69 so‘mga qimmatlab, 12 033,28 so‘mni tashkil qildi.

9-yanvar kuni esa AQSh valyutasi yana sezilarli darajada oshdi. Kurs bir kunda 75,74 so‘mga ko‘tarilib...

Kursiv Uzbekistan 9-yanvar kuni yuz bergan muhim yangiliklarni jamladi.

Quyuq tuman ko‘plab aviareyslar jadvalini izdan chiqardi

O‘zbekistondagi ayrim aeroportlarda kuzatilgan noqulay ob-havo sharoiti sabab bir qator aviareyslar muqobil aeroportlarga yo‘naltirildi. Bu haqda Uzbekistan Airports ma’lum qildi.

Ma’lum qilinishicha, Uzbekistan Airways aviakompaniyasining Nukus – Toshkent (HY18) va Urganch – Toshkent (HY58) reyslari, shuningdek, Krasnodar – Namangan yo‘nalishidagi HY9834 reysi Samarqanddagi muqobil aeroportga yo‘naltirilgan. Shu bilan birga, Centrum Air aviakompaniyasining Istanbul – Toshkent (C6306), FlyOne’ning Jidda – Toshkent (7Q3302), Madina – Toshkent (C63032) reyslari ham Samarqand aeroportiga qo‘ndirildi.

9-yanvar kuni xorijiy valyutalarni qaysi banklarda qulay narxda almashtirish mumkin

Banklar 9-yanvar kungi...

Nubia kompaniyasi yangi o‘yin smartfoni – Red Magic 11 Air’ni taqdim etishga tayyorlanmoqda. Bu haqda Gizmochina nashri ma’lum qildi.

Smart Pikachu insayderining ma’lumotlariga ko‘ra, Red Magic 11 Air qalinligi 7,85 mm, og‘irligi esa 207 g bo‘ladi. Qurilma 7000 mA·soat sig‘imli akkumulyator bilan jihozlanadi. Shuningdek, 120 Vt quvvatli zaryadlash, 6,9 dyuymli ekran, 24 GB RAM, sovitish tizimi va Snapdragon 8 Elite platformasiga ega bo‘ladi.

Ma’lumot uchun, ushbu model Red Magic 11 Pro’dan bir daraja pastroq o‘rin egallaydi. Flagman modellarda akkumulyator kattaroq, platforma kuchliroq, ammo qurilma qalinroq va og‘irroq (8,9 mm va 230 g) chiqqan bo‘ladi.

Eslatib o‘tamiz, avvalroq Nubia...

O‘zbekistonda jismoniy shaxslar orasida «Kreditga taqiq» xizmati tobora ommalashib bormoqda. Bu haqda KATM ma’lum qildi.

2026-yil 1-yanvar holatiga ko‘ra, ushbu xizmatga ulanganlar soni 438 322 nafarga yetdi. Foydalanuvchilarning 292 722 nafari erkaklar, 145 600 nafari esa ayollardan iborat.

2025-yil 1-oktabr holatiga ko‘ra, «Kreditga taqiq» xizmatiga jami 149,5 ming nafar jismoniy shaxs ulangan. Ulardan 101,5 ming nafari erkaklar, 48 mingga yaqini ayollar bo‘lgan.

Ma’lumot uchun, «Kreditga taqiq» xizmati jismoniy shaxslarga firibgarlik va nojo‘ya kredit operatsiyalaridan himoyalanish imkonini beradi. Foydalanuvchilar ushbu xizmatni onlayn va oflayn shaklda mustaqil ravishda yoqish yoki o‘chirish huquqiga ega.

Eslatib o‘tamiz, avvalroq Kredit tashkilotlarida iste’molchilarga xizmat...

Xitoyning BYD kompaniyasi elektromobillar bozorida muhim yangilikni taqdim etdi. Ishlab chiqaruvchining ma’lum qilishicha, yangi avlod elektromobillari besh daqiqada 400 kilometrgacha yo‘l bosish uchun yetarli quvvat olishi mumkin.

Bu ko‘rsatkich elektromobilni quvvatlash jarayonini deyarli an’anaviy benzin quyish tezligiga yaqinlashtiradi.

Yangi texnologiya Super e-Platform deb nomlangan arxitektura asosida ishlab chiqilgan. Uning asosiy elementi – Flash-Charging Battery bo‘lib, u 1000 ampergacha tok va 1000 volt kuchlanishga bardosh bera oladi. Natijada quvvatlash jarayonida maksimal quvvat 1 000 kVt (1 MVt) ga yetadi. Bunday yuqori kuchlanishli tizim batareya, elektromotor va kuch elektronikasi ishini optimallashtirib, ichki energiya yo‘qotishlarini kamaytiradi.

Platformada, shuningdek, 30 ming aylanish/daqiqagacha...

Yevropa Ittifoqi Suriyaga urushdan keyingi tiklanish, ikki tomonlama yordam va gumanitar ko‘mak uchun 620 mln yevro ajratadi. Bu haqda Reuters agentligi ma’lum qildi.

Yevrokomissiyasi prezidenti Ursula fon der Leyenning ta’kidlashicha, Assad rejimi ostida yillar davomida yuzaga kelgan vayronagarchilikdan so‘ng, Suriyaning tiklanish va qayta qurilish ehtiyojlari ulkan. U bu holatni o‘z ko‘zlari bilan ko‘rganini aytdi.

Fon der Leyen Yevropa Ittifoqi Suriya bilan hamkorlik kelishuvini tiklash bo‘yicha muzokaralarni boshlashni rejalashtirayotgani va 2026-yilning birinchi yarmida yuqori darajadagi uchrashuvlarni o‘z ichiga olgan yangi siyosiy hamkorlikni yo‘lga qo‘yishini ma’lum qildi.

O‘tgan yili Yevropa Ittifoqi Suriyaga nisbatan iqtisodiy sanksiyalarni bekor qilgan edi. Bu qaror...

Hindistonda qish mavsumida kuzatilayotgan sovuq ob-havo banan yetishtirish jarayoniga jiddiy salbiy ta’sir ko‘rsatmoqda. Bu haqda EastFruit nashri ma’lum qildi.

Xususan, Maxarashtra va boshqa yirik ishlab chiqarish hududlarida hosil kamaygani hamda mevalar sifati yomonlashgani qayd etilmoqda.

Mahalliy fermerlar haroratning keskin pasayishi bananlarning pishish jarayonini sekinlashtirganini, sovuqdan zararlanmagan mahsulotlar esa juda kam qolganini ta’kidlashmoqda. Solapur shahridagi Trimurti Fruit Company vakili Abhijit Patilga ko‘ra, yanvar oyida fermer xo‘jaliklarida banan narxi 1 kilogramm uchun o‘rtacha $0,27 gacha tushgan. Sovuqdan zarar ko‘rgan mahsulotlar esa $0,22 atrofida sotilmoqda.

Yetkazib berish hajmlarining qisqarishi Maxarashtra, Andxra-Pradesh, Gujarat va Madxya-Pradesh kabi hududlarda yanada sezilmoqda. Ayrim banan navlari...

Rossiyada migratsiya siyosatini takomillashtirishga qaratilgan qonun loyihalari tayyorlanmoqda. Bu haqda Interfaks nashri ma’lum qildi.

Rossiya davlat dumasining spikeri Vyacheslav Volodinning ma’lum qilishicha, Rossiyaga uch oydan ortiq muddatga kelgan barcha chet ellik fuqarolar uchun majburiy tibbiy ko‘rik muddati 90 kundan 30 kungacha qisqartirilishi rejalashtirilgan.

Shuningdek, tibbiy tashkilotlar migrantlar bo‘yicha rasmiy xulosalarni Ichki ishlar vazirligiga, yuqumli kasallik aniqlangan hollarda esa «Rospotrebnadzor»ga xabar berishga majbur qilinadi, bu esa zarur hollarda migrantni tezkorlik bilan deportatsiya qilish imkonini beradi.

Qonun loyihasida migrantlarning tibbiy ko‘rikdan bo‘yin tovlashi uchun ma’muriy javobgarlik joriy etish, bunday holatda jarima va sud qarori bilan deportatsiya qilish nazarda tutilgan...

Adliya organlari tomonidan Hofmann tovar belgisidan noqonuniy foydalanish holati aniqlandi. Bu haqda Adliya vazirligi xabar berdi.

Unga ko‘ra, HOFMANN tovar belgisiga egalik qiluvchi «M.T.» MChJ ustidan kelib tushgan murojaat asosida o‘rganish ishlari olib borilgan. Tekshiruv davomida boshqa bir xo‘jalik yurituvchi subyekt tomonidan fonetik jihatdan Hofmann brendiga o‘xshash bo‘lgan Hofmanns nomi ostida kontrafakt mahsulotlar sotuvga chiqarilgani aniqlangan.

Adliya organlari xulosasiga ko‘ra, mazkur holat tovar belgisiga bo‘lgan huquqlarning buzilishi hisoblanadi. Amaldagi qonunchilikka muvofiq, o‘zganing tovar belgisidan ruxsatsiz foydalanish va bu orqali katta miqdorda zarar yetkazish jinoiy javobgarlikka ham sabab bo‘lishi mumkin.

Aniqlangan qonunbuzarlik uchun «M.T.» MChJga nisbatan bazaviy hisoblash miqdorining...

Paylov Humans vakillari tomonidan e’lon qilingan munosabatga rasmiy pozitsiyasini bildirdi. Bu haqda kompaniyaning Telegram sahifasida ma’lum qilindi.

Kompaniya jabr ko‘rgan mijozlarga yetkazilgan ehtimoliy zarar faqat qonuniy, shaffof va to‘liq tartibda qoplanishi lozimligini ta’kidladi. Shu bilan birga, barcha rasmiy tekshiruvlar yakunlanmaguniga qadar jamoatchilikka faqat tasdiqlangan ma’lumotlar e’lon qilinishi muhim ekani qayd etildi.

Markaziy bank tomonidan Paylov’ga nisbatan chuqurlashtirilgan tekshiruv o‘tkazilgan va regulyatorga barcha zarur texnik ma’lumotlar taqdim etilgan. Shuningdek, kompaniya 2025-yil noyabr oyida PCI DSS xalqaro xavfsizlik standarti bo‘yicha, 2025-yil dekabr oyida esa Uzcard tizimi tomonidan o‘tkazilgan yillik auditdan muvaffaqiyatli o‘tganini bildirgan. Potensial firibgarlik alomatlari qayd etilgan barcha bank...

Meta Platforms 9-yanvar kuni AQShdagi uchta energetika kompaniyasi bilan 20 yillik shartnomalar imzolaganini e’lon qildi. Bu haqda Reuters xabar bermoqda.

Kompaniya Vistra korporatsiyasiga tegishli Perry va Davis-Besse, shuningdek, Pensilvaniyadagi Beaver Valley atom elektr stansiyalaridan elektr energiyasi sotib oladi. Mazkur kelishuv ushbu stansiyalarning ishlash muddatini uzaytirish va infratuzilmani kengaytirishga moliyaviy ko‘mak beradi.

Shuningdek, Meta kichik modulli reaktorlar (SMR) sohasida faoliyat yurituvchi Oklo va milliarder Bill Geyts tomonidan qo‘llab-quvvatlanadigan TerraPower kompaniyalari bilan hamkorlikni yo‘lga qo‘ydi. Oklo bilan hamkorlik 2030-yildan boshlab 1,2 GVt quvvat olishni, TerraPower bilan esa 2032-yilga kelib 690 MVt quvvat yaratishni maqsad qilgan.

Meta global masalalar bo‘yicha rahbari Joel...

Honor kompaniyasi 2025-yilda rekord darajada 71 mln dona smartfon yetkazib berdi, deb xabar berdi GSM Arena. Shundan 10 milliontasi flagman modellarga to‘g‘ri keladi.

Smartfon savdosining 50 foizi Xitoydan tashqaridagi bozorlarga to‘g‘ri kelib, ushbu o‘sishiga Magic7 seriyasi katta hissa qo‘shgan. Honor 2024-yildagi kuchli natijalarini davom ettirib, yetkazib berish hajmi bo‘yicha yiliga 50 foizlik o‘sishga erishdi.

Hozirda brend Lotin Amerikasi, Yaqin Sharq va Afrika mamlakatlarini o‘z ichiga olgan 17 ta bozorda 10 foizdan ortiq ulushga ega.

Bundan tashqari, Honor Malayziyada yetakchi brendga aylandi. Mamlakatda kompaniya smartfon bozorining 18 foizdan ortig‘ini, planshetlar bozorining esa 30 foizini egallagan.

Endilikda kompaniya sun’iy...

BMTning yangi hisobotiga ko‘ra, postsovet mamlakatlarida iqtisodiy o‘sish 2025-yilda 2,2 foizdan 2026-yilda 2,1 foizgacha pasayadi.

Kavkaz va Markaziy Osiyo mamlakatlari uchun ulardan Rossiya bilan savdo qilish uchun yuk tashish markazlari sifatida foydalanish bilan bog‘liq ta’sir asta-sekin kamayib bormoqda. Biroq hududdagi aksariyat mamlakatlar kuchli ichki talab bilan qo‘llab-quvvatlanadigan barqaror o‘sishni boshdan kechirishda davom etmoqda.

Ijobiy dinamikaning asosiy omillari real daromadlarning o‘sishi va ishsizlikning pasayishi bilan qo‘llab-quvvatlanadigan kuchli shaxsiy iste’mol, pul o‘tkazmalarining barqaror oqimi va uy xo‘jaliklarini kreditlashning tez o‘sishi hisoblanadi. Ta’kidlanishicha, davlat investitsiyalari, jumladan, mintaqaviy infratuzilma loyihalari ham iqtisodiy o‘sishga hissa qo‘shgan.

Hisobotda yozilishicha, postsovet iqtisodiyotlarining AQSh bozoriga cheklangan...

9 – 11-yanvar kunlari O‘zbekiston bo‘ylab yog‘ingarchiliksiz ob-havo kuzatiladi va havo harorati ko‘tarilishi kutilmoqda. Dam olish kunlariga kelib kunduzgi harorat 15 daraja iliqqacha yetadi.

Ta’kidlanishicha, bugun va dam olish kunlari mamlakatning barcha hududlarida havo ochiq bo‘lishi, biroq ayrim joylarga tuman tushishi kutilmoqda. Shamol sharqdan o‘rtacha tezlikda esadi. Ushbu kunlarda havo harorati bosqichma-bosqich ko‘tarilib boradi.

9-yanvar kuni kunduzi havo harorati 8-11 darajani tashkil etsa, shanba va yakshanba kunlari ko‘rsatkich 12-15 daraja iliqqacha ko‘tariladi. Kechasi va tongda ham iliqlashish kuzatilib, yakshanba kuniga kelib tungi harorat 0-3 daraja iliq bo‘lishi taxmin qilinmoqda.

Toshkent shahrida ham yog‘ingarchilik kutilmaydi, shamol tezligi 3-8 m/s ni...

«Bojxona ma’muriyatchiligi va tashqi savdo tartibotlarini yanada soddalashtirish hamda samaradorligini oshirish chora-tadbirlari to‘g‘risida»gi farmonga ko‘ra, «Bobotog‘» bojxona punkti hamda «Uchto‘rg‘on», «Pop», «Rovot», «Rishton» va «Bekobod avto» chegara bojxona posti tugatilishi ma’lum qilingandi. Holatga Bojxona qo‘mitasi rasmiy izoh berdi.

Bojxona qo‘mitasi raisining matbuot kotibi Husan Tangriyevning aniqlik kiritishicha, farmon bilan bojxona ma’muriyatchiligini soddalashtirish maqsadida yuqoridagi oltita bojxona posti va punktida sinov tariqasida yangi tartib joriy etiladi.

Unga ko‘ra, 2026-yil 31-dekabrgacha avtotransport vositalarini ko‘zdan kechirish ishlari chegara qo‘shinlari tomonidan amalga oshiriladi. Biroq bu ushbu postlar yopilishini anglatmaydi.

Mazkur o‘zgarishlar bir-birini takrorlaydigan vazifalarni qisqartirishga qaratilgan bo‘lib, ayrim bojxona nazorati tartib-taomillarining chegara qo‘shinlariga...

Qozog‘iston prezidenti Qosim-Jomart Toqayev AQSh prezidenti Donald Trampga «G20» sammitiga taklif uchun minnatdorlik bildirdi. Bu haqda Qozog‘iston rahbari matbuot xizmati xabar qildi.

Bu haqda u elchilar ishonch yorliqlarini topshirish marosimida aytgan. Tadbirda AQShning Ostondagi yangi elchisi ishtirok etdi. Toqayev o‘tgan yili AQShga tashrifi chog‘ida Tramp bilan uchrashuvni do‘stona va mazmunli deb baholagan.

Prezident Ostona va AQSh o‘rtasidagi strategik hamkorlikni turli yo‘nalishlarda rivojlantirish davom ettirilishini ta’kidladi.

«Biz strategik sheriklikni ko‘plab yo‘nalishlarda qo‘llab-quvvatlash va mustahkamlash uchun barcha sa’y-harakatlarni amalga oshiramiz», – degan qo‘shni davlat rahbari.

Eslatib o‘tamiz, Kursiv Uzbekistan nashri Toqayev MDH yetakchilarning jismoniy holatini...

Reuters’ning yozishicha, 2025-yilda Afg‘onistonning tashqi savdosi, Pokiston bilan bog‘liq qiyinchiliklarga qaramay, Eron va Markaziy Osiyo orqali muqobil yo‘llar yaratilgani tufayli barqaror bo‘lib qoldi.

Pokiston bilan munosabatlarning yomonlashishi oqibatida Afg‘oniston eksport va import kompaniyalari yuklarni boshqa yo‘nalishlar bo‘yicha qayta yo‘naltirdi. Erondagi Chobahor porti, shuningdek, O‘zbekiston, Turkmaniston va Tojikiston orqali quruqlikdagi yo‘nalishlar asosiy tranzit punktlari sifatida tanlandi. Agentlik ma’lumotlariga ko‘ra, Afg‘onistonning 2025-yildagi umumiy tashqi savdosi taxminan $13,9 milliardni tashkil etdi.

Shundan eksport taxminan $1,8 milliardga teng, bu 2024-yilga nisbatan umuman barqaror ko‘rsatkich, import esa $12,1 milliarddan sal ko‘proqqa oshdi. Hindiston, Pokiston va Markaziy Osiyo mamlakatlari afg‘on tovarlari uchun asosiy bozorlar bo‘lib...

O‘zbekistonlik 12 yoshli shaxmatchi Sarvinoz Begmuratova FIDE ayollar o‘rtasidagi sport ustasi unvoniga sazovor bo‘ldi. Bu haqda O‘zbekiston shaxmat federatsiyasi raisning birinchi o‘rinbosari Alisher Sa’dullayev xabar berdi.

Sarvinoz Begmuratova ushbu unvonni qo‘lga kiritish orqali O‘zbekiston shaxmatida yangi sahifa ochdi. Bungacha hech bir o‘zbekistonlik shaxmatchi qiz 12 yoshida xalqaro toifadagi bunday martabaga erishmagan edi.

Ayni paytda maktabning oltinchi sinfida tahsil olayotgan Sarvinoz endilikda jahon shaxmatining nufuzli vakillari bilan bir qatorda e’tirof etilmoqda. Xalqaro shaxmat federatsiyasi tasnifiga ko‘ra, WFM (Woman FIDE Master) unvoni professional shaxmatdagi muhim bosqichlardan biri hisoblanadi.

Avvalroq Kursiv Uzbekistan Javohir Sindarov da’vogarlar turnirida ishtirok etishi haqida xabar bergan...

Pensiya jamg‘armasi pensiya miqdorini idoralarga bormasdan bilish qo‘llanmasini berdi. Unga ko‘ra, buni Telegram’dagi maxsus bot orqali amalga oshirish mumkin.

Telegram’da @pensiyauzbot botiga kirib, menyudan «Pensiya summasi» tugmasi tanlanadi. Shundan so‘ng qaysi yil va oy uchun pensiya miqdorini bilmoqchi ekaningizni ko‘rsatasiz. Bot avtomatik tarzda pensiya miqdori haqidagi ma’lumotni taqdim etadi.

Ammo botdan foydalanish uchun pensionerning mobil telefon raqami SMS-Pensiya xizmatiga ulangan bo‘lishi kerak. Agar telefon raqami ushbu xizmatga ulanmagan bo‘lsa, my.gov.uz portali orqali SMS-Pensiya xizmatini faollashtirish mumkin. Bu usul pensiya haqidagi ma’lumotni tez va qulay olish imkonini beradi.

Eslatib o‘tamiz, avvalroq 2026-yilda mehnat daftarchasisiz qanday pensiyaga chiqish mumkinligi haqida...

O‘zbekiston axborot agentligining yozishicha, prezident farmoni ijrosi doirasida mamlakatda o‘nlab bojxona postlari faoliyati to‘xtatiladi.

Xususan, «Bojxona ma’muriyatchiligi va tashqi savdo tartibotlarini yanada soddalashtirish hamda samaradorligini oshirish chora-tadbirlari to‘g‘risida»gi farmoniga ko‘ra, «Bobotog‘» bojxona punkti hamda «Uchto‘rg‘on», «Pop», «Rovot», «Rishton» va «Bekobod avto» chegara bojxona posti tugatiladi.

Ushbu chegara o‘tkazish punktlarida joriy yildan boshlab sinov tariqasida avtotransport vositalarini ko‘zdan kechirish ishlari faqatgina chegara qo‘shinlari tomonidan amalga oshirilishi belgilanmoqda.

Shuningdek, Masofaviy elektron deklaratsiyalash (MED) tizimi faoliyati qayta tashkil etiladi. Jumladan, bunda Andijon, Buxoro, Namangan, Samarqand, Toshkent va Farg‘ona viloyatlaridagi MED bojxona postlari faoliyati to‘xtatiladi.

Tugatilayotgan bojxona postlarining shtat birliklari «Bojxona...

12-yanvar uchun valyutalar kursi yangilandi. Unga ko‘ra, dollar 22,53 so‘mga oshib, 12 131,55 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

AQSh valyutasi yilni pasayish (20,92 so‘m) bilan boshlab, 5-yanvar kuni 12 004,41 so‘mga tenglashdi. 6-yanvar kuni dollar 52,17 so‘mga pasayib, 11 952,24 so‘mni tashkil etgan edi. 7-yanvar kuni 16,35 so‘mga oshib, 11 968,59 so‘mga, 8-yanvarda 64,69 so‘mga oshib, 12 033,28 so‘mga, 9-yanvarda esa 75,74 so‘mga oshib, 12 109,02 so‘mga yetdi.

Markaziy bank ma’lumotlariga ko‘ra, yevro 14,94 so‘mga tushib, 14 124,76 so‘mni, rubl 3,23 so‘mga oshib, 153,54 so‘mni tashkil...

«Manchester Siti» 9-yanvar kuni «Bornmut» hujumchisi Antuan Semenyoni rasman o‘z safiga qo‘shib oldi. Bu haqda klub matbuot xizmati xabar bermoqda. 26 yoshli futbolchi bilan 2031-yilgacha mo‘ljallangan besh yarim yillik shartnoma imzolandi.

Antuan Semenyo Pep Gvardiola jamoasiga darhol qo‘shiladi va kelasi seshanba kuni «Nyukasl»ga qarshi bo‘lib o‘tadigan Angilya kubogi yarim final uchrashuvida maydonga tushish mumkin. Ganalik futbolchi joriy 2025/26-yilgi mavsumda «Bornmut» safida 21 ta o‘yinda maydonga tushib, 10 ta gol urdi va 3 ta golli uzatmani amalga oshirdi.

«Antuan kamtarin, mehnatkash va professional futbolchi. U biz qo‘ymoqchi bo‘lgan o‘yin uslubiga juda mos keladi», — dedi «Manchester...

Qirg‘iziston Davlat soliq xizmati 2024-yil uchun davlat va munitsipal xodimlarning soliq deklaratsiyalari bo‘yicha konsolidatsiyalangan ma’lumotlarni e’lon qildi.

Unda qayd etilishicha, prezident Sadir Japarovning daromadi 2,2 mln somni (taxminan $25,3 ming) tashkil etgan. Xarajatlar aniq ko‘rsatilmagan.

Prezident 2627 kvadrat metrlik biznes markaziga, Issiqko‘l viloyatining Tyup tumanida 63 akr (taxminan 25,5 gektar) qishloq xo‘jaligi yeriga va 21 akr (taxminan 8,5 gektar) yer uchastkasiga egalik qiladi. Uning shaxsiy mulki orasida 100 ming somlik ($1143) «Jiguli» avtomobili ham bor.

Shuningdek, hisobotda davlat rahbari tomonidan 1,1 mlrd som (taxminan $13,3 mlrd) pul yuvgani ko‘rsatilgan.

Uning yaqin qarindoshlarining daromadi 29, 7 mln somni (taxminan...