Yangiliklar

AQShning O‘zbekistondagi elchixonasi 2027-yilgi Diversity Visa (Green Card) lotereyasi bo‘yicha tarqalgan yolg‘on ma’lumotlarni rad etdi. Bu haqda elchixona Telegram kanalida ma’lum qilindi.

Diplomatik vakolatxona hozircha ariza topshirish jarayoni boshlanmaganini ma’lum qildi. Elchixonaning ta’kidlashicha, internetda va ayrim shaxslar tomonidan ro‘yxatdan o‘tish boshlangan, g‘oliblik imkoniyatingizni oshirib beramiz kabi da’volar tarqalmoqda. Rasmiy ma’lumotlarga ko‘ra, bunday xizmatlar yolg‘on va fuqarolarni chalg‘itishga qaratilgan.

Davlat departamenti DV-2027 uchun aniq sanalarni va ariza topshirish qoidalaridagi ehtimoliy o‘zgarishlarni tasdiqlagach, bu haqda ommaga rasmiy ravishda e’lon qiladi.

Elchixona fuqarolardan faqat rasmiy manbalarga ishonishni, shubhali xizmatlarga murojaat qilmaslikni tavsiya etdi.

Avvalroq Kursiv Uzbekistan Green Card’ga ariza topshirish muddati o‘zgarishi...

5-dekabr uchun valyuta kurslari e’lon qilindi. Shu kun uchun AQSh valyutasi 11 963,23 so‘m (+50,85 so‘m) etib belgilandi. Bu haqda Markaziy bank xabar bermoqda.

Dollarning so‘nggi kunlardagi o‘zgarishi

26-noyabr kuni AQSh valyutasi 11 936,89 so‘mga (-51,43 so‘m), 27-noyabr kuni 11 881,60 so‘mga (-55,29 so‘m), 28-noyabr kuni  AQSh valyutasi 11 902,30 so‘mga (+20,7 so‘m) tenglashgan. 1-dekabr kuni dollar 11 940,95 so‘m (+38,65 so‘m), 2-dekabr kuni esa 11 895,57 so‘m (-45,38 so‘m) etib belgilandi. 4-dekabr kuni esa 11 912,38 so‘mga (+31,45 so‘m) tenglashdi.

Markaziy bank ma’lumotlariga ko‘ra, yevro 97,5 so‘mga oshib, 13 970,66 so‘mni, rubl esa 1,96 so‘mga oshib, 155,35 so‘mni tashkil qildi.

Eslatib o‘tamiz, Kursiv Uzbekistan hafta...

Asia Alliance Bank kompaniya bilan tuzilgan shartnomalar muntazam buzilgani va majburiyatlar bajarilmagani sababli Humans guruhiga nisbatan sud orqali qarzni undirish jarayonini boshlaganini ma’lum qildi. Bu haqda bankning rasmiy Telegram kanalida ma’lum qilindi.

Unga ko‘ra, so‘nggi kunlarda bir nechta anonim Telegram kanallarda Humans’ning turli kompaniyalar oldidagi katta miqdordagi qarzlari haqida xabarlar tarqaldi. Unga ko‘ra, kompaniyaning Yandex oldidagi qarzi $13,3 mln, Octobank oldidagi qarzi 533 mlrd so‘m, Asia Alliance Bank oldidagi qarzi esa $3,9 mln ekani haqida da’volar ilgari surilgan edi.

Asia Alliance Bank ushbu xabarlar yuzasidan rasmiy izoh berib, kompaniya haqiqatan ham bank oldida bir qator moliyaviy majburiyatlarga ega ekanini...

Paramount Skydance kompaniyasi Warner Bros Discovery’ni sotib olish bo‘yicha shartnoma bekor qilingan taqdirda to‘lanadigan jarima miqdorini $2,1 mlrddan $5 mlrdga oshirdi. Bu haqda Bloomberg vaziyatdan xabardor manbalarga tayanib xabar bermoqda.

Ushbu mablag‘ agar tomonlar kelishuvga erishsa, ammo bitim yakuniga yetkazilmasa Warner Bros hisobiga o‘tkaziladi. Tahlilchilarning fikricha, to‘lov miqdorining keskin oshirilishi Paramount o‘zi taklif qilayotgan birlashuv jarayoni regulyatorlar tomonidan tasdiqlanishiga ishonchi baland ekanligidan dalolat beradi. Hozircha Paramount Skydance va Warner Bros Discovery ushbu xabar yuzasidan rasmiy izoh berishdan bosh tortgan.

Warner Bros Discovery 1-dekabr kuni xaridorlardan takliflarning ikkinchi bosqichini qabul qilib oldi. Reuters agentligining ma’lum qilishicha, da’vogarlar orasida Netflix...

Telegram yaqin orada parolsiz avtorizatsiya — Passkey funksiyasini ishga tushirishi mumkin. Bu haqda yangi imkoniyatni sinovdan o‘tkazayotgan Telegram Info ma’lum qildi.

Messenjerdan kirishning Beta-versiyasi (Android 12.2.8) ichida Passkey tizimining dastlabki elementlari allaqachon ko‘rinmoqda. Bu funksiya telefon raqami yoki SMS-kod kiritmasdan hisobga kirish imkonini beradi.

Eng muhimi, u Google yoki Apple ID orqali avtorizatsiyaga o‘xshamaydi. Kirish to‘liq parol boshqaruvchisi orqali amalga oshadi. Ilovaning bosh sahifasida yangi tugma – Passkey orqali kirish paydo bo‘lgan. Uni bosganingizda parol boshqaruvchisi ishga tushadi va biometriya (yuz, barmoq izi) yoki PIN orqali sizning shaxsingizni tasdiqlaydi. So‘ngra tizim Telegram’ga maxsus kirish kalitini yuboradi. Bu kalit...

Germaniyaning avtomobillar xavfsizligini majburiy tekshiruvdan o‘tkazuvchi TÜV Rheinland tashkiloti hisobotida Tesla Model Y oxirgi o‘n yil ichida tekshiruvdan o‘tgan avtomobillar orasida eng ishonchsiz model sifatida qayd etildi.

Tashkilot mutaxassislari 9,5 mln avtomobilning texnik ko‘rik natijalarini tahlil qilgan. Hisobotda 2-3 yillik avtomobillar toifasida Tesla Model Y so‘nggi o‘rinni egallagani qayd etilgan. Ma’lumotlarga ko‘ra, ushbu modellarning 17,3 foizi texnik ko‘rikdan o‘ta olmagan.

Bundan tashqari, Tesla Model Y TÜV tarixidagi eng past bahoni olgan model sifatida qayd etildi. Mutaxassislar buni avtomobilning foydalanish jarayonidagi barqarorligi va texnik sifat ko‘rsatkichlari pastligi bilan izohladi.

Hisobotda asosan osma tizimi va tormoz komponentlari Tesla uchun eng muammoli...

Xitoy elektromobillari bozorda tobora faol harakat qilmoqda. Arzon narx, zamonaviy dizayn va kuchli texnik ko‘rsatkichlar ularni ko‘pchilik uchun qiziqarli bo‘ladi. 2024-yilda ishlab chiqarilgan Deepal S07 elektromobili bilan bog‘liq holat Xitoy elektromobillarining zaif tomonlari va bartaraf etish kerak bo‘lgan ishlarini ochib berdi.

33 ming km masofa bosib o‘tilgach, avtomobil egasi 60 km/soatdan yuqori tezliklarda kuchli vibratsiya va taqillatish ovozlarini sezgan. Mashina boshqa shahardan Olmaotaga servisga yetkazilgan va tekshiruv natijasida muammoning sababi tez aniqlangan: orqa reduktor nosozligi.

Avvaliga jiddiy muammo deyarli sezilmagan. Xatoliklar qayd etilmagan, avtomobil yurishda davom etgan, reduktordagi moy almashtirilmagan edi. Ammo moyni to‘kib ko‘rishganda, unda me’yoridan ortiq...

4-dekabr holatiga ko‘ra, O‘zbekiston foydalanuvchilari uchun ChatGPT Go obunasining narxi pasaydi. Endi ushbu tarif oyiga $4 etib belgilanmoqda. Avval obuna $5 turardi.

Narxdagi o‘zgarish ChatGPT interfeysida qayd etildi. Ayniqsa, O‘zbekiston hududida ochilgan akkauntlarda obunalar bo‘limida yangi qiymat aynan $4 sifatida ko‘rinmoqda.

OpenAI tomonidan rasmiy bayonot e’lon qilinmagan. Shu sababli narx pasayishi keng miqyosli siyosatmi yoki hududiy sinov dasturimi ekani noma’lum bo‘lib qolmoqda.

ChatGPT Go tarif rejasi 2025-yilda ishga tushirilgan. U ChatGPT Plus uchun arzon muqobil sifatida taklif etiladi. Asosan rivojlanayotgan bozor molik mamlakatlar uchun mo‘ljallangan. Tarif bepul versiyaga nisbatan kengroq imkoniyatlar, yuqoriroq limitlar va tezroq ishlashni ta’minlaydi.

Boshqa davlatlar...

Ijtimoiy tarmoqlarda karta ochtirgan voyaga yetmaganlarda kartani mobil ilovaga biriktirish bilan bog‘liq muammolar yuzaga kelayotgani bildirilgan. Markaziy bank holat bo‘yicha rasmiy munosabat bildirdi.

Unga ko‘ra, Markaziy bank banklar va to‘lov tashkilotlariga alohida ko‘rsatma yubordi. Unda voyaga yetmaganlar uchun mobil ilovadan foydalanish imkoniyatini yaratish, xavf yuqori bo‘lgan operatsiyalar esa qo‘shimcha identifikatsiya bilan himoyalanishi kerakligi aytilgan.

Markaziy bank yaqin kunlarda voyaga yetmaganlar o‘z bank kartalaridan mobil ilovalar orqali bemalol foydalanishi mumkinligini qo‘shimcha qildi.

Eslatib o‘tamiz, «Bank hisobvaraqlarini ochish, yuritish va yopish tartibi toʻgʻrisidagi yoʻriqnoma»ga kiritilgan o‘zgarishlarga asosan 14 yoshdan 18 yoshgacha bo‘lgan o‘smirlar o‘zlari mustaqil ravishda tijorat banklarida bank kartasi ochish...

Avvalroq «Kursiv» nashri 1-dekabrdan O‘zbekistonda AI-80 benzini sotuvi to‘xtatilishi haqida yozgandi.

Respublika bo‘ylab aholiga sifatli va ekologik toza yonilg‘i yetkazib berish maqsadida Ai-80 markali avtobenzin savdosi bo‘yicha nazorat kuchaytirildi. Mazkur yonilg‘i turi vaqtincha sotuvdan olinishi ortidan respublika bo‘ylab AYOQShlarda tekshiruvlar olib borilmoqda.

26-noyabrdan 2-dekabrgacha tashkil etilgan navbatdagi monitoring davomida 90 ta yoqilg‘i quyish shoxobchasidan 191 ta namuna olindi. Laboratoriya tahlillari 23 ta holatda jami 306 430 litr benzinda davlat standartlariga zid nuqsonlar borligini ko‘rsatdi.

Yil boshidan buyon o‘tkazilgan keng qamrovli sifat nazorati jarayonida esa 632 ta obyekt o‘rganilib, ulardan 210 tasida 8,57 million litr sifatsiz neft mahsulotlari aniqlangan...

Ikki kun oldin Guliston shahridagi umumiy ovqatlanish shoxobchalaridan birida gaz balloni portlab, 29 nafar odam jarohat olgan edi. 4-dekabr kuni Shavkat Mirziyoyev Sirdaryoga tashrifi doirasida shifoxonaga borib, ulardan xabar oldi, yaqinlari bilan suhbatlashdi.

Eslatib o‘tamiz, 2-dekabr kuni Sirdaryo viloyatining Guliston shahridagi «Uz Bek Family» MChJga qarashli ovqatlanish shoxobchasida gaz va havo aralashmasining chaqnashi oqibatida yong‘in sodir bo‘ldi.

Hodisa natijasida 29 nafar fuqaro turli darajada tan jarohati oldi. Ulardan 3 nafari vafot etdi. Mazkur portlash yuzasidan Hukumat komissiyasi tuzilgan bo‘lib, komissiyaga prezident topshirig‘iga binoan Ochilboy Ramatov boshchilik qiladi. Voqea sabablarini atroflicha o‘rganish, jabrlanganlarga yordamni muvofiqlashtirish hamda kelgusida bunday hodisalarning...

LEGO mashhur Stranger Things seriali asosida yaratilgan yangi konstruktori Icons Stranger Things: The Creel House to‘plamini taqdim etdi. Bu haqda Afisha Daily nashri xabar berdi.

Yangi model 2593 ta detalldan iborat bo‘lib, serialning 4–5-mavsumlaridagi muhim lokatsiya — Kril uyini tasvirlaydi. To‘plam tarkibidan serialning barcha bosh qahramonlari minifiguralari, shuningdek Stivning avtomobili, WSQK radiostansiyasi furgoni va Uillning velosipedi ham o‘rin olgan.

LEGO xabariga ko‘ra, Icons Stranger Things: The Creel House to‘plami 2026-yil 1-yanvardan sotuvga chiqariladi. Bu sanada serialning final epizodi ham namoyish etiladi. Narxi $299 qilib belgilangan.

Serialning beshinchi — yakuniy mavsumi hozirda Netflix’da namoyish etilmoqda. Dastlabki to‘rt qism 26-noyabrda chiqdi...

Yevropa Ittifoqi 2027-yil oxiriga qadar Rossiya tabiiy gazi importini bosqichma-bosqich to‘xtatishga kelishib oldi. Bu haqda CNN xabar bermoqda.

Kelishuvga ko‘ra, Yevropa Ittifoqi suyultirilgan tabiiy gaz importini 2026-yil oxirigacha, quvur orqali keladigan gazni esa 2027-yil sentabr oyi yakuniga qadar to‘xtatadi. Bu qaror Yevrokomissiyaning iyun oyida kiritgan takliflari asosida qabul qilindi.

«Bugun biz ushbu importni butunlay to‘xtatmoqdamiz», – dedi Yevrokomissiya prezidenti Ursula fon der Lyayen.

Uning so‘zlariga ko‘ra, bu Putinning «urush g‘aznasi»ni qisqartirishga va Ukraina bilan birdamlikni namoyish etishga xizmat qiladi.

Uzoq muddatli shartnomalar uchun so‘nggi muddatlar mos ravishda 2027-yil boshi va 2026-yil oktabr etib belgilangan...

Nubia kompaniyasi yuqori darajada himoyalangan yangi Nubia S2 smartfonini rasman tanishtirdi. Qurilma katta ekran, mustahkam konstruktsiya va kamyob himoya standartlari bilan ajralib turadi.

Smartfon 6,7 dyuymli TFT-displey bilan jihozlangan bo‘lib, uning aniqligi FHD+ (2400×1080 piksel)ni tashkil etadi. Qurilma ichida Unisoc T8100 protsessori o‘rnatilgan. U 6 GB tezkor xotira va 128 GB ichki xotira bilan ishlaydi. Xotirani 1 TBgacha microSD karta orqali kengaytirish imkoniyati mavjud.

S2 8 mm chiqmagan yupqa korpusga ega bo‘lib, 5 100 mA/soat sig‘imli batareya bilan jihozlangan. Eng muhim jihati — smartfon MIL-STD-810H zarbaga chidamlilik standartiga mos keladi. Bundan tashqari, u IP65, IP68 va IP69 darajasidagi suv...

Xalqaro havo transporti assotsiatsiyasi (IATA) 2025-yil oktabr oyidagi statistikani e’lon qildi. Ma’lumotlarga ko‘ra, mazkur oyda yo‘lovchi va yuk tashuvlari segmentlarida sezilarli o‘sish kuzatildi.

Xususan, yo‘lovchi tashuvlariga talab 6,6 foizga oshdi, tashuv quvvati esa 5,8 foizga kengaydi. Shuningdek, xalqaro qatnovlar bo‘yicha o‘sish 8,5 foizni tashkil qildi va ichki tashuvlar 3,4 foizga ko‘tarildi.

Osiyo – Tinch okeani mintaqasi xalqaro reyslar bo‘yicha eng yuqori natijani ko‘rsatdi. Xitoy, Yaponiya va Vyetnam o‘rtasidagi yo‘nalishlarda 10 foizdan yuqori o‘sish qayd etildi. Ichki bozorlarda eng yuqori o‘sish Braziliya (12,4%)da kuzatilgan bo‘lsa, AQSh ikki oylik pasayishdan keyin biroz tiklanishni boshladi.

«Oktabr oyida kuchli talab...

Sirdaryodagi River Med Pharm farmatsevtika korxonasida yiliga 30 mln dona infuzion eritma ishlab chiqariladi. Bu haqda prezident matbuot xizmati xabar bermoqda.

Shavkat Mirziyoyevning Sirdaryo viloyatiga tashrifi aynan shu korxonadan boshlandi. Loyihaning umumiy qiymati $30 mlndan ortiqni tashkil etadi. Hozirda korxonada 750 nafar xodim doimiy ish bilan ta’minlangan. Ishlab chiqarish hajmi yiliga 70 turdagi, jami 114 mln dona dori vositalarini tashkil etadi, mahsulot qiymati esa 135 mlrd so‘mga teng. Tayyor mahsulotlarning 20 foizi eksport qilinmoqda, bu esa korxonaning xalqaro bozorda ham raqobatbardosh ekanini ko‘rsatadi.

Noyabr oyida loyihaning ikkinchi bosqichi ishga tushirilishi natijasida ishlab chiqarish quvvatlari yanada kengaydi. Endilikda korxonada yiliga...

YouTube foydalanuvchilarning yil davomida platformadagi faolligini tahlil qiluvchi yangi Recap – Yil yakunlari funksiyasini taqdim etdi. Bu haqda platformaning rasmiy sahifasida e’lon qilindi.

Hozircha xizmat Shimoliy Amerikada ishga tushgan, boshqa mintaqalarda esa hafta oxirigacha paydo bo‘ladi.

Yangi bo‘limni YouTube bosh sahifasidan yoki You qismidan topish mumkin. Hisobot 12 ta interaktiv kartochkadan iborat bo‘lib, unda foydalanuvchining bir yil ichidagi tomosha qilish odatlari, qiziqishlari va eng ko‘p kuzatilgan kanallari aks etadi.

Alohida blok musiqiy xohishlarga bag‘ishlangan: musiqani ko‘p tinglagan foydalanuvchilar yilning eng sevimli ijrochilari, qo‘shiq va janrlarini ko‘rishi mumkin bo‘ladi.

Avvalroq Kursiv Uzbekistan YouTube so‘nggi 4 yilda kontent yaratuvchilarga 100 mlrd...

Toshkent shahrida qurilish obyektlarida ekologik talablar bo‘yicha tekshiruvlar o‘tkazildi. Bu haqda Ekokomissiya Telegram sahifasida ma’lum qilindi.

Shahar ekologiyasini asrash va qurilish jarayonida havoni ifloslantiruvchi omillarni bartaraf etish maqsadida 232 nafar huquqni muhofaza qiluvchi va nazorat organlari xodimlari jalb qilindi. Tekshiruvlar davomida jami 97 ta obyekt o‘rganib chiqildi.

Natijada 14 ta holatda chang va qum zarrachalari havoga tarqalishining oldini olish talablariga rioya qilinmagan, 9 ta holatda esa ifloslantiruvchi moddalar me’yoridan ortiq darajada havoga chiqarilgan. Shuningdek, 52 ta holatda qurilish maydonining 25 foizi ko‘kalamzorlashtirilmaganligi aniqlangan.

Tuzatish choralari sifatida 6 ta obyektga suv purkagichlar o‘rnatildi, 12 ta obyektda transport vositalarining g‘ildiraklarini...

Iqlim o‘zgarishi sabab global iqtisodiyot 38 trillion dollar zarar ko‘rishi mumkin. Bu haqda CNN xabar bermoqda.

Potsdam iqlim ta’sirini o‘rganish instituti tadqiqotchilarining ta’kidlashicha, hukumatlar inqirozni hal qilish uchun hozirdan harakatni boshlasa ham, qisqa muddatli moliyaviy yo‘qotishlar muqarrar. Hisob-kitoblarga ko‘ra, 2050-yilga kelib Parij iqlim kelishuvi talablarini bajarish global iqtisodiyotga $6 trillionga tushishi mumkin.

Agar choralar ko‘rilmasa, iqlim o‘zgarishi keltiradigan iqtisodiy zarar $38 trillionni tashkil etishi taxmin qilinmoqda. Moliyaviy zarba dunyo bo‘ylab teng taqsimlanmaydi. Shimoliy Amerika va Yevropada daromadlar 11 foizga qisqarishi kutilayotgan bir paytda Janubiy Osiyo va Afrika davlatlarida bu ko‘rsatkich 22 foizni tashkil etishi mumkin. Iqlim o‘zgarishlaridan eng kam...

Donald Tramp ma’muriyati davlat tomonidan moliyalashtiriladigan «Amerika ovozi» radiostansiyasi faoliyatini qisqartirishni davom ettirmoqda. Bu haqda The New York Times xabar bermoqda.

O‘tgan hafta Kongressga yuborilgan rasmiy xabarnomada hukumat «Amerika ovozi»ning oltita xorijdagi byurosi hamda to‘rtta marketing ofisi yopilishi rejalashtirilganini ma’lum qildi. Ushbu qaror federal sud aprel oyida chiqargan hamda tahririyat ishini to‘liq tiklashni majburiy tartibda talab qilgan qarorga zid kelmoqda.

«Amerika ovozi» bosh tashkiloti — U.S. Agency for Global Media rahbari va Trampning ittifoqchisi Kari Leyk 25-noyabr kuni Senatga yo‘llagan maktubida Indoneziyaning Jakarta shahri, Pokistonning Islomobod shahri, Keniyaning Nayrobi shahri va Chexiyaning Praga shahridagi ofislar yopilishi rejalashtirilayotganini bildirgan.

Ushbu...

EngineAI kompaniyasi o‘zining yangi T800 gumanoid robotini rasman namoyish qildi. Bu haqda HumanoidsDaily xabar bermoqda.

Avvalroq e’lon qilingan videoda robot eshikni tepib ochishi, havoda aylangan holda zarbalar berishi aks etgandi. Ishlab chiquvchilar videoda kompyuter grafikasi, sun’iy intellekt orqali montaj yoki tezlatish ishlatilmagani, barcha sahnalar real va jonli tarzda suratga olinganini ta’kidlagan.

T800’ning asosiy texnik imkoniyatlari oshkor qilindi. Robot butun tanasi bo‘ylab 29 daraja erkinlikka ega bo‘lib, har bir oyog‘ida 6 tadan, qo‘llarida esa 7 tadan erkin harakat bo‘g‘inlari mavjud. Bo‘g‘imlardagi maksimal aylanish momenti 450 N·m ga yetadi, bu esa robotning sakrash va zarba paytidagi portlovchi kuchini ta’minlaydi. Uning harakat...

Toyota Yevropa bozori uchun 2026-yilgi Corolla modelini rasman namoyish qildi. Mashinaning dizayni o‘zgarmagan bo‘lsa-da, kompaniya bu yil ko‘proq tashqi ko‘rinish va salon materiallariga urg‘u berdi.

Asosiy yangilik — matte Onyx Grey rangi

Toyota ilk bor Corolla’ning GR Sport va Touring Sports versiyalarini matte Onyx Grey rangida taklif qilmoqda. Bu kompaniyaning ommaviy ishlab chiqarilayotgan modelida matte rangdan ilk foydalanishi bo‘lib, avval Buyuk Britaniyada keyin esa boshqa Yevropa davlatlarida savdoga chiqariladi.

Yangi rang ham qo‘shildi

2026-yil uchun yana bir yangi rang – Storm Grey metallic ham taqdim etildi. U sedan va xetchbek variantlariga mos tushadi va tanlovlar ro‘yxatini kengaytiradi.

Prezidentning «Xotin-qizlarni qo‘llab-quvvatlashga oid qo‘shimcha chora-tadbirlar to‘g‘risida»gi farmoni qabul qilindi. Bu haqda Adliya vazirligi ma’lum qildi.

Unga ko‘ra, mahallalarda xotin-qizlarning bandligini ta’minlash va salomatligini mustahkamlash markazlari faoliyati kengaytiriladi. 2026 – 2027-yillarda «Hamroh» xotin-qizlar tadbirkorligini qo‘llab-quvvatlash kompaniyasi 6 ming nafar ayolning tadbirkorlik loyihalarini moliyaviy qo‘llab-quvvatlash uchun 2 trln so‘m ajratadi, 2,8 ming nafarini tadbirkorlik bo‘yicha o‘qitadi va 2 ming nafarini faoliyatga hamroh qiladi.

Tuman va shahar hokimliklari tomonidan tashkil etilgan markazlar Qoraqalpog‘iston Respublikasi, viloyatlar va Toshkent shahridagi oila va xotin-qizlar boshqarmalari bilan birgalikda tikuvchilik, qandolat, fitnes, sheyping va kasbga o‘qitish faoliyatini tashkil etish uchun ijara asosida beriladi.

Shuningdek, 2026-yil...

Avstriyalik biznesmen, oldin Pornhub portali aktivlariga egalik qilgan Bernd Bergmayr Rossiyaning «Lukoyl» kompaniyasining xorijdagi aktivlariga qiziqish bildirmoqda. Bu haqda Reuters xabar berdi.

Ma’lum qilinishicha, Bergmayr AQSh Moliya vazirligiga «Lukoyl» aktivlarini sotib olish imkoniyati bo‘yicha rasmiy murojaat yuborgan. Tadbirkor bitimga bo‘lgan qiziqishini tasdiqlagan, biroq muzokaralar tafsilotlarini ochiqlamagan.

«Lukoyl»ning Rossiyadan tashqaridagi faoliyati keng ko‘lamli bo‘lib, kompaniya O‘zbekiston va Qozog‘iston hududlarida neft-gaz konlariga ega, shuningdek, boshqa xorijiy mamlakatlarda ham aktivlar va xalqaro yonilg‘i quyish shoxobchalari tarmog‘ini boshqaradi.

Bergmayr avval MindGeek kompaniyasiga egalik qilgan. Ushbu kompaniya tarkibiga Pornhub, RedTube va YouPorn kabi yirik platformalar kirgan. 2023-yilda u kompaniyani Kanadadagi investitsiya firmasiga sotgan, biroq...