Yangiliklar

Oliy Majlis Qonunchilik palatasining navbatdagi majlisida 2025-yil birinchi yarim yillik bo‘yicha Davlat budjeti ijrosi muhokama qilindi.

Hisobotni Bosh vazir o‘rinbosari — Iqtisodiyot va moliya vaziri Jamshid Qo‘chqorov taqdim etdi.

Unga ko‘ra, budjet daromadlari 144,2 trln so‘mni tashkil etib, 2024-yilning shu davriga nisbatan 19,2 foizga (23 trln so‘mga) oshgan. Davlat budjeti daromadlari tarkibida qo‘shilgan qiymat solig‘i (QQS) o‘tgan yilning mos davriga nisbatan 34,4 foizga, jismoniy shaxslardan olinadigan daromad solig‘i 17,5 foizga ko‘paydi.

Shuningdek, hisobot davrida soliq to‘lovchilarga 12 trln so‘m yoki QQS bo‘yicha jami undirilgan mablag‘ning 1/4 qismi qaytarib berildi.

Xarajatlar esa 173,3 trln so‘mga yetib, o‘tgan yilning shu...

Qatar bosh vaziri Shayx Muhammad bin Abdulrahmon Al-Tani Dohada Hamas bosh muzokarachisi Xalil al-Hayya bilan uchrashib, AQShning yangi o‘t ochishni to‘xtatish bo‘yicha taklifini muhokama qildi.

AQSh taklifiga ko‘ra, sulhning birinchi kunida 48 nafar garovdagini ozod qilish rejalashtirilgan. Evaziga Isroil minglab falastinlik mahbuslarni qo‘yib yuborishi lozim. Shundan so‘ng tomonlar urushni butunlay tugatish bo‘yicha muzokaralarni boshlaydi. Muzokaralar davom etar ekan, jangovar harakatlar qayta boshlanmaydi. AQSh prezidenti Donald Tramp sulhni kafolatlash majburiyatini olishi ko‘zda tutilmoqda.

Hamas taklifni ko‘rib chiqayotganini bildirgan bo‘lsa-da, uning ayrim rahbarlari tashabbusni tanqid qildi. Basim Naimning so‘zlariga ko‘ra, bu tashabbus urushni tugatish emas, balki Hamasni rad etishga majburlash...

O‘zbekistonda avtomobillarga ekologik stiker berish jarayoni 2035-yilgacha yakunlanishi belgilandi. Bu haqda hukumat qarorida keltirilgan.

Avvalgi rejaga binoan, Toshkentda tizim 2027-yilda to‘liq joriy etilishi kerak edi. Endilikda poytaxtdagi barcha avtomobillarni baholash 2028-yil boshigacha cho‘zildi. Stikerlar haydovchilarga 2026-yil yanvaridan berila boshlaydi.

Keyingi bosqichda 2028 – 2030-yillarda Nukus va viloyatlar markazlari hamda ekologik zonalarda baholash ishlari yo‘lga qo‘yiladi. 2031 – 2034-yillar oralig‘ida tizim butun mamlakat bo‘ylab kengaytiriladi. 2035-yil yakunigacha barcha avtomobillar ekologik baholashdan o‘tkazilishi yakunlanadi.

Avtomobillarga «yashil», «sariq» yoki «qizil» stiker berilishi chiqindilarning zararli darajasiga qarab belgilanadi. Bunda ishlab chiqaruvchi ko‘rsatgan ekologik sinf (Yevro) ma’lumotlari asosiy mezon bo‘ladi. Zarur hujjatlar bo‘lmaganida, tekshiruvni...

Xitoy bozorida Geely subbrendi tomonidan Lynk & Co 10 EM-P avtomobili savdoga chiqarildi. Bu haqda ITHome xabar bermoqda.

Ma’lum qilinishicha, mashina to‘rtta komplektatsiyada taklif qilinmoqda, jumladan, 120 4WD Halo va 240 4WD Ultra Sport Edition. Boshlang‘ich narx chegirmadan so‘ng 163,8 ming yuan ($22 ming), eng qimmat versiya esa 201,8 ming yuan ($28 ming) etib belgilangan.

Sedan 1,5 litrli dvigatel asosida yaratilgan yangi avlod gibrid tizimiga ega. Elektr motorlari umumiy quvvati 530 ot kuchini tashkil qiladi. Oldingi osma ikki richagli, orqa esa besh richagli bo‘lib, gidravlik tizim orqali qattiqlik va balandlikni boshqarish mumkin.

Top versiyada 38,2 kVt/soatli akkumulyator o‘rnatilgan, u...

Samsung tomonidan ilk uch buklanuvchi Samsung Galaxy Z TriFold smartfoni oktabr oyida taqdim etiladi. Bu haqda Gizmochina nashri ma’lum qildi.

Qurilma Huawei Mate XT’dan tashqi ekran joylashuvi bilan farq qiladi. Tarqatilgan ma’lumotlarga ko‘ra, Galaxy Z TriFold’da tashqi ekran yon tomonida emas, markaziy qismda joylashadi. Qurilmada kamera modulining ostida simsiz va teskari simsiz quvvatlash uchun maxsus katuchka o‘rnatilgan. Bu telefonni oddiy monoblok sifatida ishlatish va simsiz quvvatlash imkonini beradi.

Asosiy ekran hajmi hozircha rasman tasdiqlanmagan, ammo mish-mishlarga ko‘ra, to‘liq ochilganda taxminan 10 dyuymni tashkil qiladi.

Samsung yangi modelni maxsus Unpacked tadbirida oktabrda namoyish qiladi, savdolar esa noyabrda boshlanishi kutilmoqda.

9 – 11-sentabr kunlari Toshkent viloyatining Bo‘stonliq tumanida velosport bo‘yicha respublika turniri bo‘lib o‘tishi munosabati bilan yo‘lning bir qismi vaqtincha yopiladi. Bu haqda viloyat ichki ishlar boshqarmasi xabar berdi.

Unga ko‘ra, uch kun davomida soat 08:00 dan 15:00 gacha D012 Bektemir — Chorbog‘ avtomobil yo‘lining 34-kilometridan (Chirchiq shahar kirish qismi — Platina) 54-kilometrigacha (Oqsoqota MFY, Fayz kafesi) bo‘lgan qismida transport harakati cheklanadi.

Bo‘stonliq tomon yo‘l oladigan haydovchilar Chirchiq shahri orqali yoki Qoramamas hamda Qo‘shqo‘rg‘on mahallalari orqali harakatlanishlari mumkin bo‘ladi.

Avvalroq «Kursiv» nashri «Yangi O‘zbekiston» bog‘i vaqtincha yopilgani haqida yozgandi.

Maktabgacha va maktab ta’limi vazirligi huzuridagi Pedagogik mahorat va xalqaro baholash ilmiy-amaliy markazi pedagoglarni attestatsiyadan oʻtkazish bo‘yicha yangi hujjatni tasdiqladi. Bu haqda vazirlik matbuot xizmati ma’lum qildi.

Spetsifikatsiya 2025-yil avgust – dekabr oylarida o‘tkaziladigan attestatsiya jarayoniga tayyorgarlik ko‘rayotgan nomzodlar uchun ishlab chiqilgan bo‘lib, unda malaka sinov topshiriqlarining yo‘nalishlari va mezonlari belgilangan:

Rasmiy ma’lumotga ko‘ra, ushbu hujjat tavsiyaviy xarakterga ega bo‘lsa-da, pedagoglar uchun malaka...

AQShda elektromobillar bozori yetakchisi bo‘lib kelgan Tesla’ning ulushi ilk bor 2017-yildan buyon 40 foizdan pastga tushdi. Bu haqda Reuters xabar berdi.

Iyul oyida kompaniya ulushi 42 foizni tashkil etgan bo‘lsa, avgust yakunida bu ko‘rsatkich 38 foizga qisqardi. Taqqoslash uchun, bir paytlar Tesla bozorda 80 foizdan yuqori natijaga ega edi.

Cox Automotive tahliliga ko‘ra, Tesla model qatorining yangilanmaganligi mijozlarni raqib brendlarga og‘dirgan. Raqobatchilar yangi elektromobillar taqdim etayotgan bir paytda kompaniya e’tiborini robotaksi va insonsimon robotlarga qaratdi. Arzonroq model ishlab chiqarish rejasi esa bekor qilinishi Tesla’ning sotuvdagi mavqeyiga salbiy ta’sir ko‘rsatdi.

So‘nggi yirik yangilik sifatida 2023-yilda taqdim etilgan Cybertruck Model...

2025/2026-o‘quv yilidan boshlab pedagogika yo‘nalishida tahsil olayotgan oxirgi ikki kurs talabalari uchun Abdulla Avloniy nomidagi davlat stipendiyasi joriy etiladi. Bu haqda «O‘zA» xabar berdi.

Ushbu stipendiya a’lo baholarga ega va ilmiy-tadqiqot faoliyati bilan shug‘ullanayotgan talabalar uchun mo‘ljallangan.

Stipendiya miqdori 1,5 mln so‘mni tashkil etadi. Bu oddiy stipendiyadan 840 ming so‘mga ko‘proq.

Eslatib o‘tamiz, prezident farmoni bilan stipendiya oluvchilar uchun to‘lovlar 2025-yil 1-avgustdan boshlab 10 foizga oshirildi. Bazaviy hisoblash miqdori esa 412 ming so‘m sifatida belgilandi.

Bundan tashqari, xalqaro reytinglarda yuqori o‘rinda turuvchi oliygohlarga kirgan nomzodlar uchun maxsus imtiyozlar mavjud:

Rossiyada Chevrolet Malibu avtomobili uchun buyurtmalar ochildi. Bu haqda «Avtonovosti dnya» nashri xabar bermoqda.

Avtomobilning eng kuchli varianti 2 litrli turbo dvigatel bilan jihozlangan bo‘lib, u 233 ot kuchi quvvat ishlab chiqaradi. Motor 9 pog‘onali avtomat uzatma bilan birga ishlaydi. Mashina narxi 2,5 mln rubl ($30 ming) qilib belgilangan. Bu bazaviy Lada Aura (122 ot kuchi, variator) bilan deyarli bir xil.

Bazaviy versiya esa 1,5 litrli motor va shu 9 pog‘onali avtomat bilan taqdim etiladi. Bu komplektatsiyada charm salon, panoramali tom va lyuk, sensorli ekranli multimedia tizimi, konditsioner, kruiz-kontrol kabi opsiyalar mavjud.

Qiziqarli tomoni shundaki, Malibu XL narxlari Rossiyada...

Shu yilning 25-sentabridan boshlab Toshkent — Chinorkent — Toshkent yo‘nalishida qatnovchi shaharlararo ekspress elektr poyezdlar uchun yangi chipta narxlari joriy qilindi. Bu haqda «O‘ztemiryo‘lyo‘lovchi» AJ xabar berdi.

Endilikda kattalar uchun yo‘l haqi 30 ming so‘m, bolalar uchun esa 16,5 ming so‘mni tashkil etadi.

Ma’lumot uchun, 25-sentabrgacha yo‘l haqi kattalarga 20 ming so‘m, bolalarga 11,5 ming so‘mni tashkil etadi.

Avtobuslar qatnovi

Bundan tashqari, Chinorkent va Chorvoq dam olish maskaniga borish uchun 1-iyuldan avtobus qatnovi ham yo‘lga qo‘yilgan. Yo‘nalishda MAN RR3 rusumli zamonaviy, konditsionerlik va 47 o‘rinli turistik avtobuslar xizmat ko‘rsatadi. Bir tomonlama yo‘lkira narxi 25 ming so‘m etib...

Tijorat banklari 9-sentabr kungi xorijiy valyutalarni sotib olish va sotish kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotlarni taqdim qiladi.

Sotib olish

Sotish

Eslatib o‘tamiz, Kursiv Uzbekistan AQSh dollari hafta davomida qancha qiymatga oshgani haqida yozgan edi. 

2025-yil 8-sentabr kuni «Toshkent» Respublika fond birjasi Georgiy Otarovich Paresishvili mehnat shartnomasi muddati tugagani bois boshqaruv raisi lavozimini tark etdi. Bu haqda fond birja matbuot xizmati ma’lum qildi.

U 2022-yildan buyon birjaga rahbarlik qilib, uch yil davomida savdo hajmi va moliyaviy ko‘rsatkichlarning o‘sishiga, texnologik infratuzilmaning modernizatsiyasiga va xalqaro hamkorlikning kengayishiga sezilarli hissa qo‘shdi.

Kuzatuv kengashi qaroriga ko‘ra, boshqaruv raisi vazifasini vaqtincha bajaruvchi etib Fayzulla Muratovich Tashov tayinlandi. U avval «O‘zsanoatqurilishbank» hamda Qimmatli qog‘ozlar markaziy depozitariysida rahbarlik lavozimlarida faoliyat yuritgan.

«Georgiy Otarovichga bozorni rivojlantirish bo‘yicha hamkorlik uchun minnatdorchilik bildiraman va kelajakda uning qo‘llab-quvvatlashi hamda maslahatlariga umid...

Yevropa Ittifoqining sanksiyalar bo‘yicha vakili Devid O’Sallivan ekspertlar guruhi bilan Vashingtonga safar qilib, AQSh rasmiylari bilan Rossiyaga qarshi qo‘shimcha sanksiyalarni muvofiqlashtirish masalalarini muhokama qildi. Bu haqda Reuters agentligi ma’lum qildi.

YI hozirda 19-paket deb ataluvchi yangi sanksiyalar to‘plami ustida ishlamoqda. Taxminlarga ko‘ra, unga Xitoy kompaniyalarini ro‘yxatga olish, Rossiya banklari va Moskvaning «soya floti»dagi kemalarni belgilash hamda Rossiya neftiga moliyaviy tranzaksiyalarni taqiqlash kabilar kirishi mumkin.

AQSh prezidenti Donald Tramp yakshanba kuni ikkinchi bosqich cheklovlarga o‘tishga tayyor ekanini bildirgan. Shu bilan birga, AQSh hozircha G7 mamlakatlari kabi Rossiya neftiga qo‘yiladigan barreldagi narx capini $47.60 ga tushirish tashabbusini qo‘llamadi. Tramp ma’muriyati bunga...

Andijon viloyatida Bo‘ston tumani hokimining ikki o‘rinbosari fermer xo‘jaligidan 65 mln so‘m pora talab qilgani aniqlandi. Bu haqda DXX matbuot xizmati ma’lum qildi.

Unga ko‘ra, o‘rinbosarlardan biri 25 mln so‘mni avans sifatida olgan, qolgan qismini olish jarayonida ashyoviy dalillar bilan ushlandi.

Toshkent shahrida ikki shaxs Sergeli tumanidagi yer maydoni toifasini o‘zgartirib, ko‘p qavatli uy-joy qurilishiga ruxsat berish evaziga $900 ming talab qilgan. Ulardan 220 ming dollarni olgan vaqtida ushlandi.

Qashqadaryo viloyatida esa «Vatanparvar» tashkiloti rahbar o‘rinbosari imtihonsiz haydovchilik guvohnomasi berib qo‘yish uchun 20 mln so‘m pora olgan paytda qo‘lga olindi.

Barcha holatlar bo‘yicha jinoyat ishlari qo‘zg‘atilib, ayblanuvchilarga nisbatan «qamoq...

9-sentabr kuni respublika hududida havo harorati kechasi o‘rtacha 15–20°, kunduzi esa 28–33° atrofida bo‘lishi kutilmoqda. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Tugayotgan kun ham dolzarb yangiliklarga boy bo‘ldi. Kursiv Uzbekistan nashri tomonidan 8-sentabr kuni sodir bo‘lgan muhim hodisalar dayjesti taqdim etiladi.

Qirg‘izistondan «Regapen» dori vositasini olib kirgan shaxslar ushlandi

Namangan va Farg‘ona viloyatlarida kuchli ta’sir qiluvchi dori vositalarini noqonuniy olib kirish va tarqatishga uringan fuqarolar faoliyati fosh etildi. Bu haqda DXX matbuot xizmati ma’lum qildi.

Namangan shahrida yashovchi, ilgari sudlangan shaxs Qirg‘iziston Respublikasi hududidan katta miqdordagi «Regapen» dorilarini olib kirib, sotish orqali daromad topishni rejalashtirgan. U Qirg‘iziston fuqarosi bilan kelishgan holda 16 755 dona dori vositasini yashirin yo‘llar orqali Kosonsoy tumaniga yetkazdirgan. Tezkor tadbir davomida dorilarni olish uchun borgan vositachi hamda...

O‘zbekiston terma jamoasi Eron ustidan 1:0 hisobida g‘alaba qozonib, CAFA Nations Cup 2025 turnirining chempioniga aylandi. Bu haqda O‘FA ma’lum qildi.

Uchrashuv boshidan oxirigacha keskin kurash ruhida o‘tdi. Asosiy 90 daqiqa davomida ikkala jamoa ham faol hujumlar uyushtirganiga qaramay, hisob ochilmadi va durang natija qayd etildi.

Qo‘shimcha bo‘limlarda ham qarama-qarshilik davom etdi. Tomoshabinlar intiq bo‘lib kutgan gol uchrashuvning so‘nggi daqiqalarida keldi. 119-daqiqada Hojiakbar Alijonov aniq zarbasi bilan raqib darvozasini ishg‘ol qilib, O‘zbekiston terma jamoasini oldinga olib chiqdi — 1:0.

So‘nggi daqiqalarda Eron terma jamoasi hisobni tenglashtirishga urinib ko‘rdi, biroq O‘zbekiston futbolchilari himoyada qat’iyat bilan harakat qilib, g‘alabani saqlab qoldi.

Shavkat Mirziyoyev FIFA prezidenti Janni Infantinoni qabul qildi. Bu haqda davlat rahbari matbuot xizmati ma’lum qildi.

Suhbat avvalida FIFA rahbari O‘zbekiston xalqini va davlat rahbarini milliy terma jamoaning 2026-yilgi futbol bo‘yicha jahon chempionatining final bosqichiga yo‘llanma olgani bilan tabrikladi. Bu yutuq mamlakatda sportni rivojlantirishga qaratilgan izchil islohotlarning natijasi sifatida e’tirof etildi.

Uchrashuvda futbolni boshqarish tizimini takomillashtirish, yosh iste’dodlarni qo‘llab-quvvatlash, murabbiylar va hakamlarni xalqaro darajada tayyorlash kabi masalalar muhokama qilindi. Shuningdek, futbolni yoshlar o‘rtasida ommalashtirish bo‘yicha qo‘shma dasturlar amalga oshirilayotgani ta’kidlandi.

FIFA texnik ko‘magida Milliy futbol markazi hamda raqamli futbol situatsion markazi tashkil etildi. O‘tgan yili futzal bo‘yicha jahon chempionatining...

Ilon Mask rahbarlik qilayotgan SpaceX kompaniyasi Starlink sun’iy yo‘ldosh tarmog‘ini kengaytirish maqsadida EchoStar kompaniyasidan simsiz aloqa spektri litsenziyalarini $17 mlrdga sotib oldi. Bu haqda Reuters agentligi ma’lum qildi.

Kelishuvga ko‘ra, EchoStar’ning Boost Mobile abonentlari Starlink’ning to‘g‘ridan to‘g‘ri mobil xizmatidan foydalanish imkoniyatiga ega bo‘ladi. Bu esa aloqa qamrovi yetmagan hududlarga xizmat ko‘rsatish imkonini beradi.

SpaceX vakillari yangi avlod sun’iy yo‘ldoshlari orqali mobil tarmoq sig‘imini 100 martadan ortiq kengaytirishni rejalashtirayotganini bildirdi.

Bitim natijasida EchoStar aksiyalari 19% ga ko‘tarildi, biroq AT&T, T-Mobile va Verizon aksiyalari pasaydi. Shuningdek, SpaceX EchoStar qarzlari bo‘yicha 2 mlrd dollarlik foiz to‘lovlarini 2027-yilgacha qoplashni ham o‘z zimmasiga oldi.

Eslatib...

Sadir Japarovning ta’kidlashicha, Qirg‘izistonni Yevropa Ittifoqining «qora ro‘yxati»dan chiqarish bo‘yicha muzokaralar yakuniy bosqichga kirgan, deb xabar beradi «Kabar» axborot agentligi.

Qayd etilishicha, Fuqaro aviatsiyasi agentligi delegatsiyasining Yevrokomissiya bilan muhim uchrashuvi 7-oktabr kuni Bryusselda bo‘lib o‘tadi, dekabr oyida esa yakuniy audit o‘tkazilishi rejalashtirilgan.

«Biz qat’iy ishonamizki, 2006-yildan beri yopiq bo‘lgan Yevropa osmoni Qirg‘iziston uchun yana ochiladi. Bu esa mamlakatimiz Yevropadan millionlab sayyohlar uchun ochiq bo‘lishini anglatadi», dedi prezident.

Bundan tashqari, 20-avgust kuni Qirg‘iziston va Xitoy Narın viloyati orqali yangi havo yo‘lagi bo‘yicha kelishuv imzoladi. 30-oktabrdan boshlab ushbu avialiniya ishga tushadi va u Kashgardan Markaziy Osiyo...

Markaziy bank avgust oyi boshida O‘zbekistonning rasmiy zaxira aktivlari $50 mlrddan oshganini ma’lum qildi. Hisobot regulyatorning veb-saytida e’lon qilindi.

Unga ko‘ra, bir oy ichida mamlakatning rasmiy zaxira aktivlari 2,75 foizga oshdi. Ushbu hajmning $8,4 milliarddan ortig‘i naqd valyuta va depozitlarga, $40 mlrddan ortig‘i esa qimmatbaho metallarga to‘g‘ri keldi.

Shuningdek, troya unsiyalari hajmi 11,8 mlnga yetdi.

Eslatib o‘tamiz, sal avvalroq jahon bozorida oltinning spot narxi tarixiy eng yuqori ko‘rsatkichni yangilab, bir troya unsiyasi uchun $3535,33 ga yetgan edi.

Shavkat Mirziyoyev ta’lim tizimini yanada rivojlantirish masalalariga bag‘ishlangan taqdimot bilan tanishdi. Bu haqda davlat rahbari matbuot xizmati ma’lum qildi.

Mamlakatimizda barcha ta’lim bo‘g‘inlarini modernizatsiya qilish, o‘quv dasturlarini ilg‘or tajribalar asosida yangilash, yoshlarning qiziqish va iqtidorlarini qo‘llab-quvvatlashga qaratilgan rejalar muhokama qilindi.

Shu doirada bolalar bog‘chasidan oliy ta’limgacha yagona milliy g‘oya konsepsiyasi ishlab chiqildi. U yoshlarning bo‘sh vaqtini mazmunli o‘tkazish va ularni ortiqcha tadbirlarga jalb etmaslikka xizmat qiladi. Shuningdek, «Kelajak» markazlari tashkil etilishi va maktablarda o‘quvchilar tashabbuslarini qo‘llab-quvvatlash uchun maslahatchi lavozimi joriy etilishi rejalashtirilgan.

So‘nggi yillarda maktabgacha ta’lim qamrovi 78 foizga yetgani ta’kidlanib, bu ko‘rsatkichni oshirish uchun yangi bog‘chalar qurilishi, xususiy...

Shu yilning 1-oktabridan boshlab chiroyli avtoraqamlar O‘zbekiston respublika tovar-xomashyo birjasi orqali sotilmaydi. Bu haqda Vazirlar Mahkamasi qarori qabul qilindi.

Sotilmay qolgan kombinatsiyalar esa avtomobil egalari o‘rtasida toifalarga qarab taqsimlanadi. 1 – 3-toifa raqamlar «O‘zavtomotobelgi» tomonidan bevosita sotiladi va ular uchun yagona oshirilgan to‘lov undiriladi. Boshqa kombinatsiyalar esa umumiy navbat asosida beriladi.

2026-yil 1-yanvardan boshlab esa birja orqali raqam auksionlari va chiroyli raqamlarni yuqori stavkalarda berish amaliyoti butunlay bekor qilinadi. Endilikda har bir fuqaro yoki tashkilot istalgan harf va raqam kombinatsiyasini elektron murojaat orqali buyurtma qilishi mumkin bo‘ladi.

Shuningdek, ochiq yagona baza ishga tushiriladi. Bu bazada avval berilmagan va aylanmada...