Yangiliklar

Buxarestda bo‘lib o‘tayotgan Super Chess Classic Romania 2026 turnirining beshinchi turida O‘zbekiston vakili Javohir Sindarov fransiyalik Alirizo Firuja bilan murosa yo‘lini tanladi. Bu haqda UzChess xabar bermoqda.

Tur oldidan Firujaning ahvoli diqqat markazida bo‘ldi. To‘pig‘idan olgan jarohati tufayli fransiyalik grossmeyster odatiy zalda o‘ynay olmadi va partiyani mehmonxonada, yotoqda yotgan holda o‘tkazdi. Firujaning ta’kidlashicha, shifokor unga faqat shunday holatda o‘ynashga ruxsat bergan.

Sindarovga qarshi partiya Firuja uchun qiyin kechdi. 30-yurishdan so‘ng u noqulay vaziyatga tushib qoldi va vaqt bo‘yicha ham raqibidan 16 daqiqa ortda borayotgan edi. Firuja qatorasiga uchinchi marta mag‘lub bo‘lishi ehtimoli yuqori bo‘lsa-da, oxir-oqibat u o‘yin oxirida qarshi...

Xiaomi kompaniyasi Xiaomi 17T seriyasini 144 Hz ekran va Leica kamerasi bilan taqdim etmoqchi. Bu haqda Huaweicentral nashri xabar berdi.

Yangi liniya standart Xiaomi 17T va Xiaomi 17T Pro modellaridan iborat bo‘ladi. Har ikki model yangilangan dizayn, kuchli protsessor va kamera imkoniyatlariga urg‘u beradi.

Xiaomi 17T bazaviy modeli 6,59 dyuymli ekran bilan jihozlanadi. Xiaomi 17T Pro esa 6,83 dyuymli displeyga ega bo‘lishi kutilmoqda. Har ikki smartfonda tekis panel qo‘llanadi. Ekranlar 1.5K aniqlik va 144 Hz yangilanish tezligini qo‘llab-quvvatlaydi. Modellar o‘rtasidagi asosiy farqlardan biri protsessorda bo‘ladi. Xiaomi 17T Dimensity 8500 chipi bilan chiqishi aytilmoqda. Pro versiya esa kuchliroq Dimensity...

Xitoyning Chunsin shahrida o‘tkazilayotgan yengil atletikaning sakrash dasturlari bo‘yicha Osiyo chempionatining ilk kunida O‘zbekiston terma jamoasi a’zolari 2 ta oltin medalga sazovor bo‘ldi. Bu haqda Milliy olimpiya qo‘mitasi (MOQ) xabar berdi.

Ushbu qit’a birinchiligi birinchi marta alohida tartibda tashkil etilmoqda. Balandlikka sakrash sektorida Barnoxon Sayfullayeva qatnashib, 1,83 metr natija ko‘rsatdi va musobaqada birinchi o‘rinni egallab, Osiyo chempionligini qo‘lga kiritdi.

Shuningdek, yana bir o‘zbekistonlik atlet Anvar Anvarov ham turnirda muvaffaqiyatli ishtirok etdi. U o‘z yo‘nalishida 8,06 metr natija qayd etib, oltin medalga egalik qildi. Ma’lumot uchun, Anvar Anvarov yaqinda o‘tkazilgan Brilliant liga musobaqasining birinchi bosqichida ham shohsupaga ko‘tarilgan edi.

Avvalroq...

Samarqand viloyatida soliq qarzdorligini kamaytirib berish va ishga joylashtirish bilan bog‘liq ikki holat fosh etildi. Har ikki holat yuzasidan jinoyat ishlari qo‘zg‘atilgan.

Bulung‘ur tumanida faoliyat yurituvchi «Buxgalteriya markazi» DM hisobchisi fermer xo‘jaligi rahbaridan pul olganlikda gumon qilinmoqda. U qishloq xo‘jaligi mahsulotlari yetishtirishga ixtisoslashtirilgan fermer xo‘jaligining 150 mln so‘mlik soliq qarzdorligini mansabdor tanishi orqali kamaytirib berishni va’da qilgan.

Ma’lumotga ko‘ra, hisobchi fermer xo‘jaligi rahbaridan dastlab 3 mln so‘m olgan. Keyin undan qo‘shimcha 15 mln so‘m talab qilgan. Ushbu pul mablag‘ini Bulung‘ur tumani soliq inspeksiyasi boshlig‘i o‘rinbosari bilan birga olayotgan vaqtida DXX va Iqtisodiy jinoyatlarga qarshi kurashish departamenti xodimlari tomonidan ashyoviy...

Sandro Rtveladze 1-iyuldan «Ipoteka bank» OTP Group boshqaruvi raisi lavozimidan ketadi. Bu haqda moliya tashkiloti matbuot xizmati xabar berdi.

Bank ma’lumotiga ko‘ra, Rtveladze rahbarligidagi ikki yil davomida «Ipoteka bank»da keng ko‘lamli transformatsiya jarayoni amalga oshirilgan. Bu jarayon bankning OTP Group nazoratiga o‘tishi bilan bog‘liq bo‘lgan.

Kompaniya eslatishicha, «Ipoteka bank» aktivlarining sotilishi O‘zbekistonda davlat bankini xususiylashtirish bo‘yicha ilk holat bo‘lgan. Shu orqali Yevropaning OTP Group moliyaviy guruhi mahalliy bozorga kirgan.

Bank bayonotida aytilishicha, rahbariyat almashinuvidan avval «Ipoteka bank» asosan davlat instituti sifatida faoliyat yuritgan. Uning portfelida ipoteka kreditlari katta ulushga ega bo‘lgan. Rtveladze faoliyati davrida bankning asosiy operatsion jarayonlari qayta...

«Manchester Siti» klubi Enso Mareskani yangi bosh murabbiy etib tayinlash bo‘yicha to‘liq og‘zaki kelishuvga erishdi. Bu haqda insayder Fabritsio Romano o‘zining ijtimoiy tarmoqlarida xabar berdi.

Joriy mavsum yakunida Pep Gvardiola klubni tark etishiga qaror qilgani ortidan rahbariyat tezkorlik bilan yangi murabbiy nomzodini tanladi. Fabritsio Romanoning ta’kidlashicha, «shaharliklar» rahbariyati uzoq izlanishlarsiz, asosiy nishon sifatida aynan Enso Mareskani tanlagan.

Yaqin orada «Siti»ning rasmiy bayonoti hamda Pep Gvardiolaning muxlislar bilan vidolashuv tadbiri kutilmoqda. Enso Mareska avvalroq «Manchester Siti» murabbiylar shtabida ishlagan bo‘lib, Pep Gvardiolaning o‘yin falsafasini davom ettirish uchun ideal nomzod sifatida baholanyapti.

Xabarlarga ko‘ra, u klub bilan 3 yillik shartnoma imzolaydi...

Xorijiy marketpleyslarda DuxDucis kompaniyasi tomonidan ishlab chiqarilgan Samsung Galaxy A27 himoya g‘iloflari sahifalari paydo bo‘ldi, bu esa qurilma dizaynini oshkor qildi.

Tasvirlarga ko‘ra, budjet qurilmasi konstruksiyasidagi asosiy o‘zgarish old kamera uchun nuqtali tirqish bo‘ladi. A2 seriyali oldingi smartfonlarda ekranning ko‘proq qismini egallaydigan tomchisimon kesim ishlatilgan edi. Galaxy A27 da ramkalar avvalgi modellarga qaraganda biroz yupqaroq bo‘ladi.

Qurilmaning orqa panelida vertikal ravishda joylashgan uchta kamera tizimi mavjud. Blok dizayni liniyadagi boshqa chiqarilgan smartfonlar bilan bir xil.

Smartfonning qachon taqdim etilishi va sotuvga chiqarilishi hozircha noma’lum. Oxirgi sizib chiqqan ma’lumotlarga ko‘ra, Samsung Galaxy A27 Snapdragon 6 Gen 3 protsessoridan foydalanadi.

AQSh Rossiya neftini xarid qilishga ruxsat beruvchi vaqtinchalik imtiyozni yana 30 kunga uzaytirdi. Bu qaror energiya narxlari keskin oshib borayotgan bir paytda qabul qilindi.

AQSh Moliya vaziri Skott Bessentning ma’lum qilishicha, imtiyoz eng ko‘p energiya tanqisligidan aziyat chekayotgan davlatlarga yordam berish uchun joriy etilgan. Unga ko‘ra, dengizda qolib ketgan Rossiya neftini vaqtincha xarid qilish imkoniyati yaratiladi.

Vazirning aytishicha, bu qaror jahon neft bozorini barqarorlashtirish va energiyaga eng muhtoj mamlakatlarga neft yetkazib berishni ta’minlashga xizmat qiladi. Shuningdek, arzon Rossiya neftini Xitoy tomonidan katta hajmda zaxiralab olishining oldini olish ham maqsad qilingan.

The Hill yozishicha, so‘nggi haftalarda Eron atrofidagi mojaro...

O‘zbekistonda davlat chegarasi orqali noqonuniy tunnel yoki yerosti inshootlari qurish, ulardan foydalanish va bu faoliyatni moliyalashtirish uchun alohida jinoiy javobgarlik belgilanmoqda. Qonun loyihasi Qonunchilik palatasida qabul qilinib, Senatga yuborildi.

Hujjat bilan Jinoyat kodeksi hamda Jinoyat-protsessual kodeksiga o‘zgartirish va qo‘shimchalar kiritilmoqda. Loyihaga ko‘ra, yer ostida noqonuniy qurilgan inshootlar, tunnellar yoki boshqa infratuzilma obyektlaridan foydalanib bojxona qonunchiligini buzish og‘irlashtiruvchi holat sifatida belgilanadi.

Shuningdek, bunday tunnel va inshootlar orqali O‘zbekistondan noqonuniy chiqish, mamlakatga noqonuniy kirish yoki davlat chegarasini kesib o‘tish holatlari uchun javobgarlik kuchaytiriladi.

Qonun loyihasida davlat chegarasi orqali yerostida noqonuniy inshootlar va tunnellar qurilishiga sharoit yaratish ham alohida jinoyat sifatida...

Endi ayrim qarzdorlik bo‘yicha nizosiz ishlar sudda emas, notarius orqali hal qilinishi mumkin. Bu haqda quyi palata matbuot xizmati ma’lum qildi.

Unga ko‘ra, ijara to‘lovlari, ko‘p kvartirali uylardagi joylar mulkdorlaridan olinadigan majburiy badallar va to‘lovlar bo‘yicha talablar sud buyrug‘i tartibida ko‘riladi. Shuningdek, kommunal va aloqa xizmatlari bo‘yicha qarzdorlikni undirishga oid talablar ham shu tartibda ko‘rib chiqilishi mumkin.

Biroq bu talablar miqdori bazaviy hisoblash miqdorining ming baravaridan ko‘p bo‘lishi kerak. Mazkur miqdordan kam bo‘lgan nizosiz talablar esa notariuslar tomonidan ko‘rib chiqiladi. Loyiha bilan «Davlat boji to‘g‘risida»gi Qonunga ham o‘zgartirish kiritilmoqda.

Unga ko‘ra, ijro xatlarini yozib berganlik uchun undiriladigan summa notariusning...

Superliga klublari Osiyo Chempionlar ligasi (OChL) doirasida jami uchta yo‘llanmaga ega bo‘ladi. Bu haqda OFK (Osiyo futbol konfederatsiyasi) ma’lum qildi. Unga ko‘ra, mamlakat jamoalari uchun Elit OChLda (1+1) va OChL 2 musobaqasida bitta kvota ajratiladi.

OFK tomonidan yangilangan taqsimotga asosan, O‘zbekiston Superligasi chempioni to‘g‘ridan to‘g‘ri Elit OChL guruh bosqichida ishtirok etish huquqini qo‘lga kiritadi. Joriy mavsum natijalariga ko‘ra, bu o‘rinni hozircha «Neftchi» klubi egallab turibdi.

Shuningdek, O‘zbekiston kubogi sohibi yoki vitse-chempion Elit OChL saralash bosqichida qatnashadi. Joriy yilda ushbu imkoniyatga «Paxtakor» da’vogarlik qilmoqda. Agar saralash bosqichida qatnashayotgan jamoa guruh bosqichiga yo‘llanmani qo‘lga kirita olmasa, u o‘z ishtirokini OChL...

Turkiyaning Mersin viloyatida qurolli hujumlar oqibatida 5 kishi halok bo‘ldi, 7 kishi yaralandi. Bu haqda CNN Turk xizmati xabar berdi.

Dastlabki ma’lumotlarga ko‘ra, hodisa Jamlıyayla va Tarsus tumanlarida sodir bo‘lgan. 37 yoshli shaxs avval Jamlıyayla tumanining Darıpınarı mahallasida yashovchi sobiq rafiqasini o‘ldirgan. Shundan so‘ng u avtomobilida voqea joyidan qochgan. Keyin Tarsus tumanidagi Kadelli mahallasida joylashgan restoran oldiga borgan va u yerda o‘t ochgan.

Hujum oqibatida restoran egasi va muassasa xodimi halok bo‘lgan. Voqea joyiga tez tibbiy yordam va jandarmiya xodimlari yuborilgan. Xabarga ko‘ra, gumonlanuvchi keyinroq yana uch kishini o‘ldirgan. U qochish davomida yana 7 kishini yaralagan.

Politsiya xodimlari gumonlanuvchini...

Great Wall Motor (GWM) kompaniyasining Wey brendi yangi GWM Wey V9X avtomobilini Xitoy bozorida sotuvga chiqardi. Bu haqda CarNewsChina nashri xabar bermoqda.

Model uchun oldindan buyurtmalar o‘tgan oy ochilgan edi. Yangi avtomobil uch xil talqinda taklif etiladi. Wey V9X narxi 349,8 ming yuandan boshlanadi. Eng yuqori talqin 389,8 ming yuanga baholangan. Bu taxminan $51,4 mingdan $57,3 minggacha degani.

Dastlab bozorga Super Hi4 plagin-gibrid versiyalari chiqarildi. Keyinroq HEV gibrid va to‘liq elektr versiyalar ham model qatoriga qo‘shilishi kutilmoqda. Avtomobil dizayni an’anaviy Xitoy me’morchiligi uslubidan ilhomlangan. Old qismda yopiq «Star-ring» panjara va Galaxy uslubidagi uzluksiz LED chiroq chizig‘i qo‘llangan.

Eslatib o‘tamiz...

Buxoro shahrida kuchli shamol avtobus bekatini o‘z o‘rnidan ko‘chirib, yo‘lning qatnov qismiga surib yubordi. Hodisa oqibatida hech kim jabrlanmagan.

Ijtimoiy tarmoqlarda tarqalgan videolarda shamol po‘rtanasi bekatni o‘z o‘rnidan qo‘porib, qatnov qismiga tushirgani aks etgan. O‘sha vaqtda bekat atrofida odamlar bo‘lmagan.

Eslatib o‘tamiz, bu kabi holat Qoraqalpog‘istonning Beruniy tumanida ham kuzatilgan edi. U yerda kuchli shamol bolalar maydonchasidagi batutlarni ag‘darib, uchirib ketgan. Tarqalgan videolarda ag‘darilgan batut konstruksiyalari odamlar ustiga tushgani ko‘rinadi.

Avvalroq Kursiv Uzbekistan Toshkentdan so‘ng Olmaotada ham kuchli yomg‘ir kuzatilgani haqida xabar bergan edi.

Eronning tinchlik bo‘yicha yangilangan taklifida boyitilgan uran zaxirasini AQShga emas, Rossiyaga topshirish sharti borligi xabar qilindi. Bu haqda Al Arabiya manbalariga tayanib xabar berdi.

Ma’lumotlarga ko‘ra, Eron AQSh bilan urushni tugatish bo‘yicha 14 banddan iborat yangi reja tayyorlagan. Ushbu taklif Pokiston vositachilariga yuborilgani aytilmoqda. Al Arabiya tarqatgan ma’lumotga ko‘ra, Tehron atom dasturini to‘liq tugatish o‘rniga uzoq muddatli yadro muzlatish rejimiga rozi bo‘lishi mumkin. Shuningdek, Eron urushdagi zarar uchun kompensatsiya emas, iqtisodiy imtiyozlar talab qilmoqda.

Eronning yarim rasmiy Tasnim agentligi ham Tehron yangi 14 bandlik tinchlik rejasini Pokiston vositachisiga topshirganini xabar qildi. Agentlik Eron muzokara guruhiga yaqin manbaga tayanmoqda. Manbaga...

2026-yilning yanvar – mart oylarida O‘zbekistonga xorijiy davlatlardan doimiy yashash maqsadida jami 721 kishi ko‘chib kelgan bo‘lib, ularning asosiy qismi Rossiya hissasiga to‘g‘ri keladi. Bu haqda Milliy statistika qo‘mitasi ma’lum qildi.

Xorijdan kelganlarning qariyb uchdan bir qismi (34,1 foizi) Rossiyadan ko‘chib o‘tgan. Keyingi o‘rinlarni Qozog‘iston (19,7 foiz), Tojikiston (12,2 foiz), Qirg‘iziston (4,9 foiz) va Turkmaniston (3,7 foiz) band etgan. Qolgan 25,4 foiz boshqa davlatlar hissasiga to‘g‘ri keladi.

Hududlar kesimida tahlil qilinganda, ko‘chib kelganlarning mutlaq ko‘pchiligi Toshkent shahrini tanlagan – 454 nafar. Toshkent viloyatida 126 nafar, Qoraqalpog‘iston Respublikasida esa 56 nafar shaxs ro‘yxatga olingan.

Boshqa hududlardagi ko‘rsatkichlar nisbatan past. Samarqand...

iOS 27 va iPadOS 27 versiyalarida Siri kundalik vazifalarga yanada ko‘proq integratsiya qilinib, foydalanuvchi o‘rniga matn yozish va sun’iy intellekt orqali fon rasmlarini yaratish imkoniyatlariga ega bo‘ladi. Bu haqda Bloomberg ma’lum qildi.

Bloomberg jurnalisti Mark Gurman iOS 27 hamda iPadOS 27 operatsion tizimlariga qo‘shilishi kutilayotgan yangi sun’iy intellekt (SI) funksiyalari haqida ma’lumot berdi. Siri foydalanuvchi yozgan matndagi grammatik xatolarni aniqlab, darhol to‘g‘ri variantlarni taklif qilishni o‘rganadi.

Gurman bu funksiyani Grammarly ilovasining ishlashiga o‘xshatmoqda. Unga ko‘ra, tahrirlar yarim shaffof ochiluvchi menyuda ko‘rinadi. Foydalanuvchilar o‘z matnini Siri taklif qilgan variant bilan solishtirib, o‘zgarishlarni qisman yoki to‘liq qabul qilishi yoxud umuman e’tiborsiz...

General Motors 2027-yilgi Chevrolet Traverse krossoveriga yangi kamera funksiyalarini qo‘shadi. GM Authority yozishicha, yangilanishlar uch qatorli oilaviy avtomobilning barcha versiyalarida paydo bo‘ladi.

Yangi modelda salon ichini kuzatuvchi kamera standart uskuna sifatida taqdim etiladi. U Cabin Glance funksiyasini qo‘llab-quvvatlaydi. Bu tizim multimedia ekrani orqali ikkinchi va uchinchi qatordagi yo‘lovchilarni tezda ko‘rish imkonini beradi. Funksiya, ayniqsa, bolali oilalar va uy hayvonlari bilan sayohat qiluvchilar uchun qulay bo‘ladi.

Ichki kamera Security Recording funksiyasini ham qo‘llaydi. Ushbu tizim avtomobil to‘xtab turgan paytda salon ichidagi harakatlarni yozib boradi. Bu esa o‘g‘rilik yoki vandalizm holatlarida qo‘shimcha xavfsizlik yaratadi.

Shuningdek, 2027-yilgi Traverse Surround Vision Recorder tizimiga...

Tijorat banklari tomonidan 19-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida qanday o‘zgargani haqida yozgandi.

AQShning San-Diego shahridagi masjid va maktab hududida otishma sodir bo‘ldi. Politsiya ma’lumotiga ko‘ra, hodisa oqibatida kamida uch nafar katta yoshli kishi halok bo‘lgan.

Otishma Clairemont mavzesida joylashgan Islamic Center of San Diego hududida yuz bergan. Clairemont San-Diego markazidan taxminan 8 mil shimolda joylashgan. Rasmiylarga ko‘ra, halok bo‘lganlar orasida xavfsizlik xodimi ham bor. Mutasaddilar uning harakati qurbonlar soni yanada oshib ketishining oldini olishda muhim rol o‘ynaganini bildirdi.

Hodisa joyiga ko‘plab huquq-tartibot organlari xodimlari jalb qilingan. Politsiya ikki nafar gumonlanuvchi ham vafot etganini ma’lum qildi. Ularning yoshi 17 va 18 da bo‘lgan.

Islom markazi imomining aytishicha, hodisa vaqtida masjid hududida bo‘lgan...

Toshkent shahar hokimligi xodimlari uchun yangi odob-axloq qoidalari tasdiqlandi. Unga ko‘ra, xodimlarga ichkilikbozlik, qimor o‘yinlari va qimmatbaho sovg‘alar olish taqiqlanadi.

Shahar hokimi farmoyishiga binoan, xodimlarga qimor va tavakkalchilikka asoslangan o‘yinlarda qatnashish, xizmat mavqeyidan shaxsiy manfaat yo‘lida foydalanish hamda ish faoliyati bilan bog‘liq tashkilotlardan qimmatbaho sovg‘alar olish man etildi.

Shuningdek, xizmat avtomobillaridan shaxsiy maqsadda foydalanish, ijtimoiy tarmoqlarda davlat organlari faoliyatini muhokama qilish va fuqarolar sha’niga tegadigan ma’lumotlar tarqatish ham taqiqlar ro‘yxatidan joy oldi.

Hokimlikda odob-axloq qoidalariga rioya etilishini nazorat qiluvchi maxsus komissiya ham tashkil etildi.

Eslatib o‘tamiz, avvalroq Toshkent shahar hokimining soxta akkauntlari orqali firibgarliklar amalga oshirilayotgani xabar qilingandi...

Angliya premyer-ligasining 37-turida «Arsenal» Emirates stadionida «Byornli» bilan kuch sinashdi va raqibini 1:0 hisobida mag‘lubiyatga uchratdi.

Uchrashuvda «Arsenal» bosh murabbiyi Mikel Arteta hujumkor tarkibni maydonga tushirdi. O‘yinning borishi to‘liq londonliklar nazoratida bo‘ldi, garchi «Byornli» darvozasiga ikkinchi gol kiritilmagan bo‘lsa ham. Birinchi bo‘limda Leandro Trossardning zarbasi darvoza ustuniga tegdi.

O‘yindagi yagona golga 37-daqiqada Kay Xaverts mualliflik qildi. Xaverts o‘yin davomida nafaqat gol urdi, balki raqib futbolchisi Lesli Ugochukvuga nisbatan qo‘pol harakati uchun qizil kartochkadan qutulib qoldi. VAR tizimi ushbu vaziyatda hakamning faqat sariq kartochka ko‘rsatganini to‘g‘ri deb topdi.

Mazkur g‘alaba evaziga «Arsenal» 22 yildan so‘ng ilk bor APL chempionligini qo‘lga...

Oppo kompaniyasi Oppo Reno16 seriyasining taqdimot sanasini rasman e’lon qildi. GSMArena ma’lumotiga ko‘ra, yangi smartfonlar 25-may kuni Xitoyda namoyish etiladi.

Taqdimotda Oppo Reno16 va Reno16 Pro modellari bilan birga Oppo Pad 6 plansheti, Oppo Enco Air 5s simsiz quloqchini ham ko‘rsatiladi. Kompaniya, shuningdek, Oppo Bubble nomli yangi aksessuarni ham taqdim etadi.

Oppo‘ning Xitoydagi rasmiy onlayn do‘konida yangi qurilmalar uchun oldindan buyurtma qabul qilish boshlangan. Kompaniya Reno16 seriyasi 200 megapikselli uchta orqa kameraga ega bo‘lishini tasdiqladi. Reno16 Pro modeli Heartbeat, Dream Blue va Moonlit Black ranglarida sotuvga chiqadi. Reno16 Pro 12/256 GB, 12/512 GB va 16/512 GB xotira talqinlarida taklif...

Samsung One UI 8.5 interfeys yangilanishining final versiyasini tarqatishni tezlashtirdi. Yangilanish bir vaqtning o‘zida 11 ta Galaxy liniyasi uchun chiqarilgan.

Avval Samsung yangi interfeys versiyalarini dastlab so‘nggi flagman modellarga taqdim etar edi. Keyin yangilanish bosqichma-bosqich boshqa qurilmalarga yetib borardi. Bu safar kompaniya jarayonni ancha tezlashtirgan.

Yangilanish Galaxy S24, Galaxy S24 Plus va Galaxy S24 Ultra modellariga chiqdi. Shuningdek, Galaxy S23 liniyasi ham yangilanishni oldi. Unga Galaxy S23, Galaxy S23 Plus, Galaxy S23 Ultra va Galaxy S23 FE kiradi.

Bundan tashqari, o‘rta segmentdagi Galaxy A56 va Galaxy A36 smartfonlari ham One UI 8.5 ga yangilandi. Manbaga ko‘ra, ayrim qurilmalar yangilanishni...