Yangiliklar

Uzum avtomobillarni sotib olish va sotish uchun Uzum Avto yangi ilovasini sinov rejimida ishga tushirdi. Bu haqda kompaniya Kursiv Uzbekistan’ga ma’lumot berdi.

Hozircha servis Andijon, Namangan va Farg‘ona viloyatlarida ishlamoqda. Undan avtodilerlar ham, oddiy foydalanuvchilar ham bepul foydalanishi mumkin.

E’lon joylashtirish uchun avtomobil raqami, surat va narxni kiritish kifoya. Qolgan ma’lumotlarni servis avtomatik to‘ldiradi. E’lon yaratish o‘rtacha bir daqiqa vaqt oladi.

Ilovada sun’iy intellekt asosida moderatsiya tizimi ishlaydi. U takroriy, soxta va noto‘g‘ri e’lonlarni avtomatik bloklaydi.

Xaridor kerakli avtomobilni tanlab, sotuvchi bilan bevosita bog‘lanishi mumkin.

— Onlayn avtomobil bozori hali ham foydalanuvchilar uchun murakkab bo‘lib...

Afrikada joylashgan Kongo Demokratik Respublikasining sharqida Ebola virusidan yana 26 ta o‘lim holati qayd etildi. Qurbonlarning umumiy soni 131 kishiga yetdi. Bu haqda Reuters xabar bermoqda.

Bu virusning kam uchraydigan Bundibugyo shtammi bo‘lib, Kongoda 543 ta ehtimoliy va 33 ta tasdiqlangan, qo‘shni Ugandada esa 2 ta tasdiqlangan holat qayd etilgan. JSST ma’lumotlariga ko‘ra, Ebola infeksiyalangan odamlar yoki hayvonlarning tana suyuqliklari orqali tarqaladi va o‘lim darajasi o‘rtacha 50 foizni tashkil qiladi.

Kasallik aholi zich joylashgan, qurolli mojarolar davom etayotgan hududlarda haftalar davomida e’tibordan chetda qolgani mutaxassislarni xavotirga solmoqda. Butembo shahrida ham dastlabki ikkita kasallik holati tasdiqlangan. Kongodan Ruandaga o‘tishga uringanlar...

Saudiya Arabistonida o‘tkazilayotgan 17 yoshgacha bo‘lgan futbolchilar o‘rtasidagi Osiyo kubogining yarim finalida musobaqaning amaldagi g‘olibi O‘zbekiston o‘smirlar terma jamoasi Yaponiya vakillariga qarshi maydonga tushdi.

Uchrashuvning asosiy vaqti 1:1 hisobidagi durang bilan yakunlangach, g‘olib nomi penaltilar seriyasida aniqlandi. Futbol lotereyasida omad yaponiyaliklarga kulib boqdi va ular final yo‘llanmasini qo‘lga kiritishdi.

Bahsning birinchi bo‘limi to‘liq o‘zbekistonliklar nazorati ostida o‘tdi. 25-daqiqada tashkil etilgan ketma-ket hujumlar o‘z samarasini berdi. Ahror Ravshanbekov jarima maydonchasi ichida raqiblarini birin-ketin aldab o‘tayotgan vaziyatda qo‘pollik bilan to‘xtatildi. Bosh hakam tomonidan belgilangan penaltini Asilbek Aliyev aniq amalga oshirib, hisobni ochdi.

Shundan so‘ng ham Sergey Chigodayev shogirdlarida hisobni yiriklashtirish uchun...

Uzum va Yevroosiyo taraqqiyot banki (YTB) o‘rtasida $70 mlnlik kredit bitimi imzolandi. Bu haqda kompaniya rasmiy sahifasida ma’lum qildi.

Bitim Toshkentda YTB vakolatxonasi ochilishi doirasida tuzildi. Bu bankning O‘zbekiston tashkilotga qo‘shilganidan keyingi mamlakatdagi birinchi sarmoyasi hisoblanadi.

Jalb qilingan mablag‘lar O‘zbekistonda raqamli moliyaviy xizmatlarni kengaytirishga yo‘naltiriladi. Xususan, kredit raqamli to‘lovlar, iste’molchilarni moliyalashtirish va tadbirkorlar uchun qulay moliyaviy xizmatlarni rivojlantirishga xizmat qiladi.

Uzum yozishicha, ushbu hamkorlik mamlakatda raqamli infratuzilmani rivojlantirish va aholining moliyaviy xizmatlardan foydalanish imkoniyatini kengaytirishda muhim qadam bo‘ladi.

Eslatib o‘tamiz, avvalroq kompaniya Oʻmon fondidan $130 mln investitsiya jalb qilgandi. Kompaniyaning taʼkidlashicha, mablagʻ strategik investitsiya raundi doirasida jalb etilib...

Toshkent metrosida 2027-yildan yo‘lkirani bosib o‘tilgan masofa yoki bekatlar soniga qarab to‘lash tizimi joriy etiladi. Bu prezidentning tegishli qarorida belgilandi.

Qarorga ko‘ra, yo‘lovchilar uchun kunlik, haftalik va oylik abonementlar hamda ayrim toifalar uchun imtiyozlar yo‘lga qo‘yilishi rejalashtirilmoqda. Metropolitenda yo‘lkira haqini to‘lashning yangi tizimi ishlab chiqiladi. Unda yo‘lovchilar bosib o‘tgan masofasi yoki bekatlar soniga qarab haq to‘laydi.

Yangi tartibni 2027-yil 1-yanvardan amaliyotga joriy etish rejalashtirilgan. Transport vazirligi, Iqtisodiyot va moliya vazirligi, «Toshkent metropoliteni» hamda Toshkent shahar hokimligiga xorijiy tajriba asosida takliflar ishlab chiqish topshirildi. Takliflar olti oy muddatda Vazirlar Mahkamasiga kiritilishi kerak. Ularda aholining ayrim toifalari uchun alohida imtiyozlar, shuningdek...

Aprel oyida O‘zbekistonda 8,1 mingta elektromobil sotilib, o‘tgan yilning shu davriga nisbatan qariyb ikki barobar o‘sishni ko‘rsatdi. Bu haqda Iqtisodiy tadqiqotlar va islohotlar markazi (CERR) sharhida ma’lum qilindi.

Hisobotga ko‘ra, aprel oyida respublika bo‘yicha barcha turdagi avtotransport vositalari savdosi 88,2 ming donani tashkil etdi. Bu 2025-yilning mos davriga nisbatan 1,9 foizga kam. Yil boshidan buyon mamlakatda jami 348,5 mingta avtotransport vositasi sotilgan. Bu o‘tgan yilning mos davriga nisbatan 4,1 foizga ko‘p.

Hududlar kesimida eng yuqori o‘sish Toshkent shahrida qayd etildi. Poytaxtda avtomobil bozori hajmi 11,8 foizga oshdi. Farg‘ona viloyatida o‘sish 11 foizni, Samarqand viloyatida esa 10,9 foizni tashkil qildi. Aprel...

Samarqand viloyatining Oqdaryo tumanida Tracker, Nexia, Cobalt va Shacman avtomobillari ishtirokida yo‘l-transport hodisasi (YTH) yuz berdi. Bu haqda viloyat YHXB xabar bermoqda.

Voqea 2026-yil 19-may kuni soat 19:15 lar atrofida sodir bo‘lgan. YTH Oqdaryo tumani hududidan o‘tuvchi M-37 avtomobil yo‘lining 6-kilometrida qayd etilgan. Hodisa oqibatida tan jarohati olganlar va vafot etganlar yo‘q.

Mazkur holat yuzasidan Oqdaryo tumani IIB JXX YHXG xodimlari tomonidan dastlabki surishtiruv ishlari olib borilmoqda. YTH sabablari o‘rganilmoqda. Mas’ullar haydovchilardan yo‘l harakati qoidalariga qat’iy amal qilishni so‘radi. Shuningdek, transport vositasini belgilangan tezlikda va ehtiyotkorlik bilan boshqarish tavsiya etilgan.

Eslatib o‘tamiz, «Kursiv» nashri Samarqandda kanalga tushib ketgan Nexia...

Ispaniyaning taniqli Diario AS nashri Jahon chempionatiga bormaydigan nomdor futbolchilarning ramziy jamoasini e’lon qildi. Ushbu ro‘yxatdan O‘zbekiston terma jamoasi va «Manchester Siti» klubi himoyachisi Abduqodir Husanov ham joy olgan.

Diario AS nashrining Facebook sahifasida e’lon qilingan post izohlarida ispaniyalik obunachilar tahririyat xatosini ko‘rsatib o‘tgan. Xususan, O‘zbekiston terma jamoasi mundial yo‘llanmasini muddatidan avval qo‘lga kiritgani va Husanov Shimoliy Amerikada o‘tadigan turnirda ishtirok etishi ta’kidlangan.

Ramziy jamoadan yana bir qator taniqli futbolchilar o‘rin olgan. Ular orasida xochsimon payi uzilgani sabab uzoq muddatga safdan chiqqan «Real» hujumchisi Rodrigo hamda Braziliya terma jamoasi bosh murabbiyi Karlo Anchelottining qaroriga ko‘ra tarkibga kiritilmagan Joau Pedru

Huaweicentral ma’lumotlariga ko‘ra, Honor kompaniyasi iyunda Honor X80 modelini, avgustda esa dunyodagi ilk Robot Phone smartfonini ommaviy ishlab chiqarishga chiqarishi mumkin.

Honor X80 o‘tgan yilgi Honor X70 modelining davomchisi bo‘ladi. Dastlabki ma’lumotlarga ko‘ra, yangi smartfon avtonomlik va texnik imkoniyatlar bo‘yicha sezilarli yangilanishlarga ega bo‘ladi. Hozircha Honor X80’ning batafsil xususiyatlari oshkor qilinmagan. Biroq model X seriyasidagi navbatdagi muhim qurilma sifatida ko‘rilmoqda. Kompaniya ushbu liniyada odatda katta batareya, barqaror ishlash va nisbatan hamyonbop narxga urg‘u beradi.

Shu bilan birga, may oyi oxirida Xitoyda Honor 600 seriyasi taqdim etilishi kutilmoqda. Kompaniya ushbu tadbirda yangi ekotizim qurilmalarini ham ko‘rsatishi mumkin. Ular orasida planshet...

Huawei 2026-yil may oyidagi chegirmalar davrida Xitoy smartfon bozorida yetakchilikni saqlab qoldi. Bu haqda Huaweicentral nashri xabar bermoqda.

Counterpoint Research ma’lumotiga ko‘ra, kompaniya Apple va boshqa raqobatchilar fonida eng kuchli natijalardan birini ko‘rsatdi. Xitoy smartfon bozori may oyidagi savdolar davrida yillik hisobda 16 foizga qisqardi. Bunga xotira chiplarining qimmatlashgani va taqchilligi sabab bo‘lgan. Shu omillar ko‘plab brendlarni yangi va avvalgi modellar narxini oshirishga majbur qilgan.

Shuningdek, bu yil may chegirmalari avvalgi yillardagidek faol bo‘lmadi. Kompaniyalar savdo hajmidan ko‘ra foydani saqlab qolishga ko‘proq e’tibor qaratdi. Shunday sharoitda Huawei bozordagi pozitsiyasini mustahkamladi. Kompaniya Enjoy 90 Pro Max modeli yuqori savdo ko‘rsatkichlariga...

2,5 mingga yaqin dorixona iste’molchilardan 21,1 mlrd so‘mni asossiz olgani aniqlandi. Bu haqda Raqobat qo‘mitasi xabar bermoqda.

Raqobat qo‘mitasi ma’lumotiga ko‘ra, o‘tgan davrda 2,5 mingga yaqin dorixona tomonidan 686 mingga yaqin qoidabuzarlik holati qayd etilgan. Ularda cheklangan savdo ustamasi 10 foizdan 3 barobargacha oshirib qo‘llangan. Natijada iste’molchilardan 21,1 mlrd so‘mdan ortiq mablag‘ asossiz olingani ma’lum bo‘lgan. Ushbu mablag‘larni qaytarish bo‘yicha tegishli choralar ko‘rilgan.

2026-yilning birinchi choragida ham shunday holatlar aniqlangan. 190 dan ortiq dorixonada 110,5 mingga yaqin qoidabuzarlik qayd etilgan. Bu holatlarda iste’molchilardan 1,4 mlrd so‘mdan ortiq mablag‘ asossiz olingan.

Dori vositalari narxlarini nazorat qilish bo‘yicha raqamlashtirilgan tizim chakana...

O‘zbekistonda raqobatga qarshi kelishuvlar va reklama qonunchiligi buzilgani haqida ma’lumot bergan fuqarolarni rag‘batlantirish tartibi joriy etilmoqda.

Raqobat qo‘mitasi tomonidan kiritilgan qaror loyihasiga ko‘ra, qonunbuzarlik haqida ma’lumot bergan shaxsga jarimadan tushgan mablag‘ hisobidan mukofot puli to‘lanadi.

Raqobatga qarshi kelishuvlar aniqlansa, xabar bergan shaxs jarima qoldiq summasining 3 foizigacha, ammo BHMning 100 baravaridan oshmagan (41,2 mln so‘m) miqdorda mukofot oladi.

Reklama qonunchiligi buzilgani haqida ma’lumot berganlarga esa jarimaning 10 foizigacha, biroq BHMning 10 baravaridan oshmagan (4,1 mln so‘m) miqdorda pul beriladi.

Ma’lumotlar og‘zaki, yozma, elektron tizim yoki ishonch telefonlari orqali yuborilishi mumkin. Murojaatda qonunbuzarlik tafsilotlari, dalillar va murojaatchi haqida ma’lumot...

Qozog‘istonning Alatau City hududida Markaziy Osiyodagi ilk aerotaksi sinovdan o‘tkazildi. Parvoz hozircha uchuvchi va yo‘lovchilarsiz amalga oshirilgan, deya xabar bermoqda mahalliy Time nashri.

Sinovda Xitoyning AutoFlight kompaniyasi ishlab chiqargan Prosperity nomli eVTOL apparati qatnashdi. U vertikal uchish va qo‘nish imkoniga ega elektr havo transporti hisoblanadi. Qurilma yerdan boshqarildi va havoda sinov manyovrlarini bajardi.

Apparat 13 ta elektromotor bilan jihozlangan. U soatiga 200 kilometrgacha tezlikka chiqishi va bir quvvatlanishda 200 kilometr masofani bosib o‘tishi mumkin. Aerotaksi saloni to‘rt yo‘lovchi va bir uchuvchiga mo‘ljallangan.

Alatau City’da vertiportlar tarmog‘i barpo etilishi rejalashtirilgan. Ular aerotaksilar uchishi va qo‘nishi uchun maxsus maydonlar bo‘ladi. Bunday...

Buyuk Britaniya boy investorlar uchun yangi «faqat taklifnoma orqali» ishlaydigan viza dasturini ishga tushirishni ko‘rib chiqmoqda. Bu haqda Bloomberg xabar berdi.

Yangi tizimga ko‘ra, mamlakat iqtisodiyotining ustuvor yo‘nalishlariga kamida 5 mln funt sterling ($6,7 mln) investitsiya kiritgan xorijliklar uch yil davomida Britaniyada yashash huquqini olishi mumkin.

Ma’lumotlarga ko‘ra, investorlar tez rivojlanayotgan britan kompaniyalari va boshqa muhim loyihalarga sarmoya kiritishi kerak bo‘ladi. Dastur faqat maxsus taklif asosida ishlaydi va nomzodlar kuchaytirilgan tekshiruvdan o‘tadi.

Uch yildan keyin viza egalari doimiy yashash huquqini olish imkoniyatiga ega bo‘lishi mumkin.

Oninvest yozishicha, Britaniya hukumati vakili mamlakat xorijiy investitsiyalarni jalb qilish ustida faol ishlayotganini...

2026-yilning yanvar-mart oylarida O‘zbekistonga 8 ta xorijiy davlatdan qiymati $3,3 mlnga teng bo‘lgan muzqaymoq mahsulotlari olib kelindi. Bu haqda Milliy statistika qo‘mitasi ma’lum qildi.

2026-yilning birinchi choragida mamlakatimizga muzqaymoq import qilish ko‘rsatkichi 2025-yilning mos davriga nisbatan keskin oshdi. Xususan, bu hajm qariyb $1,9 mlnga ko‘paygan bo‘lib, ichki bozorda xorijiy shirinliklarga bo‘lgan talab ortgan.

Joriy yilning dastlabki uch oyida O‘zbekistonga eng ko‘p muzqaymoq yetkazib bergan davlat Rossiya bo‘ldi. Ushbu mamlakatdan jami 275,3 tonna shirinlik olib kelingan. Undan keyingi o‘rinlarni mos ravishda Qozog‘iston (139 tonna), Xitoy (46,2 tonna), Belarus (20,2 tonna) hamda Fransiya (17,6 tonna) davlatlari band etgan. Shuningdek, boshqa xorijiy...

Tijorat banklari tomonidan 20-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida qanday o‘zgargani haqida yozgandi. 

2027-yil 1-yanvardan soliq tizimi rivojiga hissa qo‘shgan shaxslarni rag‘batlantirish maqsadida «Soliq xizmati fidoyisi» ko‘krak nishoni joriy etiladi. Bu haqida Prezident farmonida keltirilgan.

Unga ko‘ra, 2027-yil 1-yanvardan qishloq xo‘jaligiga mo‘ljallangan yerlar bo‘yicha soliq vakolatli organlar taqdim etgan ma’lumotlar asosida hisoblanadi. Shu bilan birga, soliq to‘lovchilarning soliq hisobotini topshirish majburiyati bekor qilinadi.

Jismoniy shaxslarning ipoteka kreditini yopishga yo‘naltirilgan daromadlari uchun soliq imtiyozlari proaktiv tartibda qo‘llanadi. Imtiyoz natijasida ortiqcha to‘langan mablag‘ fuqaro murojaatidan keyin 10 ish kuni ichida qaytariladi.

Farmon bilan ketma-ket oxirgi 12 oy davomida to‘langan soliqlar, yig‘imlar va davlat boji hajmi BHMning 500 ming baravaridan oshgan korxonalar hamda tijorat banklari...

RedMagic kompaniyasi yangi RedMagic 11S Pro gaming smartfonining global taqdimot sanasini e’lon qildi. Qurilmaning xalqaro versiyasi 27-may kuni namoyish etiladi.

Kompaniyaning rasmiy sahifasida RedMagic 11S Pro taqdimoti 27-may kuni AQSh vaqti bilan 08:00 da o‘tkazilishi ko‘rsatilgan. Smartfon 7500 mA/soat sig‘imli batareya va yangilangan AquaCore sovitish tizimi bilan chiqadi.

Dastlabki buyurtmalar iyun boshida ochilishi kutilmoqda. To‘liq savdolar esa taxminan 9-iyundan boshlanishi mumkin. Global versiya narxi hozircha e’lon qilinmagan. Xitoyda RedMagic 11S Pro narxi $810 dan boshlanadi. Yangi model RedMagic’ning eng kuchli gaming smartfonlaridan biri bo‘ladi. U Snapdragon 8 Elite Gen 5 Leading Version chipi bilan jihozlanadi. Bu protsessor odatiy versiyaga...

Toshkent shahrida 20-may holatiga ko‘ra, atmosfera havosining ifloslanish darajasi me’yorda ekanligi qayd etildi. Bu haqda Gidrometeorologiya xizmati agentligi xabar berdi.

Avtomatik stansiyalar ma’lumotlariga ko‘ra, 20-may kuni soat 09:00 da PM10 mayda dispersli zarrachalar miqdori 48 mkg/m3 ni tashkil qilgan. Bu ruxsat etilgan me’yor 300 mkg/m3 dan past. PM2,5 mayda dispersli zarrachalar miqdori esa 16 mkg/m3 bo‘lib, ruxsat etilgan me’yordan 60 mkg/m3 oshmagan.

Ma’lumot uchun, 20-may kuni O‘zbekistonning ayrim hududlarida qisqa muddatli yomg‘ir va momaqaldiroq kuzatilishi kutilmoqda. Tog‘li hududlarda esa kuchli yog‘ingarchilik va sel-suv toshqinlari xavfi bor.

Avvalroq Kursiv Uzbekistan Toshkent havosi eng ifloslangan shaharlar o‘nligiga kirgani haqida xabar...

Navoiy viloyatining Xatirchi tumanida noqonuniy kon qazish bilan shug‘ullangan jinoiy guruh faoliyatiga chek qo‘yildi. Bu haqda viloyat IIB xabar bermoqda.

Ma’lumotlarga ko‘ra, Xatirchi tumanining Oqtepa mahallasida yashovchi 1993-yilda tug‘ilgan shaxs oson boylik orttirish maqsadida bir guruh yoshlarni atrofiga to‘plagan. Guruh tarkibida 1988, 1992, 1998, 2006 va 2007-yillarda tug‘ilgan shaxslar bo‘lgan. Ular orasida uyushmagan va jinoyat sodir etishga moyil yoshlar borligi aytilmoqda.

Mazkur guruh Xatirchi tumanidagi Oltinsoy tog‘ tizmalarida ruxsatsiz kon qazish ishlari bilan shug‘ullangan. Ular hech qanday ruxsatnomasiz, qo‘lbola usulda qazish ishlarini olib borgan. Bu esa ularning o‘z hayoti va sog‘lig‘iga xavf tug‘dirgan.

Shuningdek, noqonuniy kon qazish ishlari davlat...

Rossiya prezidenti Vladimir Putin Xitoy rahbari Si Szinpin bilan muzokaralar o‘tkazish uchun Pekinga keldi. Muzokaralar AQSh prezidenti Donald Trampning Xitoyga tashrifidan bir necha kun o‘tib tashkil etildi. Bu haqda Reuters xabar bermoqda.

Vladimir Putin va Si Szinpin Xalq Yig‘ilishlari Uyida uchrashuvni boshladi. Kutib olish marosimida 21 marta o‘q uzildi va harbiy orkestr jo‘rligida harbiylar marsh yurib o‘tishdi. Rossiya prezidenti Xitoy rahbari bilan uchrashishdan oldin, rasmiylar bilan salomlashgan.

Muzokaralarda muhim e’tibor Rossiyaning «Sibir qudrati-2» (Power of Siberia 2) tabiiy gaz quvuriga qaratilishi kutilmoqda. Rejaga ko‘ra, 2,6 ming kilometr uzunlikdagi quvur Yamal yarimorolidan Xitoyga yiliga 50 mlrd kubometr gaz yetkazib beradi...

Xiaomi Auto elektromobillar bozorida ikkinchi brendini taqdim etishga tayyorlanmoqda. Yangi brend Sky Nomad deb nomlanishi kutilmoqda, deya xabar bermoqda CarNewsChina.

Loyiha Xiaomi’ning kengaytirilgan yurish zaxirasiga ega elektromobillar bozoriga kirishini anglatadi. Bunday avtomobillar EREV deb yuritiladi. Sky Nomad brendi ostidagi ilk model ichki hujjatlarda «Kunlun N3» kod nomi bilan qayd etilgan. Avtomobil 2026-yilning ikkinchi yarmida bozorga chiqishi kutilmoqda.

Model to‘liq o‘lchamli SUV bo‘ladi. Uning uzunligi 5 300 mm dan oshadi, g‘ildirak bazasi esa taxminan 3 100 mm ni tashkil etadi. Avtomobil 1,5 litrli turbo range extender dvigateli bilan jihozlanadi. U batareyani quvvatlash uchun ishlaydi va yurish masofasini oshirishga xizmat qiladi.

Londoning «Arsenal» klubi 22 yillik tanaffusdan so‘ng Angliya Premyer-ligasi g‘olibiga aylandi. «Manchester Siti»ning durang natijasidan so‘ng, «Arsenal» o‘zining 14-chempionlik unvonini kafolatladi.

20-mayga o‘tar kechasi «Manchester Siti» va «Bornmut» o‘rtasidagi o‘yin 1:1 hisobida yakunlanganidan so‘ng, «Arsenal» o‘zining uzoq kutilgan g‘alabasini nishonladi. «Arsenal» so‘nggi marta 2003-2004-yilgi mavsumda Arsen Venger qo‘l ostida mag‘lubiyatsiz chempion bo‘lgan edi. Shuningdek, bu jamoaning 2020-yilgi Angliya Kubogidagi g‘alabasidan keyingi birinchi yirik yutug‘idir.

Ayni paytda jamoa «Siti»dan 4 ochko oldinda bormoqda va yakshanba kungi «Kristal Pelas»ga qarshi o‘yin faqat bayramona tus oladi. «Siti»ning «Bornmut» bilan o‘yinida Junior Krupi birinchi bo‘limda hisobni ochgan bo‘lsa, Erling Holandning so‘nggi daqiqalardagi goli...

Google Gmail pochtasi uchun sun’iy intellektga asoslangan yangi Gmail Live funksiyasini taqdim etdi. U foydalanuvchilarga pochta qutisi bilan ovozli buyruqlar orqali ishlash imkonini beradi.

Yangi funksiya Gmail ichidagi ma’lumotlarni qidirishni soddalashtiradi. Endi foydalanuvchi kerakli xat yoki ma’lumotni matn orqali izlamasdan, savolni ovozli tarzda berishi mumkin. Google namoyishida Gmail Live bolaning maktabidagi tadbirlar yoki yaqinlashayotgan safarlar haqida savollarga javob bera olishi ko‘rsatildi. Masalan, foydalanuvchi tadbir sanasi yoki joyini so‘rasa, tizim javobni elektron xatlardan topib beradi.

Gmail Live tabiiy tilni tushunadi va aniqlashtiruvchi savollarga ham javob bera oladi. Bu pochta ichidan ma’lumot topish jarayonini tezroq va qulayroq qiladi. Yangi funksiyaning yana...