Yangiliklar

«Surxon» davlat qo‘riqxonasida ilk bor jayronlar ko‘rinish berdi

«Surxon» davlat qo‘riqxonasida tashkil etilganidan buyon ilk marta jayronlar kuzatildi. Ekologiya va iqlim o‘zgarishi milliy qo‘mitasi ma’lum qilishicha, qo‘riqxona hududiga Turkmanistondan 10 bosh jayron ko‘chib o‘tgan.

Davomi…

AQSh Eron neftiga sanksiyalarni qaytardi, Brent 5 foizga oshdi

AQSh Moliya vazirligi Eron neftini eksport qilishga imkon bergan vaqtinchalik sanksiya yengilligini bekor qildi. Qaror Hormuz bo‘g‘ozida bir nechta tankerga hujum qilinganidan keyin qabul qilindi.

Davomi…

Kimning imtihoni qachon: abituriyentlarga ruxsatnoma berish boshlandi

2026/2027-o‘quv yili uchun oliy va kasbiy ta’lim muassasalariga hujjat topshirgan abituriyentlar test sinovlarida ishtirok etish ruxsatnomasini yuklab...

Shavkat Mirziyoyev va Belarus Respublikasi prezidenti Aleksandr Lukashenko Minsk shahrida norasmiy uchrashuv o‘tkazdilar. Bu haqda davlat rahbari matbuot xizmati ma’lum qildi.

Uchrashuvda Belarus yetakchisi Mirziyoyevni samimiy qutlab, rasmiy tashrif bilan kelgani uchun minnatdorlik bildirdi. Prezidentlar bo‘lajak oliy darajadagi muzokaralar kun tartibidagi asosiy masalalar yuzasidan fikr almashdilar.

Suhbat chog‘ida tashrif arafasida o‘tkazilgan tadbirlar ham muhokama qilindi. Xususan, O‘zbekiston va Belarus ishbilarmon doiralari vakillari ishtirok etgan Hududlararo forum yakunlari yuqori baholandi.

Tomonlar mazkur tadbir ikki davlat o‘rtasidagi savdo-iqtisodiy va hududlararo hamkorlikni yanada rivojlantirishga xizmat qilishini qayd etdi.

Eslatib o‘tamiz, avvalroq prezident Minskda qanday kutib olingani haqida xabar bergan...

Chevrolet Suburban High Country 2026 modeli O‘zbekiston bozorida olti xil rangda taklif etilmoqda. Ular marvaridsimon oq (uch qatlamli), to‘q kulrang metallik, qora, yorqin qizil (tint qoplamali), kumushsimon kulrang metallik hamda ko‘l moviy metallik.

Narxi va texnik ko‘rsatkichlari

Yangi Chevrolet Suburban High Country 2026 narxi 1 485 100 000 so‘m etib belgilangan. Model 6,2 litrli atmosfera V8 dvigatel, 420 ot kuchi, 10 pog‘onali avtomatik uzatmalar qutisi bilan jihozlangan. O‘rtacha yonilg‘i sarfi 100 kilometrga 16,8 litrni tashkil etadi.

Avtomobilning yukxona hajmi o‘rindiqlar holatiga qarab 1 175 litrdan 4 092 litrgacha kengayadi. Model 7 o‘rinli salon va 106 litrli yoqilg‘i...

O‘zbekistonda soliq keshbeki tizimi bekor qilinishi, uning o‘rniga esa yangi rag‘batlantirish mexanizmi joriy etilishi mumkin. Iqtisodiyot va moliya vazirligi huzuridagi Fiskal tahlillar instituti ekspertlari 1 foizlik soliq keshbeki tizimidan bosqichma-bosqich voz kechishni taklif qildi.

Keshbek o‘rniga davlat lotereyasi

Uning o‘rniga xarid cheki olgan fuqarolar o‘rtasida avtomobil va boshqa qimmatbaho sovg‘alar yutuqli davlat lotereyalari orqali o‘ynaladigan tizimni joriy etish tavsiya etilmoqda.

Budjet xarajatlari oshmoqda

Institut ma’lumotlariga ko‘ra, 2022-yilda 1 foizlik soliq keshbekini moliyalashtirish uchun davlat budjetidan 820 mlrd so‘m yo‘naltirilgan. 2026-yilda esa bu ko‘rsatkich 1,8 trln so‘mgacha yetishi prognoz qilinmoqda.

Shuningdek, 2026-yil may oyida fuqarolarga to‘langan barcha...

Shavkat Mirziyoyev rasmiy tashrif bilan Belarus poytaxti Minsk shahriga bordi. Davlat rahbarini xalqaro aeroportda Belarus Respublikasi bosh vaziri Aleksandr Turchin, Tashqi ishlar vaziri Maksim Rijenkov hamda boshqa rasmiylar kutib oldi.

Oliy martabali mehmon sharafiga O‘zbekiston va Belarus davlat bayroqlari ko‘tarildi, shuningdek, faxriy qorovul saf tortdi.

G‘alaba monumentiga gulchambar qo‘yildi

Minsk shahrida Mirziyoyev G‘alaba monumenti poyiga gulchambar qo‘ydi. Marosim davomida harbiy orkestr ijrosida ikki davlat madhiyalari yangradi, faxriy qorovul askarlari tantanali ravishda saf yurishini amalga oshirdi.

Tashrif dasturiga muvofiq, 9-iyul kuni Minskdagi Mustaqillik saroyida O‘zbekiston va Belarus yetakchilari o‘rtasida oliy darajadagi ikki tomonlama muzokaralar bo‘lib o‘tadi...

2025/2026-o‘quv yili boshida O‘zbekistondagi oliy ta’lim muassasalarida tahsil olayotgan talabalar soni 1,5 mln nafardan oshdi. Bu haqda Milliy statistika qo‘mitasi ma’lum qildi.

Unga ko‘ra, 2025/2026-o‘quv yili boshida mamlakatdagi oliy ta’lim tashkilotlarida jami 1 535 000 nafar talaba tahsil olmoqda. Shundan 1 478 700nafari bakalavriat, 56,3 ming nafari esa magistratura bosqichida ta’lim olmoqda.

Eng ko‘p talaba poytaxtda

Hududlar kesimida eng ko‘p talaba Toshkent shahrida tahsil olmoqda. Bu yerda 579,3 ming nafar talaba qayd etilgan.

Keyingi o‘rinlarda Buxoro viloyati 117,7 ming nafar, Qashqadaryo viloyati 111,6 ming nafar, Toshkent viloyati 101,5 ming nafar, Farg‘ona viloyati 98,9 ming nafar va Samarqand...

Donald Tramp Turkiyaning Rossiyadan S-400 havo mudofaa tizimini sotib olgani sabab qo‘llangan AQSh sanksiyalarini olib tashlashini ma’lum qildi. U bu qarorni do‘st davlatga nisbatan cheklovlarni saqlab qolishni istamasligi bilan izohladi, deya yozmoqda Reuters.

AQSh prezidenti Turkiya bilan munosabatlar hozir har qachongidan ham yaxshiroq ekanini aytib, prezident Rajab Toyyib Erdo‘g‘on bilan yaxshi aloqaga ega ekanini ta’kidladi.

F-35 bo‘yicha muzokaralar

Tramp Turkiyaga F-35 yashirin texnologiyali qiruvchi samolyotlarini yetkazib berish imkoniyatini ham ko‘rib chiqishini bildirdi. U Turkiyani ko‘plab davlatlarga qaraganda sodiqroq ittifoqchi deb atadi.

Erdo‘g‘on esa Anqara F-35 masalasida ijobiy natija kutayotganini aytdi. Uning ta’kidlashicha, avval AQSh bilan bu yo‘nalishda...

Samsung kompaniyasining budjet segmentdagi Galaxy A18 smartfoni renderlari e’lon qilindi. Bu haqda Sammobile nashri ma’lum qildi.

Tasvirlardan ko‘rinishicha, qurilma ekranning yuqori qismidagi tomchisimon (waterdrop) kesimni saqlab qoladi. Bu esa Samsung byudjet segmentida bir necha yildan beri foydalanib kelayotgan dizayndan voz kechmayotganini anglatadi.

Qanday xususiyatlarga ega bo‘ladi

Dastlabki ma’lumotlarga ko‘ra, Galaxy A18 6,7 dyuymli displey, uchta asosiy kamera hamda yon tomondagi tugmalar joylashgan Key Island dizayni bilan jihozlanadi. Smartfonning o‘lchamlari 164,4 × 77,8 × 7,84 mmni tashkil etadi.

Shuningdek, qurilma 4G va 5G versiyalarida taqdim etilishi kutilmoqda. 4G modeli MediaTek protsessorida, 5G versiyasi esa Qualcomm platformasida ishlashi mumkin...

AQSh prezidenti Donald Tramp NATOning Anqaradagi sammiti chog‘ida Moliya vaziri Skott Bessentga Ispaniya bilan barcha savdo aloqalarini zudlik bilan to‘xtatish bo‘yicha topshiriq berdi. Bu haqda Reuters agentligi xabar qildi.

Tramp NATO bosh kotibi Mark Ryutte bilan suhbatda Ispaniyani «yomon hamkor» deb atab, mamlakat AQSh bilan savdodan katta foyda olayotganini, biroq bu holat o‘zgarishini ta’kidladi.

Trampning e’tirozlari nimalarga qaratilgan

AQSh prezidenti, shuningdek, Ispaniya Bosh vaziri Pedro Sanchesning AQShga Eron bilan bog‘liq harbiy operatsiyalar uchun mamlakat havo hududi va harbiy bazalaridan foydalanishga ruxsat bermaganidan ham noroziligini bildirdi.

Sammit davomida Tramp yana Daniya ustidan bosimni kuchaytirib, Grenlandiya AQSh nazoratida bo‘lishi...

Poytaxtda o‘tkazilgan tezkor tadbirlar davomida xorijiy davlatlar fuqarolarini firibgarlik yo‘li bilan aldab kelgan jinoiy guruhlar fosh etildi. Bu haqda Ichki ishlar vazirligi ma’lum qildi.

IIV Kiberjinoyatlarga qarshi kurashish departamenti hamda Davlat xavfsizlik xizmati tomonidan o‘tkazilgan tadbirlar natijasida Toshkent shahrining Yashnobod va Yakkasaroy tumanlarida faoliyat yuritgan ikkita noqonuniy call-markaz aniqlandi.

Yashnobod tumanidagi biznes markazining 6-qavatida 97 nafar shaxs, jumladan 5 nafar chet el fuqarosi, Yakkasaroy tumanidagi biznes markazining 11-qavatida esa 34 nafar shaxs, shundan 3 nafari chet el fuqarosi faoliyat yuritgani ma’lum bo‘ldi.

Firibgarlik sxemasi qanday ishlagan

Tergov ma’lumotlariga ko‘ra, jinoiy guruh a’zolari Kanada, Buyuk Britaniya, Germaniya, Norvegiya...

Endilikda farzandini davlat bog‘chasiga imtiyozli navbat asosida joylashtirmoqchi bo‘lgan ota-onalar barcha jarayonlarni my.gov.uz portali orqali masofadan turib amalga oshirishi mumkin. Bu haqda Yagona interaktiv davlat xizmatlari portali ma’lum qildi.

Hujjat yig‘ish talab etilmaydi

Yangi tizim orqali fuqarolar turli idoralarga borib ma’lumotnoma va hujjatlar yig‘ishdan ozod etiladi. Ariza topshirishda foydalanuvchi o‘ziga tegishli imtiyoz toifasini tanlaydi, qolgan ma’lumotlar esa vazirlik va idoralarning axborot bazalari orqali avtomatik tekshiriladi.

Kimlar imtiyozli navbatdan foydalanishi mumkin

Imtiyozli navbat huquqi harbiy xizmatchilar, ichki ishlar va bojxona organlari xodimlari farzandlari, I va II guruh nogironligi bo‘lgan shaxslarning bolalari, yetim va ota-ona qaramog‘idan mahrum bo‘lgan bolalar...

2026-yil 8-iyuldan Toshkent va Samarqand shaharlarida yashovchi harbiy xizmatchilarga beriladigan ijara kompensatsiyasi 25 foizga oshiriladi. Bu haqda Adliya vazirligi ma’lum qildi.

Hukumatning 2026-yil 7-iyuldagi 369-son qarori bilan Vazirlar Mahkamasining 2005-yil 25-iyuldagi 169-son qaroriga o‘zgartirishlar kiritildi.

Kiritilgan o‘zgartirishlarga muvofiq, Toshkent va Samarqand shaharlarida xizmat qilayotgan harbiy xizmatchilarga turar joyni ijaraga olganlik (ijarada turganlik) uchun to‘lanadigan har oylik pul kompensatsiyasi miqdori 25 foizga oshiriladi.

Agar harbiy xizmatchining oila a’zolari 3 kishi va undan ortiq bo‘lsa (harbiy xizmatchining o‘zi hisobga olinmaydi), ijara kompensatsiyasi 50 foizga oshiriladi. Bunda oila a’zolari sifatida turmush o‘rtog‘i, farzandlari, ota-onasi va qonunchilikka muvofiq boqimandasi deb e’tirof etilgan...

«Surxon» davlat qo‘riqxonasida tashkil etilganidan buyon ilk marta jayronlar kuzatildi. Ekologiya va iqlim o‘zgarishi milliy qo‘mitasi ma’lum qilishicha, qo‘riqxona hududiga Turkmanistondan 10 bosh jayron ko‘chib o‘tgan.

Qayd etilishicha, 1986-yilda tashkil etilgan qo‘riqxona tarixida bu ilk bor jayronlarning hududda qayd etilishidir. Mutaxassislar buni qo‘riqxonada yaratilgan qulay tabiiy sharoitlar va ekotizimning yaxshilanishi bilan izohlamoqda.

Jayron O‘zbekistonda soni kamayib borayotgan noyob hayvonlardan biri bo‘lib, u O‘zbekiston Respublikasi Qizil kitobi hamda Tabiatni muhofaza qilish xalqaro ittifoqi (IUCN) Qizil ro‘yxatiga kiritilgan.

Mutaxassislarning ma’lumotlariga ko‘ra, XX asrning birinchi yarmigacha jayronlar O‘zbekistonning qumli cho‘llari va tog‘oldi hududlarida keng tarqalgan bo‘lsa, bugungi kunda ular faqat ayrim tabiiy...

Shu kunlarda ijtimoiy tarmoq Abbosbek Fayzullayevning to‘yi keng muhokamalarga sabab bo‘lmoqda. «Kursiv» muxlislar izohlarini bitta maqolaga jamladi.

Izohlarning katta qismida futbolchiga oilaviy baxt, mustahkam turmush va kelgusi faoliyatida muvaffaqiyat tilangan. Foydalanuvchilardan biri: «Abbosbek Fayzullayev, baxtli bo‘linglar», deb yozgan bo‘lsa, yana bir muxlis «Baxt taxt tilab qolamiz», deya yangi oilaga ezgu tilaklarini bildirgan.

«Baxtli-saodatli bo‘lishsin», «To‘ylar muborak», «Baxtli bo‘ling, Abbos» kabi izohlar ham ko‘p uchradi. Ayrim muxlislar futbolchining kamtarligiga e’tibor qaratib, marosim kutilganidan soddaroq o‘tgani haqida yozgan.

«Kim kamtar to‘y deyotgandi», — degan izoh esa boshqa foydalanuvchilarning muhokamasiga sabab bo‘lgan.

Ba’zi obunachilar to‘yda taniqli insonlar...

O‘zbekiston tashqi ishlar vaziri Baxtiyor Saidov mamlakatimizdagi diplomatik faoliyatini yakunlayotgan Ozarbayjonning O‘zbekistondagi elchisi Husayn Guliyevni qabul qildi. Bu haqda vazir o‘zining Telegram sahifasida xabar berdi.

Uchrashuvda elchining O‘zbekistondagi 14 yillik faoliyati davomida ikki davlat o‘rtasidagi strategik sheriklik va ittifoqchilik munosabatlarini mustahkamlashga qo‘shgan hissasi alohida e’tirof etildi. Shuningdek, Husayn Guliyev nafaqat Ozarbayjonning munosib vakili, balki diplomatik korpus duayeni sifatida ham yuksak hurmat qozongani qayd etildi.

Baxtiyor Saidov elchining O‘zbekiston va Ozarbayjon o‘rtasidagi do‘stlik hamda birodarlik rishtalarini mustahkamlash yo‘lidagi xizmatlari mamlakatimizda munosib baholanganini ta’kidladi. Xususan, uning «Do‘stlik» va «Mehnat shuhrati» ordenlari bilan taqdirlangani ko‘p yillik samarali faoliyatining e’tirofi ekani qayd...

9-iyul uchun valyutalar kursi yangilandi. Unga ko‘ra, dollar kursi 16,57 so‘mga tushib, 12 004,75 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

2-iyul kuni 75,03 so‘mga tushib, 11 934,20 so‘mni, 3-iyul kuni esa 24,58 so‘mga tushib, 11 909,66 so‘mni tashkil etdi. 6-iyul kuni 64,24 so‘mga tushib, 11 973,90 so‘mga, 7-iyul kuni 68,15 so‘mga oshib, 12 042,05 so‘mga, 8-iyul kuni esa 20,73 so‘mga tushib, 12 021,32 so‘mga tenglashdi.

Markaziy bank ma’lumotlariga ko‘ra, yevro 42,94 so‘mga tushib, 13 691,42 so‘mni, rubl esa 0,53 so‘mga tushib, 157,11 so‘mni tashkil qildi.

Avvalroq Kursiv Uzbekistan dollar...

8-iyul kuni Muborak tumanida Nexia-2 avtomobiliga o‘rnatilgan metan gaz balloni yorildi. Qashqadaryo viloyati Favqulodda vaziyatlar boshqarmasiga ko‘ra, hodisa oqibatida bir kishi halok bo‘ldi, yana ikki kishi jarohatlandi.

Voqea soat 07:32 da «Quruvchilar» mahallasi hududidan o‘tgan A-380 Qarshi–Buxoro avtomobil yo‘lining 128-kilometrida sodir bo‘lgan. Avtomobil Qarshi shahridan Buxoro viloyati tomon harakatlanayotgan bo‘lgan.

Gaz balloni yorilishi oqibatida avtomobilda bo‘lgan bir fuqaro voqea joyida vafot etgan. Yana ikki kishi turli darajadagi tan jarohatlari bilan Muborak tuman tibbiyot birlashmasiga yotqizilgan.

Hodisa vaqtida yong‘in kelib chiqmagan. Ayni paytda holat yuzasidan Muborak tumani Ichki ishlar bo‘limi tomonidan surishtiruv olib borilmoqda.

Eslatib o‘tamiz, avvalroq Navoiy viloyatining Nurota...

Andijonda elektr hisoblagichlari bilan bog‘liq qonunbuzilishlar yuzasidan 12 nafar elektr tarmog‘i xodimga nisbatan jinoiy ish qo‘zg‘atildi. Bu haqda «Hududiy elektr tarmoqlari» AJ ma’lum qildi.

Tekshiruvlar davomida «Hududiy elektr tarmoqlari» AJning Andijon filialida iste’molchilarga elektr hisoblagichlarini o‘rnatish jarayonida qonunbuzilish holatlari hamda hisoblagichlar kamomadi aniqlandi. Mazkur holatlar yuzasidan huquqni muhofaza qiluvchi organlarga belgilangan tartibda xabar berildi.

Natijada qonunbuzarlik sodir etganlikda gumon qilinayotgan korxonaning 12 nafar xodimiga nisbatan qamoqqa olish ehtiyot chorasi qo‘llanildi. Hozirda jamiyatga yetkazilgan zararni qoplash bo‘yicha tegishli choralar ko‘rilmoqda.

Shuningdek, Samarqand viloyatining Samarqand shahar bo‘linmasida elektr hisoblagichlari iste’molchilarga jamiyat mablag‘lari hisobidan noqonuniy ravishda o‘rnatilgani aniqlandi. Ushbu holat...

Abduqodir Husanovga «Manchester Siti»ga o‘tishidan oldin Angliyaning «Nyukasl», «Tottenhem» va «Chelsi» klublari, shuningdek, Fransiyaning «PSJ» jamoasi qiziqqan. Bu haqda Championat.Asia nashri xabar bermoqda.

Futbolchining agenti G‘ayrat Hasbiullinning aytishicha, aniq va jiddiy muzokara faqat «Nyukasl» bilan olib borilgan. Agent «Nyukasl» rahbariyati Husanovni o‘z safiga qo‘shib olishni juda istaganini, tomonlar o‘rtasida yaxshi aloqa o‘rnatilganini ma’lum qildi. Shunga qaramay, yakunda o‘zbekistonlik himoyachi «Manchester Siti» variantini tanlagan.

Husanovning Yevropaga yo‘li esa Fransiyaning «Lans» klubidan boshlangan. Klub skauti 2023-yilgi yoshlar o‘rtasidagi jahon chempionatida uni kuzatib, bosh murabbiyga tavsiya qilgan. Shundan so‘ng «Lans» futbolchini tezda transfer qilgan.

Bungacha Rossiyaning «Sochi» va «Alaniya» klublari ham Husanovga...

Farg‘ona viloyatining mashhur milliy shirinligi — «Qo‘qon holvasi» geografik ko‘rsatkich sifatida davlat ro‘yxatidan o‘tkazildi. Bu haqda Adliya vazirligi ma’lum qildi.

Qayd etilishicha, mazkur mahsulotning geografik ko‘rsatkich sifatida ro‘yxatdan o‘tkazilishi uning nomi, an’anaviy tayyorlash texnologiyasi va o‘ziga xos sifat xususiyatlarining huquqiy himoyasini ta’minlaydi.

Tarixiy manbalarga ko‘ra, Qo‘qon shahri qadimdan hunarmandchilik va milliy qandolatchilik rivojlangan markazlardan biri bo‘lib kelgan. Aynan shu hududda tayyorlanadigan «Qo‘qon holvasi» o‘zining betakror ta’mi, sifati va an’anaviy tayyorlash usuli bilan nafaqat O‘zbekistonda, balki xorijda ham e’tirof etilgan.

Geografik ko‘rsatkich maqomi mahsulotning asl kelib chiqishi va sifatini saqlashga xizmat qiladi. Shuningdek, u Farg‘ona viloyatining gastronomik merosini asrash, hududning...

6-iyul holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 21,6 foizdan 21,5 foizga tushdi. Shundan jismoniy shaxslarga ajratilayotgan kreditlarning (mikroqarz va kredit kartalaridan tashqari) o‘rtacha foiz stavkasi 22,9 foizni, yuridik shaxslar ulushi ham 22,1 foizni ko‘rsatmoqda.

Bunda eng past avtokredit stavkasi «BRB» tomonidan taklif qilingan bo‘lib, 18,3 foizni tashkil etdi. Bungacha ham eng kam foiz «BRB» (18,6%) tomonidan taklif qilingandi.

Xususan, eng kam foizli avtokreditlar quyidagi banklarda ham kuzatilmoqda:

Hukumat tomonidan ro‘yxatga olinmagan qurol va unga tegishli xavfli ashyolarni ixtiyoriy topshirish tartibi hamda rag‘batlantirish mexanizmi tasdiqlandi. Bu haqda Adliya vazirligi ma’lum qildi.

Nizomga ko‘ra, jismoniy shaxs yoki yuridik shaxs rahbari ro‘yxatga olinmagan qurol, uning o‘q-dorilari, o‘qotar qurolning asosiy qismlari, portlovchi materiallar va portlatish qurilmalarini ixtiyoriy ravishda topshirishga qaror qilsa hamda bu haqda ichki ishlar organlariga og‘zaki yoki yozma murojaat qilsa, mazkur ashyo o‘z ixtiyori bilan topshirilgan hisoblanadi. Ariza beruvchi yashash joyi bo‘yicha ichki ishlar organiga murojaat qiladi.

Topshirilayotgan qurol qismlarga ajratilgan, patronlari chiqarib olingan bo‘lishi, shuningdek, qurol, o‘q-dorilar va qurolning asosiy qismlari begona shaxslarning ko‘rish imkoniyatini istisno...

Redmi kompaniyasi yaqinda taqdim etiladigan Redmi Note 17 Pro 10 000 mA/soat batareya oladi. Bu haqda Gizmochina nashri xabar bermoqda.

Rasmiy tasvirlarga ko‘ra, Redmi Note 17 modellari tekis yon qirralar va orqa panelning yuqori chap burchagiga joylashtirilgan to‘rtburchak kamera blokiga ega bo‘ladi. Kompaniya yangi turkumni yuqori narx segmentiga o‘tmasdan ko‘proq imkoniyatlarni taklif qilish tamoyili asosida ishlab chiqqanini bildirdi.

Shu bilan birga, Redmi xotira va boshqa komponentlar narxi oshgani sabab avvalgi narx va xususiyatlar nisbatini saqlab qolish qiyinlashganini qayd etdi. Bu yangi smartfonlar oldingi avlodga nisbatan qimmatroq bo‘lishi mumkinligini anglatadi.

Hozircha qurilmalarning rasmiy texnik xususiyatlari to‘liq ochiqlanmagan. Norasmiy ma’lumotlarga ko‘ra...

O‘zbekistonda alkogol, tamaki va elektron sigaret bozorini tartibga solish, yashirin aylanmaga qarshi kurashish hamda sohada raqamli nazoratni kuchaytirish bo‘yicha tizimli choralar amalga oshirilmoqda. Masalan, 6 oy davomida 185 ta holatda 4,2 mlrd so‘mlik 58 ming 403 quti nikotinli snyus mahsulotlarining noqonuniy aylanmasi oldi olingan. Kursiv Uzbekistan soha bozorini tahlil qildi.

Maqoladan quyidagilarni bilib olasiz:

Bojxonachilar 48,5 mlrd so‘mlik tamaki mahsulotlarini...