Yangiliklar

Ilon Maskning SpaceX kompaniyasi ilk bor investitsiya darajasidagi dollar obligatsiyalarini joylashtirishni rejalashtirmoqda. Bu haqda Bloomberg o‘z manbalariga tayanib xabar berdi.

Ma’lumotlarga ko‘ra, bitim tashkilotchilari kelasi haftadayoq investorlar bilan muzokaralarni boshlashi mumkin. Obligatsiyalar chiqarilishi hajmi kamida $20 mlrd bo‘lishi kutilmoqda. Biroq bitim muddati va shartlari hali o‘zgarishi mumkin.

Joylashtirishdan tushgan mablag‘ SpaceX’ning $20 mlrdlik ko‘prik kreditini qayta moliyalashtirishga yo‘naltiriladi. Ushbu kredit muddati 2027-yil sentabrida tugaydi.

Kompaniya IPO hujjatlariga ko‘ra, 31-mart holatiga SpaceX’ning uzoq muddatli qarzi $29,1 mlrdga yetgan. Ko‘prik krediti esa ushbu qarzning asosiy qismini tashkil qiladi.

Bloomberg manbalariga ko‘ra, obligatsiya joylashtirishni Bank of America, Citigroup, JPMorgan Chase, Goldman Sachs...

Tijorat banklari tomonidan 19-iyun kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan 19-iyun uchun valyutalar kursi e’lon qilingani haqida yozgan edi.

Xalqaro valyuta jamg‘armasi (XVJ) O‘zbekiston iqtisodiyoti bo‘yicha 2026-yilgi hisobotini e’lon qildi. Unda mamlakat iqtisodiyoti yuqori o‘sish sur’atlarini saqlab qolayotgani, inflyatsiya pasayishda davom etayotgani va budjet hamda tashqi sektor ko‘rsatkichlari yaxshilanayotgani qayd etilgan.

Iqtisodiy o‘sish va inflyatsiya prognozlari

XVJ ma’lumotlariga ko‘ra, 2025-yilda O‘zbekistonning real yalpi ichki mahsuloti qariyb 8 foizga o‘sgan. 2026-yilning birinchi choragida esa iqtisodiy o‘sish sur’ati deyarli 9 foizga yetgan. Tashkilot prognozida keltirilishicha, iqtisodiyot 2026-yilda qariyb 7 foiz, 2027-yilda esa 6 foiz o‘sadi.

Hisobotda qayd etilishicha, 2024-yilda elektr energiyasi tariflari isloh qilinganidan keyin yuqori darajaga chiqqan inflyatsiya pasayishda davom etmoqda. 2026-yil aprel oyida yillik inflyatsiya 7 foizni...

2026-yilning yanvar – may oylarida O‘zbekistonda jami 146,3 ming dona avtomobil sotildi. Bu haqda «O‘zavtosanoat» AJ e’lon qilgan ma’lumotlarda keltirilgan.

Ishlab chiqaruvchilar kesimida eng katta ulush UzAuto Motors hissasiga to‘g‘ri keldi. Kompaniya besh oyda 69 ming dona mashina sotgan. Keyingi o‘rinlarda UzAuto Khorezm 45,7 ming dona, ADM Jizzakh 17,4 ming dona va BYD Uzbekistan Factory 13,7 ming dona model bilan qayd etilgan. Samarqand avtomobil zavodi 386 dona, Asaka Motors esa 101 dona mashina sotgan.

Brendlar bo‘yicha Chevrolet katta ustunlikka ega bo‘ldi. Yanvar – may oylarida ushbu brend avtomobillaridan 114,7 ming dona sotilgan. BYD savdosi 13,7 ming donani, Kia...

Honor X80 Pro Max smartfoni rasmiy taqdimotdan bir necha kun oldin China Telecom operatori bazasida ko‘rinish berdi. Bu haqda GSMArena xabar bermoqda.

Qurilmaning to‘liq taqdimoti 22-iyun kuni bo‘lib o‘tadi, biroq uning asosiy texnik xususiyatlari hozirdanoq ma’lum bo‘ldi. Ma’lumotlarga ko‘ra, Honor X80 Pro Max Snapdragon 6 Gen 5 chipi bilan jihozlanadi. Smartfon Android 16 asosidagi MagicOS 10.0 operatsion tizimida ishlaydi.

Modelning eng muhim jihatlaridan biri 11 000 mA/soat sig‘imli akkumulyator bo‘ladi. Bu zamonaviy smartfonlar orasidagi eng yirik batareyalardan biri hisoblanadi. Shunga qaramay, qurilma korpusi nisbatan yupqa – qalinligi 8,08 mmni tashkil etadi. Smartfon o‘lchamlari 162,2 × 77 × 8,08 mm...

Meksika terma jamoasi Janubiy Koreyaga qarshi guruh bosqichidagi bahsda 1:0 hisobida g‘alaba qozondi. Uchrashuvdagi yagona gol 50-daqiqada Luis Romo tomonidan kiritildi.

Ikkinchi bo‘lim boshida meksikaliklar bosimni oshirdi. 49-daqiqada Brayan Gutyerres Jezus Galyardoni qulay vaziyatga chiqardi, biroq himoyachining zarbasi darvoza yon to‘riga tegdi. Oradan bir daqiqa o‘tib, Janubiy Koreya darvozaboni Kim Sin Gyu qo‘pol xatoga yo‘l qo‘ydi. U jamoadoshi bilan to‘qnashuvdan so‘ng to‘pni ushlab qola olmadi va Luis Romo bo‘sh darvozani aniq nishonga oldi.

Gol o‘yinga jon kiritdi. 59-daqiqada Janubiy Koreya tarkibida Xvan Xi Chan va O Xyon Gyu maydonga tushirildi. Shu daqiqada Pk Seung Xo qo‘pol harakati uchun sariq kartochka...

General Motors kompaniyasi Chevrolet avtomobillari Braziliyada egalik qilish xarajati eng past avtomobillar reytingida e’tirof etilganini ma’lum qildi. Bu haqda GMAutority nashri xabar berdi.

GM’ning Janubiy Amerikadagi bo‘linmasiga ko‘ra, Chevrolet modellari 2026-yilda Braziliyada yangi avtomobillar orasida eng past umumiy egalik xarajatlari bo‘yicha Quatro Rodas jurnali reytingida mukofotlarga sazovor bo‘lgan. Tadqiqotda sug‘urta, texnik xizmat ko‘rsatish, yo‘l solig‘i va yoqilg‘i sarfi kabi xarajatlar hisobga olingan.

Ilgari umumiy egalik xarajati, asosan, korporativ avtopark egalari va professional xaridorlar uchun muhim bo‘lgan. Hozir esa bu ko‘rsatkich oddiy xaridorlar qaroriga ham sezilarli ta’sir qilmoqda.

Chevrolet’ning eng ko‘p sotiladigan uchta modeli alohida e’tirof etildi. 1,0 litrli motor...

AQSh Eron bilan o‘zaro anglashuv memorandumi imzolangach, mamlakatga nisbatan joriy etilgan dengiz blokadasini bekor qildi. Bu haqda AQSh Qurolli kuchlari Markaziy qo‘mondonligi – CENTCOM ma’lum qildi.

Bayonotga ko‘ra, Amerika kuchlari endi Fors va Ummon ko‘rfazlari orqali Eron portlariga kirayotgan yoki ulardan chiqayotgan kemalar harakatiga to‘sqinlik qilmaydi. CENTCOM barcha dengiz blokadasi choralari to‘xtatilganini bildirdi.

Shu bilan birga, AQSh harbiy kemalari mintaqada qoladi. Ular erishilgan kelishuvlar ijrosini nazorat qilish bilan shug‘ullanadi. 18-iyunga o‘tar kechasi AQSh va Eron mojaroni yakunlashni nazarda tutuvchi memorandumni elektron shaklda imzolagan edi. Hujjat AQSh prezidenti Donald Tramp va Eron prezidenti Mas’ud Pezeshkiyon tomonidan tasdiqlangan.

Endi tomonlar yakuniy...

Qashqadaryo viloyatida sudya yordamchisi 2500 dollar olgan vaqtida ashyoviy dalillar bilan ushlandi. Bu haqda DXX xabar bermoqda.

Tezkor tadbir davomida jinoyat ishlari bo‘yicha Qarshi tumani sudining sudya yordamchisi xizmat mavqeyidan shaxsiy manfaat yo‘lida foydalanmoqchi bo‘lgani aniqlandi.

Ma’lum qilinishicha, u joriy yil may oyidan Majburiy ijro byurosining Qashqadaryo viloyatidagi tuman bo‘limlaridan birida ishlay boshlagan fuqaroni go‘yoki o‘zining mansabdor tanishlari orqali ishga kiritib qo‘yganini ro‘kach qilgan. Shuningdek, kelgusida uni o‘ziga maqbul bo‘lgan tumandagi MIB bo‘limiga o‘tkazib qo‘yishni va’da qilgan.

Sudya yordamchisi ushbu «xizmati» evaziga fuqarodan $2,5 ming talab qilgan. Tezkor tadbir davomida u so‘ralgan pul mablag‘ini o‘z xizmat xonasida olayotgan vaqtida...

Jahon chempionati guruh bosqichining 2-turi doirasida Kanada terma jamoasi Qatarni 6:0 hisobida mag‘lubiyatga uchratdi.

Shimoliy amerikaliklar o‘yinni to‘liq nazorat qildi. Uchrashuvning 16-daqiqasida Kayl Larin hisobni ochgan bo‘lsa, 29-daqiqada Jonatan Devid ustunlikni oshirdi. Oradan ko‘p o‘tmay, 33-daqiqada qatarlik himoyachi Xomam Ahmed qizil kartochka olib, maydonni tark etdi va tanaffusga qadar Devid o‘zining ikkinchi golini kiritib, hisobni 3:0 ko‘rinishiga keltirdi.

Ikkinchi bo‘limda Qatarning ahvoli yanada og‘irlashdi. 54-daqiqada Assim Madibo ham maydondan chetlatilib, jamoa 9 kishi bo‘lib qoldi. Shundan so‘ng 64-daqiqada Neytan Saliba to‘rtinchi golni urdi, 75-daqiqada esa qatarlik Mohamed Naser Al-Mannai o‘z darvozasiga to‘p kiritib qo‘ydi.

O‘yinning qo‘shib berilgan vaqtida Jonatan...

Jahon chempionati guruh bosqichining 2-turida Shveysariya terma jamoasi Bosniya va Gersegovinani 4:1 hisobida mag‘lub etib, muhim uch ochkoni qo‘lga kiritdi.

O‘yinning 74-daqiqasida Joan Manzanbe hisobni ochgan bo‘lsa, 80-daqiqada bosniyalik Tarik Muharemovich qizil kartochka olib, maydonni tark etdi. Ushbu ustunlikdan foydalangan Ruben Vargas 84-daqiqada hisobdagi farqni oshirdi.

Asosiy vaqtning so‘nggi daqiqasida Joan Manzanbe o‘zining ikkinchi golini urib, dubl rasmiylashtirdi. Hakam tomonidan qo‘shib berilgan 90+4-daqiqada bosniyalik Ermin Maxmich kuchli zarba bilan hisobni qisqartirdi. Biroq 90+7-daqiqada Granit Jaka belgilangan penaltini aniq amalga oshirib, uchrashuvga yakuniy nuqtani qo‘ydi.

Turnirining «B» guruhi 3-tur doirasida har ikki jamoa24-iyun kuni navbatdagi uchrashuvlarini o‘tkazadi. Unda Shveysariya terma...

Kun boshida yuzaga kelishi mumkin bo‘lgan mayda tushunmovchiliklarni ko‘nglingizga yaqin olmang. Bu vaqtda hamma narsa ham reja bo‘yicha ketmaydi va ba’zi rejalarni amalga oshirishdan vaqtincha voz kechishga to‘g‘ri keladi. Ammo siz ijobiy kayfiyatni saqlab qolsangiz, tez orada vaziyat asta-sekin yaxshilanayotganini sezasiz. O‘zingiz uddalay oladigan oddiy ishlardan boshlashingiz kerak. Jiddiyroq ishga keyinroq, yordamchilar paydo bo‘lganda o‘tishingiz mumkin, bu esa, albatta, kunning ikkinchi yarmida sodir bo‘ladi. Quyida burjlar bo‘yicha 19-iyun uchun munajjimlar bashoratini taqdim etamiz.

Qo‘y (21.03 – 20.04)

Bu kun muhim voqealar yoki katta o‘zgarishlar olib kelishi dargumon. Ba’zilarga u zerikarli tuyulishi mumkin, ammo boshqa burj vakillari hammasi qanday ketayotganidan...

Jahon chempionatining «A» guruhi doirasida Chexiya hamda Janubiy Afrika Respublikasi (JAR) terma jamoalari o‘zaro to‘qnash keldi. Qiziqarli va asabiy kechgan uchrashuv oxirida afrikaliklar penaltidan gol urib, 1:1 hisobidagi jangovar durangni qayd etishdi.

O‘yinda hisob uchrashuvning dastlabki daqiqalaridayoq ochildi. 6-daqiqada Soyka uzatib bergan to‘pni Mixal Sadilek raqib darvozasiga aniq yo‘llab, chexlarni oldinga olib chiqdi – 1:0.

O‘tkazib yuborilgan tezkor goldan so‘ng JAR terma jamoasi muvozanatni tiklashga faol harakat qildi. Birinchi bo‘limda maydonda qizg‘in kurash kechdi va afrikalik futbolchilar o‘yin qoidasini buzganliklari uchun ikkita sariq kartochka ishlab olishdi.

Ikkinchi bo‘lim oxiriga kelib JAR futbolchilarining tinimsiz hujumlari o‘z samarasini berdi. 82-daqiqada hakam...

19-iyun kuni respublika hududlari bo‘yicha havo harorati kunduzi +22 darajadan +42 darajagacha, kechasi esa +12 darajadan +27 darajagacha bo‘lishi kutilmoqda. Ayrim hududlarda qisqa muddatli yomg‘ir va momaqaldiroq bo‘lishi, shamol kuchayishi hamda chang-to‘zonlar kuzatilishi mumkin.

Quyida ob-havo prognozi viloyatlar kesimida:

Eslatib o‘tamiz, avvalroq Zomin va Baxmalda sel oqimi uchta avtomobilni oqizib ketgani haqida yozgan edik.

JCh – 2026: O‘zbekistonning ilk o‘yini mag‘lubiyat bilan yakunlandi, Kolumbiya g‘alaba qozondi

Jahon chempionati 1-turidan o‘rin olgan O‘zbekiston – Kolumbiya uchrashuvida «Oq bo‘rilar» 1:3 hisobida mag‘lub bo‘ldi.

Davomi…

AQSh va Eron urushni to‘xtatish bo‘yicha memorandum imzoladi

AQSh va Eron o‘zaro anglashuv memorandumini masofadan turib imzoladi. Hujjat AQSh, Eron va ularning ittifoqchilari o‘rtasidagi harbiy harakatlar to‘xtatilishini rasman e’lon qiladi.

Davomi…

Kim yutdi: AQSh va Eron kelishuv bandlari ochiqlandi

AQSh va Eron o‘rtasida sulh muddatini uzaytirish bo‘yicha kelishuv imzolandi. BBC ma’lumotiga ko‘ra, hujjat allaqachon kuchga kirgan.

Davomi…

O‘zbekiston Yevropa soliq ma’muriyatlari tashkilotiga a’zo bo‘ldi

O‘zbekiston Yevropa soliq...

iPhone 18 Pro modelining narxi $1,4 minggacha yoki undan ham qimmat bo‘lishi kutilmoqda. Bu haqda 9to5mac WSJ nashriga tayanib ma’lum qildi.

WSJ va TechInsights’ga ko‘ra, Apple xotira modullari, kamera tizimlari va boshqa muhim komponentlar narxining oshishi fonida yangi flagman smartfonlar narxini qayta ko‘rib chiqmoqda. Kompaniya rahbari Tim Kuk ham Apple butlovchi qismlar, ayniqsa xotira komponentlari bo‘yicha xarajatlarning ortib borayotganini tasdiqladi.

Tahlilchilarning baholashicha, iPhone 18 Pro’ning boshlang‘ich narxi hozirgi iPhone 17 Pro modelidagi $1,1 ming o‘rniga $1,3 ming–$1,4 mingni tashkil etishi mumkin. WSJ nashri 1,4 minglik narx ehtimoli yuqoriroq ekanini ta’kidlamoqda. Bu esa qurilma konfiguratsiyasiga qarab narx...

Tesla kompaniyasiga tegishli Cybercab elektromobilining asosiy texnik xususiyatlari oshkor qilindi. Bu haqda Arena EV nashri xabar berdi.

Ma’lumotlarga ko‘ra, Tesla Cybercab 163 kVt (219 ot kuchi) quvvatga ega old elektr dvigateli bilan jihozlangan. Avtomobilga 326 voltli va 47,6 kVt/soat sig‘imdagi akkumulyator o‘rnatilgan. Modelning og‘irligi 1412 kilogrammni tashkil etadi.

Sinov natijalariga ko‘ra, Cybercab’ning tuzatilmagan umumiy yurish zaxirasi 673 kilometr etib baholangan. Biroq AQSh Atrof-muhitni muhofaza qilish agentligi (EPA) odatda haqiqiy foydalanish sharoitlarini hisobga olgan holda ushbu ko‘rsatkichga taxminan 0,7 koeffitsiyentini qo‘llaydi. Shu sababli elektromobilning yakuniy rasmiy yurish zaxirasi qariyb 470 kilometrni tashkil etishi kutilmoqda.

Faqat avtomagistrallarda o‘tkazilgan sinovlarda Cybercab...

Shavkat Mirziyoyev tomonidan Robaxon Anvarovna Mahmudovani O‘zbekiston Respublikasi Oliy sudi raisi lavozimiga saylash masalasi yuzasidan Senatga taqdimnoma kiritildi. Bu haqda davlat rahbari matbuot xizmati ma’lum qildi.

Shu bilan birga, Baxtiyor Jahongirovich Islomovni O‘zbekiston Respublikasi Oliy sudi raisi lavozimidan ozod etish to‘g‘risida ham Oliy Majlis Senatiga taqdimnoma yuborildi.

Amaldagi qonunchilikka muvofiq, O‘zbekiston Respublikasi Oliy sudi raisini lavozimga saylash va lavozimidan ozod etish masalalari Oliy Majlis Senati tomonidan ko‘rib chiqiladi.

Ma’lumot uchun, Baxtiyor Islomov 2022-yil avgust oyida Oliy Majlis Senati qarori bilan O‘zbekiston Respublikasi Oliy sudi raisi etib saylangan edi. Undan oldingi rais Kozim Komilov salomatligi tufayli o‘z xohishi bilan...

18-iyun kuni Jizzax viloyatining Zomin va Baxmal tumanlarida kuchli yomg‘ir yog‘ishi natijasida yuzaga kelgan sel oqimi uchta avtomobilni oqizib ketdi. Bu haqda FVV ma’lum qildi.

Sel oqimlari mavjud sel yo‘nalishlari bo‘ylab harakatlangan. Hodisa oqibatida yo‘llarda qoldirilgan uchta yengil avtomobil oqim ta’sirida oqib ketgan. Rasmiylarga ko‘ra, voqea natijasida fuqarolar orasida jabrlanganlar yo‘q.

Mutaxassislar tog‘ va tog‘oldi hududlarida kuchli yog‘ingarchilik kuzatilayotgan paytda sel yo‘nalishlarida transport vositalarini qoldirmaslik hamda ehtiyot choralariga qat’iy rioya etishni tavsiya qilmoqda.

Eslatib o‘tamiz, «O‘zgidromet» agentligi 16 – 19-iyun kunlari 9 ta viloyatda sel xavfi e’lon qilgan edi.

Surxondaryo va Buxoro viloyatlarida fuqarolarni ishga joylashni va’da qilib, katta miqdorda pul olgan shaxslar bilan bog‘liq firibgarlik holatlari aniqlandi. Bu haqda Bosh prokuratura departamenti ma’lum qildi.

Departamentning Surxondaryo viloyati Jarqo‘rg‘on tumani bo‘limi tomonidan o‘tkazilgan tergovga qadar tekshiruvda tez tibbiy yordam stansiyasining sobiq xodimi to‘rt nafar fuqaroni haydovchi lavozimiga ishga joylashtirib qo‘yishni va’da qilgani ma’lum bo‘ldi.

Aniqlanishicha, u fuqarolardan jami 3,4 mingni firibgarlik yo‘li bilan olgan. Tekshiruv davomida ushbu mablag‘ning 600 qaytarilgani protsessual tartibda rasmiylashtirilgan.

Departamentning Buxoro viloyati boshqarmasi tomonidan o‘tkazilgan tergovga qadar tekshiruvda fuqaro ikki nafar shaxsni yuqori lavozimlarda ishlovchi tanishlari orqali viloyat Perinatal markazi hamda Respublika shoshilinch...

Honor kompaniyasi uzoq ishlash muddati, yangilangan dizayn va kengaytirilgan sog‘liq hamda sport funksiyalariga ega yangi Honor Watch 6 aqlli soatini taqdim etdi. Bu haqda GSM Arena xabar berdi.

Yangi model qayta ishlangan alyuminiy qotishmasidan tayyorlangan korpus va 316L zanglamaydigan po‘lat elementlarga ega. Soat tasmasiz holda 41 gramm vaznga va 10,8 millimetr qalinlikka ega bo‘lib, avvalgi Honor Watch 5 Ultra modeliga nisbatan yengilroq va ingichkaroq hisoblanadi.

980 mA/soat sig‘imli batareya va yorqin ekran

Honor Watch 6 980 mA/soat sig‘imli batareya bilan jihozlangan. Kompaniya ma’lumotlariga ko‘ra, qurilma odatiy foydalanish sharoitida 35 kungacha ishlay oladi. Bu ko‘rsatkich aksariyat 46 millimetrli aqlli...

BMT bosh kotibi Isroil ko‘chmanchi guruhlarini bolalar huquqlarini buzuvchilar ro‘yxatiga kiritish mumkinligidan ogohlantirdi. Bu haqda Reuters agentligi ma’lum qildi.

BMT bosh kotibi Antonio Guterreshning «Bolalar va qurolli mojarolar» bo‘yicha yillik hisobotida qayd etilishicha, 2025-yilda dunyo bo‘ylab bolalarga nisbatan 38 558 ta og‘ir huquqbuzarlik holati qayd etilgan. Ushbu holatlar 24 174 nafar bolaga ta’sir ko‘rsatgan bo‘lib, bu ko‘rsatkich 1996-yildan buyon eng yuqori daraja hisoblanadi.

Hisobotga ko‘ra, o‘tgan yili 14 224 nafar bola halok bo‘lgan yoki jarohatlangan. Ularning 6 266 nafari halok bo‘lgan bo‘lib, mazkur ko‘rsatkich 2024-yildagiga nisbatan 34 foizga oshgan. BMT G‘azo sektorida 2 668 nafar, G‘arbiy sohilda esa...

Jahon banki O‘zbekistonda qishloq infratuzilmasini yaxshilash va aholiga ko‘rsatilayotgan xizmatlar sifatini oshirish dasturining ikkinchi bosqichini moliyalashtirish uchun $150 mln ajratadi. Jami $340 mlnlik dasturga Osiyo infratuzilmaviy investitsiyalar banki va O‘zbekiston hukumati $70 mln ajratadi.

Jahon banki tarkibiga kiruvchi Xalqaro taraqqiyot assotsiatsiyasi (XTA) tomonidan taqdim etiladigan imtiyozli moliyalashtirish mablag‘lari «Qishloq infratuzilmasini rivojlantirish» dasturining ikkinchi bosqichini amalga oshirishga yo‘naltiriladi. Dastur mamlakatning Andijon, Farg‘ona, Namangan, Jizzax, Sirdaryo va Toshkent viloyatlaridagi 296 ta mahallada jamoat infratuzilmasi va xizmatlar sifatini yaxshilashni nazarda tutadi.

Bugungi kunda O‘zbekistonning 38 mln aholisining qariyb yarmi qishloq joylarda istiqomat qiladi. Biroq ko‘plab hududlarda sifatli yo‘llar, maktablar, tibbiyot muassasalari...

Samsung Galaxy S27 bazaviy modeli ekran yoki kamera bo‘yicha jiddiy yangilanish olmasligi mumkin. Bu haqda Koreyaning Naver resursi ta’minot zanjirlaridagi ma’lumotlarga tayanib xabar berdi.

Ma’lumotlarga ko‘ra, hozircha Galaxy S27 uchun yangi ekran yoki kamera ustida faol ish olib borilayotgani haqida belgilar ko‘rinmayapti. Bu esa smartfon Galaxy S26 darajasidagi ayrim texnik xususiyatlarni saqlab qolishi mumkinligini anglatadi.

Ekran bo‘yicha katta o‘zgarishlar yo‘qligi Samsung’ning BOE kompaniyasi ishlab chiqaradigan Xitoy OLED panellaridan foydalanishga o‘tishi bilan bog‘liq bo‘lishi mumkin. Avvalroq bunday panellar Samsung Display ekranlariga qaraganda taxminan $5 arzonroq bo‘lishi mumkinligi aytilgan edi.

Shunga qaramay, hozircha yakuniy xulosa qilishga erta. Galaxy S27 seriyasi taqdimotigacha...