Yangiliklar

Shavkat Mirziyoyev Samarqandni 2030-yilgacha ekologik barqaror, iqlim o‘zgarishiga moslashgan zamonaviy «yashil shahar»ga aylantirish hamda cho‘llanishga qarshi kurashish bo‘yicha takliflarni ko‘rib chiqdi.

Taqdimotda mamlakat hududining qariyb 80 foizi cho‘l va yarim cho‘l hududlaridan iborat ekani, iqlim o‘zgarishi, suv tanqisligi va yerlarning degradatsiyasi ekologik muammolarni kuchaytirayotgani qayd etildi.

Cho‘llanishga qarshi yangi dastur

2026 – 2030-yillarga mo‘ljallangan rejaga ko‘ra, 1,27 mln gektar maydonda o‘rmon barpo etish va qayta tiklash, cho‘l, tog‘ va tog‘oldi hududlarida 16 ming gektar himoya o‘rmonzorlarini yaratish rejalashtirilgan. Surxondaryoda 10 ming gektar yashil qoplamalar tashkil qilish, Sirdaryoda esa 84 kilometrlik «yashil devor» barpo etish taklif qilindi.

Prezident...

«Tashabbusli budjet»ning 2026-yilgi ikkinchi mavsumi 15-iyuldan boshlanadi. Bu haqda Iqtisodiyot va moliya vazirligi ma’lum qildi.

Unga ko‘ra, joriy yilning 15-iyulidan 3-avgustiga qadar fuqarolar o‘z loyihalarini tizimga kiritishlari mumkin bo‘ladi. Shundan so‘ng 4 – 18-avgust kunlari taqdim etilgan loyihalarni saralash bosqichi o‘tkaziladi.

Jarayonning navbatdagi bosqichi sifatida 19 – 21-avgust kunlari loyihalarni targ‘ib qilish ishlari amalga oshiriladi. An’anaviy ovoz berish esa 22 – 31-avgust kunlari bo‘lib o‘tadi.

Shuningdek, 1 – 10-sentyabr kunlari qo‘shimcha g‘oliblarni e’lon qilish bosqichi tashkil etiladi. An’anaviy ovoz berish yakunlariga ko‘ra g‘olib bo‘lgan loyihalar esa 1-sentabr — O‘zbekiston Respublikasi Mustaqilligining 35 yilligi bayrami kuni e’lon qilinadi.

Eslatib...

Shavkat Mirziyoyev 6-iyul kuni telefon orqali muloqotda Qozog‘iston Respublikasining birinchi prezidenti Nursulton Nazarboyevni tavallud kuni bilan samimiy tabrikladi. Bu haqda davlat rahbari matbuot xizmati ma’lum qildi.

Suhbat davomida Mirziyoyev Nazarboyevning zamonaviy Qozog‘istonni barpo etish, Markaziy Osiyoda mintaqaviy hamkorlikni rivojlantirish hamda O‘zbekiston va Qozog‘iston o‘rtasidagi strategik sheriklik va ittifoqchilik munosabatlarini mustahkamlashdagi ulkan hissasini alohida e’tirof etdi.

Tomonlar O‘zbekiston va Qozog‘iston o‘rtasidagi mustahkam do‘stlik, yaxshi qo‘shnichilik va o‘zaro ko‘mak tamoyillariga asoslangan ko‘p qirrali hamkorlik bugungi kunda yuqori sur’atlarda rivojlanib borayotganini mamnuniyat bilan qayd etdilar.

Eslatib o‘tamiz, avvalroq Mirziyoyev AQSh Mustaqillik kuni munosabati bilan Trampni qutlagan edi.

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 26-iyundan 3-iyulgacha bo‘lgan davrda ijobiy dinamikani ko‘rsatib, UCI fond indeksi 1,61 foizga oshdi.

Ushbu davr mobaynida «Trastbank» aksiyalari eng katta o‘sishga erishib, 14,30 foizga qimmatlashdi. Shuningdek, «O‘zbekiston pochtasi» (+11,44%) va «Kvarts» aksiyalarida (+9,28%) ham o‘sish qayd etildi.

O‘z navbatida, «Garant bank» aksiyalari 11,71 foizga arzonlashib, haftaning eng katta pasayishini qayd etdi. Bundan tashqari, «O‘zbekko‘mir» (-11,54%) va «Buxoroneftgazparmalash» (-10,32%) aksiyalari ham pasayish bilan ajralib turdi. Faqatgina «Agrobank» aksiyalari narxida o‘zgarish kuzatilmadi.

Bitimlar soni bo‘yicha «Aloqabank» (5 566 ta), «Kapital sug‘urta» (3 186 ta) va UzNIF (2 146 ta) peshqadam bo‘ldi.

Aksiyalar bozorida ushbu...

Apple’ning kutilayotgan buklanadigan iPhone’i, ya’ni iPhone Ultra yoki iPhone 18 Ultra, 2026-yilgi boshqa iPhone modellaridan kechroq sotuvga chiqishi mumkin. Tahlilchi Ming-Chi Kuo ma’lumotlariga ko‘ra, qurilma cheklangan miqdorda ishlab chiqariladi.

Ishlab chiqarish hajmi kam bo‘lishi kutilmoqda

Kuo ma’lumotlariga ko‘ra, Apple 2026-yilning ikkinchi yarmida 7–8 mln dona buklanadigan iPhone ishlab chiqarishi mumkin.

Uchinchi chorakda esa yig‘iladigan qurilmalar soni atigi 0,5–1 mln dona atrofida bo‘lishi kutilmoqda. Bu yarim yillik umumiy yetkazib berish hajmining taxminan 10 foiziga teng.

Taqqoslash uchun, shu davrda iPhone 18 Pro va iPhone 18 Pro Max ishlab chiqarish hajmi 20–22 mln dona bo‘lishi mumkin.

Savdo to‘rtinchi chorakda...

Toshkent shahrida 13, mlrd so‘mdan ortiq tabiiy gazdan noqonuniy foydalanish holatlari fosh etildi. Bu haqda Energetika vazirligi ma’lum qildi.

Bosh prokuratura shtabi tomonidan Yashnobod tumanida o‘tkazilgan nazorat tadbirida MChJga qarashli noturar binodagi gaz hisoblagichiga tashqi ta’sir ko‘rsatilgani aniqlandi. Natijada korxona 956 mln so‘mlik tabiiy gazdan noqonuniy foydalangani ma’lum bo‘ldi.

Shuningdek, mazkur tumanda joylashgan yana bir MChJga qarashli savdo do‘konida ham xuddi shunday qoidabuzarlik qayd etildi. Dastlabki hisob-kitoblarga ko‘ra, ushbu holat oqibatida 331 mln so‘m zarar yetkazilgan.

Yana bir holat Yunusobod tumanida aniqlangan. Unda fuqaroga tegishli bino tabiiy gaz tarmog‘iga o‘zboshimchalik bilan ulangan. Tekshiruv natijalariga ko‘ra, ushbu holatda...

Qoraqalpog‘istonda chorvachilikni rivojlantirish maqsadida Pokistondan 200 bosh zotdor yirik shoxli qoramol olib kelish bo‘yicha kelishuvga erishildi. Bu haqda «Dunyo» axborot agentligi xabar berdi.

Vazirlar Kengashi raisi Farhod Ermanov va O‘zbekiston elchisi Alisher To‘xtayev boshchiligidagi delegatsiya Pokistonga xizmat safari doirasida Abdin International Pvt. Ltd. kompaniyasi bosh direktori Navaz Hassan bilan uchrashdi.

Lahor shahrida o‘tgan muzokaralarda Qoraqalpog‘istonda chorvachilikni rivojlantirish, sohaga zamonaviy texnologiyalarni joriy etish va investitsiya loyihalarini amalga oshirish masalalari muhokama qilindi.

Qo‘shma korxona tashkil etiladi

Uchrashuvda pilot loyiha doirasida «Nukus Delisha» kompaniyasi bilan hamkorlikda qo‘shma korxona tashkil etish bo‘yicha kelishuvga erishildi.

Shuningdek, Pokistondan 200 bosh zotdor yirik shoxli qoramolni...

Venesuelada sodir bo‘lgan ketma-ket zilzilalar oqibatlari halok bo‘lganlar soni 3342 nafarga yetdi. Bu haqda mamlakat Axborot vazirligiga tayanib, Reuters agentligi xabar berdi.

Unga ko‘ra, tabiiy ofat oqibatida yana 16, 4 ming kishi jarohat olgan, 17,3 ming nafar kishi esa boshpanasiz qolgan. Qutqaruv xizmatlari vayron bo‘lgan hududlarda qidiruv-qutqaruv va tiklash ishlarini davom ettirmoqda.

Ma’lumot uchun, 24-iyun kuni Venesuela shimolida, poytaxt Karakasdan g‘arbda 39 soniya farq bilan magnitudasi 7,2 va 7,5 bo‘lgan ikkita kuchli zilzila sodir bo‘lgandi. Mutaxassislar ushbu hodisani bir hududda qisqa vaqt oralig‘ida yuz beradigan «seysmik duplet» deb baholagan.

Eslatib o‘tamiz, 1-iyul kuni prezident vazifasini bajaruvchi Delsi Rodriges zilzila qurbonlari...

Shota Rustaveli ko‘chasidagi qurilish obyektida avariya sabab yorilgan quvurdagi kanalizatsiya suvlari Salar kanaliga sizib chiqqan. Toshkent shahar Ekologiya va iqlim o‘zgarishi bosh boshqarmasi holatni o‘rgandi.

O‘tkazilgan tekshiruv davomida qurilish ishlari vaqtida ehtiyotsizlik oqibatida oqova suv quvuriga shikast yetgani va buning natijasida oqova suvlar Salar kanaliga to‘g‘ridan to‘g‘ri tashlanayotgani aniqlandi. Holat yuzasidan kanal suvidan namunalar olinib, laboratoriya tahliliga yuborildi.

Shuningdek, qo‘shimcha o‘rganishlar davomida qurilish obyektidan hosil bo‘layotgan oqova suvlarning Salar kanaliga oqizilishi to‘xtatildi. Oqova suvlar belgilangan tartibda markaziy kanalizatsiya tarmog‘iga yo‘naltirildi. Natijada suv obyektining ifloslanishining oldi olinib, ekologik xavfsizlikni ta’minlash bo‘yicha zarur choralar ko‘rildi.

Boshqarma ma’lum qilishicha...

Prezidentning «Davlat auditi faoliyatida sun’iy intellekt va raqamlashtirishni yanada rivojlantirishga oid chora-tadbirlar to‘g‘risida»gi farmoni qabul qilindi. Hujjatga ko‘ra, 2027-yildan Hisob palatasining davlat tashqi auditi faoliyatida yangi raqamli mexanizmlar joriy etiladi.

Sun’iy intellekt tizimlari auditi yo‘lga qo‘yiladi

Farmonga ko‘ra, davlat organlari va tashkilotlarida joriy etilayotgan sun’iy intellekt texnologiyalaridan foydalanish samaradorligi baholanadi.

Buning uchun sun’iy intellekt tizimlarini qo‘llash auditi joriy etiladi. Ya’ni davlat tashkilotlarida SI texnologiyalari qanchalik samarali ishlayotgani tekshiriladi.

Masofaviy tashqi audit ham o‘tkaziladi

2027-yildan Hisob palatasi masofaviy tashqi audit o‘tkazishi ham mumkin bo‘ladi.

Bunda Hisob palatasi so‘roviga ko‘ra taqdim etilgan ma’lumotlar va hujjatlar, raqamli texnologiyalar, elektron hujjat...

Andijon viloyatida davlat budjeti mablag‘larini keshbek tizimi orqali noqonuniy o‘zlashtirish bilan bog‘liq yirik holat aniqlandi. Bu haqda Bosh prokuratura huzuridagi Departament xabar berdi.

Unga ko‘ra, gumonlanuvchilar qalbaki savdo hujjatlari yordamida 38,3 milliard so‘m mablag‘ni o‘zlashtirgan.

2,2 trillion so‘mlik soxta savdolar rasmiylashtirilgan

Tergovga ko‘ra, bir guruh shaxslar o‘zaro til biriktirib, 5 ta korxona nomidan 2,2 trillion so‘mlik soxta elektron hisob-fakturalarni rasmiylashtirgan. Keyinchalik nazorat-kassa texnikalari orqali mahsulotlar sotilgani ko‘rsatilib, xarid cheklari shakllantirilgan.

95 mingga yaqin fuqaro nomidan keshbek rasmiylashtirilgan

Mazkur sxema orqali 94 ming 921 nafar fuqaro, jumladan, ijtimoiy himoya reyestriga kiritilgan shaxslar nomiga Soliq mobil ilovasi orqali...

Italiyaning Sardiniya hududida ishlash uchun yiliga 100 nafar shifokor va hamshiralar qabul qilinadi. Bu haqda Migratsiya agentligi ma’lum qildi.

Tanlov shoshilinch tibbiy yordam shifokorlari hamda oliy hamshiralik ishi yo‘nalishi bo‘yicha bakalavr diplomiga ega nomzodlar uchun mo‘ljallangan. Shoshilinch tibbiy yordam shifokorlari magistratura, ordinatura diplomi yoki shu yo‘nalishdagi sertifikatga ega bo‘lishi kerak.

Nomzodlar Italiyaning Perugia universiteti hamkorligida tashkil etilgan italyan tili kursida 7 oy davomida onlayn tahsil oladi. O‘quv xarajatlari Migratsiya agentligi tomonidan qoplanadi va buning uchun oyiga 600 yevro ajratiladi. Kursni muvaffaqiyatli tamomlagan mutaxassislar Sardiniyada 3,5 ming yevrogacha oylik maosh bilan ish boshlaydi. Qo‘shimcha ish soatlari hamda tungi navbatchilik...

7-iyul uchun valyutalar kursi yangilandi. Unga ko‘ra, dollar kursi 68,15 so‘mga tushib, 12 042,05 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

30-iyun kuni 51,55 so‘mga oshib, 12 060,84 so‘mga, 1-iyul kuni 51,57 so‘mga tushib, 12 09,27 so‘mga tenglashdi. 2-iyul kuni 75,03 so‘mga tushib, 11 934,20 so‘mni, 3-iyul kuni esa 24,58 so‘mga tushib, 11 909,66 so‘mni tashkil etdi. 6-iyul kuni 64,24 so‘mga tushib, 11 973,90 so‘mga tenglashdi.

Markaziy bank ma’lumotlariga ko‘ra, yevro 44,26 so‘mga oshib, 13 744,80 so‘mni, rubl esa 0,21 so‘mga oshib, 155,03 so‘mni tashkil qildi.

Avvalroq Kursiv Uzbekistan dollar...

Prime Video afsonaviy bokschi Muhammad Ali hayoti haqida suratga olingan The Greatest (Buyuk) serialining ilk tizer-treylerini taqdim etdi. Bu haqda Afisha daily nashri xabar berdi.

Sakkiz qismdan iborat loyiha 4-noyabr kuni tomoshabinlarga havola etiladi.

Serialda bosh qahramon obrazini Jaalen Best gavdalantirgan. Syujet nafaqat Alining ringdagi g‘alabalari, balki uning shaxsiy hayoti va jamoatchilik faoliyatini ham yoritadi.

Tizerda bosh qahramon: «Meni hech kim mag‘lub eta olmaydi. Men tarixdagi eng yosh og‘ir vazn toifasi jahon chempioniga aylanaman», deya o‘ziga bo‘lgan ishonchini namoyish etadi.

Loyihada, shuningdek, Jim Chad, Deyv Devis, Brendon MakNayt, Riko E. Anderson va Jovanni Ribizi kabi aktyorlar rol ijro etgan...

SAIC Motor tarkibidagi MG brendi yangi MG 07 fastbek-liftbekining interyeri va texnik arxitekturasi haqida ma’lumot berdi. Elektromobil uchun oldindan buyurtmalar 29-iyuldan boshlanishi kutilmoqda.

MG 07 uzunligi 4886 mm, kengligi 1900 mm, balandligi 1485 mm bo‘lgan kuzovga ega. G‘ildirak bazasi 2825 mm’ni tashkil qiladi. Modelda clamshell uslubidagi kapot, egri chiziqli old chiroqlar va faol havo kirish panjarasi qo‘llangan.

Salon oq, binafsha va to‘q ko‘k ranglarda taklif etiladi. Ichki qism markazida 15,6 dyuymli 2,5K ekran joylashgan. Multimedia tizimi Qualcomm Snapdragon 8295P protsessori asosida ishlaydi va mobil qurilmalar bilan keng integratsiyani qo‘llab-quvvatlaydi. Sun’iy intellektga asoslangan salon moduli namlik va haroratni kuzatib, asosiy...

Saudiya Arabistoni dastlabki bosqichda 100 nafar o‘zbekistonlik shifokor va hamshirani xususiy tibbiyot muassasalariga ishga qabul qilishni rejalashtirmoqda. Bu masala O‘zbekistonning Saudiya Arabistonidagi elchixonasi vakillari hamda ushbu mamlakat Sog‘liqni saqlash vazirligi mutasaddilari o‘rtasidagi uchrashuvda muhokama qilindi.

Ma’lum qilinishicha, Saudiya Arabistonidagi xususiy shifoxona va tibbiyot markazlarida 4,5 ming nafar xorijiy tibbiyot xodimiga ehtiyoj mavjud. Shu bois ilk bosqichda O‘zbekistondan 100 nafar mutaxassisni ishga jalb etish taklif etildi.

Imtiyozlar

Taklif qilinayotgan shartlarga ko‘ra, ish beruvchi xodimlarning iqomasi(rasmiy yashash va ishlash ruxsatnomasi), turar joyi, ichki transport xarajatlari, tibbiy sug‘urtasi va har yili aviachipta xarajatlarini o‘z zimmasiga oladi.

Ish haqi

Oylik maoshlar...

1991-yilgacha qurilgan barcha uylar majburiy ravishda buzilishi haqidagi da’volar qanchalik rost? Adliya vazirligi ushbu savollarga qonun doirasida javob berdi.

Vazirlikka ko‘ra, bunday xabarlar amaldagi qonunchilikka mos kelmaydi. Qonunchilikda «1991-yilgacha qurilgan barcha uylar buziladi» degan umumiy qoida belgilanmagan. Renovatsiya ishlari faqat tegishli huquqiy asos va belgilangan tartib mavjud bo‘lgan taqdirdagina amalga oshiriladi.

Qonunga ko‘ra, renovatsiya uchun asosiy mezonlar sifatida obyektning eskirgani, yashash yoki foydalanish uchun yaroqsiz holga kelgani yoxud avariya holatida ekani e’tiborga olinadi. Shuningdek, hudud aholisining ijtimoiy hayotiga jiddiy ta’sir ko‘rsatuvchi holatlar mavjud bo‘lsa ham renovatsiya amalga oshirilishi mumkin. Bunda aholining salomatligiga salbiy ta’sir qilishi mumkin bo‘lgan omillarni...

Qirg‘iziston Milliy xavfsizlik» davlat qo‘mitasi Botken viloyatida O‘zbekiston bilan chegaradosh «Qadamjoy — avtoyo‘l» va «Chashma — avtoyo‘l» nazorat-o‘tkazish punktlarida korrupsiyaga qarshi maxsus operatsiya o‘tkazdi. Natijada turli davlat idoralarida ishlovchi 27 nafar xodim qo‘lga olindi, deya xabar berdi 24.kg nashri.

Ma’lum qilinishicha, 5-iyul oqshomida o‘tkazilgan tadbirda Milliy xavfsizlik davlat qo‘mitasi hamda Alfa maxsus bo‘linmasi ishtirok etgan. Qo‘lga olinganlar orasida chegara, bojxona va veterinariya xizmatlari xodimlari bor. Ular mansab vakolatidan noqonuniy foydalanish va korrupsiyaga aloqadorlikda gumon qilinmoqda.

Tintuv davomida xizmat avtomobilidan 38,5 ming qirg‘iz somi, 5 million 684 ming o‘zbek so‘mi (5 mln 484 ming va qo‘shimcha 200 ming so‘m...

O‘zbekistonlik grossmeyster Nodirbek Abdusattorov Xorvatiyada o‘tgan Super Rapid and Blitz Croatia turnirida ikkinchi o‘rinni egalladi. O‘zbekiston shaxmat federatsiyasiga ko‘ra, u musobaqa yakunida $42,5 ming mukofotga ega bo‘ldi.

Turnir Zagreb shahrida o‘tkazildi

1–5-iyul kunlari Xorvatiyaning Zagreb shahrida Grand Chess Tour 2026 musobaqasining uchinchi bosqichi Super Rapid and Blitz Croatia turniri bo‘lib o‘tdi.

Unda dunyoning eng kuchli 10 nafar grossmeysteri ishtirok etdi. O‘zbekiston sharafini Nodirbek Abdusattorov himoya qildi.

Abdusattorov Firouzja bilan bir xil ochko jamg‘ardi

Rapid va blits yo‘nalishlari yakuniga ko‘ra, Nodirbek Abdusattorov 23,5 ochko to‘pladi. U Fransiya vakili Alireza Firouzja bilan bir xil natija qayd etdi. G‘olibni aniqlash...

Adabiyot muzeyi uchun Yangi Toshkent shahrida bino qurilmoqda. O‘zbekiston Fanlar akademiyasi Alisher Navoiy nomidagi davlat Adabiyot muzeyi faoliyati yuzasidan tarqalgan xabarlarga munosabat bildirdi. Ma’lum qilinishicha, muzey faoliyati tugatilmayapti, bino kapital ta’mir uchun vaqtincha yopilgan, nodir manbalar esa yangi bino ishga tushgunga qadar maxsus joylarda saqlanadi.

Muzey yangi binoda ish boshlashi aytildi

Fanlar akademiyasi Axborot xizmatiga ko‘ra, muzeyda olib borilayotgan ishlar uning faoliyatini to‘xtatish yoki madaniy merosga zarar yetkazishga qaratilmagan.

Aksincha, noyob qo‘lyozmalar, arxiv materiallari va boshqa muzey boyliklarini ishonchli sharoitda saqlash, ularni raqamlashtirish va kelajak avlodlarga yetkazish maqsad qilingan.

Muzey uchun Yangi Toshkent shahrida yangi bino qurilayotgani ma’lum...

Braziliya terma jamoasi tarixidagi eng yaxshi to‘purar Neymar milliy jamoadagi faoliyatini yakunlaganini e’lon qildi. Bu haqda Sport Express nashri xabar berdi.

34 yoshli hujumchi JCh—2026 nimchorak finalida Norvegiyaga qarshi o‘yinda penaltidan gol urdi. Bu Neymar uchun 2023-yildan buyon Braziliya safidagi ilk gol bo‘ldi. Biroq braziliyaliklar uchrashuvda 1:2 hisobida mag‘lub bo‘lib, mundialni tark etdi.

«O‘zimni sinab ko‘rdim, ammo endi hammasi tugadi», — dedi Neymar o‘yindan keyin.

Neymar Braziliya terma jamoasi safida 130 ta o‘yinda maydonga tushib, 80 ta gol urgan. U milliy jamoa bilan 2016-yilgi Olimpiada g‘olibi bo‘lgan, 2012-yilgi Olimpiada va 2021-yilgi Amerika kubogida kumush...

O‘zbekistonlik FIFA hakami Ilgiz Tantashev 2026-yilgi Jahon chempionatining qolgan o‘yinlariga tayinlanmasligi mumkin. Fransiyaning RMC Sport nashri xabariga ko‘ra, bu qaror Paragvay va Fransiya o‘rtasidagi bahsli 1/8 final uchrashuvidan so‘ng qabul qilingan.

Mazkur o‘yindagi hakamlik bir qator muhokamalarga sabab bo‘lgan. Xorijiy ommaviy axborot vositalari Tantashevning ayrim qarorlarini tanqid qilgan. Shunga qaramay, nashr ma’lumotiga ko‘ra, FIFA o‘zbekistonlik hakamga nisbatan rasmiy intizomiy chora ko‘rmaydi.

RMC Sport’ning yozishicha, Tantashev turnirning keyingi uchrashuvlariga tayinlanmaydi va bu uning Jahon chempionatidagi faoliyati yakunlanganini anglatadi. Biroq FIFA hozircha ushbu masala yuzasidan rasmiy bayonot bermagan.

Shu bois Tantashevning qolgan o‘yinlarda ishlamasligi haqidagi ma’lumot hozircha faqat RMC Sport xabariga...

Raqobat qo‘mitasi hududiy organlari davlat xaridlari sohasida 17 mlrd so‘mdan ortiq qiymatdagi xaridlar bo‘yicha qonunbuzilish holatlarini aniqladi. Buyurtmachi tashkilotlarga nisbatan tegishli choralar ko‘rildi.

Qo‘mita ma’lumotlariga ko‘ra, hududiy organlar tomonidan davlat xaridlari bo‘yicha monitoring o‘tkazilgan va kelib tushgan murojaatlar o‘rganilgan.

Natijada bir qator hududlarda eng yaxshi takliflarni tanlash savdolarida raqobatni cheklaydigan yoki cheklashga olib kelishi mumkin bo‘lgan harakatlar aniqlangan.

Eng yirik holatlar qaysi tashkilotlarda

Aniqlangan qonunbuzilishlar orasida eng yirik xaridlar Toshkent shahridagi ATB «Mikrokreditbank» tomonidan o‘tkazilgan 2 ta, qariyb 2,8 mlrd so‘mlik savdolarga to‘g‘ri keladi.

Namangan viloyatida Respublika ftiziatriya va pulmonologiya tibbiy reabilitatsiya markazi tomonidan o‘tkazilgan 1 ta, qariyb...

O‘zbekistonda hafta davomida havo asosan biroz bulutli bo‘ladi, yog‘ingarchilik kutilmaydi. Bu haqda «O‘zgidromet» Kursiv Uzbekistan nashriga ma’lum qildi.

Ushbu davr mobaynida faqat ayrim tog‘oldi va tog‘li hududlarda momaqaldiroq bilan qisqa muddatli yomg‘ir yog‘ishi mumkin.

Iyul boshida kuzatilgan nisbatan salqin ob-havodan so‘ng, ushbu haftada respublika bo‘yicha harorat asta-sekin odatiy yozgi ko‘rsatkichlarga qaytadi. Bugun kunduzi havo 34–37 darajagacha isiydi, keyingi kunlarda esa kunduzgi harorat 37–40 darajaga yetadi.

Shimoliy, janubiy va cho‘l hududlarida havo harorati kunduz kunlari asosan 39–42 daraja atrofida bo‘ladi. Shamol sharqdan 7–12 m/s tezlikda esadi, ba’zi joylarda 15 m/s gacha kuchayishi mumkin. Ayrim hududlarda chang-to‘zonlar kuzatilishi ehtimoli bor.

Toshkentda ham...