Yangiliklar

1961-yil 12-aprelda Yuriy Gagarinning ilk parvozi bilan boshlangan yangi davr bugungi kunda butun dunyoda Xalqaro kosmonavtika kuni sifatida keng nishonlanmoqda.

Birlashgan Millatlar Tashkiloti (BMT) Bosh Assambleyasi 2011-yili qabul qilgan rezolyutsiyaga muvofiq, 12-aprel sanasi butun dunyoda rasmiy bayram sifatida belgilangan. BMT ta’kidlashicha, kosmik tadqiqotlar bugungi kunda meteorologiya, navigatsiya va telekommunikatsiya kabi tarmoqlarning ajralmas qismi hisoblanadi.

Space Foundation ma’lumotlariga ko‘ra, jahon kosmik iqtisodiyotining yillik aylanmasi 2024-yilda $613 mlrd miqdorida baholangan bo‘lib, 2030-yilga borib mazkur ko‘rsatkich $1 trln chegarasidan oshishi kutilmoqda.

Koinotni o‘zlashtirishda O‘zbekiston bilan bog‘liq jasur insonlarning xizmatlari alohida o‘ringa ega. 1942-yili Toshkent viloyatining Bo‘stonliq tumanida tug‘ilgan Vladimir Jonibekov kosmik...

2026-yil aprel holatiga ko‘ra, O‘zbekiston Global Firepower portalida eng yirik harbiy-havo kuchlari reytingida 145 davlat orasida 55-o‘rinni egalladi.

Respublika qurolli kuchlari ixtiyorida jami 159 ta samolyot mavjud. Harbiy aviatsiya parkining asosiy qismini vertolyotlar (101 ta) va qiruvchi samolyotlar (26 ta) tashkil etadi. Shuningdek, hujumchi samolyotlar soni 13 ta, transport va o‘quv samolyotlari esa mos ravishda 12 va 7 tani tashkil qiladi.

World Air Forces 2025 hisobotiga ko‘ra, O‘zbekiston armiyasi tarkibida MiG-29, Su-25 va Su-27 kabi jangovar samolyotlar mavjud. Transport aviatsiyasi Il-76 va C295 samolyotlari bilan ta’minlangan. Bundan tashqari, harbiy kuchlar tarkibida Mi-24, Mi-8, H215M/AS532 kabi vertolyotlar...

Qozog‘iston 2027-yilda Ilon Maskning SpaceX kompaniyasi raketasi yordamida Yerning masofadan zondlash uchun mo‘ljallangan uchta sun’iy yo‘ldoshni orbitaga chiqarishni rejalashtirmoqda.

«Qazakhstan Gharysh Sapary» milliy kompaniyasi boshqaruvi raisi Kayirjan Kojayevning ma’lum qilishicha, hozirda sun’iy yo‘ldoshlar Ostona shahrida yig‘ilmoqda va sinovdan o‘tkazilmoqda. Loyihaga oid barcha zarur tizimlar xarid qilingan bo‘lib, uskunalar yakuniy tekshiruv va qayta dasturlash bosqichida turibdi. Sinov jarayonlari joriy yilning o‘rtalaridan boshlanishi rejalashtirilgan.

Ma’lumotlarga ko‘ra, 2029 – 2030-yillarda yana uchta kosmik apparatni uchirish orqali orbitadagi sun’iy yo‘ldoshlar sonini oltitaga yetkazish ko‘zda tutilgan. Yangi apparatlar avval Yevropa hamkorlari bilan ishlab chiqilgan eski sun’iy yo‘ldoshlarni bosqichma-bosqich almashtiradi.

Shuningdek, SpaceX raketalaridan foydalanish...

Intellektual faoliyat sohasida beshta yo‘nalish bo‘yicha tanlovlarni tashkil etish va o‘tkazishning yangi tartibi tasdiqlandi. Bu haqda Adliya vazirligi ma’lum qildi.

Hukumat qaroriga muvofiq, «Intellektual faoliyat bo‘yicha tanlovlarni o‘tkazish tartibi to‘g‘risida»gi nizom tanlovlarni tashkil etish, o‘tkazish, ishtirokchilarni baholash hamda g‘oliblarni taqdirlash tartibini belgilaydi.

Nizomga ko‘ra, tanlovlar beshta yo‘nalishlar bo‘yicha o‘tkaziladi. «Eng yaxshi ixtiro», «Eng yaxshi foydali model», «Eng yaxshi sanoat namunasi», «Eng yaxshi elektron hisoblash mashinasi uchun yaratilgan dastur va ma’lumotlar bazasi» hamda «Eng yaxshi seleksiya yutug‘i» ana shular jumlasidandir.

Tanlovlar ikki bosqichda tashkil etiladi. Birinchi bosqich Qoraqalpog‘iston Respublikasi, viloyatlar va Toshkent shahri darajasida o‘tkazilsa, ikkinchi bosqich respublika miqyosida...

Xorijiy davlatlarda olingan ilmiy darajalarni tan olish va nostrifikatsiya qilish bo‘yicha yangi ma’muriy tartib tasdiqlandi. Bu haqda Adliya vazirligi ma’lum qildi.

Unga ko‘ra, xorijiy davlatlarning attestatsiya organlari yoki ularning qonunchiligiga asosan OTM tomonidan berilgan ilmiy daraja to‘g‘risidagi hujjatlar vakolatli organ tomonidan ekspertizadan o‘tkaziladi. Ayrim hollarda esa ushbu hujjatlar ilmiy ekspertizasiz to‘g‘ridan to‘g‘ri tan olinishi va nostrifikatsiya qilinishi mumkin.

Davlat xizmatidan foydalanish uchun talabgorlar davlat xizmatlari markazlariga murojaat qiladi yoki Yagona interaktiv davlat xizmatlari portali (my.gov.uz) orqali ro‘yxatdan o‘tadi. Arizaga ilmiy daraja to‘g‘risidagi hujjatning notarial tasdiqlangan nusxasi hamda dissertatsiya nusxasi ilova qilinishi lozim. Mazkur xizmat uchun BHMning 1 baravari...

Janubiy Koreyada fuqarolarga bepul mobil internetdan foydalanish imkoniyatini beruvchi dastur amaliyotga tatbiq etildi. Loyiha doirasida abonentlar o‘z ma’lumotlar limiti tugagandan so‘ng ham tarmoqdan uzilmaydi.

Dasturni amalga oshirishga mamlakatdagi eng yirik aloqa operatorlari – SK Telecom, KT va LG Uplus rozi bo‘lgan. Bosh vazir o‘rinbosari Be Kyun-xunning ta’kidlashicha, ushbu qaror fuqarolarning onlayn xizmatlarga bo‘lgan ehtiyojini qondirish bilan birga, aloqa kompaniyalarining so‘nggi xavfsizlik mojarolaridan so‘ng yo‘qotilgan ishonchini qaytarishiga qaratilgan.

Avvalroq SK Telecom va LG Uplus tarmog‘ida yirik ma’lumotlar sizib chiqishi, shuningdek, KT tizimida mijozlarga zararli dasturlar tarqalishi kabi xavfsizlik nuqsonlari kuzatilgan edi.

«Biz o‘tmishdagi xatolarni takrorlamaslik haqidagi...

Xorijning nufuzli OTMlarida ilmiy daraja olgan yosh mutaxassislarga uy-joy xarid qilish uchun imtiyozli ipoteka krediti ajratish tartibi belgilandi. Bu haqda Adliya vazirligi ma’lum qildi.

Unga ko‘ra, kredit O‘zbekiston hududida birlamchi uy-joy bozoridan uy-joy sotib olish uchun ajratiladi. Kredit miqdori bazaviy hisoblash miqdori (BHM)ning 2 150 baravarigacha etib belgilangan bo‘lib, 10-yil muddatga har oyda qaytarish sharti bilan beriladi. Kredit tijorat banklari tomonidan yiliga 14 foiz stavkada taqdim etiladi. Kredit miqdori sotib olinayotgan uy qiymatining 80 foizidan oshmasligi kerak.

Mazkur imtiyozdan foydalanish uchun kredit oluvchi qator talablarga javob berishi lozim. Xususan, u O‘zbekiston fuqarosi bo‘lishi, ariza topshirilgan vaqtda 35 yoshdan...

Yong‘in xavfsizligi qoidalarini qo‘pol ravishda buzganligi uchun Namangan, Xorazm, Samarqand, Andijon va Buxoro viloyatlaridagi markaziy bozorlar va savdo komplekslari faoliyati vaqtincha to‘xtatildi. Bu haqda Favqulodda vaziyatlar vazirligi xabar berdi.

Unga ko‘ra, Samarqand viloyati hududida Samarqand tumani «Yangiariq» MFYdagi Avto Mall savdo kompleksida elektr tarmog‘i muhrlanib, faoliyat qisman vaqtinchalik cheklab qo‘yildi.

Buxoro viloyatining Kogon tumanida joylashgan 2 ta neft mahsulotlari ombori va 1 ta gaz to‘ldirish stansiyasida aniqlangan jiddiy qoidabuzarliklar sababli ularning ishlashi vaqtincha to‘xtatib qo‘yildi.

Andijon viloyatidagi «Kuyganyor» dehqon bozori hududida aniqlangan kamchiliklar bartaraf qilingunga qadar ayrim savdo nuqtalari faoliyati cheklangan tartibda tashkil etildi.

Xorazm viloyatining...

Litsenziya talablarini qo‘pol buzgan 23 ta dorixonaning faoliyati O‘zbekistonda to‘xtatilib, ularning litsenziyalari bekor qilindi. Bu haqda Farmatsevtika faoliyatini litsenziyalash va farminspeksiya boshqarmasi ma’lum qildi.

Unga ko‘ra, 2026-yilning birinchi choragida litsenziya talablarini qo‘pol ravishda buzgan 23 ta dorixonaning faoliyat yuritish huquqi bekor qilingan.

Tekshiruvlar davomida bir qator jiddiy kamchiliklar aniqlangan. Xususan:

Litsenziyasi bekor qilingan dorixonalar turli hududlarda faoliyat yuritgan. Eng ko‘p holatlar Samarqand viloyati va Toshkent shahrida qayd etilgan. Shuningdek, Qoraqalpog‘iston Respublikasi, Andijon, Buxoro, Surxondaryo va Xorazm...

OpenAI kompaniyasi ChatGPT xizmatlari uchun oyiga $100 lik yangi tarif rejasini joriy qildi. Bu haqda Tech Crunch nashri ma’lum qildi.

Bungacha OpenAI xizmatlari bepul (reklamalar bilan), oyiga $8 lik Go reja (reklamalar bilan), oyiga $20 lik Plus reja (reklamasiz) hamda oyiga $200 lik Pro reja (reklamasiz) ko‘rinishida taqdim etib kelinayotgan edi. Biroq kompaniyaning rasmiy narxlar sahifasida $200 lik reja hozircha ko‘rinmayapti. OpenAI esa ushbu tarif mavjudligini tasdiqlagan.

Yangi $100 lik Pro tarif ChatGPT’ning kod yozish vositasi – Codex’dan kundalik foydalanishni kengaytirishga qaratilgan. Kompaniyaning qayd etishicha, ushbu reja Plus tarifga nisbatan Codex’dan 5 baravar ko‘proq foydalanish imkonini beradi.

Kompaniya...

Mo‘g‘ulistonda o‘tkazilgan 2026-yilgi boks bo‘yicha Osiyo chempionatida O‘zbekiston terma jamoasi 3 ta oltin, 4 ta kumush va 4 ta bronza medalini qo‘lga kiritdi. Ayollar va erkaklar o‘rtasidagi umumiy reytingda jamoa uchinchi o‘rinda qayd etildi.

Erkaklar terma jamoasi musobaqa yakuniga ko‘ra 3 ta oltin, 2 ta kumush va 1 ta bronza medaliga sazovor bo‘ldi. Oltin medallarni o‘z vazn toifalarida Abdulloh Madaminov (-65 kg), Fazliddin Erkinboyev (-80 kg) hamda Halimjon Mamasoliyev (-90 kg) qo‘lga kiritdi. Shuningdek, ayollar terma jamoasi hisobga 2 ta kumush va 3 ta bronza medalini qo‘shib qo‘ygan.

Kumush medallar Javohir Abdurahimov (-75 kg) va Jasurbek Yo‘ldoshev (-85 kg)ga...

Apple 2026-yilning birinchi choragida Mac kompyuterlari yetkazib berish hajmini sezilarli darajada oshirdi. IDC ma’lumotlariga ko‘ra, kompaniya ushbu davrda 6,2 million dona Mac yetkazib bergan. Bu ko‘rsatkich o‘tgan yilning shu davriga nisbatan (5,7 million dona) 9 foizga ko‘pdir.

Kompaniyaning o‘sish sur’ati global kompyuter bozori o‘rtacha ko‘rsatkichidan yuqori bo‘ldi. Xususan, umumiy bozor atigi 2,5 foizga o‘sgan. Natijada kompaniyaning bozor ulushi 8,9 foizdan 9,5 foizga yetib, u dunyodagi eng yirik ishlab chiqaruvchilar orasida to‘rtinchi o‘rinni egalladi.

Shuningdek, sotuvlarning asosiy qismi MacBook Pro (M5) modeliga to‘g‘ri kelgan. Aynan ushbu qurilma chorak davomida eng talabgir mahsulot bo‘ldi.

Kompyuter yetkazib berish bo‘yicha yetakchi uchlik quyidagicha...

Janubiy Koreyaning Hyundai kompaniyasi Ioniq elektromobillar sub-brendi doirasida yangi VENUS va EARTH konseptlarini taqdim etdi. Bu haqda CarBuzz xabar bermoqda.

Yangi konseptlar Xitoy bozoriga moslab ishlab chiqilgan bo‘lib, VENUS sedan, EARTH esa yo‘ltanlamas kuzovida taqdim etiladi. Hyundai kelgusida Ioniq liniyasini sayyoralar nomi bilan ataluvchi elektromobillar ishlab chiqarishni rejalashtirmoqda.

Avtomobillar interyeri minimalistik uslubda bo‘lib, ko‘plab funksiyalar markaziy katta ekran orqali boshqariladi va Lumi deb nomlangan ovozli yordamchi bilan jihozlanadi. Hozircha texnik xususiyatlar ma’lum qilinmagan, to‘liq ma’lumotlar Pekindagi ko‘rgazmada ochiqlanishi kutilmoqda.

AQShda elektromobillar uchun soliq imtiyozlari bekor qilingani sababli talab pasaygan bir vaqtda, Xitoy bozori xorijiy ishlab chiqaruvchilar uchun asosiy maqsad...

Chevrolet Captiva O‘zbekistonda uncha ommalashmagan, ammo qiziqishga arziydigan model hisoblanadi. Kursiv Uzbekistan ushbu modelning texnik imkoniyatlari va narxini jamlagan maqolasini taqdim etadi.

Ushbu maqoladan quyidagilarni bilib olasiz:

Model haqida umumiy ma’lumot

Chevrolet Captiva zamonaviy oilaviy krossover sifatida bozorda o‘z o‘rnini mustahkamlab bormoqda. Model keng salon, zamonaviy texnologiyalar va qulay boshqaruv bilan ajralib turadi. Avtomobil 5 va 7 o‘rindiqli variantlarda taklif qilinib, kundalik shahar harakati hamda uzoq safarlar uchun moslashgan.

Captiva tashqi ko‘rinishda sodda va funksional dizaynni namoyish etadi. Kuzov...

Taxminan 16 metr diametrga ega 2026 GD nomli asteroid Yer sayyorasi va Oy orasidan yaqin masofada uchib o‘tdi. Bu haqda Space nashri ma’lum qildi.

6-aprel kuni asteroidning soatiga qariyb 45 ming km tezlikda harakatlanayotgani aniqlandi. U 9-aprel kuni Grinvich vaqti bilan soat 18:59 da Yerga eng yaqin nuqtada yaqinlashgan va sayyoradan taxminan 250 ming kilometr uzoqlikda o‘tib ketgan. Bu Oygacha bo‘lgan masofaning qariyb 0,65 qismiga teng.

Bir necha soat o‘tib, asteroid Oyga ham yaqinlashib, uning yonidan taxminan 163 ming kilometr masofada o‘tib ketgan. Trayektoriya yaqin bo‘lishiga qaramay, u Yer va Oy uchun hech qanday xavf tug‘dirmagan.

Ma’lumotlarga ko‘ra...

Shavkat Mirziyoyev Buxoro shahriga tashrif uchun jo‘nab ketdi. Safar doirasida davlat rahbari hududning ijtimoiy-iqtisodiy rivoji, amalga oshirilayotgan loyihalar va istiqboldagi rejalar bilan tanishadi, deya xabar berdi prezident matbuot xizmati.

11-aprel kuni esa Qosim-Jomart Toqayev amaliy tashrif bilan O‘zbekistonga keladi. Oliy darajadagi uchrashuvlar aynan Buxoroda o‘tkazilishi rejalashtirilgan.

Muzokaralar chog‘ida O‘zbekiston va Qozog‘iston o‘rtasidagi do‘stlik, strategik sheriklik va ittifoqchilik aloqalarini yanada mustahkamlash masalalari muhokama qilinadi. Tomonlar siyosiy muloqot, parlamentlararo hamkorlik, hukumatlar va hududlar o‘rtasidagi aloqalarni kengaytirishga alohida e’tibor qaratadi.

Shuningdek, savdo hajmini oshirish, sanoat kooperatsiyasini rivojlantirish, transport va energetika sohalarida hamkorlikni chuqurlashtirish, suv va ekologiya masalalari bo‘yicha qo‘shma loyihalarni ilgari surish...

O‘zbekistonda chiqindilarni noqonuniy tashlash holatlari bo‘yicha 2026-yilning dastlabki uch oyida 2 107 ta qoidabuzarlik holati qayd etilgan. Bu haqda Chiqindilarni boshqarish va sirkulyar iqtisodiyotni rivojlantirish agentligi xabar berdi.

Aniqlangan holatlarning 322 tasi bo‘yicha ma’muriy choralar qo‘llanib, jarimalar undirilgan. Qolgan 1 785 ta holat yuzasidan esa qonunchilikka muvofiq tegishli choralar ko‘rilmoqda.

Qoidabuzarliklarni aniqlashda mamlakat bo‘ylab o‘rnatilgan onlayn kuzatuv kameralar muhim rol o‘ynamoqda. Hozirda respublika hududlarida 700 ga yaqin kameralar faoliyat yuritib, nafaqat chiqindi tashlash, balki boshqa ekologik huquqbuzarliklarni ham aniqlash imkonini bermoqda.

Avvalroq Kursiv Uzbekistan Toshkent viloyatida maishiy chiqindilarni olib chiqish tariflari 1-apreldan oshishi haqida yozgandi.

13-aprel uchun valyutalar kursi yangilandi. Unga ko‘ra, dollar 39,69 so‘mga pasayib, 12 158,59 so‘mni tashkil qildi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

6-aprelda 20,83 so‘mga oshib, 12 170,67 so‘mni, 7-aprelda esa 4,67 so‘mga oshib, 12 175,34 so‘mni tashkil etdi. 8-aprelda 32,74 so‘mga oshib, 12 208,08 so‘mga, 9-aprelda esa 20,50 so‘mga oshib, 12 228,58 so‘mga yetdi. 10-apreldan AQSh valyutasi pasayishni boshladi: shu kuni 30,3 so‘mga pasayib, 12 198,28 so‘m bo‘ldi.

Markaziy bank ma’lumotlariga ko‘ra, yevro 2,57 so‘mga pasayib, 14 238,92 so‘mni, rubl esa 1,31 so‘mga oshib, 157,88 so‘mni tashkil qildi.

Eslatib o‘tamiz, avvalroq Kursiv Uzbekistan hafta...

O‘zbekistonda soliq tizimini yanada qulay va zamonaviy qilish maqsadida bir qator yangi takliflar ilgari surildi. Ular orasida suv, yer qa’ridan foydalanish hamda aksiz soliqlari bo‘yicha hisobotlarni avtomatik shakllantirish tizimini joriy etish asosiy yo‘nalishlardan biri sifatida ko‘rilmoqda.

Mazkur tashabbuslar Shavkat Mirziyoyevga taqdim qilingan soliq ma’murchiligini 2030-yilgacha rivojlantirish strategiyasi doirasida ishlab chiqilgan. Bu haqda Soliq qo‘mitasi vakili Timur Ismoilov ma’lum qildi.

Takliflarga ko‘ra, turli darajadagi (tuman, shahar va respublika) soliqlarni birlashtiruvchi yagona hisobvaraq tizimi joriy etiladi. Hozirgi amaliyotda esa har bir soliq turi uchun alohida hisoblar mavjud bo‘lib, bu ko‘plab xatolarga sabab bo‘lmoqda.

Ma’lumotlarga ko‘ra, noto‘g‘ri hisob raqamlariga pul o‘tkazilishi bilan...

Xitoyning Li Auto kompaniyasi Li Auto i6 modelining 100 minginchi nusxasi ishlab chiqarilganini e’lon qildi. E’tiborlisi, bu natijaga model bozorga chiqqanidan keyin atigi yetti oy ichida erishilgan.

Li Auto i6 brendning eng hamyonbop modeli hisoblanadi. Xitoy bozorida uning narxi $35 mingdan boshlanadi. Shunga qaramay, avtomobil bir zaryadda 720 kmgacha masofa bosib o‘ta oladi (CLTC standarti bo‘yicha).

Model 800 voltli zamonaviy platforma asosida yaratilgan bo‘lib, 5C turdagi litiy-temir-fosfat batareya bilan jihozlangan. Energiya sarfi esa 100 km uchun o‘rtacha 13,6 kVt/soatni tashkil etadi.

Elektromobilning muhim afzalliklaridan biri – tezkor zaryadlash texnologiyasi. Atigi 10 daqiqada 500 kmgacha yurish uchun yetarli quvvat to‘plash...

Markaziy bank matbuot xizmatining ma’lum qilishicha, 10-aprel holatiga ko‘ra, O‘zbekistonda 60 mingdan ortiq yonilg‘i kartalari faollashtirilgan.

Regulyatorga ko‘ra, mamlakatda 46 mingdan ortiq bankomat, ADM va infokiosklar, 7 mingdan ortiq naqd pul qabul qiluvchi qurilmalar faoliyat yuritmoqda. Shuningdek, 70 mlndan ortiq bank kartalari mavjud. Ularning qariyb 170 mingtasi moment kartalarni tashkil etadi. Bundan tashqari, 60 mingdan ortiq yonilg‘i kartalari faollashtirilgan.

Markaziy bank «zapravka»lardagi tushumlar hajmini ham e’lon qildi. Unga ko‘ra, 3 – 8-aprel kunlari davomida umumiy tushum 720 mlrd so‘mdan oshgan.

Ma’lumotlarga ko‘ra, 3-aprel kuni tushum 92 mlrd so‘mni tashkil etdi. 4, 5 va 6-aprel kunlari esa bu ko‘rsatkich keskin...

Janubiy Koreyada kemasozlik bo‘yicha malakali kadrlar tayyorlashga qaratilgan maxsus o‘quv kurslari uchun yilning ikkinchi tanlovi o‘tkaziladi. Bu haqda Migratsiya agentligi ma’lum qildi.

Loyiha Migratsiya agentligi hamda HD Hyundai Heavy Industries hamkorligida amalga oshiriladi. 2025-yilda loyihaga jami 408 nafar ishtirokchi qabul qilingan bo‘lib, ularning 367 nafari hozirda Hyundai zavodlarida ish boshlagan.

O‘quv jarayoni Farg‘ona shahridagi KOICA markazida tashkil etiladi. Ishtirokchilarning o‘qish va yotoq joy xarajatlari Migratsiya agentligi tomonidan qoplab beriladi. Dastur yakunida Koreyada ishga joylashish imkoniyati yaratiladi. Minimal oylik esa taxminan 2,156 von ($1428) etib belgilangan.

E-9 vizasi bo‘yicha tanlovda SPAS elektron bazasida ro‘yxatda turgan ish izlovchilar ishtirok etishi...

Buxoro viloyatining Olot tumanida ekologiyaga 1,3 mlrd so‘mlik zarar keltirgan yuridik shaxs aniqlandi. Bu haqda viloyat Ekologiya bosh boshqarmasi matbuot xizmati xabar bermoqda.

Ma’lum bo‘lishicha, 2024-yilda Olot tumani hududidan o‘tuvchi Jondor kanalida qazish ishlari olib borilgan. Shu jarayonda yuridik shaxs rahbari tomonidan 154 tup qimmatbaho turung‘ul daraxtlari kesilgan. Tekshiruv natijasida bu holat tabiatga jiddiy zarar yetkazgani aniqlangan.

Mutaxassislar tomonidan o‘tkazilgan hisob-kitoblarga ko‘ra, ekologik zarar miqdori 1 mlrd 302 mln so‘m etib baholangan. Shundan so‘ng mazkur holat bo‘yicha sud jarayonlari boshlangan.

Ish Buxoro tumanlararo iqtisodiy sudida ko‘rib chiqilib, sud boshqarma tomonidan kiritilgan da’voni to‘liq qanoatlantirgan. Qarorga muvofiq, yetkazilgan zarar to‘liq...

Ai+ kompaniyasi yangi budjet segmentidagi ikki smartfon Ai+ Nova 2 va Ai+ Nova 2 Ultra modellarini taqdim etdi. Bu haqda Gizmochina nashri xabar berdi.

Nova 2 modeli 6,745 dyuymli HD+ displey va 120 Hz yangilanish chastotasiga ega. Qurilma Unisoc T8200 protsessori asosida ishlaydi va 6 GB gacha operativ xotira hamda 128 GB ichki xotira bilan taqdim etiladi.

Nova 2 Ultra esa yanada kuchliroq bo‘lib, 6,78 dyuymli AMOLED displey, 1,5K aniqlik va 144 Hz yangilanish chastotasini taklif qiladi. Smartfon MediaTek Dimensity 7400 chipi bilan ishlaydi va 8 GB operativ xotira bilan jihozlangan.

Har ikkala modelda ham 50 megapikselli asosiy kamera...