Yangiliklar

Zeekr Auto Xitoyda Zeekr 001 egalari uchun haydovchisiz boshqaruv tizimi yangiladi. Bu haqda ITHome xabar bermoqda. Loyiha 2025-yil 24-dekabr kuni yakunlandi.

Kampaniya doirasida 2024-yilgi, lidar bilan jihozlangan avtomobil egalari autopilotning apparat va dasturiy qismini o‘z hisobidan yangilashi taklif etildi. Maqsad eskirgan tizimlarni eng so‘nggi versiyaga almashtirish edi.

Yangilashning to‘liq narxi 33,5 ming yuan ($,6 ming) bo‘ldi. Kompaniya darhol muhandislik ishlarini boshlashini bildirdi. Aniq muddatlar regulyator ruxsatlaridan keyin e’lon qilinadi.

Ma’lumot uchun, Zeekr 001 elektromobilida qo‘llanilgan autopilot tizimi haydash jarayonini xavfsiz va qulay qilish uchun mo‘ljallangan. Ushbu tizim avtomobilni mustaqil boshqaradigan sun’iy haydovchi emas, balki haydovchiga yordam beruvchi zamonaviy elektron...

2025-yilning yanvar – sentabr oylarida O‘zbekistonda 15,6 mingdan ortiq egizaklar tug‘ilgan. Bu haqda Milliy statistika qo‘mitasi ma’lum qildi.

Unga ko‘ra, shu davrda 421 hollarda uch yoki undan ortiq bolalar bir vaqtda dunyoga kelgan. Umumiy olganda, mamlakatda o‘tgan to‘qqiz oy davomida 664,6 ming tug‘ilish qayd etilgan.

2025-yil 1-oktabr holatiga ko‘ra, O‘zbekistonning doimiy aholisi 38,07 mln kishiga yetgan. O‘tgan yil davomida aholi soni deyarli 714 mingga oshib, o‘sish sur’ati taxminan 1,9 foizni tashkil qilgan.

Ma’lumot uchun, 2024-yilda O‘zbekistonda jami 21 107 nafar egizak bola tug‘ilgan. Ulardan 10 630 nafari egizak o‘g‘il bola, 10 477 nafar esa egizak qiz...

Portugaliyalik hujumchi Krishtianu Ronaldu Globe Soccer talqiniga ko‘ra Yaqin Sharqning eng yaxshi futbolchisi deb topildi. Taqdirlash marosimi har yili o‘tkaziladigan xalqaro Globe Soccer Awards mukofoti doirasida bo‘lib o‘tdi.

Hay’at Ronaldu­ning mintaqada futbol rivojiga qo‘shgan hissasi hamda uning barqaror individual ko‘rsatkichlarini e’tirof etdi. Hujumchi hozirda «Al-Nasr» klubi safida to‘p surmoqda va Saudiya Arabistoni chempionatining eng sermahsul futbolchilaridan biri bo‘lib qolmoqda.

Mavsum davomida Ronaldu muntazam ravishda gollar urib, samarali harakatlari bilan ajralib turdi. U yuqori jismoniy tayyorgarlikni saqlab, jamoaning hujumkor o‘yinida muhim rol o‘ynadi. Shuningdek, uning ishtiroki liga­ga muxlislar va homiylar qiziqishini yanada oshirdi.

Eslatib o‘tamiz, avvalroq Ronaldu Saudiya Arabistonidagi...

Prezident «Ijtimoiy himoyaga muhtoj aholi qatlamlariga davlat ijtimoiy qo‘llab-quvvatlash choralarini taqdim etish tizimini tubdan takomillashtirish chora-tadbirlari to‘g‘risida»gi farmoni qabul qilindi.

Unga ko‘ra, 2026-yil 1-fevraldan «Ijtimoiy himoya yagona reyestri» va Kambag‘al oilalar reyestri negizida yagona Ijtimoiy reyestr yuritiladi. Reyestr «Yagona milliy ijtimoiy himoya» axborot tizimi orqali olib borilib, davlat ijtimoiy qo‘llab-quvvatlash choralari ko‘rsatiladigan oilalarni aniqlash va ularning ijtimoiy-iqtisodiy holatini baholashga xizmat qiladi.

Ijtimoiy reyestrda oilalar «davlat ta’minotidagi oila», «kambag‘al oila» va «kambag‘allik chegarasidagi oila» toifalariga ajratiladi. Mehnatga layoqatsiz yoki mehnat qilish imkoniyati cheklangan a’zolardan iborat va jon boshiga daromadi minimal iste’mol xarajatlaridan past bo‘lgan oilalar davlat ta’minotidagi oila sifatida...

O‘zbekiston va jahonda ortda qolayotgan haftada bir qancha voqealar yuz berdi. Kursiv Uzbekistan ularni bir joyga jamladi.

2026-yil «Mahallani rivojlantirish va jamiyatni yuksaltirish yili» etib belgilandi

O‘zbekistonda 2026-yil «Mahallani rivojlantirish va jamiyatni yuksaltirish yili» etib nomlandi. Bu haqda Shavkat Mirziyoyev Oliy Majlis va O‘zbekiston xalqiga yo‘llagan murojaatnomasida ma’lum qilindi.

2026-yilga budjet tasdiqlandi

Prezident 2026-yil uchun Davlat budjeti to‘g‘risidagi qonunni imzoladi. Hujjat 2026-yil uchun konsolidatsiyalashgan budjetni shakllantirish va ijro etish tartibini belgilaydi.

Qonunga ko‘ra, respublika budjetidan ajratiladigan mablag‘lar faqat 2026-moliya yili davomida ishlatiladi va keyingi yilga o‘tkazilmaydi.

2026-yil uchun quyidagilar tasdiqlandi:

2025-yilgi mavsumda xalqaro musobaqalarda ishtirok etgan oʻzbek futbol klublari guruh bosqichini gʻalabasiz yakunlaganiga qaramay, turnir reglamentiga muvofiq muayyan miqdorda mukofot pullariga ega boʻldi.

OChL-2 turnirida ilk bor qatnashgan Andijon guruh bosqichida 6 ta uchrashuv oʻtkazdi. Jamoa 5 marta durang qayd etib, 1 marta magʻlub boʻldi. Gʻalaba qoʻlga kiritilmaganiga qaramay, klub turnirda ishtirok etgani uchun belgilangan $300 ming miqdoridagi mukofot pulini oldi. Reglamentga koʻra, guruh bosqichidagi har bir jamoaga $300 ming toʻlanadi. Bundan tashqari, har bir gʻalaba uchun $30 ming, keyingi bosqichga chiqish uchun esa $80 ming bonus nazarda tutilgan. Biroq «Andijon» ushbu qoʻshimcha mablagʻlarni qoʻlga kirita olmadi.

Elita darajadagi OChL...

Rossiyada 2026-yil 1-yanvardan boshlab xorijiy fuqarolar uchun rus tili, Rossiya tarixi va mamlakat qonunchiligi boʻyicha imtihonlar yagona elektron formatda oʻtkaziladi. Bu haqda «RIA Novosti» xabar berdi.

Rossiya Fan va ta’lim vazirligi ma’lumotiga koʻra, endilikda imtihonlar faqat kompyuterlar va masofaviy texnologiyalar orqali tashkil etiladi. Mazkur tartib mehnat patenti, yashash uchun ruxsatnoma yoki boshqa migratsion hujjatlarni rasmiylashtirishni rejalashtirgan barcha xorijiy fuqarolarga tatbiq qilinadi.

Islohotdan asosiy maqsad imtihon jarayonida inson omili ta’sirini kamaytirish, baholash shaffofligini oshirish va korrupsiya xavfini minimallashtirishdan iborat. Shu munosabat bilan qogʻoz blankalar va video nazoratsiz suhbat amaliyotlari bekor qilinadi.

Imtihon topshiriqlari bazasi har oy yangilanadi, savol va javoblarni...

Fransuz kinematografiyasining eng yorqin timsollaridan biri, taniqli aktrisa Brijit Bardo 91 yoshda vafot etdi. Bu haqda Fransiyaning nufuzli nashri Le Figaro xabar berdi.

Brijit Bardo 1934-yilda Parijda tugʻilgan. U yoshligida balet bilan shugʻullangan, keyinchalik fotomodel sifatida faoliyat boshlagan. Aktrisa kinodagi ilk debyutini 1952-yilda «Normand tuynugi» komediyasida amalga oshirgan. Oradan koʻp oʻtmay, «Manina, bikinidagi qiz» filmidagi roli unga tomoshabinlar e’tiborini olib kelgan.

Haqiqiy jahon miqyosidagi shuhrat Bardo uchun 1956-yilda, turmush oʻrtogʻi Rojer Vadim rejissyorlik qilgan «Va Xudo ayolni yaratdi» filmi orqali boshlangan. Ushbu kartina uni Yevropa kinosining ramziga aylantirdi. Faoliyati davomida Bardo 50 dan ortiq filmlarda rol ijro etib, Alen...

Prezident qaroriga muvofiq, 2026-yil 1-yanvardan boshlab tuman va shahar hokimlarining qurilish, kommunal xoʻjalik, ekologiya va koʻkalamzorlashtirish masalalari boʻyicha oʻrinbosarlari bir vaqtning oʻzida obodonlashtirish boshqarmalari boshligʻi hisoblanadi.

Qaror obodonlashtirish ishlarini yagona boshqaruv ostida samaraliroq tashkil etish hamda mahalliy budjetlarning moliyaviy mustaqilligini oshirishga qaratilgan.

Shuningdek, 2026-yil 1-apreldan shahar obodonlashtirish boshqarmalari biriktirilgan hududlarga oʻzlari yetishtirgan mavsumiy gul koʻchatlarini ekishni boshlaydi. Ushbu amaliyot 2027-yildan respublikaning barcha hududlarida joriy etiladi.

Bundan tashqari, obodonlashtirish boshqarmalariga issiqxonalar tashkil qilish, avtoturargohlarni xatlovdan oʻtkazish va ularga avtomatlashtirilgan nazorat tizimlarini oʻrnatish vazifalari belgilandi. 2026-yildan mahalliy budjetlarga boʻsh mablagʻlarni bank depozitlariga joylashtirish orqali qoʻshimcha daromad olishga ham ruxsat beriladi.

Avvalroq...

Fargʻona viloyatining Oltiariq tumanida taniqli xonanda Rahmatillo Yusupov 27-dekabr kuni 44 yoshida vafot etdi. Bu haqda uning yaqinlari va ijodkor doʻstlari ijtimoiy tarmoqlar orqali ma’lum qildi.

Shoir Shahriyor Shavkatning yozishicha, xonanda soʻnggi yillarda ogʻir xastalik bilan kurashib kelgan va uzoq vaqt davomida toʻshakka mixlangan holda yashagan. Rahmatillo Yusupov bir necha yil avval koronavirusdan keyingi asoratlar sabab shifokorlar nazoratida boʻlgan. Dastlab unga notoʻgʻri tashxis qoʻyilib, jarrohlik amaliyoti oʻtkazilgani, biroq bu muolaja uning sogʻligʻiga jiddiy salbiy ta’sir koʻrsatgani aytiladi.

Keyinchalik boshqa mutaxassislar koʻrigida operatsiya vaqtida asab tolalariga zarar yetkazilgani aniqlangan. Oʻzbekiston xalq shoiri Iqbol Mirzo xonandani Toshkentga yetakchi mutaxassislar huzuriga olib...

Oʻzbekistonda davlat boshqaruvi va mahalliy hokimiyat organlari tasarrufidagi xizmat avtotransport vositalari xatlovdan oʻtkazilib, belgilangan me’yorlardan ortiq boʻlganlari sotuvga chiqariladi. Bu haqda prezidentning davlat xaridlari tizimida raqobat va shaffoflikni kuchaytirishga qaratilgan farmonida belgilandi.

Hujjatga muvofiq, Hisob palatasi va Davlat moliyaviy nazorat inspeksiyasi uch oy muddatda Ichki ishlar vazirligi bilan birgalikda barcha davlat va mahalliy hokimliklarning xizmat avtomobillarini xatlovdan oʻtkazadi. Xatlov yakunlariga koʻra, limitdan ortiq avtotransport vositalari amaldagi tartibda sotiladi. Amalga oshirilgan ishlar boʻyicha 2026-yil 1-iyunga qadar Prezident administratsiyasiga axborot taqdim etiladi.

Shuningdek, Hisob palatasi va moliyaviy nazorat inspeksiyasi davlat buyurtmachilari tomonidan xizmat avtomobillarini xarid qilish ustidan doimiy nazorat oʻrnatadi.

Eslatib...

2026-yildan boshlab qoʻshilgan qiymat soligʻi (QQS)dan tushgan mablagʻlarning bir qismi mahalliy budjetlarga yoʻnaltiriladi. Bu haqda prezident tomonidan mahalliy budjetlarning moliyaviy barqarorligini oshirishga qaratilgan qarorda belgilandi.

Qarorga muvofiq, QQS tushumlarining 5 foizi Toshkent shahar budjetiga, qolgan hududlar budjetlariga esa 20 foizi oʻtkaziladi. Mazkur mexanizm hududlarning moliyaviy mustaqilligini kuchaytirishga xizmat qiladi.

Shuningdek, QQS, foyda soligʻi, yonilgʻiga aksiz soligʻi, davlat boji, jarima va yigʻimlardan tushadigan daromadlar boʻyicha tuman va shahar budjetlariga ajratmalar meʼyorlari belgilanadi. Mahalliy Kengashlarga alkogol mahsulotlarini sotish yigʻimlari stavkasini 20 foizgacha oshirish vakolati beriladi. Ushbu tushumlar toʻliq mahalliy budjetlarda qoladi.

Bundan tashqari, qishloq xoʻjaligi yerlarini ijaraga berishdan hamda dehqon va...

Rossiya hukumati benzin, dizel yonilgʻisi hamda boshqa turdagi neft mahsulotlarini eksport qilishga qoʻyilgan vaqtinchalik cheklovni yana uzaytirdi. Bu haqda Vazirlar Mahkamasi matbuot xizmati ma’lum qildi.

Hukumat qaroriga koʻra, avtomobil benzini eksportiga taqiq 2026-yil 28-fevralga qadar amal qiladi. Mazkur qaror ichki yonilgʻi bozorida barqarorlikni saqlash va narxlarning keskin oshib ketishining oldini olishga qaratilgan. Shu sanagacha dizel yonilgʻisi, kema yonilgʻisi hamda birja savdolari orqali xarid qilingan mahsulotlarni ham eksport qilish taqiqlanadi.

Hukumat aniqlik kiritishicha, cheklovlar barcha eksport qiluvchilarga tatbiq etiladi, biroq neft mahsulotlarini bevosita ishlab chiqaruvchi yirik korxonalar bu taqiqdan mustasno.

Mazkur choralar dastlab iyul oyining oxirida Rossiyaning bir qator...

Sirdaryo viloyatida soʻm kupyurasini yoqib, undan sigareta tutatish uchun foydalangan xorijiy fuqarolar ma’muriy javobgarlikka tortildi. Bu haqda Ichki ishlar vazirligi matbuot kotibi Shohrux Gʻiyosov ma’lum qildi.

Qayd etilishicha, hodisa 23-dekabr kuni sodir boʻlgan. Uch nafar chet el fuqarosi ishlayotgan korxonasi hududida 2 ming soʻmlik pul kupyurasini yoqib, undan sigaretlarini yoqishda foydalangan. Ushbu holat videoga olinib, ijtimoiy tarmoqlarda tarqalgan.

Mazkur holat yuzasidan huquq-tartibot organlari tomonidan tekshiruv oʻtkazilib, xorijliklarga nisbatan Ma’muriy javobgarlik toʻgʻrisidagi kodeksning milliy, irqiy, etnik yoki diniy adovatni qoʻzgʻatishga oid materiallarni tayyorlash, saqlash yoki tarqatishni nazarda tutuvchi moddasi asosida hujjatlar rasmiylashtirildi.

Sud jarayonida ayblanuvchilardan biri qilgan ishidan pushaymon ekanini...

BMT Xavfsizlik kengashi Afgʻonistondagi ayollar va qizlarning bugungi ahvolini ayanchli deya baholadi. Kengash tomonidan e’lon qilingan hisobotga koʻra, «Tolibon» joriy etgan gender cheklovlari mamlakat iqtisodiyotiga har yili kamida $1 mlrd zarar yetkazmoqda.

Hisobotda aytilishicha, Afgʻonistondagi ayollarning qariyb 80 foizi ta’lim olish, mehnat qilish va kasb-hunar oʻrganish imkoniyatlaridan mahrum. Ayollar oʻrtasidagi ishsizlik darajasi erkaklarnikiga nisbatan keskin yuqori. Tibbiy xizmatlardan foydalanish ham koʻplab hududlarda jiddiy cheklangan.

BMT ekspertlari iqtisodiy bosim kuchaygani sababli koʻplab oilalar qizlarni erta va majburiy nikohga berishga majbur boʻlayotgani yuzasidan xavotir bildirdi. Bu holat ijtimoiy tengsizlikni yanada chuqurlashtirmoqda.

Avvalroq 2025-yil mart oyida BMTning Afgʻonistonga yordam koʻrsatish missiyasi (UNAMA...

28-dekabr sanasi jahon madaniyati, siyosiy o‘zgarishlar va tabiiy ofatlar bilan tarixda qolgan. Kinematografiyaning paydo bo‘lishidan tortib, O‘zbekiston xaritasidagi ma’muriy o‘zgarishlargacha bo‘lgan voqealar shular jumlasidandir. Kursiv Uzbekistan kunning eng muhim voqealarini taqdim etadi.

1895-yili Parijdagi Kaputsinlar bulvarida joylashgan «Grand Café» yerto‘lasida aka-uka Lui va Ogyust Lyumyerlar tomonidan tarixda ilk bor keng omma uchun tijoriy film namoyishi o‘tkazildi. Tarixiy seansda atigi 33 nafar tomoshabin ishtirok etgan bo‘lsa-da, «Ishchilarning fabrikadan chiqishi» va «Poyezdning La-Sota vokzaliga kelishi» kabi qisqa lavhalar kinematografiya erasini boshlab berdi.

1908-yilda Italiyaning Sitsiliya oroli va Kalabriya hududida Yevropa tarixidagi eng vayronkor ofatlardan biri Messina zilzilasi yuz berdi...

Insayder Jon Prosser (Apple bilan iOS 26 dizaynining sirlarini oshkor qilgani uchun sudlashayotgan shaxs) o‘z YouTube-kanalida kelajakdagi buklanuvchi iPhone modelining sifatli renderlarini taqdim etdi. Qurilma taxminan iPhone Ultra nomi bilan chiqarilishi mumkin.

Yangi telefon ichki ekranining diagonali 7,8 dyuym, tashqi ekran esa 5,5 dyuym bo‘ladi. Qurilmaning qalinligi yopiq holatda 9 mm, ochiq holatda esa atigi 4,5 mm. U asosiy juft kamera va ikki selfie-kamera bilan jihozlanadi. Face ID tizimi o‘rniga Touch ID quvvat tugmasiga integratsiya qilinadi. Qurilmaning taxminiy narxi $2000–$2500 atrofida bo‘lishi kutilmoqda.

Jon Prosser ilgari Google Pixel 7, Pixel 7 Pro va Pixel Watch taqdimot sanalarini oshkor qilgan...

Abdumannop Buriyev prezident huzuridagi Tadbirkorlik subyektlarining huquqlari va qonuniy manfaatlarini himoya qilish bo‘yicha vakil – biznes-ombudsman lavozimiga tayinlandi. Bu haqda ombudsmanning rasmiy sahifasida ma’lum qilindi.

Tayinlovdan oldin u Oliy Majlis Qonunchilik palatasining Korrupsiyaga qarshi kurashish va sud-huquq masalalari qo‘mitasi a’zosi sifatida faoliyat yuritgan.

Buriyev 1986-yilda Toshkent viloyati Bekobod shahrida tug‘ilgan, oliy ma’lumotli. 2010-yilda Jahon iqtisodiyoti va diplomatiya universitetini, 2016-yilda esa O‘zbekiston Respublikasi Strategik tahlil va istiqbolni belgilash Oliy maktabini tamomlagan. Mutaxassisligi huquqshunos.

Mehnat faoliyatini 2011-yilda Adliya vazirligi Yuridik shaxslarni davlat ro‘yxatidan o‘tkazish boshqarmasi 1-toifali ish yurituvchi kotibi lavozimidan boshlagan Buriyev turli mas’ul lavozimlarda, jumladan Adliya vazirligi Tashkiliy-nazorat va strategik...

Ertaga, 28-dekabr kuni, Toshkent shahrida havo o‘zgaruvchan, biroz yomg‘ir yog‘adi. Shamol g‘arbdan 5–10 m/s tezlikda esadi. Harorat kechasi 3–5° iliq, kunduzi 10–12° iliq. Bu haqda «O‘zgidromet» xabar berdi.

Qoraqalpog‘iston Respublikasi va Xorazm viloyatida havo o‘zgaruvchan, yog‘ingarchilik kutilmaydi, ba’zi joylarga tuman tushishi mumkin. Shamol sharqdan 7–12 m/s tezlikda esadi. Harorat kechasi 2–7° sovuq, kunduzi 3–8° iliq.

Buxoro va Navoiy viloyatlarida ham havo o‘zgaruvchan, ba’zi joylarda yomg‘ir yog‘adi, ayrim hududlarda kuchli bo‘lishi mumkin. Shamol sharqdan 7–12 m/s tezlikda esadi. Harorat kechasi 2–7° iliq, kunduzi 10–15° iliq.

Toshkent, Samarqand, Sirdaryo, Jizzax viloyatlarida ba’zi joylarda yomg‘ir yog‘adi, ayrim hududlarda kuchli bo‘lishi mumkin. Shamol...

Bugun, 27-dekabr kuni poytaxtda Milliy gvardiya harbiy orkestri ishtirokida Qorbobolar paradi yana namoyish etiladi. Bu haqda Toshkent shahar hokimligi xabar berdi.

Tadbir jadvali:

Avvalroq Kursiv Uzbekistan 26-dekabr kuni Qorbobolar paradi bo‘lishi haqida yozgandi.

Vazirlar Mahkamasi elektron ishonchnomalarni rasmiylashtirish va hisobga olish bo‘yicha onlayn platforma to‘g‘risidagi nizomni tasdiqladi. Hujjat Lex.uz saytida e’lon qilingan.

Vakolat.uz platformasi 2026-yil 1-yanvardan ishga tushiriladi. U orqali fuqarolar va tashkilotlar ishonchnomalarni rasmiylashtirish, o‘zgartirish, bekor qilish va haqiqiyligini tekshirish imkoniga ega bo‘ladi. Platformadan foydalanish bepul bo‘ladi.

Yuridik shaxslar ixtiyoriy ravishda o‘zlari tomonidan rasmiylashtirilgan ishonchnomalarni ro‘yxatdan o‘tkazishi mumkin. Elektron ishonchnomalar davlat organlari va boshqa tashkilotlar tomonidan majburiy tarzda qabul qilinadi va qog‘oz shaklidagi ishonchnoma bilan teng huquqqa ega bo‘ladi.

Ishonchnomani rasmiylashtirish uchun ariza beruvchi OneID orqali ro‘yxatdan o‘tishi va arizani elektron raqamli imzo yoki Face ID orqali tasdiqlashi kerak. Shundan so‘ng...

Chevrolet kompaniyasining S10 pikapi Braziliya bozoridagi eng uzoq umr ko‘rgan modeli sifatida tarixga kirdi. Bu haqda Tarantas News nashri xabar berdi.

Model 2025-yilda Braziliyada ishlab chiqarilayotganiga 30 yil to‘lishini nishonladi va shu bilan birga, Chevrolet brendi uchun muhim rekordni qayd etdi.

Chevrolet S10 ishlab chiqarilishi 1995-yilda GM’ning San-Joze-dus-Kampusdagi zavodida boshlangan. U Braziliyada mahalliy ishlab chiqarilgan birinchi o‘rta o‘lchamli pikap bo‘lgan va vaqt o‘tishi bilan mamlakat avtomobil bozoridagi eng ramziy modellardan biriga aylangan.

General Motors ma’lumotlariga ko‘ra, o‘tgan 30 yil davomida Braziliyada 1 milliondan ortiq Chevrolet S10 sotilgan. Ushbu ko‘rsatkich segment uchun rekord hisoblanadi. Model millionlik marrani 2020-yilda, bozordagi...

Toshkent shahridagi Olimpiya va paralimpiya shon-shuhrati muzeyida karate va taekvondo yo‘nalishida yuksak natijalarga erishgan sportchilarni taqdirlash marosimi bo‘lib o‘tdi. Bu haqda «O‘zA» xabar berdi.

Marosimda karate WKF bo‘yicha jahon chempioni Gulshan Alimardonova hamda taekvondo WT bo‘yicha jahon chempioni Najmiddin Qosimxo‘jayev Prezident sovg‘asi sifatida BYD avtomashinasi va $15 ming bilan mukofotlandi.

Shuningdek, yuqori sport natijalari va xalqaro musobaqalardagi muvaffaqiyatlari uchun Abdul Vahob Rashidov, Svetlana Osipova, Sulaymon Yusupov, Jahongir Xudoyberdiyev, Zaynobiddin Nazaraliyev, Pavel Xan hamda Abdujabbor Botirovga ham pul mukofotlari topshirildi.

Avvalroq «Kursiv» nashri O‘zbekiston V para Osiyo o‘yinlarida 197 ta medal bilan 1-o‘rinni egallagani haqida yozgandi.

Tecno kompaniyasi arzon segmentga mo‘ljallangan yangi Pova Curve 2 5G smartfonini taqdim etishga hozirlik ko‘rmoqda. Bu haqda Xpertpick nashri xabar berdi.

Yangilik katta sig‘imli akkumulyator, yuqori chastotali ekran va hali rasman e’lon qilinmagan yangi chipset bilan ajralib turadi. Qurilma narxi $220 atrofida bo‘lishi kutilmoqda.

Smartfon 8000 mA·soat sig‘imli batareya bilan jihozlanadi. Bu bozor uchun rekord ko‘rsatkich bo‘lmasa-da, uzoq ishlash muddatini ta’minlaydigan juda kuchli yechim hisoblanadi. Qurilma 45 Vt tezkor zaryadlash texnologiyasini qo‘llab-quvvatlaydi, bu esa o‘z toifasidagi smartfonlar orasida yaxshi natija sanaladi.

Tecno Pova Curve 2 5G’ning yana bir muhim jihati – 144 Gts yangilanish chastotasiga ega OLED ekran. Displey...