Yangiliklar

Prezidentning «Xalqaro shartnomani tasdiqlash to‘g‘risida»gi qarori bilan O‘zbekiston va Afg‘oniston o‘rtasida imtiyozli savdo bitimi rasman tasdiqlandi. Bu haqda Adliya vazirligi ma’lum qildi.

Qarorga muvofiq, O‘zbekiston Respublikasi hukumati va Afg‘oniston ushbu imtiyozli savdo bitimini amalga oshirishni rasmiylashtirdi. Bitimning maqsadi ikki mamlakat o‘rtasida savdo aloqalarini rivojlantirish va iqtisodiy hamkorlikni kengaytirishdan iborat.

Bitimni amalga oshirish uchun mas’ul vakolatli organlar sifatida Investitsiyalar, sanoat va savdo vazirligi hamda Iqtisodiyot va moliya vazirligi huzuridagi Bojxona qo‘mitasi belgilandi. Ushbu organlar bitim shartlarining to‘liq bajarilishini nazorat qiladi va zarur chora-tadbirlarni amalga oshiradi.

Shuningdek, Tashqi ishlar vazirligi Afg‘on tomoniga bitim kuchga kirishi uchun O‘zbekiston tomonidan barcha ichki...

Amazon sun’iy intellekt yordamchisi Health AI’ga sayt va ilova orqali kirish imkoniyatini kengaytirdi. Avval faqat One Medical ilovasida mavjud bo‘lgan yordamchi endi foydalanuvchilar uchun kengroq xizmat ko‘rsatadi.

Health AI foydalanuvchilarga sog‘liq bilan bog‘liq savollarga javob berish, tibbiy yozuvlarni tushuntirish, retseptlarni yangilash va uchrashuvlar belgilash imkoniyatini beradi. Amazonning ta’kidlashicha, ushbu yordamchidan foydalanish uchun Prime obunachisi yoki One Medical a’zosi bo‘lish shart emas.

Foydalanuvchi ruxsat bergan taqdirda Health AI ularning tibbiy ma’lumotlariga Health Information Exchange orqali kiradi. Shu orqali laboratoriya natijalari, tashxislar va tibbiy yozuvlar tahlil qilinib, shaxsiylashtirilgan javoblar taqdim etiladi. Barcha muloqotlar HIPAA standartlariga mos muhitda amalga oshiriladi va...

9-mart kuni Isroilda qurilish obyektiga Eron raketasi bilan zarba berilgan edi. Zarba oqibatida ikki ishchi, jumladan 62 yoshli Oʻzbekistonda tugʻilgan Rustam G‘ulomov va 40 yoshli ozarbayjonlik Adiv Murtuzov halok bo‘ldi.

Ikkala ishchi ham o‘sha hududda yashab, qurilish ishlarida ishlagan. Adiv Murtuzov 10-mart kuni kasalxonasida vafot etdi. Shu bilan Isroilda urushning joriy bosqichi boshidan beri halok bo‘lganlar soni 15 kishiga yetdi.

Rustam G‘ulomov 14 yil oldin o‘g‘li ortidan Isroilga borgan. Qizining ma’lum qilishicha, zarba paytida Rustam va hamkori obyektni ko‘zdan kechirayotgan bo‘lgan. Sirena chalinib, ishchilarga boshpana izlash tavsiya qilingan, biroq, ular ulgurmagan.

Rustam 2017-yilda O‘zbekiston Respublikasi fuqaroligidan chiqqan...

Kia kompaniyasi Kia Sportage krossoverining 6-avlodini ishlab chiqishni boshladi. Unda an’anaviy benzin dvigatelli versiyalar butunlay bekor qilinadi.

Yangi Sportage 2027-yilda taqdim etilishi rejalashtirilgan. Model kompakt krossover segmentida faqat gibrid dvigatellar bilan taklif qilinadi. Kia yangi avlod Sportage uchun ikki xil elektrlashtirilgan tizimni taklif etadi. Birinchi variant oddiy gibrid tizim bo‘ladi. Unda kuchliroq elektromotor va kattaroq batareya qo‘llanib, yoqilg‘i tejamkorligi va samaradorlik oshiriladi.

Ikkinchi variant esa plug-in gibrid (PHEV) tizimi bo‘ladi. Bu versiya elektr rejimida 100 km gacha masofani bosib o‘ta olishi kutilmoqda. Natijada ko‘pchilik haydovchilar kundalik yo‘lini benzin ishlatmasdan bosib o‘tishi mumkin bo‘ladi. Hozirgi 5-avlod Sportage modeli benzin, LPG...

Bundan buyon Urbanizatsiya va uy-joy bozorini barqaror rivojlantirish milliy qo‘mitasi Toshkent shahrida uy-joylarning o‘rtacha kvadrat metr narxlarini muntazam e’lon qilib boradi. Bu haqda qo‘mita raisi Sherzod Kudbiyev Qurilish va uy-joy kommunal xo‘jaligi vazirligi tomonidan o‘tkazilgan matbuot anjumanida ma’lum qildi.

Unga ko‘ra, narxlar har bir tuman kesimida alohida ko‘rsatiladi. Masalan, Yakkasaroy, Mirzo Ulug‘bek, Uchtepa yoki Sergeli tumanlarida bir kvadrat metr uy narxi o‘rtacha qancha ekanini fuqarolar ochiq ma’lumot sifatida bilib boradi.

«Biz Toshkent shahridagi o‘rtacha kvadrat metr narxlarini e’lon qilib borishimiz kerak. Odamlar bilishi kerak, uy kvadrat metri qanchaga tushyapti, Yakkasaroyda qanchaga tushyapti, Mirzo Ulug‘bekda qanchaga tushyapti, Uchtepada qancha bo‘lyapti-yu...

12-mart uchun valyutalar kursi yangilandi. Unga ko‘ra, dollar 22,37 so‘mga tushib, 12 135,76 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

4-mart kuni 19,29 so‘mga oshib, 12 209,86 so‘mga yetdi. 5-mart kuni dollar 30,05 so‘mga tushib, 12 179,81 so‘mni, 6-mart kuni esa 4,28 so‘mga tushib, 12 175,53 so‘mni tashkil qildi. 10-mart kuni dollar 15,72 so‘mga oshib, 12 191,25 so‘mga yetgandi. 11-mart kuni esa 33,12 so‘mga tushib, 12 158,13 so‘mni tashkil etdi.

Markaziy bank ma’lumotlariga ko‘ra, yevro 98,88 so‘mga tushib, 14 067,77 so‘mni, rubl 0,58 so‘mga tushib, 153,40 so‘mni tashkil qildi.

Eslatib o‘tamiz, Kursiv Uzbekistan...

Samsung Galaxy S26 Ultra AQSh bozorida katta qiziqish uyg‘otdi. Sammobile’ga ko‘ra, yangi Samsung Galaxy S26 series smartfonlari uchun oldindan buyurtmalar o‘tgan yilgi Samsung Galaxy S25 series’ga nisbatan qariyb 25 foizga ko‘paygan.

Oldindan buyurtmalarning eng katta qismi aynan Galaxy S26 Ultra modeliga to‘g‘ri kelgan. Jami buyurtmalarning taxminan 80 foizi shu model hissasiga to‘g‘ri kelmoqda.

Alohida savdo kanallari bo‘yicha ham talab keskin oshgan. AQShdagi yirik mobil operatorlarda yangi smartfonlarga talab oldingi avlodga nisbatan 70 foizdan ko‘proq oshgan. Yirik savdo tarmoqlaridan biri Best Buy do‘konlarida esa oldindan buyurtmalar hajmi ikki baravardan ham ko‘p o‘sgan.

Yangi Galaxy S26 seriyasi Janubiy Koreyada ham rekord...

Toshkent shahrining bosh rejasi alohida tadbirkorlarning manfaatidan kelib chiqib o‘zgartirilmaydi. Bu haqda qurilish va uy-joy kommunal xo‘jaligi vaziri Sherzod Hidoyatov matbuot anjumanida ma’lum qildi, deya xabar berdi Kursiv Uzbekistan muxbiri.

Uning ta’kidlashicha, bosh rejaga o‘zgartirishlar master-rejalar asosida ishlab chiqiladi. Ushbu jarayon Toshkent shahar hokimligi huzuridagi Toshkent Invest kompaniyasi orqali amalga oshiriladi. Master reja tasdiqlangandan keyin tadbirkorlar o‘sha belgilangan talablar asosida loyiha amalga oshirishi mumkin.

«Master rejalar Toshkent Invest kompaniyasi bilan birgalikda ishlab tasdiqlanadi, keyin tadbirkorlar o‘sha asosida ish olib bora oladi. Agarda bu tadbirkorning joyi bo‘ladigan bo‘lsa, uni ham kelishib, birgalikda o‘sha master rejaning qoidasi bilan qiladi...

Bloger Sirojiddin Odilov tovlamachilik bilan qamoqqa olindi. Bu haqda Samarqand viloyati ichki ishlar boshqarmasi ma’lum qildi.

Xabarga ko‘ra, jinoyat ishlari bo‘yicha Samarqand viloyatining Pastdarg‘om tumani sudi Odilovga nisbatan ehtiyot chorasi sifatida qamoqqa olishga sanksiya bergan. U O‘zbekiston Respublikasi Jinoyat kodeksining 165-moddasi, ya’ni tovlamachilikda gumon qilinmoqda.

Ichki ishlar organlari ma’lumotiga ko‘ra, Pastdarg‘om tumanida yashovchi 1961-yilda tug‘ilgan fuqaro R.X. tuman IIBga ariza bilan murojaat qilgan. Arizada aytilishicha, u 2024-yil avgust oyida Toshkent shahrida yashovchi 1980-yilda tug‘ilgan S.A.ga boshqa shaxs bilan o‘rtasidagi moliyaviy masalani hal qilib berishni so‘rab murojaat etgan.

Ma’lum qilinishicha, S.A. vakolatli shaxs bo‘lmasa-da, masalani jabrlanuvchi foydasiga hal qilib berish...

«El-yurt umidi» stipendiatlari majburiyatini bajarmagan taqdirda mablag‘lar undiriladi. Bu haqda Oliy Majlis Qonunchilik palatasining navbatdagi majlisida «O‘zbekiston Respublikasining ayrim qonun hujjatlariga o‘zgartirish va qo‘shimchalar kiritish to‘g‘risida»gi qonun loyihasi birinchi o‘qishda ko‘rib chiqildi.

Qonun loyihasida jamg‘arma tomonidan sarflangan mablag‘larni undirish bilan bog‘liq masalalarni tartibga solish taklifi berildi. Jumladan, ushbu mablag‘larni undirish yuzasidan fuqarolik ishlari bo‘yicha sudlarga da’vo kiritishda jamg‘armani davlat bojini to‘lashdan ozod qilishni nazarda tutuvchi norma kiritilishi taklif etildi.

Shuningdek, qonun loyihasida idoraviy normativ-huquqiy hujjatlar loyihalarini ishlab chiqish va kelishish tartibini soddalashtirish, jarayon muddatlarini qisqartirish ham nazarda tutilmoqda. Xususan, bunday hujjatlar loyihasining jamoatchilik muhokamasi muddatini 10 kun etib...

Gavayining Katta orolidagi Kilauea vulqoni otilishi oqibatida lava favvoralari 300 metr balandlikkacha ko‘tarildi va vulqon qoldiqlari yog‘ishi sababli milliy park hamda magistral yo‘llar qisman yopildi.

10-mart kuni boshlangan mazkur jarayon 2024-yilning dekabr oyidan beri kuzatilayotgan otilishlarning qirq to‘rtinchisi hisoblanadi. Lava faqat vulqon krateri ichida, Gavayi vulqonlari milliy parki hududida qolmoqda va turar joy binolari uchun bevosita xavf tug‘dirmayapti.

Shunga qaramay, vulqon kuli va tefra deb ataluvchi shishasimon qoldiqlar yog‘ishi oqibatida milliy park hamda orol bo‘ylab harakatlanishda muhim ahamiyatga ega bo‘lgan trassaning bir qismi vaqtincha yopildi. Milliy ob-havo xizmati kul yog‘ishi bo‘yicha rasmiy ogohlantirish e’lon qildi.

Gavayi okrugi rasmiylari yo‘llar...

«UzAuto Motors» AJning 2025-yilning dastlabki to‘qqiz oyidagi foydasi 2,6 trln so‘mni tashkil etdi. Uning sof foydasi 2024-yilning mos davriga nisbatan 100 mlrd so‘mga kamaygan.

Openinfo ma’lumotlariga ko‘ra, UzAuto Motorsning umumiy daromadi 35,4 trln so‘mni tashkil etgan. Bu ko‘rsatkich o‘tgan yilning shu davriga qaraganda 5,2 trln so‘mga yoki 15 foizga kamaydir.

Hisobot davrida kompaniya xarajatlari 4,3 trln so‘mni tashkil etib, 2024-yilning mos davriga nisbatan 504 mlrd so‘mga oshgan. Uning tarkibida sotish bilan bog‘liq sarf-xarajatlarning oshgani seziladi. Sotish xarajatlari 550 mlrd so‘mga ko‘paygan, bu esa umumiy xarajatlarning ortishiga asosiy sabab bo‘lgan. Biroq ma’muriy xarajatlar 73 mlrd so‘mga qisqargan.

Eslatib o‘tamiz, Kursiv...

Neft narxining $90 dan pasayishi global bozorda AQSh valyutasini ham zaiflashtirdi. Bloomberg ma’lumotlariga ko‘ra, bunga neft zaxiralarini chiqarish ehtimoli haqidagi xabarlar sabab bo‘lgan.

Nashr global fond bozoridagi o‘sishlarni ham qayd etgan. Unga ko‘ra, MSCI Asia Pacific indeksi 1,9 foizga oshdi. Bu ketma-ket ikkinchi kunlik o‘sish hisoblanadi. AQSh fond indekslari fyucherslari ham 0,5 foizga ko‘tarildi.

Texnologiya kompaniyalari aksiyalari, ayniqsa, tez o‘sgan. Tahlilchilar bu sektor Yaqin Sharqdagi urush ta’siriga kamroq uchrashini ta’kidlamoqda. Masalan, Tencent aksiyalari ko‘tarilgan, Oracle kompaniyasi aksiyalari esa kutilganidan yuqori daromad hisobotidan so‘ng 8 foizga qimmatlashgan.

Eslatib o‘tamiz, Kursiv Uzbekistan nashri Trampning Eron haqidagi bayonotidan keyin neft narxi pasaygani...

Forbes nashri hisob-kitobiga ko‘ra, Telegram messenjeri asoschisi Pavel Durovning boyligi keskin kamaydi. 2025-yilda $17,1 mlrd deb baholangan uning boyligi hozir $6,6 mlrd atrofida ekani aytilmoqda.

Mutaxassislar bunga, asosan, texnologiya bozoridagi vaziyat yomonlashgani sabab bo‘lganini qayd etgan. Telegram qiymatini baholashda investorlar kompaniyaning daromadlari va boshqa messenjerlar bilan taqqoslash natijalariga e’tibor qaratmoqda.

Masalan, Telegramning asosiy raqobatchilaridan biri Snapchat’ning oylik foydalanuvchilari soni 2025-yil oxiriga kelib 946 mln bo‘lgan. Telegram foydalanuvchilari esa 1 mlrddan ko‘p. Biroq Snapchat’ning 2025-yildagi daromadi $5,9 mlrd bo‘lsa, Telegram daromadi taxminan $2 mlrd deb baholanmoqda.

Shuningdek, Snapchat kompaniyasining bozor qiymati ham so‘nggi bir yil ichida deyarli ikki barobarga kamayib...

2026-yilning ikkinchi choragida yangilanadigan Zeekr 007 GT elektromobili narxi 5 mingdan 8 ming yuangacha ($700 – $1,2 ming) oshishi kutilmoqda. Bunga sun’iy intellekt sohasining jadal o‘sishi sababli xotira chiplari hamda litiy batareyalari narxining qimmatlashishi omil bo‘lgan.

Narxlar o‘sishiga texnologiya sohasidagi yuqori talab hamda litiy qazib olishdagi muammolar sabab bo‘lmoqda. TrendForce tadqiqot kompaniyasi ma’lumotlariga ko‘ra, 2025-yilning ikkinchi yarmidan beri avtomobil xotira chiplari narxi 300 foizga oshgan. Litiy karbonat xomashyosi narxi esa bir tonna uchun 75 mingdan 170 ming yuangacha ($10,9 ming – $24,6 ming) ko‘tarilgan.

Xarajatlar ortishi fonida boshqa ishlab chiqaruvchilar ham narxlarni ko‘tarmoqda. Xususan, Chery kompaniyasining Exeed brendi va...

Xitoyda Lotus Eletre X gibrid avtomobili uchun buyurtmalar boshlandi. Bu haqda CarNewsChina nashri xabar bermoqda.

Mahalliy bozorda avtomobil Lotus For Me nomi bilan sotiladi. Yevropa bozorida esa u Eletre X nomi bilan taqdim etiladi. Yangi model yetkazib berilishi Yevropada 2026-yil oxirida boshlanishi kutilmoqda.

Eletre X 2022-yilda taqdim qilingan to‘liq elektr Eletre modelining gibrid versiyasi hisoblanadi. Avtomobil ishlab chiqarilishi Xitoyning Uxan shahridagi Lotus zavodida yo‘lga qo‘yilgan. Krossover dizayni elektr versiyaga o‘xshash bo‘lib, tom va qanotlarda joylashgan LiDAR sensorlari, aerodinamik elementlar hamda kameralar bilan jihozlangan yon ko‘zgular bilan ajralib turadi.

Model uzunligi 5103 mm, kengligi 2019 mm, balandligi 1636 mm. G‘ildirak...

O‘zbekistonda ruxsatsiz va shaharsozlik qoidalarini buzib qurilgan binolar uchun moliyaviy sanksiya joriy etilishi rejalashtirilmoqda. Bu haqda Urbanizatsiya va uy-joy bozorini barqaror rivojlantirish milliy qo‘mitasi raisi Sherzod Kudbiyev ma’lum qildi, deya xabar bermoqda Kursiv Uzbekistan muxbiri.

Ta’kidlanishicha, hozir ayrim quruvchilar ruxsatsiz qurilish olib borishi yoki ruxsat etilgan qavatdan ko‘proq bino qurishi holatlari uchramoqda. Ba’zi holatlarda qurilish uchun hujjat bo‘lmasa ham uylar sotib yuboriladi. Natijada fuqarolar mablag‘ini yo‘qotib, jabr ko‘rmoqda.

Bunday holatlarning oldini olish uchun Shaharsozlik kodeksiga o‘zgartirish kiritish rejalashtirilgan. Unga ko‘ra, shaharsozlik normalarini qo‘pol ravishda buzgan quruvchilarga moliyaviy sanksiyalar qo‘llanadi. Bunga loyiha hujjatisiz qurilish qilish, ruxsat etilmagan hududda bino qurish, boshqa yerga...

2027-yilgi Chevrolet Equinox krossoveri kichik, ammo muhim yangilanishga ega bo‘ladi. Yangi modelda old g‘ildirakdan tortuvchi versiyalarning tortish quvvati oshiriladi.

Avvalgi Equinox modellari old g‘ildirakdan tortuvchi variantda atigi 800 funt (taxminan 360 kg) yuk torta olardi. Bu avtomobilni faqat velosiped tashuvchi moslamalar yoki kichik tirkamalar bilan cheklab qo‘yardi. 2027-yildan boshlab esa bu ko‘rsatkich 1 500 funtga (taxminan 680 kg) yetadi. Bu allaqachon to‘liq uzatmali (AWD) versiyalar darajasiga teng.

Yangilanish asosiy texnik o‘zgarish bilan bog‘liq. Old g‘ildirakdan tortuvchi Equinox modellari endi uzluksiz o‘zgaruvchan uzatmalar qutisi (CVT)dan voz kechadi. Uning o‘rniga avtomobil 8 pog‘onali avtomatik uzatmalar qutisi bilan jihozlanadi. Bu uzatma allaqachon...

Farg‘ona viloyatidagi «Vodil-avto» chegara bojxona postida Qirg‘izistonga noqonuniy ravishda olib o‘tilayotgan qimmatbaho metallar musodara qilindi. Bu haqda UzA xabar bermoqda.

Davlat xavfsizlik xizmatining Farg‘ona viloyati bo‘yicha boshqarmasi hamda bojxona idoralari xodimlari hamkorligida tovar-moddiy boyliklarni noqonuniy olib chiqishga qarshi tezkor tadbir o‘tkazilgan. Tadbir davomida Farg‘ona tumanida yashovchi, 1996-yilda tug‘ilgan shaxs boshqaruvidagi Damas avtomobili tekshiruvdan o‘tkazildi.

Natijada mashina kuzoviga yashirilgan 4 dona nostandart shakldagi oltin quymalar topilib, ashyoviy dalil sifatida rasmiylashtirilgan. Ekspertiza xulosasiga ko‘ra, musodara qilingan oltinning umumiy og‘irligi 1 kg 232 grni tashkil etadi. Ularning umumiy qiymati 2 mlrd 182 mln 466 ming so‘m etib belgilangan.

Avvalroq Kursiv Uzbekistan Andijonda...

Chery kompaniyasi yangi Chery QQ3 elektromobili uchun oldindan buyurtmalarni boshladi. Model Xitoy bozorida taxminan $10 mingdan sotuvga chiqmoqda.

Avtomobil ikki xil yurish zaxirasi bilan taklif etiladi. 310 km masofaga mo‘ljallangan Love Edition versiyasi 68,9 ming yuan ($10 ming) turadi. Share Edition esa 78,9 ming yuan ($11,4 ming)ga baholangan.

420 km yurish zaxirasiga ega Love Edition 78,9 yuan ($11,45 ming) narxda taklif qilinadi. Eng yuqori Share Edition versiyasi esa 89,9 yuan ($13 ming) turadi.

QQ3 EV oltita rangda taqdim etiladi. Ular orasida pushti, oq, kumush, qizil va binafsha rang variantlari bor. Tashqi dizaynda yopiq radiator panjarasi va Q shaklidagi LED...

2026-yilning 1-fevral holatiga ko‘ra, O‘zbekistonda chet el investitsiyalari ishtirokida jami 18,5 mingta korxona faoliyat yuritmoqda. Bu haqda Milliy statistika qo‘mitasi ma’lum qildi.

Iqtisodiy faoliyat turlari bo‘yicha eng ko‘p xorijiy korxonalar savdo sohasida (6,6 mingta) ro‘yxatga olingan. Sanoat tarmog‘i 3,8 mingta korxona bilan ikkinchi, qurilish sohasi esa 1,4 mingta korxona bilan uchinchi o‘rinni egallab turibdi.

Shuningdek, axborot va aloqa sohasida 1,4 mingta, yashash va ovqatlanish xizmatlarida 774 ta hamda tashish va saqlash yo‘nalishida 593 ta xorijiy korxona ishlamoqda. Qishloq, o‘rmon va baliqchilik xo‘jaligiga jami 478 ta chet el korxonasi to‘g‘ri keladi.

Sog‘liqni saqlash va ijtimoiy xizmat ko‘rsatish yo‘nalishida 217 ta...

Porsche kompaniyasi Cayenne Electric elektromobil oilasiga yangi modifikatsiya qo‘shdi. Ushbu model qatorida Cayenne S Electric versiyasi ham paydo bo‘ldi.

Tashqi ko‘rinishda Cayenne S Electric old va orqa bamperlaridagi kumush rangli elementlar bilan ajralib turadi. Ular Volcano rangidagi himoya elementlarini eslatadi. Model uchun 13 xil kuzov rangini tanlash mumkin.

Shuningdek, bu versiya uchun maxsus ishlab chiqilgan 20 dyuymli Cayenne S Aero g‘ildiraklari ham taklif etiladi.

Salon uchun keng personalizatsiya imkoniyatlari mavjud. Porsche Exclusive Manufaktur bo‘limi tomonidan ishlab chiqilgan opsional dizayn varianti ham taqdim etilgan. Bu holatda interyer qora va yashil teri kombinatsiyasi, anodlangan alyuminiy dekor hamda kontrast tikuvlar bilan bezatiladi.

AQSh prezidenti Donald Tramp Eron bilan harbiy harakatlar tez orada yakunlanishini e’lon qilganidan so‘ng 10-mart kuni jahon bozorida neft narxi keskin tushib ketdi. Bu haqda CNN xabar bermoqda.

Jahon bozorida Brent markali neft 11,28 foizga arzonlashib, bir barreli uchun narxi $87,8 ga tushdi. WTI esa 11,94 foizga pasayib, $83,4 ni tashkil qildi. Bunga qadar dushanba kuni neft narxi 2022-yildan beri ilk bor bir barrelli $100 ko‘rsatkichdan oshib ketgan edi.

Ma’lumot uchun, 9-mart kuni global bozorda neft narxi keskin oshib, Brent markali neft narxi bir barrel uchun $108,7 ga yetgan edi.

Biroq AQSh Mudofaa vaziri Pit Hegset Pentagon brifingida...

O‘zbekistonda uy-joy qurilishida eskrou tizimini joriy etish bo‘yicha qonun loyihasi tayyorlandi. Hozirda hujjat Vazirlar Mahkamasida ko‘rib chiqilmoqda va yaqin oylar ichida Oliy Majlis Qonunchilik palatasiga kiritilishi rejalashtirilgan.

Urbanizatsiya va uy-joy bozorini barqaror rivojlantirish milliy qo‘mitasi raisi Sherzod Kudbiyevning aytishicha, hukumat oldida ushbu qonunni 1-iyulgacha qabul qilish vazifasi turibdi. Agar loyiha parlamentga mart yoki aprel oylarida kiritilsa, bu katta natija bo‘ladi.

«Eskrouning asosiy ma’nosi nima? Agar tadbirkorlik subyekti biror narsani, uy-joyni quraman desa, quraversin, hech kimning e’tiroz yo‘q. Lekin agar bu qurilishga odamlardan pul olaman desa, buni qonun bilan tartibga solishimiz kerak. Hozir mana shu jarayon bo‘yicha...