Yangiliklar

Argentina futbol yulduzi Lionel Messi Hindistonga safari davomida «Salt Lake» stadionida yuzaga kelgan tartibsizliklar tufayli qisqa muddatli tashrif bilan cheklanishga majbur bo‘ldi. Bu haqda CNN agentligi ma’lum qildi.

Chiptalar narxi yuqori bo‘lganiga qaramay, Messi tashrifining qisqa davom etishi muxlislarni g‘azablantirdi. Norozilik bildirgan muxlislar stadiondagi o‘rindiqlarni sindirib, turli buyumlarni maydonga uloqtirdi va chegara to‘siqlarini kesib o‘tib, bevosita maydonga bostirib kirdi.

Tadbirning bosh tashkilotchisi Satadru Dutta politsiya tomonidan hibsga olindi, deb ma’lum qildi G‘arbiy Bengal politsiyasi bosh direktori Rajiv Kumar. Messi stadionga 45 daqiqalik tashrif uchun kelishi rejalashtirilgan bo‘lsa-da, tashrif atigi 20 daqiqa davom etdi. Tadbir chiptalari taxminan 3,5 ming...

Braziliyada 1990-yillar ramziga aylangan Chevrolet Omega CD sedani rekord narxda sotildi. Bu haqda Tarantas News nashri xabar berdi.

1994-yilda ishlab chiqarilgan, to‘liq restavratsiyadan o‘tgan avtomobil auksionda qariyb $81 mingga baholandi. General Motors kompaniyasining ma’lum qilishicha, ushbu avtomobil Chevrolet Vintage loyihasi doirasida sotilgan ilk model bo‘ldi. Omega CD 6-dekabr kuni Braziliyadagi CARDE muzeyida gibrid – jonli va onlayn formatdagi auksionda savdoga chiqarildi.

Mazkur nusxa Braziliya bozori uchun ishlab chiqarilgan eng nufuzli sedanlardan biri hisoblanadi. Uning qiymatini yanada oshirgan jihat – Irmscher zavod paketi bo‘lib, u dvigatel hajmini 3,0 litrdan 3,6 litrga oshirgan va avtomobil dinamikasini sezilarli darajada yaxshilagan. 1990-yillarda bunday...

1950-yillarda asos solingan ispan Santana avtomobil brendi yana bozorga qaytmoqda. Autohome ma’lumotiga ko‘ra, brend Xitoy va Yaponiya kompaniyalari ishtirokidagi qo‘shma loyiha doirasida ilk pikap modellarining texnik xususiyatlari va narxlarini tasdiqladi.

Ta’kidlanishicha, yangi Santana modellari Nissan Frontier Pro bilan bir xil platformada ishlab chiqariladi. Santana o‘z faoliyatini 1958-yilda Land Rover avtomobillarini litsenziya asosida ishlab chiqarishdan boshlagan. 1986-yildan Suzuki Jimny modellarini yig‘gan. Keyinchalik o‘zining yo‘ltanlamas avtomobillarini ham ishlab chiqargan va harbiy buyurtmalar olgan. Biroq savdoning pasayishi va moliyaviy muammolar sabab 2011-yilda ishlab chiqarish to‘xtatilgan edi.

Qayta tiklanish jarayonida dastlab ikki model taqdim etiladi. Ular Santana 400D dizel va Santana...

AQSh prezidenti Donald Tramp Federal zaxira tizimi (FZT) raisi lavozimiga asosiy nomzod sifatida sobiq boshqaruv kengashi a’zosi Kevin Uorshni ko‘rayotganini ma’lum qildi. Bu haqda u The Wall Street Journal nashriga bergan intervyusida aytib o‘tdi.

Trampning so‘zlariga ko‘ra, hozirda asosiy ikki nomzod mavjud – Kevin Uorsh va AQSh Milliy iqtisodiy kengashiga rahbarlik qilayotgan Kevin Xasset.

«Ha, menimcha, u hozir ro‘yxat boshida. Sizda Kevin Uorsh va Kevin Xasset bor. Ikkalasi ham juda yaxshi nomzodlar. Yana bir nechta kuchli variantlar ham bor», – dedi Tramp WSJ bilan suhbatda.

Nashr manbalariga ko‘ra, Tramp Uorsh bilan o‘tkazilgan suhbat davomida...

Saudiya Arabistoni valiahd shahzodasi Muhammad ibn Salmon «Barselona» futbol klubini sotib olish uchun 10 mlrd yevrolik taklif tayyorlamoqda. Bu haqda El Chiringuito nashri jurnalisti Fransua Galyardo ma’lum qildi.

Muhammad ibn Salmon Saudiya Arabistoni Davlat investitsiya fondi orqali klubni moliyalashtirishni va uning 2,5 mlrd yevroga yetgan qarzlarini to‘liq qoplashni rejalashtirmoqda. Biroq bitimning amalga oshishiga jiddiy to‘siq mavjud. «Barselona» xususiy shaxsga emas, balki «sosyos»larga (klub a’zolari bo‘lgan muxlislar) tegishli bo‘lib, klub taqdiriga oid muhim qarorlar ular tomonidan qabul qilinadi.

Ushbu taklif avvalgi yirik bitimlardan sezilarli darajada farq qiladi. Taqqoslash uchun, 2022-yilda Roman Abramovich «Chelsi» klubini sanksiyalar sababli 3,16 mlrd yevro evaziga...

«Elektron retsept» tizimini joriy etishning keyingi bosqichma-bosqich tartibini belgilash maqsadida Sog‘liqni saqlash vazirining tegishli buyrug‘i qabul qilindi.

Unga ko‘ra, «elektron retsept» tizimi bosqichma-bosqich joriy etiladi, antibiotiklar, antibakterial va gormonal dori vositalari uchun elektron retsept majburiy bo‘ladi. Tizim to‘liq ishga tushgunga qadar va favqulodda holatlarda qog‘oz retseptlardan foydalanish imkoniyati ham saqlanib qoladi.

Xususiy tibbiyot muassasalari va shifokorlarning «Elektron retsept» moduliga ulanishi bepul. Buning uchun +998 (71) 202-50-00 raqamiga murojaat qilish mumkin.

Shuningdek, retsept yozish faqat shifokor vakolatiga kiradi. Agar zarur dori muassasada mavjud bo‘lmasa, shifokor retsept yozib beradi, ma’lumotlarni elektron tizimga esa dorixona farmatsevti kiritadi.

Bemor dorixonaga murojaat qilganda dori...

Turkiya Superligasining 16-turi doirasida «Samsunspor» va «Istanbul Bashakshehir» bahs olib bordi. Uchrashuvda mehmonlar 0:2 hisobida ishonchli g‘alabaga erishdi.

O‘zbekiston milliy terma jamoasi sardori Eldor Shomurodov o‘zining yorqin o‘yini, gol va golli uzatmasi bilan jamoasining muvaffaqiyatiga katta hissa qo‘shdi. Uchrashuvning dastlabki bo‘limida hisob ochilmagan bo‘lsa-da, ikkinchi bo‘limda tashabbus to‘liq mehmonlar tomoniga o‘tdi.

O‘yinning 66-daqiqasida Eldor Shomurodov raqibning qo‘pol xatosidan keyin darvozani ishg‘ol qilib, hisobni ochdi. Oradan biroz vaqt o‘tib, 83-daqiqada Shomurodov jamoadoshi Bertug‘ Yildirimga qulay vaziyat yaratib berdi va assist muallifiga aylandi.

SofaScore tahliliy portali ma’lumotlariga ko‘ra, Eldor Shomurodov uchrashuvning eng yaxshi futbolchisi deb topildi va uning harakatlari...

Ilon Mask asos solgan SpaceX kompaniyasining bozordagi qiymati $800 mlrd atrofida baholanmoqda. Bu haqda kompaniya moliya direktori Bret Jonson investorlar uchun yoʻllagan maktubiga tayanib Reuters xabar berdi.

Ma’lum qilinishicha, SpaceX ikkilamchi aksiyalar savdosini ochgan boʻlib, unda yangi va mavjud investorlar hamda kompaniyaning oʻzi har bir aksiya uchun $421 narxda jami $2,56 mlrdgacha aksiyalarni sotib olishi mumkin. Mazkur baholash SpaceXʼni dunyodagi eng qimmat xususiy kompaniyalardan biriga aylantirmoqda.

Bret Jonsonning ta’kidlashicha, kompaniya 2026-yilda ehtimoliy birlamchi ommaviy aksiyalar joylashtiruvi (IPO)ga tayyorgarlik koʻrmoqda. Biroq IPO oʻtkazilishi, uning aniq sanasi va yakuniy bahosi hozircha noma’lumligicha qolmoqda.

Jalb qilinadigan mablagʻlar Starship raketasining uchirishlar sonini oshirish...

Xitoyda yangi Audi A6L e-tron avtomobili dilerlarga yetib kela boshladi. Bu haqda Autohome xabar bermoqda.

Model maxsus elektromobillar uchun yaratilgan PPE platformasiga asoslangan. Audi A6L e-tron 800 voltli elektr arxitekturasiga ega. Avtomobilning yurish zaxirasi CLTC sikliga ko‘ra, 785 kmni tashkil etadi. Tezkor quvvatlash tizimi batareyani 10 foizdan 80 foizgacha atigi 21 daqiqada to‘ldirish imkonini beradi.

Model Audi’ga xos dizaynda ishlab chiqilgan. Old qismida yoritiluvchi logotip mavjud. Avtomobil ikki dona lidar bilan jihozlangan. Opsiya sifatida matritsali faralar va elektron yon ko‘zgular taklif etiladi. Gabaritlari 5073×1942×1522 mm, g‘ildirak bazasi 3076 mm. Standart g‘ildiraklar 20 dyuymli.

Old panelda uchta ekran joylashtirilgan...

iQOO 15 Ultra smartfoni taqdimoti kechiktirilishi mumkin. Bu haqda Gizmochina xabar bermoqda. Qurilmaning chiqarilish muddati o‘zgargan va hozircha aniq sana ma’lum emas.

Eslatib o‘tamiz, iQOO 15’ning oddiy versiyasi 20-oktabr kuni rasman taqdim etilgan edi. Ushbu model Snapdragon 8 Elite Gen 5 protsessori bilan jihozlangan. Smartfonda Q3 o‘yin chipi, 3 karra optik zumga ega telefoto kamera va yangilangan kamera bloki mavjud. Akkumulyator sig‘imi 7 000 mA·soatni tashkil etadi.

Qurilmaning old panelida Samsung kompaniyasining 2K aniqlikdagi M14 OLED displeyi o‘rnatilgan. Ekran yuqori yorqinlik rejimida 2 600 nit, maksimal darajada esa 6 000 nitgacha yetadi. Sovitish tizimi sifatida iQOO tarixidagi...

Amerikaning Nvidia kompaniyasi Xitoy bozorida sun’iy intellekt uchun mo‘ljallangan H200 chiplariga talab keskin oshgani fonida ishlab chiqarish quvvatlarini kengaytirish imkoniyatini o‘rganmoqda. Bu haqda Reuters nashri xabar berdi.

Unga ko‘ra, Xitoydagi kompaniyalar buyurtmalari kompaniyaning hozirgi ishlab chiqarish hajmidan sezilarli darajada oshib ketgan. Shu sabab kompaniya chiplarni ishlab chiqarishni ko‘paytirish masalasini muhokama qilmoqda, biroq rasmiy izoh berilmagan.

H200 – Nvidia’ning ochiq savdoda mavjud bo‘lgan ikkinchi eng qudratli SI-chipi bo‘lib, u Xitoy kompaniyalari uchun hozircha foydalanish mumkin bo‘lgan eng kuchli yechim hisoblanadi. Uning unumdorligi Xitoy bozori uchun moslashtirilgan H20 chipidan qariyb olti baravar yuqori.

Avvalroq AQSh prezidenti Donald Tramp H200 chiplarini Xitoyga...

Rossiyada Solaris brendi ostida ishlab chiqarilayotgan Hyundai va Kia avtomobillari 2025-yilda bozorda juda tez sotilmoqda. Ushbu brend sobiq Hyundai zavodida ishlab chiqariladi va yangi yengil avtomobillar bozorida eng yuqori o‘sish sur’atlaridan birini namoyish etmoqda.

ASM xolding ma’lumotlariga ko‘ra, 2025-yil noyabr oyida Solaris avtomobillari savdosi o‘tgan yilning shu oyiga nisbatan qariyb 3 barobar oshib, 4 109 donani tashkil etdi. Yanvar – noyabr oylarida esa jami 31 433 ta avtomobil sotilgan. Bu ko‘rsatkich 2024-yilga nisbatan 135 foizga ko‘p.

Brendning asosiy savdo drayveri Solaris HC modeli bo‘lib qolmoqda. Ushbu avtomobil aslida Hyundai Creta modeli hisoblanadi. 2025-yilning dastlabki 11 oyida Solaris HC...

AQSh hududida BMW elektromobillari Tesla Supercharger tarmog‘iga ulandi. Bu haqda kompaniyaning o‘zi ma’lum qildi.

So‘nggi bir yil ichida ko‘plab avtomobil ishlab chiqaruvchilar ushbu tarmoqqa ulangan bo‘lsa-da, BMW bu jarayonga eng oxirgi qo‘shilgan yirik brendlardan biri bo‘ldi.

BMW bu kelishuv haqida 2023-yilda ma’lum qilgan edi. Biroq texnik masalalar sabab elektromobillarni Tesla Supercharger’ga ulash faqat hozir amalga oshirildi. Dastlabki bosqichda quvvatlash uchun Lectron adapteridan foydalanish talab etiladi. Ushbu adapterga havolani kompaniyaning o‘zi maxsus tushuntiruvchi video orqali taqdim etgan.

Boshlang‘ich davrda Tesla Supercharger tarmog‘i BMW’ning barcha elektromobillarida ishlamaydi. Kompaniya ma’lumotiga ko‘ra, BMW iX 2026-yilgi modeli hamda BMW i5 xDrive40 va eDrive...

Andijon va Samarqand viloyatlarida kuchli ta’sir qiluvchi dorilar savdosi bilan shug‘ullangan bir nechta shaxslar qo‘lga olindi. Bu haqda Bosh prokuratura departamenti ma’lum qildi.

Unga ko‘ra, Andijonda uch fuqaro (ulardan biri ilgari sudlangan) kuchli ta’sir qiluvchi moddalarni sotayotgan vaqtida ushlandi. Ularning yonidan 11 dona «Tropikamid», 45 dona «Regapen» va 1,85 gramm «Gashish» moddalari topildi hamda ashyoviy dalil sifatida olindi.

Shuningdek, Samarqandda yana bir fuqaro boshqasiga 32 dona «Torgobalin 150 mg» nomli kuchli ta’sir qiluvchi dorini sotayotgan vaqtida ushlandi. Undan 40 dona «Gee Baralgin» dori vositasi ham ashyoviy dalil sifatida olingan.

Mazkur holatlar bo‘yicha Jinoyat kodeksining 251¹ va 276-moddalari bilan...

Joriy yilning 7 – 14-dekabr kunlari Birlashgan Arab Amirliklarining Dubay shahrida bo‘lib o‘tgan V para Osiyo o‘yinlarida O‘zbekiston delegatsiyasi umumjamoa hisobida birinchi o‘rinni egalladi. Bu haqda Sport vazirligi ma’lum qildi.

Kompleks musobaqada Osiyo qit’asining 35 ta mamlakatidan qariyb 1,5 ming nafar atlet 11 ta sport turi bo‘yicha g‘oliblik uchun bellashdi. O‘zbekiston sportchilari para yengil atletika, para taekvondo, bochcha, para suzish, para armrestling va para pauerlifting yo‘nalishlarida ishtirok etdi.

Musobaqalar yakuniga ko‘ra, O‘zbekiston delegatsiyasi jami 197 ta medalni qo‘lga kiritdi. Shundan 99 tasi oltin, 57 tasi kumush va 41 tasi bronza medallaridan iborat bo‘lib, ushbu natija mamlakat terma jamoasiga...

Toshkent shahri va Toshkent viloyatida giyohvandlik vositalari hamda kuchli ta’sir qiluvchi moddalar savdosi va narkolaboratoriya tashkil etish bilan bog‘liq holatlar aniqlandi. Bu haqda DXX matbuot xizmati ma’lum qildi.

Unga ko‘ra, Yashnobod tumanida yashovchi, 1999-yilda tug‘ilgan, ilgari Jinoyat kodeksining 276-moddasi bilan sudlangan shaxs hamda Toshkent viloyatining Qibray tumanida istiqomat qiluvchi, 2006-yilda tug‘ilgan fuqaro qo‘lga olindi. Ulardan 507 dona «Pregabalin» va 52 dona «Tropikamid» kuchli ta’sir qiluvchi dori vositalari ashyoviy dalil sifatida olindi.

Shuningdek, ular ijaraga olgan xonadonda o‘tkazilgan ko‘zdan kechirish jarayonida narkolaboratoriya tashkil etilgani aniqlanib, 4 kg 326 g «Pregabalin», 200 gramm «Tropikamid», 71 kg kimyoviy modda hamda qadoqlash...

Bugungi sana inson huquqlarining huquqiy kafolati va koinotni o‘rganishdagi yutuqlar bilan tarixga kirdi. Shuningdek, ushbu kunda jahon arxitekturasi durdonalarini yaratgan muhandis va sport yulduzlari dunyoga kelgan. Kursiv Uzbekistan kunning eng muhim voqealarini taqdim etadi.

1791-yili AQShda Konstitutsiyaning dastlabki 10 ta tuzatmasi Virjiniya shtati tomonidan ratifikatsiya qilingach, rasman kuchga kirdi. Jeyms Medison tomonidan ishlab chiqilgan ushbu hujjat Amerika fuqarolarining so‘z, din, matbuot va yig‘ilishlar erkinligini kafolatladi hamda federal hukumat vakolatlarini cheklashda muhim huquqiy asos bo‘lib xizmat qildi.

1832-yilda metall konstruksiyalar mutaxassis, fransuz muhandisi Gustav Eiffel tavallud topdi. U nafaqat Parij ramzi bo‘lgan 300 metrlik minorani bunyod etgan, balki Nyu-Yorkdagi...

615 nafar mahbus afv etildi, Humans ilovasidagi to‘lov xizmatlari vaqtincha to‘xtatildi, Maryam Tillayevaning to‘yi — hafta davomida bir qator muhim hodisalar yuz berdi.

Pokistonda «Yangi O‘zbekiston» massivi va bog‘i barpo etilishi mumkin

O‘zbekiston elchisi Alisher To‘xtayev Pokistonning «Habib Rafiq Pvt. Ltd» kompaniyasi bosh menejeri Aslam Malik bilan uchrashuv o‘tkazdi. Uchrashuvda ikki tomon hamkorlik imkoniyatlari, qo‘shma loyihalar va investitsiya sharoitlari yuzasidan fikr almashdi, deya xabar bermoqda «Dunyo» AA.

Foto: Sora

NASA kosmosda manipulyator robotini sinovdan o‘tkazmoqchi

NASA Motiv Space Systems kompaniyasi tomonidan ishlab chiqilgan manipulyator robotini kosmosda sinashni rejalashtirmoqda. Bu haqda Robots & Automation News nashri ma’lum qildi.

Foto: «O‘ztemiryo‘lyo‘lovchi» AJ

Hazorasp temir yo‘l vokzali yangi qiyofada...

Milliy statistika qo‘mitasining 2025-yil yanvar – sentabr oylarida o‘tkazilgan uy xo‘jaliklari tanlanma kuzatuvlari natijalariga ko‘ra, O‘zbekiston shaharlarida yashayotgan uy xo‘jaliklarining 22,1 foizi ko‘p kvartirali uylarda istiqomat qiladi.

Ma’lumotlarga ko‘ra, shahar hududlarida uy-joylarning asosiy qismi hanuz alohida uylardan iborat. Xususan, shahar uy xo‘jaliklarining 77,6 foizi xususiy hovli uylarda yashaydi. Ko‘p kvartirali uylar ulushi esa har beshta uy xo‘jaligidan deyarli bittasiga to‘g‘ri keladi.

Shu bilan birga, shaharlarda boshqa turdagi uy-joylarda yashayotgan uy xo‘jaliklari ulushi juda past bo‘lib, atigi 0,3 foizni tashkil etgan.

Statistik ma’lumotlar shahar aholisi orasida xususiy uy-joylarga talab yuqori ekanini ko‘rsatadi. Biroq ko‘p kvartirali uylarda yashovchilar ulushining barqaror saqlanib...

Xiaomi kompaniyasi yangi foto-flagman Xiaomi 17 Ultra smartfonini kelasi dushanba kuni, 15-dekabr sanasida rasman taqdim etadi. Qurilma savdosi Xitoyda 25-dekabr kuni boshlanishi kutilmoqda.

Xiaomi 17 Ultra Snapdragon 8 Ultra Gen 5 protsessori bilan jihozlanadi. U mazkur platformada 1 dyuymli kamera sensori o‘rnatilgan yagona flagman bo‘lishi aytilmoqda. Smartfon tekis displeyga ega bo‘ladi. Ekranda energiya sarfini kamaytiruvchi va 2K dan yuqori aniqlikni ta’minlovchi yangi texnologiya qo‘llanadi. Qurilmada ekran ostiga joylashtirilgan ultratovushli barmoq izi skaneri ham bo‘ladi.

Yangi flagman taxminan 7000 mA/soat sig‘imli batareya bilan ta’minlanadi. Sim orqali quvvatlash quvvati 100 Vtni, simsiz quvvatlash esa 80 Vtni tashkil etadi. Smartfon IP68 darajasida...

Og‘ir jinoyatlarda ayblanib, xalqaro qidiruvda bo‘lgan «Gryaz» laqabli jinoiy uyushma yetakchisi O‘zbekistonga ekstraditsiya qilindi. Bu haqda Ichki ishlar vazirligi xabar berdi.

Uning qo‘lga olinishi va vataniga qaytarilishi 5-dekabr kuni Ichki ishlar vazirligi, Davlat xavfsizlik xizmati hamda O‘zbekistonning Istanbuldagi Bosh konsulxonasi hamkorligida amalga oshirilgan.

Ma’lumotlarga ko‘ra, mazkur shaxs 2023-yilda Toshkent shahrining Yashnobod tumani ichki ishlar bo‘limi tomonidan qidiruvga berilgan.

Unga nisbatan bir nechta jinoyat moddalari bo‘yicha ish qo‘zg‘atilgan. Ular orasida o‘ldirish bilan tahdid qilish, bosqinchilik, tovlamachilik, mulkka qasddan zarar yetkazish hamda jinoiy uyushma tashkil etish ayblovlari bor.

Hozirda tergov harakatlari olib borilmoqda.

Eslatib o‘tamiz, Kursiv Uzbekistan nashri Ozarbayjon Bosh prokuraturasi...

Samsung kompaniyasi Samsung Galaxy A seriyasidagi smartfonlar narxini oshirishga tayyorlanmoqda. Bu haqda Sammobile xabar bermoqda. Narxlar avvaliga Hindistonda ko‘tariladi. Keyinchalik boshqa bozorlarda ham narxlar qayta ko‘rib chiqilishi mumkin.

Hindistonda Galaxy A seriyasining aksariyat modellari narxi 1 ming hind rupiyasiga oshiriladi. Bu taxminan $11 ga teng. O‘zgarish deyarli butun Galaxy A qatoriga ta’sir qiladi.

Alohida ta’kidlanishicha, Galaxy A56 modeli eng ko‘p qimmatlashadi. Ushbu smartfon narxi 2 ming rupiyaga oshishi mumkin. Bu taxminan $22 degani. Narx oshishi katta ko‘rinmasligi mumkin, ammo Galaxy A seriyasida arzon va qimmat modellarning farqi katta. Masalan, Galaxy A06 kabi eng arzon qurilmalar uchun bu o‘zgarish sezilarli...

Chevrolet Damas O‘zbekiston avtomobil bozorida alohida o‘rin egallagan avtomobillardan biri hisoblanadi. Kichik o‘lchamlariga qaramay ushbu model keng imkoniyatlarga ega. Yillar davomida Damas minglab haydovchilar uchun ishonchli transport vositasiga aylangan. Ayniqsa, kichik biznes egalari, savdo va xizmat ko‘rsatish sohasida faoliyat yuritayotganlar uchun u daromad keltiruvchi muhim yordamchi vazifasini bajaradi. «Kursiv» nashrining ushbu maqolasida Chevrolet Damas avtomobilini sotib olish uchun 5 ta asosiy sabab keltiriladi.

Maqoladan quyidagilarni bilib olasiz:

Germaniyaning Manxaym shahrida yengil motorli samolyot favqulod tarzda gavjum ko‘chaga qo‘ndi. Bu haqda Tagesschau portali xabar berdi. Hodisa shahar markazidagi asosiy yong‘in deposi yaqinida sodir bo‘lgan.

Politsiya ma’lumotiga ko‘ra, samolyot to‘g‘ridan to‘g‘ri avtomobillar qatnovi kuchli bo‘lgan yo‘lga qo‘ngan. Samolyot eshigi ochilmagani sababli qutqaruvchilar bortdagi uch nafar yo‘lovchini majburan chiqarishga majbur bo‘lgan.

Samolyotda 23 yoshli uchuvchi, uning tengdoshi bo‘lgan hamrohi va 37 yoshli erkak bo‘lgan. Uchuvchi og‘ir tan jarohati olgan. Qolgan ikki yo‘lovchi yengil jarohatlar bilan qutulgan. Ularning barchasi shifoxonaga yetkazilgan.

Dastlabki baholashlarga ko‘ra, samolyotga yetkazilgan zarar taxminan 400 ming yevroni tashkil etadi. Hodisa tufayli yo‘l harakati vaqtincha to‘xtatilgan. Ushbu...