Yangiliklar

Ijtimoiy tarmoqlarda Ford Explorer 2026 modelining noodatiy dizayndagi renderlari paydo bo‘ldi. Bu haqda Tarantas News nashri xabar berdi.

Mustang sportkari uslubidan ilhomlangan ushbu kontseptsiya katta qiziqish uyg‘otgan bo‘lsa-da, kompaniya uni seriyali ishlab chiqarishni rejalashtirmayapti.

2019-yildan beri ishlab chiqarilayotgan oltinchi avlod Ford Explorer hanuz dolzarbligini saqlab kelmoqda. Model allaqachon restylingdan o‘tgan, Xitoy bozori uchun esa yaqinda tor chiroqlar va yoritilgan old panel bilan yangilangan tashqi ko‘rinish taqdim etilgan. Shunga qaramay, dizayner Kelsonik tomonidan yaratilgan yangi render bundan ancha keskin va provokatsion ko‘rinishga ega.

Tasvirlarda Explorer old panjarasi, qo‘shimcha chiroqlari, yirik kapoti va sport uslubidagi spoyleri bilan Mustang’ga xos qiyofa kasb...

AQSh bozori uchun Chevrolet Malibu keyingi yildan ishlab chiqarilmaydi. Bu haqda SlashGear ma’lum qildi. 2026-yilga kelib ommabop sedanlar qatori yana qisqaradi.

Ushbu sedan oxirgi yillarda faqat bitta komplektatsiyada taklif etilgan edi. Avtomobil 1,5 litrli turbo dvigatel, variator uzatma va old g‘ildirakdan tortish tizimi bilan jihozlangan. General Motors ma’lumotiga ko‘ra, Malibu 1964-yildan buyon 10 mln donadan ortiq sotilgan. Bu model Chevrolet’ning so‘nggi ishlab chiqarilgan sedani edi. Endi kompaniya sedan segmentini to‘liq tark etmoqda.

Subaru Legacy ham ishlab chiqarishdan chiqarildi. So‘nggi avtomobil 2025-yil 12-sentabr kuni AQShdagi zavoddan chiqdi. Yakuniy nusxa Magnetite Gray rangidagi Limited versiya bo‘lgan. Subaru Legacy AQSh bozori...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 5-dekabrdan 12-dekabrgacha bo‘lgan davrda ijobiy dinamikani ko‘rsatib, UCI fond indeksi 2,31 foizga oshdi.

Ushbu davr mobaynida «Garant bank» aksiyalari eng katta o‘sishga erishib, 20,08 foizga qimmatlashdi. Shuningdek, «Trastbank» (+12,57%) va «O‘zRTXB» (+5,42%) aksiyalarida ham o‘sish qayd etildi.

O‘z navbatida, «O‘zbektelekom» aksiyalari 12,97 foizga arzonlashib, haftaning eng katta pasayishini qayd etdi. Bundan tashqari,«Biznesni rivojlantirish banki» (-10,23%) va «Hamkorbank» (-4,21%) aksiyalari ham pasayish bilan ajralib turdi. Faqatgina «Aloqabank» va «Dori-Darmon» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «O‘zRTXB» (557 ta bitim), «Hamkorbank» (436 ta) va «O‘zmetkombinat» (362 ta) peshqadam...

Zeekr 8X avtomobilining saloniga oid suratlar internetda paydo bo‘ldi. Suratlar Autohome manbasi orqali tarqalgan.

Zeekr 8X brendning SEA-S gibrid platformasida yaratiladi. Model sport ruhidagi o‘rta va yirik o‘lchamli SUV sifatida joylashtirilgan. Interyer dizayni Zeekr 9X’dan farq qiladi.

Salon markaziy qismi kamuflyaj bilan yopilgan. Konditsioner havo chiqarish teshiklari ustida alohida markaziy ekran joylashgan. Asboblar paneli torpedo ichiga integratsiya qilingan. Tuzilishi Zeekr 9X’ga o‘xshash.

Rul uch spokli dizaynga ega. Unda haydash rejimlarini tanlash uchun aylantirma tugma bor. Bu yechim Zeekr 7X modelidan tanish. Markaziy konsolning ikki tomonida tutqichlar mavjud.

Zeekr hozircha texnik xususiyatlarni rasman ochiqlamagan. Avvalgi xabarlarga ko‘ra, model...

Raqobat qo‘mitasi Ajr Qora-Sedana biologik faol qo‘shimchasi (BFQ) reklamasida qonunbuzarliklar aniqlagani uchun mahsulotni ishlab chiqaruvchi Sanno TM Ocean MChJga moliyaviy jarima qo‘lladi. Bu haqda qo‘mita rasmiy sahifasida ma’lum qilindi.

Unga ko‘ra, ijtimoiy tarmoqlarda tarqatilgan reklama roliklari va postlarda mahsulot turli kasalliklarni davolashda samarali vosita sifatida asossiz targ‘ib qilingan. Xususan, BFQ oshqozon kasalliklari, qandli diabet, insult va infarkt xavfini kamaytirish, shuningdek, nafas yo‘llari kasalliklari, yo‘tal va shamollashga qarshi foydali ekani ta’kidlangan.

Bundan tashqari, bir qator mashhur shaxslar ishtirokidagi reklamalarda mahsulotning go‘yoki davolovchi xususiyatlarga ega ekani haqida jamoatchilikda noto‘g‘ri tasavvur shakllantirilgani qayd etilgan.

Sanepidqo‘mita Raqobat qo‘mitasi so‘rovi asosida o‘tkazilgan o‘rganishlar natijasida...

So‘nggi paytda flagman darajasidagi qurilmalar ancha qulay takliflar bilan chiqmoqda. Ular kuchli protsessor, sifatli ekran, ilg‘or kamera va uzoq ishlovchi batareya bilan ajralib turadi. Quyida bozorda eng ommabop smartfonlar va ularning texnik imkoniyatlari haqida qisqacha ma’lumot beriladi.

Xiaomi Poco F7 Ultra

Ushbu model «xalq flagmani» sifatida tanilgan. Smartfon katta va yorqin AMOLED ekran bilan jihozlangan. Yuqori chastotali tasvir, kuchli Snapdragon flagman protsessori va tezkor ishlash uni o‘yin va kundalik foydalanish uchun qulay qiladi. Kamera tizimi bir nechta yuqori aniqlikdagi sensorlardan iborat. Batareyasi katta, juda tez quvvatlanadi. Qurilmada suv va changdan himoya, stereo dinamiklar va simsiz quvvatlash mavjud.

Air Samarkand aviakompaniyasining Jidda – Toshkent yo‘nalishidagi 9S-3306 reysi bortdagi favqulodda tibbiy holat sababli Bahrayn aeroportiga majburiy qo‘nishni amalga oshirdi. Bu haqda aviakompaniya matbuot xizmati xabar bermoqda.

Ma’lumotlarga ko‘ra, parvoz vaqtida keksa yoshli ayol yo‘lovchining yuragi to‘xtab qolgan. Havo kemasi komandiri Roman Degtev va ikkinchi uchuvchi Yegor Smirnov vaziyatga tezkor baho berib, tibbiy yordam ko‘rsatish uchun eng yaqin aeroportga qo‘nishga qaror qilgan.

Svetlana Bolkonskaya boshchiligidagi bortkuzatuvchilar guruhi qo‘nishga qadar yo‘lovchiga zarur barcha yordamni ko‘rsatib kelgan. Yerda mahalliy shifokorlar tomonidan o‘tkazilgan reanimatsion choralar natijasida yo‘lovchining ahvoli barqarorlashtirilgan.

Bemor keyingi muolajalar uchun Bahrayndagi mahalliy klinikaga olib ketilgan. Samolyot yonilg‘i to‘ldirilgach, parvozni...

O‘zbekiston Markaziy banki raisi AFI direktorlar kengashi rais o‘rinbosari etib saylandi. Regulyator Sharqiy Yevropa va Markaziy Osiyo mintaqasi nomidan kengashda vakillik qiladi.

Markaziy bank raisi Timur Ishmetov bu qarorni O‘zbekistonda olib borilayotgan islohotlarga berilgan muhim e’tirof deb baholadi. Uning aytishicha, mamlakatda moliyaviy inklyuziyani kengaytirish, kichik va o‘rta biznesni qo‘llab-quvvatlash hamda inklyuziv moliyaviy ekotizimni mustahkamlashga qaratilgan ishlar yuqori baholangan.

O‘zbekiston Markaziy banki AFI’ning muhim a’zolaridan biri hisoblanadi. Avvalroq regulyator tashkilotning budjet va moliya qo‘mitasida, shuningdek, genderga yo‘naltirilgan moliyalashtirish qo‘mitasida rahbarlik lavozimlarida faoliyat yuritgan.

Hozirda O‘zbekiston Markaziy banki AFI’ning Sharqiy Yevropa va Markaziy Osiyo bo‘yicha siyosiy yo‘nalishlariga rahbarlik qilmoqda.

AFI rivojlanayotgan...

14-dekabr kuni soat 18:10 larda Andijon shahrining Furqat ko‘chasida Tracker avtomobili va velosiped ishtirokida YTH sodir bo‘ldi. Bu haqda Andijon viloyati YHXB axborot xizmati xabar bermoqda.

1990-yilda tug‘ilgan haydovchi boshqaruvidagi transport vositasi tartibga solinmagan piyodalar o‘tish joyidan o‘tayotgan 2016-yilda tug‘ilgan velosipedchini urib yubordi. Baxtsiz hodisa oqibatida bola tan jarohati olmagan.

Jabrlanuvchi Respublika shoshilinch tibbiy yordam ilmiy markazi Andijon filialida tibbiy ko‘rikdan o‘tkazilgach, yashash xonadoniga ruxsat berilgan. Hozirda holat yuzasidan surishtiruv ishlari olib borilmoqda.

Avvalroq Kursiv Uzbekistan Bo‘stonliqda YTH oqibatida mototsikl haydovchisi halok bo‘lgani haqida xabar bergan edi.

Qoraqalpog‘istonning Xo‘jayli tumanida ikkita maktab o‘quvchisi is gazidan vafot etdi. Bu haqda tuman hokimligi matbuot xizmati xabar berdi.

Aniqlanishicha, joriy yilning 13-dekabr kuni «Samanko‘l» OFY Qamissholi aholi punkti Faxriylar ko‘chasidagi uyni ijaraga olib ikkita nabirasi bilan birga yashayotgan fuqaro uyini isitish maqsadida qo‘lbola isitish pechini o‘zboshimchalik bilan boshqa xonaga ko‘chirgan. So‘ng uni mo‘risiz holda gaz tarmog‘iga noqonuniy ravishda ulagan.

Oqibatda oila a’zolari gazning yonayotgan tutunidan, ya’ni is gazidan kuchli zaharlanib, fuqaro va uning nabiralari 2011-yil (8-sinf) va 2015-yilda (4-sinf) tug‘ilgan fuqarolar o‘zlariga kelmasdan voqea joyida vafot etgan.

Tuman hokimligi marhumning oilasiga ijtimoiy yordamlar ko‘rsatilayotganini bildirdi. Hozirda holat...

Realme kompaniyasi Xitoy bozorida Realme Neo 8 nomi bilan yangi smartfon ishlab chiqarmoqda. Bu haqda Gizmochina xabar berdi.

Ma’lumotlarga ko‘ra, qurilma Samsung ishlab chiqargan katta va tekis AMOLED displeyga ega bo‘ladi. Ekran aniqligi 1,5K darajasida bo‘lishi kutilmoqda. Smartfon Qualcomm’ning kuchli Snapdragon 8 Gen 5 protsessori bilan jihozlanadi. Bu esa modelni deyarli flagman darajasiga olib chiqadi.

Taqqoslash uchun, avvalgi Neo 7 seriyasida Dimensity chiplarining turli variantlari hamda Snapdragon 6 Gen 4 ishlatilgan edi. Neo 8 esa ancha yuqori segmentga yo‘naltirilmoqda.

Yangi model ultratovushli barmoq izi skaneri bilan ta’minlanadi. Skaner to‘g‘ridan to‘g‘ri ekranostiga joylashtiriladi. Korpus metall romga ega bo‘ladi...

AQShning Rod-Aylend shtatidagi Braun universiteti kampusida sodir etilgan otishma oqibatida halok bo‘lgan ikki talabadan biri o‘zbekistonlik MuhammadAziz Umurzoqov ekani ma’lum bo‘ldi. Bu haqda Tashqi ishlar vazirligi xabar berdi.

Unga ko‘ra, MuhammadAziz Braun universitetida bakalavrning birinchi kursida neyroxirurgiya yo‘nalishini o‘rganayotgan bo‘lgan. O‘zbekiston Respublikasining AQShdagi vakolatxonalari marhumning oila a’zolari bilan doimiy aloqada bo‘lib, AQShning tegishli idoralari bilan hamkorlikda barcha masalalarni hal qilish bo‘yicha ish olib borayotganini bildirdi.

Eslatib o‘tamiz, avvalroq universitetda otishma sabab talabalar karantinga olingani va to‘qqiz kishi shifoxonaga yotqizilgani haqida xabar bergan edik.

O‘zbekistonda 2026-yil 1-martdan boshlab tadbirkorlik subyektlariga kompleks xizmat ko‘rsatish bo‘yicha Biznes hamroh loyihasi ishga tushiriladi. Bu haqda Adliya vazirligi xabar berdi.

Mazkur tizim orqali tadbirkorlarga davlat, konsalting, moliya, muhandislik, marketing va IT kabi yo‘nalishlarda xizmatlar ko‘rsatiladi. Asosiy maqsad tadbirkorlarning muammolarini joyida hal qilish va ularning faoliyatiga to‘laqonli hamrohlik uchun sifat jihatdan yangi maydoncha yaratishdir.

Biznes hamroh markazlari Savdo-sanoat palatasi huzurida tashkil etiladigan mas’uliyati cheklangan jamiyat tomonidan boshqariladi. Dastlabki bosqichda bunday markazlar Toshkent va Nukus shaharlari hamda viloyat markazlarida bittadan tashkil etilishi rejalashtirilgan.

Avvalroq Kursiv Uzbekistan ko‘chmas mulk va avtomobil savdosi faqat naqdsiz shaklda amalga oshirilishi haqida xabar bergan...

Oppo kompaniyasi Oppo Find X9 Ultra smartfoni tayyorlanayotganini deyarli rasman tasdiqladi. Bu haqda Gizmochina nashri xabar bermoqda.

Liniya rahbari Chjou Ibao ijtimoiy tarmoqdagi savolga qisqa va aniq javob berdi. U qurilmani «mislsiz kuchli» deb ta’riflagan.

Manbalarga ko‘ra, Oppo Find X9 Ultra kamera tizimi keskin kuchaytiriladi. Asosiy kamera 200 Mp bo‘lib, sensori taxminan 1/1,12 dyuymni tashkil etadi. Shuningdek, 50 Mp ultra keng burchakli kamera, 200 va 50 Mp sensorlarga ega ikkita periskop kamera hamda multispektral sensor bo‘lishi kutilmoqda.

Oldinroq tarqalgan ma’lumotlarga ko‘ra, smartfon 6,8 dyuymli tekis OLED ekran bilan jihozlanadi. Displey 2K aniqlikka ega bo‘ladi. Qurilmaning yuragi sifatida Qualcomm...

Consumer Reports platformasi tadqiqotlar va elektromobil egalari o‘rtasida o‘tkazilgan so‘rovnomalar asosida 2025-yilning eng ishonchli elektr krossover va yo‘ltanlamaslar reytingini e’lon qildi. Bu haqda Tarantas News nashri xabar berdi.

Baholashda texnik nosozliklar soni, foydalanish tajribasi, xavfsizlik va boshqa mezonlar inobatga olingan.

Eng ishonchli 10 ta elektr krossover

Nissan Ariya (2023)

Yapon elektromobili 330 – 490 km gacha yetuvchi yurish masofasi va yuqori dinamikasi bilan ajralib turadi. Foydalanuvchilar bu modelni ishonchliligi va muvozanatli texnik ko‘rsatkichlari uchun yuqori baholagan.

Lexus RZ (2025)

Premium segment vakili ilg‘or Steer-by-Wire boshqaruv tizimi bilan e’tibor qozongan. Biroq yurish masofasining cheklangani va zaryadlash tezligining...

2025-yilning 11 oyida Yandex Go hamkor parklar va ularga tegishli haydovchilarning daromadi 6,6 trln so‘mdan oshdi. Bu haqda kompaniya matbuot xizmati «Kursiv» nashriga ma’lum qildi.

Ta’kidlanishicha, ushbu ko‘rsatkich qariyb $525 mlnni tashkil etadi. Summa Yandex Go orqali bajarilgan buyurtmalardan olingan daromadni qamrab oladi. Hisob-kitoblar xizmat komissiyasi chegirilgan holda keltirilgan.

2025-yil yanvar – noyabr oylarida O‘zbekiston bo‘yicha haydovchilarning bir soatlik o‘rtacha daromadi 21 foizga oshdi. O‘sish 2024-yilning shu davri bilan solishtirildi.

Xizmat ma’lumotiga ko‘ra, 2025-yil noyabr oyida haydovchining o‘rtacha oylik daromadi 10,2 mln so‘mni tashkil etdi. Bu haydovchi kuniga 8 soat, oyiga 22 kun liniyada bo‘lgan holat uchun hisoblangan.

Eslatib...

Xitoyda litiy batareyalar uchun xomashyo yetkazib beruvchilar narxlarni oshirishini e’lon qildi. Sabab sifatida xomashyo tannarxining keskin ko‘tarilishi va global energiya o‘tishi fonida talabning oshgani ko‘rsatildi. Shu sabab Xitoy elektromobillarining narxi oshishi mumkin.

CATL va BYD bilan ishlovchi yirik yetkazib beruvchi Hunan Yuneng New Energy 2026-yil 1-yanvardan litiy temir fosfat mahsulotlari uchun qayta ishlash haqini 1 tonna uchun 3 ming yuan, ya’ni taxminan $425 ga oshiradi. Kompaniya bozor yoki xomashyo narxida keskin o‘zgarish bo‘lsa, narxlar qayta ko‘rib chiqilishini bildirdi.

Dejia Energy esa 16-dekabrdan boshlab batareya mahsulotlari narxini amaldagi katalog bo‘yicha 15% ga oshirishini ma’lum qildi. Bunga xomashyo xarajatlarining keskin qimmatlashgani...

Akademik litsey va kasbiy ta’lim muassasalari pedagoglari uchun attestatsiya 16-dekabr kuni test sinovlari ko‘rinishida bo‘lib o‘tadi. Bu haqda Oliy ta’lim, fan va innovatsiyalar vazirligi xabar berdi.

Unga ko‘ra, testlar testadmin.uzedu.uz platformasi orqali markazlashgan holda 14 ta hududda joylashgan maxsus binolarda real vaqt rejimida o‘tkaziladi.

Test sinovlari uch smenada tashkil etiladi. Birinchi smena soat 09:00 da, ikkinchi smena soat 11:30 da, uchinchi smena esa soat 14:00 da boshlanadi. Pedagoglardan belgilangan vaqtdan kamida 30 daqiqa oldin test o‘tkaziladigan manzilga yetib kelish so‘raladi.

Shuningdek, sinovda ishtirok etish uchun pedagoglar pasport yoki ID-karta hamda pedagog.edu.uz platformasi orqali yuklab olingan pedagog ruxsatnomasini o‘zlari bilan...

Argentina futbol yulduzi Lionel Messi Hindistonga safari davomida «Salt Lake» stadionida yuzaga kelgan tartibsizliklar tufayli qisqa muddatli tashrif bilan cheklanishga majbur bo‘ldi. Bu haqda CNN agentligi ma’lum qildi.

Chiptalar narxi yuqori bo‘lganiga qaramay, Messi tashrifining qisqa davom etishi muxlislarni g‘azablantirdi. Norozilik bildirgan muxlislar stadiondagi o‘rindiqlarni sindirib, turli buyumlarni maydonga uloqtirdi va chegara to‘siqlarini kesib o‘tib, bevosita maydonga bostirib kirdi.

Tadbirning bosh tashkilotchisi Satadru Dutta politsiya tomonidan hibsga olindi, deb ma’lum qildi G‘arbiy Bengal politsiyasi bosh direktori Rajiv Kumar. Messi stadionga 45 daqiqalik tashrif uchun kelishi rejalashtirilgan bo‘lsa-da, tashrif atigi 20 daqiqa davom etdi. Tadbir chiptalari taxminan 3,5 ming...

Braziliyada 1990-yillar ramziga aylangan Chevrolet Omega CD sedani rekord narxda sotildi. Bu haqda Tarantas News nashri xabar berdi.

1994-yilda ishlab chiqarilgan, to‘liq restavratsiyadan o‘tgan avtomobil auksionda qariyb $81 mingga baholandi. General Motors kompaniyasining ma’lum qilishicha, ushbu avtomobil Chevrolet Vintage loyihasi doirasida sotilgan ilk model bo‘ldi. Omega CD 6-dekabr kuni Braziliyadagi CARDE muzeyida gibrid – jonli va onlayn formatdagi auksionda savdoga chiqarildi.

Mazkur nusxa Braziliya bozori uchun ishlab chiqarilgan eng nufuzli sedanlardan biri hisoblanadi. Uning qiymatini yanada oshirgan jihat – Irmscher zavod paketi bo‘lib, u dvigatel hajmini 3,0 litrdan 3,6 litrga oshirgan va avtomobil dinamikasini sezilarli darajada yaxshilagan. 1990-yillarda bunday...

1950-yillarda asos solingan ispan Santana avtomobil brendi yana bozorga qaytmoqda. Autohome ma’lumotiga ko‘ra, brend Xitoy va Yaponiya kompaniyalari ishtirokidagi qo‘shma loyiha doirasida ilk pikap modellarining texnik xususiyatlari va narxlarini tasdiqladi.

Ta’kidlanishicha, yangi Santana modellari Nissan Frontier Pro bilan bir xil platformada ishlab chiqariladi. Santana o‘z faoliyatini 1958-yilda Land Rover avtomobillarini litsenziya asosida ishlab chiqarishdan boshlagan. 1986-yildan Suzuki Jimny modellarini yig‘gan. Keyinchalik o‘zining yo‘ltanlamas avtomobillarini ham ishlab chiqargan va harbiy buyurtmalar olgan. Biroq savdoning pasayishi va moliyaviy muammolar sabab 2011-yilda ishlab chiqarish to‘xtatilgan edi.

Qayta tiklanish jarayonida dastlab ikki model taqdim etiladi. Ular Santana 400D dizel va Santana...

AQSh prezidenti Donald Tramp Federal zaxira tizimi (FZT) raisi lavozimiga asosiy nomzod sifatida sobiq boshqaruv kengashi a’zosi Kevin Uorshni ko‘rayotganini ma’lum qildi. Bu haqda u The Wall Street Journal nashriga bergan intervyusida aytib o‘tdi.

Trampning so‘zlariga ko‘ra, hozirda asosiy ikki nomzod mavjud – Kevin Uorsh va AQSh Milliy iqtisodiy kengashiga rahbarlik qilayotgan Kevin Xasset.

«Ha, menimcha, u hozir ro‘yxat boshida. Sizda Kevin Uorsh va Kevin Xasset bor. Ikkalasi ham juda yaxshi nomzodlar. Yana bir nechta kuchli variantlar ham bor», – dedi Tramp WSJ bilan suhbatda.

Nashr manbalariga ko‘ra, Tramp Uorsh bilan o‘tkazilgan suhbat davomida...

Saudiya Arabistoni valiahd shahzodasi Muhammad ibn Salmon «Barselona» futbol klubini sotib olish uchun 10 mlrd yevrolik taklif tayyorlamoqda. Bu haqda El Chiringuito nashri jurnalisti Fransua Galyardo ma’lum qildi.

Muhammad ibn Salmon Saudiya Arabistoni Davlat investitsiya fondi orqali klubni moliyalashtirishni va uning 2,5 mlrd yevroga yetgan qarzlarini to‘liq qoplashni rejalashtirmoqda. Biroq bitimning amalga oshishiga jiddiy to‘siq mavjud. «Barselona» xususiy shaxsga emas, balki «sosyos»larga (klub a’zolari bo‘lgan muxlislar) tegishli bo‘lib, klub taqdiriga oid muhim qarorlar ular tomonidan qabul qilinadi.

Ushbu taklif avvalgi yirik bitimlardan sezilarli darajada farq qiladi. Taqqoslash uchun, 2022-yilda Roman Abramovich «Chelsi» klubini sanksiyalar sababli 3,16 mlrd yevro evaziga...

«Elektron retsept» tizimini joriy etishning keyingi bosqichma-bosqich tartibini belgilash maqsadida Sog‘liqni saqlash vazirining tegishli buyrug‘i qabul qilindi.

Unga ko‘ra, «elektron retsept» tizimi bosqichma-bosqich joriy etiladi, antibiotiklar, antibakterial va gormonal dori vositalari uchun elektron retsept majburiy bo‘ladi. Tizim to‘liq ishga tushgunga qadar va favqulodda holatlarda qog‘oz retseptlardan foydalanish imkoniyati ham saqlanib qoladi.

Xususiy tibbiyot muassasalari va shifokorlarning «Elektron retsept» moduliga ulanishi bepul. Buning uchun +998 (71) 202-50-00 raqamiga murojaat qilish mumkin.

Shuningdek, retsept yozish faqat shifokor vakolatiga kiradi. Agar zarur dori muassasada mavjud bo‘lmasa, shifokor retsept yozib beradi, ma’lumotlarni elektron tizimga esa dorixona farmatsevti kiritadi.

Bemor dorixonaga murojaat qilganda dori...