Yangiliklar

Toshkent shahrida aksiz markasiz tamaki mahsulotlarini sotish bilan bog‘liq holatlar fosh etildi. Bu haqda Bosh prokuratura huzuridagi Departament xabar berdi.

Ma’lum qilinishicha, Departamentning Mirzo Ulug‘bek tumani bo‘limi xodimlari o‘tkazgan tezkor tadbirda fuqaro xorijda ishlab chiqarilgan aksiz markasiz tamaki mahsulotini boshqa fuqaroga 85 ming so‘mga sotayotgan vaqtida ushlangan.

Tadbir davomida undan umumiy qiymati 53,7 mln so‘m bo‘lgan 52 turdagi 1 192 dona aksiz markasiz tamaki mahsuloti ashyoviy dalil sifatida olingan.

Shunga o‘xshash yana bir holat Mirobod tumanida aniqlangan. Departamentning Mirobod tumani bo‘limi va boshqa huquqni muhofaza qiluvchi organlar hamkorligida o‘tkazilgan tezkor tadbirda fuqaro 23 turdagi 601 dona aksiz markasiz tamaki...

Raqobat qo‘mitasi Qurbon hayiti bayrami arafasida talab ortishi kutilayotgan ijtimoiy ahamiyatga ega oziq-ovqat mahsulotlari narxlari barqarorligini ta’minlash maqsadida yirik savdo tarmoqlari va hududlardagi savdo komplekslarini ogohlantirdi.

Qo‘mita tomonidan chakana savdo tarmoqlari va savdo komplekslariga mahsulot yetkazib beruvchilarning narxlarni o‘zgartirishi, logistika xarajatlari hamda narx oshishiga sabab bo‘lishi mumkin bo‘lgan boshqa omillar yuzasidan tezkor xabar berish talab qilingan.

Shuningdek, yetkazib beruvchilarni asossiz narx oshishining oldini olish borasida ogohlantirish bo‘yicha aniq ko‘rsatmalar berilgan. Raqobat qo‘mitasi aholi uchun muhim bo‘lgan oziq-ovqat mahsulotlari narxlari barqarorligini ta’minlashda o‘z vakolatlari doirasida barcha zarur choralarni ko‘rishini ma’lum qildi.

Avvalroq Kursiv nashri Raqobat qo‘mitasi ikkita aviakompaniyaning reys kechikishlarini...

Harry Potter and the Philosopher’s Stone kitobining birinchi nashrlaridan biri auksionda $23 mingga sotildi. Bu haqda The Mirror nashri xabar berdi.

Noyob nusxa 1997-yilda chop etilgan bo‘lib, o‘sha paytda uning narxi atigi 4,99 funt sterling bo‘lgan. Kitobni shotlandiyalik kitob sharhlovchisi Katrina MakNikol xarid qilgan, biroq u asarni o‘qishga ulgurmagan va yillar davomida chordoqdagi qutida saqlab kelgan.

Ayol kitobni taxminan 30 yil o‘tib uyini tartibga keltirish vaqtida yana topib qolgan. Nashr deyarli ideal holatda saqlangani sabab auksion mutaxassislari uni juda yuqori baholagan.

Noyob kitob Staffordshirdagi kamyob nashrlar savdosida xususiy kolleksioner tomonidan xarid qilingan. Mutaxassislar bu Garri Potterning yumshoq muqovali ilk...

O‘zbekistonda har yili maktab o‘quvchilari uchun milliy kitobxonlik harakati o‘tkaziladi. Bu haqda Adliya vazirligi xabar bermoqda.

Milliy kitobxonlik harakati har yili uch bosqichda o‘tkaziladi. Birinchi bosqich «kitobxonlikharakati.uz» elektron platformasi orqali onlayn tarzda bo‘ladi. Ishtirokchilar platformada ro‘yxatdan o‘tadi. Ikkinchi va uchinchi bosqichlar esa bevosita ishtirok etish formatida tashkil etiladi. Ular viloyat va respublika darajasida o‘tkaziladi.

Dasturda ishtirokchilar uchta yosh toifasiga ajratiladi. Saralash belgilangan tartib asosida amalga oshiriladi. Yuqori sinf toifalari bo‘yicha g‘olib va sovrindorlar pul mukofoti hamda diplomlar bilan taqdirlanadi. Bu toifalarga 6 – 8-sinf va 9 – 11-sinf o‘quvchilari kiradi.

1-o‘rinni olgan ikki nafar g‘olibning har biri $50 ming...

Qoraqalpogʻiston Respublikasida Besqala Mining Valley nomli maxsus kriptomayning zonasi tashkil etilishi rejalashtirilmoqda. Tegishli loyiha Istiqbolli loyihalar milliy agentligi tomonidan jamoatchilik muhokamasiga qo‘yildi.

Loyihaga ko‘ra, mazkur hudud rezidentlariga nafaqat elektr tarmoqlari va qayta tiklanuvchi energiya manbalari, balki rentabelligi past neft va gaz konlaridan ham foydalanish imkoniyati berilishi mumkin. Gap uglevodorodlarni yetkazib berish tizimi mavjud bo‘lmagan yoki eskirgan konlar haqida ketmoqda.

Yangi tizim doirasida faqat Qoraqalpog‘istonda ro‘yxatdan o‘tgan va maxsus ruxsatnoma olgan yuridik shaxslar kriptovalyuta mayningi bilan shug‘ullanish huquqiga ega bo‘ladi. Ruxsatnomalar 5 yil muddatga elektron shaklda beriladi.

Loyihada yashirin mayning, anonim kriptovalyutalarni qazib olish va noqonuniy kriptoaktivlardan foydalanish taqiqlanishi...

Qurbon hayiti va dam olish kunlarida tibbiyot muassasalari navbatchilik asosida ishlaydi. Sog‘liqni saqlash vazirligi ma’lumotiga ko‘ra, 27 – 31-may kunlari shifoxonalar, ixtisoslashtirilgan tibbiyot markazlari va oliy ta’lim klinikalarida xizmat ko‘rsatish davom etadi.

Hududlardagi 39 ta tumanlararo shikastlanish va o‘tkir qon-tomir kasalliklari markazi ham ishlaydi. Shoshilinch tibbiy yordam markazi, uning 13 ta hududiy filiali va 200 ga yaqin shoshilinch yordam bo‘limida shifokorlar 24 soat navbatchilik qiladi.

Tez tibbiy yordam tizimida 2,9 mingdan ortiq brigadalar odatiy tartibda ishlaydi. Barcha tug‘uruq va bolalar davolash muassasalari ham uzluksiz faoliyat yuritadi.

Shuningdek, 27-may kuni hayit namozi o‘qiladigan masjidlarda tez yordam brigadalari navbatchilik qiladi.

Eslatib...

Toshkent shahrida 100 kmga yaqin yangi pulli avtomobil yo‘llari qurilishi mumkin. Bu masala Toshkent shahri hokimi Shavkat Umurzakov boshchiligidagi delegatsiya va Xitoyning China Railway Construction Corporation kompaniyasi rahbariyati o‘rtasidagi uchrashuvda muhokama qilindi.

Toshkent shahri hokimligi ma’lumotiga ko‘ra, muzokaralarda poytaxt transport infratuzilmasini rivojlantirish masalasiga alohida e’tibor qaratilgan. Tomonlar shaharda qo‘shimcha pulli avtomobil yo‘llarini qurish istiqbollarini ko‘rib chiqqan. Jumladan, uzunligi qariyb 100 km bo‘lgan halqa pulli yo‘lini barpo etish masalasi muhokama qilingan.

Shuningdek, kelgusi yillarda qurilishi rejalashtirilayotgan yangi xalqaro aeroport yo‘nalishida pulli magistral yo‘l qurish taklifi ham ko‘rib chiqilgan. Ushbu yo‘l shahar markaziy qismidan o‘tishi mumkin. Uchrashuvda faqat transport infratuzilmasi emas...

Milliy statistika qo‘mitasi ma’lumotlariga ko‘ra, 2026-yilning yanvar – mart oylarida 5 862 nafar O‘zbekiston fuqarosi o‘qish maqsadida xorijga safar qilgan. Ko‘rsatkich o‘tgan yilning mos davridagiga nisbatan 21,2 foizga kamaygan bo‘lsa-da, xorij ta’limiga bo‘lgan qiziqish hanuz yuqori. Eng ko‘p talabalar Rossiya, Janubiy Koreya va Qirg‘izistonga yo‘l olgan. Shuningdek, Xitoy, Turkiya hamda Tojikiston ham eng ko‘p tanlanayotgan davlatlar qatorida. Ushbu maqolada o‘zbekistonliklar o‘qish uchun ko‘proq afzal ko‘rayotgan qator Yevropa va Osiyo davlatlari, u yerdagi ta’lim tizimi, shartnoma to‘lovi, yashash xarajatlari, stipendiya va madaniy masalalar haqida batafsil ma’lumot beriladi.

Ushbu maqola quyidagi bo‘limlardan iborat:

AQSh kuchlari Eron janubidagi bir qator nishonlarga, jumladan, mina o‘rnatmoqchi bo‘lgan qayiqlar va raketa uchirish maydonchalariga zarba berdi. Bu haqda Reuters xabar berdi.

Zarbalar Eron bosh muzokarachisi va uning tashqi ishlar vaziri Qatarda bo‘lib turgan vaqtda amalga oshirilgan. AQSh markaziy qo‘mondonligi ma’lumotlariga ko‘ra, bu hujumlar Eron kuchlari tomonidan keladigan tahdidlardan qo‘shinlarni himoya qilish maqsadida amalga oshirilgan.

Shu bilan birga, Eron o‘ziga xos havo mudofaa tizimi yordamida «dushman» dronini urib tushirganini e’lon qildi. O‘z navbatida, Isroil bosh vaziri Benyamin Netanyaxu Livandagi Hizbulloh guruhiga qarshi hujumlarni kuchaytirishini ma’lum qildi.

Muzokaralar jarayonida Hormuz bo‘g‘ozi va Eronning uranni boyitish masalalari, shuningdek, muzlatilgan mablag‘larni...

Vivo kompaniyasi 29-may kuni Xitoyda yangi Vivo S60 seriyasini taqdim etadi. Bu haqda Gizmochina nashri xabar bermoqda.

Model qatoriga Vivo S60 va nisbatan soddalashtirilgan Vivo S60 Vitality Edition kirishi kutilmoqda. Ma’lumotlarga ko‘ra, har ikki smartfon 7200 mA/soat sig‘imli akkumulyator bilan jihozlanadi. Qurilmalar 90 vattli tezkor quvvatlashni qo‘llab-quvvatlaydi.

Vivo S60 modeli Qualcomm Snapdragon 8s Gen 3 chipida ishlashi kutilmoqda. Bu protsessor smartfonni o‘rta segmentning yuqori qismiga yaqinlashtiradi. Qurilmaning orqa panelida uchta kamera bo‘ladi. Asosiy kamera 50 MP aniqlikka ega bo‘ladi. Bundan tashqari, 8 MP keng burchakli modul va 50 MP periskop telekamera ham o‘rnatiladi.

Periskop kamerada Sony IMX882 sensori qo‘llanishi...

Qurbon hayiti munosabati bilan yaqinlaringiz uchun munosib so‘zlar qidiryapsizmi? «Kursiv» siz uchun maxsus tabriknomalar to‘plamini taqdim etadi. Endi oddiy so‘zlar o‘rniga eng ezgu va mazmunli tilaklarni yaqinlaringizga ulashishingiz mumkin.

Hayit bayrami qalblarni yaqinlashtiradi, mehrni oshiradi va saxovatga chorlaydi. Ushbu kunlar barchamiz uchun fayzli o‘tsin.

Qurbon hayiti muborak! Har bir ezgu niyatingiz ro‘yobga chiqsin, har bir xayrli ishingiz baraka topsin.

Muborak Qurbon hayiti qalbingizga nur, hayotingizga quvonch, ishlaringizga rivoj olib kelsin. Har bir kuningiz fayzli va mazmunli o‘tsin.

Ushbu ulug‘ ayyomda mehr, saxovat va bag‘rikenglik yanada kuchaysin. Qurbon hayitingiz muborak bo‘lsin!

Sizni va yaqinlaringizni Qurbon hayiti bilan chin dildan tabriklaymiz. Xonadoningizdan...

«Centrum Air» va «Qanot Sharq» aviakompaniyalari faoliyati yuzasidan ko‘payayotgan shikoyatlar sabab Raqobat qoʻmitasi Fuqaro aviatsiyasi agentligiga rasmiy so‘rov yubordi. Bu haqda qo‘mita rasmiy sahifasida ma’lum qildi.

Unga ko‘ra, 2026-yilning dastlabki to‘rt oyida aviaqatnovlarga oid murojaatlar soni o‘tgan yilning shu davriga nisbatan 14 foizga oshgan. Shikoyatlarning asosiy qismi reyslarning uzoq kechikishi, sifatsiz xizmat va ko‘rsatilmagan xizmatlar uchun haq olinishi bilan bog‘liq.

O‘rganishlarda ayrim yo‘lovchilarga oldindan chipta va bron mavjud bo‘lsa ham samolyotdan joy berilmagani, kechikkan reyslar vaqtida oziq-ovqat, ichimlik suvi yoki mehmonxona bilan ta’minlash kabi majburiyatlar bajarilmagani aniqlangan.

Shuningdek, ayrim holatlarda aviakompaniyalar yo‘lovchilarni kompensatsiya tartiblari haqida oldindan xabardor qilmagani, tutash...

Qurbon hayiti munosabati bilan 27 – 31-may kunlari ichki sayohatlar uchun chegirmalar e’lon qilindi. Bu haqda Turizm qo‘mitasi xabar berdi.

Unga ko‘ra, respublika bo‘ylab mehmonxonalar va boshqa joylashtirish vositalari xizmatlariga 20 foizgacha chegirma beradi.

Davlat muzeylari va madaniy meros obyektlariga kirish chiptalari 10 foizgacha arzonlashtiriladi.

Shuningdek, pullik ziyoratgohlarda nogironligi bor fuqarolar, yoshi katta insonlar va bolalar uchun kirish bepul bo‘ladi.

Eslatib o‘tamiz, 2026-yilning yanvar – aprel oylarida O‘zbekistonga 4 mln nafar xorijiy sayyoh tashrif buyurdi. Ko‘rsatkichlar o‘tgan yilning shu davridagiga nisbatan 29,9 foizga oshgan.

To‘rt oy davomida O‘zbekistonga eng ko‘p sayyoh Qirg‘izistondan kelgan – 1,14 mln kishi. Keyingi...

O‘zbekistonda joriy yilning yanvar – mart oylarida jami 191 ming 86 chaqaloq dunyoga keldi. Ular orasida 60 yoshdan o‘tgan otalardan dunyoga kelganlar soni 162 nafarni tashkil qildi. Bu haqda Milliy statistika qo‘mitasi xabar bermoqda.

Taqdim etilgan ma’lumotlarga ko‘ra, eng katta ko‘rsatkich 25 – 39 yosh oralig‘idagi otalar hissasiga to‘g‘ri keladi — 158 ming 984 nafar. 25 yoshgacha bo‘lgan yigitlar orasida esa bu raqam 16,4 ming nafarni tashkil etgan.

40 yoshdan 59 yoshgacha bo‘lgan erkaklar joriy yilning dastlabki choragida 15,5 mingta farzandli bo‘lishgan. E’tiborlisi shundaki, 60 yosh va undan katta yoshdagi otalar soni 162 nafarga yetgan, ularning 14 nafari esa...

Qurbon hayiti munosabati bilan 27-may kuni Toshkentda jamoat transporti erta ish boshlaydi. Bu haqda Тоshkent shahar transport bosh boshqarmasi xabar berdi.

Unga ko‘ra, shu kuni avtobuslar va metro soat 04:00 dan harakatlanadi.

Boshqarma fuqarolardan hayit namoziga borishda jamoat transportidan foydalanishni so‘ramoqda.

Eslatib o‘tamiz, avvalroq Qurbon hayiti bayramida yo‘lovchilar oqimini yengillashtirish uchun Toshkentdan Buxoro, Termiz, Urganch va Nukus yo‘nalishlarida qo‘shimcha aviaqatnovlar tashkil etilishi xabar qilingandi.

Ma’lum qilinishicha, qo‘shimcha reyslar 25 – 31-may kunlari amalga oshiriladi. «Uzbekistan Airways», «Silk Avia» hamda «Centrum Air» aviakompaniyalari ushbu davr davomida borish va qaytish yo‘nalishida jami 28 ta qo‘shimcha reysni bajaradi.

2026-yil 27-may kuni O‘zbekistondagi barcha jome masjidlarda Qurbon hayiti namozi o‘qilishi belgilandi. Bu haqda O’zbekiston musulmonlari idorasi xabar berdi.

Hayit namozi viloyatlar kesimida turlicha vaqtlarda ado etiladi. Andijon, Namangan va Farg‘ona viloyatlarida namoz vaqti 05:05 etib belgilangan. Toshkent viloyatida esa bu ko‘rsatkich 05:10 ni tashkil etadi.

Sirdaryo va Jizzax viloyatlarida jamoat 05:20 da namozga yig‘iladi. Samarqand hamda Surxondaryo viloyatlarida hayit namozi 05:30 da o‘qiladi.

Qashqadaryo, Navoiy va Buxoro viloyatlarida namoz o‘qish vaqti 05:35 etib belgilangan. Xorazm viloyatida 05:50 da, Qoraqalpog‘iston Respublikasida esa 05:55 da hayit namozi ado qilinadi.

Qayd etilishicha, ushbu vaqtlar quyosh chiqqanidan keyingi 15 – 20 daqiqalik...

Tijorat banklari tomonidan 26-may kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Avvalroq Kursiv Uzbekistan dollar hafta davomida qanday o‘zgargani haqida yozgandi.

26-may, Qurbon hayiti arafasida O‘zbekistondagi xodimlar uchun ish vaqti kamida bir soatga qisqartirilishi kerak. Bu Mehnat kodeksining 187-moddasida belgilangan.

Qonunchilikka ko‘ra, ishlanmaydigan bayram kunidan oldingi ish kuni barcha xodimlar uchun qisqartirilgan ish kuni hisoblanadi. Shu sababli bugun ishga chiqqan fuqarolar odatdagidan bir soat oldinroq ish joyini tark etish huquqiga ega.

Ertaga – 27-may kuni Qurbon hayitining birinchi kuni nishonlanadi va ushbu sana rasmiy dam olish kuni hisoblanadi. Shuningdek, 28 va 29-may kunlari ham qo‘shimcha dam olish kunlari etib belgilangan. Haftasiga olti kun ishlaydiganlar uchun 30-may ham dam olish kuni bo‘ladi.

Uzluksiz faoliyat yuritadigan korxonalar yoki ish vaqtini qisqartirish imkoni...

Qirg‘izistonda 18 yoshga to‘lmagan fuqarolarga elektrosamokat va boshqa shaxsiy mobil vositalarni ijaraga berishni taqiqlash taklif qilinmoqda. Tegishli qonun loyihasi jamoatchilik muhokamasiga qo‘yilgan, deb yozmoqda Economist.kg.

Loyiha deputat Meder Chotonov tomonidan ishlab chiqilgan. Hujjatda «Qirg‘iz Respublikasida yo‘l harakati to‘g‘risida»gi qonun va Huquqbuzarliklar kodeksiga o‘zgartirish kiritish taklif etilgan. Tashabbusdan maqsad yo‘l harakati xavfsizligini oshirishdir. Shuningdek, elektrosamokat va boshqa shaxsiy mobil vositalarni ijaraga berish xizmatlarini tartibga solish ko‘zda tutilgan.

Qonun loyihasiga ko‘ra, bunday vositalarni ijaraga beruvchi yuridik shaxslar 18 yoshgacha bo‘lgan fuqarolarni xizmatdan foydalanishga qo‘ymasligi kerak. Mobil ilovada ro‘yxatdan o‘tish vaqtida foydalanuvchidan shaxsini tasdiqlovchi hujjat so‘raladi. Bu pasport yoki elektron hujjat bo‘lishi...

AQSh rasmiylari Eron terma jamoasining musobaqa davomida mamlakatda qolishini xohlamaganidan so‘ng jamoa o‘yin kunlari Meksikadan AQShga sayohat qiladi. Bu haqda Reuters xabar berdi.

Meksika prezidenti Sheynbaumning ma’lum qilishicha, FIFA Meksika hukumatiga ushbu masala yuzasidan murojaat qilgan. AQSh hukumati 11-iyundan 19-iyulgacha bo‘lib o‘tadigan turnir davomida Eron jamoasiga o‘z hududida yashashga ruxsat bermaganini ma’lum qilgan. Shu bilan birga, Eron «G» guruhidagi uchta o‘yinini AQShda o‘tkazishi belgilangan.

«Eron jamoasining Meksikada qolishi uchun ularga ruxsat bermaslikka hech qanday sabab ko‘rmayapmiz», – deya ta’kidladi prezident matbuot anjumanida.

Eron terma jamoasi 15-iyun kuni Los-Anjelesda Yangi Zelandiya bilan, 21-iyun kuni Belgiyaga...

Xiaomi kompaniyasi Xitoyda Xiaomi YU7 Standard Edition elektr krossoverini xaridorlarga yetkazishni boshladi. Model narxi 235,5 ming yuandan boshlanadi. Bu taxminan $34,6 mingga teng.

Yangi versiya avvalgi boshlang‘ich YU7 modelidan 20 ming yuan arzonroq. Bu esa taxminan $2,9 ming farqni anglatadi. Xiaomi ushbu model orqali YU7 savdosini oshirishni maqsad qilmoqda. Xiaomi YU7 Standard Edition 21-may kuni yuqori unumdor YU7 GT versiyasi bilan bir vaqtda bozorga chiqarilgan. Kompaniya arzonroq komplektatsiya orqali birinchi SUV modeliga talabni kuchaytirmoqchi.

China EV DataTracker ma’lumotlariga ko‘ra, Xiaomi aprel oyida Xitoyda 9,8 ming dona YU7 yetkazib bergan. Bu mart oyiga nisbatan 27,2 foizga kam. Shu sababli yangi...

Kongoda Ebola virusi bilan bog‘liq vaziyat og‘irlashmoqda. Mamlakatda 900 dan ortiq gumonli holat va 101 ta tasdiqlangan kasallanish qayd etilgan. Bu haqda Jahon sog‘liqni saqlash tashkiloti rahbari Tedros Adhanom Gebreyesus ma’lum qildi.

BILD xabariga ko‘ra, mahalliy hukumat ma’lumotlarida epidemiya boshlanganidan beri 204 kishi vafot etgani aytilgan. JSST esa kasallik aniqlanishi ko‘payganini epidemiologik nazorat kuchaytirilgani bilan izohladi.

Kasallik o‘chog‘i mamlakat shimoli-sharqidagi Ituri provinsiyasi hisoblanadi. Bu hududda qariyb 5 mln kishi yashaydi. JSST ma’lumotlariga ko‘ra, provinsiyadagi har to‘rt kishidan biri gumanitar yordamga muhtoj. Har beshinchi fuqaro esa mamlakat ichida ko‘chishga majbur bo‘lgan.

Afrika ittifoqi sog‘liqni saqlash idoralari virus boshqa davlatlarga...

SpaceX va xAI sun’iy intellekt uchun hisoblash quvvatlarini ijaraga berish bozorida yangi mijozlar izlamoqda. Bu jarayon Colossus I data-markazining barcha quvvati Anthropic kompaniyasiga ajratilganidan keyin boshlandi.

Xabarga ko‘ra, Anthropic Colossus I data-markazidan 300 MVt quvvat oladi. Kelishuv uch yilga mo‘ljallangan. Kompaniya buning uchun har oy $1,25 mlrd to‘laydi. Shartnomada uni muddatidan oldin bekor qilish imkoniyati ham bor.

Ilon Mask kompaniya yirik miqyosda sun’iy intellekt hisoblash xizmatlarini taklif qilayotganini aytdi. Uning so‘zlariga ko‘ra, SpaceX va xAI boshqa potensial mijozlar bilan ham muzokara olib bormoqda. Kompaniyalar kelajakda bu yo‘nalishni yanada kengaytirishni rejalashtirmoqda. Jumladan, orbitada data-markazlar ishga tushirilishi mumkinligi aytilmoqda. Bu sun’iy...

O‘zbekiston milliy terma jamoasi 2026-yilgi Jahon chempionatida ishtirok etish uchun bugun, 26-may tongida Toshkent — Nyu-York yo‘nalishi bo‘yicha AQShga yo‘l oldi. Bu haqda O‘zbekiston futbol assotsiatsiyasi xabar bermoqda.

Terma jamoa Nyu-Yorkka yo‘l olgan bo‘lsa-da, safarda «Manchester Siti» himoyachisi Abduqodir Husanov ishtirok etmayapti. U Manchesterdan AQShga alohida yetib borishi rejalashtirilgan.

O‘zbekistonning ilk uchrashuvi 1-iyun kuni Kanadaning Edmonton shahridagi «Commonwealth Stadium» o‘yingohida mezbon davlat terma jamoasiga qarshi bo‘lib o‘tadi.

Ikkinchi o‘yin esa 8-iyun kuni Nyu-York shahridagi «Icahn Stadium» arenasida Niderlandiya milliy terma jamoasiga qarshi belgilangan.

Avvalroq Kursiv nashri O‘zbekiston terma jamoasining Jahon chempionati uchun tarkibi e’lon qilingani haqida xabar bergan...