Yangiliklar

Mustaqil Davlatlar Hamdo‘stligi (MDH) mamlakatlarida ishsizlik darajasi turlicha bo‘lib, ayrim davlatlarda bu ko‘rsatkich qisqarayotgan bo‘lsa, boshqalarida hanuz yuqori darajada qolmoqda, deb xabar bermoqda Abc.az.

Ma’lumotlarga ko‘ra, 2024-yilda MDH bo‘yicha eng ko‘p ishsiz Rossiyada qayd etilgan — 1,915 mln kishi. 2010-yilda bu ko‘rsatkich 5,5 mln edi, so‘nggi 14 yil ichida ishsizlar soni qariyb 3,6 mln kishiga kamaygan.

Rossiyadan keyingi eng katta ko‘rsatkich O‘zbekistonga to‘g‘ri keladi. 2020-yilda mamlakatda ishsizlar soni 1,56 mln kishini tashkil qilgan bo‘lsa, 2024-yilda bu raqam 836,4 ming kishigacha qisqardi. Shunga qaramay, bu MDH hududida Rossiyadan keyingi eng yuqori ko‘rsatkich bo‘lib qolmoqda.

Rossiya aholisi 146 milliondan ortiq...

Prezident maktablari kabi har bir viloyatda «Yangi avlod» bog‘chalari tashkil qilinadi. Bu haqda prezident matbuot xizmati xabar berdi.

Xabarga ko‘ra, ushbu bog‘chalarda tarbiyachilar ilg‘or pedagogik texnologiyalarni o‘rganadi. Shuningdek, yangi metodikalardan foydalanish imkoniyati xususiy bog‘cha tarbiyachilari uchun ham doim ochiq bo‘ladi.

Hozirda mamlakatda yetti mingdan ortiq davlat bog‘chalarida 120 mingga yaqin tarbiyachi ishlaydi. Lekin ularning atigi 34 foizi oliy ma’lumotga ega. Tarbiyachilar maktab o‘qituvchilari singari toifa olishlari uchun oliy diplom talab etiladi. Shu bois oliy ma’lumotli va o‘rta ma’lumotli tarbiyachilar oyligi o‘rtasida farq mavjud.

Endilikda davlat va xususiy bog‘cha tarbiyachilari ish joyidan ajralmagan holda oliygohlarda o‘qitilib, har yili 10 ming...

Joriy yilning oktabr oyidan boshlab O‘zbekistonda «Elektron retsept» tizimini ishga tushirish rejalashtirilmoqda. Bu haqda yagona integrator Uzinfocomning sog‘liqni saqlashni raqamlashtirish bo‘yicha direktori Ruslan Sultonov ma’lum qildi.

Integrator, shuningdek, kelasi yil oxirigacha ishga tushirilishi rejalashtirilgan respublika tibbiyot tizimining asosiy yadrosi ustida ham ishlamoqda. Bundan tashqari, Uzinfocom sog‘liqni saqlash sohasini raqamlashtirish ustida faoliyat olib bormoqda.

«Yadro – bu barcha ma’lumotnomalar, tasniflagichlar (klassifikatorlar), zarur ma’lumotlar bazasi. Ular himoyalangan Ma’lumotlarni qayta ishlash markazida (MQM) saqlanadi», deydi Sultonov.

Ushbu tizimdan faqat muvofiqlik sertifikatiga ega bo‘lgan tibbiyot muassasalari foydalanishi mumkin bo‘ladi. Bu esa davlat va xususiy muassasalar o‘rtasida ma’lumot...

Apple yaqinda iPhone 17 Pro Max modelini taqdim etdi. U 2025-yilning eng kuchli smartfonlaridan biri bo‘lishi kutilmoqda. Uning asosiy raqibi esa allaqachon bozorda o‘z o‘rnini egallagan Samsung Galaxy S25 Ultra. Har ikki flagman premium segmentga mansub. Ular dizayn, ishlash tezligi, kamera imkoniyatlari va batareya quvvati bilan ajralib turadi. Ushbu maqolada iPhone 17 Pro Max va Samsung Galaxy S25 Ultra smartfonlari taqqoslanadi.

Dizayn va ekran

Apple iPhone 17 Pro Max’da kvadrat kamera blokini olib tashladi. U Pixel uslubidagi kamera panelini joriy qildi. Yangi avlodda yorqin ranglar paydo bo‘lgan. Samsung esa S22 Ultra’dan beri tanish dizaynni saqlab qolgan.

Ikkala qurilmada ham...

Shavkat Mirziyoyev ishtirokidagi yig‘ilishda xalqaro sertifikatga ega yoshlar uchun imkoniyatlarni yanada kengaytirish masalasi ko‘tarildi. Bu haqda prezident matbuot xizmati xabar berdi.

Unga ko‘ra, O‘zbekistondagi maktab o‘quvchilarining xalqaro sertifikatlari soni yildan-yilga ortib bormoqda. 2016-yilgacha atigi 2 ming nafar o‘quvchi bunday hujjatni qo‘lga kiritgan bo‘lsa, o‘tgan yili faqat xorijiy tillar yo‘nalishida 150 ming nafar yosh sertifikat olgan.

Endilikda xalqaro sertifikatlar maktabdagi yakuniy imtihonlarda ham rasmiy tan olinishi belgilandi.

«Bugungi tadbirimizda o‘zi yosh bo‘lishiga qaramasdan, yuzlab o‘g‘il-qizlarimizni yuqori marralarga yetaklayotgan kogonlik qizimiz Billura Ikramova ham qatnashyapti. Billura qizimiz top-200 talikka kiradigan Buyuk Britaniyaning Reding oliygohini bitirib, katta-katta idoralardan...

2025-yil 15-sentabr kuni soat 05:40 larda Mirzo Ulug‘bek tumani Gulsanam ko‘chasida 101-sonli yo‘nalishda qatnovchi «MAN» rusumli avtobus (saroy raqami 10, davlat raqami 01 897 OJA) TTZ bozori bekatiga to‘xtaganida yer cho‘kishi kuzatildi.

«Toshshahartransxizmat» AJ ma’lumotiga ko‘ra, mazkur hududda ilgari suv quvurlari o‘tkazilgan bo‘lib, suv sizishi natijasida yo‘l qatnov qismida cho‘kish yuzaga kelgan. Avtobusning og‘irligi tufayli uning o‘ng tomoni cho‘kib, transport vositasi vaqtincha harakatdan to‘xtagan.

Voqea joyiga «5-Avtobus saroyi» rahbari va mas’ul xodimlar zudlik bilan yetib borib, avtobusni yerdan olib chiqish choralarini ko‘rishgan. Mashina soat 10:10 da cho‘kish joyidan chiqarilgan.

Hodisa oqibatida yo‘lovchilarga tan jarohati yetmagan. Avtobus hozirda soz holatda...

Yil yakunida aholi jon boshiga daromad $3,5 mingga yetishi, yalpi ichki mahsulot hajmi esa $130 milliardga chiqishi kutilmoqda. Bu haqda davlat rahbari pedagoglar bilan muloqotda ma’lum qildi.

Bundan tashqari, zamonaviy texnologiyalar va innovatsiyalar barcha sohalarga kirib kelayotgani tufayli bu yil eksport hajmi $25 milliardga yetishi ta’kidlandi. O‘tgan sakkiz yil ichida mamlakatga $130 milliard xorijiy sarmoya jalb qilindi. Avvallari investitsiyalar asosan xomashyo sohalariga yo‘naltirilgan bo‘lsa, bugun ular yangi mahsulot ishlab chiqarish va infratuzilmani yaxshilashga qaratilmoqda.

«Men bu iqtisodiy ko‘rsatkichlarga nima uchun ko‘p to‘xtalyapman? Chunki iqtisodiyot qanchalik mustahkam bo‘lsa, ta’lim rivojlanadi. Ta’lim sifati yuqori bo‘lgan mamlakatda...

Bugun, 15-sentabr kuni Shavkat Mirziyoyev Toshkent viloyatining Bo‘stonliq tumanida joylashgan «Renessans» bolalar sog‘lomlashtirish oromgohida yaratilgan sharoitlar bilan tanishdi. Bu haqda prezident matbuot xizmati xabar berdi.

Respublikada ta’lim va yoshlar masalasi davlat siyosati darajasiga ko‘tarilib, so‘nggi yillarda 14 ta Prezident maktabi, 201 ta ixtisoslashtirilgan, 2 ta sport va 9 ta ijod maktabi tashkil etildi. Ularning o‘quv va baholash tizimi 1500 dan ortiq maktablarda joriy qilingan.

Bu ilk bor 1,5 ming nafar o‘quvchi saralanib, ularga Prezident va ixtisoslashtirilgan maktablardan 208 nafar maslahatchi biriktirildi. Mazkur oromgoh esa ushbu tizimning muhim bo‘g‘ini bo‘lib, o‘quvchilar yil davomida 3 haftalik intensiv kurslarda bilimlarini mustahkamlaydi. Natijalarga...

2025-yilning yanvar – iyul oylarida O‘zbekistonda umumiy ovqatlanish sohasi korxonalari jami 963,3 mlrd so‘m soliq to‘lagan. Bu haqda Davlat soliq qo‘mitasi ma’lum qildi.

Eng ko‘p soliq to‘lagan uchlikni International Foodchain (KFC), Mak Food Servis (Evos) va Oqtepa Food Service (Oqtepa Lavash) kompaniyalari egalladi.

Umumiy hisobda 20,1 mingta ovqatlanish korxonasi soliqlarni to‘lagan bo‘lib, faqatgina 20 ta yirik kompaniya umumiy tushumning 184,2 mlrd so‘mini (19,1%) ta’minladi. Ularning jami tovar aylanmasi 2,4 trln so‘mni tashkil etdi.

20 ta yirik soliq to‘lovchilardan tushgan soliqlar quyidagicha taqsimlandi:

Farg‘ona viloyati hokimi Xayrullo Bozorov Qo‘shtepa tumanida tashkil etilayotgan maxsus sanoat zonasidagi qiymati $40 millionlik loyihalar taqdimoti bilan tanishdi. Bu haqda viloyat hokimligi matbuot xizmati xabar berdi.

Bu loyihalar qurilish, meva-sabzavotlarni qayta ishlash, sanoat va trikotaj yo‘nalishlariga mo‘ljallangan.

Shuningdek, amalga oshirilishi rejalashtirlayotgan 9 ta loyihaning umumiy qiymati $40 million bo‘lib, natijada 1210 ta yangi ish o‘rni yaratiladi. Loyiha moliyalashtirish manbalari sifatida tadbirkorlarning o‘z mablag‘lari hamda xorijiy investorlar sarmoyasi jalb qilinadi. Korxonalarni 2026-yilning o‘rtalarida ishga tushirish ko‘zda tutilgan.

Avvalroq Kursiv Uzbekistan Fargʻona vodiysida metan cheklovi sababli ikki ming tonna benzin ajratilgani haqida yozgandi.

«Toshkent» respublika fond birjasida (RFB) joy olgan yuqori likvidli aksiyalarning aksariyati 5-sentabrdan 12-sentabrgacha bo‘lgan davrda turli dinamikani ko‘rsatib, UCI fond indeksi 0,03 foizga o‘sdi.

Mazkur davrda «O‘zbektelekom» aksiyalari eng katta o‘sishga erishib, 7,82 foizga qimmatlashdi. Shuningdek, «O‘zbekneftgaz» (+5,91%) va «Olmaliq KMK» (+5,71%) aksiyalarida ham o‘sish qayd etildi.

Biroq «O‘zbekgeofizika» aksiyalari 9,35 foizga arzonlashib, haftaning eng katta pasayishini qayd etdi. Bundan tashqari, «Qo‘qon mexanika zavodi» aksiyalari (-4,39%) va «Aloqabank»ning oddiy aksiyalari (-4,35%) ham pasayish bilan ajralib turdi.

Faqatgina «Aloqabank»ning imtiyozli aksiyalari narxida o‘zgarish kuzatilmadi.

Ushbu davrda bitimlar soni bo‘yicha «Kapital sug‘urta» (1 725 ta), «Aloqabank» (708 ta) va «Chilonzor buyum savdo...

Navoiy viloyatida mehmonxona faoliyati bilan shug‘ullanuvchi tadbirkorga «Hududgazta’minot» AJ va uning filiali tomonidan hisoblangan penya asossiz deb topildi. Bu haqda Raqobat qo‘mitasi xabar berdi.

Unga ko‘ra, qo‘mita tadbirkorning murojaati asosida o‘rganish ishlarini olib borgan. Natijada 68 million so‘mga yaqin penya «Hududgazta’minot» AJning elektron dasturida qayta ko‘rib chiqildi va hisobdan chiqarildi.

Raqobat qo‘mitasi bundan keyin ham tadbirkorlar manfaatlarini himoya qilish hamda adolatli bozor muhitini shakllantirish bo‘yicha faoliyatini davom ettirishini ma’lum qilgan.

Avvalroq Senat mahsulotni shartnomada belgilangan vaqtda xaridorga topshirmagan sotuvchiga penya to‘lash majburiyati yuklash haqidagi qonunni tasdiqlagan edi. Unga ko‘ra, sotuvchi har bir kechikkan daqiqa, soat yoki kun uchun...

Luxembourg Income Study nodavlat tashkiloti tadqiqoti ko‘ra, Fransiyada pensiya yoshidagilar o‘rtacha hisobda ishlayotgan aholiga qaraganda ko‘proq daromad olayotgan yagona davlat bo‘ldi. Bu haqda Financial Times tahririyati ma’lum qildi.

Unga ko‘ra, fransuz pensionerlari yosh ishchilardan taxminan 1 foiz ko‘proq daromad oladi. Taqqoslash uchun, Italiyada bu tafovut 4-5 foizni tashkil etadi. Germaniya, AQSh, Kanada va Norvegiyada pensiya miqdori ish haqining 85 – 90 foiziga teng. Buyuk Britaniya, Shvetsiya, Daniya va Niderlandiyada esa ishlayotganlarning daromadi nafaqa oluvchilarnikidan qariyb chorak qismga yuqori.

DW’ning avgustdagi xabarida esa Germaniyada ishsizlarning daromadi ishlayotganlardan atigi bir necha yuz yevroga kamligi aytilgan edi. Shu bois nemislardan yashash uchun...

Tesla kompaniyasi o‘zining eng arzon Cybertruck modelini — orqa g‘ildirakdan harakatlanuvchi versiyasini ishlab chiqarishni besh oy o‘tib bekor qildi. Bu haqda ITHome nashri ma’lum qildi.

Bu variant 2025-yil aprelida taqdim etilgan va $70 mingdan sotuvga chiqarilgan edi. Endi esa u kompaniyaning onlayn konfiguratoridan butunlay olib tashlandi.

Avvaliga Tesla Cybertruck uchun 1 milliondan ortiq oldindan buyurtma olgan va yiliga 250 ming dona ishlab chiqarishni rejalashtirgan edi. Biroq amalda ishlab chiqarish hajmi 20 mingta mashinadan oshmadi. Xaridorlarni ko‘proq jalb qilish maqsadida $80 minglik to‘liq g‘ildirakdan harakatlanuvchi versiyadan $10 ming arzonroq orqa g‘ildirakli model chiqarilgan, ammo u «keskin qisqartirilgan» konfiguratsiyaga ega bo‘ldi.

Yonhap News nashri bergan ma’lumotlarga ko‘ra, 15-sentabr kuni Janubiy Koreya Birlashuv vazirligi Shimoliy Koreya o‘zining bosh razvedka agentligi — Bosh razvedka byurosi (GRB) faoliyatini kengaytirganini ma’lum qildi. Vazirlikka ko‘ra, Pxenyan tashqi razvedka ma’lumotlarini yig‘ish va tahlil qilish imkoniyatlarini kuchaytirgan.

Shimoliy Koreya ilk bor «Bosh razvedka axborot byurosi» nomini yakshanba kuni hukmron partiya Markaziy harbiy komissiyasi rais o‘rinbosari Pak Jon-Сhon chiqishida tilga oldi. Seul bu yangi tuzilma amaldagi GRB kengaytirilgan shakli bo‘lishi mumkinligini bildirmoqda.

Vazirlik so‘zlovchisi Ku Byong-Sam shunday dedi:

«Biz Shimoliy Koreya 2023-yil noyabrdan buyon harbiy josus sun’iy yo‘ldoshi faoliyatiga parallel ravishda tashqi razvedka imkoniyatlarini...

Bugun Qarshining «Nasaf» klubi Elit Osiyo Chempionlar ligasi 1-turi doirasida turnirning amaldagi chempioni Saudiya Arabistonining «Al Ahli» klubiga qarshi maydonga tushadi.

«Nasaf» va «Al Ahli» hozirga qadar o‘zaro to‘rt marotaba to‘qnash kelishgan. Ularning ikkitasida jiddaliklarning, bittasida esa qarshiliklarning qo‘li baland kelgan. Yana bir bahs durang natija bilan yakunlangan.

Ma’lumot uchun, uchrashuv Toshkent vaqti bilan soat 23:15 da Jidda shahrida joylashgan «Qirol Abdulloh» stadionida start oladi. Bellashuv «SportTv» telekanali orqali jonli efirda namoyish etiladi.

Shuningdek, kun davomida Elit OChL 1-turidan o‘rin olgan quyidagi o‘yinlar bo‘lib o‘tadi:

«Sharja» – «Al G‘arafa» | 18:45

«Al Vahda» – «Al Ittihod» | 21:00

«Al Shorta...

Toshkent viloyatining Zangiota tumanida Damariq kanali hududida yangi kichik gidroelektr stansiyasining 320 kVt quvvatga ega birinchi bosqichi ishga tushirildi. Bu haqda Energetika vazirligi xabar berdi.

Unga ko‘ra, loyihaning umumiy quvvati 640 kVt etib belgilangan bo‘lib, hozircha birinchi bosqichi 320 kVt quvvat ishga tushirildi.

GES to‘liq quvvatda faoliyat boshlagach, yiliga 3,2 million kVt·soat elektr energiyasi ishlab chiqariladi. Bu esa 1300 ta xonadonning elektr ta’minotini barqarorlashtirish imkonini beradi.

Ochilish marosimi doirasida kichik gidroelektr stansiyalari qurilishiga qiziqish bildirgan tadbirkorlar uchun seminar-trening ham tashkil etildi.

Avvalroq Kursiv Uzbekistan Parkent va Zangiota tumanlarida gastronomik ko‘chalar tashkil etilishi haqida yozgandi.

Counterpoint Research hisobotiga ko‘ra, yilning ikkinchi choragida eng ko‘p sotilgan smartfon yana hamon Apple’ning iPhone 16 modeli bo‘lib qolmoqda. Undan keyingi o‘rinlarda iPhone 16 Pro Max va iPhone 16 Pro joylashgan.

Ammo qiziqarli o‘zgarishlar top-3dan keyin kuzatildi. Samsung’ning Galaxy A16 5G modeli jahon bozorida eng ko‘p sotilgan Android-smartfon sifatida qayd etildi. Bundan tashqari, arzonroq segmentdagi Galaxy A06 4G ham kuchli beshlikdan joy olib, iPhone 16e va hatto iPhone 15’dan ham ko‘proq sotilgan.

Samsung flagmanlar bozorida ham yutuqqa erishdi. Galaxy S25 Ultra dunyo bo‘yicha eng ko‘p sotilgan Android-flagman bo‘lib, global top-10 reytingidan joy oldi. Bu Samsung’ning premium segmentda Apple’ga qarshi...

Hindiston Exim banki va Yevrosiyo taraqqiyot banki tomonidan Hindiston va Markaziy Osiyo, jumladan, O‘zbekiston o‘rtasidagi savdo va investitsiya imkoniyatlari tahlil qilindi. Bu haqda Free Press Journal nashri ma’lum qildi.

2023-yilda Hindistonning Markaziy Osiyoga bo‘lgan eksportida O‘zbekiston yetakchi davlat bo‘lib, 45,3% ulushga egalik qilgan. Import bo‘yicha ham O‘zbekistonning ulushi 10,6% ni tashkil etgan.

Hisobotda qayta tiklanuvchi energiya, sog‘liqni saqlash, oziq-ovqat qayta ishlash va logistika sohalari ustuvor yo‘nalishlar sifatida ajratilgan. Shuningdek, raqamli infratuzilma, qo‘shma to‘lov tizimlari va kichik bizneslar uchun moliyalashtirishni yaxshilash tavsiya etilgan.

Hindiston 2010 – 2023-yillarda Markaziy Osiyoga, jumladan, O‘zbekistonga $1,5 mlrd investitsiya kiritgan.

Shuningdek, hisobotda Hindiston bilan dorivor...

«O‘zbekiston Respublikasi prezidenti administratsiyasi huzuridagi Ta’lim sifatini ta’minlash milliy agentligi to‘g‘risida»gi nizom tasdiqlandi. Bu haqda Adliya vazirligi ma’lum qildi.

Nizom agentlikning maqomi, vazifa va funksiyalari, vakolatlari, huquq va majburiyatlari hamda faoliyatini tashkil etish tartibini belgilaydi.

Agentlik o‘rta maxsus, kasbiy, oliy va oliy ta’limdan keyingi ta’lim, kadrlarni qayta tayyorlash va malakasini oshirish, malakalarni baholash sohalarida tashqi sifat nazoratini amalga oshiruvchi vakolatli davlat organi hisoblanadi.

Asosiy vazifalari ta’lim tashkilotlarida sifat nazorati mezonlari va tartiblarini takomillashtirish, samara oshirish bo‘yicha tavsiyalar berish hamda ilmiy-amaliy tadqiqotlar olib borish, so‘rovnomalar o‘tkazishdan iborat.

Agentlik tarkibiga markaziy apparat va Milliy malaka tizimini rivojlantirish instituti kiradi.

Eslatib o‘tamiz...

Xpeng Motors kompaniyasi 15-sentabr kuni Avstriyaning Graz shahrida joylashgan Magna zavodida Xpeng G6 va G9 modellari ishlab chiqarilishi boshlanganini tasdiqladi. Bu haqda CarNewsChina xabar bermoqda.

Magna Steyr tomonidan boshqariladigan Graz zavodi Yevropaning mashhur kontrakt ishlab chiqarish markazlaridan biri hisoblanadi. Bu yerda ilgari Mercedes-Benz, BMW, Jaguar Land Rover va Toyota kabi yirik brendlarning modellari yig‘ilgan. Zavod murakkab ko‘p modelli ishlab chiqarish imkoniyatlari bilan mashhur bo‘lib, o‘zining fabrikasi bo‘lmagan avtomobil ishlab chiqaruvchilarga Yevropada ishlab chiqarishni mahalliylashtirish imkonini beradi.

Xpeng 2021-yilda Norvegiyadan Yevropa bozoriga kirgan va hozirda 46 dan ortiq mamlakat va mintaqada faoliyat yuritmoqda. 2025-yilning yanvar – iyul oylarida kompaniya...

Angliya Premyer-ligasi 4-turidan o‘rin olgan bahsda «Manchester Siti» o‘z maydonida «Manchester Yunayted»ni qabul qildi. Yakunda «shaharliklar» 2:0 hisobida ishonchli g‘alaba qozondi.

«Manchester Siti»ning o‘zbekistonlik himoyachisi Abduqodir Husanov uchrashuvni asosiy tarkibda boshlab, to‘liq maydonda harakat qildi. Statistikalarga ixtisoslashgan SofaScore nashri Abduqodirning o‘yinini 7,4 ballga loyiq ko‘rdi.

Bellashuvdan so‘ng «shaharliklar» bosh murabbiyi Pep Gvardiola Manchester derbisi haqida fikr bildirar ekan, Husanovning harakatlariga ham alohida to‘xtalib o‘tdi.

«11 oy davomida har uch kunda maydonga tushamiz. Husanov faqat o‘ng qanotda emas, boshqa pozitsiyalarda ham harakat qila oladi. Hech bir futbolchi bu jadvalga yolg‘iz bardosh bera olmaydi. Biz uchun barcha o‘yinchilar...

15-sentabrdan boshlab Toshkentdagi uchta avtobus yo‘nalishi o‘zining avvalgi marshrutlari bo‘yicha qatnovni tikladi. Bu haqda «Toshshahartransxizmat» AJ xabar berdi.

Unga ko‘ra, 42 (Chorsu – Kensoy posyolkasi), 43 (Yunusobod, 6-kvartal – Ftiziatriya instituti) va 109 (Chorsu metro bekati – Chuqursoy temiryo‘l stansiyasi) yo‘nalishlari oldingi yo‘nalishi bo‘yicha harakatni davom ettiradi.

Bu o‘zgarish Qorasaroy ko‘chasida, Zarqaynar va Nurafshon aylanma ko‘chalari oralig‘idagi (Hazrati Imom majmuasi hududi) rekonstruksiya ishlari yakunlangani sababli amalga oshirildi.

Endilikda mazkur avtobuslar ushbu ko‘cha orqali yana odatdagi tartibda harakatlanadi.

Avvalroq Kursiv Uzbekistan Lutfiy ko‘chasidagi qurilish sababli bir nechta avtobus yo‘nalishlari vaqtincha o‘zgarishi haqida yozgandi.

Bugun, 15-sentabrdan boshlab Ostonada kommunal korxonalar va davlat korxonalarining ish vaqti o‘zgartirildi. Bu haqda shahar hokimligi xabar berdi.

Mazkur o‘zgarishlar shahar ko‘chalaridagi tirbandlikni 15 – 20 foizga kamaytirishi kutilmoqda. Maktablar va tibbiyot muassasalari esa eski jadval asosida ishlashni davom ettiradi.

Faqat kommunal korxonalar ertalab soat 7:30 da ish boshlaydi, shahar hokimiyati ham xuddi shu vaqtda faoliyatini boshlaydi. Ayrim davlat organlari va yarim davlat kompaniyalari esa 7:30 – 8:00 oralig‘ida ishga kirishadi.

Shuningdek, taqiqlangan joylarda mashinalarni to‘xtatish va qo‘yib ketish qoidalariga rioya qilinishi yuzasidan nazorat kuchaytiriladi. Qoidabuzarlarning mashinalari jarima maydonchasiga olib ketiladi. Jamoat transporti uchun tezkor yo‘lak va yangi yo‘nalishlar...