Yangiliklar

Financial Times ma’lumotlariga ko‘ra, AQSh Venesuela prezidenti Nikolas Maduroni hibsga olishi tufayli dunyoda neft narxlari pasayib ketdi, dollar esa qimmatlamoqda.

5-yanvar kuni Brent markali neft fyucherslari 0,5 foizga pasayib, bir barrel uchun $60,44 ni tashkil etdi. Amerika WTI nefti esa 0,6 foizga pasayib, bir barrel uchun $56,97 ni tashkil etdi.

FT ta’kidlashicha, Venesuela dunyo neftining 1 foizdan kamrog‘ini ishlab chiqaradi va uning eksporti AQSh sanksiyalari va dengiz blokadasi bilan cheklangan. Biroq AQSh Energetika axborot boshqarmasi (EIA) ma’lumotlariga ko‘ra, mamlakat dunyodagi tasdiqlangan neft zaxiralarining taxminan 17 foiziga egalik qiladi, bu esa ta’minotning sezilarli darajada oshishiga imkon beradi.

Nashrning yozishicha...

Yevropada klassik «Jiguli»ning noyob nusxasi sotuvga chiqarildi. Speedme nashriga ko‘ra, gap 1981-yilda ishlab chiqarilgan VAZ-2101 haqida ketmoqda. Avtomobil uchun 3,2 ming yevro ($3,7 ming) so‘ralmoqda.

Mashina Germaniyaning Frankfurt-na-Oder shahrida topilgan. Sotuvchining aytishicha, avtomobil umrining katta qismini garajda o‘tkazgan va deyarli foydalanilmagan. Uning yurish masofasi atigi 4,8 ming kilometrni tashkil etadi. Suratlarda kuzov qizil rangda ekani, zang izlari yo‘qligi va avtomobil to‘liq soz holatda ekani ko‘rinadi.

VAZ-2101 65 ot kuchiga ega benzin dvigateli va mexanik uzatmalar qutisi bilan jihozlangan. Moy va generator almashtirilgan, korroziyaga qarshi ishlov berilgan. Texnik ko‘rik 2026-yil sentabrigacha amal qiladi.

Asosiy jihat shundaki, mashina xususiy shaxs...

Tijorat banklari 6-yanvar kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan yil davomida dollar qanday o‘zgargani haqida yozgan edi.  

Davlat tibbiy sug‘urtasi asosida bepul reja asosidagi statsionar tibbiy yordam joriy etish muddati yarim yilga ko‘chirildi. Bu haqda 2025-yil 30-dekabrda qabul qilingan prezident farmonida belgilandi.

Avvaliga fuqarolar 2026-yil 1-yanvardan boshlab davlat tibbiy sug‘urtasi mexanizmlari joriy etilgan tibbiyot muassasalarida elektron navbat asosida bepul reja asosidagi statsionar yordam olish huquqiga ega bo‘lishi rejalashtirilgan edi. Endilikda ushbu muddat 2026-yil 1-iyulga qoldirildi.

Bepul reja asosidagi statsionar tibbiy yordam olish huquqi quyidagi shaxslarga beriladi: jismoniy shaxslar daromad solig‘i yoki ijtimoiy soliq to‘lovchilari, Mehnat stajini hisoblash uchun belgilangan miqdordagi soliqlarni to‘lagan fuqarolar, shuningdek, voyaga yetmaganlar, o‘quvchilar va talabalar, homilador ayollar, ikki yoshgacha bo‘lgan bolalarni...

AQShning sobiq prezidenti Jo Bayden davlat hisobidan to‘lanadigan eng yirik pensiya oladigan prezident sifatida tarixga kirdi. Bu haqda New York Post nashri xabar berdi.

Milliy soliq to‘lovchilar uyushmasi jamg‘armasi tahliliga ko‘ra, Baydenning yillik pensiya daromadi $417 mingni tashkil etadi. Bu summa uning prezidentlik davrida olgan $400 minglik yillik maoshidan ham yuqori.

Mutaxassis Demyan Bredining ta’kidlashicha, bunday yuqori pensiya Baydenning AQSh siyosatida o‘nlab yillar davom etgan faoliyati bilan bog‘liq. U senator, vitse-prezident va prezident sifatida ishlagan kam sonli siyosatchilardan biri bo‘lib, bir vaqtning o‘zida ikki davlat pensiya tizimidan foydalana oladi.

Xususan, Bayden 1958-yilda qabul qilingan «Sobiq prezidentlar to‘g‘risida»gi qonun asosida...

Samsung kompaniyasining qo‘shma bosh direktori TM Roh global xotira tanqisligi yangi bosqichga chiqqanini va bu deyarli barcha iste’mol elektronikasiga ta’sir etishini ma’lum qildi.

Uning aytishicha, muammo faqat smartfonlar bilan cheklanmaydi, balki barcha Samsung qurilmalari: muzlatkichlar va boshqa maishiy texnika segmentlarini ham qamrab oladi.

Top-menejer bozor hozir misli ko‘rilmagan holatda ekanini ta’kidladi. Unga ko‘ra, bunday vaziyatda hech bir kompaniya o‘zini xavfsiz his qila olmaydi. Xotira inqirozi mobil qurilmalar bilan birga keng turdagi iste’mol elektronikasiga bosim o‘tkazmoqda. TM Roh mahsulotlar narxining oshishi deyarli muqarrar ekanini tan oldi, biroq Samsung xaridorlar uchun oqibatlarni imkon qadar yumshatishga harakat qilishini bildirdi.

Bozorda xotira chiplariga...

General Motors (GM) Michigan shtatidagi Flint Assembly zavodida ishlab chiqarish to‘xtatilishini 26-yanvar 2026-yilgacha uzaytirdi. Kompaniya og‘ir pikaplar ishlab chiqarishini sekinlashtirmoqda.

GM bayonotida to‘xtash sababi sifatida rejalashtirilgan texnik xizmat va loyiha ishlari ko‘rsatilgan. Ishlarning aniq ko‘lami va yakuniy maqsadi ochiqlanmagan. Mazkur pauza ilk bor 24-dekabr 2025-yilda, bayramlar arafasida boshlangan edi.

Zavoddagi tanaffus hudud iqtisodiyotiga sezilarli ta’sir ko‘rsatmoqda. Flint Assembly maydonchasida qariyb 5 ming nafar UAW a’zosi faoliyat yuritadi. Hatto vaqtinchalik to‘xtash ham kichik biznes va xizmatlar sohasida daromadlar kamayishiga olib kelmoqda. Kasaba uyushmalari manbalariga ko‘ra, xodimlar to‘xtash davrida kompensatsiya va ijtimoiy imtiyozlarni saqlab qoladi.

Rasmiy ravishda tanaffus aynan...

Vivo kompaniyasi tomonidan Vivo Y50s va Vivo Y50e smartfonlari rasman taqdim etildi. Bu haqda Gizmochina xabar bermoqda.

Ta’kidlanishicha, qurilmalar faqat xotira turi va zaryadlash tezligida farq qiladi. Har ikki smartfon 6,74 dyuymli IPS displey bilan jihozlangan. Ekran HD+ aniqlikka ega va 90 Hz yangilanish chastotasini qo‘llab-quvvatlaydi. Protsessor sifatida MediaTek Dimensity 6300 chipi tanlangan. Batareya sig‘imi 6000 mA/soatni tashkil qiladi.

Kamera qismi soddaroq yechimga ega. Asosiy kamera 13 megapiksel, old kamera esa 5 megapiksel. Qurilmalar IP64 darajasidagi chang va suv sachrashidan himoyaga ega. Smartfonlar Android 15 asosida ishlaydi va OriginOS 5 interfeysi bilan taqdim etiladi. Shuningdek, 3,5 mm naushnik razyomi...

Las-Vegasdagi CES 2026 ko‘rgazmasida RayNeo kompaniyasi yangi AR-ko‘zoynak X3 Pro Project eSIM konseptini namoyish etdi. Bu haqda Digitaltrends nashri ma’lum qildi.

Yangi ko‘zoynak ichki eSIM moduli va 4G tarmog‘ini qo‘llab-quvvatlaydi, bu esa uni smartfonga ulanmasdan asosiy tarmoq funksiyalarini bajarishga imkon beradi. Qurilma displey, kamera va mobil aloqani birlashtirgan bo‘lib, yugurish, sayohat yoki boshqa faoliyatlar davomida qo‘ng‘iroq qilish va ma’lumotlarga kirish imkoniyatiga ega.

Ko‘plab aqlli ko‘zoynaklar tarmoqqa ulanish uchun telefon orqali ishlaydi, hatto qurilmada AR texnologiyasi mavjud bo‘lsa ham. RayNeo esa ulanishni to‘g‘ridan-to‘g‘ri ko‘zoynak ichiga ko‘chirdi. Doimiy tarmoqqa ulanish foydalanuvchilarga musiqani onlayn tinglash, foto va videolarni bulut orqali sinxronlashtirish...

Venesuelaning hibsga olingan prezidenti Nikolas Maduro AQShda giyohvandlik moddalari bilan bog‘liq ayblovlar bo‘yicha sudda ishtirok etdi. Bu haqda Reuters agentligi ma’lum qildi.

Unga ko‘ra, Manxettendagi federal sudda bo‘lib o‘tgan majlisda 63 yoshli Maduro tarjimon orqali ayblovlarni rad etdi. Uning rafiqasi Siliya Flores ham ayblovlarni inkor qildi. Keyingi sud majlisi 17-martga belgilandi.

«Men aybsizman. Men jinoyatchi emasman. Men halol odamman va hanuz mamlakatimning prezidenti bo‘lib qolaman”, – dedi Maduro sud majlisida.

Sudda Maduro xalqaro narkokartellar bilan bog‘liq kokain kontrabandasini boshqarganlikda ayblandi. Unga nisbatan narkoterrorizm, kokain importi bo‘yicha fitna hamda qurol va portlovchi qurilmalarni saqlash...

Surxondaryo viloyatining Boysun tumanidagi ko‘p asrlik tarix va boy madaniy merosga ega Sayrob mahallasiga rasman «Turizm qishlog‘i» maqomi berildi. Bu haqda «Dunyo» axborot agentligi xabar berdi.

Sayrob mahallasi betakror tabiati, milliy urf-odatlari, an’anaviy me’morchiligi hamda boy madaniy merosi bilan mahalliy va xorijiy sayyohlar uchun jozibador hudud hisoblanadi.

Sertifikat topshirish marosimida ta’kidlanganidek, ushbu tashabbus Sayrob mahallasining turizm salohiyatini to‘liq ro‘yobga chiqarish hamda uni mamlakat turizm xaritasida yanada mashhur maskanga aylantirishga qaratilgan.

Eslatib o‘tamiz, avvalroq Omonxona qishlog‘i BMT Turizm tashkilotining turizm qishloqlarini rivojlantirish dasturiga kiritilgan edi.

Toshkent va Farg‘ona vodiysida o‘tkazilgan tezkor tadbirlar davomida Tojikiston Respublikasidan kontrabanda yo‘li bilan olib kirilgan jami 32 kilogrammga yaqin giyohvandlik moddasi musodara qilindi. Bu haqda DXX matbuot xizmati ma’lum qildi.

Unga ko‘ra, Tojikistondan giyohvandlik vositalari kontrabandasi olib kirish va sotish bilan shug‘ullanib kelgan, 1984-yilda tug‘ilgan fuqaroning Qo‘qon shahridagi yashash xonadoni ko‘zdan kechirildi. Natijada 4 kg 572 gramm opiy hamda 1 kg 58 gramm gashish moddasi aniqlanib, protsessual tartibda rasmiylashtirib olindi. Shuningdek, unga tojikistonlik giyohfurushlar tomonidan «WhatsApp» messenjeri orqali yuborilgan geolokatsiya asosida Dang‘ara tumani hududiga oldindan yashirib ketilgan 9 kg 980 gramm opiy moddasi ham topildi.

Bundan tashqari, giyohvandlik...

6-yanvar sanasi fan-texnika inqiloblari, geologik kashfiyotlar va madaniyat olamidagi yorqin voqealar bilan tarixda qolgan. Kursiv Uzbekistan kunning eng muhim voqealarini xronologik tartibda taqdim etadi.

1412-yili Fransiyaning Domremi qishlog‘ida milliy qahramon Janna d’Ark dunyoga keldi. U Yuz yillik urush davrida fransuz qo‘shinlariga ruh bag‘ishlab, ingliz bosqinchilariga qarshi kurashda muhim g‘alabalarga erishgan. 19 yoshida inkvizitsiya tomonidan gulxanda yoqib yuborilgan bo‘lsa-da, keyinchalik oqlanib, avliyolar safiga kiritilgan.

1838-yilda amerikalik ixtirochi Samuel Morze Nyu-Jersi shtatida o‘zining telegraf tizimini ilk bor ommaga namoyish etdi. Ushbu ixtiro masofadan turib tezkor axborot almashish imkonini yaratib, global kommunikatsiya sohasida haqiqiy inqilobni boshlab berdi. Morze alifbosi uzoq yillar...

AQSh prezidenti Donald Tramp Venesuela muxolifat siyosatchisi Mariya Korina Machadoni mamlakatning yangi prezidenti lavozimiga nomzod sifatida qo‘llab-quvvatlamadi. Bu haqda Interfaks ma’lum qildi.

Unga ko‘ra, Trampning bunday qarori Machadoning Nobel tinchlik mukofotini qabul qilgani bilan bog‘liq. Mukofotni Trampning o‘zi olishni istagan bo‘lsa-da, Machado uni qabul qilgan va hatto Trampga bag‘ishlashini aytgan. Agar u mukofotni rad etganida, bugun u Venesuelaning prezidenti bo‘lishi mumkin edi, deya yozmoqda OAV.

“Machadoning lider bo‘lishi qiyin, chunki unda ichki qo‘llab-quvvatlash yo‘q. U juda yoqimli ayol, lekin uni hurmat qilishmaydi», – deydi Tramp.

Ma’lumot uchun, 2025-yilda Machado Venesuela xalqi uchun...

2026-yilda sayohat uchun eng arzon uchta davlat aniqlandi, Xorazmda Cobalt poyezd bilan to‘qnashdi — 5-yanvarda yuz bergan muhim hodisalar Kursiv Uzbekistan dayjestida.

Yuqori xavfli elektron hisobvaraq-fakturalar ulushi 10 foizdan oshmasligi belgilandi

Hukumat qarori bilan elektron hisobvaraq-fakturalarning (EHF) xavf darajasini aniqlash hamda ularda aks ettirilgan operatsiyalar bo‘yicha qo‘shilgan qiymat solig‘ini to‘lash tartibini belgilovchi nizom tasdiqlandi. Bu haqda Adliya vazirligi ma’lum qildi.

Mazkur nizom EHFlarni tovarlar (xizmatlar) yagona yetkazib berish zanjiri doirasida xavf darajasi bo‘yicha baholash, ularni tegishli toifalarga ajratish, shuningdek, xavf darajasiga qarab EHFlar bo‘yicha QQSni to‘lash va hisobga olish tartibini belgilaydi.

Sirdaryo, Jizzax va Qoraqalpog‘iston qurilish ishlari...

Parij sudi Fransiya prezidenti Emmanuel Makronning rafiqasi, mamlakatning birinchi xonimi Brijit Makronni o‘z jinsini yashirganlikda ayblagan 10 kishini jazoga tortdi. Bu haqda Reuters agentligi ma’lum qildi.

Sud qaroriga ko‘ra, sakkiz erkak va ikki ayol Brijit Makronning jinsi va shaxsiyati haqida salbiy izohlar yozgan va uning eri bilan yosh farqini hatto pedofiliyaga qiyoslagan. Jinoyatchilardan biri olti oyga qamoq jazosi, boshqalarga sakkiz oygacha shartli jazo oldi. Shuningdek, jarimalar, majburiy kiber-ta’qib kurslari va besh kishiga ijtimoiy tarmoqlardan foydalanish taqiqi qo‘yildi.

Ma’lumot uchun, Brijit Makron va Emmanuel Makron uzoq yillardan beri bu kabi yolg‘on va haqoratli da’volarga duch kelmoqda. Ularning 24 yosh...

Honor kompaniyasi yangi Power 2 smartfonini taqdim etdi. Qurilma tarixda birinchi bo‘lib 10 000 mAh’dan ortiq quvvatga ega akkumulyator bilan jihozlandi.

Kompaniya ma’lumotlariga ko‘ra, smartfonning uzluksiz ishlash muddati 20 soatdan ortadi. Video ko‘rishda bu ko‘rsatkich 26 soatdan oshadi, navigatsiya uchun 17 soat, o‘yinlarda esa 14 soat ishlash imkonini beradi.

Quvvatlash tizimi 80 Vt quvvatga ega bo‘lib, 27 Vt teskari zaryadlash funksiyasi mavjud. Yangi model 8 mm qalinlikdagi korpus va 216 g vaznga ega, bu katta batareyaga qaramay qulay foydalanish imkonini yaratadi.

Smartfon Dimensity 8500 Elite platformasiga asoslangan va ushbu chipda birinchi bo‘ldi. Qurilmada 12 GB RAM va...

Venesuelaning sobiq prezidenti Nikolas Maduro AQShda giyohvandlik moddalari bilan bog‘liq ayblovlar asosida sud oldiga olib kelindi. Bu haqda Reuters agentligi ma’lum qildi.

Maduro va uning rafiqasi Siliya Flores 5-yanvar kuni Bruklindagi qamoqxonadan Manxetten federal sudiga olib borildi. Ular narkoterrorizm, giyohvandlik moddalari savdosi, fitna va pul yuvish bilan bog‘liq federal ayblovlar bo‘yicha dastlabki sud eshituviga tortildi.

AQSh Maxsus kuchlari hafta oxirida Karakasda o‘tkazilgan operatsiya davomida Maduroni qo‘lga oldi. Bu AQShning Lotin Amerikasidagi 1989-yildagi Panama amaliyotidan beri eng yirik harbiy aralashuvi sifatida baholanmoqda.

AQSh rasmiylariga ko‘ra, 63 yoshli Maduro kokain kontrabandasi tarmog‘ini boshqargan va Meksikaning Sinaloa va Zetas...

2025-yilning uchinchi choragida O‘zbekistonda aholining iste’mol kayfiyati ijobiy tendensiyalarni saqlab qoldi va umumiy barqarorlik davom etdi. Bu haqda Markaziy bank sharhi e’lon qilindi.

Bu holat, avvalo, daromadlar oshishi bo‘yicha kutilmalarning yaxshilanishi, xarajatlar rejalari barqarorligi, jamg‘arishga bo‘lgan moyillikning kuchayishi hamda kreditga bo‘lgan talabning biroz pasayishi bilan tavsiflanmoqda.

So‘rov natijalariga ko‘ra, respondentlarning 67 foizi kelgusi 12 oy ichida daromadlari oshishini kutmoqda. Bu ko‘rsatkich o‘tgan chorakka nisbatan 1,5 foiz bandga yuqori. Daromadlar o‘sishiga bo‘lgan ishonch asosan 3 – 5 mln so‘m, 7 – 10 mln so‘m hamda 20 mln so‘mdan yuqori daromadga ega aholi qatlamlari orasida kuchliroq shakllangan.

Ishtirokchilarning aksariyati 62 foizi...

«Hayvonlar shahri-2» filmi $1,49 mlrd bilan Walt Disney Animation tarixidagi eng yuqori daromad keltirgan filmga aylandi. Bu natija 2019-yilda $1,45 mlrd bilan rekord o‘rnatgan «Muzyurak-2» filmidan oshib ketdi.

«Hayvonlar shahri-2» filmidan AQShda $333 mln, xorijiy bozorda esa $1,13 mlrd daromad tushdi. Rojdestvo bayramlari haftasida, chiqarilganining beshinchi haftasida, film kinokassaga qo‘shimcha $87,9 mln kiritdi.

Film atigi 17 kunda $1 mlrd darajasiga yetib, tarixda eng tez PG-reytingli filmga aylandi. Ayniqsa, Xitoy bozori film uchun katta muvaffaqiyat manbai bo‘ldi; u yerda film allaqachon $500 mlndan oshiq daromadga erishdi. Bu AQSh filmlari orasida eng yuqori natija hisoblanadi.

Joriy yilda global kinokassada...

Hukumat tomonidan elektr energetikasi tizimida yuzaga keladigan texnologik buzilishlarni tekshirish va hisobga olish tartibi belgilandi. Bu haqda Adliya vazirligi ma’lum qildi.

Nizomga muvofiq, elektr qurilmalarining ekspluatatsiyasi davrida, shuningdek, rejali ta’mirlash, profilaktika ko‘rigi va sinovlar jarayonida aniqlangan shikastlanish holatlari tekshiruvdan o‘tkaziladi.

Shuningdek, elektr qurilmalari va ularning elementlari ishdan chiqishiga olib kelgan yoki texnik (texnologik) holat parametrlarining ruxsat etilmagan darajada chetga chiqishi bilan bog‘liq holatlar ham hisobga olinadi. Iste’molchilarga elektr energiyasini qisman yoki to‘liq, rejalashtirilmagan tarzda yetkazib berishning to‘xtatilishi ham texnologik buzilish sifatida baholanadi.

Texnologik buzilishlar ularning xususiyati va oqibatining og‘irligiga qarab avariyalar hamda I va II darajadagi ishdan...

O‘zbekiston milliy terma jamoasi va «Paxtakor» klubi hujumchisi Igor Sergeyev faoliyatini Eronning «Persepolis» klubida davom ettiradi. Tehron klubi ushbu transferni Instagram’dagi jonli efir orqali rasman e’lon qildi.

Futbolchi tibbiy ko‘rikdan muvaffaqiyatli o‘tib, yangi jamoasi bilan 1,5 yillik bitimga imzo chekkan. Sergeyev Aleksandr Lobanov, Sherzod Temirov va Oston O‘runovdan keyin «qizillar» safiga qo‘shilgan to‘rtinchi o‘zbekistonlik futbolchiga aylandi.

Hujumchi avvalroq Tailandning «Pathum United» jamoasidan «Paxtakor»ga qaytgan va shundan so‘ng o‘tkazilgan 38 ta uchrashuvda raqiblar darvozasini 25 marta ishg‘ol qilgan. Manbalarga ko‘ra, Igor Sergeyev shartnomada ko‘rsatilgan muddat davomida $1,5 mln ishlab topadi.

Avvalroq Kursiv Uzbekistn Igor Sergeyev faoliyatini Rossiyada davom ettirishi mumkinligi...

Bloomberg ma’lumotlariga ko‘ra, dunyoning eng boy 500 kishisi 2025-yilga kelib o‘z boyliklarini rekord darajada $2,2 trillionga ko‘paytirdi.

Bu aksiyalardan tortib kriptovalyutalar va qimmatbaho metallargacha bo‘lgan bozorlarda kuchli o‘sish bilan bog‘liq. Agentlikning yozishicha, ularning umumiy kapitali $11,9 trillionga yetgan.

Oshgan summaning chorak qismi atigi sakkiz kishiga, jumladan, Amerikaning Oracle (ORCL) kompaniyasining asoschilaridan biri va eng yirik aksiyadori Larri Ellison, Tesla rahbari Ilon Mask, Google asoschilaridan biri Larri Peyj va Amazon asoschisi Jeff Bezosga tegishli. Biroq ta’kidlanishicha, ularning hissasi o‘tgan yilga nisbatan kamroq bo‘lgan, o‘shanda o‘sha sakkiz milliarder umumiy foydaning 43 foizini olgandi.

Yil oxiridagi eng muvaffaqiyatli milliarderlar Ellison (sof...

2026-yil 1-yanvardan boshlab Gruziyaga kiruvchi barcha xorijiy fuqarolar mamlakatda bo‘lishning butun davri uchun amaldagi tibbiy sug‘urtaga ega bo‘lishi shart. Uzbekistan Airways Gruziya hukumati chet el fuqarolari uchun yangi talab joriy etganini eslatdi.

Tibbiy sug‘urta bo‘lmagan taqdirda 300 lari miqdorida jarima belgilanadi. Bu taxminan 1,3 mln so‘mga teng. Shuningdek, majburiy tibbiy sug‘urta ingliz yoki gruzin tilida rasmiylashtirilgan bo‘lishi kerak. Sug‘urta muddati Gruziyada bo‘lishning butun davrini qamrab olishi shart.

Minimal qamrov talablari quyidagicha belgilangan. Shoshilinch ambulatoriya xizmatlari kamida $5 ming miqdorida bo‘lishi lozim. Statsionar davolanish, jumladan, baxtsiz hodisalar, jarohatlar, kasalliklar, evakuatsiya va repatriatsiya uchun qamrov kamida $30 mingni tashkil etishi...