Yangiliklar

Metrologiya yo‘nalishidagi talabalar uchun maxsus stipendiya joriy etiladi. Prezident farmoni bilan metrologiya sohasini xalqaro talablar bilan uyg‘unlashtirish maqsadida 2027-yil 1-yanvardan boshlab bir qator o‘zgarishlar amalga oshiriladi.

Endilikda o‘lchash vositalarini qiyoslash amaliyotidan voz kechilib, qonunlashtiruvchi metrologiya doirasida verifikatsiya tizimi joriy etiladi. Sanoatda qo‘llanilayotgan va mahsulot sifatiga bevosita ta’sir qiladigan o‘lchash vositalari kalibrlashga o‘tkaziladi. Shuningdek, standart namunalarni attestatsiyadan o‘tkazish tartibi bekor qilinadi.

Xalqaro tarozi va o‘lchashlar byurosi bazasida tan olingan kalibrlash imkoniyatlariga ega laboratoriyalar ayrim yo‘nalishlar bo‘yicha akkreditatsiyadan ozod etiladi.

2026/2027 o‘quv yilidan boshlab standartlashtirish, metrologiya va muvofiqlikni baholash yo‘nalishlarida tahsil olayotgan talabalar uchun «Maxsus stipendiya» ta’sis qilinadi.

Shuningdek, rivojlangan davlatlar...

O‘zbekistonda Xalqaro tarozi va o‘lchovlar byurosi e’tirof etgan kalibrlash imkoniyatlari 2,5 barobarga oshiriladi. Bu haqda 16-fevral kuni e’lon qilingan prezident farmonida keltirilgan. Xalqaro darajada tan olingan akkreditatsiya xizmatlari ulushini kamida 80 foizga yetkazish rejalashtirilgan.

Unga ko‘ra, O‘zbekistonning barqaror rivojlanish uchun sifat infratuzilmasi indeksidagi o‘rnini kamida 20 pog‘onaga yaxshilash maqsadi qo‘yilgan.

Tuzilmaviy o‘zgarishlar ham ko‘zda tutilgan. O‘zbekiston texnik jihatdan tartibga solish agentligi tizimidagi O‘zbekiston akkreditatsiya markazi Vazirlar Mahkamasi bo‘ysunuviga o‘tkaziladi. O‘zbekiston ilmiy-sinov va sifat nazorati markazi faoliyati tugatiladi, uning tarkibidagi muvofiqlikni baholash organlari bekor qilinadi.

Shu bilan birga, O‘zbekiston standartlar instituti ilmiy-sinov va sifat nazorati markazini o‘z tarkibiga qo‘shib...

Florida shtati Vakillar palatasi 17-fevral kuni Palm Beach xalqaro aeroportini prezident Donald Tramp sharafiga qayta nomlash to‘g‘risidagi qonun loyihasini qabul qildi. Palatada o‘tgan ovoz berish jarayonida 81 nafar deputat taklifni qo‘llab-quvvatlagan, 30 nafari esa qarshi chiqqan.

Qonun loyihasi qizg‘in bahs-munozaralar fonida qabul qilindi. Respublikachilar Trampni Floridadan chiqqan birinchi prezident sifatida e’tirof etish zarurligini ta’kidlagan bo‘lsa, demokratlar uning siyosiy merosi, jumladan, impichmentlar va sud hukmlarini ro‘kach qilib, qarshilik ko‘rsatishdi.

«Bu odam sharafiga aeroport nomini berishga urinayotganimiz aqlga sig‘maydi, tushunyapsizmi?», – deya qayd etgan demokrat vakil Eshli Gantt.

Palm Beach okrugi aeroportlar departamenti ma’lumotlariga ko‘ra, nomni...

Apple kompaniyasi yaqin oylar ichida o‘zining yangi aqlli ko‘zoynaklarini ishlab chiqarishni boshlaydi. Bu haqda Bloomberg jurnalisti Mark Gurman ma’lum qildi.

Kompaniya qurilmani 2026-yil dekabr oyida ommaviy ishlab chiqarishga tushirishni rejalashtirmoqda. Rasmiy taqdimot va savdolar esa 2027-yilda boshlanishi kutilmoqda.

Ekransiz, lekin kuchli kamera bilan

Yangi ko‘zoynakda displey bo‘lmaydi. Biroq u yuqori aniqlikdagi kamera bilan jihozlanadi va foto hamda video tasvirga olish imkonini beradi. Interfeys dinamiklar, mikrofonlar va kameralar orqali ishlaydi.

Foydalanuvchilar quyidagi imkoniyatlarga ega bo‘ladi:

Ikki kamera va sun’iy intellekt

Ko‘zoynak ikkita...

Toshkent shahrining Shayxontohur tumanidagi turarjoy binosida 16-fevral kuni kechki payt kuchli yong‘in sodir bo‘ldi. Oqibatda ona va uning ikki voyaga yetmagan farzandi halok bo‘ldi, yana 1 kishi jarohat oldi.

Yong‘in haqida xabar 16-fevral kuni soat 20:51 da Toshkent shahar Favqulodda vaziyatlar bosh boshqarmasiga kelib tushgan. Yong‘in-qutqaruv brigadalari soat 21:38 da olovni o‘chirdi. Bino ichida 3 fuqaro jasadi topildi. Shuningdek, 1 kishi tez tibbiy yordam xodimlariga topshirilgan.

Guvohlarning aytishicha, yong‘in juda kuchli bo‘lganligi sababli, qo‘shni tomon devorini buzib kirishga majbur bo‘lganlar, lekin ichkariga kirganlarida juda kech bo‘lgan. Halok bo‘lgan ona farzandlarini yong‘indan himoya qilish maqsadida ularni bag‘riga bosgan holatda...

General Motors (GM) kompaniyasi AQShda yangi avtomobilini taqdim etdi. Bu haqda GM Authority nashri xabar bermoqda. Model Chevrolet Corvette Z06 Stars & Steel deb nomalandi.

Yangi talqin faqat yuqori 3LZ komplektatsiyasida taklif qilinadi. U kupe va kabriolet kuzovida mavjud. Har bir avtomobil 001 dan 250 gacha individual raqam oladi. Narxi $9,9 ming qilib belgilangan. Kabriolet versiyasi uchun qo‘shimcha $1 ming talab etiladi. Shu bois jami ustama $11 mingga yetadi.

Model Arctic White yoki Black ranglarida tanlanadi. Har ikki variantda AQSh bayrog‘idan ilhomlangan maxsus grafika bor. Oqartirilgan kuzov Santorini Blue salon bilan uyg‘unlashadi. Qora rang esa Adrenaline Red salon bilan...

O‘zbekiston va Afg‘oniston tadbirkorlari Mozori-Sharifda $205 millionlik kelishuvlarga erishdi. Bu haqda Savdo-sanoat palatasi xabar berdi. Mozori-Sharif shahrida bo‘lib o‘tgan uchrashuvda Afg‘onistondan 150 nafar tadbirkor, O‘zbekistondan esa 50 dan ortiq kompaniyalar vakillari qatnashdi.

Muloqotlar oziq-ovqat sanoati, qurilish materiallari, farmatsevtika, to‘qimachilik va qishloq xo‘jaligi yo‘nalishlarida o‘tkazildi.

Qayd etilishicha, 2025-yilda Kobul va Mozori-Sharifda o‘tgan biznes tadbirlarida qariyb 400 ta o‘zbek kompaniyalari ishtirok etgan. Ushbu uchrashuvlar natijasida umumiy qiymati $250 mlndan ziyod shartnomalar imzolangan.

Hozirda Afg‘oniston bozorida O‘zbekiston Savdo uylari faoliyat yuritmoqda. Kobuldagi savdo uyi shourum va omborxonaga ega bo‘lib, qurilish materiallari va oziq-ovqat mahsulotlarini taklif etmoqda. Mozori-Sharifdagi savdo uyi esa qurilish materiallari...

AQShda Hyundai va Kia’ning bir qator elektromobillarida ICCU bloki bilan bog‘liq muammo aniqlandi. Bu haqda «Tarantas News» ma’lum qildi. ICCU 12 voltli batareyani zaryadlash uchun javob beradi.

Consumer Reports ma’lumotiga ko‘ra, muammo eng ko‘p Hyundai Ioniq 5 modelida kuzatilgan. Shuningdek, Hyundai Ioniq 6, Hyundai Ioniq 9, Kia EV6, Kia EV9 va Genesis GV60 avtomobillarida ham shunga o‘xshash holatlar qayd etilgan.

So‘rov natijalariga ko‘ra, Hyundai va Kia elektromobillari egalari orasida 2 foizdan 10 foizgacha foydalanuvchi ICCU bilan bog‘liq nosozlikka duch kelgan. 2023 – 2025-yillardagi boshqa elektromobillarda bu ko‘rsatkich 1 foiz yoki undan kam.

Nosozlik paytida panelda ogohlantiruvchi yozuv paydo bo‘ladi...

16-fevral holatiga ko‘ra, tijorat banklarida amal qilayotgan mikroqarz va avtokreditlarning so‘nggi 10 ish kuni bo‘yicha foiz stavkalari e’lon qilindi. Bu haqda Markaziy bank xabar berdi.

Mazkur davrda mamlakatdagi tijorat banklari tomonidan taqdim etilayotgan avtokreditlar bo‘yicha o‘rtacha foiz stavkasi 23 foizni tashkil qildi. Shundan jismoniy shaxslarga ajratilayotgan kreditlarning (mikroqarzlardan tashqari) o‘rtacha foiz stavkasi 22,4 foizni, yuridik shaxslar ulushi esa 22,7 foizni ko‘rsatmoqda.

Bunda eng past avtokredit stavkalari quyidagi banklarda kuzatilmoqda:

Eng yuqori avtokredit stavkasi:

Fiat o‘zining kichik elektr kvadritsikli – Fiat Topolino modelini yangiladi. Bu haqda Bike-ev nashri xabar berdi.

2026-yilgi talqinda avtomobil yangi Corallo (to‘q sariq-qizil) rangda taqdim etildi hamda 5,7 dyuymli kattaroq raqamli displeyga ega bo‘ldi. .

Mikro-EV segmentidagi o‘rni

Topolino ilk bor 2023-yilda taqdim etilgan bo‘lib, u aslida Citroen Ami modelining Fiat uslubidagi versiyasi hisoblanadi. Model Yevropada L6e toifasiga kiradi – bu esa maksimal tezlikni 45 km/soat bilan cheklaydi va ayrim mamlakatlarda soddalashtirilgan haydovchilik guvohnomasi bilan boshqarish imkonini beradi.

2025-yilga kelib, Topolino Yevropadagi kvadritsikllar segmentida qariyb 20 foiz ulushni egalladi. 2026-yil fevralidagi yangilanish bilan ranglar tanlovi kengaydi: avvalgi Verde...

Kia kompaniyasining eng kichik va arzon elektromobili EV2 Norvegiyaning sovuq ob-havosida qishki sinovdan o‘tkazildi. Bu haqda ArenaEv ma’lum qildi.

Sinov sharoiti

Sinov Norwegian Automotive Federation tomonidan tashkil etildi. Bu yil havo harorati -31°C gacha tushdi. Kia EV2 prototipi boshqa avtomobillar to‘xtab qolgan joyda ham harakatni davom ettira oldi.

Texnik xususiyatlar

Test uchun ishlatilgan avtomobil uzoq masofa prototipi bo‘lib, 61 kVt/soatli batareya va 19 dyuymli g‘ildiraklar bilan jihozlangan. Normal sharoitda, bu versiya bitta zaryad bilan taxminan 413 km yo‘l bosa oladi. Norvegiyaning sovuq havosida esa avtomobil 310,6 km yo‘l bosdi, ya’ni umumiy diapazonning atigi 24,8% yo‘qotdi.

Moskvada Lada Riva Estate («Jiguli» oilasiga kiradi) universal avtomobili sotuvga qo‘yildi. Auto.ru nashriga ko‘ra, ushbu model Buyuk Britaniya bozori uchun ishlab chiqarilgan va rul o‘ng tomonda joylashgan.

Avtomobil 38 yoshda bo‘lgani sababli uni kolleksionerlar uchun noyob nusxa deb baholash mumkin. Riva Estate aslida VAZ-2104 ning eksport varianti hisoblanadi. Texnik jihatdan u standart: 1,5 litrli, 72 ot kuchiga ega dvigatel va mexanik uzatmalar qutisi bilan jihozlangan.

Hozirda avtomobil Yaponiyaning Hayashi Techno Racing disklariga o‘rnatilgan. Sotuvchining aytishicha, mashina asosan sobiq SSSR davridagi yangi ehtiyot qismlar bilan qayta yig‘ilgan. Zamonaviy detallardan foydalanilgan bo‘lsa-da, ularning ulushi juda kam.

Avtomobil uchun $8,5 ming...

Toshkent xalqaro aeroportida kuzatilgan kuchli tuman sababli bir qator xalqaro reyslar Navoiy va Samarqand shaharlaridagi muqobil aerodromlarga yo‘nalishini o‘zgartirdi. Soat 9:52 da barcha cheklovlar bekor qilinib, aeroport odatiy ish tartibiga qaytdi.

Noqulay ob-havo sharoiti, xususan, ko‘rinish darajasining pasayishi bir necha aviakompaniya ekipajlarini zaxira aerodromlariga o‘tish haqida qaror qabul qilishga majbur etdi. Xususan, Centrum Air aviakompaniyasining Sankt-Peterburgdan uchib kelayotgan C6422 reysi Navoiy aeroportiga yo‘naltirildi.

Shuningdek, yana uchta reys Samarqanddagi muqobil aerodromga yo‘nalish oldi. Ular qatorida Turkish Airlines kompaniyasining Istanbuldan kelayotgan THY368 reysi hamda Centrum Air aviakompaniyasining Jidda (C6322) va Guanchjou (C6512) shaharlaridan Toshkentga qaytayotgan samolyotlari bor.

So‘nggi ma’lumotlariga ko‘ra, soat...

Xitoy aholisi Bahor bayramini, ya’ni Xitoy Yangi yilini nishonladi. 2026-yilda bayram 17-fevral kuni boshlandi va Qizil olovli ot yili kirib keldi. Kursiv Media’ga ko‘ra, ushbu yil 2027-yil 5-fevralgacha davom etadi.

Fevral o‘rtalaridan boshlab mamlakat bo‘ylab bayramona muhit hukm surmoqda. Ko‘chalar qizil bezaklar, fonuslar va yil ramzi bo‘lgan ot tasvirlari bilan bezatildi. Pekindagi mashhur Vanfutszin ko‘chasida bayram bannerlari o‘rnatildi.

Bahor bayrami Xitoyda eng katta oilaviy bayram hisoblanadi. Shu kunlarda mamlakatda yilning eng yirik ichki migratsiyasi kuzatiladi. Taxminan 9,5 mlrd safar amalga oshirilishi kutilmoqda. Bu davr «chunyun» deb ataladi. Temiryo‘l vokzallari va aeroportlarda odamlar oqimi keskin ortadi.

Bayram davomida oilaviy...

Shavkat Mirziyoyev rafiqasi hamrohligida amaliy tashrif bilan Amerika Qo‘shma Shtatlariga yetib keldi. Bu haqda prezident matbuot xizmati xabar berdi.

Davlat rahbari Vashington yaqinidagi Endryus aviabazasida tantanali ravishda kutib olindi. Aeroportda prezidentni AQSh – O‘zbekiston savdo palatasi raisi Kerolin Lemm, Missisipi shtati Milliy gvardiyasi birlashgan shtabi qo‘mondoni Djeyms Xenkins hamda boshqa rasmiy shaxslar qarshi oldi.

Vashingtonda ajratilgan qarorgohda esa AQSh prezidentining maxsus vakili Paolo Zampolli bilan uchrashuv bo‘lib o‘tdi.

Tashrif dasturiga ko‘ra, O‘zbekiston prezidenti Tinchlik kengashining birinchi sammitida ishtirok etadi, shuningdek, bir qator yuqori darajadagi ishbilarmonlik uchrashuvlari va muzokaralar o‘tkazilishi rejalashtirilgan.

Avvalroq Kursiv Uzbekistan prezident amaliy tashrif bilan AQShga borishi...

O‘zbekistonda dori vositalarini davlat ro‘yxatidan o‘tkazish hujjatlariga qo‘yiladigan talablar bo‘yicha yo‘riqnoma belgilanadi. Hujjat Sog‘liqni saqlash vazirligi tomonidan muhokamaga qo‘yilgan.

Loyihaga ko‘ra, arizada ariza beruvchi va ishlab chiqaruvchi yuridik shaxs haqida to‘liq ma’lumot bo‘lishi kerak. Kompaniya nomi, tashkiliy huquqiy shakli, manzili, aloqa raqamlari, rahbari va mas’ul shaxslar haqidagi ma’lumotlar kiritiladi. Ishlab chiqarish maydonlari bir nechta bo‘lsa, har birining manzili va faoliyat yo‘nalishi alohida ko‘rsatiladi.

Talablar qanday bo‘ladi

Arizada dori vositasining savdo nomi, xalqaro patentlanmagan nomi, dori shakli va dozalari aniq yozilishi talab etiladi. Dori originalmi, jenerikmi yoki biosimilyarmi, bu ham alohida qayd etiladi. Agar preparat jenerik yoki biosimilyar bo‘lsa...

Opel Yevropa bozorida Opel Corsa modelining yangi – YES Special Edition talqinini taqdim etdi. Bu haqda Tarantas News nashri xabar berdi.

Maxsus versiya $26,3 mingdan boshlanadigan narxda taklif qilinmoqda va avvalo o‘zining noodatiy dizayni bilan ajralib turadi.

Avtomobil eksklyuziv Koral Orange metallik rangida bo‘yalgan bo‘lib, uzoqdan ham e’tiborni tortadi. Qora tom qismi va 16 dyuymli ikki rangli yengil qotishma disklar uning sportiv qiyofasini yanada kuchaytiradi. Bundan tashqari, model Eucalyptus Green rangida ham buyurtma qilinishi mumkin.

Salon dizayni ham tashqi ko‘rinish bilan uyg‘unlashtirilgan. Qora premium o‘rindiqlar to‘q sariq naqshlar bilan bezatilgan, eshik panellari va old panelda ham rangli aksentlar qo‘llangan...

Tijorat banklari tomonidan 18-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Tecno kompaniyasi kutilganidan oldinroq ikki yangi Camon 50 va Camon 50 Pro smartfonlarini taqdim etdi. Bu haqda GSMArena nashri ma’lum qildi.

Camon 50 Pro 6,78 dyuymli egilgan qirralarga ega AMOLED-ekran bilan jihozlangan bo‘lib, Full HD+ piksellar soni va 144 Hz yangilanish chastotasiga ega. Old kamera 32 megapiksel va ekran ostida optik barmoq izi skaneri bor. Bazaviy Camon 50 modeli tekis ekran bilan ta’minlangan.

Texnik xususiyatlar

Smartfonlar MediaTek Helio G200 Ultimate protsessori, 8 GB operativ xotira va 256 GB ichki xotira bilan jihozlangan. Camon 50 Pro modeli asosiy kamerasi 50 MP Sony LYT700C moduli va optik stabilizatsiyaga ega...

Nissan Murano modeli AQShda o‘tkazilgan 2026-yilgi ishonchlilik tadqiqotlari natijalariga ko‘ra ketma-ket ikkinchi yil eng ishonchli o‘rta o‘lchamli krossover deb topildi. Reyting J.D. Power tomonidan e’lon qilindi, deb xabar bermoqda Tarantas News nashri.

Tadqiqot qanday o‘tkaziladi

J.D. Power Vehicle Dependability Study (VDS) 37 yildan beri o‘tkazib kelinmoqda. Unda uch yillik avtomobil egalari so‘rovdan o‘tkaziladi.

Baholash jarayonida 184 ta ehtimoliy muammo to‘qqizta asosiy yo‘nalish bo‘yicha tahlil qilinadi:

Natijalarga ko‘ra, Murano o‘z segmentida eng kam muammoga...

«Galatasaray» UEFA Chempionlar ligasining pley-off bosqichi birinchi o‘yinida «Yuventus»ni 5:2 hisobida taslim etdi. Birinchi bo‘limda hisobda ortda qolgan mezbonlar o‘yinning ikkinchi qismida irodali g‘alabani tantana qilishdi.

Uchrashuvning 15-daqiqasida Gabriel Sara mezbonlarni hisobda oldinga olib chiqdi. Biroq oradan ko‘p o‘tmay «Yuventus» yarim himoyachisi Teun Kopmeiners 16 va 32-daqiqalarda dubl qayd etib, turinliklarni tanaffusga 2:1 hisobidagi ustunlik bilan olib chiqdi.

Ikkinchi bo‘limda Okan Buruk shogirdlari o‘yin tizginini o‘z qo‘llariga olishdi. Noa Lang 49-daqiqada hisobni tenglashtirgan bo‘lsa, 60-daqiqada Davinson Sanches burchakdan uzatilgan to‘pni darvozaga yo‘llab, «Galatasaray»ni hisobda oldinga olib chiqdi. Mazkur golda Gabriel Sara assistentlik vazifasini bajardi.

Uchrashuvning 67-daqiqasida «Yuventus» himoyachisi Xuan...

Honor Magic8 Pro brendning 2026-yildagi uzoq kutilgan flagman smartfoni. Ixbt nashri qurilma imkoniyatlari va modelning barcha muhim jihatlarini batafsil o‘rgandi.

Mundarija:

Asosiy xususiyatlar

Smartfon Qualcomm Snapdragon 8 Elite Gen5 protsessorida ishlaydi. Sakkiz yadroli chip yuqori takt chastotasi bilan flagman segmentiga xos tezlikni ta’minlaydi. Grafik ishlov berish Adreno 840 orqali bajariladi. Qurilma Android 16 asosidagi MagicOS 10 tizimida ishlaydi.

Displey 6,71 dyuymli AMOLED paneldan iborat. Ruxsat 1256×2808 piksel. Yangilanish chastotasi 120 Hz. Operativ xotira 12 yoki...

«Real Madrid» UEFA Chempionlar ligasi pley-off bosqichining dastlabki uchrashuvida mehmonda «Benfika»ni 1:0 hisobida mag‘lub etdi.

Uchrashuvning 50-daqiqasida Kilian Mbappe tomonidan uzatilgan to‘pni braziliyalik hujumchi Vinisius Junior darvozaning uzoq burchagiga aniq yo‘llab, hisobni ochdi. Goldan so‘ng futbolchining hissiyotli nishonlashi va «Benfika» futbolchisi Janluka Prestianni bilan yuzaga kelgan nizo ortidan Vinisiusga sariq kartochka ko‘rsatildi.

Irqchilik mazmunidagi haqoratlar haqidagi da’volar sababli bosh hakam Fransua Leteksye o‘yinni 10 daqiqaga to‘xtatishga majbur bo‘ldi. Mehmon jamoa futbolchilari maydonni tark etishdi, biroq vaziyat biroz tinchigach, o‘yin qayta tiklandi. Lissabondagi «Estadio da Luz» stadionida kechgan bahsni 66,3 ming nafar tomoshabin bevosita kuzatib bordi.

Uchrashuv oxirida «Benfika» bosh...

BYD yangi Linghui sub-brendi ostida Linghui e9 elektromobilini taqdim etdi. Bu haqda CarNewsChina nashri ma’lum qildi. Model, asosan, taksi va ride-hailing bozori uchun mo‘ljallangan.

Linghui brendi 2-fevral kuni ishga tushirilgan. Kompaniya jamoat transporti segmentiga e’tibor qaratadi. Undan taksi, ijaraga berish va davlat tashkilotlari foydalanishi ko‘zda tutilgan.

Linghui e9 tashqi ko‘rinishda eski BYD Han uslubiga o‘xshaydi. Old qismida yirik xrom panjara bor. Faralari ingichka va ajratilgan dizaynga ega. Orqa qismida esa uzluksiz stop-chiroq o‘rnatilgan.

Sedan o‘lchamlari 4995 mm uzunlik, 1910 – 1940 mm kenglik va 1495 mm balandlikni tashkil etadi. G‘ildirak bazasi 2920 mmni tashkil qilinadi.

Avtomobil old o‘rnatilgan elektromotor...