Yangiliklar

Samarqand viloyatida sanoat salohiyatini kengaytirish doirasida Kattaqo‘rg‘on tumani hududida 100 gektarlik mashinasozlik sanoat zonasi tashkil etiladi. Bu haqda Adliya vazirligi ma’lum qildi.

«Samarqand viloyatida mashinasozlik sanoatini rivojlantirish chora-tadbirlari to‘g‘risida»gi prezident qarori qabul qilindi. Qarorda viloyatda mashinasozlik klasterini rivojlantirish hamda sanoat tarkibida ushbu yo‘nalish ulushini oshirish asosiy maqsad sifatida belgilangan.

Hujjatga ko‘ra, 2030-yilga qadar Samarqand viloyati sanoatida mashinasozlik tarmog‘ining ulushini 15 foiz, sanoatda qo‘shilgan qiymat ulushini esa 40 foizga yetkazish rejalashtirilgan. Shuningdek, tashkil etiladigan mashinasozlik sanoat zonasida yiliga 10 ming dona tijorat transport vositalari ishlab chiqarish quvvatlarini yaratish ko‘zda tutilgan. Ular qatoriga yuk avtomobillari, avtobus, mikroavtobus, pikap va maxsus...

Janubiy Koreyadagi Pohang University of Science and Technology (POSTECH) tadqiqotchilari bo‘yin sohasidagi mikroharakatlarni aniqlab, ularni so‘z va nutqqa aylantira oladigan innovatsion qurilmani yaratdi. Bu haqda Cyborg and Bionic Systems jurnali xabar berdi.

Texnologiya ovozsiz artikulyatsiya paytida ham teri va mushaklarda yuzaga keladigan juda kichik harakatlarni qayd etishga asoslangan. Tizim maxsus ko‘p o‘qli deformatsiya sensori yordamida ishlaydi.

Sensor yumshoq silikon materialdan tayyorlangan bo‘lib, ichiga o‘rnatilgan datchiklar teri yuzasidagi eng kichik o‘zgarishlarni ham aniqlaydi. Qurilma bo‘yinga taqiladi va joylashuv o‘zgarganda avtomatik tarzda sozlanib, doimiy aniqlikni saqlab qoladi.

Yig‘ilgan ma’lumotlar sun’iy intellekt tizimi tomonidan qayta ishlanadi. Artificial Intelligence algoritmlari bo‘yin...

Nissan kompaniyasi yangi Rogue Hybrid e-Power krossoverini namoyish etdi. Avtomobil uzatmalar qutisisiz ishlaydigan va ichki yonuv dvigateli faqat generator vazifasini bajaradigan noyob gibrid tizimiga ega.

Yangi krossover 1,5 litrli turbokompressorli uch silindrli dvigatel bilan ta’minlangan. Biroq bu dvigatel g‘ildiraklarni bevosita harakatlantirmaydi, balki akkumulyator va ixcham elektr motorini quvvatlantiruvchi generator sifatida ishlaydi. Tizimning issiqlik samaradorligi 42 foizni tashkil etib, odatiy dvigatellardagi 25 – 35 foizlik ko‘rsatkichdan sezilarli darajada yuqori.

Kompaniya hisob-kitoblariga ko‘ra, yangi texnologiya 2026-yilgi standart modelga nisbatan yoqilg‘i tejamkorligini 20 foizga oshiradi. Avtomobilni elektr tarmog‘iga ulash talab etilmaydi va u an’anaviy yoqilg‘i quyish shoxobchalarida to‘ldiriladi, lekin elektromobillarga xos tezlanish...

Ekopolitsiya Qashqadaryo viloyatida o‘tkazgan tekshiruvida Sho‘rtan neft va gaz qazib chiqarish boshqarmasi faoliyatini o‘rgandi. Bu haqda Ekologiya qo‘mitasi xabar berdi.

Aniqlanishicha, korxona atrof-muhitga salbiy ta’sir ko‘rsatgan. Xususan, atmosfera havosini muhofaza qilish talablari buzilgan.

Shuningdek, chang-gaz tozalash uskunalari va oqova suvlarni tozalash inshootlari ekologik talablarga javob bermagani qayd etildi.

Mazkur holatlar yuzasidan korxonaga qo‘shimcha kompensatsiya to‘lovlari belgilandi. Bundan tashqari, 16 ta majburiy ko‘rsatma berildi.

Qo‘mitaga ko‘ra, holat yuzasidan to‘plangan hujjatlar yakuniy qaror qabul qilish uchun sud organlariga yuborildi.

Eslatib o‘tamiz, avvalroq 717 mln so‘mlik baliq ovlaganlar «ovlangani» haqida xabar berilgandi. Unga ko‘ra, ekopolitsiya xodimlari tomonidan Qoraqir tabiiy suv havzasida...

Qozog‘istondan benzin, dizel yonilg‘isi va ayrim neft mahsulotlarini olib chiqishga qo‘yilgan vaqtinchalik taqiq uzaytirilishi rejalashtirilmoqda. Bu haqda mamlakatning Energetika vazirligi xabar berdi.

Unga ko‘ra, 2026-yil 21-maydan 21-noyabrgacha neft mahsulotlarini avtomobil transporti orqali eksport qilish taqiqlanadi. Ushbu cheklov Yevrosiyo iqtisodiy ittifoqi davlatlariga ham tatbiq etiladi. Shu bilan birga, temir yo‘l orqali yengil distillerlarni olib chiqish bo‘yicha mavjud cheklovlar ham saqlab qolinadi.

Bundan tashqari, 2026-yil 1-iyuldan 31-dekabrgacha ittifoq bojxona hududidan tashqariga yengil distillerlar, aviakerosin, dizel yonilg‘isi, gazoyl, ksilol va neft bitumini eksport qilishga qo‘shimcha taqiq joriy etilishi ko‘zda tutilgan.

Avvalroq Kursiv Uzbekistan AQShda Xitoy avtomobillarini toʻliq taqiqlash masalasi koʻrib chiqilayotgani haqida...

Shotlandiyadagi Sands kinofestivalida rejissyor Jo Russo «Qasoskorlar: Final» (Avengers: Endgame) filmi 25-sentabr kuni yangi kadrlar bilan kinoteatrlarga qaytishini e’lon qildi.

Jo Russoning ta’kidlashicha, qayta namoyish etiladigan filmga kiritilgan yangi kadrlar ikki loyiha o‘rtasida o‘ziga xos ko‘prik yaratadi. U ushbu jarayonni sevimli qahramonlar hikoyasini davom ettirish uchun noyob va juda muhim imkoniyat deb baholadi.

Koinotdagi o‘zgarishlarga ko‘ra, aktyor Robert Dauni bosh yovuz qahramon Doktor Dum rolida namoyon bo‘ladi. Rejissyorning aytishicha, aktyor o‘z qaytishini qariyb ikki yarim yil oldin rejalashtirishni boshlagan.

«U eng zo‘r qahramonni o‘ynadi va endi eng yovuz qahramonni o‘ynaydi», – dedi Jo Russo aktyorning...

Xususiy bandlik agentligi United careers XBA o‘zbekistonlik tikuvchi ayollarni Bolgariyaga ishga taklif qilmoqda. Bu haqda Migratsiya agentligi xabar berdi.

Ish Sofiya shahrida bo‘lib, nomzodlar bilan 3 yil muddatga rasmiy mehnat shartnomasi tuziladi.

Shuningdek, ish haftasiga 5 kun, kuniga 8 soatdan iborat. Boshlang‘ich oylik maosh 850 yevro (taxminan $999) miqdorida belgilangan. Qo‘shimcha ish soatlari uchun esa alohida 2,5 yevrodan haq to‘lanadi.

Ish beruvchi tomonidan turarjoy, aviachipta va transfer xarajatlari qoplanishi, shuningdek, barqaror va uzoq muddatli ish imkoniyati yaratilishi ma’lum qilingan.

Nomzodlardan kamida 5 yillik tikuvchilik tajribasi va rus tilini bilish talab etiladi. Yosh bo‘yicha cheklov mavjud emas, diplom yoki sertifikat...

Surxondaryo viloyatida an’anaviy tarzda o‘tkazib kelinayotgan «Boysun bahori» xalqaro folklor festivali joriy yilda ham keng miqyosda tashkil etiladi. Bu haqda O‘zA ma’lum qildi.

Joriy yilning 1 – 7-may kunlari Boysun tumanida «Boysun bahori» xalqaro folklor festivali bo‘lib o‘tishi rejalashtirilgan. Tadbirda 40 dan ortiq davlatlardan 100 dan ortiq folklor jamoalarining ishtiroki kutilmoqda.

Festival doirasida turli madaniy va sport tadbirlari ham o‘tkaziladi. Jumladan, kurash, ot sporti, ko‘pkari kabi xalq o‘yinlari bo‘yicha musobaqalar hamda maishiy hunarmandchilik ko‘rgazmalari tashkil qilinadi. Bu tadbirlar xalq an’analari va milliy qadriyatlarni keng targ‘ib etishga xizmat qiladi.

Hozirda Turizm qo‘mitasi, Surxondaryo viloyati hokimligi hamda boshqa hamkor tashkilotlar...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 10-apreldan 17-aprelgacha bo‘lgan davrda ijobiy dinamikani ko‘rsatib, UCI fond indeksi 1,94 foizga oshdi.

Ushbu davr mobaynida «Aloqabank»ning oddiy aksiyalari eng katta o‘sishga erishib, 25,58 foizga qimmatlashdi. Shuningdek, «Garantbank» (+17,67%), «O‘zRTXB» (+11,98) va «Turonbank» (11,98) aksiyalarida ham o‘sish qayd etildi.

O‘z navbatida, «Chilonzor buyum savdo kompleksi» aksiyalari 9,19 foizga arzonlashib, haftaning eng katta pasayishini qayd etdi. Bundan tashqari, «Trastbank» aksiyalari (-6,88%) va «SQB» (-5,51%) aksiyalari ham pasayish bilan ajralib turdi. Faqatgina «O‘zbektelekom»ning ham oddiy, ham imtiyozli aksiyalari narxida, shuningdek, «Aloqabank»ning imtiyozli aksiyalarida o‘zgarish kuzatilmadi.

Eslatib o‘tamiz, «O‘zbektelekom»ning ham oddiy, ham imtiyozli...

Endilikda Rossiyaga kirish yoki undan chiqish vaqtida ayrim yo‘lovchilarning elektron qurilmalari tekshiriladi. Tekshiruvdan bosh tortish jarimaga yoki 15 sutka qamoq jazosiga sabab bo‘ladi. Bu haqda O‘zbekiston migratsiya agentligi xabar berdi.

Rossiya Federatsiyasining «Davlat chegarasi to‘g‘risida»gi Qonuniga kiritilgan o‘zgartirishlarga ko‘ra, chegara xodimlari mobil telefon, planshet va noutbuklarni tashqi ko‘rinishdan ko‘zdan kechirish, zarur hollarda esa ularni ko‘rsatishni talab qilish huquqiga ega.

Qayd etilishicha, bunday tekshiruvlar barcha fuqarolarga nisbatan qo‘llanilmaydi. Ular faqat qoidabuzarlik gumoni mavjud bo‘lganda yoki xavfsizlik nuqtayi nazaridan zarur deb topilgan holatlarda amalga oshiriladi.

Shuningdek, qonuniy talablarni bajarmaslik ma’muriy javobgarlikka olib kelishi mumkin. Bunda 5 mingdan 7 ming rublgacha jarima...

Yosh oilalar uchun ipoteka kreditida yangi yengilliklar joriy etiladi. Shavkat Mirziyoyev «Yangi O‘zbekiston yoshlari – 2030» strategiyasi loyihasi bilan tanishdi.

Strategiyada yoshlarning ta’lim olishi, ish bilan ta’minlanishi va tadbirkorligini rivojlantirish asosiy yo‘nalish sifatida belgilangan. Shuningdek, yosh oilalarni qo‘llab-quvvatlash masalasiga alohida e’tibor qaratilgan.

Yangi taklifga ko‘ra, ipoteka dasturi orqali kreditning Markaziy bank stavkasidan yuqori qismi davlat tomonidan qoplab beriladi.

Bugungi kunda O‘zbekistonda aholi soni 38 mln nafardan oshgan. Shundan 9,5 mln nafari 14 – 30 yoshdagilarni tashkil etadi. Har yili 270 mingta yangi yosh oila shakllanmoqda.

Strategiyada har yili 600 ming yoshni ish bilan ta’minlash, 2030 yilgacha...

Farg‘ona viloyatining Quvasoy shahrida o‘tkazilgan nazorat tadbirlari davomida 1,2 mlrd so‘mlik tabiiy gazdan noqonuniy foydalangan choyxona fosh etildi. Bu haqda Energetika vazirligi ma’lum qildi.

Bosh prokuratura shtabi tomonidan Bosh prokuratura va tegishli xizmatlar hamkorligida Farg‘ona viloyatida o‘tkazilgan tekshiruvlar jarayonida Quvasoy shahrida fuqaroga qarashli choyxonada tabiiy gazdan o‘zboshimchalik bilan foydalanish holati aniqlangan. Aniqlanishicha, yashirin tarmoq tortish orqali gaz resurslaridan noqonuniy foydalanib kelingan.

Dastlabki hisob-kitoblarga ko‘ra, ushbu qoidabuzarlik natijasida gaz ta’minoti korxonasiga 1,287 mlrd so‘m miqdorida zarar yetkazilgan. Hozirda holat yuzasidan tegishli huquqiy choralar ko‘rilmoqda.

Eslatib o‘tamiz, avvalroq Samarqandda ham elektr va gazdan noqonuniy foydalanish holatlari aniqlangan edi.

Toshkent shahrida 21-aprel kuni xristianlarning «Ota-onalarni xotirlash» kuni munosabati bilan aholi uchun qo‘shimcha transport qatnovlari tashkil etiladi. Bu haqda Toshkent shahar transport xizmati xabar berdi.

Unga ko‘ra, bir kunlik maxsus yo‘nalishlar quyidagicha bo‘ladi:

Har bir yo‘nalishda 5 tadan katta sig‘imli avtobuslar (MAN, elektrobus va Yutong) harakatlanadi.

Mazkur yo‘nalishlarda yo‘l haqi 1700 so‘m etib belgilangan bo‘lib, to‘lov faqat elektron shaklda amalga oshiriladi. Avtobuslar soat 06:00 dan 20:00 gacha qatnaydi.

Bundan tashqari, qabristonlar yaqinidan o‘tuvchi mavjud yo‘nalishlarda ham qatnov...

Adliya vazirligi tomonidan davlat buyurtmasi asosida yaratiladigan san’at asarlari mualliflariga haq to‘lash tartibi tasdiqlandi.

Yangi nizomga ko‘ra, tasviriy va amaliy san’at asarlarini yaratgan mualliflarning ish haqi hamda ishlatilgan xomashyo xarajatlari aniq tartib asosida belgilanadi.

Asarlarning narxini O‘zbekiston Badiiy akademiyasi huzuridagi Badiiy ekspertlar kengashi aniqlaydi. Narx asarning badiiy qiymatiga qarab, eng kam ish haqi miqdoriga nisbatan hisoblanadi.

Kengash boshqa asarlardan ko‘chirilgan yoki tayyor namunaga asoslangan ishlarni baholash uchun qabul qilmaydi. Baholash jarayonida asarning turi, murakkabligi, unga sarflangan mehnat va muallif ijodi hisobga olinadi.

Eslatib o‘tamiz, avvalroq O‘zbekiston prezidenti Shavkat Mirziyoyev Farrux Zokirovni yubileyi munosabati bilan «Buyuk xizmatlari uchun» ordeni bilan mukofotlagan edi.

Janubiy Koreyaning Kia kompaniyasi Milan dizayn haftaligida yangi Kia Vision Meta Turismo konsept modelini taqdim etadi. Tadbir doirasida model ilk bor namoyish qilinadi.

Ko‘rgazma «Opposites United» dizayn falsafasiga asoslangan. Bu yondashuv qarama-qarshi g‘oyalarni uyg‘unlashtirish orqali yangi dizayn yechimlarini yaratishga qaratilgan.

Tadbir ikki asosiy qismga bo‘lingan. Birinchi bo‘lim dizayn g‘oyalari va ijodiy jarayonni ko‘rsatadi. Ikkinchi bo‘limda kompaniya oltita konsept avtomobilni taqdim etadi. Ular orasida Vision Meta Turismo asosiy yangilik sifatida ko‘rsatiladi.

Kia bu tadbirda ketma-ket to‘rtinchi yil ishtirok etmoqda. Kompaniya dizayn va innovatsiya orqali global bozordagi o‘rnini mustahkamlashni maqsad qilgan.

Eslatib o‘tamiz, Kursiv Uzbekistan nashri yangi Kia Seltos qachon sotuvga...

Huawei kompaniyasi Huawei Pura 90 smartfonini rasman taqdim etdi. Qurilma Pura 90 seriyasining bazaviy modeli bo‘lib, Pro va Pro Max versiyalari qatoridan o‘rin oladi.

Dizayn xususiyatlari

Smartfon dizaynida sezilarli o‘zgarishlar mavjud. Old kamera uchun oval shakldagi kesim qo‘llanilgan. Orqa panelda esa qiya joylashgan uchburchak kamera moduli o‘rnatilgan bo‘lib, u qurilmaning asosiy vizual elementlaridan biri hisoblanadi.

Kamera imkoniyatlari

Qurilma kameralar tizimi 50 megapikselli asosiy sensorni o‘z ichiga oladi. Shuningdek, 3,7 karra optik zumga ega periskop teleobyektiv va ultra keng burchakli modul bilan jihozlangan. Old kamera ham 50 megapikselli bo‘lib, yuqori sifatli selfi imkonini beradi.

Texnik xususiyatlar

Huawei Pura...

2026-yilning yanvar – mart oylarida Germaniyada boshpana so‘rash bo‘yicha arizalar soni yillik hisobda 23 foizga qisqargan. Bunga suriyaliklar va ukrainaliklar tomonidan berilayotgan so‘rovlarning keskin kamayishi sabab bo‘lgan.

O‘tgan yilning birinchi choragiga nisbatan Yevropa Ittifoqida Suriya fuqarolaridan kelib tushgan arizalar 63 foizga, Ukraina fuqarolaridan berilgan so‘rovlar esa 57 foizga kamaygan. Natijada Germaniya 2015-yildan beri ilk bor qabul qilingan arizalar soni bo‘yicha Yevropa Ittifoqi davlatlari orasida to‘rtinchi o‘ringa tushdi. Bungacha mamlakat bir necha yil davomida ushbu statistikada yetakchilik qilib kelayotgan edi.

2026-yilning yanvaridan martigacha Yevropa Ittifoqi hududida eng ko‘p boshpana so‘rovlari Fransiyada qayd etilgan bo‘lib, 34 ming 643 ta arizani tashkil...

21-aprel uchun valyutalar kursi yangilandi. Unga ko‘ra, dollar 31,13 so‘mga tushib, 12 097,33 so‘mni tashkil qildi. Bu narx Valyuta birjasida bo‘lib o‘tgan savdolar asosida  shakllantirildi. Markaziy bank ham o‘z saytida e’lon qildi.

14-aprel kuni esa 32,49 so‘mga pasayib, 12 126,10 so‘mni tashkil etdi. 15-apreldan dollar oshishni boshladi: shu kuni 15,28 so‘mga oshib, 12 141,38 so‘m, 16-aprel kuni 49,05 so‘mga oshib, 12 190,43 so‘m bo‘ldi. 17-aprel kuni 25,19 so‘mga tushib, 12 165,24 so‘mga tenglashdi. 20-aprel kuni esa 6,78 so‘mga tushib, 12 128,46 so‘mni tashkil qildi.

Markaziy bank ma’lumotlariga ko‘ra, yevro 70,59 so‘mga tushib, 14 233,72 so‘mni, rubl esa 1,49 so‘mga oshib, 160,53 so‘mni tashkil etdi.

Eslatib o‘tamiz...

2026-yil 22-aprel kuni Toshkent shahridagi «6-IM» (Mirobod va qisman Sergeli tumanlarida) qozonxonasi boshqaruvidagi issiqlik tarmoqlari yuqori bosim ostida sinovdan o‘tkaziladi. Bu haqda Veolia Energy Tashkent ma’lum qildi.

Ma’lumotga ko‘ra, sinov jarayonlari 22-aprel tungi soat 00:00 da boshlanib, tonggi soat 06:00 ga qadar davom etadi. Shu davr mobaynida belgilangan hududlarda issiqlik tarmoqlari yuqori bosim ostida tekshiruvdan o‘tkaziladi.

Sinov ishlari Munis, Sariko‘l, Eski Sariko‘l, Yangizamon, Yangi Qo‘yliq, Abdurauf Fitrat, Farg‘ona yo‘li, Tollimarjon, Fayzobod, Mehrjon, Sayhun va Surxon ko‘chalari, shuningdek, Qo‘yliq-1÷7 hamda Qo‘yliq-Aylanma dahalarini qamrab oladi.

Eslatib o‘tamiz, avvalroq Toshkentning ayrim hududlarida issiq suv besh kunga o‘chirilishi haqida yozgan...

Qoraqalpog‘iston hududida maxsus mayning zonasi ishga tushirilib, uning rezidentlari uchun 2035-yilgacha soliqdan ozod qilish tartibi joriy etiladi. Bu haqda prezident qarori e’lon qilindi.

Unga ko‘ra, «Besqala Mining Valley» maxsus mayning zonasi hududi sifatida butun Qoraqalpog‘iston Respublikasi belgilangan.

Qaror bilan zona doirasida mayning faoliyatini amalga oshirish uchun yagona elektr energetika tizimi bilan bir qatorda qayta tiklanuvchi energiya manbalari hamda vodorod elektr stansiyalarida ishlab chiqarilgan elektr energiyasidan foydalanishga ruxsat beriladi.

Shuningdek, mayning natijasida olingan kripto-aktivlarni milliy kripto-birjalar yoki xorijiy platformalar orqali sotish, ularni boshqa likvid kripto-aktivlarga ayirboshlash imkoniyati yaratiladi.

Loyihani boshqarish uchun maxsus mayning zonasi direksiyasi tashkil etiladi. Istiqbolli loyihalar...

20-aprel kuni Yaponiyaning shimoli-sharqiy sohillari yaqinida kuchli zilzila sodir bo‘ldi. NHK nashrining qayd etishicha, hukumat yirik sunami hodisasiga tayyorgarlik ko‘rmoqda.

Yaponiya meteorologiya xizmati ma’lumotiga ko‘ra, zilzila epitsentri Tinch okeanida, taxminan 10 km chuqurlikda joylashgan. Hodisadan so‘ng sunami xavfi e’lon qilindi. Yer silkinishining magnitudasi 7,5 ga teng bo‘lgani ma’lum qilingan.

Mutaxassislar eng kuchli to‘lqinlar Ivate prefekturasi, Aomori prefekturasi va Xokkaydo hududlarida kuzatilishini bildirdi. Sunami to‘lqinlari balandligi 3 metrga yetishi mumkin. Yaponiya bosh vaziri Sanae Takaichi favqulodda shtab ishga tushirilganini ma’lum qildi. U aholini zudlik bilan xavfsiz hududlarga evakuatsiya qilishga chaqirgan.

Hozirda hududlarda qutqaruv va ogohlantirish ishlari olib borilmoqda. Rasmiylar vaziyatni...

Toshkentda bo‘lib o‘tayotgan «Innoprom. Markaziy Osiyo» xalqaro forumi doirasida Navoiy viloyati iqtisodiyoti uchun muhim voqea yuz berdi – mintaqadagi yangi qo‘shma sanoat parkining birinchi korxonasi o‘z faoliyatini boshlaydi.

Rossiya bosh vazirining birinchi o‘rinbosari Denis Manturovning forumdagi nutqida ta’kidlashicha, ikki davlat o‘rtasidagi hamkorlik zamonaviy bosqichga ko‘tarilib, asosiy e’tibor yuksak texnologik mahsulotlar ishlab chiqarishga qaratilmoqda.

«Biz sanoat parklari yaratish modeliga faol o‘tmoqdamiz. Hozirda Chirchiq va Jizzax shaharlarida shunday maydonlar muvaffaqiyatli ishlamoqda. Bugun esa biz Navoiy viloyatidagi yangi qo‘shma sanoat parkida birinchi rezidentning ishlab chiqarishiga start beramiz», – dedi Manturov.

Ma’lumot o‘rnida aytish joizki, bugungi kunda O‘zbekistonda...

Huawei kompaniyasi keng ekranli bukiluvchi smartfon – Huawei Pura X Max modelini rasman taqdim etdi. Qurilma A4 qog‘oz formatidan ilhomlangan bo‘lib, 16:10 nisbatdagi ekran bilan ishlab chiqilgan.

Texnik xususiyatlar

Smartfon 7,69 dyuymli moslashuvchan WQHD+ OLED ichki ekran va 5,4 dyuymli tashqi ekran bilan jihozlangan. U Kirin 9030 Pro protsessori asosida ishlaydi, bu esa sun’iy intellekt yordamida ma’lumotlarni qayta ishlash va umumiy unumdorlikni sezilarli darajada oshiradi. Ishlab chiqaruvchi ma’lumotlariga ko‘ra, ushbu qurilmaning avvalgi modeli 1,5 mln donadan ortiq sotilgan.

Dizayn va batareya

Qurilma kompozit materiallardan tayyorlangan bo‘lib, tomchisimon ilgak mexanizmi va UTG-shishaga ega. Batareya sig‘imi 5300 mA/soatni tashkil etadi...

20-aprel kuni soat 14:00 dan boshlab oliy malaka toifasiga ega pedagoglar uchun ipoteka subsidiya dasturiga arizalar qabul qilina boshlandi.

Mazkur dasturga ko‘ra, Davlat budjeti hisobidan ipoteka krediti boshlang‘ich badalining 25 foizi qoplab beriladi. Bu imkoniyat oliy malaka toifasi yoki bosh o‘qituvchi lavozimiga ega pedagoglar uchun mo‘ljallangan.

Subsidiya olish uchun pedagog kamida 15 yil ish stajiga ega bo‘lishi kerak. Shuningdek, uning nomida ikkitadan ortiq uy-joy bo‘lmasligi va kredit tarixi ijobiy bo‘lishi talab etiladi.

Ariza topshirish jarayoni soddalashtirilgan. Pedagoglar my.gov.uz portali, mobil ilova yoki Davlat xizmatlari markazlari orqali murojaat qilishi mumkin.

Eslatib o‘tamiz, avvalroq nufuzli xorijiy OTMda ilmiy daraja olgan...