Yangiliklar

Angliya Premyer-ligasida ishtirok etuvchi «Vulverxempton» jamoasi musobaqani rasman tark etdi. Klub mavsum tugashiga 5 ta o‘yin qolganida xavfsiz hududdan 16 ochko ortda qolmoqda.

«Lids Yunayted»ga qarshi uchrashuvda 3:0 hisobida imkoniyatni boy bergan «Vulverxempton» hisobida, bor-yo‘g‘i, 17 ochko mavjud. Mavsum yakuniga qadar yana 5 ta o‘yin qolgan bo‘lib, jamoa qolgan barcha uchrashuvlarda g‘alaba qozongan taqdirda ham eng ko‘pi bilan 15 ochko to‘plashi va umumiy ochkolari sonini maksimal 32 taga yetkazishi mumkin, xolos.

Shu bilan birga, ligada qolish imkonini beruvchi xavfsiz zonada, ya’ni 17-o‘rinda borayotgan «Vest Xem Yunayted» hisobida hozirning o‘zida 33 ochko bor va ular qolgan uchrashuvlarda umuman ochko ololmagan...

Prezident Administratsiyasi rahbari Saida Mirziyoyeva Jahon sog‘liqni saqlash tashkiloti (JSST) bosh direktori Tedros Adhanom Ghebreyesus bilan uchrashdi. Bu haqda uning o‘zi Telegram-kanalida ma’lum qildi.

Muloqot davomida O‘zbekiston va Jahon sog‘liqni saqlash tashkiloti o‘rtasidagi hamkorlikni yanada rivojlantirish masalalari muhokama etildi. Tomonlar sog‘liqni saqlash tizimidagi islohotlar, raqamli tibbiyot samaradorligini oshirish va farmatsevtika bozorini tartibga solishni takomillashtirishga alohida e’tibor qaratgan.

Shuningdek, mintaqaviy hamkorlikni kengaytirish masalalari ham kun tartibidan o‘rin oldi. Uchrashuvda giyohvandlikka chalinganlarni davolash va reabilitatsiya qilish yo‘nalishida hamkorlikni mustahkamlash zarurligi ta’kidlangan.

Eslatib o‘tamiz, Kursiv Uzbekistan nashri Saida Mirziyoyeva AQShda biznes hamkorlikni muhokama qilgani haqida yozgan edi.

Unga ko‘ra, uchrashuv davomida...

2026-yilning yanvar-fevral oylarida O‘zbekistonning tashqi savdo aylanmasida eksport hajmi $3,5 mlrdni tashkil etdi. Ushbu ko‘rsatkich o‘tgan yilning mos davridagi $4,64 mlrdga nisbatan qariyb $1,14 mlrd dollarga kamaygan.

Taqqoslash uchun: 2025-yilning dastlabki ikki oyida mamlakat eksport hajmi $4,64 mlrdga yetib, 2024-yildagiga nisbatan 27,7 foizga o‘sgan edi. O‘sha davrda umumiy tashqi savdo aylanmasi $10,8 mlrdni tashkil qilgan va $1,56 mlrd miqdorida manfiy saldo qayd etilgan. 2025-yildagi eksport o‘sishiga, asosan, oltin va xizmatlar ta’sir ko‘rsatgan.

2026-yilning dastlabki ikki oyida Rossiya asosiy savdo hamkori sifatidagi o‘rnini yanada mustahkamlab, eksport hajmi o‘tgan yilgi $547,9 mlndan $679,4 mlngacha (+$131,5 mln) o‘sdi. Shuningdek, Xitoy...

Surxondaryo va Jizzax viloyatlarida fuqarolarni xorijga ishga yuborish bilan bog‘liq firibgarlik holatlari aniqlanib, jinoyat ishlari qo‘zg‘atildi. Bu haqda Bosh prokuratura huzuridagi Departament ma’lum qildi.

Ma’lumotlarga ko‘ra, Termiz shahrida o‘tkazilgan tezkor tadbirda fuqaro A.J. boshqa bir fuqaroning ishonchiga kirib, uni tanishlari orqali Germaniyaga ishga yuborishni va’da qilgan. U buning evaziga $9 ming so‘rab, $5 ming va 12 mln so‘mni olayotgan vaqtida ashyoviy dalillar bilan qo‘lga olingan.

Shuningdek, Jizzax viloyatining Paxtakor tumanida ham shunga o‘xshash holat aniqlangan. Tekshiruv davomida fuqaro Z.A. bir fuqaroni go‘yoki yuqori lavozimdagi tanishlari orqali Janubiy Koreyaga ishga yuborishini aytib, $2,5 mingni firibgarlik yo‘li bilan qo‘lga kiritgani ma’lum...

2032-yilga borib O‘zbekistonda aholi soni 43 mln bo‘lishi kutilmoqda. Bu haqda Iqtisodiyot va moliya vazirligi huzuridagi Demografiya, bandlik va turmush darajasini prognoz qilish bo‘limi yetakchi mutaxassisi Maqsud Zokirov ma’lum qildi. U bu haqda «O‘zbekistonda demografik barqarorlik: ma’lumotlar, siyosat va iqlim o‘zgarishi» seminarida qayd etdi.

Ma’lumotlarga ko‘ra, mamlakat aholisi yildan-yilga barqaror oshib bormoqda. 1991-yilda aholi soni 21,1 mln bo‘lgan bo‘lsa, 2020-yilga kelib bu ko‘rsatkich 34,5 mln nafarga yetgan. Prognozlarga ko‘ra, 2030-yilda aholi 41,9 mln va 2032-yilda esa 43,4 mln nafarga yetishi kutilmoqda.

«Demografik barqarorlikni ta’minlash uchun avlodlar davomiyligini ta’minlash maqsadida bir ayol o‘rtacha 2,1 nafar bola tug‘ishi...

Yaponiyaning yirik Willer Express transport operatori o‘zbekistonlik avtobus haydovchilarini ishga taklif etadi. Bu bo‘yicha yangi hamkorlik yo‘lga qo‘yildi.

Loyiha doirasida xalqaro kadrlar tayyorlash bilan shug‘ullanuvchi Onodera User Run kompaniyasi ushbu tashabbusni O‘zbekiston bozoriga olib kiradi. Kelishuv Migratsiya agentligi rahbari Behzod Musayev, Willer Express rahbari Hirayama Koji va Onodera User Run vakili Kato Jun o‘rtasida imzolandi.

Unga ko‘ra, O‘zbekistonda Willer Express uchun avtobus haydovchilarini tayyorlash tizimi yo‘lga qo‘yiladi. Keyinchalik ular Yaponiyada yuqori daromadli ish o‘rinlariga joylashtiriladi. Shuningdek, Toshkent shahrida zamonaviy o‘quv poligoni qurilishi rejalashtirilgan. Amaliy mashg‘ulotlar uchun esa Yaponiyadan o‘ng boshqaruvli avtobuslar olib kelinadi.

Eslatib o‘tamiz, Kursiv Uzbekistan nashri xorijda...

O‘zbekistonlik himoyachi Abduqodir Husanovning ukasi Abdurahim Husanov «Manchester Siti»ning mashg‘ulotlar bazasiga tashrif buyurdi. Kichik Husanov va angliyalik futbolchi Riko Lyuis birga tushgan surat ko‘pchilikning e’tiborini tortdi.

Himoyachining otasi va ukasi dastlab «shaharliklar»ning «Arsenal»ga qarshi uchrashuvini bevosita stadiondan tomosha qilgan. Tashrif davomida Hikmat Hoshimov va yosh Husanov «Manchester Siti» bosh murabbiyi Pep Gvardiola hamda Fil Foden kabi yetakchi futbolchilar bilan uchrashgan.

Internet foydalanuvchilarining e’tiborini esa kichik Husanov va angliyalik himoyachi Riko Lyuis birgalikda tushgan surat ko‘proq tortdi. Muxlislar ushbu suratda yosh Husanov hamda «Manchester Siti» futbolchisining bo‘yi deyarli teng ekaniga e’tibor qaratishgan.

Ma’lumot o‘rnida, jamoalar o‘rtasidagi uchrashuvda «Manchester Siti...

Armanistonda Nestle kompaniyasiga tegishli NAN brendi ostidagi taxminan 9,7 ming kg quruq sut aralashmalari yo‘q qilindi. Bu haqda Armaniston oziq-ovqat xavfsizligi inspeksiyasi matbuot xizmati ma’lum qildi.

Bu qaror laboratoriya tekshiruvlari natijasidan so‘ng qabul qilingan. Tekshiruvlarda mahsulotda xavfli toksin – serulid bo‘lishi mumkinligi aniqlangan. Ma’lum qilinishicha, gap chaqaloqlar uchun mo‘ljallangan quruq va tez eriydigan sut hamda sutli aralashmalar haqida bormoqda. Barcha mahsulotlar oziq-ovqat xavfsizligi idorasi nazorati ostida utilizatsiya qilingan.

Kompaniya bir qator davlatlarda mahsulotlarini bozordan qaytarib olgan. Jumladan, Argentina, Turkiya va Yevropa davlatlarida ham shunday choralar ko‘rilgan. Ommaviy axborot vositalariga ko‘ra, Fransiyada ushbu mahsulot bilan bog‘liq ikki holatda chaqaloqlar o‘limi...

O‘zbekistonda kam ta’minlangan fuqarolar davlat hisobidan yuridik yordam olish huquqiga ega bo‘ldi. Bu haqda Adliya vazirligi xabar bermoqda.

Yangi o‘zgarishlarga ko‘ra, kam ta’minlangan fuqarolar Konstitutsiyaviy sudga murojaat qilganda ham davlat hisobidan yuridik yordam olish huquqiga ega bo‘ldi. Ya’ni agar sudda qo‘llanilgan qonunning Konstitutsiyaga mosligi yuzasidan shikoyat kiritilsa, davlat ularga huquqiy ko‘mak beradi.

Shuningdek, yuridik yordam olish bo‘yicha so‘rovlar maxsus «Yuridik yordam» axborot tizimi orqali yuboriladi. Bu jarayon Konstitutsiyaviy sud tomonidan fuqaroning iltimosi asosida amalga oshiriladi.

Eslatib o‘tamiz, Kursiv Uzbekistan nashri yosh oilalar uchun ipoteka kreditida yangi yengilliklar joriy etilishi haqida yozgan edi.

Strategiyada yoshlarning ta’lim olishi, ish bilan...

Tijorat banklari tomonidan 21-aprel kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Mo‘g‘uliston hududida yuzaga kelgan siklon Xitoyning shimoliy qismlarida keng ko‘lamli qum va chang bo‘ronlarini keltirib chiqardi. Bu haqda Xitoy davlat televideniyesi xabar berdi.

Ma’lum qilinishicha, bo‘ronlar 10 dan ortiq viloyatlarni qamrab olgan. Tabiiy hodisaning ta’siri hatto janubiy-g‘arbiy hudud – Sichuan havzasigacha yetib borgan.

Meteorologik kuzatuvlarga ko‘ra, chang bo‘roni Mo‘g‘uliston janubi, Shinjon va Ichki Mo‘g‘ulistonning g‘arbiy qismida shakllangan. Juma kechasidan boshlab shimoliy va shimoli-sharqiy hududlarda kuchli shamol bilan birga chang tarqala boshlagan.

Ayrim joylarda ko‘rinish keskin yomonlashgan. Masalan, Shinjondagi Turpan va Qashg‘ar shaharlarida ko‘rinish 1 kilometrdan ham kamaygan. Ichki Mo‘g‘ulistonda esa havodagi chang miqdori juda yuqori darajaga yetgan.

Gansu viloyatida...

Smart brendi 22-aprel kuni Pekinda bo‘lib o‘tadigan global taqdimotda ikki yangi modelini namoyish etadi. Ushbu premyera Beijing Auto Show 2026 oldidan o‘tkaziladi.

Kompaniya Concept #2 va #6 EHD nomli yangi elektromobillarini taqdim etadi. Bu modellar brend strategiyasidagi yangi bosqichni anglatadi. Concept #2 ikki o‘rinli kompakt elektrokar sifatida ishlab chiqilgan. U klassik shahar avtomobillari g‘oyasiga qaytishni anglatadi. Model to‘liq elektr platformaga o‘tkazilgan va yangi dizaynga ega. Avtomobilda oq va oltin rang kombinatsiyasi qo‘llangan.

Yangi #6 EHD esa brend tarixidagi birinchi fastbek sedan bo‘ladi. U 4,96 metr uzunlikka ega. Avtomobil past profilli old qismi va keskin kuzov chiziqlari bilan ajralib turadi...

Aave kriptokredit platformasidan foydalanuvchilar qisqa vaqt ichida taxminan $9 mlrd mablag‘ni chiqarib oldi. Bu holat bozorda jiddiy ishonch inqirozini keltirib chiqargan.

Ma’lumotlarga ko‘ra, xakerlar platformada garov sifatida o‘g‘irlangan rsETH tokenlaridan foydalangan. Ularning qiymati taxminan $200 mln bo‘lgan. Shu orqali xakerlar yana $236 mln likvid tokenlarni qarzga olgan. Bu esa platformaning moliyaviy muvozanatiga ta’sir qilgan.

Muammo ildizi Kelp DAO deb nomlangan krosscheyn loyihadagi buzilish bilan bog‘liq. U yerda xakerlar 116,5 mingta rsETH tokenini o‘g‘irlagan. Ularning umumiy qiymati taxminan $300 mlnni tashkil etgan.

Shundan keyin investorlar orasida xavotir kuchaydi. Natijada, Aave platformasida jami aktivlar qiymati uchdan bir qismga kamayib, $17,5 mlrdga...

Apple Inc. kompaniyasi bosh direktori lavozimida o‘zgarishlar bo‘lishini e’lon qildi. Kompaniyaga ko‘ra, 2011-yildan beri CEO bo‘lib kelayotgan Tim Kuk 1 sentabrdan lavozimni topshiradi.

Uning o‘rniga apparat muhandisligi bo‘yicha katta vitse-prezident Jon Ternus tayinlanadi. Kuk esa kompaniyada ijrochi direktorlar kengashi raisi sifatida faoliyatini davom ettiradi. Kompaniya ma’lum qilishicha, yoz davomida Kuk va Ternus birgalikda ishlab, rahbarlik vakolatlarini bosqichma-bosqich topshirishni ta’minlaydi.

Xabar e’lon qilingach, kompaniya aksiyalari Nyu-Yorkdagi postmarketda 0,8% ga arzonlashdi. Asosiy savdo sessiyasi esa 1% o‘sish bilan yakunlangan. Jon Ternus 50 yoshda bo‘lib, Apple top-menejerlari orasida eng yoshlardan biri hisoblanadi. U kompaniyada qariyb butun mehnat faoliyatini o‘tkazgan. Pensilvaniya universitetini mexanik...

Navoiy va Qashqadaryo viloyatlarida chet elga ishga yuborish bilan bog‘liq firibgarlik holatlari aniqlandi. Bu haqda Davlat xavfsizlik xizmati (DXX) ma’lum qildi.

Xabar berilishicha, tezkor tadbirlar davomida bir necha shaxslar fuqarolarni chet elga ishga yuborish bahonasida pul talab qilgani aniqlangan. Navoiy shahrida faoliyat yurituvchi sayyohlik firmasi rahbari Xatirchi tumanida yashovchi 2006-yilda tug‘ilgan fuqaroni ishga joylashtirishni va’da qilgan. U barcha hujjatlarni rasmiylashtirib berishini aytib, uni Bolgariyaga yuborish uchun $3 ming olgan vaqtida ashyoviy dalillar bilan ushlangan.

Shunga o‘xshash holat Qashqadaryo viloyatining Kitob tumanida ham qayd etildi. Toshkent viloyatida yashovchi 1997-yilda tug‘ilgan shaxs ikki nafar fuqaroning ishonchiga kirgan. Ularni Isroilga ishga yuborish...

21-aprel sanasi nafaqat qadimiy sivilizatsiyalar tarixi, balki ijtimoiy-siyosiy o‘zgarishlar, zamonaviy texnologiyalar va jahon san’ati olamidagi yorqin voqealar bilan ham yodda qolgan. Kursiv Uzbekistan kunning eng muhim voqealarini xronologik tartibda taqdim etadi.

Eramizdan avvalgi 753-yilda Qadimgi Rim shahriga asos solingan. Afsonalarga ko‘ra, shaharni aynan shu kuni aka-uka Romul va Rim Palatin tepaligida bunyod etgan. Keyinchalik Romul uning birinchi qiroliga aylangan va ushbu qadimiy sivilizatsiya butun Yevropa qit’asining ijtimoiy, huquqiy va madaniy tarixiga ulkan ta’sir ko‘rsatgan.

1944-yili Fransiyada ayollarga ilk bor saylovlarda ishtirok etish va ovoz berish huquqi rasman taqdim etildi. Bu qaror general Sharl de Goll boshchiligidagi muvaqqat hukumat...

Yangilangan Tracker taqdiri, Yaponiya kutilayotgan kuchli sunami, o‘zgarayotgan neft narxi – 20-aprel kuni e’lon qilingan yangiliklar Kursiv Uzbekistan dayjestida.

Hormuz bo‘g‘ozidagi keskinlik fonida gaz va neft narxi deyarli 10 foizga qimmatlashdi

Hormuz bo‘g‘ozidagi vaziyat keskinlashgani fonida Yevropada gaz va neft narxi keskin oshdi. Bu haqda Oneinvest.com nashri xabar bermoqda.

Ma’lum qilinishicha, savdo boshida gaz fyucherslari qariyb 10 foizga qimmatlashgan. Shu bilan birga, brent neft narxi ham ko‘tarildi. Iyun oyiga yetkazib beriladigan neft fyucherslari 7 foizdan ortiq oshib, bir barrel uchun $96,8 ga yetdi.

AQShda erkak sakkiz bolani otib o‘ldirdi

AQShning Luiziana shtatidagi Shrivport shahrida yuz bergan otishma...

21-aprel kuni O‘zbekistonning aksariyat hududlarida qisqa muddatli yomg‘ir va momaqaldiroq kutiladi. Kunduzgi harorat 20–35° atrofida bo‘ladi, kechasi esa 5–20° gacha pasayadi.

Quyida ob-havo ma’lumoti viloyatlar kesimida:

Eslatib o‘tamiz, O‘zbekistonda 18 – 23-aprel kunlari sel kuzatilishi mumkinligi haqida yozgan edik.

20-aprel kuni Shavkat Mirziyoyev «INNOPROM. Markaziy Osiyo» xalqaro sanoat koʻrgazmasi doirasida Rossiya delegatsiyasiga boshchilik qilayotgan Denis Manturovni qabul qildi. Bu haqda davlat rahbari matbuot xizmati ma’lum qildi.

Uchrashuvda Tatariston va Boshqirdiston respublikalari, Leningrad, Kirov, Irkutsk hamda Omsk viloyatlari, shuningdek, Rossiyaning yetakchi kompaniyalari rahbarlari ham ishtirok etdi.

Suhbat avvalida Denis Manturov Rossiya Federatsiyasi prezidenti Vladimir Putinning salomi va ezgu tilaklarini yetkazdi. Tomonlar oltinchi «INNOPROM» ko‘rgazmasining 35 mamlakatdan 10 mingdan ortiq biznes vakillari ishtirokida muvaffaqiyatli tashkil qilinganini qayd etdi.

Uchrashuvda savdo-iqtisodiy hamkorlikni kengaytirish, erishilgan kelishuvlarni amalga oshirish va sanoat sohasidagi loyihalarni jadallashtirish masalalari ko‘rib chiqildi. Savdo aylanmasining barqaror o‘sib borayotgani...

Qurilish va uy-joy kommunal xo‘jaligi sohasida nazorat qilish inspeksiyasi ijtimoiy tarmoqlarda tarqalgan videolavha yuzasidan rasmiy munosabat bildirdi. Bu haqda inspeksiya matbuot xizmati xabar berdi.

Ma’lum qilinishicha, videoda tilga olingan shaxsning yaqin qarindoshi Mirzo Ulug‘bek tumani hududidagi «Roza Krasnaya Kommunal» uy-joy mulkdorlari shirkati rahbari hisoblanadi. Elobod mahallasi, 105-sonli ko‘p kvartirali uyda yashovchi fuqarolar tomonidan ushbu shirkat faoliyatidagi kamchiliklar yuzasidan hududiy inspeksiyaga bir necha bor murojaatlar yo‘llangan.

Mazkur murojaatlar asosida inspeksiya xodimlari o‘rganish ishlari olib borilgan. Tekshiruvlar davomida «Roza Krasnaya Kommunal» shirkati tomonidan ko‘p kvartirali uylarni boshqarish qoidalari buzilgani aniqlangan. Xususan, avariya-dispetcherlik xizmati tashkil etilmagani, kirish yo‘laklari ta’mirtalab holatda ekani...

Huawei kompaniyasi Huawei AI Glasses nomli sun’iy intellekt asosidagi ilk smart ko‘zoynaklarini rasman taqdim etdi. Model HarmonyOS platformasida ishlovchi birinchi ko‘zoynak bo‘lib, foto olish funksiyasini qo‘llab-quvvatlaydi.

Qurilma 12 megapikselli yuqori sezuvchan kamera va 1/2,8 dyuymli sensor bilan jihozlangan. U HDR Vivid standartida 4096 × 3072 pikselgacha suratga olish hamda 1920 × 1440 piksel sifatda sekundiga 30 kadr tezlikda video yozish imkonini beradi.

Ko‘zoynak maxsus ishlab chiqilgan chip va o‘rnatilgan sun’iy intellekt yordamchisi bilan ta’minlangan. Uni ovoz orqali yoki chap dasta qismidagi tezkor tugma yordamida faollashtirish mumkin.

Qurilma yengil materiallardan tayyorlangan bo‘lib, yuqori aniqlikdagi yig‘ish texnologiyasi qo‘llanilgan. Natijada dasta...

Endilikda chet tilini o‘rganish xarajatlarining 50 foizi, kasbiy malaka imtihoni xarajatlari esa to‘liq qoplab beriladi. Shavkat Mirziyoyev tashqi mehnat migratsiyasini tizimli tashkil etishga qaratilgan chora-tadbirlar taqdimoti bilan tanishdi.

Bugungi kunda 1,2 mln nafardan ortiq o‘zbekistonlik dunyoning 40 ga yaqin davlatlarida mehnat qilmoqda. Global mehnat bozorida, xususan, Yevropa va Sharqiy Osiyoda malakali mutaxassislarga bo‘lgan ehtiyoj ortib borayotganini inobatga olgan holda, mamlakatimizda migratsiya geografiyasini kengaytirish ustuvor vazifa etib belgilandi.

Ayni paytda xorijiy hamkorlardan 100 mingdan ortiq mutaxassislar, jumladan, Germaniyadan 40 ming nafar hamshira, Yaponiyadan esa qurilish va logistika sohalari uchun 15 ming nafar xodimga buyurtmalar kelib tushgan.

Ushbu ehtiyojni qoplash...

Slovakiyada logistika va ombor xo‘jaligi yo‘nalishida munosib mehnat sharoitlariga ega bo‘lgan bo‘sh ish o‘rinlari taklif etilmoqda. Bu haqda Migratsiya agentligi ma’lum qildi.

«Youth Globe Xususiy Bandlik Agentligi» MChJ dunyoga mashhur DHL xalqaro logistika kompaniyasi omborlariga xodimlarni ishga taklif etadi. Mazkur loyiha doirasida nomzodlar bilan 1 yildan 3 yilgacha muddatga rasmiy mehnat shartnomasi imzolanishi ko‘zda tutilgan.

Hozirgi vaqtda ombor xo‘jaligi uchun Retrak (Kara) hamda NZV (Rochla / Pallet truck) haydovchilari talab etilmoqda. Ushbu vakansiyalarga rus tilini muloqot darajasida biladigan, 21 yoshdan 45 yoshgacha bo‘lgan erkak va ayollar hujjat topshirishlari mumkin. Ish beruvchi bilan saralash bosqichi hisoblangan onlayn suhbat joriy...

Huawei kompaniyasi ayollar auditoriyasiga mo‘ljallangan yangi premium smart soati – Huawei Watch Ultimate Star Diamond Edition’ni taqdim etdi. Bu haqda Huawei central nashri ma’lum qildi.

Soat korpusi, bilaguzugi va hatto siferblati ham deyarli to‘liq olmos bilan bezatilgan. Kompaniya ma’lumotiga ko‘ra, dizaynda tabiiy olmoslar ishlatilgan. Siferblatda 3, 6, 9 va 12 raqamlar o‘rnidagi an’anaviy belgilar ham qimmatbaho toshlar bilan almashtirilgan. Bundan tashqari, olmos bilan bezatilgan krona va dekorativ tugmalar ham qurilma ko‘rinishini to‘ldirib turadi.

Dizaynga qaramay, smart soat funksional jihatdan Ultimate seriyasining asosiy imkoniyatlarini saqlab qolgan. Qurilmada sog‘liqni tezkor baholash uchun X-TAP tizimi mavjud. Shuningdek, u qondagi glyukoza darajasi...