Yangiliklar

21-fevral kuni kutilayotgan yomg‘irlar sabab respublikaning tog‘ oldi va tog‘li hududlarida sel va suv toshqini yuzaga kelishi mumkin. «O‘zgidromet» tezkor gidrometeorologik axborot bilan chiqdi.

Unga ko‘ra, quyidagi hududlarda sel-suv toshqin hodisalari yuzaga kelishi mumkin:

Ilon Mask X ijtimoiy tarmog‘idagi sahifasida Netflix striming servisiga o‘zi haqida serial suratga olishni taklif qildi. Unda milliarder «qora tanli» inson sifatida tasvirlanishi lozimligini kinoya bilan ta’kidlagan.

Ushbu g‘oya tarmoq foydalanuvchilaridan biri tomonidan joylashtirilgan va sun’iy intellekt yordamida yaratilgan suratdan so‘ng paydo bo‘ldi. Suratda Mask o‘zga sayyoraliklar qurshovida qora tanli qahramon sifatida tasvirlangan bo‘lib, bu Netflixning so‘nggi yillardagi kasting siyosatiga qaratilgan ochiq parodiya hisoblanadi.

«Iltimos, buni haqiqatga aylantiring, bu juda ajoyib bo‘lardi», – deya izoh qoldirdi tadbirkor post ostida.

Eslatib o‘tamiz, Forbes jurnali Ilon Maskning boyligi tarixda ilk bor $800 mlrd dan oshganini ma’lum...

Tesla o‘zining birinchi to‘liq avtonom avtomobili – Cybercab ishlab chiqarilganini e’lon qildi. Ushbu model Tesla tarixidagi birinchi rulsiz va pedalsiz avtonom avtomobil bo‘lib, yo‘lovchilarni inson yordamisiz olib yurishga mo‘ljallangan.

Dizayn va salon xususiyatlari

Cybercab ikki o‘rindiqli, kompakt coupe ko‘rinishida bo‘lib, yuqoriga ochiladigan «butterfly» eshiklar bilan jihozlangan. Rulsiz dizayn salonni keng ko‘rsatadi, o‘rindiqlar orasida 20,5 dyuymli katta ekran o‘rnatilgan. Yo‘lovchilar ekran orqali filmlar tomosha qilishlari, xaritani tekshirishlari mumkin. Avtomobil esa rulni o‘zi boshqaradi. Avtomobil bagaji ham kattagina, bir nechta sumka bemalol sig‘adi.

Ishlab chiqarish usuli

Tesla Cybercab ishlab chiqarishda «Unboxed» deb nomlangan yangi usulni qo‘llamoqda. An’anaviy yig‘ish...

Geely kompaniyasining Geely Galaxy Starshine 6 avtomobili yangilandi. Bu haqda CarNewsChina nashri ma’lum qildi.

Sedan kattaroq 28,3 kVt/soat batareya bilan jihozlandi. To‘liq elektr rejimida 170 km yuradi, bu oldingi talqindan 45 km ko‘p. Hisob-kitob CLTC sikliga asoslangan.

Avtomobil o‘lchamlari o‘zgarmagan. Uzunligi 4806 mm, kengligi 1886 mm, balandligi 1490 mm. G‘ildirak bazasi 2756 mmni tashkil etadi.

Old qismda xrom bezakli trapetsiyasimon radiator panjarasi bor. Orqa qismda uzluksiz chiroqlar qo‘llangan. Kuch qurilmasi 1,5 litrli atmosferali dvigateldan iborat. Uning quvvati 82 kVt yoki 110 ot kuchi. Elektromotor tafsilotlari rasman tasdiqlanmagan.

Amaldagi model 8,5 va 17 kVt/soatli LFP batareya bilan taklif etiladi. Ular...

Rossiyada 1970-yilda ishlab chiqarilgan birinchi seriyadagi VAZ-2101 («Jiguli») sotuvga chiqarildi. Avito.ru’ga ko‘ra, 1970-yilda atigi 21,5 ming dona sedan ishlab chiqarilgan.

Shu bois ilk nusxalar 1980-yillardagi ommaviy modellariga qaraganda ancha noyob hisoblanadi. Sotuvga qo‘yilgan avtomobil 35,3 ming km yo‘l bosgan. Egasi mashina ehtiyotkorlik bilan foydalanilgani va qishda haydalmaganini bildirgan.

Salon, disklar va asosiy agregatlar original holatda saqlangan. Kuzovga faqat kosmetik bo‘yoq berilgan, metall qismi payvand qilinmagan. Kapot ostida 1,2 litrli zavod dvigateli va original uzatmalar qutisi mavjud.

Avtomobil AvtoVAZning 50 yillik tadbirlarida qatnashgan va ko‘rgazmada 2-o‘rinni olgan. Noyob model uchun 2,1 mln rubl (333,3 mln so‘m) so‘ralmoqda. O‘zbekiston...

Markaziy bank AI Challenge hakatoni doirasida ilgari surilgan innovatsion g‘oyalarni amaliyotga joriy etish bosqichiga o‘tdi. Bu haqda regulyatorning rasmiy sahifasida ma’lum qilindi.

Tadbirda Speech-to-Text (STT) modeli challenge doirasida tanlab olingan yechimlarning birinchi yo‘nalishi bo‘ldi. Ushbu model o‘zbek tilida, turli shevalar va bank terminologiyasini aniqlik bilan tushunishga qodir bo‘lib, bank tizimiga integratsiya qilinadi. Bu texnologiya murojaatlarni tezkor qayta ishlash, call-markaz faoliyatini optimallashtirish va ichki hujjatlashtirish jarayonlarini avtomatlashtirish imkonini beradi.

Ikkinchi yo‘nalish – RAG (Retrieval-Augmented Generation) texnologiyasiga asoslangan virtual assistentni sinovdan o‘tkazish. U normativ-huquqiy hujjatlar va katta hajmdagi ma’lumotlarni tahlil qilib, xodimlarga aniq va tezkor javoblar taqdim etadi, qaror qabul...

Xorazm viloyatining Hazorasp tumanida 13,1 mlrd so‘mlik gaz talon-toroj qilindi. Bu haqda Energetika vazirligi ma’lum qildi. Holat «Pahlavon Mahmud» MFYda joylashgan «G.M.H.» MChJga qarashli ko‘p qavatli uyda qayd etilgan.

Tekshiruvda uy ta’minot tashkiloti bilan shartnoma tuzmasdan ulanganligi ma’lum bo‘ldi. Loyiha-texnik hujjatlar ham rasmiylashtirilmagan. Iste’molchi tabiiy gaz tarmog‘iga to‘g‘ridan to‘g‘ri ulanib, gazdan noqonuniy foydalangan.

Holat yuzasidan dalolatnoma tuzilib, gaz hajmlari qayta hisoblangan. Dastlabki hisob-kitoblarga ko‘ra, 13,1 mlrd so‘mlik zarar aniqlangan.

Barcha hujjatlar huquqni muhofaza qiluvchi organlarga yuborildi. Holat bo‘yicha qo‘shimcha o‘rganish olib borilmoqda.

Avvalroq Kursiv Uzbekistan nashri Farg‘onada ko‘p qavatli uy 1,7 mlrd so‘mlik gazni o‘g‘irlagani haqida yozgan edi.

UEFA Chempionlar ligasi pley-off bosqichi doirasida Norvegiyaning «Budyo-Glimt» klubi Italiyaning «Inter» jamoasini qabul qilib, 3:1 hisobida shov-shuvli g‘alaba qozondi.

Norvegiya chempionati ayni damda mavsum oralig‘i ta’tilida bo‘lishiga qaramay, mezbonlar ikkinchi bo‘limda o‘yin nazoratini to‘liq qo‘lga olishdi. Avvalroq «Manchester Siti» va «Atletiko»ni mag‘lub etgan «Budyo-Glimt», bu safar Italiya A Seriyasida yaqqol peshqadam bo‘lib turgan «Inter»ni ham yengishga muvaffaq bo‘ldi.

O‘yinning 20-daqiqasida Sondre Fet hisobni ochgan bo‘lsa, oradan o‘n daqiqa o‘tib Franchesko Pio Esposito muvozanatni tikladi. Uchrashuv taqdiri ikkinchi bo‘limda, atigi uch daqiqa ichida hal etildi. 61-daqiqada Yens Petter Hauge jamoasini yana oldinga olib chiqdi, 64-daqiqada esa Kasper Xyog yakuniy hisobni...

General Motors 2025–2026-yilgi modellari Chevrolet Silverado 3500 HD va GMC Sierra 3500 HD pikaplarida yonilg‘i yetkazib berish muammosini o‘rganmoqda. Bu haqda Tarantas News nashri xabar berdi.

Muammo chassis-cab versiyalarida, 6,6 litrli V8 L8T benzin dvigateli va ikki yonilg‘i bak tizimi (RPO N2N) bo‘lgan avtomobillarda uchraydi, umumiy hajmi 63,5 gallon.

Ichki byulletenga ko‘ra, ba’zi mashinalar orqa bakda yonilg‘i bo‘lsa ham birdan o‘chib qolishi mumkin. Shuningdek, Check Engine indikatorida P3261, P3262 yoki P3263 kodlari paydo bo‘lishi va yonilg‘i darajasi ko‘rsatkichi bo‘sh ko‘rsatishi mumkin, holbuki tizimda yonilg‘i mavjud.

GM ilgari ham shunga o‘xshash modellarda yonilg‘i yetkazib berish yetarli bo‘lmasligi holatlarini qayd etgan...

Rossiya Oliy sudi uchta pastki instansiya qarorlarini bekor qilmaslikka qaror qildi va rus telekanallari tomonidan Google’ga qarshi qo‘yilgan 91,5 kvintillion rubl miqdoridagi talablarni dolzarb deb tan oldi. Bu haqda RIA Novosti xabar berdi.

Hujjatlarda qayd etilishicha, dolzarb talablar qarzdorning boshqa kreditorlar reyestriga kiritilgan talablariga nisbatan ustuvor ravishda qondiriladi.

Sudya Sergey Samuylov Google International LLC kompaniyasining apellyatsion shikoyatini ko‘rib chiqdi va iqtisodiy nizolar bo‘yicha Sud kollegiyasi tomonidan bu masalani qayta ko‘rib chiqish uchun asos topilmadi.

Ushbu astronomik talablar, Amerikaning korporatsiya tuzilmalari 13 ta telekanal va 3 ta mediaga tegishli YouTube akkauntlarini blokdan chiqarish bo‘yicha sud qarorlarini bajarmagani natijasida yuzaga kelgan...

Infinix rasman yangi Note 60 seriyali smartfonlar oilasini taqdim qildi. Ushbu liniyaga ikki model kiradi – asosiy Note 60 va seriyaning yulduzi Note 60 Pro.

Note 60 Pro Infinix Note seriyasidagi birinchi Snapdragon protsessorli model bo‘lib, bir qator noyob xususiyatlarga ega.

Dizayn va yordamchi ekran

Infinix Note 60 Pro 6,78 dyuymli AMOLED ekran bilan jihozlangan bo‘lib, 1,5K piksellar o‘lchami va 144 Hz yangilanish chastotasiga ega. Modelning o‘ziga xos jihatlaridan biri – orqa paneldagi yordamchi Active Matrix displey bo‘lib, u aqlli bildirishnomalarni ko‘rsatish, mini-o‘yinlarni ishga tushirish, animatsiyalangan hayvonlarni namoyish qilish va foydalanuvchi yozuvlari hamda dinamik naqshlarni ko‘rsatish imkonini...

Hyundai kompaniyasi barcha modellarda yagona dizayn joriy etadi. Bu haqda brendning Yevropadagi bo‘limi rahbari Ksavye Martinen ma’lum qildi.

Unga ko‘ra, kelajakdagi modellar bir-biriga ko‘proq o‘xshaydi. Biroq har bir model o‘ziga xos ko‘rinishini saqlab qoladi.

Martinenning aytishicha, xaridorlar mashina tanlashda avvalo dizayn va narxga e’tibor beradi. Yirik avtomobillarda dizayn muhimroq ahamiyatga ega. Chunki tanlov keng. A va B segmentidagi kichik avtomobillarda esa narx asosiy omil hisoblanadi.

Kompaniya xaridorlarni narx, texnik ko‘rsatkich va tashqi ko‘rinish orqali jalb qilmoqchi. Rahbar hozircha model qatorida yagona uslub yetishmayotganini tan oldi. Ayni paytda modellarni faqat yorug‘lik elementlari va mayda detallar bog‘lab turadi.

Kelajakda barcha modellar...

Bukmekerlik xizmatlarini reklama qilgan blogerlar ma’muriy javobgarlikka tortildi. Bu haqda Raqobat qo‘mitasi xabar berdi.

Qo‘mita o‘rganishlari davomida bir necha yuz minglab kuzatuvchiga ega ayrim blogerlar o‘z sahifalarida bukmekerlik xizmatlarini reklama qilgani aniqlangan. Shuningdek, qimor o‘yinlarini targ‘ib qiluvchi sahna ko‘rinishlari orqali joylashtirilgan videoroliklar ham kuzatildi.

Bu holatlar blogerlar F.Shirinboyeva (@clemenskoelpin) va D.Baxtiozin (@mjova41, @Damirrxon) sahifalariga tegishli ekani ma’lum qilindi. Mazkur holatlar yuzasidan blogerlar belgilangan tartibda ma’muriy javobgarlikka tortilib, tegishli hujjatlar sudga yuborildi.

«Reklama to‘g‘risida»gi Qonunga ko‘ra, O‘zbekiston hududida qimor o‘yinlari va tavakkalchilikka asoslangan boshqa o‘yinlarni reklama qilish taqiqlanadi. Bunday reklama uchun javobgarlik belgilangan.

Eslatib o‘tamiz, avvalroq bukmekerlikni targ‘ib qiluvchi...

Toyota C-HR modeli qayta taqdim etildi. Endi u oddiy krossover emas, balki to‘liq elektromobilga aylandi. 2026-yilgi model AQSh bozorida elektr SUV sifatida sotuvga chiqadi. Yevropada esa boshqa versiyalar taklif etiladi.

AQSh uchun mo‘ljallangan C-HR 74,7 kVt/soat sig‘imli batareya bilan jihozlangan. Unda ikkita elektromotor bor. Umumiy quvvati 338 ot kuchiga yaqin. Avtomobil 0 dan 100 km/soat tezlikka taxminan 5 soniyada chiqadi. Bir zaryad bilan 460 km masofa bosib o‘tishi aytilmoqda. Tezkor quvvatlash imkoniyati mavjud. Batareya 10 foizdan 80 foizgacha taxminan 30 daqiqada to‘ladi. Mashina NACS ulagichi orqali Supercharger tarmog‘iga ham mos keladi.

Yevropada model C-HR+ nomi bilan sotiladi. U yerda...

Vena texnologiya universiteti va Cerabyte kompaniyasi hamkorlikda dunyodagi eng kichik QR-kodni yaratib, Ginnesning rekordlar kitobiga kirdi. 1,98 kvadrat mikrometr maydonni egallagan ushbu kod ko‘plab bakteriyalardan ham kichikroqdir.

QR-kod shunchalik kichikki, uni oddiy optik mikroskopda ko‘rib bo‘lmaydi, o‘qish uchun esa elektron mikroskop talab qilinadi. Kodning alohida piksellari 49 nanometr o‘lchamda bo‘lib, bu ko‘rinadigan yorug‘lik to‘lqin uzunligidan qariyb o‘n barobar kichikdir. Ginnes tomonidan tasdiqlangan ushbu rekord avvalgi eng kichik koddan 37 foizga ixchamroq ekani qayd etildi.

«Biz yaratgan tuzilma juda mayda, ammo barqaror va qayta o‘qilishi mumkin», – dedi professor Paul Mayrxofer.

Tadqiqotchilar ma’lumotlarni uzoq muddat...

Tijorat banklari tomonidan 19-fevral kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

O‘zbekiston AQSh hukumati bilan muhim foydali qazilmalar sohasida hamkorlikni kengaytirish bo‘yicha kelishuv imzoladi. Bu haqda Reuters nashri xabar berdi.

Unga ko‘ra, mazkur qadam AQSh prezidenti Donald Trampning Xitoyning strategik resurslar va ularning yetkazib berish zanjiridagi ustunligini muvozanatlash siyosati doirasida amalga oshirildi.

Bitimga ko‘ra, muhim foydali qazilmalar zanjirining barcha bosqichlariga sarmoya kiritish rejalashtirilgan. Bunga geologik qidiruv, qazib olish va qayta ishlash kiradi. Shuningdek, kelgusida foydali qazilmalar va infratuzilma loyihalarini amalga oshirish uchun AQSh – O‘zbekiston qo‘shma investitsiya xolding kompaniyasini tashkil etish taklif qilindi.

Donald Tramp hokimiyatga qaytgach, AQSh Markaziy Osiyoning besh davlati bilan aloqalarni faollashtirdi. O‘tgan yil noyabr oyida Tramp...

Silk Road Samarkand xalqaro turizm markazi hududida zamonaviy dor yo‘li (kanat yo‘li) qurilishi boshlandi. Bu haqda Samarqand shahar hokimligi xabar berdi.

Loyihaga ko‘ra, dor yo‘lining umumiy uzunligi 1700 metrni tashkil etadi. U 35 ta kabinadan iborat bo‘lib, har bir kabina 10 nafargacha yo‘lovchini tashish imkoniyatiga ega. Inshoot soatiga 1500 nafargacha mehmonlarga xizmat ko‘rsatishi rejalashtirilgan.

Mazkur loyiha amalga oshirilishi natijasida turizm markazi hududida harakatlanish yanada qulaylashadi. Shuningdek, sayyohlar hududni balandlikdan tomosha qilish, manzaralardan bahramand bo‘lish va qo‘shimcha dam olish imkoniyatiga ega bo‘ladi.

Avvalroq Kursiv Uzbekistan Samarqandda Xorvatiya konsulligi ochilishi mumkinligi haqida yozgandi.

Shuningdek, Fransiya kompaniyasi Shohimardondan Dugobaga osma dor...

Angliya Premyer-ligasining navbatdagi turida turnir jadvali peshqadami «Arsenal» so‘nggi o‘rindagi «Vulverxempton» mehmoni bo‘ldi. Londonliklar ikki to‘p farqi bilan oldinda borayotganiga qaramay, yakunda 2:2 hisobidagi durangga imzo chekdi.

Uchrashuv mehmonlar uchun omadli boshlandi. O‘yinning 5-daqiqasida Bukayo Saka Deklan Raysning uzatmasidan unumli foydalanib, boshi bilan darvozani ishg‘ol qildi va hisobni ochdi. Bu gol Saka uchun barcha musobaqalardagi so‘nggi 15 o‘yin ichida kiritilgan birinchi to‘p bo‘ldi. Birinchi bo‘lim davomida «Arsenal» ustunlikni saqlab qolishga muvaffaq bo‘ldi.

Tanaffusdan so‘ng 55-daqiqada Pyero Inkapie jamoasining ikkinchi golini kiritdi. Dastlab hakamlar ofsayd qayd etgan bo‘lsa-da, VAR tizimi orqali vaziyat o‘rganilgach, gol inobatga olindi. Bu ekvadorlik himoyachining «kanonirlar...

Qozog‘istonlik blogerlar Pavel va Maks yangi videosida Changan CS75 Plus’ni chuqur va nam qor sharoitida sinab ko‘rdi. Ular avtomobilning to‘liq g‘ildirakdan tortish tizimi qanday ishlashini amalda tekshirdi.

Texnik jihatlar va mufta ishlashi

Changan CS75 Plus 2 litrli Blue Core dvigateli va 8 pog‘onali AISIN avtomat uzatmalar qutisi bilan jihozlangan. Tortishni taqsimlash uchun BorgWarner’ning oltinchi avlod muftasi qo‘llanilgan.

Tizim ABS va ESP datchiklaridan ma’lumot olib ishlaydi. Old g‘ildiraklar sirpansa, elektronika avtomatik ravishda orqa o‘qni ulaydi. Zarurat tug‘ilganda momentning 50 foizigacha orqa g‘ildiraklarga uzatiladi. Blogerlar fikricha, bu texnologiya Volvo va BMW modellari ishlatadigan tizimlarga yaqin.

Qor, grunt va qum...

Samarqand shahrida Xorvatiya konsulligi ochilishi mumkin. Bu haqda O‘zA xabar berdi. Xorvatiya parlamenti delegatsiyasining Samarqandga tashrifi davomida bu masala muhokama qilingan.

Delegatsiya Samarqand shahri hokimi Fazliddin Umarov bilan uchrashdi. Muzokaralarda Toshkentda Xorvatiya elchixonasi va Samarqandda konsullik ochish istiqbollari ko‘rib chiqildi.

Tomonlar Samarqand va Dubrovnikni birodar shaharlar sifatida bog‘lash tashabbusini ham muhokama qildi. Qayd etilishicha, Dubrovnik aholisi 40 mingdan ortiq. Shunga qaramay, shahar yiliga qariyb 4 mln sayyohni qabul qiladi.

Dubrovnikning turizm tajribasini Samarqandda qo‘llash imkoniyatlari yuzasidan fikr almashilgan. Uchrashuvda transport, farmatsevtika, aloqa va IT sohalarida hamkorlikni kengaytirish masalalari ham ko‘rib chiqilgan.

Kursiv Uzbekistan Xorvatiyada Turkiyaga tegishli yong‘in samolyoti qulab...

Volkswagen Group o‘zining yangi sho‘ba korxonasi Scout Motors faoliyatini boshlash muddatini kamida 2028-yilgacha surishi mumkin. Bu haqda Der Spiegel nashri xabar berdi.

Dastlab kompaniya to‘liq elektr SUV va pikap modellarini 2027-yilda taqdim etishni rejalashtirgan edi.

Manbalarga ko‘ra, kechikish sabablari qatorida texnik muammolar hamda o‘zgaruvchan iqtisodiy sharoitlar tilga olinmoqda.

Elektrdan gibrid yechimiga o‘tish

Scout brendi aslida 1960 – 1980-yillarda International Harvester tomonidan ishlab chiqarilgan yo‘ltanlamas avtomobil sifatida mashhur bo‘lgan. Volkswagen uni zamonaviy, to‘liq elektr transport vositasi sifatida qayta tiklashni rejalashtirgan va 2024-yil boshida Blythewood (Janubiy Karolina)da yangi zavod qurilishini boshlagan edi. Qurilish ishlari o‘tgan yili deyarli yakunlangani aytiladi.

Biroq...

Navoiy shahridagi «Qizilqum» professional futbol klubining «U-19» jamoasi bosh murabbiyi tomonidan sodir etilgan noqonuniy holat fosh etildi. Bu haqda O‘zbekiston futbol assotsiatsiyasi (O‘FA) ma’lum qildi.

Unga ko‘ra, bosh murabbiy o‘z xizmat mavqeyidan foydalanib, Nurota tumanida yashovchi 2008-yilda tug‘ilgan o‘smirdan asosiy tarkibga qabul qilinish evaziga 20 mln so‘m talab qilgan. O‘yinchi va uning oilasi murabbiyning bu harakatidan xabardor bo‘lgan, ammo rahbarning qarori va klub komissiyasi orqali rasmiy saralash jarayoni o‘tkazilishi kerakligini lozim deb bilgan.

Bosh murabbiy talab qilgan pul mablag‘ini olayotgan vaqtida DXX va Iqtisodiy jinoyatlarga qarshi kurashish departamenti xodimlari tomonidan ashyoviy dalillar bilan ushlandi. Hozirda unga nisbatan Jinoyat...

18-fevral kuni Shavkat Mirziyoyev AQSh savdo vakili Jeymison Grir bilan uchrashdi. Tomonlar O‘zbekiston – AQSh strategik sheriklik munosabatlari, JSTga a’zolik masalalarini muhokama qilishdi. Bu haqda prezident matbuot xizmati xabar berdi.

Muzokaralarda qo‘shma loyihalar doirasida imzolangan ikki tomonlama hujjatlarning amaliy natijalari muhokama qilindi. O‘zbekiston – AQSh strategik sheriklik munosabatlari, avvalo, savdo-iqtisodiyot va investitsiya sohalarida barqaror rivojlanayotgani qayd etildi.

Tomonlar o‘zaro savdoni kengaytirish bo‘yicha amalga oshirilayotgan chora-tadbirlar samaralarini mamnuniyat bilan ta’kidladi. O‘tgan yilda ikki mamlakat o‘rtasidagi tovar ayirboshlash hajmi $1 milliarddan oshgani ma’lum qilindi.

Shuningdek, O‘zbekistonning JSTga a’zo bo‘lish jarayonini yakunlash bo‘yicha amaliy hamkorlikni kuchaytirish hamda AQSh tomonidan ushbu jarayonni qo‘llab-quvvatlash muhimligi...