Yangiliklar

Toshkent shahrida savdo va servis obyektlari yonidagi xususiy avtoturargohlarni shahar boshqaruvining yagona raqamli tizimiga integratsiya qilish bo‘yicha tajriba loyihasi boshlandi. Bu tashabbus Toshkent shahar Yo‘l harakatini tashkil etish markazi tomonidan amalga oshirilmoqda.

Loyihaning asosiy maqsadi shahar markazida tartibsiz to‘xtash holatlarini kamaytirish, piyodalar harakati uchun xavfsiz va qulay muhit yaratish hamda transport oqimini tartibga solishdan iborat. Unga ko‘ra, hozir ayrim gavjum hududlarda avtomobillar piyodalar yo‘laklari va kirish yo‘llarini to‘sib qo‘yayotgani muammo bo‘lib qolmoqda.

Yangi tizim orqali barcha avtoturargohlar yagona platformaga ulanadi va ularning bandligi real vaqt rejimida kuzatib boriladi. Bu esa bo‘sh joylarni aniqlashni osonlashtiradi, haydovchilarning ortiqcha aylanishini kamaytiradi hamda...

General Motors (GM) kompaniyasi bir nechta davlatlarda yangi Chevrolet Tracker 2026 modelini taqdim etdi. Kursiv Uzbekistan avtomobilning mahalliy bozordagi kelajagi bo‘yicha «O‘zavtosanoat» AJ matbuot xizmatiga so‘rov yubordi.

Kompaniya matbuot xizmatining «Kursiv» nashriga ma’lum qilishicha, hozirgi vaqtda Chevrolet Tracker 2026 modelini O‘zbekistonda ishlab chiqarishni yo‘lga qo‘yish rejalashtirilmagan.

«Mazkur yo‘nalishda tegishli qarorlar qabul qilingan taqdirda, bu haqda jamiyatning rasmiy axborot resurslarida e’lon qilinadi», – deyiladi kompaniya izohida.

Model haqida

GM 2026-yilgi Chevrolet Tracker LTZ modelini Ekvador bozorida rasman taqdim qildi. Yangilangan krossover avval mart oyida Chilida namoyish etilgan edi.

Ekvador ushbu model yetkazilgan Janubiy Amerikaning...

Yaqin Sharqdagi mojarolar fonida Investitsiyalar, sanoat va savdo vazirligida muqobil logistika yo‘nalishlari ko‘rib chiqilmoqda. Bu haqda vazirlik matbuot xizmati Kursiv Uzbekistan nashriga ma’lum qildi.

Xususan, yuk tashish uchun Xitoy portlari orqali, Qozog‘iston tranziti bilan amalga oshiriladigan yo‘nalishlar muqobil variant sifatida ko‘rib chiqilmoqda. Shuningdek, Gruziya portlari ham muqobil yo‘nalishlardan biri sifatida tilga olingan bo‘lib, bu vaziyatda yuklar Turkmaniston orqali tranzit qilinishi rejalashtirilgan.

Vazirlik qayd etishicha, Eron hududidagi beqarorlik sababli Bender-Abbos porti orqali yuk tashish xarajatlari o‘rtacha 30 – 40 foizga oshgan.

AppScience operatsion direktori Andrey Gluxov RBK’ga bergan intervyusida Yaqin Sharq energiya tashuvchilar va konteynerlar yetkazib beriladigan asosiy markaz ekanini...

O‘zbekistonda jamoat joylarida sovuq qurol sifatida ishlatilishi mumkin bo‘lgan buyumlarni belgilangan tartibga zid ravishda olib yurish holatlariga nisbatan javobgarlik kuchaytirildi. Bu haqda Adliya vazirligi xabar berdi.

Unga ko‘ra, kasbiy, sport yoki maishiy maqsadlardan tashqari holatlarda sovuq qurol sifatida ishlatilishi mumkin bo‘lgan buyumlarni jamoat joylarida ochiq holda olib yurish tartibi kuchaytiriladi.

Agar shunday harakat uchun ma’muriy jazodan keyin bir yil ichida takroran huquqbuzarlik sodir etilsa, BHMning 1 baravaridan 5 baravarigacha (412 ming so‘mdan 2,1 mln so‘mgacha) miqdorda jarima qo‘llanadi.

Shuningdek, «Qurol to‘g‘risida»gi Qonunga kiritilgan o‘zgartirishlarga ko‘ra, bolalarga nisbatan zo‘ravonlik holatlarida fuqaroviy qurolga egalik qilish huquqi vaqtincha cheklanishi mumkin. Bunday holatda...

Buxoro viloyatining Peshku tumani hududida noqonuniy baliq ovlash holati aniqlandi. Ekopolitsiya xodimlari tomonidan Qoraqir tabiiy suv havzasida o‘tkazilgan reyd davomida uch nafar fuqaro qo‘lga olindi.

Tekshiruvda ular taqiqlangan to‘r yordamida baliq ovlagani ma’lum bo‘ldi. Fuqarolar 342 dona zog‘ora baliq ovlagan. Bundan tashqari, O‘zbekiston Qizil kitobiga kiritilgan 2 dona Turkiston mo‘ylovdori baliq ham ushlangan.

Shuningdek, ularda 3 dona kulrang g‘oz tuxumi borligi aniqlangan. Ushbu holat tabiatga jiddiy zarar yetkazgan.

Mutaxassislar o‘tkazgan ekspertiza natijasida ekologiyaga yetkazilgan zarar 717 mln so‘m deb baholandi. Noqonuniy ov vositalari va jami 344 dona baliq ashyoviy dalil sifatida olib qo‘yilgan.

Mazkur holat yuzasidan hujjatlar yuqori organlarga...

Innoprom. Markaziy Osiyo xalqaro ko‘rgazmasi doirasida «Texnologik markazlar – Yevroosiyoning yangi sanoat landshafti» mavzuidagi asosiy yalpi sessiyasi bo‘lib o‘tdi. Asosiy e’tibor muqobil energiya, axborot texnologiyalari hamda yangi ishlab chiqarish tarmoqlarini joriy etishga qaratildi.

O‘zbekiston bosh vaziri o‘rinbosari Jamshid Xodjayev xomashyoni chuqur qayta ishlash va import o‘rnini bosuvchi mahsulotlar ishlab chiqarish bo‘yicha qo‘shma korxonalar tashkil qilish mintaqa uchun muhimligini qayd etdi.

«Biz xomashyoni chuqur qayta ishlash va import o‘rnini bosuvchi mahsulotlarni mahalliylashtirish bo‘yicha qo‘shma korxonalar tashkil etishdan manfaatdormiz», – dedi u.

Rasmiyning ta’kidlashicha, mamlakat quyosh va shamol energiyasini rivojlantirish, shuningdek, to‘qimachilik, farmatsevtika va avtomobil ishlab...

Xitoyning Chery kompaniyasi yangi Chery Exeed EX7 modelini taqdim etdi. Yangi krossover ikki xil texnologiyada ishlab chiqilgan.

Model EREV va EV versiyalarda chiqadi. EREV bu benzin generatori yordamida yurish masofasini oshiradigan elektromobil hisoblanadi. EV esa to‘liq elektr dvigatel bilan ishlaydi. EREV versiyasida avtomobil 1,5 litrli dvigatel bilan jihozlangan. U batareyani quvvatlab turadi. Bu model elektrda 245 km gacha yuradi. Umumiy yurish zaxirasi esa 1 520 km gacha yetadi.

To‘liq elektr versiya 800V platformaga ega. Maksimal yurish zaxirasi 726 km ni tashkil etadi. Tez zaryadlashda 5 foizdan 80 foizgacha atigi 11,5 daqiqada quvvat oladi. Modelning asosiy yangiligi yangi tormoz tizimi...

Soliqdan bo‘yin tovlagan tadbirkorlar uchun jazo choralari kuchaytirildi. Tadbirkorlik subyektlarining huquqiy himoyasi va javobgarlikni kuchaytirishga qaratilgan yangi qonun qabul qilindi.

Yangi o‘zgarishlarga ko‘ra, soliqni yashirish yoki kam ko‘rsatish holatlari uchun javobgarlik kuchaytirildi. Agar bunday qoidabuzarlik ma’muriy jazodan keyin yana takrorlansa BHMning 100 baravaridan 150 baravarigacha jarima belgilanadi. Shuningdek, 2 yilgacha axloq tuzatish ishlari yoki 1 yildan 3 yilgacha ozodlikni cheklash yoxud ozodlikdan mahrum qilish jazosi ham qo‘llanishi mumkin.

Avval bu kabi jinoyat uchun jarima ancha past edi. Ya’ni BHMning 15 baravarigacha jarima yoki 2 yilgacha axloq tuzatish ishlari bilan cheklanardi.

Qonunga yana bir muhim yangilik kiritildi. Endi tadbirkorlar o‘z...

Janubiy Koreyaning Shinhan Banki O‘zbekistonda faoliyat boshlashni rejalamoqda. Bank mamlakatni Markaziy Osiyodagi asosiy yangi o‘sish bozori sifatida ko‘rmoqda.

Moliyaviy manbalarga ko‘ra, bank O‘zbekistonda sho‘ba kompaniya ochish bo‘yicha ichki qarorni qabul qilgan. Ariza 2026-yilning birinchi yarmida mahalliy regulyatorlarga topshirilishi kutilmoqda. Agar ruxsat berilsa, bu Shinhan Bankning 11-xorijiy sho‘basi bo‘ladi va O‘zbekistonda Janubiy Koreyaning yirik banklari orasida birinchi bo‘lib to‘liq faoliyat boshlaydi.

Bank allaqachon mahalliy tashkilotlar bilan muzokaralar o‘tkazgan va tayyorgarlik ishlarining katta qismi yakunlangan. Tahlilchilar fikricha, yangi bank 2027-yildan ish boshlashi mumkin. Shinhan Bankning O‘zbekistonga kirish rejasi yangi emas. Bank 2009-yilda Toshkentda vakolatxona ochgan. 2024-yilda esa muzokaralarni faollashtirib, rahbariyat darajasida...

Apple iOS 27 tizimida iPhone bosh ekran sozlamalarini yangilamoqchi. Bu haqda Bloomberg nashri jurnalisti Mark Gurman ma’lum qildi.

Yangi yangilanishda bosh ekran menyusiga «Bekor qilish» va «Qayta bajarish» tugmalari qo‘shilishi kutilmoqda. Bu foydalanuvchilarga o‘zgarishlarni tezda ortga qaytarish yoki yana takrorlash imkonini beradi.

Hozirda bosh ekran ustida uzoq bosilganda to‘rtta bo‘lim chiqadi. Ular orasida vidjet qo‘shish, sozlash, fonni o‘zgartirish va sahifalarni tahrirlash mavjud.

Apple ushbu menyuni yanada qulay qilish uchun yangi tugmalarni shu yerga qo‘shishni rejalashtirmoqda.

Bundan tashqari, iOS 27’da alohida Siri ilovasi paydo bo‘lishi va Apple Intelligence funksiyalari yaxshilanishi mumkin.

Yangi tizim ko‘proq xatolarni tuzatish va barqarorlikni oshirishga qaratilgan...

Fransiya 1-Ligasining 30-turida «Lion» futbol klubi amaldagi peshqadam PSJ ustidan 2:1 hisobida g‘alaba qozonib, turnir jadvalida uchinchi o‘ringa ko‘tarilib oldi.

Uchrashuv qahramoniga aylangan 19 yoshli braziliyalik hujumchi Endrik oltinchi daqiqada hisobni ochishga muvaffaq bo‘ldi. O‘yinning 18-daqiqasida uning aniq uzatmasidan so‘ng 21 yoshli portugaliyalik hujumchi Afonso Moreira jamoasining ikkinchi golini kiritdi.

O‘yinning 33-daqiqasida PSJ hujumchisi Gonsalu Ramush penaltidan unumli foydalana olmadi, uning zarbasini «Lion» darvozaboni Dominik Greyf qaytardi. Parijliklar safida yagona javob golini hakam tomonidan qo‘shib berilgan to‘rtinchi daqiqada Xvicha Kvaratsxeliya kiritdi.

Chempionlar ligasiga yo‘llanma beruvchi o‘rinlar uchun kurashda «Lion» to‘rtinchi o‘rindagi «Lill»ni to‘plar nisbatiga ko‘ra ortda qoldirmoqda. Birinchi o‘rindagi...

Qozog‘iston kompaniyasi mamlakatdagi yirik «Severniy Katpar» volfram konining 70 foiz ulushini amerikalik investorlarga sotdi. Bu haqda Kursiv Kazakhstan xabar berdi.

Bitim 2026-yil 13-fevralda tuzilgan. 16-aprel kuni esa yirik bitim sifatida rasman e’lon qilingan. Ulush Cove Kaz Capital Group kompaniyasiga berilgan. Mazkur kompaniya volfram va molibden qazib olish bilan shug‘ullanadi. Kon Qozog‘istonning Qarag‘anda viloyatida joylashgan. Zaxiralar taxminan 90 ming tonna volfram va 13 ming tonna molibdenga baholanmoqda.

Kelishuvga ko‘ra, loyiha qo‘shma korxona shaklida rivojlantiriladi. Amerikalik investorlar 70 foiz ulushga ega bo‘ladi. Qozog‘iston tomoni esa 30 foizni saqlab qoladi. Investorlar loyiha rivoji uchun kamida $1,1 mlrd sarmoya kiritishni rejalamoqda. Shundan...

Ijtimoiy tarmoqlarda Mubashshir Ahmadning (Alisher Tursunov) jazoni o‘tash koloniyasi o‘zgartirilgani aytilmoqda. U avval Navoiy viloyatining Qiziltepa tumanida joylashgan koloniyada saqlanayotgan bo‘lsa, endilikda Toshkent viloyati Bo‘stonliq tumanidagi Tovoqsoy hududidagi jazoni ijro etish muassasasiga o‘tkazilgan.

Yaqinlarining bildirishicha, ko‘chirish jarayoni kutilmaganda amalga oshirilgan va bu borada rasmiy idoralar tomonidan batafsil izoh berilmagan.

Odatda mahkumlarni boshqa muassasaga o‘tkazish xavfsizlik talablari, ichki tartib yoki sog‘liq holati kabi omillar bilan izohlanadi. Biroq ushbu holatda aynan qaysi sabab asos bo‘lgani hozircha ochiqlanmagan.

Eslatib o‘tamiz, Mubashshir Ahmad 2025-yil 8-oktabr kuni Toshkent shahar Uchtepa tumani sudi qarori bilan 2,5 yil muddatga ozodlikdan mahrum etilgan edi. U sud...

Estoniya Slovakiya bosh vaziri Robert Fisoning 9-may kuni Moskvada bo‘lib o‘tadigan tadbirlarga borishi uchun o‘z havo hududidan foydalanishga taqiq qo‘ydi. Litva va Latviya ham xuddi shunday qaror qabul qilgan.

Estoniya tashqi ishlar vaziri Margus Saxknaning rasmiy bayonotiga ko‘ra, mazkur qaror tajovuzkorni ulug‘lashga qaratilgan paraddan norozilik ramzi hisoblanadi.

«Fiso bu yil ham Moskvaga parvoz qilish uchun Estoniya havo hududidan foydalanishga ruxsat olmaydi. Biz buni o‘tgan yili taqiqlagan edik va hozir ham xuddi shu tamoyil amal qilmoqda», – dedi u.

Avvalroq Litva va Latviya ham o‘z havo hududini Slovakiya bosh vazirining samolyoti uchun yopishi haqida xabar...

Germaniyada o‘zbekistonliklar texnik kasb egalari uchun yangi ish imkoniyatlari e’lon qilindi. Bu haqda Migratsiya agentligi xabar bermoqda.

Ish o‘rinlari muhandislik, sanoat, logistika va ishlab chiqarish yo‘nalishlarini qamrab oladi. Qurilish loyihalari rahbarlari, elektr ustalari, mexaniklar, chilangarlar, shuningdek, ombor va ishlab chiqarish xodimlariga talab mavjud.

Taklif etilayotgan ishlar uzoq muddatli mehnat shartnomasi asosida bo‘ladi. Maosh miqdori oyiga $2,5 mingdan $3,5 minggacha qo‘lga berilishi kutilmoqda. Nomzodlardan texnik yoki qurilish yo‘nalishida o‘rta maxsus yoki oliy ma’lumot talab etiladi. Shuningdek, ish tajribasi ham muhim hisoblanadi. Nemis tilini kamida A2 darajada bilish zarur, ayrim lavozimlar uchun esa yuqoriroq daraja talab qilinadi.

Mutaxassislar xavfsizlik qoidalariga rioya...

Saudiya Arabistonidan qaytayotgan bir guruh o‘zbekistonlik ziyoratchilar Turkiyada, 18-aprel kuni Sabiha Gokcen International Airportda qolib ketgan. Bu haqda O‘zbekistonning Istanbul shahridagi Bosh konsulxonasi xabar berdi.

Ma’lum bo‘lishicha, fuqarolar Ihlos Travel va Hikmat Travel xizmatlari orqali Ar-Riyod — Istanbul — Chimkent — Toshkent yo‘nalishida safarni rejalashtirgan. Biroq kompaniyalar o‘z majburiyatlarini to‘liq bajarmagani sababli yo‘lovchilar tranzit hududida sarson bo‘lib qolgan.

Ular orasida yoshi katta va betob fuqarolar ham bo‘lib, ayrimlari yo‘nalishni o‘zgartirib, bevosita Toshkentga uchish imkonini yaratishni so‘ragan.

Vaziyatga O‘zbekiston Bosh konsulxonasi aralashib, mas’ul tashkilotlar hamda turfirmalar bilan muzokaralar o‘tkazdi. Natijada fuqarolar vaqtincha oziq-ovqat, transport va zarur xizmatlar bilan ta’minlandi hamda ularni...

Hindistonning Virudhunagar tumanida sodir bo‘lgan kuchli zavod portlashi oqibatida 23 kishi halok bo‘lgani aytilmoqda. India TV xabariga ko‘ra, yana olti kishi jarohat olgan.

Jarohat olganlarining to‘rt nafari og‘ir ahvolda shifoxonaga yotqizilgan. Voqea paytida zavodda 30 ga yaqin ishchilar ishlab turgan. Hududda 100 dan ortiq ishchilar bo‘lgani aytilmoqda. Portlash xomashyo bilan ishlash vaqtida yuz bergani taxmin qilinmoqda.

Zarb kuchi juda katta bo‘lgan. Kamida uchta xona vayron bo‘lgan. Yaqin atrofdagi binolar ham jiddiy zarar ko‘rgan. Qutqaruv ishlariga portlashdan keyin ham davom etgan pirotexnika portlashlari xalaqit bergan. Rasmiylar vayronalar ostida yana odamlar qolgan bo‘lishi mumkinligini aytmoqda. Qidiruv-qutqaruv ishlari davom etmoqda.

Eslatib o‘tamiz...

«Titanik» halokatidan omon qolgan yo‘lovchiga tegishli qutqaruv jileti auksionda 670 ming funt sterling ($906 ming)ga sotildi. Bu haqda Associated Press xabar berdi.

Mazkur jilet «Titanik» bilan bog‘liq yodgorliklar auksionining eng qimmat lotiga aylandi. Savdolar Angliyaning g‘arbiy qismidagi Devizes shahrida joylashgan Henry Aldridge & Son auksion uyi tomonidan o‘tkazildi.

Lotni telefon orqali qatnashgan noma’lum xaridor sotib oldi. Yakuniy narx oldindan belgilangan 250 – 350 ming funt bahodan ancha yuqori bo‘ldi.

Qutqaruv jileti birinchi toifa yo‘lovchisi Mabel Francatelliga tegishli bo‘lgan. U ushbu jilet bilan cho‘kayotgan kemani qutqaruv qayig‘ida tark etgan. Jiletda Francatelli va shu qayiqdagi boshqa tirik qolganlarning imzolari saqlanib qolgan.

Raqobat qo‘mitasi Golden House Property Group ustidan ko‘plab shikoyatlar kelib tushayotganini bildirdi. Ma’lumotlarga ko‘ra, 2025-yilda va 2026-yilning hozirgi davriga qadar ushbu kompaniya faoliyati bo‘yicha jami 74 ta murojaat bo‘lgan. Shundan 54 tasi qo‘mita aralashuvidan keyin ijobiy hal etilgan.

Natijada fuqarolar foydasiga 1 mlrd 128 mln so‘mdan ortiq mablag‘ qayta hisob-kitob qilib berilgan.

2025-yil davomida 40 ta murojaat tushgan bo‘lib, ularning 87 foizi hal etilgan. Ko‘p holatlarda fuqarolar va kompaniya o‘rtasida kelishuvga erishilgan. Biroq 2026-yilning birinchi choragida yana 34 ta yangi shikoyat kelib tushgan. Ularning bir qismi hal qilingan, ayrimlari bo‘yicha ish qo‘zg‘atilgan va tekshiruvlar davom etayotir.

Raqobat qo‘mitasi qurilish...

Honor kompaniyasi yangi Honor Magic 9 Pro Max modelini tayyorlamoqda. Bu qurilma ikkita 200 MP kamera bilan taqdim etilishi mumkin.

Kameralardan biri asosiy modul, ikkinchisi esa periskop zoom kamera bo‘ladi. Bu esa uzoq masofadan sifatli suratga olish imkonini oshiradi. Yangi modelda video sifati ham sezilarli yaxshilanadi. Qurilmada kuchli stabilizatsiya tizimi qo‘llanadi. Bu tasvirni yanada silliq qiladi va silkinishni kamaytiradi. Ayniqsa, qorong‘i sharoitda surat va video sifati yaxshilanishi kutilmoqda.

Insayderlarga ko‘ra, Honor bu safar kinematografiya texnologiyalariga e’tibor qaratmoqda. Kompaniya ARRI bilan hamkorlik qiladi. Ushbu kompaniya kino sanoatida mashhur bo‘lib, professional kameralar va yoritish tizimlarini ishlab chiqadi. ARRI texnologiyalari ranglarni aniq...

2026-yil 19-aprel kuni Myunxenning «Bavariya» klubi «Shtutgart» ustidan ishonchli g‘alabaga erishib, o‘z tarixida 35-marta Germaniya Bundesligasi g‘olibiga aylandi.

Uchrashuvning 21-daqiqasida Kris Fyurix chiroyli zarba bilan mehmonlarni hisobda oldinga olib chiqdi. Biroq myunxenliklar bunga 31-daqiqada Rafael Gerreyru va 33-daqiqada Nikolas Jeksonning tezkor gollari bilan javob qaytarishdi.

Tanaffusga qadar, ya’ni 37-daqiqada Alfonso Devis Luis Diasning uzatmasidan so‘ng hisobni 3:1 ko‘rinishiga keltirdi. Ikkinchi bo‘limda Jamol Musialaning o‘rniga maydonga tushgan Harri Keyn 52-daqiqada jamoasining to‘rtinchi goliga mualliflik qildi. Bu hujumchining joriy mavsumdagi 32-goli hisoblanadi.

Uchrashuvning 88-daqiqasida Chema Andres «Shtutgart»ning ikkinchi golini kiritib, hisobni qisqartirdi. Ushbu g‘alaba tufayli «Bavariya» so‘nggi 14 mavsumdagi 13-titulini rasmiylashtirdi...

General Motors (GM) ayrim Chevrolet Tracker va Chevrolet Trailblazer modellari egalari sezayotgan vibratsiya haqida rasmiy izoh berdi. Bu haqda GMAutority nashri xabar bermoqda.

Kompaniya bu holat nosozlik emasligini ta’kidladi. Vibratsiya odatda avtomobil qiyalikda, old qismi pastga qaratilgan holda to‘xtab turganda paydo bo‘ladi. Ayniqsa, dvigatel ishlayotgan va mashina harakatsiz bo‘lgan paytda tebranish seziladi. Sababi shundaki, bunday holatda dvigatel tayanchi elementi boshqa detal bilan tegishib ketadi. Bu esa vibratsiyaga olib keladi, ammo avtomobilga zarar yetkazmaydi.

GM dilerlarga avtomobilni tekshirib ko‘rishni tavsiya qilgan. Sinov qiyalikda o‘tkaziladi va agar aynan shu holat takrorlansa, qo‘shimcha ta’mirlash talab etilmaydi.

Shuningdek, konditsioner yoqilganda vibratsiya kuchayishi...

O‘zbekistonda voyaga yetmaganlar ishtirokidagi pornografik materiallar uchun 3 yilgacha ozodlikdan mahrum qilish jazosi belgilandi. Bu haqda qabul qilingan qonun bilan ayrim qonun hujjatlariga o‘zgartirishlar kiritildi.

Unga ko‘ra, voyaga yetmaganlar tasvirlangan pornografik materiallarni tarqatish maqsadida saqlaganlik uchun javobgarlik keskin kuchaytirildi. Bunday harakatlar uchun jarima, axloq tuzatish ishlari, ozodlikni cheklash yoki 3 yilgacha ozodlikdan mahrum qilish jazosi belgilandi.

Shuningdek, qonunchilikka «voyaga yetmagan guvohning qonuniy vakili» tushunchasi kiritildi. Endilikda voyaga yetmagan guvoh ishtirok etgan ishlar jarayonida uning huquq va manfaatlarini himoya qilish uchun ota-ona, vasiy yoki boshqa qonuniy vakillar majburiy tarzda jalb etiladi.

Bundan tashqari, voyaga yetmaganlar ishtirokidagi pornografik mahsulotlarni saqlash uchun...

Nogironligi bo‘lgan bolalarni parvarishlash tizimida xizmat ko‘rsatuvchi tadbirkorlar 2030-yilgacha soliqlardan ozod etiladi. Bu haqda qabul qilingan qonun bilan ayrim qonun hujjatlariga o‘zgartirishlar kiritildi.

Yangi tartibga ko‘ra, 3 yoshdan 18 yoshgacha nogironligi bo‘lgan bolalar uchun kunduzgi parvarish xizmatidan foydalanuvchi ota-onalar uchun yengilliklar joriy etildi. Endilikda har bir farzand uchun oyiga 3 million so‘mgacha to‘lanadigan mablag‘ daromad solig‘idan ozod qilinadi. Bu esa oilalarning moliyaviy yukini sezilarli darajada kamaytiradi.

Shuningdek, davlat-xususiy sheriklik asosida kunduzgi parvarish xizmatini yo‘lga qo‘ygan tadbirkorlar uchun ham katta imtiyozlar belgilandi. Ular 2030-yil 1-yanvargacha barcha turdagi soliqlardan (ijtimoiy soliqdan tashqari) ozod etiladi. Bu esa mazkur yo‘nalishda xususiy sektor ishtirokini...