Yangiliklar

Endi oliygohlarda ayrim talabalar buyurtma asosida o‘qitiladi. Bu haqda prezident raisligida o‘tayotgan yig‘ilishda ma’lum qilindi.

Unga ko‘ra, qiymati bir million dollardan oshadigan va ishchilar soni 50 tadan yuqori bo‘lgan loyihalarning texnik-iqtisodiy asosida soha va yo‘nalishlar kesimida mutaxassislar ehtiyoji ko‘rsatiladi.

Shu asosda mas’ul vazirlik va tarmoq rahbarlari oliygohlarga buyurtma joylashtirib, kadrlarni maqsadli tayyorlash tizimi yo‘lga qo‘yiladi.

Rektorlar buyurtma asosida o‘qiyotgan talabalar uchun asosiy fanlardan tashqari qo‘shimcha ta’lim modullarini joriy etadi va ularni o‘qigan talabalar kredit ballarini oladi. Talabalarning bilimi esa ikkinchi kursdan boshlab, ularni ishga olishga tayyor investorlardan iborat komissiya ishtirokida har yili baholab boriladi.

Diplom ishi loyihadagi...

«Navoiy» hududini rivojlantirish bo‘yicha o‘tkazilgan yig‘ilishda prezident Shavkat Mirziyoyevga Navoiy shahridagi ko‘l bo‘yida barpo etiladigan park loyihasi taqdim qilindi.

«O‘zbekiston 24» telekanali xabariga ko‘ra, rekreatsion hudud tarkibida plyajli akvapark, savdo nuqtalari bo‘lishi kutilmoqda. Loyiha zamonaviy jamoat maskaniga aylanishi rejalashtirilgan.

Bundan tashqari, «Yashil makon» dasturi doirasida park hududida 200 mingdan ortiq daraxtlar ekish mo‘ljallangan.

Bundan avval Navoiyda sakkizta kon uchun $566 million investitsiya jalb etilishi haqida yozgandik.

Unga ko‘ra, tadbirkorlar takliflariga asoslangan $1,6 mlrdlik qo‘shimcha loyihalar taqdim etilib, 10 mingta yangi ish o‘rni va $238 mlnlik eksport imkoniyatlari yaratilishi rejalashtirilgan.

Shuningdek, Nurota tumanida sanoat zonasi tashkil etish, kashtachilik markazlarini...

Bugun, 8-avgust kuni dollar kursi 79,04 so‘mga oshib, 12 672,81 so‘mni qayd etdi. Bu haqda Valyuta birjasi xabar bermoqda.

Dollar kursining so‘nggi besh kunlikdagi o‘zgarishi

Shuningdek, Markaziy bank ma’lumotlariga ko‘ra, yevro 55,50 so‘mga oshib, 14 753,69 so‘mni, rubl esa 0,40 so‘mga oshib, 158,89 so‘mni tashkil qildi.

Yevro va rubl valyutasining so‘nggi besh kunlikdagi o‘zgarishi

Quyida yevro va rubl kurslarining o‘zgarishi bo‘yicha jadval keltirilgan:

Eslatib o‘tamiz, Kursiv Uzbekistan AQSh valyutasining hafta davomida qanday o‘zgargani haqida yozgan edi.

Nubia kompaniyasi Red Magic 10S Pro Fighting Buddha Collector’s Edition modelini taqdim etdi. Bu haqda Gizmochina nashri ma’lum qildi.

Qurilma $1099 narxda GeekWills’da oldindan buyurtmaga ochildi, yetkazib berish sentabr boshida boshlanadi.

Eng yuqori darajadagi unumdorlik

Smartfon Snapdragon 8 Elite Leading Version chipseti (soat chastotasi 4,32 GHz) va Adreno 830 GPU bilan ishlaydi. 12 GB LPDDR5X tezkor xotira hamda 512 GB UFS 4.0 Pro doimiy xotira esa og‘ir o‘yinlarda ham silliq ishlashni ta’minlaydi. Qurilma Red Magic OS 10.5 tizimida ishlaydi, unda ko‘plab o‘yinlarga optimallashtirish funksiyalari mavjud.

O‘yinlar uchun mo‘ljallangan ekran

6,85 dyuymli AMOLED displey 1,5K o‘lchamda, 144 Hz yangilanish tezligi...

Har bir talabani oliygohda o‘qitib, mutaxassis qilib tayyorlash uchun davlat yiliga 25 – 30 million so‘m sarflamoqda. Bu haqda prezident raisligidagi yig‘ilishda ma’lum qilindi.

Ammo to‘rt yil oliygohda o‘qib, diplom olgan yoshlarning yarmidan ko‘pi kam malaka talab etadigan ishlar bilan band bo‘lib qolmoqda.

Yig‘ilishda oliygohlar tayyorlayotgan kadrlar bilan ish beruvchilarning talabi o‘rtasida katta farq borligi ta’kidlandi.

Masalan, yengil sanoatning o‘zida to‘rt ming nafar oliy toifali kadrga ehtiyoj mavjud. Bu yo‘nalishda yiliga o‘rtacha 2,5 ming talaba bitirsa-da, ularning 42 foizi korxonalardagi zamonaviy uskunalarda ishlashni bilmagani sababli ishga joylasha olmayapti. Natijada tadbirkorlar tayyor mutaxassislarni chetdan jalb qilishga majbur bo‘lmoqda.

Davlat...

Jahon bozorida oltin narxi yangi tarixiy rekordni o‘rnatdi. Bu haqda RBK nashri xabar berdi.

Bunga AQSh tomonidan bir kilogrammli oltin quymalari importiga boj joriy qilinishi sabab qilib ko‘rsatilgan. Eng katta o‘sish dekabr oyida yetkazib beriladigan oltin fyucherslarida kuzatildi – narx 2,32 foizga ko‘tarilib, $3534,10 ni tashkil etdi. Bu tarixdagi eng yuqori narx bo‘lib, avvalgi rekord 2025-yil 22-aprel kuni $3509,90 da qayd etilgandi.

Toshkent vaqti bilan soat 15:10 holatiga ko‘ra, oltinning narxi bir troy unsiyasi (31,1 gramm) uchun $3492,5 ni tashkil qilmoqda.

AQSH bojlarining global ta’siri

Oltin narxining keskin oshishiga sabab bo‘lgan asosiy omil AQShning 1 kg og‘irlikdagi...

Chery’ning Jetour brendi yangi Jetour Shanhai L7 Plus krossoverini taqdim etishga tayyorgarlik ko‘rmoqda. Bu haqda CarNewsChina xabar bermoqda.

Oldindan buyurtmalar 18-avgustdan boshlanadi, rasmiy taqdimot esa avgust oxirida Chengdu avtosalonida bo‘lib o‘tadi. Model 5 va 7 o‘rinli talqinlarda taqdim etiladi. Narxi 200 ming yuandan ($28 ming) past bo‘lishi kutilmoqda.

Shanhai L7 Plus yangi dizayn uslubida yaratilgan. Old qismida uzluksiz LED chiroq chizig‘i va Jetour logotipidagi «J» harfiga mos shakldagi faralar joylashgan. Pastki qismida trapezoid shaklli havo panjari va yon havo kanallari mavjud.

O‘lchamlari: uzunligi 4810 mm, eni 1930 mm, balandligi 1705 mm, g‘ildirak bazasi 2820 mm. 19 yoki 20 dyuymli...

Leapmotor kompaniyasi BYD yo‘lidan borib, avtomobil ehtiyot qismlari ta’minotiga kirishdi. Kompaniya tijorat transport vositalari ishlab chiqaruvchilariga akkumulyator bloklarini yetkazib bermoqda. Bu haqda CarNewsChina xabar bermoqda.

Batareyalar yetakchi ishlab chiqaruvchi CATL va boshqa kompaniyalarning elementlaridan yig‘iladi. Dizayn va yig‘ish ishlari Leapmotor’ning Lingxiao Energy shuba korxonasida amalga oshiriladi.

Leapmotor beshdan ortiq yangi energiya tijorat transporti ishlab chiqaruvchilaridan buyurtma olgan. Xeazon New Energy Vehicle kompaniyasi bilan muzokaralar yakuniy bosqichda.

Kompaniya rahbari Chju Syanmin iyul oyida kompaniya o‘z ishlab chiqish imkoniyatlarini batareya, motor va elektron boshqaruvdan tashqari boshqa qimmatbaho qismlar ishlab chiqarishga ham kengaytirishini aytgan.

Leapmotor ilgari yo‘lovchi avtomobillar bozorida Stellantis bilan...

Alinea Analytics prognozlariga ko‘ra, GTA VI narxi oddiy nashr uchun 70-80 dollardan oshmaydi, deb xabar berdi Wccftech. Take-Two Interactive rahbariyati hozircha narxlar haqidagi ma’lumotlarni oshkor qilishdan bosh tortdi.

Kompaniya bosh direktori Shtraus Zelnikning aytishicha, narxlar o‘yinni ishlab chiqishning yakuniy qiymatiga bog‘liq bo‘ladi. Rockstar Games studiyasi bu ma’lumotni 2026-yil may oyiga mo‘ljallangan relizga yaqinroq oshkor qiladi.

Tahlilchilar GTA VI’ning odatiy nashri $100 dan kamroq turishiga uchta sabab ko‘rsatdi. Birinchidan, nashriyotlarga daromadning katta qismini GTA Online’dagi mikrotranzaksiyalar keltiradi. Bu o‘yinlarning narxini pasaytirish va franshizaga ko‘proq geymerlarni jalb qilish imkonini beradi.

Ikkinchidan, GTA VI beshinchi qism bilan raqobatlashishi muqarrar. 2013-yilda chiqarilgan GTA...

Prezident Shavkat Mirziyoyev raisligida oliygohlar bitiruvchilarini ishga joylashtirish bo‘yicha kengaytirilgan yig‘ilish o‘tkazilmoqda.

Yig‘ilishda oxirgi yetti yil ichida oliy ta’limga qabul 4,5 baravar oshib, qamrov 42 foizga yetgan bo‘lsa-da, kadrlar tayyorlash tizimi real ehtiyojlarga mos emasligi ta’kidlandi.

Masalan, yiliga 20 ming avtomobil ishlab chiqarayotgan BYD zavodida 100 ta bo‘sh ish o‘rni mavjud. Ularning to‘rtdan biri – robototexnika va bo‘yoqlash, robotlarni dasturlash bo‘yicha muhandislar.

Kadrlar yetishmagani sababli esa zavodga xorijdan 80 nafar mutaxassis jalb etilgan. Zavod 4-5 yil ichida to‘liq quvvatga o‘tib, yiliga 500 mingta avtomobil ishlab chiqara boshlasa, to‘rt ming nafar oliy malakali kadr talab etiladi.

Xitoyning Guangsi viloyatida BYD Song Plus elektromobili uch marta ketma-ket chaqmoq urishiga uchradi. Bu haqda CarNewsChina xabar bermoqda.

Hodisa Beihai shahridagi Tieshan servis hududida sodir bo‘ldi. Yon atrofdagi avtomobillarning videoregistratori voqeani qayd etdi. Chaqmoq mashina tomi ustiga kelib tushganda kuchli chaqnashlar ko‘ringan.

Haydovchi ichkarida xavfsiz qolgan. Mashinaning asosiy «uch elektr» tizimi – quvvat batareyasi, elektron boshqaruv va motor – butun holda saqlanib qoldi. Tekshiruvda tomda ikki zarba izi topildi, lekin boshqa qismlar zarar ko‘rmagan.

Mutaxassislar buni «Faraday qafasi» effekti bilan tushuntirdi. Chaqmoq urganida tok avtomobilning metall korpusi bo‘ylab yerga o‘tadi, ichkaridagi odamlar esa bir xil potensialda bo‘lgani uchun...

Yangi Tenet T7 krossoverining taqdimoti bo‘lib o‘tdi. Bu korxonaning qayta ishga tushirilganidan keyingi ikkinchi modeli bo‘lib, birinchi model Tenet T8 edi.

Aslida, Tenet T7 – bu Chery Tiggo 7 ning nomi o‘zgartirilgan versiyasi. U 1,6 litr hajmdagi 150 ot kuchiga ega turbomotor va 7 pog‘onali «robot» uzatma bilan jihozlangan. Modelda to‘liq uzatma mavjud emas, bu borada u Tenet T8 dan farq qiladi.

Avtomobil uzunligi 4,5 metr, g‘ildirak bazasi 2,67 metr. Salon faqat 5 o‘rindan iborat. Jihozlar qatorida ikki zonali iqlim-nazorat va kruiz-nazorat, old o‘rindiqlar elektr sozlamalari, «issiqlik opsiyalari» to‘plami (old oynani, yuvish purkagichlarini, rul va barcha o‘rindiqlarni isitish), atmosfera...

2025-yilning yanvar – iyul oylarida aholi xonadonlari, korxonalar va infratuzilma obyektlarida o‘rnatilgan quyosh panellari 875 million kVt/soat elektr energiyasi ishlab chiqardi, deya xabar berdi Energetika vazirligi.

1-avgust holatiga ko‘ra, bunday panellarning umumiy quvvati 1,6 ming megavatga yetdi. MVt. Ular O‘zbekiston bo‘ylab 130 mingta obyektga o‘rnatildi.

Xususan, 19,9 mingta ijtimoiy soha obyektlarida panellar quvvati 377 MVtni tashkil etdi. 71,8 mingta uy-joy uchastkalarida – 361 MVtdan ortiq. 2,1 mingta ko‘p qavatli uylarning tomlaridagi panellar – 27 MVt.

Kichik quyosh energetikasini rivojlantirishga biznes katta hissa qo‘shdi. 29,7 mingta tijorat obyektida umumiy quvvati 885 MVt bo‘lgan panellar o‘rnatildi (Taxiatosh IEM quvvatidan ko‘p).

Quyosh...

Toshkentda Shota Rustaveli ko‘chasida – Grand Mir mehmonxonasidan Bobur ko‘chasigacha bo‘lgan qismda olib borilayotgan qurilish ishlari tufayli avtobuslar harakati vaqtincha o‘zgardi.

Ayrim marshrutlar endi faqat bir tomonga harakatlanadi:

Shuningdek, ba’zi boshqa avtobus yo‘nalishlari ham o‘zgarishlarga uchradi:

8-avgust kuni O‘zbekiston prezidenti Shavkat Mirziyoyev Rossiya prezidenti Vladimir Putin bilan telefon orqali muloqot qildi. Suhbatda ikki tomonlama hamkorlik va xalqaro ahamiyatga ega dolzarb masalalar ko‘rib chiqildi.

Putin 6-avgust kuni Moskvada AQSh prezidentining maxsus vakili Stiven Uitkoff bilan o‘tkazilgan muzokaralarning asosiy natijalari haqida ma’lumot berdi.

Tomonlar O‘zbekiston – Rossiya keng qamrovli strategik sheriklik va ittifoqchilik munosabatlarini yanada rivojlantirishning amaliy jihatlarini muhokama qildi. Xususan, o‘zaro savdo va investitsiya hajmini oshirish, iqtisodiyotning ustuvor tarmoqlarida qo‘shma loyihalarni jadallashtirish, hududlar darajasida aloqalarni kengaytirish, ishbilarmonlik va gumanitar almashinuvlarni davom ettirish masalalariga alohida e’tibor qaratildi.

Shuningdek, ikki davlat yetakchilari bo‘lajak uchrashuv va tadbirlar rejasini ham...

Hindiston AQSh bojlari sabab Rossiya neftini xarid qilishni to‘xtatishi mumkin. Bu haqda Bloomberg xabar berdi.

Unga ko‘ra, Hindistonning neftni qayta ishlash zavodlari Rossiya neftini xarid qilishni kamaytirmoqda. Bu holat Vashingtonning Nyu-Dehliga bosimni kuchaytirib, keskin tariflar joriy etishidan so‘ng yuz bergan.

Indian Oil Corp., Bharat Petroleum Corp. va Hindustan Petroleum Corp. kabi kompaniyalar hukumatdan aniq ko‘rsatma bo‘lmaguncha, Rossiya neftini sotib olishni rejalashtirmayapti. Bu qaror oktabr oyida yuklanadigan neft partiyalari xaridiga ta’sir qilishi mumkin.

Shunga qaramay Nyu-Dehli hali rasmiy ravishda davlat zavodlariga Moskva neftini sotib olishni to‘xtatish bo‘yicha ko‘rsatma bermagan, hukumat Trampning tariflariga qarshi chiqmoqda.

Bundan tashqari, Rossiyaning g‘arbiy qismidan olinadigan...

Sogʻliqni saqlash vazirligi fuqarolarni ijtimoiy tarmoqlarda faoliyat yuritayotgan soxta tabiblarga aldanmaslikka chaqirdi.

Vazirlik xabarida aytilishicha, tegishli huquqqa ega boʻlmagan shaxslar tomonidan ruxsat etilmagan usullar bilan tashxis qoʻyish va davolash holatlari koʻpaymoqda.

«Xastaliklardan tez, oson, asoratsiz, muhimi, tabiiy usul bilan va uy sharoitida xalos boʻlishni istagan yurtdoshlarimiz «gʻayritabiiy qobiliyatlarga ega»ligini iddao qilayotgan, turli yoʻllar orqali odamlar ishonchiga kirib, hech qanday tasdiqlanmagan hamda tegishli sinovlardan oʻtmagan «xizmat»larni taklif etayotgan bunday kimsalarga aldanib qolmoqda», – deyiladi xabarda.

Vazirlikning ta’kidlashicha, bunday shaxslar tomonidan taklif etilayotgan usullar amaldagi milliy klinik protokollar va standartlarga zid boʻlib, ular sogʻliq va hayot uchun jiddiy xavf tugʻdiradi. Shuningdek...

Markaziy bank avgust oyi boshida O‘zbekistonning oltin-valyuta zaxiralari $48,7 mlrdga yetganini ma’lum qildi. Hisobot regulyatorning veb-saytida e’lon qilingan.

Oy davomida mamlakatning oltin-valyuta zaxiralari 0,4 foizga oshdi. Ushbu hajmning $8,4 milliarddan ortig‘i naqd valyuta va depozitlarga, $38,6 milliard esa qimmatbaho metallarga to‘g‘ri keldi. Shu bilan birga, troya unsiyalari hajmi avvalgi darajada qoldi – 11,7 mln.

Eslatib o‘tamiz, iyun oyida O‘zbekiston Markaziy banki to‘qqiz tonna qimmatbaho metall sotib olib, oltinning eng yirik xaridoriga aylangandi. Ilgari regulyator qimmatbaho metallarning faol sotuvchisi bo‘lgan.

Birinchi yarim yillikda O‘zbekiston oltinini xorijga yetkazib berish chorakka oshib, $4 milliardga yetdi.

Avvalroq Kursiv Uzbekistan O‘zRTXBda oltin...

Qirg‘iziston prezidenti Sadir Japarov «Ommaviy axborot vositalari to‘g‘risida»gi qonunni imzoladi. Hujjat 2025-yil 25-iyunda Jogorku Kenesh tomonidan qabul qilingan.

Qonunning maqsadi sifatida mustaqil, raqobatbardosh va mas’uliyatli ommaviy axborot vositalarini rivojlantirish uchun sharoit yaratish deya ko‘rsatilmoqda.

Asosiy bandlar:

Lynk & Co kompaniyasi 10 EM-P gibrid sedani 11-avgustdan oldindan buyurtmaga ochiladi. Model 200 ming yuan ($28 ming) bozor segmentiga mo‘ljallangan. Bu haqda CarNewsChina xabar bermoqda.

Barcha versiyalarda to‘liq yuritma va tomdagi lidar standart bo‘ladi.

Avtomobil G-Pilot H7 haydovchiga yordam berish tizimi bilan jihozlangan. Tizim Nvidia Drive Thor chipida ishlaydi va 700 TOPS hisoblash quvvatiga ega. Bu shahar va trassada avtomatik boshqaruv hamda xaritasiz parkovka funksiyasini ta’minlaydi.

Tashqi dizayn Next Day uslubida. Fastbek shakli, romsiz eshiklar, yashirin tutqichlar, H-shaklli old chiroqlar, nuqtali orqa chiroqlar va orqa qanot saqlangan. Ustunlar qora rangda bo‘lib, «suzuvchi tom» effektini beradi. Disklar 19 yoki...

TBC Uzbekistan 2025-yilning ikkinchi choragi va birinchi yarim yilligi uchun moliyaviy hisobotning xalqaro standartlari (MHXS) bo‘yicha moliyaviy natijalarini e’lon qildi.

Unga ko‘ra, kredit va depozit portfellarining sezilarli o‘sishi natijasida umumiy operatsion daromad o‘tgan yilga nisbatan 100 foizga oshib, 1,5 trln so‘mga yetdi. Sof foyda esa 30 foizga ko‘tarilib, 254 mlrd so‘mni tashkil etdi.

TBC Uzbekistan London fond birjasida ro‘yxatga olingan (listing) TBC Bank Group tarkibiga kiradi. Kompaniya joriy yilning dastlabki yarmida TBC Bank Group umumiy daromadining 21 foizini, sof foydaning esa sakkiz foizini ta’minladi.

Kredit va depozit portfeli ikki baravarga oshdi

2025-yil 30-iyun holatiga ko‘ra, kredit portfeli 11,4 trln so‘mga...

Samsung yangi flagman Samsung Galaxy S26 Edge ustida ishlamoqda. Yangi model hozirgi Galaxy S25 Edge’ga qaraganda yangiliklarga boy bo‘ladi.

Ice Universe ma’lumotiga ko‘ra, smartfon yangi Qualcomm protsessoriga ega bo‘ladi. Uning qalinligi 5,5 mm bo‘lib, batareya sig‘imi 4200 mA·soat bo‘ladi.

Taqqoslash uchun, Galaxy S25 Edge 5,8 mm qalinlikka va 3900 mA·soat batareyaga ega. Demak, Samsung bu safar korpusni yupqalashtirib, batareyani kattalashtirmoqda.

Eslatib o‘tamiz, Galaxy S26 Edge smartfoni haqida muhim tafsilotlarni e’lon qilinganini yozgan edik.

Ma’lumotlarga ko‘ra, Galaxy S26 Plus modeli chiqarilmaydi. Uning o‘rnini aynan Galaxy S26 Edge egallaydi. Samsung Galaxy S26 seriyasi 2026-yil boshida taqdim etilishi kutilmoqda.

Rossiyaning Yelabuga shahridagi Sollers zavodida Xitoyning JAC Refine RF8 modeliga asoslangan SP7 nomli yangi miniven ishlab chiqarilishi boshlandi. Mahsulot toʻliq ishlab chiqarish sikli asosida tayyorlanmoqda.

Mahalliylashtirish bosqichma-bosqich kengaytiriladi. Bu jarayonga avtomobilning elektron tizimlari, kuch agregatlari va boshqa komponentlar ham kiritiladi.

SP7 ikki xil versiyada taklif etiladi:

Avtomobil saloni shamollatish, oʻrindiqlarni isitish, massaj funksiyasi va ilgʻor elektronika bilan jihozlangan. Kapot ostida 237 ot kuchiga ega, 2,0 litrli turbomotor joylashgan. U 8 pogʻonali avtomatik uzatmalar qutisi bilan jihozlangan, yuritma esa oldingi gʻildiraklarga uzatiladi.

Narxlar va toʻliq komplektatsiyalar kuzda eʼlon qilinadi. Biroq...

AQSh prezidenti Donald Tramp 8-avgust kuni Oq uyda Ozarbayjon prezidenti Ilhom Aliyev va Armaniston bosh vaziri Nikol Pashinyanni qabul qiladi. Bu haqda uning o‘zi Truth Social tarmog‘ida ma’lum qildi.

Sammit doirasida ikki davlat o‘rtasida rasmiy tinchlik bitimi imzolanishi rejalashtirilgan. Trampning ta’kidlashicha, bu urush yillar davomida minglab insonlar hayotiga zomin bo‘lgan va ko‘plab xalqaro urinishlarga qaramay yakunlanmagan edi. Uning ma’lumotiga ko‘ra, AQSh ma’muriyati uzoq vaqt davomida har ikki tomon bilan muzokaralar olib borgan.

Tinchlik bitimi bilan bir qatorda AQSh har ikki davlat bilan ikki tomonlama iqtisodiy hamkorlik bo‘yicha kelishuv ham imzolaydi. Tramp bu jarayon Janubiy Kavkaz mintaqasining salohiyatini to‘liq...