Yangiliklar

Global smartfon yetkazib berish hajmi 2025-yilda 2024-yilga nisbatan 2 foizga o‘sdi va unga rivojlanayotgan bozorlarda talabning oshishi va iqtisodiy sharoitlarning yaxshilanishi orqali erishildi. Bu haqda Counterpoint Research tadqiqotida keltirilgan.

Apple

To‘rtinchi chorakda Apple mahsulotlari global bozorning rekord darajadagi 25 foizini tashkil etdi va 2025-yil davomida iPhone yetkazib berish hajmi 10 foizga oshdi, bu esa kompaniyaga bozorning 20 foizi​​ni egallash imkonini berdi.

Geografik jihatdan Apple kompaniyasining muvaffaqiyati rivojlanayotgan bozorlar va kichikroq bozorlardagi mavqeyini mustahkamlash bilan bog‘liq edi. Ikkinchi holda, 5G asosidagi smartfonlarga talab oshdi. Eng muhimi, iPhone 17 e’lon qilinganidan keyin ham oldingi avlod Apple smartfonlari oilasi Yaponiya, Hindiston va...

Belgiya elchisi Erik De Mayer hamda Italiya elchisi Gvido De Sanktis O‘zbekistonda o‘z diplomatik faoliyatlarini boshladi. O‘zbekiston Tashqi ishlar vaziri Baxtiyor Saidov ulardan ishonch yorliqlari nusxalarini qabul qilib olganini ma’lum qildi.

Uchrashuvlar davomida O‘zbekistonning Belgiya va Italiya bilan ikki tomonlama munosabatlari muhokama qilindi. Xususan, savdo, investitsiyalar, biznes va iqtisodiy hamkorlikni yanada rivojlantirish, amaliy iqtisodiy aloqalarni kengaytirish masalalariga alohida e’tibor qaratildi.

Shuningdek, suhbatda ishbilarmon doiralar o‘rtasidagi hamkorlikni faollashtirish muhimligi ta’kidlandi. Saidov elchilarga mamlakatdagi diplomatik faoliyatlarida muvaffaqiyat tiladi.

Eslatib o‘tamiz, avvalroq Saudiya Arabistoni elchisi O‘zbekistondagi faoliyatini yakunlayotgani haqida xabar berilgandi. Unga ko‘ra, vazirlikda Saudiya Arabistoni Podshohligining elchisi Yusuf Al-Utaybiy bilan uchrashuv bo‘lib o‘tdi va...

Samsung kompaniyasining kelajakdagi flagmani Samsung Galaxy S27 Ultra kuchli yangilangan kamera bilan jihozlanadi. Galaxy S26 seriyasi hali rasmiy taqdim etilmagan bo‘lsa-da, Galaxy S27 haqidagi ilk tafsilotlar internetda paydo bo‘la boshladi.

Galaxy S27 Ultra asosiy kamerasi uchun mutlaqo yangi 200 megapikselli sensor ishlab chiqiladi. U S5KHP6 (ISOCELL HP6) nomini oladi. Sensorning optik formati hozirgi ISOCELL HP2 bilan bir xil bo‘ladi. Shunga qaramay, Samsung yangi texnologiyalar hisobiga foto va video sifatini sezilarli yaxshilashni rejalashtirmoqda.

S27 Ultra’da asosiy kamera bilan birga o‘ta keng burchakli va old kamera ham almashtirilishini ma’lum qilingan edi. Teleobyektiv kamerasi esa o‘zgarishsiz qoladi. Bu esa yangi flagman kamerasi...

Avstraliyada bolalarning ijtimoiy tarmoqlarga kirishini cheklovchi qonun kuchga kirgandan so‘ng Instagram, Facebook va Threads’ning bosh kompaniyasi Meta ushbu ijtimoiy tarmoqlardagi taxminan 550 mingta akkauntni blokladi. Bu haqda ABC xabar berdi.

Jumladan, 4 – 11-yanvar kunlari qilingan ushbu ishlar davomida Instagram’dan 330 ming, Facebook’dan 173 ming va Threads’dan 39 ming foydalanuvchi o‘chirib tashlandi. Bunga 2025-yil 10-dekabrda kuchga kirgan 16 yoshgacha bo‘lgan bolalarning ijtimoiy tarmoqlardan foydalanishini taqiqlovchi qonun sabab bo‘lgan.

Kompaniyalar qonunga ko‘ra, 16 yoshgacha bo‘lgan avstraliyaliklar tomonidan ijtimoiy tarmoqlardan foydalanilmasligini ta’minlashi shart.

Biroq Meta qonun bolalarning hayotini yaxshilaydi degan fikrga qo‘shilmasligini bildirmoqda. Kompaniyaning ta’kidlashicha, taqiq zaif o‘smirlarni onlayn hamjamiyatlardagi qo‘llab-quvvatlashdan...

Tailandning Phuket orolida 37 yoshli O‘zbekiston fuqarosi voyaga yetmagan qizga jinsiy tajovuz qilganlikda gumonlanib hibsga olindi. Bu haqda Khaosod English xabar bermoqda.

Politsiya ma’lumotlariga ko‘ra, hodisa soat 22:20 atrofida Golden Cat restoranida sodir bo‘lgan. Jabrlanuvchining ko‘rsatmasiga binoan, u hojatxonadan chiqayotganda erkak uning yo‘lini to‘sib, ichkariga sudrab kirgan va tegajog‘lik qilgan. Qiz yordam so‘rab baqirganidan so‘ng restoran xodimlari va boshqa mijozlar aralashib, gumonlanuvchini politsiya yetib kelguniga qadar ushlab turishgan.

Gumonlanuvchi voqea vaqtida restoranda ovqatlanayotgan bo‘lgan. Politsiyasi xodimlari chaqiruv bo‘yicha voqea joyiga yetib borgan. Hozirda gumonlanuvchi hibsga olingan va tergov harakatlari uchun politsiya mahkamasiga o‘tkazilgan. Unga nisbatan jinsiy zo‘ravonlik bilan bog‘liq...

Comex birjasida oltin narxi yangi rekord darajaga chiqdi, deb xabar bermoqda TASS. Unga ko‘ra, 2026-yil fevral oyida yetkazib beriladigan oltin fyucherslari narxi bir troya unsiyasi uchun $4,6 mingdan oshdi.

Savdo ma’lumotlariga ko‘ra, 12-yanvar kuni Toshkent vaqti bilan soat 05:47 da oltin narxi $4,6 mingni tashkil etib, 1,92 foizga oshgan. Soat 05:55 ga kelib esa narx yanada ko‘tarilib, bir unsiya uchun $4, 61 mingga yetdi. Bu o‘sish 2,03 foizni tashkil etdi.

Mutaxassislar oltin narxining keskin oshishini jahon moliya bozorlaridagi noaniqlik va investorlarning ishonchli aktivlarga bo‘lgan talabi ortib borayotgani bilan izohlamoqda.

Eslatib o‘tamiz, avvalroq O‘zbekistonda 5 grammli oltin quymasi narxi ilk...

O‘zbekiston hukumati ziyorat turizmini rivojlantirish doirasida «Umra plus» dasturini kengaytirish bo‘yicha yangi qaror qabul qildi. Hujjatga ko‘ra, 2026 – 2027-yillarda Malayziya va Indoneziyadan O‘zbekistonga keluvchi ziyoratchilar oqimi sezilarli darajada oshiriladi.

Malayziya va Indoneziya asosiy yo‘nalish sifatida belgilandi

Qarorga muvofiq, aynan Malayziya va Indoneziya «Umra plus» ziyorat turizmi dasturining ustuvor bozorlari etib belgilandi. Ushbu ikki davlatdan keluvchi sayyohlar sonini 100 ming nafarga yetkazish rejalashtirilmoqda.

Qarorga ko‘ra, 2026-yil yakuniga qadar Turizm qo‘mitasi tomonidan Malayziya va Indoneziyadan dastur orqali sayyoh olib kelayotgan turoperatorlarga har bir turist uchun $100 miqdorida subsidiya to‘lanadi. Ushbu mablag‘lar Turizmni qo‘llab-quvvatlash jamg‘armasi hisobidan moliyalashtiriladi.

Maxsus yo‘l...

AQShda joylashgan Goldman Sachs investitsiya banki tahlilchilari 2026-yilda global neft narxining pasayishini taxmin qilmoqda.

Buning asosiy sababi talabdan taklifning oshib ketishi bo‘ladi, bank ma’lumotlariga ko‘ra, bu kuniga 2,3 million barrelga yetadi. Bozorni muvozanatlash uchun narxlarni pasaytirish talab etiladi, bu esa Neft eksport qiluvchi davlatlar tashkiloti — OPEC’ga a’zo bo‘lmagan ishlab chiqaruvchilar orasida ishlab chiqarish o‘sishini sekinlashtiradi.

2026-yilga prognoz qilingan o‘rtacha narxlar — Brent’ning bir barreli $56 va WTI uchun $52 miqdorida. To‘rtinchi chorakda eng past ko‘rsatkichlar mos ravishda $54 va 50 bo‘lishi kutilmoqda.

Agentlikning yozishicha, Rossiya, Ukraina, Eron va Venesuela atrofidagi davom etayotgan beqarorlikka qaramay, Goldman Sachs...

Henley & Partners tomonidan e’lon qilingan 2025-yilgi pasportlar reytingida O‘zbekiston pasporti 79-o‘rinni egalladi. Avval mamlakat 82-pog‘onadan joy olgan edi.

Reytingga ko‘ra, O‘zbekiston fuqarolari 62 ta davlatga vizasiz yoki viza kelganda rasmiylashtirish orqali borishi mumkin. O‘zbekiston 79-o‘rinni Qirg‘iziston bilan bo‘lishdi.

Reytingda yetakchilikni Singapur egalladi. Ushbu davlat fuqarolari 193 ta mamlakatga vizasiz tashrif buyura oladi. Eng past o‘rinda esa Afg‘oniston joylashgan. Uning pasporti 24 ta davlatga vizasiz kirish imkonini beradi.

Markaziy Osiyo davlatlari qaysi o‘rinlarda:

Eslatib o‘tamiz, Kursiv Uzbekistan nashri deport qilinganlarga xorijga chiqish pasporti berish tartibi belgilangani haqida yozgan edi.

13-yanvar uchun valyutalar kursi yangilandi. Unga ko‘ra, dollar 32,37 so‘mga pasayib, 12 099,18 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

Dollarning so‘nggi kunlardagi o‘zgarishi

6-yanvar kuni dollar 52,17 so‘mga pasayib, 11 952,24 so‘mni tashkil etgan edi. 7-yanvar kuni 16,35 so‘mga oshib, 11 968,59 so‘mga, 8-yanvarda 64,69 so‘mga oshib, 12 033,28 so‘mga, 9-yanvarda esa 75,74 so‘mga oshib, 12 109,02 so‘mga yetdi. Dollar hafta boshi uchun yuqoriladi: 12-yanvarda 22,53 so‘mga oshib, 12 131,55 so‘mni tashkil etdi.

Markaziy bank ma’lumotlariga ko‘ra, yevro 9,5 so‘mga oshib, 14 134,26 so‘mni, rubl 0,28 so‘mga oshib, 153,82 so‘mni tashkil qildi.

Eslatib...

11-yanvar kuni Buxoro viloyatining Qorako‘l tumanida joylashgan o‘quv markazida tahsil olayotgan 20 nafar abituriyentning sog‘lig‘i yomonlashgani haqida tez tibbiy yordam xizmatiga murojaat kelib tushgan. Bu haqda viloyat sog‘liqni saqlash boshqarmasi xabar berdi.

Holat yuzasidan barcha bemorlar zudlik bilan tuman tibbiyot birlashmasiga yetkazildi.

Viloyat hokimining topshirig‘iga asosan, viloyat sog‘liqni saqlash boshqarmasi boshlig‘i Elyor Oltiyev rahbarligida ishchi guruh tuzilib, vaziyat joyida o‘rganildi. Abituriyentlar Sog‘liqni saqlash vazirligi tasdiqlagan klinik standartlar asosida laborator va instrumental tekshiruvlardan o‘tkazildi.

Shifokorlar tomonidan zarur tibbiy yordam ko‘rsatilishi natijasida barcha bemorlarning ahvoli barqarorlashdi. 20 nafar abituriyent ambulator davolanish uchun uyiga javob berildi.

Rasmiy ma’lumotlarga ko‘ra, har bir bemorga...

«Toshkent» respublika fond birjasi (RFB)dan joy olgan yuqori likvidli aksiyalarning aksariyati 30-dekabrdan 9-yanvargacha bo‘lgan davrda ijobiy dinamikani ko‘rsatib, UCI fond indeksi 0,95 foizga oshdi.

Ushbu davr mobaynida «O‘zsanoatqurilishbank»ning oddiy aksiyalari eng katta o‘sishga erishib, 75,48 foizga qimmatlashdi. Shuningdek, «Hamkorbank»ning ham imtiyozli (+17,37%), ham oddiy (+15,12%) aksiyalari o‘sish qayd etildi.

O‘z navbatida, «Qashqadaryo texnologik transport» aksiyalari 9,84 foizga arzonlashib, haftaning eng katta pasayishini qayd etdi. Bundan tashqari,«Olmaliq KMK» (-4,71%) va «Kvarts» (-4,04%) aksiyalari ham pasayish bilan ajralib turdi. Faqatgina «Aloqabank» va «Chilonzor buyum savdo kompleksi» aksiyalari narxida o‘zgarish kuzatilmadi.

Ushbu davrda bitimlar soni bo‘yicha «O‘zsanoatqurilishbank» (1 968 ta bitim), «Hamkorbank...

Hyundai kompaniyasi Staria minivenining to‘liq elektr versiyasini taqdim etdi. Model Staria Electric deb nomlandi. U brend tarixidagi eng yirik elektromobilga aylandi.

Avtomobil uzunligi 5 255 mm ni tashkil etadi. Bu ko‘rsatkich uni Hyundai’ning barcha batareyali modellari orasida rekordchiga aylantirdi. Tashqi dizayn deyarli o‘zgarmagan. Asosiy yangiliklar texnik qismda joylashgan.

Staria Electric 800 voltli arxitekturaga ega. Old o‘qda joylashgan elektromotor quvvati 218 ot kuchini tashkil etadi. 84 kVt·soatli batareya WLTP sikli bo‘yicha 400 km gacha yurish masofasini ta’minlaydi.

Model tezkor quvvatlashni qo‘llab-quvvatlaydi. Batareya 20 foizdan 80 foizgacha taxminan 20 daqiqada zaryadlanadi. V2L funksiyasi mavjud. Miniven tashqi qurilmalar yoki uy uchun quvvat...

Forbes 2026-yil 12-yanvar holatiga ko‘ra, dunyoning eng boy 10 nafar milliarderini aniqlab, ular egalik qilayotgan kompaniyalarni ma’lum qildi.

Unga ko‘ra, Ilon Mask $722,9 milliardlik boylik bilan Yer yuzasining eng boy odamlari ro‘yxatida birinchi o‘rinni egalladi. 2002-yilda tadbirkor o‘z mablag‘larining katta qismini SpaceX’ni ishga tushirishga xayriya qildi va keyinchalik u Tesla’ga asos soldi. 2016-yilda kompaniya quyosh panellari ishlab chiqaruvchi SolarCity’ni sotib oldi. 2022-yilda Mask Twitter’ni $44 milliardga sotib oldi va uni X deb o‘zgartirdi. Uning aktivlari orasida miya-kompyuter interfeysi sifatida xizmat qilish uchun mo‘ljallangan neyrochipni ishlab chiqaruvchi Neurolink kompaniyasi ham bor.

Reytingda ikkinchi o‘rinni $269 milliardlik boylik bilan...

Xitoyning Chery Tiggo avtomobillari egalari kuchli sovuqlarda jiddiy muammo haqida ommaviy shikoyat qilmoqda. Ayrim holatlarda haydovchi eshigi o‘z-o‘zidan bloklanib qolmoqda. Natijada avtomobil eshigi na ichkaridan, na tashqaridan ochilmaydi. Bu haqda SHOT Telegram kanali xabar berdi.

Dastlabki ma’lumotlarga ko‘ra, nosozlik eshik qulfining elektroaktuatori bilan bog‘liq. Mexanizm ichiga kondensat tushadi va past haroratda muzlaydi. Shu sababli eshik tutqichi va qulf yuritmasi ishlamay qoladi. Muammo ko‘pincha aynan haydovchi eshigida kuzatilmoqda.

Ba’zi holatlarda eshikni markaziy qulfning zaxira tugmasi orqali ochish mumkin. Agar oynalar hali ishlayotgan bo‘lsa, oyna tushirish orqali chiqish ham amalga oshiriladi. Ammo kuchli sovuqda elektronika to‘liq o‘chib qolishi mumkin. Bunday...

O‘zbekistonda mehnat bozorida 2025-yilda HeadHunter (hh.uz) platformasiga 127 mingdan ortiq faol vakansiya joylashtirilgan bo‘lib, bu 2024-yilga nisbatan 17,3 foizga ko‘p. Bu haqda kompaniya ma’lumotlari «Kursiv»ga ma’lum qilindi.

Eng yuqori o‘sish yilning birinchi yarmida qayd etilgan. To‘rtinchi chorakda vakansiyalar soni biroz qisqargan bo‘lsa-da, yillik hisobda bozor ijobiy o‘sishni saqlab qoldi.

Hududlar bo‘yicha eng katta ish beruvchi faollik an’anaviy ravishda Toshkent shahrida jamlangan – poytaxtda bir yil ichida 104 mingdan ortiq vakansiyalar e’lon qilingan. Shu bilan birga, Samarqand, Andijon, Farg‘ona, Buxoro va Namangan kabi yirik viloyat markazlarida ham bo‘sh ish o‘rinlari soni keskin oshgani kuzatildi. Ayrim hududlarda o‘sish sur’ati...

Nissan kompaniyasi Tokioda yangilangan Nissan Z 2027 sportkarini taqdim etdi. Yaponiyada model Fairlady Z nomi bilan sotiladi. Avtomobilga yengil restayling qo‘llandi.

Eng asosiy o‘zgarish tashqi ko‘rinishda bo‘ldi. Old qism to‘liq yangilandi. Katta radiator panjarasi olib tashlandi. Dizayn soddaroq va klassikroq ko‘rinish oldi. Model yangi yashil rangda taklif qilinadi. Shuningdek, 19 dyuymli, 10 spisali yangi disklar paydo bo‘ldi.

Salon deyarli o‘zgarmadi. Endi och rangli, bej charm bilan bezash opsiyasi mavjud. Nismo versiyasida mexanik uzatmalar qutisi paydo bo‘ldi.

Texnik qism ham yangilandi. Amortizatorlar qayta sozlandi. Bu boshqaruvni yanada barqaror qiladi. Tormozlar kattalashtirildi. Natijada tormozlash samarasi oshdi.

Yangilangan Nissan Z savdosi avval...

Professional boksda muvaffaqiyatli odimlayotgan o‘zbekistonlik Ruslan Abdullayev 16-yanvar kuni AQShda o‘zining navbatdagi reyting jangini o‘tkazadi. Bu haqda O‘zbekiston boks federatsiyasi xabar bermoqda.

«Flint» taxallusi bilan harakat qilayotgan hamyurtimizga bu safar urugvaylik tajribali bokschi Eduardo Xavyer Abreu raqiblik qiladi. 37 yoshli Eduardo Xavyer Abreu professional ringda katta tajribaga ega bo‘lib, faoliyati davomida jami 17 ta jang o‘tkazgan. Uning hisobida 14 ta g‘alaba, 1 ta mag‘lubiyat va 2 ta durang mavjud.

O‘z navbatida, havaskor boksda Jahon va Osiyo chempioni bo‘lgan Ruslan Abdullayev professional faoliyatida tezkor o‘sishga erishmoqda. Ushbu jang uning xalqaro maydondagi faoliyatini mustahkamlash va reytingdagi o‘rnini yaxshilash uchun muhim ahamiyatga...

Ustyurt mintaqasidagi «Mo‘ynoq» koni yaqinida joylashgan Shagirlik-quyi yura 2-sonli izlov qudug‘ida tabiiy gaz oqimi aniqlandi. 2026-yil 10-yanvar kuni yakunlangan burg‘ilash ishlari natijasida 5 ming metr chuqurlikdan gaz topilgan.

Gaz oqimi quduqning 5265 – 5061 metr oralig‘idagi qatlamlarda aniqlangan. Geologik qidiruv va burg‘ilash ishlari «O‘zbekgeofizika» AJ hamda «Neft va gaz konlari geologiyasi hamda qidiruvi instituti» davlat muassasasi hamkorligida olib borilmoqda.

Mazkur kashfiyot hududning uglevodorod zaxiralarini o‘zlashtirishda yangi istiqbollarni ochishi kutilmoqda. Loyiha doirasida yaqin kelajakda maydonda yana 3 va 4-sonli izlov quduqlarini burg‘ilash rejalashtirilgan.

Avvalroq Kursiv Uzbekistan gaz qazib olish 5 foizga qisqargani haqida xabar bergan edi.

Dunyo aholisining atigi 0,001 foizi boy odamlardan iborat. Bu haqda 2025-yilning dekabr oyi oxirida nashr etilgan Tengsizlik to‘g‘risidagi hisobotda keltirilgan.

Hisobotda ularning soni taxminan 56 ming kishi ekani aytilgan. Agar ular biror ziyofat uchun yig‘ilsa, butun guruh o‘rta kattalikdagi futbol stadionining, masalan, «Arsenal»ning «Emirates» stadioni yoki Rimdagi «Stadio Olimpico» stadionining o‘rindiqlariga sig‘adi.

Hisobotga ko‘ra, juda boylar odatda yuz millionlab yevroga egalik qiladi, bu guruhdagi o‘rtacha boylik deyarli 1 mlrd yevroga teng. Mualliflar bunday taqqoslashlar eng yuqori qatlamning qanchalik ustunligini ko‘rsatishi va global tengsizlik ko‘lamini anglashga yordam berishini ta’kidlaydi.

Ma’lumotlarga ko‘ra, dunyodagi eng boy 10 foiz aholi umumiy boylikning 75 foizini...

Lexus Yaponiya bozori uchun Lexus IS sedanining 2026-yilgi yangilangan versiyasini rasman namoyish etdi. Modellashgan avtomobilda asosiy e’tibor boshqaruv xususiyatlarini takomillashtirish va salonni modernizatsiya qilishga qaratilgan.

Texnik o‘zgarishlar va boshqaruv

IS 2026 yangilangan elektr rul boshqaruvi tizimi bilan jihozlandi. Ishlab chiqaruvchiga ko‘ra, rul orqali yo‘ldan olinadigan aks aloqalar yanada aniqlashgan, avtomobilning burilishlardagi barqarorligi yaxshilangan. Shuningdek, tashqi ko‘rinishda mayda dizayn tuzatishlari amalga oshirilgan. F Sport versiyalari esa yangi orqa spoyler bilan ta’minlangan.

To‘liq yangilangan salon

Eng katta o‘zgarishlar interyerda kuzatiladi. Lexus old panel va markaziy tunnelni to‘liq qayta ishlagan. Endi salon markazida ikkita 12,3 dyuymli ekran joylashgan. Ulardan biri...

Anadolu Isuzu SamAuto zavodida qishloq xo‘jaligi uchun avtotransport vositalari ishlab chiqaradi. Investitsiyalar, sanoat va savdo vaziri Laziz Kudratov kompaniya Bosh ijrochi direktori Yusuf Tug‘rul Arikan bilan uchrashdi.

Uchrashuvda tomonlar Samarqand avtomobil zavodini bosqichma-bosqich rivojlantirish rejalarini ko‘rib chiqdi. O‘tgan yil dekabr oyida investor ushbu korxona aksiyalarining 75,2 foizini sotib olgandi.

Shuningdek, qishloq xo‘jaligi uchun yangi turdagi avtotransport vositalari va maxsus texnikalar ishlab chiqarishni yo‘lga qo‘yish, modellar qatorini kengaytirish hamda ishlab chiqarish hajmini oshirish rejalari ma’lum qilindi. Ishlab chiqarish nafaqat ichki bozor talabini qondirish, balki eksportni kengaytirishga ham qaratiladi.

Uchrashuv yakunida tomonlar avtomobil sanoati sohasida strategik sheriklikni mustahkamlash va hamkorlikni kengaytirishga...

Bryussel avtosalonida Kia kompaniyasi tomonidan Kia EV2 elektromobili rasman namoyish etildi. Subkompakt krossover brend uchun elektromobillar olamiga kirish darvozasiga aylanishi kutilmoqda. Model E-GMP platformasida yaratilgan.

Tashqi ko‘rinish

Kia EV2 aniq burchakli kuzov, vertikal old chiroqlar va bamper pastki burchaklarida joylashgan noodatiy orqa fonarlar bilan ajralib turadi. GT-Line versiyasi 19 dyuymli yirik disklar bilan jihozlanadi. Dizayn kichik o‘lchamlarga qaramay, avtomobilni yo‘lda ko‘rinishli va jiddiy qilib ko‘rsatadi.

Uzunligi bor-yo‘g‘i 4060 mm bo‘lishiga qaramay, Kia EV2 bagaj hajmi bilan ajralib turadi. Orqa yukxonaga 403 litr yuk sig‘adi, old qismda esa qo‘shimcha 15 litrli frunk bor. Avtomobil faqat old yuritmali bo‘lib...

Turkish Airlines Istanbul aeroportida 12-yanvarga rejalashtirilgan 54 ta parvozni bekor qildi. Ushbu qaror shaharda kutilayotgan noqulay ob-havo sharoiti tufayli qabul qilindi.

Meteorologik favqulodda vaziyatlar qo‘mitasi noqulay ob-havo sharoitida yo‘lovchilar va ekipaj xavfsizligini ta’minlash maqsadida parvozlarni cheklash zarur degan xulosaga kelgan. Istanbulning ikkinchi yirik havo darvozasi Sabiha Go‘kchen xalqaro aeroportida ham operatsion cheklovlar joriy etildi.

Aeroport ma’muriyati Meteorologiya bosh boshqarmasining so‘nggi prognozlariga tayanib, dushanba kuni davomida parvozlar sig‘imini 10 foizga qisqartirish haqida e’lon qildi. Bu cheklov ushbu aeroport orqali amalga oshiriladigan ham ichki, ham xalqaro reyslarga ta’sir ko‘rsatadi.

Turkish Airlines yo‘lovchilarga aeroportga yo‘l olishdan avval aviakompaniya rasmiy manbalari orqali o‘z...