Yangiliklar

«Agrar sektorni zamonaviy qishloq xo‘jaligi texnikalari bilan ta’minlashning navbatdagi chora-tadbirlari to‘g‘risida»gi qarori qabul qilindi. Bu haqda Adliya vazirligi ma’lum qildi.

Qaror qishloq xo‘jaligida mexanizatsiya darajasini oshirishga qaratilgan bo‘lib, xususan, 2026-yilda paxtani mashinalar yordamida terib olish ulushini 70 foizga yetkazish belgilandi.

Shuningdek, qarorga ko‘ra, 2026-yilda qishloq xo‘jaligi texnika va agregatlarini xarid qilish uchun davlat kafolati ostida jalb qilinadigan xorijiy kredit liniyalari orqali tijorat banklari orqali $400 mlnga qadar mablag‘lar yo‘naltiriladi.

Tijorat banklari barcha turdagi qishloq xo‘jaligi texnika va agregatlari xaridi uchun 10 yillik kreditlar ajratadi. Shu jumladan, 2 yillik imtiyozli davr bilan yiliga Markaziy bank asosiy stavkasi...

«Manchester Siti» bosh murabbiyi Pep Gvardiola «Real» jamoasiga qarshi o‘yinda Abduqodir Husanovni o‘ng qanot himoyasi pozitsiyasiga qo‘yish qaroriga oydinlik kiritdi.

«Yagona o‘zgarish Husanov bilan bog‘liq bo‘ldi, chunki Vinisius aynan shu hududda tez-tez paydo bo‘ladi va biz ushbu maydon qismini nazorat qilishimiz kerak edi», – dedi Gvardiola.

Kataloniyalik mutaxassis avvalgi uchrashuvlardagi tajribasiga ham to‘xtalib o‘tdi. Uning so‘zlariga ko‘ra, «Nyukasl»ga qarshi bahsda 11 nafar boshqa futbolchi tushirilib, muvaffaqiyatli rotatsiya qilingan.

«Rejaning bir qismi qanot o‘yinchilari chuqurroq tushishi, markazdagi futbolchilar bo‘sh zonalar topishi va to‘pni hujumchilarga yetkazishidan iborat edi. Shu bilan birga, orqa...

Yaponiyaning Honda kompaniyasi elektromobillar bo‘yicha uchta yangi loyihani to‘xtatishga qaror qildi. Kolesa.kz yozishicha, kompaniya yaqin vaqt ichida ko‘proq gibrid modellarga e’tibor qaratadi.

Ma’lum qilinishicha, Honda elektromobillar bozoridagi talab kutilgan darajada bo‘lmagani sabab strategiyasini qayta ko‘rib chiqmoqda. Avval kompaniya yangi elektromobil modellarini chiqarishni rejalashtirgan edi.

Endi esa Honda «0» liniyasiga kirgan uchta modelni ishlab chiqishni to‘xtatdi. Ular orasida Honda 0 SUV krossoveri, futuristik Honda 0 Saloon modeli va elektromobil sifatida qayta chiqarilishi rejalangan Acura RSX bor edi.

Kompaniya hisob-kitoblariga ko‘ra, ayniqsa, AQSh bozorida elektromobillarga qiziqish pasaygani sabab bu modellarni ishlab chiqarish uzoq muddatda katta zarar keltirishi mumkin edi.

Dastlabki baholashlarga...

Xalqaro havo transporti assotsiatsiyasi (IATA) 2025-yil uchun parvoz xavfsizligi bo‘yicha yillik hisobotni e’lon qildi. Hisobotga ko‘ra, 2025-yilda samolyot bortida 394 kishi halok bo‘ldi.

2025-yilda aviatsion hodisalarning umumiy darajasi har bir million reysga 1,32 tani tashkil etdi. Bu ko‘rsatkich 2024-yildagi 1,42 ga nisbatan yaxshilangan. Shu bilan birga, u so‘nggi besh yillik o‘rtacha ko‘rsatkichdan biroz yuqori bo‘lib qolmoqda.

Yil davomida dunyo bo‘ylab 38,7 mln reys amalga oshirilgan va 51 ta aviatsiya hodisasi qayd etilgan. Halokatli hodisalar soni sakkizta bo‘lgan. Ularda jami 394 kishi halok bo‘lgan.

IATA ma’lumotlariga ko‘ra, qurbonlar sonining ko‘payishi, asosan, ikki yirik aviatsiya halokati bilan bog‘liq. 2025-yildagi barcha qurbonlarning...

Davlat xavfsizlik xizmati va bojxona organlari hamkorligida xorijiy davlatlardan olib kelinayotgan qimmatbaho metallarning noqonuniy harakati to‘xtatildi. Bu haqda DXX matbuot xizmati ma’lum qildi.

Bildirilishicha, 1985-yilda tug‘ilgan, Andijon shahrida yashovchi shaxs bir nechta tovar tashuvchilar orqali «Do‘stlik» xalqaro nazorat o‘tkazish punktidan Qirg‘iziston Respublikasidan 162 gramm oltin buyumlarni olib kelgan. Ularni qariyb $17 mingga teng qiymatda olib, Andijon shahriga yo‘l olgan vaqtida Xo‘jaobod tumanidagi YPX maskanida ushlangan.

Shuningdek, tergov jarayonida 1983-yilda tug‘ilgan, Qo‘qon shahrida istiqomat qiluvchi shaxs 908 gramm platina metallini sotish maqsadida xaridor izlayotgani aniqlangan. Ko‘rilgan tezkor chora-tadbirlar natijasida ushbu shaxs qimmatbaho metallni shartli xaridorga $62,9 mingga sotayotgan vaqtida...

Xorijda ishlash istagida bo‘lgan aliment to‘lovchilar bilan uch tomonlama shartnoma tuzilib, til va kasbga o‘rgatilgan holda xorijdagi yuqori daromadli ishlarga yuboradi. Bu haqda Shavkat Mirziyoyev raisligidagi aholi murojaatlari bilan ishlash tizimini isloh qilish masalalariga bag‘ishlangan yig‘ilishda qayd etildi.

O‘tgan yili Qarshi shahridan Xalq qabulxonasiga 11 mingta murojaat kelib tushgan va ularning har biri tahlil qilingan. Shu jarayonda 255 nafar aliment to‘lovchining holati o‘rganilgan bo‘lib, 193 nafari kasb-hunari bor bo‘lsa ham ishsiz, 62 nafari esa daromadini kamaytirib ko‘rsatgani aniqlangan.

Mazkur masalani hal etish uchun hokimlik, banklar, hokim yordamchilari, shahar bandlik va Majburiy ijro byurosi bo‘limlari birgalikda ish olib boradi. Ular fuqarolarni...

Toshkentda tirband chorrahalarda qo‘shimcha yo‘llar ochish va yo‘l infratuzilmasini yaxshilash ishlari boshlanadi. Yo‘l harakatini tashkil etish markazi tomonidan o‘tkazilgan matbuot anjumanida «Dolzarb 90 kun» dasturi haqida ham ma’lumot berildi, deb xabar berdi «Kursiv» muxbiri.

Dasturga ko‘ra, eng tirband hududlarda 10 ta chorraha rekonstruksiya qilinadi va qo‘shimcha 4 ta yangi yo‘l ochiladi. Bu choralar transport oqimini yaxshilash va tirbandliklarni kamaytirishga qaratilgan.

Shuningdek, shaharda yo‘l infratuzilmasini yaxshilash bo‘yicha keng ko‘lamli ishlar rejalashtirilgan. Jumladan, 472 kmda yo‘l harakatini tashkil etish loyihalari tayyorlanadi. 347 km yo‘lda avtobus yo‘laklari tashkil etiladi.

Bundan tashqari, shahardagi 7,8 mingta svetofor yangilanadi va 2,7 mingta svetoforga taymerlar o‘rnatiladi.

Yo‘llarni...

Amerika Qo‘shma Shtatlari 12-martga qadar tankerlarga yuklangan Rossiya nefti va neft mahsulotlarini sotish bo‘yicha cheklovlarni vaqtincha bekor qildi. Ushbu chora 11-aprelga qadar amal qilishi belgilangan. Tegishli litsenziya AQSh Moliya vazirligi saytida e’lon qilindi.

AQSh Moliya vaziri Skott Bessent ushbu qarorni «tor doiradagi, qisqa muddatli chora» deb tavsifladi. Uning ta’kidlashicha, mazkur qadam Rossiya hukumatiga sezilarli moliyaviy foyda keltirmaydi. Vazirga ko‘ra, Rossiya budjeti energiya resurslaridan keladigan daromadlarning asosiy qismini qazib olish joyida undiriladigan soliqlar hisobidan oladi.

Rossiya Federatsiyasi prezidentining maxsus vakili Kirill Dmitriev ushbu yumshatish taxminan 100 mln barrel yonilg‘iga taalluqli bo‘lishini ma’lum qildi. Ma’lumotlariga ko‘ra, 12-mart holatiga ko‘ra...

Prezident Xalq qabulxonalari faoliyatini samaradorligini oshirish bo‘yicha yangi chora-tadbirlarni belgilab berdi. Bu haqda aholi murojaatlari bilan ishlash tizimini yangi darajaga ko‘tarish masalalariga bag‘ishlangan yig‘ilishda ma’lum qilindi.

Unga ko‘ra, Prezident Administratsiyasiga hokimlar bilan birgalikda Xalq qabulxonalarida muammolar mohiyatini tushunadigan zamonaviy kadrlarni jamlash va murojaatlarni tizimli tahlil qilish bo‘yicha alohida nazorat guruhi faoliyatini yo‘lga qo‘yish topshirildi.

Kommunikatsiyalar departamenti har oyda kelib tushgan murojaatlarni tahlil qilib umumlashtiradi, natijalarni vazirlar va hokimlarga yetkazadi va ijrosini nazorat qiladi. Shuningdek, odamlar kayfiyatiga ta’sir etayotgan masalalar bo‘yicha rahbarlar hisobotini eshitib boradi va eng muammoli masalalar bo‘yicha takliflarni Hukumatga kiritadi.

Hukumatda vazirlik va idoralarning rahbar xodimlaridan...

Qarshi shahrida aholi tomonidan tushgan uy-joy, ijtimoiy ta’minot va davlat idoralari faoliyatiga oid murojaatlarni kompleks hal etish bo‘yicha yangi tizim tajribadan o‘tkazilmoqda. Prezident raisligidagi yig‘ilishda barcha hudud rahbarlariga ushbu tizimni o‘z faoliyatiga tatbiq etish topshirildi.

Qarshi shahrida joriy yilda 3,7 mingta xonadonli ko‘p qavatli uylar qurilishi rejalashtirilgan. Shahar aholisidan uy-joy bilan ta’minlash bo‘yicha 124 ta, davlat idoralari xodimlari faoliyati yuzasidan esa 794 ta shikoyat kelib tushgan. Xususan, ichki ishlar organlari xodimlari ustidan 281 ta ariza yo‘llangan bo‘lib, endilikda viloyat mas’ullari ular uchun muomala madaniyati bo‘yicha maxsus o‘quvlar tashkil etadi.

Xalq qabulxonasiga nafaqa bo‘yicha tushgan 877 ta murojaat kompleks tahlil...

16-mart uchun valyutalar kursi yangilandi. Unga ko‘ra, dollar 20,76 so‘mga tushib, 12 081,63 so‘mni tashkil etdi. Bu narx Valyuta birjasida bo‘lib o‘tgan savdolar asosida shakllantirildi. Markaziy bank ham o‘z saytida e’lon qildi.

6-mart kuni dollar 4,28 so‘mga tushib, 12 175,53 so‘mni, 10-mart kuni esa 15,72 so‘mga oshib, 12 191,25 so‘mni tashkil qildi. 11-mart kuni esa 33,12 so‘mga tushib, 12 158,13 so‘mni, 12-mart kuni esa 22,37 so‘mga tushib, 12 135,76 so‘mni tashkil etdi. 13-martga kelib 33,37 so‘mga tushdi va 12 102,39 so‘mni qayd etdi.

Markaziy bank ma’lumotlariga ko‘ra, yevro 153,27 so‘mga tushib, 13 837,09 so‘mni, rubl 2,64 so‘mga tushib, 150,44 so‘mni tashkil qildi.

Eslatib o‘tamiz, avvalroq...

Toshkent shahrida jamoat transporti harakatini yaxshilash uchun avtobuslarga mo‘ljallangan «A» yo‘laklari maxsus to‘siqlar bilan ajratilishi rejalashtirilmoqda. Bu haqda Toshkent shahrida Yo‘l harakatini tashkil etish markazi ma’lum qildi.

Bu yo‘laklar deliniatorlar yordamida ajratiladi. Natijada boshqa avtomobillar avtobuslar uchun ajratilgan yo‘laklarga kirib ketolmaydi. Bu esa jamoat transportining tezroq va tartibli harakatlanishiga yordam beradi.

Markaz qaysi ko‘chalarda ushbu tizim joriy etilishi haqida batafsil ma’lumot yaqin kunlarda e’lon qilishini bildirdi.

Eslatib o‘tamiz, avvalroq Toshkent shahrida jamoat transportidan foydalanish ulushi ikki baravar oshirilishi haqida xabar berilgandi. Markaz ma’lumotlariga ko‘ra, bugungi kunda poytaxtda jamoat transportidan foydalanish ulushi 30 – 35 foizni tashkil etmoqda. Metro...

Murojaatlar bilan ishlash samaradorligini oshirish hamda hududlardagi muammolarni tizimli hal etish maqsadida Xalq qabulxonalari faoliyatida yangi tizim joriy qilinadi. Bu haqda prezident raisligidagi aholi murojaatlari bilan ishlash tizimini yangi darajaga ko‘tarish masalalariga bag‘ishlangan yig‘ilishda qayd etildi.

Ma’lum qilinishicha, 2025-yilda energetika, yo‘l va suv infratuzilmasi bilan bog‘liq murojaatlar soni 109 mingdan oshgani qayd etildi. Eng ko‘p murojaatlar Asaka, Shahrixon, Izboskan, Pastdarg‘om, Sho‘rchi, Denov, G‘uzor, Qamashi, Dehqonobod va Sharof Rashidov tumanlari hamda Samarqand, Namangan, Termiz, Qarshi va Andijon shaharlarida kuzatilgan.

Joriy yilda mazkur muammolarni hal etish uchun 20 trln so‘m ajratilgan. Ta’kidlanishicha, hokimlar ushbu mablag‘larni, avvalo, eng ko‘p shikoyat kelib...

Kia kompaniyasi Niro elektromobilini ishlab chiqarishni to‘xtatdi. Bu haqda 2026-yil uchun yangilangan Kia Niro modeli taqdimoti vaqtida ma’lum qilindi, deb xabar berdi The Korea Herald.

Kompaniya vakillarining aytishicha, Niro EV ishlab chiqarilishi to‘xtatilgan va qolgan avtomobillar sotilib bo‘lingach, model butunlay bozorni tark etadi. Bu qaror Kia’ning yangi elektromobil liniyasiga e’tiborni kuchaytirish strategiyasi bilan bog‘liq.

Kia hozir asosiy e’tiborni yangi EV3, EV4 va EV9 kabi maxsus elektromobillarga qaratmoqda. Kompaniya shu modellar orqali elektromobil bozorida raqobatni kuchaytirishni rejalashtirmoqda.

Shunga qaramay, arzon elektromobillar segmentida raqobat davom etmoqda. Masalan, Toyota 2026-yilda C-HR elektromobilini taqdim qildi. Subaru esa Uncharted nomli yangi elektromobil ustida...

O‘zbekistonda afsonaviy miniven — Chevrolet Damas modelining keskin yangilanishi muhokama qilinmoqda. Avtomobil ishqibozlari qiziqarli bir faktga e’tibor qaratishdi: 2026-yil boshida taqdim etilgan versiya unchalik ham yangi emas ekan. Bu haqda SNG Garage World YouTube-kanali avtoblogeri Behzod Qayumov aytdi.

Gap yangi avlod Damas Move haqida ketmoqda. Xitoyda u anchadan beri Wuling Hongguang S nomi bilan tanilgan, boshqa bozorlarda esa Chevrolet N400 yoki Chevrolet Tornado Van nomlari bilan sotiladi. Aynan shu model o‘zbek mikroavtobusi uchun asos bo‘lgan.

Xitoy allaqachon oldinga o‘tib ketgan

Blogerning aytishicha, O‘zbekiston uchun tanlangan kuzov versiyasi Xitoyda deyarli sakkiz yil oldin paydo bo‘lgan. Shu bilan birga...

2025-yilda Majburiy ijro byurosiga aliment undirish bilan bog‘liq masalada kelib tushgan 70 mingta murojaatning 30 foizi qanoatlantirilmagan. Bu haqda prezident raisligidagi yig‘ilishda aytib o‘tdi.

Shavkat Mirziyoyev hokimlarning aliment to‘lovchilar bilan ishlashdagi sustkashligi tanqid ostiga oldi. Mutasaddilar aliment to‘lovchilarning qanchasi ishsiz ekani yoki kasbga o‘qitishga muhtojligini yetarlicha tahlil qilmayapti. Buning oqibatida bandlik bo‘limlari va «mahalla yettiligi» oldiga aniq vazifalar qo‘yilmagan.

Shuningdek, tashkiliy migratsiya asosida fuqarolarni chet eldagi yuqori daromadli ishlarga yuborish tizimi yaratilgan bo‘lsa-da, aliment majburiyati bo‘lgan shaxslar bu imkoniyatdan foydalana olmayotgani ta’kidlandi.

Bunga amaldagi qonunchilik talablari sabab qilib ko‘rsatildi. Ya’ni fuqaro xorijga ishlashga ketishi uchun 5 yillik aliment pulini...

2026-yil 1-yanvar holatiga ko‘ra, mamlakatning doimiy aholisi hamda eng kam aholi yashaydigan hududlar ro‘yxatini taqdim etildi. Bu haqda Milliy statistika qo‘mitasi xabar bermoqda.

Ma’lumotlarga ko‘ra, aholisi eng kam bo‘lgan hududlar o‘nligini Navoiy viloyatining G‘ozg‘on shahri boshqarib turibdi. Ushbu shaharda doimiy yashovchilar soni 9,5 ming nafarni tashkil etadi. Undan keyingi o‘rinlarni 15,2 ming nafar aholi bilan Tomdi tumani hamda 19,4 ming nafar ko‘rsatkich bilan Sirdaryo viloyatining Shirin shahri egallagan.

Ro‘yxatning kuchli beshligini 20,7 ming aholi bilan Qorovulbozor hamda 21,8 ming kishi bilan Bo‘zatov tumanlari yakunlab bergan.

Shuningdek, aholisi soni nisbatan kam bo‘lgan hududlar o‘nligiga quyidagi tumanlar ham kiritilgan: Jizzax viloyatidan...

O‘tgan yili ichki ishlar vakolatidagi masalalar bo‘yicha 148 mingdan ortiq murojaatlar kelib tushdi. Shavkat Mirziyoyev videoselektor yig‘ilishida ichki ishlar xodimlarining qo‘pol muomalasi va tergov sifatidan norozilik ko‘payganini qayd etdi.

Yig‘ilishda tizim mas’ullari har bir ming kishiga nisbatan eng ko‘p ariza tushayotgan Denov, Urgut tumanlari, Samarqand, Qarshi, Namangan, Jizzax, Farg‘ona, Chirchiq shaharlariga borib, aholining muammolarini eshitishi, profilaktika inspektori va tergovchilarning kasbiy va muomala madaniyatini oshirish bo‘yicha o‘qitishi shartligi ko‘rsatib o‘tildi.

Shuningdek, turli sabablarga ko‘ra tug‘ilganlik to‘g‘risidagi guvohnomani ololmagan bolalar masalasi ham ko‘tarildi. Bu bo‘yicha 448 nafar fuqaro byurokratik to‘siqlardan shikoyat qilgan. Davlat rahbari hali murojaat qilmaganlar ham ko‘pligini ta’kidlab, Adliya...

Azamat Karamatov IT Park Uzbekistan bosh direktori lavozimiga tayinlandi. U ushbu lavozimda avval ishlagan Abdulakhad Kuchkarov o‘rnini egalladi.

Yangi lavozimida Karamatov mamlakatda axborot texnologiyalari sohasini rivojlantirish, startap va venchur ekotizimini qo‘llab-quvvatlash hamda IT xizmatlar eksportini oshirish uchun mas’ul bo‘ladi. Shuningdek, IT Park rezidentlari faoliyatini muvofiqlashtirish va xalqaro texnologik kompaniyalarni O‘zbekistonga jalb etish ham uning vazifalariga kiradi.

U faoliyati davomida raqamli texnologiyalar sohasida turli lavozimlarda ishlagan. Jumladan, Raqamli texnologiyalar vazirligida rahbarlik lavozimlarida faoliyat yuritgan va xususiy sektorda ham tajriba orttirgan.

Tayinlovdan oldin Azamat Karamatov IT Park huzuridagi IT Park Ventures kompaniyasiga rahbarlik qilgan. Uning boshqaruvi davrida startaplarni qo‘llab-quvvatlash va xalqaro...

O‘zbekiston prezidenti Shavkat Mirziyoyev raisligida o‘tgan videoselektor yig‘ilishida joriy yilda mahallalarda aholi turmushini yaxshilashga 56 trln so‘m ajratilishi ma’lum qilindi. Bu haqda prezident matbuot xizmati xabar bermoqda.

Yig‘ilishda qayd etilishicha, mamlakat nufusi 38 mlndan, mehnatga layoqatli aholi esa 20 mlndan oshgan.

Videoselektorda hudud rahbarlarining xalq muammolarini hal etishdagi faoliyati tahlil qilinib, Xalq qabulxonalari tizimi yangilanishi belgilandi. Davlat rahbari shuncha mablag‘ va imkoniyatlar berilayotganiga qaramay, joylarda muammolar to‘liq hal etilmayotganini ko‘rsatib o‘tdi.

«Endi vazirlar, hokimlar o‘ziga savol bersin: shuncha imkoniyat bo‘la turib, aholi ko‘targan masalalarga vaqtida yechim topib beryaptimi?», – dedi prezident.

Statistik ma’lumotlarga ko‘ra...

Yaqin Sharq mamlakatlarida bo‘lib turgan O‘zbekiston fuqarolarini vatanga qaytarish ishlari davom etmoqda. Tashqi ishlar vazirligi matbuot kotibiga ko‘ra, 13-mart soat 07:00 holatiga 32,9 ming nafar o‘zbekistonlik evakuatsiya qilindi.

Diplomatik vakolatxonalar tegishli idoralar bilan hamkorlikda evakuatsiya jarayonini tashkil qilmoqda. Xususan, 12-mart kuni Qatardagi O‘zbekiston elchixonasi ko‘magida 49 nafar fuqaro BAA va Saudiya Arabistoniga yetkazildi. Shundan so‘ng ular Toshkentga uchib keldi. Hozir yana bir guruh fuqarolarni Doha orqali Dubaydan O‘zbekistonga qaytarish ishlari olib borilmoqda.

BAAdagi diplomatik vakolatxonalar yordamida 147 nafar fuqaro Toshkentga yetib keldi. Erondagi elchixona esa 5 nafar vatandoshning qo‘shni davlatlar orqali chiqib ketishini tashkil qildi. Isroildagi diplomatlar ham...

Internetda OnePlus kompaniyasining kelajakdagi flagmani OnePlus 16 haqida dastlabki ma’lumotlar paydo bo‘ldi. OnePlus Club ma’lumotiga ko‘ra, yangi smartfon juda kuchli texnik imkoniyatlarga ega bo‘ladi.

Qurilma BOE ishlab chiqargan OLED displey bilan jihozlanishi kutilmoqda. Ekran 1,5K aniqlikka ega bo‘ladi va yangilanish chastotasi 240 Hz gacha yetadi.

Smartfon Snapdragon 8 Elite Gen 6 Pro protsessorida ishlashi mumkin. Shuningdek, u LPDDR6 operativ xotira va UFS 4,1 ichki xotira bilan taqdim etilishi kutilmoqda.

Kamera qismi ham jiddiy yangilanadi. OnePlus 16’da 200 MP periskop kamera bo‘lishi mumkin. Asosiy kamera ham 200 MP bo‘lishi kutilmoqda va Samsung HP5 sensori ishlatilishi ehtimoli bor. Bundan tashqari, yangilangan...

O‘zbekistonda 14-mart kunidan boshlab «metan zapravka»lar faoliyati bosqichma-bosqich tiklana boshlaydi. Bu haqda Energetika vazirligi xabar bermoqda.

13-mart kuni «metan zapravka»lar faqat ijtimoiy soha obyektlariga xizmat ko‘rsatuvchi avtomobillar hamda jamoat transporti uchun ochiq bo‘ladi. Shoxobchalarning kelgusi ish vaqti bo‘yicha qo‘shimcha ma’lumot taqdim etilishi ma’lum qilingan.

Eslatib o‘tamiz, 12-mart kuni magistral gaz quvurlarida bosimni rostlash va me’yoriy holatga keltirish ishlari sabab metan «zapravkalar» faqat ijtimoiy soha va jamoat transporti uchun faoliyat yuritishi haqida xabar berilgan edi.

Avvalroq Kursiv Uzbekistan 10-martdan metan «zapravka»lar faoliyatiga vaqtincha cheklov joriy etilishi haqida yozilgan edi.

Toshkent shahrida Navro‘z bayrami munosabati bilan 14-mart kuni soat 16:00 da otliq paradi o‘tkaziladi. Bu haqda O‘zA xabar bermoqda.

Otliq paradi poytaxtning markaziy qismi bo‘lgan Amir Temur xiyoboni bo‘ylab harakatlanadi. Tadbir O‘zbekiston Milliy gvardiyasi tashabbusi bilan tashkil etilgan bo‘lib, unda poytaxtdagi kuch tuzilmalari kavaleriya bo‘linmalari qatnashishi kutilmoqda.

Eslatib o‘tamiz, joriy yilning 12-yanvar kuni ham Toshkent ko‘chalarida harbiylar ishtirokida parad bo‘lib o‘tgan edi. 14-yanvar – Vatan himoyachilari kuni va O‘zbekiston Qurolli Kuchlari tashkil etilganining 34 yilligi munosabati bilan Qurolli Kuchlar tarkibiga kiruvchi vazirlik va idoralar harbiy bo‘linmalarining tantanali piyoda yurish marosimi o‘tkazilgandi.

Avvalroq Kursiv Uzbekistan Shavkat Mirziyoyev Xitoydagi harbiy...