Yangiliklar

Amerika Qo‘shma Shtatlari bilan savdo va investitsiya aloqalarini yangi bosqichga olib chiqish maqsadida Amerika – O‘zbekiston ishbilarmonlik va investitsiya kengashini tuzish to‘g‘risida farmon imzolandi. Bu haqda prezident matbuot xizmati xabar berdi.

Ushbu tashabbus prezidentning noyabr oyi boshida AQShga amalga oshirgan rasmiy tashrifi chog‘ida «C5+1» sammiti doirasida kelishib olingan.

Farmonga ko‘ra, Kengashning maqsadi ikki davlat o‘rtasida strategik biznes tashabbuslarni muvofiqlashtirish, yirik savdo va investitsiya loyihalarini ishlab chiqish, ularning amalga oshirilishini muntazam nazorat qilishdan iborat bo‘ladi. Kengash tarkibini, reglamentini va faoliyati tartibini O‘zbekiston tomoni nomidan Prezident Administratsiyasi rahbari tasdiqlaydi.

Farmonda O‘zbekistonga qo‘shimcha investitsiyalarni jalb etish uchun maxsus fond tashkil qilish, xalqaro...

Raqamli texnologiyalar vaziri Sherzod Shermatov AQShga xizmat safari davomida dunyodagi eng yirik onlayn ta’lim platformalaridan biri Coursera rahbariyati bilan uchrashuv o‘tkazdi.

Suhbat chog‘ida O‘zbekiston va platforma o‘rtasida axborot texnologiyalari ta’limini rivojlantirish, xalqaro sertifikatlash tizimini joriy etish hamda global ta’lim resurslariga kirish imkoniyatlarini kengaytirish masalalari muhokama qilindi.

Uchrashuvda, shuningdek, milliy AT-ta’lim reyting tizimini yaratish, sertifikatlash jarayonlarini takomillashtirish va raqamli ta’lim ekotizimini mustahkamlash bo‘yicha qo‘shma tashabbuslar ilgari surildi. Muhim jihatlardan biri sifatida Coursera 2025-yil oxirigacha 3 mingta o‘quv kursini o‘zbek tiliga tarjima qilishni rejalashtirayotgani bildirildi.

Bu minglab o‘zbekistonlik foydalanuvchilarga xalqaro sifatli ta’lim resurslaridan ona tilida foydalanish imkonini beradi. Bugungi kunda Coursera...

Pixar studiyasi «O‘yinchoqlar tarixi 5» animatsion filmi uchun birinchi tizer-treylerni e’lon qildi. Bu haqda Afisha Daily nashri xabar berdi.

Multfilm 2026-yil 19-iyun kuni katta ekranlarda namoyish etilishi rejalashtirilgan.

Treylerda tomoshabinlarga yangi qahramon – Lilipad nomli planshet tanishtirildi. Qurbaqa shaklidagi bu interaktiv gadjetga «Oldingi hayot» va «Ertalabki shou» filmlarida rollar ijro etgan aktrisa Greta Li ovoz bergan.

Syujetga ko‘ra, Lilipad Bazz, Vudi, Jessi va boshqa o‘yinchoqlarning hayotida yangi sinov va xavf manbai bo‘ladi. Yangi planshetning paydo bo‘lishi ularning odatiy o‘yin vaqtini murakkablashtiradi. Endi o‘yinchoqlar bolalar e’tiborini bo‘lishishni va yangi texnologik do‘st bilan yashashni o‘rganishlari kerak bo‘ladi.

Filmda mashhur aktyorlar...

SpaceX Texasdagi Starbase hududida yangi ishlab chiqarish majmuasi Gigabayni qurmoqda. Bu haqda Teslarati ma’lum qildi.

Bu majmua qayta foydalaniladigan Starship raketalarini seriyali ishlab chiqarish markazi bo‘lib, yiliga 1000 ta raketa ishlab chiqarish quvvatiga ega bo‘ladi.

Majmua balandligi 116 metr, ichki hajmi 1,32 mln kub metr bo‘lib, bir tom ostida o‘nlab ishlab chiqarish liniyalarining bir vaqtda ishlashiga imkon beradi. Ichida 24 texnologik blok joylashadi va 360 tonnagacha yuk ko‘taruvchi kranlar o‘rnatiladi.

Hozir qurilish ishlari davom etmoqda, to‘rtta minorali kran o‘rnatilgan va ishlarni 2026-yil dekabriga qadar tugatish rejalashtirilgan. Gigabay ishga tushirilgach ishlab chiqarish sur’ati keskin oshadi.

Starship Ilon Maskning uzoq muddatli...

Realme kompaniyasining yangi flagmani Realme GT8 Pro Yevropa bozorida Xitoydagiga nisbatan ikki baravar qimmat narxda sotuvga chiqadi.

Fransiyaning Dealabs nashri ma’lum qilishicha, 12/256 GB versiya uchun Yevropada narx 1100 yevro, Xitoyda esa atigi $560 narxda sotiladi.

Yevropada 16/512 GB modifikatsiyasi 1,2 ming yevro, maxsus Aston Martin Racing Green talqini esa 1,3 ming yevro turadi. Xitoyda eng yuqori – 16 GB RAM va 1 TB xotirali varianti $730 etib baholangan.

Realme GT8 Pro 21-oktabr kuni Xitoyda taqdim etilgan. U 2K 144 Hz chastotali ekran, 200 megapikselli Ricoh GR kamera va 6x lossless zoom bilan jihozlangan. Smartfon Snapdragon 8 Elite Gen...

Realme kompaniyasi o‘zining yangi flagmani Realme GT 8 Pro smartfonini 24-noyabr kuni Yevropa va Buyuk Britaniyada taqdim etadi. Bu haqda Gizmochina nashri xabar berdi.

Hindistonda esa taqdimot 20-noyabr kuni o‘tkazilishi rejalashtirilgan. Ushbu model Xitoyda 21-oktabrdan sotuvga chiqqan.

Yevropa uchun ranglar va narxlar

Yevropa bozorida smartfon uchta rangda taqdim etiladi: Unary White, Urban Blue va Aston Martin Racing Green. So‘ngi modeli 16 GB operativ va 512 GB doimiy xotiraga egaligi bilan eksklyuziv bo‘ladi.

Narxlar quyidagicha belgilangan:

Fitch Ratings agentligi O‘zbekistonning yangilangan banklarni xususiylashtirish dasturini hukumat tomonidan maqsadli va selektiv yondashuv sifatida baholadi. Asosiy e’tibor «Sanoat-qurilish banki» (SQB)ga qaratilgan bo‘lib, u boshqa davlat banklari uchun namunaviy model bo‘lishi mumkin.

Fitch qayd etishicha, yaqin yillarda keng ko‘lamli bank xususiylashtirishlari kutilmagan. Bunga sekin o‘zgarayotgan biznes modellar, davlat kreditlarining katta ulushi, kapital cheklovlari va raqobat kuchayishi sabab bo‘lgan.

«SQB»ni xususiylashtirish jarayoni

Davlat banklari hozirda tijorat faoliyatini kengaytirish hamda yo‘naltirilgan kreditlashdan voz kechish yo‘lida islohotlar olib bormoqda. Bu esa korporativ boshqaruvni, risk-menejmentni va rentabellikni yaxshilashga xizmat qilmoqda.

O‘zbekiston hukumati SQB’ni xususiylashtirishning asosiy obyekti sifatida belgilagan. O‘zbekiston Milliy investitsiya...

YouTube’dagi SNG Garage World kanali birinchi bo‘lib yangilangan Chevrolet Cobalt Midnight modelining test-drayvini o‘tkazdi. Muallif videoda hazil tariqasida mashinaning tashqi ko‘rinishidan tortib, tugmasiz bagajgacha bo‘lgan barcha «dard»lari haqida gapirib beradi. Quyida avtomobil haqida bildirilgan sharh taqdim etiladi.

Tashqi ko‘rinish — xuddi o‘sha Cobalt, faqat qora rangda

Yangi Cobalt’ning dizayni deyarli o‘zgarmagan. Muallifning so‘zlari bilan aytganda, «bu ko‘rinishni faqat o‘z onasi yoqtiradi».

Yangilanish faqat qora optika, qora diskalar va Midnight yozuvli emblema bilan cheklangan. Ko‘pchilik kutgan braziliya versiyasi yo‘q. Korpus o‘sha-o‘sha – burchakli va biroz dag‘al. Ya’ni chiroyli emas, ammo tanish dizayn.

Salon — deyarli premium, ammo...

Tijorat banklari 12-noyabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi. 

Avstraliya hukumati 10-dekabrdan boshlab 16 yoshgacha bo‘lgan yoshlar uchun ijtimoiy tarmoqlarda akkaunt ochishni chekladi. Bu haqda hukumat rasmiy sahifasida ma’lum qilindi.

Unga ko‘ra, mazkur qoidalar yoshlarni ekran oldida uzoq vaqt o‘tirishga undaydigan va ularning salomatligiga zarar yetkazishi mumkin bo‘lgan kontentdan himoya qilishga mo‘ljallangan.

Facebook, Instagram, Snapchat, TikTok, YouTube, X va boshqa platformalar yosh chegarasiga kiritilgan. Yoshlar bu platformalardan foydalangan taqdirda jazo qo‘llanilmaydi, ammo platformalar yoshlarni hisob ochishdan to‘sib qo‘ymasalar, ular javobgarlikka tortilishi mumkin.

Shuningdek, cheklovlar ijtimoiy tarmoqlarda foydalanuvchilar o‘zaro muloqot qilishi, kontent joylashtirishi va boshqa interaktiv funksiyalarni bajarishi mumkin bo‘lgan xizmatlarga ham taalluqlidir.

Eslatib o‘tamiz, avvalroq Turkiyada Grok chat-botiga...

2026-yilgi Chevrolet Tracker AQSh bozoridagi ikkinchi eng arzon yangi avtomobilga aylandi. Bu haqda GMAutority xabar bermoqda.

Modelning boshlang‘ich narxi $23 ming (yetkazib berish to‘lovi bilan). Bu uni ko‘plab raqobatchilardan arzonroq qiladi.

Narx:

2025-yildan so‘ng Nissan Versa va Kia Soul ishlab chiqarilishi to‘xtatilgan. Shu sababli hozirda Tracker’dan arzon yagona yangi avtomobil – $22 mingdan boshlanadigan Hyundai Venue. Biroq Tracker o‘lcham jihatidan kattaroq. Orqa o‘rindiqlarda oyoqlar uchun 4,4 dyuymga ko‘proq joy va yukxonasida 36 foizga kengroq hajm mavjud.

2026-yilgi yangilanish doirasida GM Tracker’ning tashqi ko‘rinishini ikki yangi rang bilan boyitdi: Apex Red va White Sands. Shuningdek, ilgari taklif etilgan Cacti...

«O‘zmetkombinat» bosh direktori Bahodir Abdullaev Italiyadagi Danieli kompaniyasi rahbarlari bilan uchrashdi. Bu haqda Trends nashri ma’lum qildi.

Unga ko‘ra, rahbarlar uchrashuvda metallurgiya sohasidagi hamkorlikni rivojlantirish masalalarini muhokama qildi.

Muzokaralarda ishlab chiqarish samaradorligini oshirish, yangi texnologiyalarni joriy etish va mavjud loyihalarni kengaytirish masalalari ko‘rib chiqildi.

Ma’lumot uchun, Danieli oldin «O‘zmetkombinat»ning Quyish va Valyok Kompleksi (LPC) qurilishida ishtirok etib, zamonaviy tekis po‘lat ishlab chiqarishni yo‘lga qo‘ygan.

Eslatib o‘tamiz, avvalroq O‘zbekiston va Eron o‘zaro savdo hajmini $2 milliardga yetkazmoqchi ekani haqida yozgan edik.

Toshkentda O‘zbekiston bosh vaziri o‘rinbosari Jamshid Xodjayev hamda Eron sanoat, konlar va savdo vaziri Muhammad Atabak hamkorlik uchrashuvi bo‘lib o‘tdi. Bu haqda Tehran Times nashri ma’lum qildi.

Muzokaralarda savdo-iqtisodiy va investitsiyaviy hamkorlikni rivojlantirish, metallurgiya, konchilik va transport sohalarida qo‘shma loyihalarni amalga oshirish masalalari muhokama qilindi.

Eron va O‘zbekiston o‘rtasida yangi bitimlar imzolanib, bojxona jarayonlarini soddalashtirish, transport aloqalarini yaxshilash hamda sanoat kooperatsiyasini kuchaytirish rejalashtirilgan.

Hozirda O‘zbekistonda Eron kapitali ishtirokidagi 220 dan ortiq korxonalar faoliyat yuritmoqda. Tomonlar yaqin yillarda o‘zaro savdo hajmini $2 mlrdga yetkazish va iqtisodiy sheriklikni yanada mustahkamlashga tayyor ekanliklarini bildirdi.

Eslatib o‘tamiz, avvalroq O‘zbekiston va AQSh kosmik texnologiyalar...

Jizzax viloyatidagi tumanlardan birida Favqulodda vaziyatlar bo‘limi boshlig‘i pora olayotganda qo‘lga olindi. Bu haqda DXX matbuot xizmati ma’lum qildi.

U sentabr oyida tadbirkorga ko‘p qavatli uy loyihasini tasdiqlab berish evaziga $200 olgan. Keyinchalik tadbirkor shu hududda xususiy maktab qurish uchun ham hujjatlarni tasdiqlatmoqchi bo‘lib, yana murojaat qilganida mansabdor bu safar 6 mln so‘m talab qilgan.

Davlat xavfsizlik xizmati va prokuratura xodimlari o‘tkazgan tezkor tadbirda u pulni turmush o‘rtog‘i orqali olayotganda ushlangan.

Hozirda unga nisbatan Jinoyat kodeksining 210-moddasi 2-qismi «a» va «v» bandlari bilan jinoyat ishi qo‘zg‘atilib, «qamoq» ehtiyot chorasi qo‘llangan. Mazkur modda bo‘yicha 5 yildan 10 yilgacha ozodlikdan mahrum...

12-noyabr kuni O‘zbekistonda kechasi harorat 2–7° iliq atrofida, kunduzi esa 8–22° iliq bo‘ladi. Bu haqda «O‘zgidromet» agentligi ma’lum qildi.

Quyida ob-havo ma’lumoti viloyatlar kesimida:

Shavkat Mirziyoyev 11-noyabr kuni Rossiya prezidenti Vladimir Putin bilan telefon orqali suhbatlashdi. Bu haqda davlat rahbari matbuot xizmati ma’lum qildi.

Muloqotda ikki mamlakat o‘rtasidagi strategik sheriklik va ittifoqchilik munosabatlarini rivojlantirish, savdo, energetika sohasidagi qo‘shma loyihalar hamda madaniy-gumanitar almashinuvlarni kengaytirish masalalari muhokama qilindi.

Shuningdek, joriy yil 22-oktabrda Moskva viloyatida o‘tgan hududlar kengashining yig‘ilishi samarasi qayd etildi va 3-dekabr kuni bo‘ladigan Hukumatlararo komissiya yig‘ilishi hamda qo‘shma biznes forumining ahamiyati ta’kidlandi. Xalqaro va mintaqaviy masalalar yuzasidan fikr almashildi va kelgusidagi tadbirlar rejalashtirildi.

Eslatib o‘tamiz, avvalroq prezident Yangi Toshkentdagi zamonaviy futbol stadioni qurilishiga «start» bergan edi.

UzAuto Motors sof foydasi kamaydi, islomiy bank faoliyatini joriy etish bo‘yicha qonun loyihasi Senatga yuborildi, «O‘zgidromet» niqob taqishni tasviya etdi — 11-noyabrning muhim hodisalari Kursiv Uzbekistan materialida.

Akfa Group AQShda 600 million dollarlik zavod qurilishini boshladi — Jahongir Ortiqxo‘jayev

Akfa Group kompaniyasi Amerika Qo‘shma Shtatlarining Kentukki shtatida yirik ishlab chiqarish majmuasini qurishni boshladi. Loyiha qiymati $600 millionni tashkil etadi. Bu haqda kompaniya asoschisi Jahongir Ortiqxo‘jayev «O‘zbekiston 24» telekanaliga bergan intervyusida ma’lum qildi.

O‘zbekiston va AQSh viza tartibini soddalashtirish masalasini muhokama qilmoqda

O‘zbekiston va AQSh fuqarolar hamda biznes vakillari uchun viza rejimini soddalashtirish masalasi ko‘rib chiqilmoqda. Bu haqda transport vaziri...

Oliy Majlisi Qonunchilik palatasi deputatlari vazirlarga mamlakatning 2030-yilgacha «yashil iqtisodiyot»ga o‘tish strategiyasini qanday amalga oshirayotgani bo‘yicha batafsil ma’lumot olish maqsadida so‘rov yubordi. Bu haqda palata matbuot xizmati ma’lum qildi.

Majlisda qayd etilganidek, energetika sohasidagi islohotlar natijasida mamlakatdagi issiqxona gazlari chiqarilishi 6,3 mln tonnaga kamaydi. Shu qisqartirishning taxminan 500 ming tonnasi xalqaro uglerod bozorida sotilib, O‘zbekistonga 7,5 mln dollar miqdorida grant mablag‘lari jalb qilindi.

Shuningdek, 6,3 mln kVt/soat elektr energiyasi, 82 ming m³ dan ortiq suv va 1 050 tonnadan ortiq xomashyo tejaldi. 140 ta yirik sanoat va sement zavodlariga zamonaviy havoni va gazni tozalash filtrlari o‘rnatildi.

2024-yil bahor va...

Shavkat Mirziyoyev 11-noyabr kuni Yangi Toshkentda yirik sport inshooti — zamonaviy futbol stadioni qurilishiga tamal toshini qo‘ydi. Bu haqda davlat rahbari matbuot xizmati ma’lum qildi.

So‘nggi besh yilda O‘zbekistonda futbol sohasida katta o‘zgarishlar amalga oshirildi: mahalliy chempionatlar tizimi isloh qilindi, bolalar va o‘smirlar akademiyalari tashkil etildi, hududlarda yuzlab stadionlar faoliyat yuritmoqda.

Davlat yetakchisi stadion qurilishini 2027-yilda 20 yoshgacha bo‘lganlar o‘rtasidagi jahon chempionatiga tayyorgarlik doirasida amalga oshirilayotganini ta’kidladi. Yangi inshoot FIFA talablariga mos, ekologik va «aqlli boshqaruv» tamoyillariga asoslangan holda barpo etiladi, sig‘imi 55 ming kishini tashkil qiladi va Osiyodagi eng zamonaviy stadionlardan biri bo‘ladi.

Prezident stadionni yoshlar uchun ilhom...

Qatarda davom etayotgan U-17 Jahon chempionatining «J» guruhi hal qiluvchi uchinchi turida O‘zbekiston terma jamoasi Panama bilan bahs olib bordi. Uchrashuvda vakillarimiz ishonchli g‘alabaga erishdi.

Uchrashuvning birinchi taymning 21-daqiqasida darvozamiz tomon 11 metrlik jarima to‘pi belgilandi. Darvozabon Ibrohim Shokirov esa penaltini qaytarib, darvoza daxlsizligini saqlab qoldi. Birinchi taymda hisob ochilmadi.

Ikkinchi taymning 47-daqiqasida Abubakir Shukurulloyev qanotdan uzatilgan to‘pni boshi bilan darvozaga yo‘llab, hisobni ochdi. 53-daqiqada esa Sadriddin Hasanov o‘ng qanotdan uzatilgan to‘pni oyog‘i bilan darvozaga yo‘lladi. Sayfiddin Sodiqov 68-daqiqada uchinchi golni kiritdi.

Uchrashuvga qo‘shib berilgan daqiqalarda esa Jamshid Rustamov, Asilbek Aliyev va Abdusamad Saidovlar o‘z hisobiga bittadan gol yozib...

2025-yilning 9 oyida Uzbekistan Airways sof foydasi 710,2 mlrd so‘mni tashkil etdi, bu o‘tgan yilning mos davriga nisbatan 44% ko‘p (494 mlrd so‘m). Aviakompaniyaning umumiy tushumi 12,9 trln so‘mdan 13,7 trln so‘mga oshdi (+6,6%), deya ma’lum qilinadi kompaniyaning kvartal hisobotida.

Moliyaviy natijalar

Sotuvlarning tannarxi 11,70 trln so‘mni tashkil etdi. Yalpi foyda esa 2,02 trln so‘m bo‘lib, bu o‘tgan yil bilan deyarli teng (2,01 trln so‘m). Shu bilan birga, davr xarajatlari deyarli ikki baravar kamaydi – 1,43 trlndan 772,2 mlrd so‘mga, asosan ma’muriy va boshqa operatsion xarajatlarning qisqarishi hisobiga. Bu asosiy faoliyatdan daromadni 63% ga oshirib, 1,46 trln so‘mga...

Shavkat Mirziyoyev ekologiya va atrof-muhitni muhofaza qilish ishlarining samaradorligini oshirish bo‘yicha takliflar taqdimoti bilan tanishdi. Bu haqda davlat rahbari matbuot xizmati ma’lum qildi.

Yig‘ilishda tabiatni muhofaza qilish, atmosfera havosini yaxshilash, yashil hududlarni rivojlantirish va iqlim o‘zgarishiga moslashish bo‘yicha loyihalarni markazlashgan tarzda moliyalashtirish va amalga oshirish taklif etildi.

Shuningdek, ekologik nazoratni kuchaytirish, qoidabuzarliklarga tezkor chora ko‘rish, jamoatchilik ishtirokini oshirish va sanoat hamda shaharlarda yashil hududlarni saqlash choralari muhokama qilindi.

Prezident takliflarni ma’qullab, boshqaruv sifatini oshirish va nazoratni kuchaytirish bo‘yicha topshiriqlar berdi.

Eslatib o‘tamiz, avvalroq Mirziyoyev tibbiyot va farmatsevtika xodimlari bilan uchrashuvda sohaning hozirgi holatini aniq misollar bilan tahlil...

Qashqadaryo viloyatining Kitob tumanida yashovchi Jasur Maqayev va Dilfuza Bahriddinova oilasida to‘rt egizak qizaloq tug‘ildi. Bu haqda Sog‘liqni saqlash vazirligi matbuot xizmati ma’lum qildi.

Unga ko‘ra, oila jami to‘qqiz nafar qiz farzandli bo‘ldilar. Egizaklar Respublika ixtisoslashtirilgan ona va bola salomatligi markazining Qashqadaryo filiali shifokorlari tomonidan muddatidan oldin kesarcha yo‘l bilan dunyoga keltirildi.

Qizaloqlarning vaznlari 1,4-1,6 kilogrammgacha, bo‘ylari esa 37 – 40 santimetrni tashkil etdi. Hozirda ular xalqaro tibbiy protokollar asosida parvarishlanmoqda.

Eslatib o‘tamiz, avvalroq SSV soxta kosmetologlardan ehtiyot bo‘lishga chaqirgan edi.

Yangi Toshkentda ko‘p funksiyali futbol stadioni barpo etiladi. Bu haqda prezident matbuot xizmati xabar berdi.

Ta’kidlanishicha, bugun 11-noyabr kuni prezident Shavkat Mirziyoyev poytaxtda amalga oshirilayotgan bunyodkorlik ishlari hamda Yangi Toshkentda ko‘p funksiyali futbol stadionini barpo etish loyihasi bilan tanishadi.

Shuningdek, jismoniy tarbiya va sport sohasi, jamoatchilik vakillari bilan birgalikda ushbu inshootga tamal toshi qo‘yish marosimi bo‘lib o‘tadi.

Eslatib o‘tamiz, O‘zbekiston va Ozarbayjon 2027-yilda futbol bo‘yicha «U-20» JChga mezbonlik qiladi.

Avvalroq Kursiv Uzbekistan 2027-yilgi FIFA «U-20» Jahon chempionati O‘zbekiston va Ozarbayjonda o‘tkazilishi haqida xabar bergan edi.