Yangiliklar

O‘zbekiston prezidenti Shavkat Mirziyoyev 15-oktabr kuni Saudiya Arabistoni investitsiyalar vaziri Xolid al-Falih boshchiligidagi delegatsiyani qabul qildi.

Uchrashuvda tomonlar o‘zaro hamkorlikni kengaytirish, yangi loyihalarni amalga oshirish masalalarini muhokama qildi. So‘nggi yillarda O‘zbekiston va Saudiya Arabistoni o‘rtasidagi savdo, investitsiya va aviaqatnovlar soni sezilarli oshgani ta’kidlandi.

Bugungi kunga kelib ikki davlat o‘rtasidagi qo‘shma loyihalar portfeli $27 milliardga yetdi. Shuningdek, ACWA Power kompaniyasi bilan $15 milliardlik energetika loyihalari amalga oshirilmoqda.

Uchrashuv yakunida «yashil» energetika, qishloq xo‘jaligi, elektrotexnika, infratuzilma va ko‘chmas mulk sohalaridagi yangi tashabbuslarni tezroq amalga oshirishga kelishib olindi.

Avvalroq Saudiya Arabistonida maoshini ololmayotgan 19 nafar o‘zbekistonlikka konsullik yordami ko‘rsatilgani haqida...

Andijon viloyatida tovlamachilik jinoyatini sodir etgan fuqaro tergov jarayonini yopish uchun ichki ishlar xodimiga pora bermoqchi bo‘lgani uchun qo‘lga olindi. Bu haqda viloyat IIB matbuot xizmati xabar berdi.

Aniqlanishicha, gumonlanuvchi sheriklari bilan birgalikda Baliqchi tumanida yashovchi fuqaroni aldab Andijon shahridagi uyga chaqirgan. U yerdan esa uni kiyimsiz holda videoga olib, tasvirni tarqatmaslik evaziga $500 talab qilgan.

Jabrlanuvchi ichki ishlar organlariga murojaat qilganidan so‘ng holat hujjatlashtirildi. Tekshiruv jarayonida gumonlanuvchi tergov ishini yopib yuborish uchun IIB boshlig‘i o‘rinbosariga $300 pora taklif qilgan. U pullarni berayotgan paytda ashyoviy dalillar bilan qo‘lga olingan.

Holat yuzasidan Jinoyat kodeksining tegishli moddalari bo‘yicha jinoyat ishi qo‘zg‘atilgan...

2025-yilning yanvar – avgust oylarida 20,7 ming nafar o‘zbekistonlik o‘qish maqsadida chet elga ketgan. Milliy statistika qo‘mitasi ma’lumotlariga ko‘ra, bu ko‘rsatkich o‘tgan yilning shu davriga nisbatan 5,1 ming kishiga yoki 24,6 foizga kamaygan.

Eng ko‘p o‘qishga ketganlar Tojikiston (5,3 ming nafar), Rossiya (4,7 ming nafar) va Qirg‘iziston (3 ming nafar)ni tanlagan. Shuningdek, Janubiy Koreya, Turkiya, Qozog‘iston, Xitoy, Buyuk Britaniya, Germaniya va AQSh ham o‘zbekistonlik talabalar o‘qish maqsadida ketgan mamlakatlar qatoridan joy olgan.

Avvalroq o‘zbekistonliklar Janubiy Koreyada xorijiy talabalar soni bo‘yicha uchinchi o‘rinda ekani ma’lum qilingandi. Koreyada eng ko‘p ta’lim olayotganlar vyetnamlik talabalar 107,8 ming nafar, ikkinchi o‘rinda xitoyliklar...

Joriy yilning dastlabki to‘qqiz oyida O‘zbekiston 8,6 mln.dan ortiq xorijiy sayyohni qabul qildi. Bu ko‘rsatkich o‘tgan yilning shu davriga nisbatan 112,5 foizga ko‘p.

Davlatlar kesimida turistlar oqimi ham sezilarli o‘sgan. 2025-yilda 2022-yilga nisbatan Britaniyadan 2,6 baravar, Qatardan 6,2 baravar, AQShdan 3 baravar, Fransiyadan 2,9 baravar, Rossiyadan 2,1 baravar, Vengriyadan 3,3 baravar, Germaniyadan 2,5 baravar, Polshadan 6,2 baravar ko‘paygan.

Bundan tashqari, turistik xizmatlar eksporti $3,6 mlrddan oshgan.

Eslatib o‘tamiz, Kursiv Uzbekistan nashri O‘zbekistonga tashrif buyurgan sayyohlar soni qariyb 20 foizga oshgani haqida yozgan edi.

O‘zbekiston energetika vaziri Jo‘rabek Mirzamahmudovning aytishicha, Qambarota GES-1 qurilishining dastlabki qiymati $4,2 milliardga baholanmoqda. Loyihani moliyalashtirish uchun xalqaro moliya institutlari tomonidan $5,6 milliardlik portfel shakllantirilgan.

Vazirga ko‘ra, Bryusselda o‘tgan uchrashuvda O‘zbekiston, Qozog‘iston va Qirg‘iziston energetika vazirlari bilan birga Yevropa tiklanish va taraqqiyot banki, Yevropa investitsiya banki, OPEK fondi, Osiyo infratuzilmaviy investitsiyalar banki va Osiyo taraqqiyot banki kabi 10 ga yaqin yirik moliya tashkiloti vakillari ishtirok etgan.

Muzokaralarda moliya tashkilotlarining hammasi loyiha bilan tanishib chiqqach, uning hujjatlari hali to‘liq tayyor bo‘lmasdan turib, ushbu loyihani moliyalashtirishga tayyorligini bildirgan. Vazirning so‘zlariga ko‘ra, Qambarota GES-1 nafaqat iqtisodiy, balki ekologik jihatdan ham foydali loyiha...

Apple kompaniyasi tomonidan navbatdagi Apple M5 MacBook Pro (M5 chip bilan) modeli namoyish etilishi kutilmoqda. Taqdimot 15-oktabr kuni bo‘lib o‘tadi.

Yangi M5 chip

Yangi MacBook Pro Apple M5 chipi bilan ta’minlanadi. Bu chip avvalgi M4’ni almashtiradi. M5 TSMC’ning 3-nanometrli texnologiyasi asosida ishlab chiqilgan bo‘lib, tezlik va energiya samaradorligini sezilarli oshiradi.

MacBook Pro’dagi M5 versiyasi 10 yadroli bo‘lishi kutilmoqda. Bu hozirgi M4 MacBook Pro’dagi darajaga teng, ammo tezlikda ustunlik beradi.

Dizayn o‘zgarmagan

Apple bu safar dizaynni o‘zgartirmagan. M5 MacBook Pro tashqi jihatdan M4 versiyasiga o‘xshash bo‘ladi. Biroq yangi ko‘kimtir rangdagi model paydo bo‘lishi kutilmoqda.

Marketing tasvirlarida ko‘rinishicha, MacBook...

Haval brendi ayrim Haval Raptor PHEV avtomobillarining yukxona ostida suv to‘planishi aniqlangani haqida rasmiy bayonot berdi. Bu haqda CarNewsChina xabar bermoqda.

Kompaniya muammoni zaryad porti qopqog‘i atrofidagi noto‘g‘ri drenaj bilan bog‘lagan. Suv shu joydan ichkariga o‘tib, yukxonada yig‘ilib qolgan.

Haval 14-oktabrda e’lon qilingan bayonotida 15-oktabrdan maxsus tekshiruv kampaniyasini boshlashini ma’lum qildi. Rasmiy servis markazlarida muammo aniqlangan yoki xavf ostidagi avtomobillar bepul ta’mirlanadi. Agar suv tufayli biror detal shikastlangan bo‘lsa, u umrbod kafolat bilan almashtiriladi.

Raptor (Xitoyda Menglong) modeli Haval’ning kompakt yo‘ltanlamas gibrid SUV segmentiga mansub. 2026-yilgi versiya ikki oy oldin taqdim etilgan bo‘lib, yangilangan dizayn, 19 dyuymli g‘ildiraklar...

Namangan viloyatining Qamchiq dovoni hududida zamonaviy dor yo‘li va dam olish majmuasi bunyod etiladi. Bu haqda viloyat hokimligi matbuot xizmati xabar berdi.

Ma’lum qilinishicha, loyiha 90 gektar maydonni qamrab oladi. Qurilish ishlarini Doppelmayr/Garaventa Group kompaniyasi amalga oshiradi.

13-oktabr kuni Namangan viloyati hokimi Shavkatjon Abdurazzoqov kompaniya vakillari — Joxannes Triyebnik, Valeriy Yashin va Yevgeniy Kuprin bilan uchrashuv o‘tkazdi. Tomonlar loyiha doirasida barpo etiladigan obyektlar hamda hamkorlik yo‘nalishlarini muhokama qilishdi.

Mazkur loyihani Aisha Group kompaniyasi rahbari, namanganlik tadbirkor Jobirxon Kamalitdinov moliyalashtirmoqda.

Ma’lumot uchun, Doppelmayr/Garaventa Group — Avstriya va Shveysariyada joylashgan, kanatli yo‘llar, gondolalar, liftlar hamda yo‘lovchi va yuk tashish tizimlari ishlab...

Afg‘oniston va Pokiston kuchlari o‘rtasida 15-oktabr kuni yana jangovar to‘qnashuvlar yuz berdi. Bu haqda Reuters agentligi ma’lum qildi.

Tolibon ma’lumotiga ko‘ra, Pokiston tomonidan uyushtirilgan hujum natijasida 12 dan ortiq tinch aholi halok bo‘lgan, 100 dan ziyodi yaralangan.

Pokiston hukumati Afg‘oniston hududida joylashgan jangarilar Pokistonda hujumlar uyushtirayotganini aytmoqda. Afg‘oniston Toliboni esa bu ayblovlarni rad etib, Pokiston o‘z muammolariga bahona izlayapti, deya bayonot berdi.

Tolibon matbuot kotibi Zabihulloh Mujohidning so‘zlariga ko‘ra, Afg‘oniston kuchlari hujumga javoban bir necha Pokiston harbiy postlarini egallagan va o‘nlab askarlarni yo‘q qilgan. Pokiston rasmiylari esa bu ma’lumotni tasdiqlamadi va o‘z hududida to‘rt nafar fuqaro yaralanganini bildirdi.

Mercedes-Benz kompaniyasi tomonidan Vision Iconic avtomobili namoyish etildi. Bu haqda RG xabar bermoqda.

Modeldagi futuristik kupе brendning dizayn va texnologiyalarning yangi davriga kirishini ifodalaydi. Model klassik 1930-yillar uslubini sun’iy intellekt, avtopilot va energiya samaradorligi kabi zamonaviy texnologiyalar bilan uyg‘unlashtiradi.

Tashqi ko‘rinishda asosiy urg‘u — yoritilgan va raqamli effektlarga ega xrom radiator panjarasiga berilgan. Bu g‘oya ilk bor elektr GLC modelida sinovdan o‘tkazilgan edi.

Vision Iconic 4-darajali avtopilot, steer-by-wire (mexanik bog‘lanishsiz rul tizimi) va Solar Paint qoplamasi bilan jihozlangan. Bu qoplama quyosh nurlaridan energiya ishlab chiqaradi va yiliga taxminan 12 ming km qo‘shimcha yurish masofasini ta’minlaydi.

Shuningdek, avtomobil neyromorf hisoblash...

Realme kompaniyasi yangi Realme GT 8 seriyasi taqdimot sanasini e’lon qildi. Taqdimot 21-oktabr kuni Xitoyda bo‘lib o‘tadi. Seriyaga Realme GT 8 va GT 8 Pro modellari kiradi.

GT 8 Pro modeli Snapdragon 8 Elite Gen 5 protsessori va R1 grafik chipi bilan jihozlanadi. Bu Realme’ning yapon kameralar ishlab chiqaruvchisi Ricoh bilan to‘rt yil davom etgan hamkorlik natijasida yaratilgan ilk smartfoni. Qurilmada Ricoh GR’dan ilhomlangan beshta rang profili bo‘ladi: Positive Film, Negative Film, High Contrast Black & White, Standard va Black & White.

Smartfon 2K aniqlikdagi 144 Hz OLED displey, 7 000 mA/soat sig‘imli akkumulyator, 120 Vt tezkor quvvatlanish va...

BMT Taraqqiyot dasturi vakili Jako Sillersning ma’lum qilishicha, Yevropa va arab mamlakatlari, shuningdek, Kanada hamda AQSh G‘azoni qayta tiklash uchun zarur bo‘lgan $70 mlrdlik mablag‘ni ajratishga tayyor. Bu haqda Reuters agentligi ma’lum qildi.

Uning so‘zlariga ko‘ra, ikki yil davom etgan urush natijasida G‘azada 55 mln tonna vayrona hosil bo‘lgan.

Sillersning aytishicha, Isroilning Hamasga qarshi urushi natijasida G‘azo shahrining 80 foizdan ortiq qismi vayron bo‘lgan va hududning to‘liq tiklanishi o‘nlab yillar davom etadi.

«Biz Yevropa davlatlari va Kanadadan ijobiy javob oldik. AQSh bilan ham yordam masalasida muzokaralar ketmoqda», — dedi u BMT matbuot anjumanida.

O‘t...

Osiyo taraqqiyot banki (OTB) O‘zbekiston iqtisodiyotiga $500 millionlik qarz ajratishni ma’qulladi. Ushbu mablag‘ «Iqtisodiy boshqaruvni takomillashtirish dasturi» (2-bosqich) doirasida taqdim etilmoqda.

Dastur ilgari boshlangan islohotlarga asoslanib, davlat korxonalari boshqaruvini zamonaviylashtirish, fiskal shaffoflikni kuchaytirish va raqobatbardosh iqtisodiy muhitni yaratishni maqsad qiladi.

«Bu dastur O‘zbekistonning islohotlar, inklyuziv o‘sish va global integratsiya yo‘lidagi qat’iy sodiqligini aks ettiradi. OTB strategik hamkor sifatida iqtisodiyotni modernizatsiya qilish yo‘lida hukumat bilan birga qat’iy turadi. OTB O‘zbekistonning Jahon savdo tashkilotiga (JST) a’zo bo‘lish va global miqyosda chuqurroq ishtirok etish yo‘lida mamlakatning to‘liq salohiyatini ochib beradigan islohotlarini qo‘llab-quvvatlashga sodiq qoladi», — deydi OTBning O‘zbekistondagi...

Slovakiya o‘zbekistonliklar uchun viza tartibini soddalashtirish masalasini ko‘rib chiqmoqda. Bu haqda Bratislavada O‘zbekiston va Slovakiya Tashqi ishlar vazirliklari o‘rtasida ilk konsullik maslahatlashuvlarida ma’lum qilindi.

Uchrashuvda viza rasmiylashtirish tartibini soddalashtirish, mehnat migratsiyasi va konsullik ma’lumotlari almashinuvi masalalari muhokama qilingan.

Slovakiya tomoni arizalarni ko‘rib chiqish muddatini uch oydan bir oygacha qisqartirish imkoniyati ko‘rib chiqishi ma’lum qilgan. Slovakiya Migratsiya masalalari agentligi O‘zbekistondan ishchi muhojirlarni Volvo zavodida ishga jalb qilish rejalari haqida xabardor etiladi. Shu bilan birga, migrantlar uchun slovakiya tilini o‘rgatish bo‘yicha maxsus kurslar tashkil etish rejalashtirilmoqda.

Shuningdek, ikki davlatning tegishli idoralari mehnat migratsiyasini tartibga solish, mobillik va readmissiya masalalari bo‘yicha ikki...

2026-yilda AQSh, Kanada va Meksikada boʻlib oʻtadigan Jahon chempionatida ishtirok etadigan 48 jamoadan 28 tasi yoʻllanmani naqd qildi.

14-oktabr oqshomida Yevropa qit’asidan birinchi boʻlib, Angliya terma jamoasi musobaqadagi ishtirokini rasmiylashtirgan boʻlsa, Afrika qit’asidan Senegal va Kot-dʼIvuar terma jamoalari ham oʻz yoʻllanmalarini qoʻlga kiritdi.

Shuningdek, Osiyodan 4-bosqich saralash o‘yinlarida Qatar 2:1 hisobida BAAni mag‘lub etdi va guruhda 1-o‘rinni egalladi. Saudiya esa Iroq bilan 0:0 o‘ynadi va to‘plar nisbatiga ko‘ra, mundial yo‘llanmasini naqd qildi.

Endi yarimta yo‘llanma uchun BAA va Iroq yana o‘ynaydi. Ularning g‘olibi Qit’alararo saralashga chiqadi.

15-oktabr holatiga koʻra, «JCh – 2026″ga «Qora qit’a»dan 9, Osiyodan 8, Janubiy Amerikadan...

Farg‘ona shahrida katta miqdordagi noqonuniy tamaki mahsulotlari yo‘q qilindi. Bu haqda Majburiy ijro byurosi xabar berdi.

Byuroning Farg‘ona shahar bo‘limi tomonidan 12 ta holatda umumiy qiymati 486 million so‘mlik, 34,6 ming quti tamaki mahsulotlari aniqlangan va sud qarori asosida musodara qilingan. So‘ng ularni yo‘q qilish maqsadida shaharining chekkasida joylashgan maxsus chiqindi poligonida keng ko‘lamli tadbir o‘tkazildi.

Mazkur tadbir kontrabanda mahsulotlariga qarshi kurashdagi qat’iylik va izchillikni yana bir bor ko‘rsatdi. Huquqni muhofaza qiluvchi organlar bu boradagi nazoratni yanada kuchaytirishni davom ettiradi.

Avvalroq Farg‘onada kuchli ta’sir qiluvchi dori vositalari savdosiga chek qo‘yilgani haqida xabar berilgandi. Xabarga ko‘ra, Xo‘ja Ahmad...

Bangladesh poytaxti Dakka shahrida joylashgan kiyim-kechak fabrikasida chiqqan yong‘in kamida 16 kishining hayotiga zomin bo‘ldi. Yong‘in seshanba kuni tushdan keyin uchinchi qavatda boshlangan va tez orada kimyoviy omborga tarqalgan, deya xabar bermoqda Reuters.

Yong‘in xizmati rahbari Tajul Islom Choudhuri ma’lumotiga ko‘ra, qurbonlar soni ortishi mumkin, chunki qutqaruv ishlari hali davom etmoqda. Omborda vodorod peroksid, plastmassa va oqartiruvchi moddalarning mavjudligi alangani o‘chirishni murakkablashtirgan.

Dastlabki ma’lumotlarga ko‘ra, fabrikada yong‘inga qarshi xavfsizlik tizimi bo‘lmagan, ayrim eshiklar esa temir panjara bilan berkitilgan. Portlash vaqtida zaharli gaz tarqalib, ko‘plab ishchilar hushini yo‘qotgan va binodan chiqib ulgurmagan.

Yong‘in natijasida jasadlar tanib bo‘lmas darajada kuygan. Mutasaddilar...

Madagaskarda harbiylar mamlakat hokimiyatini egallab, prezident Andri Rajoelinani lavozimidan chetlatdi. Bu haqda Reuters agentligi ma’lum qildi.

Unga ko‘ra, prezident parlament tomonidan impichment qilinganidan so‘ng mamlakatni tark etishga majbur bo‘lgan.

Polkovnik Maykl Randrianirina davlat radiosida chiqish qilib, armiyaning hokimiyatni o‘z qo‘liga olganini e’lon qildi. Uning ta’kidlashicha, barcha davlat institutlari, jumladan, Senat, Konstitutsiyaviy sud va Markaziy saylov komissiyasi faoliyati vaqtincha to‘xtatiladi. Mamlakatni ikki yil davomida harbiylar boshchiligidagi o‘tish davri hukumat boshqaradi va yangi saylovlar o‘tkaziladi.

So‘nggi haftalarda yoshlar boshchiligidagi ommaviy noroziliklar mamlakatni beqarorlik girdobiga tortdi. Avval suv va elektr ta’minotidagi uzilishlarga qarshi boshlangan namoyishlar tez orada korrupsiya, ishsizlik va yomon boshqaruvga...

Prezident topshirig‘iga binoan 15-oktabrdan O‘zbekiston bo‘ylab tozalik va ozodalik oyligi boshlandi. Bu haqda Ekologiya vazirligi xabar berdi.

Ushbu oylik davomida mahallalar, maktab va bog‘chalar, ko‘chalar hamda turarjoylarda tozalash ishlari olib boriladi.

Tadbirlar davomida volontyorlar va yosh eko-faollar ishtirokida turli tozalik aksiyalari hamda plogginglar (yugurib chiqindi yig‘ish tadbirlari) o‘tkaziladi. Barcha tashkilot rahbarlari, jumladan, Ekologiya vazirligi rahbariyati bu ishda shaxsiy namuna ko‘rsatib, faol qatnashadi.

Shu bilan birga, Ekologiya vazirligi, Bosh prokuratura, Milliy gvardiya va Ichki ishlar vazirligi xodimlaridan iborat maxsus shtablar tuzilmoqda. Ular viloyat, tuman va shaharlarda qat’iy ekologik nazoratni yo‘lga qo‘yadi hamda jamoatchilikka kundalik ma’lumot berib boradi.

Oylik davomida...

15-oktabr kuni oltin quymalar narxi rekordni yana bir bor yangiladi. Bu haqda Markaziy bank axborot xizmati xabar berdi.

Regulyator xabariga ko‘ra, narxlar barcha toifadagi quymalar bo‘yicha o‘sdi. Xususan, 5 grammli quyma 8,314 mln so‘mdan 8,417 mln so‘mga, 10 grammli quyma 16,628 mln so‘mdan 16,834 mln so‘mga, 20 grammli quyma 33,255 mln so‘mdan 33,668 mln so‘mga ko‘tarildi.

Shuningdek, 50 grammli quyma 84,169 mln so‘m, 100 grammli esa 168,338 mln so‘mni tashkil etdi.

Jahon bozorida ham oltin narxi oshmoqda. Xususan, 15-oktabr kuni Toshkent vaqti bilan soat 09:39 holatiga ko‘ra, jahon bozorida oltinning spot narxi bir troya unsiyasi uchun $4177,46 ga yetdi.

Avvalroq 2025-yil...

Banklar 15-oktabr kungi xorijiy valyutalarni ayirboshlash kurslarini yangiladi. Kursiv Uzbekistan eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, Kursiv Uzbekistan AQSh dollari qanchaga oshgani haqida yozgan edi. 

Xitoyda yangilangan Zeekr 001 elektromobili sotuvga chiqdi. Bu haqda «Kitayskie avtomobili» nashri xabar bermoqda.

Savdolar boshlanganidan so‘ng bir necha kun ichida 10 mingdan ortiq buyurtma qabul qilingan. Modelning narxi 270 ming yuandan ($37 ming) boshlanadi. Dastlabki xaridorlar allaqachon avtomobillarini qabul qilib olishni boshlagan.

Yangilangan model orqa yurituvli versiya 503 ot kuchiga, to‘liq yurituvchisi esa 925 ot kuchiga ega. 0 dan 100 km/soatgacha tezlashish atigi 2,83 soniya davom etadi, maksimal tezlik esa 280 km/soatga yetadi.

Avtomobil bir quvvatda 640 dan 810 km gacha yo‘l bosadi. Bu ko‘rsatkich Zeekr 001’ni Tesla va Porsche elektromobillariga raqobatchi darajaga olib chiqmoqda.

Shuningdek, mashina...

Chernogoriya hukumati O‘zbekiston fuqarolari uchun amal qilib kelgan vaqtinchalik vizasiz tartibni bekor qilish to‘g‘risida qaror qabul qildi. Mazkur tartib 2025-yil 1-noyabrdan kuchga kiradi, deb xabar bermoqda mamlakat hukumatining axborot portali.

Qaror 2024 – 2027-yillar Islohotlar kun tartibi doirasida hamda Yevropa Ittifoqining 24-bobi — viza siyosati talablarini bajarish maqsadida qabul qilingan. Chernogoriya hukumati bu bilan o‘z viza siyosatini Yevropa Ittifoqi me’yorlariga to‘liq moslashtirishni va YI a’zoligiga qo‘shilish yo‘lidagi majburiyatlarini bajarishga sodiqligini bildirdi.

Endilikda O‘zbekiston fuqarolari Chernogoriyaga safar qilish uchun konsullik yoki viza markazlari orqali rasmiy viza olishlari kerak bo‘ladi. Avval esa ular 180 kunlik muddat ichida 90 kungacha vizasiz kirish...

Samsung kompaniyasi Galaxy S22, S22 Plus va S22 Ultra modellari uchun mo‘ljallangan One UI 8.0 yangilanishini tarqatishni to‘xtatdi. Bu haqda Sammobile nashri xabar bermoqda.

Yangilanish Samsung serverlaridan olib tashlangan. Kompaniya bu bo‘yicha rasmiy izoh bermagan, biroq odatda bunday holat muhandislar tizimda jiddiy xatolik aniqlaganida yuz beradi. Ular bunday paytda tarqatishni to‘xtatib, muammoni bartaraf etuvchi hotfix versiyasini tayyorlaydi.

Agar One UI 8 allaqachon o‘rnatilgan bo‘lsa, foydalanuvchilar uni avvalgi versiyaga qaytara olmaydi. Dastlabki fikrlarga ko‘ra, yangi tizim barqaror ishlamoqda va hatto unumdorlik biroz oshgan.

Yangilanishni hali yuklab ulgurmaganlar esa biroz kutishlariga to‘g‘ri keladi — hozircha One UI 8.0 versiyasi Samsung’ning rasmiy...