Yangiliklar

2026-yilning yanvar – mart oylarida O‘zbekistonda elektr energiyasi ishlab chiqarish hajmi 7 foizga oshdi. Bu haqda Energetika vazirligi matbuot kotibi Dildora Xashimova ma’lum qildi.

Ma’lumotlarga ko‘ra, yilning dastlabki uch oyida respublikada jami 23 mlrd 317 mln kVt/soat elektr energiyasi ishlab chiqarilgan. Bu 2025-yilning mos davriga nisbatan 1 mlrd 471 mln kVt/soatga ko‘p. Shu davrda iste’molchilarga 20 mlrd 163 mln kVt/soat elektr energiyasi yetkazib berilgan. Bu ko‘rsatkich o‘tgan yildagiga nisbatan 262 mln kVt/soatga, ya’ni 1 foizga oshgan.

Energetika sohasida olib borilayotgan modernizatsiya ishlari va yangi generatsiya quvvatlarining ishga tushirilishi tizim barqarorligini oshirmoqda. Bu esa aholi hamda iqtisodiyot tarmoqlarini uzluksiz elektr...

Toshkentdagi katolik jamoasi Pasxa bayramini Iso Masihning muqaddas qalbi soborida nishonladi. Kursiv Uzbekistan ushbu voqeadan fotoreportaj tayyorladi.

Pasxa xristian dunyosining eng muhim bayrami hisoblanadi. U Iso Masihning tirilishi bilan bog‘liq. Xristian ta’limotiga ko‘ra, Iso Masih xochga mixlanganidan uch kun o‘tib tirilgan. Bu hodisa hayotning o‘lim ustidan g‘alabasi va najot umidining ramzi sifatida qaraladi.

Katolik an’anasida Pasxaga tayyorgarlik ancha oldin boshlanadi. Bu davr 40 kun davom etadigan Katta ro‘za bilan bog‘liq. Bayramning asosiy marosimlari Muqaddas hafta kunlarida o‘tkaziladi. Eng muhim lahza esa tantanali Pasxa ibodatidir.

Iso Yuragi soborida bayram kuni dindorlar an’anaviy muqaddas messa (yig‘ilish) uchun to‘planadi. Marosim odatda Pasxa shamini...

O‘zbekistonlik shaxmatchi Javohir Sindarov Kiprda bo‘lib o‘tayotgan Nomzodlar turnirining yettinchi turida niderlandiyalik Anish Giri bilan durang o‘ynadi. Ushbu natijadan so‘ng u birinchi davra yakuniga ko‘ra 6 ochko jamg‘arib, yetakchilikni mustahkamladi.

Yettinchi turda oq donalarda harakat qilgan Sindarov partiya davomida kichik ustunlikka erishdi, biroq raqib pozitsiyani tenglashtirishga muvaffaq bo‘ldi. Birinchi davra yakunlariga ko‘ra, 20 yoshli grossmeyster hisobida 5 ta g‘alaba va 2 ta durang mavjud.

Turnir jadvalida uning eng yaqin ta’qibchisi amerikalik Fabiano Karuana bo‘lib, u 4,5 ochko to‘plagan. Uchinchi va to‘rtinchi o‘rinlarni mos ravishda 3,5 ochkodan jamg‘argan Anish Giri hamda Pragnanandha Rameshbabu egallab turibdi.

Ma’lumotlarga ko‘ra, 7 imkoniyatdan...

O‘zbekistonlik elektr muhandislari uchun Janubiy Koreyada E-7-1 vizasi asosida yuqori maoshli ish o‘rinlari taklif etildi. Bu haqda Migratsiya agentligi xabar bermoqda.

Ma’lumotlarga ko‘ra, ish o‘rinlari butun Janubiy Koreya bo‘ylab joylashgan. Mehnat shartnomasi 3 yilga tuziladi va ish samaradorligiga qarab uzaytirilishi mumkin. Jami 20 ta bo‘sh ish o‘rni mavjud. Nomzodlarga oyiga 2 mln 390 ming koreys voni miqdorida maosh taklif etilmoqda. Bu taxminan $1,6 mingga teng. Qo‘shimcha ishlangan soatlar uchun haq 1,5 baravar ko‘p to‘lanadi.

Ish beruvchi tomonidan tushlik bepul taqdim qilinadi, ish kiyimi ham kompaniya hisobidan beriladi. Turarjoy xarajatlari esa kompaniya va xodim o‘rtasida teng taqsimlanadi. Kommunal to‘lovlar xodim...

Italiya A Seriyasining 31-turi doirasida «Inter» o‘z maydonida «Roma»ni qabul qilib, 5:2 hisobida mag‘lub etdi. Uchrashuv «Juzeppe Meatsa» stadionida bo‘lib o‘tdi.

Jarohatdan forig‘ bo‘lib maydonga qaytgan Lautaro Martines uchrashuvning birinchi daqiqasidayoq hisobni ochdi. 40-daqiqada rimliklar safida Janluka Manchini hisobni tenglashtirdi. Birinchi bo‘limga qo‘shib berilgan daqiqalarda Hoqon Chalxano‘g‘li uzoq masofadan super zarbasi bilan darvozabonni ojiz qoldirib, hisobni oshirdi.

Ikkinchi bo‘limni milanliklar hujumlar bilan boshladi. Dastlab 52-daqiqada Lautaro Martines dublni rasmiylashtirgan bo‘lsa, oradan 3 daqiqa o‘tib Markus Tyuram o‘z hisobiga gol yozib qo‘ydi. Nikolo Barella 63-daqiqada hisobni yirik 5:1 ko‘rinishiga olib keldi.

70-daqiqada hamda Lorenso Pellegrini hisobni qisqartirdi va o‘yindagi yakuniy...

Tijorat banklari tomonidan 6-aprel kungi xorijiy valyutalarni ayirboshlash kurslari yangilandi. «Kursiv» eng yaxshi narxdagi xorijiy valyuta kurslari haqidagi ma’lumotni taqdim qiladi.

Valyuta sotib olish uchun eng qulay banklar

Valyuta sotish uchun eng qulay banklar

Eslatib o‘tamiz, avvalroq Kursiv Uzbekistan hafta davomida dollar kursi qanday o‘zgargani haqida yozgan edi.

Yo‘l harakati xavfsizligi xizmati elektrosamokatlar uchun haydovchilik guvohnomasi joriy etilgani haqidagi ma’lumotlar noto‘g‘ri ekanini ma’lum qildi. Bu haqda YHXX axborot xizmati rahbari Zoyir Yo‘ldoshov izoh berdi.

Ma’lum qilinishicha, 30-mart kuni qabul qilingan hukumat qarori asosida Yo‘l harakati qoidalariga o‘zgartirishlar kiritilgan. Unga ko‘ra, ayrim kichik hajmdagi mototransport vositalarini boshqarish uchun A1 toifasi talab etiladi.

Biroq bu talab individual harakatlanish vositalariga taalluqli emas. Ya’ni elektrosamokat, elektr skeytbord, segvey, monog‘ildirak kabi transport vositalarini boshqarish uchun haydovchilik guvohnomasi kerak bo‘lmaydi.

Ammo bunday vositalarda harakatlanishda belgilangan qoidalarga amal qilish zarur: avvalo, veloyo‘laklardan foydalanish, ular bo‘lmagan holatda esa yo‘l chetidan yurish tavsiya...

Prezident Administratsiyasi rahbari Saida Mirziyoyeva AQSh prezidentining Janubiy va Markaziy Osiyo bo‘yicha maxsus vakili, elchi Serjio Gor bilan uchrashdi. Bu haqda u o‘zining Telegram-kanalida ma’lum qildi.

Uchrashuv Mar-a-Lagoda bo‘lib o‘tgan. Mirziyoyeva ushbu uchrashuvdan mamnunligini bildirib, samimiy mehmondo‘stlik va iliq qabul uchun minnatdorlik izhor etdi. Uning ta’kidlashicha, muloqot mazmunli hamda konstruktiv ruhda o‘tgan.

«Bo‘lib o‘tgan mazmunli va konstruktiv muloqotni yuksak qadrlayman hamda yaqin kunlarda Vashingtonda samarali uchrashuvlar o‘tkazilishiga umid qilaman», – deya qayd etgan Mirziyoyeva.

Eslatib o‘tamiz, Kursiv Uzbekistan nashri Saida Mirziyoyeva Administratsiyada kadrlar tarkibini yangilagani haqida yozgan edi.

Farg‘ona viloyatining Qo‘shtepa tumanida fermer xo‘jaligi rahbari yer maydonini noqonuniy tarzda sotishga uringanida ushlandi. Bu haqda Davlat xavfsizlik xizmati (DXX) xabar bermoqda.

Ma’lumotlarga ko‘ra, fermer yer maydonini xaridor nomiga rasmiylashtirib berishni va’da qilib, buning evaziga $20 ming hamda 100 mln so‘m talab etgan. U 3,7 gektar yer uchastkasini 7 gektar deb ko‘rsatib, xaridorni chalg‘itishga harakat qilgan.

Davlat xavfsizlik xizmati va Iqtisodiy jinoyatlarga qarshi kurashish departamenti xodimlari hamkorligida o‘tkazilgan tezkor tadbirda u kelishilgan pulning $15 ming qismini uchinchi shaxs orqali olayotgan vaqtda qo‘lga olingan.

Mutasaddilar ta’kidlashicha, yer davlatning strategik resursi hisoblanadi. Uni noqonuniy sotish yoki rasmiylashtirishga urinish nafaqat iqtisodiyot, balki...

AQShda noodatiy Chevrolet Camaro savdoga chiqarildi. 2010-yilgi modelga samolyot uchun mo‘ljallangan Boeing T50 turbina dvigateli o‘rnatilgan. Auksionda avtomobil uchun hozircha $25 ming atrofida taklif berilgan.

Mazkur loyiha Turbinaro nomi bilan tanilgan. U oddiy seriyali avtomobil emas, balki qariyb 9 yil davomida yaratilgan noyob kustom mashinadir. Keyinchalik mashhur bloger Cleetus McFarland tomonidan ham takomillashtirilgan. Avtomobilning eng asosiy farqi – klassik dvigatel o‘rniga aviatsiya turbinasining qo‘llanilgani. Boeing T50 dvigateli reaktiv yonilg‘ida ishlaydi va juda katta shovqin hamda yuqori yonilg‘i sarfi bilan ajralib turadi. Shuningdek, unda forsaj rejimi ham mavjud.

Boshqaruv tizimi ham oddiy emas. Mashinada turbina uchun alohida panel o‘rnatilgan. Bu...

Xalqaro valyuta jamg‘armasi (XVJ) global moliya tizimida tokenlashtirish jarayonlari yangi xavflarni keltirib chiqarishi mumkinligini ma’lum qildi. Bloomberg nashriga ko‘ra, blokcheynga asoslangan savdo infratuzilmasi inqirozlar tezligini oshirib, regulyatorlarning aralashish imkoniyatini cheklashi mumkin.

XVJ vakili Tobias Adrianning hisobotida ta’kidlanishicha, tokenizatsiya oddiy texnologik yangilanish emas, balki moliya tizimining tubdan o‘zgarishidir. Bu jarayon aksiyalar, obligatsiyalar va boshqa aktivlarni raqamli tokenlarga aylantirish orqali savdoni tezlashtiradi.

Yirik moliya institutlari allaqachon ushbu texnologiyani sinovdan o‘tkazmoqda. Jumladan, BlackRock va JPMorgan kabi kompaniyalar tokenizatsiya asosida yangi savdo mexanizmlarini test qilmoqda. Nasdaq esa AQSh regulyatoridan tokenlashtirilgan aksiyalarni savdoga qo‘yish uchun ruxsat so‘ragan. Shuningdek, Nyu-York fond birjasi blokcheyn asosida...

6-aprel kuni O‘zbekistonda ob-havo o‘zgaruvchan bo‘ladi. Kunning ikkinchi yarmida ayrim hududlarda yomg‘ir yog‘ishi, ba’zi joylarda momaqaldiroq kuzatilishi mumkin.

Toshkent viloyati va Farg‘ona vodiysi hududlarida esa yog‘ingarchilik kutilmaydi. Shamol 7–12 m/s tezlikda esadi. Ayrim joylarda u 13–18 m/s gacha kuchayishi mumkin. Havo harorati 18–23 daraja atrofida bo‘ladi, ayrim hududlarda 24–26 darajagacha ko‘tariladi.

Toshkent shahrida kun davomida yog‘ingarchilik kuzatilmaydi. Shamol 5–10 m/s tezlikda esadi. Harorat 24–26 darajani tashkil etadi. Tog‘ oldi va tog‘li hududlarda esa ob-havo nisbatan beqaror bo‘ladi. Ba’zi joylarda yomg‘ir yog‘adi, momaqaldiroq bo‘lishi mumkin. Ayrim hududlarda tuman tushishi kutilmoqda.

Gidrometeorologiya xizmati agentligining ogohlantirishicha, tog‘li hududlarda sel-suv toshqinlari yuzaga kelishi...

Great Wall Motor’ning Haval brendi yangi Haval C06 flagman yo‘ltanlamas modelini sinov jarayonida ko‘rsatdi. Bu haqda CarNewsChina nashri xabar bermoqda.

Tarqalgan rasmlarga ko‘ra, model to‘g‘ri chiziqli, «boxy» dizaynga ega. Old qismida to‘rtburchak faralar va yopiq panjaraga yaqin yechim qo‘llangan. Eng e’tiborga molik jihat, tom qismiga o‘rnatilgan LiDAR sensori bo‘lib, u rivojlangan haydovchiga yordam tizimlari mavjudligini ko‘rsatadi.

Kuzov o‘lchamlari ham yirik segmentga mos. Avtomobil uzunligi 5 metrdan oshadi, kengligi esa taxminan 2 metrga yaqin. Yon tomonda statsionar pog‘onalar va klassik eshik tutqichlari saqlangan. Salon 2+2+2 formatda, ya’ni 6 o‘rindiqli qilib joylashtirilgan. Bu model oilaviy foydalanishga mo‘ljallanganini bildiradi. Ichki qism hali...

AQSh prezidenti Donald Tramp Hormuz bo‘g‘ozi bloklanishi sababli Eronga haqoratli tahdid qildi. Bu haqda BBC xabar bermoqda.

Tramp o‘zining Truth Social tarmog‘idagi sahifasida keskin bayonot qoldirdi. U Eron elektr stansiyalari va ko‘priklari nishonga olinishi mumkinligini ta’kidladi. Shu bilan birga, AQSh yetakchisi muzokaralar orqali kelishuvga erishish ehtimoli ham borligini bildirgan. Eron rasmiylari bu bayonotni keskin rad etgan. Tehron vakillari Trampning so‘zlarini asabiy va asossiz deb baholab, ular bo‘g‘oz ochilishi faqat urush oqibatlari uchun kompensatsiya masalasi hal qilingandan keyin ko‘rib chiqilishini aytmoqda.

Yaqin Sharqdagi vaziyat keskinlashib bormoqda. So‘nggi haftalarda AQSh va Isroil tomonidan Eron hududiga zarbalar berildi. Eron esa bunga javoban...

5-aprel kuni soat 15:56 atrofida Toshkent shahrining Chilonzor tumanidagi «Beshqo‘rg‘on» savdo majmuasida yong‘in yuz berdi. Bu haqda Favqulodda vaziyatlar vazirligi (FVV) xabar bermoqda.

Guvohlarning aytishicha, yong‘in natijasida bozordagi bir nechta do‘konlar alangaga o‘ralgan. Yong‘in o‘chirish ekipajlari maxsus texnika yordamida olovni qisqa vaqt ichida nazoratga olishga kirishgan. Dastlabki ma’lumotlarga ko‘ra, hodisa oqibatida jabrlanganlar yo‘q. Yong‘in sabablari hozircha aniqlanmoqda. Yong‘inni o‘chirish jarayonida Favqulodda vaziyatlar vaziri Azizbek Ikromov ham ishtirok etgan.

Vazirlik qutqaruvchilarning harakatlari natijasida yirik talafotlarning oldi olinganini aytmoqda. Xususan, savdo majmuasining 3000 kv.m maydoni hamda undagi moddiy boyliklar saqlab qolingan. Shuningdek, yong‘in yaqin hududdagi avtomobillarga yonilg‘i quyish shoxobchasi va...

Kursiv Uzbekistan o‘tgan haftada xorij va O‘zbekistonda sodir bo‘lgan yangiliklarni bir joyga jamladi.

Yaqin Sharqdagi notinchlik sabab neft narxi 115 dollardan oshdi

AQSh va Isroilning Eron hududlariga davom etayotgan hujumi hamda Yaqin Sharqdagi notinchlik sabab neft narxi $115 dan oshdi. BBC nashrining yozishicha, Osiyo fond bozorlarida ayrim kompaniyalarning aksiyalari pasayishni boshlagan.

Brent nefti narxi 3% dan ko‘proq oshib, $115 dan yuqoriga chiqdi. AQShda savdo qilinadigan neft esa 3,5% ga ko‘tarilib, $103 ga yetdi. Bu brent uchun tarixdagi eng katta oylik o‘sishlardan biri bo‘lishi mumkin.

Bir qator hududlarda giyohvandlik moddalari savdosiga chek qo‘yildi

Foto: DXX

Saudiya Arabistonida Umra safariga borgan 170 dan ortiq o‘zbekistonliklar vatanga qaytishda muammoga duch kelmoqda. Ularning aksariyati noqonuniy tashkilotchilar sabab qiyin vaziyatda qolgan.

«Dunyo» axborot agentligi xabariga ko‘ra, Makka shahridagi mehmonxonalarda hozirda 170 nafardan ortiq ziyoratchi O‘zbekistonga qaytishni kutmoqda.

Diplomatlar ularning holatini o‘rganish maqsadida joyiga borib, fuqarolar bilan uchrashgan. Ma’lum bo‘lishicha, ziyoratchilar 14 kunlik safar bilan kelgan bo‘lsa-da, safarni tashkil qilgan shaxslarning noto‘g‘ri harakatlari sabab belgilangan muddatda ortga qaytolmagan.

Ziyoratchilar orasida yoshi katta insonlar ko‘pchilikni tashkil etadi. Ular orasida yurak xastaligi, qandli diabet va qon bosimi kabi kasalliklardan aziyat chekayotgan fuqarolar ham borligi qayd etilgan.

Mutasaddilar so‘nggi yillarda litsenziyasiz faoliyat...

Chevrolet Tracker 2026 uchun aprel oyida foydali takliflar e’lon qilindi. Xaridorlar past foizli kredit, 90 kun to‘lovsiz muddat va arzon lizing imkoniyatiga ega bo‘lishi mumkin. Bu haqda GMAuthority nashri xabar berdi.

Takliflar AQSh bozorida 30-aprelgacha amal qiladi.

Moliyalashtirish doirasida xaridorlarga 2,9% stavkada 48 oygacha kredit, shuningdek, dastlabki 90 kun davomida to‘lovsiz davr taklif etilmoqda. Bundan tashqari, $500 miqdorida naqd chegirma ham mavjud.

Lizing variantlari ham e’tiborga molik. Xususan, Trax LT modeli uchun oyiga $269 – 309 oralig‘ida 24 oylik lizing dasturlari taklif qilinmoqda. Shartlarga ko‘ra, yiliga 10 ming mil yurish limiti belgilanadi va boshlang‘ich to‘lov miqdori tanlangan variantga qarab...

NASAning Orion kosmik kemasi Oyga parvoz davomida kamdan-kam kuzatiladigan Orientale havzasining to‘liq tasvirini olishga muvaffaq bo‘ldi. Bu haqda NASA Artemis xabar berdi.

NASA tomonidan e’lon qilingan yangi surat Artemida II missiyasi ekipaji tomonidan olingan. Unda Oy diskining chekkasida joylashgan mashhur Orientale Basin aniq ko‘rinishda aks etgan.

Mutaxassislar ta’kidlashicha, bu ilk bor ushbu ulkan krater tizimi deyarli to‘liq holatda oddiy kuzatuv orqali ko‘rinmoqda.

Ayni paytda Orion kemasi Oy sari yo‘lning uchdan ikki qismini bosib o‘tgan. Parvozning to‘rtinchi kunida astronavtlar Oy atrofidan uchib o‘tish jarayoni uchun tayyorgarlik ko‘rmoqda hamda kemani qo‘lda boshqarish mashqlarini bajarmoqda.

Shu bilan birga, NASA yangi optik aloqa...

Farg‘ona viloyatida qarz va onlayn qimor sabab kelib chiqqan mojaro qotillik bilan yakunlandi. Sud 18 yilga qamoq jazosi tayinladi, deya xabar berdi 3-aprel kuni «Ovoza» informatsion dasturi.

Ma’lumotlarga ko‘ra, 32 yoshli erkak bir necha oy davomida onlayn qimor o‘yinlariga berilib ketgan va buning uchun atrofdagilardan qarz olib kelgan. U tanishlaridan birining ishonchiga kirib, undan ham bir necha bor pul olib, jami 15 million so‘m qarzdor bo‘lib qolgan.

Qarz o‘z vaqtida qaytarilmagani sabab ular o‘rtasida nizo yuzaga kelgan. Voqea kuni erkak tanishini go‘yoki pulni qaytarish bahonasida uchrashuvga chorlab, birga yo‘lga chiqqan.

Yo‘l davomida u avtomobil ichida jabrlanuvchiga pichoq bilan hujum...

Geely tarkibidagi Zeekr brendi o‘zining mashhur elektr liftbeki Zeekr 001’ning 5 yillik yubileyiga bag‘ishlangan maxsus modelni namoyish qildi. Bu haqda Carnewschina nashri xabar berdi.

Yangi Zeekr 001 5th Anniversary Edition modeli FR-Line dizayn paketi bilan ajralib turadi. Unda qizil aksentlar, 22 dyuymli g‘ildiraklar, karbon spoiler va qoraytirilgan tom kabi sport elementlari qo‘llangan.

Salon ham sport ruhida bezatilgan: Alcantara va teridan ishlangan o‘rindiqlar, qizil xavfsizlik kamarlar, zamonaviy bezaklar hamda 29 ta dinamikdan iborat audio tizim o‘rnatilgan.

Texnik jihatdan model juda kuchli: ikki dvigatelli to‘liq yuritma tizimi 680 kVt (912 ot kuchi) quvvat ishlab chiqaradi. Avtomobil 0 dan 100 km/soatgacha atigi...

2026-yilgi Chevrolet Traverse kengroq komplektatsiyalar va qo‘shimcha opsiyalar bilan taqdim etildi. Bu haqda GMAuthority nashri xabar berdi.

Model qatorining eng qimmat versiyasi – RS AWD (to‘liq yuritma) bo‘lib, uning boshlang‘ich narxi $59 395 ni tashkil qiladi.

Biroq qo‘shimcha opsiyalar qo‘shilgach, avtomobil narxi sezilarli darajada oshadi. To‘liq jihozlangan variantning umumiy qiymati $71 158 ga yetadi (yetkazib berish xarajatlarisiz).

Narxning oshishiga asosiy sabab – texnologik va qulaylikka yo‘naltirilgan opsiyalar. Jumladan, Super Cruise tizimiga ega OnStar xizmatining kengaytirilgan paketi $3 ming turadi. Bu tizim mos avtomagistrallarda qo‘l tekkizmasdan haydash imkonini beradi.

Shuningdek, yordamchi haydovchi paketlari, sayohat uchun maxsus to‘plamlar, panoramali lyuk, premium...

Xiaomi Redmi G25 2026 modelini taqdim etdi. 240 Gts yangilanish tezligiga ega monitor arzon narxi bilan e’tiborni tortmoqda. Bu haqda Gizmochina nashri xabar berdi.

Xiaomi 24,5 dyuymli Redmi G25 2026 monitorini rasman namoyish qildi. Qurilma Full HD (1920×1080) ruxsat va 240 Gts yangilanish tezligini qo‘llab-quvvatlaydi.

Monitor tezkor IPS panel bilan jihozlangan bo‘lib, 1 ms (GTG) javob vaqti hamda 178 darajagacha keng ko‘rish burchagini taqdim etadi. Qurilma VESA DisplayHDR 400 sertifikatiga ega bo‘lib, maksimal yorqinligi 400 nitni tashkil qiladi.

Shuningdek, model AdaptiveSync texnologiyasini qo‘llab-quvvatlaydi va Nvidia G-Sync hamda AMD FreeSync bilan mos ishlaydi.

Rang uzatish borasida monitor 100% sRGB va...

Diyora Keldiyorova uzoq tanaffusdan so‘ng yana mashg‘ulotlarga kirishdi va kelajakdagi musobaqalarda ishtirok etishni rejalamoqda. Bu haqda sportchi o‘zining Instagram sahifasida ma’lum qildi.

Dzyudo bo‘yicha «Parij – 2024» yozgi Olimpiya o‘yinlari chempioni Diyora Keldiyorova sport faoliyatini davom ettirish niyatida ekanini ma’lum qildi. Hozirda u yakka tartibda mashg‘ulot olib bormoqda.

Sportchining aytishicha, uzoq tanaffusdan keyin darhol terma jamoa yig‘inlariga qo‘shilish oson emas. Shu sabab u, avvalo, jismoniy holatini tiklashga e’tibor qaratmoqda.

Keldiyorova qaysi musobaqada qatnashishini hozircha aniq aytmagan. Agar sport formasi tez tiklansa, u Osiyo o‘yinlarida ishtirok etishi mumkin. Aks holda, keyingi musobaqalardan birida tatamiga qaytishni rejalashtirmoqda.

Eslatib o‘tamiz, sportchi Olimpiadadan...